Post: #1
Title: تماضر شيخ الدين تعتزل المنبر
Author: ودالعباسية
Date: 07-10-2004, 04:08 PM
ياشباب مسؤلين من الخير وين المبدعة تماضر يعنى ماشايفينها
|
Post: #2
Title: Re: تماضر شيخ الدين تعتزل المنبر
Author: ودالعباسية
Date: 07-10-2004, 05:17 PM
Parent: #1
شباب والله انا عارف الشمار بكون كتلكم ودخلتوا البوست دا
لكن بينى وبينكم كدا ما فقدناها ؟
|
Post: #3
Title: Re: تماضر شيخ الدين تعتزل المنبر
Author: Salwa Seyam
Date: 07-10-2004, 06:28 PM
Parent: #1
البوست في رمشة عين زواره قربو يصلو ميه حالتو ناس السعودبه نايمين
|
Post: #4
Title: Re: تماضر شيخ الدين تعتزل المنبر
Author: Hussein Mallasi
Date: 07-10-2004, 07:47 PM
Parent: #3
لعل مانع الغياب خير...
و نتمنى ان تكون العودة قريبة
دي كمان فيها نايميين يا سلوي ..... لو نايمين يصحوا ...
|
Post: #5
Title: Re: تماضر شيخ الدين تعتزل المنبر
Author: abas
Date: 07-10-2004, 07:49 PM
Parent: #1
انشاء الله يكون المانع خير يا رب
اها بدينا صاحين صاحيين
|
Post: #6
Title: Re: تماضر شيخ الدين تعتزل المنبر
Author: صديق الموج
Date: 07-11-2004, 05:58 AM
Parent: #1
غابت عن البورد نفحات الورود...فهل انت معنا؟؟؟؟؟؟؟؟؟؟
|
Post: #7
Title: Re: تماضر شيخ الدين تعتزل المنبر
Author: zola123
Date: 07-11-2004, 12:14 PM
Parent: #1
يا تماضر
مشتاقيييييييييييين
تحياتي
زولة123
|
Post: #8
Title: Re: تماضر شيخ الدين تعتزل المنبر
Author: ودالعباسية
Date: 07-11-2004, 12:20 PM
Parent: #1
العزيزة سلوي
علشان تعرفى الناس ديل بموتو فى الشمارات
مشكورة على الزيارة الجميلة
|
Post: #9
Title: Re: تماضر شيخ الدين تعتزل المنبر
Author: ودالعباسية
Date: 07-11-2004, 12:25 PM
Parent: #1
الاعزاء
ملاسى
abas
صديق الموج
زولا123
مشكورين يا احباب على زيارة البوست
ونتمنى من الله انه يكون المانع خير ، وتظهر لينا المبدعة
ابو التــــــــــــــــــــــــــــــاء من جديد
|
Post: #10
Title: Re: تماضر شيخ الدين تعتزل المنبر
Author: Elsuhaili Magzoub
Date: 07-11-2004, 12:41 PM
Parent: #1
وهل يخفي القمر في سماه
طبعا وابدا لا
انها تحتاج منا للوقوف بحزم ضد من كل من يحاول ان يسكت ويقصي الاخر بالسرقة و الكذب والفجور.
حتما ستعود واقوى
ان العواصف تنثر رائحة الورود ولا تكسرها
|
Post: #11
Title: Re: تماضر شيخ الدين تعتزل المنبر
Author: ودالعباسية
Date: 07-11-2004, 01:12 PM
Parent: #1
شفناه .... شفناه
نتمنى ان نراهل من جديد تتلالا فى هذا المنبر
شكرا Elsuhaili Magzoub
|
Post: #12
Title: Re: تماضر شيخ الدين تعتزل المنبر
Author: Tumadir
Date: 07-11-2004, 08:23 PM
Parent: #11
قاااااااءعدة...زى الهمزه على السطر الشايفنها دى
قاااااءعدة ومتمحنة..فى عهرى وانطلاقتى وانطلاقة بتى..وسقوطى
حتى قالوا دنقرت وشهم...
صبرت قلت امكن وشهم يترفع ويكفوا عن الابتزاز والتهديد وانتهاك الخصوصية..
ومستغربة من حرامى ينط من فوق للقفص الصدرى..بتاع انسان تانى ..ويقول للناس لقيت عنده قلب..بيدق؟
ولو فى زول بفتش فى ملابس الناس الداخلية...حيلقى شنو؟؟
صبرت عليهم ..وقلت بيرجعوا..للحق..
لكن
مازادوا الا غيا..
اتذكرت شخصية شايكوفسكى . الرجل...المعدم الكان ماشى فى الشارع مطأطىء راسه ..من شدة املاق..فعثر على قرش ..ومن يومها لم يعد يرفع راسه عن الارض..فالذى يبحث عن كل ماهو (اسفل) وشو بدنقر...
لكن يا اصدقائى الافاضل..
قول ليهم قسما عظما
وحياة الله المعبود بالحق
وحياة ناسى..الامنوا بشخصى المتواضع ووقفو معاى
ولما اقول ناسى بقصد ناس بسكنوا فى ارجاء الارض واركانا
ناس بحملوا فكرة بتؤمن بالانسان..وكرامتو محل ماكان
وحياة بوسة يسرى ..ذات العشرة سنين..بترسلها لى من اسبانيا وما بقدر افرد طرف رئتى واتلقاها
وحياة الغم.. القسمنا.....الاتسرب فى اطمئناننا ..
وحياة سيرين التوزن مليون من نوعهم..لو فيهم حاجة بتوزن..
وحياة اهلى الدم ..واهلى..المن تالا الهم
وحياة قبر امى الماتت بى شوقها...علينا..ماتت دمعتا فى عينا..
وحياة فخرى البيك يا شيخ الدين..
وحياة العرق البخدم بيه كرامتى وانسانيتى ..واولادى
وحياة الحب..والخير والتكريس العايشة عليه للفن..والناس والحب والخير
وحياة السودان العايش جوا..الشريان...بعد ربانى
وحياة اطفال دارفور..
وقضية كل كريم ..فى وطن المليون جرح مربع
.....
...
..
وحياة..الله واسمو الاعظم..
انا مابسقط..يسقطوا هم...
وانا ما مطلوقة..ولا "طلقانة" ...
بسقطوا هم..
اى ..امكن اموت..
واصلى بموت...
امكن يقدروا يهزموا ...جسدى الفانى
لوبمقراض.. بيوت اشباح "النت" ينتفوا جلدى...ويمصوا الدم..
لكن ما بسقط..يسقطوا هم..
انا.. كل الناس المتراصة فى صف المستقبل..
انا... كل الناس الجارة الدنيا على قدام...والهم دايرنها تحتل
انا كل الناس الواضحة..وناصحة ...وتتفتق فكرة وصورة وغنية ومسرح ..وضو
انا كل الناس الشايلين بطاريات فى كهف العصر الحجرى ..ودايرين يقطعوا بهناك...
حيث الوعى ..
حيث حقوق الناس محفوظة..
وحيث ..عيونهم مفتوحة..وحيث رؤوسهم مرفوعه وشامخة
زى اعلى التل
وحياة اسم الله الاعظم انا ما ساقطة ..ولا عاهرة ولا مطلوقة
ولا بسقط..
...
واخيرا اقول ليك يا مجرم
انا وانت ..زى .. العصفور والبصقة
لو فكيت عصفورة وبصقة ..البمشى لاعلى منو.
ومنو البسقط لى .. اسفل؟
_____
اعزائى اعضاء وقراء سودانيز اون لاين...
تحياتى الحارة
اشكركم على سؤالكم عنى
وانا ما بعتزل
ها انذى اعود.. صفا واحدا معكم...انا وانتم نسورا فوق صخرة شماء
وانا فى حل عن كل رسائلى الخاصة...التى عبثت بها اياديهم الدنسة...وعقولهم الخاسرة
ارجو الا تستجيبوا لاى رسالة تجيئكم من ايميلى "الكان" فى الياهو او الهوت ميل...
ارجو الا تصدقوا هذه الرسائل المنشورة..فهى لا تمثلنى...ولا تعبر عنى..ولا املكها...
وما حادثة رجاء العباسى ببعيدة عن الاذهان
وبعد ان سمونى عاهرة..ماذا انتظر منهم
(شفتو ليكم عاهرة مفلسة كده؟؟)
اهى دة انا اسمى: تماضر شيخ الدين
ام سيرين
انتو منو؟؟
وانا امك يا سيرين
وانا اختكم ياشرفاء واختكن ياكريمات...السودان..واصدقاء المنبر الحر...
واختك يا بكرى ابو بكر...
|
Post: #20
Title: Re: تماضر شيخ الدين تعتزل المنبر
Author: فتحي البحيري
Date: 08-19-2004, 08:30 AM
Parent: #12
فوق
|
Post: #13
Title: Re: تماضر شيخ الدين تعتزل المنبر
Author: sharnobi
Date: 07-11-2004, 08:32 PM
Parent: #1
افو يا بت شيخ الدين
ينكسر الماس البقطع الفولاذ
ولا تنكسر هامة اى مبدعة
او مبدع
|
Post: #14
Title: Re: تماضر شيخ الدين تعتزل المنبر
Author: Elnasri Amin
Date: 07-11-2004, 08:33 PM
Parent: #1
حمدالله على السلامه
للحظه ظننت انهم كسروا عزيمتك ,,,, فما تعرضت له كاف لهد الجبال
سعيد لعودتك اقوى و اشد
النصرى
|
Post: #15
Title: Re: تماضر شيخ الدين تعتزل المنبر
Author: Hussein Mallasi
Date: 07-12-2004, 08:00 AM
Parent: #14
حمدالله على السلامة ....
مع خالص تقديري و احترامي
|
Post: #16
Title: Re: تماضر شيخ الدين تعتزل المنبر
Author: تراث
Date: 07-12-2004, 02:11 PM
Parent: #15
تماضر قااااااااااااااااااااااااااااعدة . ويذهب الزبد جفاء .
****
كنت اريد ان اكتب هذا الرد واكتفي به في هذا البوست ، ثم لقيت رد تماضر .
غلبني البكاء فبكيت ، وكان حولي ابنائي يسار ( 10 سنوات ) ومحمد ( 7 سنوات ) مسحوا دموعي وسالوني : مالك يابابا بتبكي ، معليش .
قلت ليهم ببكي عشان في ناس ما كويسين اذوا تماضر وناس حلوين تانين .
بدأت أقرأ لهم في كلمات تماضر ، وانا واثق انهم لا يفهموها، ولا يعرفون خلفيتها ، كنت فقط أعيد القرءاة لنفسي بصوت مرتفع ، لكن نشيجي كان كافياً ليدخلهم في حالة بكاء حاد، لا زالو يبكونه وانا أكتب هذه الكلمات . وينشجون ضمنه : والله الناس البيأذوا تماضر نحن ما بنخليهم...
تماضر
لا تقسمي . ولا تحلفي . فأنت لا تحتاجين ذلك أبداً . والحديث موصول لبقية الأحباء الذين طالتهم الأذية .
|
Post: #17
Title: Re: تماضر شيخ الدين تعتزل المنبر
Author: ودرملية
Date: 07-12-2004, 02:36 PM
Parent: #16
سلامات
وعوافي
شكرا ياتماضر علي مواقفك الشامخ وشكرا لصمودك وتاكدي تماما ان ذوو المقاصد النبيلة دائما تواجههم العسرات والعثرات والعشرات من الغوغائيين انا لم اري العرض حتي اللحظة ولكن مؤمن تماما بانك بذلت جهدك من اجلنا نحن ومن اجل وطن سامق تليد
دمتي يااختي الحبيبة ولك وافر الود والاحترام
|
Post: #18
Title: Re: تماضر شيخ الدين تعتزل المنبر
Author: ودالعباسية
Date: 07-12-2004, 02:38 PM
Parent: #1
ست الاسم ذاته هنا .... والله دا نحن العايزنه من زمان والبوست دا علشان
تظهر لينا من جديد ابو التـــــــــــــــاء
عودا حميدا ان شالله
|
Post: #19
Title: Re: تماضر شيخ الدين تعتزل المنبر
Author: ودالعباسية
Date: 07-12-2004, 02:46 PM
Parent: #1
الاخوان الاعزاء
شرنوبى ، الناصر امين ، ملاسى مرة تانية، تراث و ودرملى
شكرا على المرور على هذا البوست وهذا مايدل على حسن معشركم
ونواياكم الطيبة
ودمتم
|
Post: #21
Title: Re: تماضر شيخ الدين تعتزل المنبر
Author: Ishraga Mustafa
Date: 08-19-2004, 08:54 AM
Parent: #19
up
|
Post: #22
Title: Re: تماضر شيخ الدين تعتزل المنبر
Author: Tumadir
Date: 08-26-2004, 11:44 AM
Parent: #21
وطوبة هنا
من لى باشـــــــــــــــــــــــــــــــراقة؟؟؟؟
|
Post: #23
Title: Re: تماضر شيخ الدين تعتزل المنبر
Author: MASSOUB
Date: 08-26-2004, 12:00 PM
Parent: #1
تماضر
تمر الشمال انتي صـــــــــــــــــــــــاح
وتسلمي
مسؤب
|
|