Post: #1
Title: رسالة خاصة ل rani
Author: Frankly
Date: 06-24-2004, 08:48 PM
Quote: 24-06-2004, 07:12 م
rani
.
تاريخ التسجيل: 06-06-2002
مجموع المشاركات: 453
Franky مالك يا اخوي ؟
دا شنو يا زول البتعمل فيهو دا
رسالة خاصة
رسالة خاصة.....
ممكن تعمل البوستات دي كلها في بوست واحد لانك كده بتزحم في البورد بس ..
.
.
اتمني انك تتفهم كلامي من غير اي حساسية...
.
.
عظيم احترامي
|
اخي راني
شكرا ليك وبدون حساسية كدا احسن
لك شكري واحترامي
ملحوظة ساعدني في هذا العمل اذا سمح وقتك لانجاح مشروع بنت الاحفاد!!!
|
Post: #2
Title: Re: رسالة خاصة ل rani
Author: 3bdo
Date: 06-26-2004, 07:46 AM
Parent: #1
سلامات فرانكلينا الحبيب
وينك يا غالي
هو نحن لاقين بوستاتك وين كمان عشان يقولوا ليك بتعمل (زحمة)
شفت البورد بقي كيف .... بقوا ينصحوا فرانكلي عشان يقلل مشاركاته... معليش ... امسحها في وشنا
أصلا ناس البورد بقوا عايزين الكلام الفارغ والمشاكل وجعجعة الساسة والمنافقين والجهلة اللي اكتظ بهم البورد ...و عشان كده قرشو والصادق ورمانه والساره وتبلدينا ومعظم الحلوين اختفوا من البورد ... فلا تبالي حبيبنا فرانكلي ...
صدقني ... لي زمن ما شاركت في البورد ... باقرا فقط ...بقيت بتاع مناسبات بس...في عزاء اشارك.
بس الكلام غاظني ..
تحياتي يا غالي
وبرضوا تحياتي عبرك للحلوين الاعضاء القدامي
وبرضو بدون حساسية .......
|
Post: #3
Title: Re: رسالة خاصة ل rani
Author: Frankly
Date: 06-26-2004, 01:00 PM
Parent: #2
ياسلاااااااااااااااااااام عبدو الامير بذاتو هنا في البورد
يااخي والله ليك وحشة
ورسم اسمك لوحدو ادخل السرور في قلبي
Quote: و عشان كده قرشو والصادق ورمانه والساره وتبلدينا ومعظم الحلوين اختفوا من البورد ... فلا تبالي حبيبنا فرانكلي ...
|
تحياتي لك من ذكرت اعلاه وغيرهم كثير ارجو ان يعودوا يوما ما جميعهم فيعيدوا ما سميناه عندئذ بمنبر الاسرة لما فيه من صفوة المشاركين وصفاء الكلمة المكتوبة
والله يعيد ايام زمان الان اصبح الذين اسهموا في تأسيس هذا المنبر هم ممن لا يفهمون قوانين اللعبة 
اما عن موضوع المقال اعلاه ظبعا اقول لك بصراحة
الاخ راني قد يكون لا يعني ما قال
وهو على كل حال شاب طيب واتمنى ان يكون قد تفهم الهدف والمأرب من رسائلي الخاصة
بالله عليك ما تطول الغيبة
لك حبي
وتحياتي
يا اعز الناس
فرانكلي
|
|