أنا كوز كبير جدا .... جدا

أوووووووووووووووف


قررت ان اعلن عن كوزنتي الامنتهية .. وانى كوز قديم وكبير جدا

وذلك بشرط :
ان أكون كوز بتعريف بعض أهل البورد

مش بالتعريف الحقيقي لكلمة كوز


وتعريف الكوز حسب وجهة نظر البعض هنا فى البورد :

الكوز هو كل من قال كلام لا اتفق معه ... فتكون أسهل طريقة للاقصاء هي اتهامه بالكوزنة


وبهذا التعريف الغريب ... يسرنى ويطيب لى أن اعلن ان كونى كوز هو شرف كبير لى


وأشكر كل من اتهمنى بذلك

سلامات يا كــــــــــــــــوز

عقبال ما تبقى (جــــــــــــــــــــــــك)

البورد بورد الله وكلنا كيزانه

يا ابوتميم ، انا غايتو ما عارف ، لكن الجماعة حايقوموا عليك

هاشم نوريت


الاخ كوز معانا ولا مع الخيانة ؟؟



جك دي ما بتشبع طموحى .. انا داير ابقى زير عديل كده

يازول

Quote: البورد بورد الله وكلنا كيزانه

الكلام ده بدينك .. اعمل حسابك


وبخصوص قومة الجماعة .. قول ليهم القومة للوطن


أرقدوا عافية

تصدق فى الأول ما عرفتك

يا جماعة الزول ده ما كوز ، ده تقدمى

سلامات يا كوز
صدقنى اديت فرصة للجماعة اياهم وخليك جاهز
حسى يجوك نا ياجوج و ماجوج و هاك يا كلام
قايتو نطلع الحيطة و نسمع الزيطة.
فتك بعافية يا شاب.
بس ما تكون الملاريا هى السبب ربنا يستر.

ابو تميم

قلتا اخير تتهم روحك قبل يتهموك بيها

كوز هنا معناها اى زول مافى الكوم الكبير بتاع الهجيج والاغانى
لكن اخوى اللدود بشاشة قال هى حالة ذهنية..

اها يلا عاد اسمع كلام اخوك نوريت استعد للتجريدة الحتجيك بالجنازير وكرعين الكراسى..



من الدكتورة لابى تميم

اوعى تقول عوك.. نحنا ما فاضين ليك.. وعندنا غزوة كبيرة..

كوم من لا كوم له
عنهم
الظلامية الساحرة الشريرة

Quote: كوز هنا معناها اى زول مافى الكوم الكبير بتاع الهجيج والاغانى

اســـــعد ـ فى حد قال يا حكيم البورد ؟
ابو تميم مبروكه الكوزنه تتربى فى عزك

اسعد
سلامات
بس ما فهمنا حاجة!!!!!!!!!!!!!!!!!!!!

الكريم نوريت

فى بوست فى ارشيف 2003
اسمه كومى وكومك وكومو

وبوست فى ارشيف النص الاول من ابريل
اسمه دليل الضهبان فى فرز الكيمان.. للجدد

تقراه بتعرف كل شئ
مثلا ليه بيكون فى 1000 نقرة و مداخلتين
وليه فى زول بيشتمك ويحمر ليك كي بورديا وانت ما حصل اتعرضتاليه
ولا شوفتو ذاتو.. وليه فى زول بيتعقبك من بوست لبوست شايل المراسيل
اللئيمة بدون ما تعرفو.. دا كلو تم شرحه فى تلك البوستات
بعد تقراها بيحصل ليك كشف.. واى حاجة محيراك حتعرفها وتانىخلاص تعرف البيك والعليك
واها يا بقيت زينا هامل وما عندك كوم كدا يا دخلتا كوم الهجيج .. يسلفوك باسورد تشتم بيه زول لو خائف من الزول ولا على صورتك لانه فى اى كوم فى زول مارق للريبة والتلاف..دا الباسورد حقو بيكون مشاع..

والله كان الزول يفكر يعمل الجزء الثانى من الكيمان
لانى بقيت خبيرة فى علم البردبيولجى

من الدكتورة لآسعد.. رايك شنو نعلن التوبة من الكوزنة وننضم لكوم الهجيج..

Salaam ya Abutameem

You are not koaz kabeer or anything, I am a bigger koaz than you according to Bashasha and also I am a hard core right-winger (the only true thing that Bashasha said about me). Now in order for your koazana to be approved Bashasha have to call you a koaz. That is easy all what you have to do is to tell him that arab are good people and he will jump into you neck and tell you black people are the greatest and then argue with him for sometime and immediately you will be a koaz and the rest of the gang will follow suit especially the fighters who love the asylum in the west than the guns in the east. Once that happens to you, then you can claim you are a koaz kabeer and I will gladly give you the title. Also by the way, if you call for separation of Sudan you are sure a koaz and need not pass through the above procedure

Thank you man

الدكتورة بيان
تسلمى

ياريت تدينى رابط البوست الذكرتى عشان افهم حاجة
لانى ما فاهم حاجة ولانى اعتبر المنبر ما فيه شلليات
المفروض يكون الاتفاق و الاختلاق على حسب المكتوب وليس
من الذى كتب المهم اشوف البوست عشان افهم واشكرك على
الرد و التنبيه.

الحبيب هاشم نوريت

Quote: سلامات يا كوز صدقنى اديت فرصة للجماعة اياهم وخليك جاهز حسى يجوك نا ياجوج و ماجوج و هاك يا كلام قايتو نطلع الحيطة و نسمع الزيطة. فتك بعافية يا شاب.

صدقني يا ود نوريت انا اصلا عامل ليهم كمين

ما شايف مافيهم زول جه داخل ؟؟؟

عارفين هم بما اني كوز اكيد معاي ناس امن لوووووووول

الأخوة هارشين

ارقد عافية

الاخت بيــــــــان

Quote: قلتا اخير تتهم روحك قبل يتهموك بيها كوز هنا معناها اى زول مافى الكوم الكبير بتاع الهجيج والاغانى لكن اخوى اللدود بشاشة قال هى حالة ذهنية..

الحقيقة بفضل يكون السبق لي .. وبعديت تهمة كوز اهون من تهم تانية كثيرة ممكن يتهمونى بيها .. عشان كدة قررت ما هو آتٍ :

1 . الاعتراف وحجز لقب كوز حيث يكون لي الاسبقية .

2 . تأسيس جمهورية كيزانستان رسميا .

3 . فتح باب الانضمام للجمهورية بشروط منها أن يكون العضو عديم الكوم .. ان يفهم معنى الكيمان الاخرى .. ان يقدر معنى كونه كوز

واخيرا وليس اخرا ارشح سيادتكم لمنصب وزير الاعلام فى الجمهورية


وبخصوص مقولة الاخ بشاشة فى ان الكوزنة حالة ذهنية .. انا صراحة برى انها حالة سودانية

الأخ أبوتـمـيـم
ســـــــــــــــــــــــلام
ياخوي لقب كــوز دا إنت قايلوا سـاااااااااااااااااااااااهـل كــدا؟؟؟
بـس وقت ما تهف ليك إنك تنال اللقب دا خــلاص تاخدوا بي مزاجك ؟؟؟
دا اللقب الوحيد اللي ما ممكن تاخدوا بي مزاجك في البورد دا
أقول ليك كـيف تنال لقب كـــوز في هـــذا المنبر
أولا هــذا اللقب تناله بعد أن تقول رأي مخالف للناس الديمقراطيين و المستنيرين
و بعد أن تقول الحقيقة عن الإســلام و الدين
و بعد أن تدخل كم معركة حامية الوطيس مع المعارضين و تخرج منها من السالمين
و تاخــد ليك كـم إسـاءة و نبذة من الناس الغير محترمين
و تلقى ليك مـؤازرة أو مساندة من الناس الظلاميين

بعدين ينظر في أمرك

تميم سلامات
شايف الكيزان متلمة حولك اهو ابو حسين تم الناقصة
انا غايتو بعيد منك و فى انتظار العاصفة

الحبيب ABUHUSSEIN

Quote: دا اللقب الوحيد اللي ما ممكن تاخدوا بي مزاجك في البورد دا أقول ليك كـيف تنال لقب كـــوز في هـــذا المنبر أولا هــذا اللقب تناله بعد أن تقول رأي مخالف للناس الديمقراطيين و المستنيرين و بعد أن تقول الحقيقة عن الإســلام و الدين و بعد أن تدخل كم معركة حامية الوطيس مع المعارضين و تخرج منها من السالمين و تاخــد ليك كـم إسـاءة و نبذة من الناس الغير محترمين و تلقى ليك مـؤازرة أو مساندة من الناس الظلاميين بعدين ينظر في أمرك

ياخي معقووووول ؟؟؟

والله انا شايفو اسهل لقب

انا من اول بوست لي حصلت على اللقب

يمكن انت مالعبتها صاح

انا غايتو لقيت اللقب العزيز ده