على هامش الاضراب

ملاحظات على هامش الاضراب
هذه بضع ملاحظات خلال ايام الغياب (قطعا لا تحتوى ما حدث فى اليومين الاخيرين)
1.ملاحظه اولى فى الاسبوع الاولى خلى البورد من اي اغانى الا ان بدا بكرى ابوبكر انزال بوستات مطعمه بالاغانى شكرا ليك بكرى لنشر الجمال
2.اجمل تعلبقات فى بوست كان بوست تماضر بتاع الوصايا لى باول
ملحوظه عادل عثمان طول عمرى بقول انه سلمى دى مكسب والناس المن طرفها مكسب تشرفنى صداقتك وقبلها خوتك
ثروت سوار الدهب كدت ان افطس من الضحك لتعليقك شايل هم الراجل _انشاء الله ما تنى منها-
3.عجبنى تعقييب العزيز معز فى بوست استاذ شوقى بدرى قمه التهذيب
4.عوده الغاليه سماح المابتخبر زعل وتدفق اريج عطرها الذي يتسلل الى كل مطارح القلب الاربعه انا فى شوق اليك عزيزتى
5.العزيزه الساره برضو طلت طله صغنتوته واختفت ياريت تعودى دكتورتنا الساره
6.ظهور العزيزه( شايننق ستار) قبل الارشفه بيوم وكانت بهيه الطله كالعاده
7.من البوستات المميزه لقاء الجندريه فى الصحيفه اليمنيه اكتر من رائع واكتر من حميم
8.بوست القطيعه بتاع البدرى قربت اجى ناطه واقطع فينى معاكم البدرى اعقب البوست بماسنجر داخلى لنا كان له وقع طيب بالمناسبه يا البدرى ماسنجراتك
تشبه كبايه شب عصير ليمون فى هجيره تقلى الحبه فيها


سااواصل

إنتي قريتي دا كلو وأنا لابد ليك في المتوجدون أو لاين وما شايفك تكوني خاشة بي بصفة زائر وأنا اقول الزوار ديل كتار كدا مالن؟؟؟

راوية الغالية
حمد لله على السلامة
نورتي

ياوية ... سلام ... مش قالو ليكم الاضراب لازم يكون شامل ... واكتر حاجة شددو عليها هي الضحك

الحبيبة راوية..

طبعا كنتا مراهنة عليك في الاضراب.. حتكسريهو حتكسريهو ..

ويوم بوست البدري قعدتا بس متوقعة مشاركتك .. خاصة ندي مصطفى شايفة عملت ليك شرك مغري ..

انا غايتو ما عايزة اقول كم مرة مسكتا روحي ..

مرحبا بعودتك ووبقية الأحباب

الأخوات راوية تحياتي لك ولمن معك

فعلا كما قال أبو جهينة حاولنا أن نتلصص ولكن تذكرنا قيمة التضامن والاتفاق في الوسيلة وصدقا أنا من مدمني هذا البورد ولذلك في يوم 11 يونيو حاولت شغل نفسي بأشياء أخرى كثيرة
كالسباحة والقراءة ومتابعة التلفاز ونتمنى أن يسود السلام في هذا البورد ومن ثم يعم ربوع السودان الكبير