السودان الجونقرنى يرمى بساره منصور خارج الحدود

يُروى أن أحد الناس أراد أن يكون مبدعا، فجاء إلى ضفدعة ووضعا أمامه وقال للضفدعة: نطي (أي اقفزي)، فكتب: قلنا للضفدعة نطي فنطت. ثم قطع يدها اليمنى وقال لها نطي، فنطت، فكتب: قطعنا اليد اليمنى للضفدعة وقلنا لها نطي، فنطت. ثم قطع يدها اليسرى وقال لها نطي، فنطت، فكتب: قطعنا اليدان اليمنى واليسرى للضفدعة وقلنا لها نطي فنطت. ثم قطع رجلها اليمنى وقال لها نطي، فنطت بصعوبة، فكتب: قطعنا يَدَي الضفدعة ورجلها اليمنى وقلنا لها نطي فنطت. ثم قطع رجلها اليسرى وقال لها نطي،.... نطي ....، فلم تنط، فكتب: قطعنا يدي الضفدعة ورجليها وقلنا لها نطي، فلم تنط، ومن هنا أثبتت الدراسات أن الضفدعة إذا قُطعت يداها ورجلاها فإنها تصاب بالصمم!!!

إننا لا نريد هذا النوع من الإبداع، الذي لا منطق فيه ولا عقل، لقد كتبت الاخت ساره منصور بكل حياده وصدق فى منبر حر يحق لكل شخص ان يكتب دون ان يتخطا النقاط الحمراء الموضوعه كا اجنده بورديه جديره
بالاحترام وكنت متمنى ان تطبق على الجميع قبل فترة كتبت المتعنصره رودا عن ديننا الاسلامى بكل وقاحه من دون ان تطالها يد القانون فيا بكرى لناس رودا وذاك الورل الدينكى غفورا رحيم ولناس ساره شديد العقاب فى الحاله دى مفروض يتسمى المنبر الحركى الشعبى لا المنبر الحر نعم هنالك خطا من الاخت ساره بس هنالك برضو خطا اكبر من رودا والعنصرى البغيض دينك ولو فى فصل مفروض ينفصل دينق فطالما ارسل شتايمه يمينا ويسارا انها كلمات حق اريدا بها حق عزيزى بكرى ابوبكر هنالك ابعاد فى الموضوع وتقنطر واضح لايحتاج لتمعن اتمنا ان تقف مع الحق اينما كان يعنى ما يجى دينق او رودااوبشاشه او غيرهم من ينتهزون الفرص ويدسون احقادهم الدفينه.......اها ساره قد كسرتو قلمها وعادل عبد العاطى الدور على منو ياربى ويا بكرى حاول راجع بوست السودان الجونقرنى بتجد من يستحق ان يفصل؟؟؟ كان الله فى عون العباد وحسبنا الله ونعم الوكيل

كل ما اختلف شخص مع ناس وليد 500 وحكومتهم قاموا قالوا ليه انت بتسيئ للدين.

سارة فاتت حدود الادب والاخلاق واهانت الناس. ليس دينق ورودا الكرام المعززين عندي ولكنها اساءت للقراء ايضا. وحسنا فعل بكري بطردها. لقد حاولت في اخريات مقالها السمج ان تزج بالدين ( عبارة الحور العين) باعتبار ان السخرية التي اوردتها رودا من وعود الانقاذ لشهداءها ضرب من ضروب الاستهزاء بالدين. الاسلام ليس ملكا للانقاذ ولاتباعها، يفسرون اموره كيفما شاؤا. ماذا قال د. الترابي بعد الانشقاق عن زيجات الحور العين التي تمت؟ لماذ لا تحمل قلمك عليه؟ الامر برمته لدي حكومة ما يسمى بالحركة الاسلامية لعب على الذقون.

اي دين يبيح لك ان تسمي دينق ورلا؟ هل تقبل ان نناديك يا كلب؟ متى استعبدتم الناس وقد ولدتهم امهاتهم احرارا؟ كلكم لآدم وآدم من تراب.


هذا البورد نسعى ان نجعله وطنا للذين يعرفون معنى اخوة الوطن. نريد ان يكون هذا البورد واحة للمبدعين من كل بلادي. الشكر لبكري اذا اتاح لنا هذا المكان الرائع فلماذ نجعل مثل سارة يحطمون اروع ما فينا من احاسيس تجاه الآخرين؟

ان لم يعجبك قرار بكري، فانت ومن هم على شاكلتك فمع الف سلامة. يا اخي في حد مسكك من رقبتك وقال ليك خش هنا.

Zoal Wahid
كدى يا زول قول بسم الله حسى فى زول جاب الحكومه
فى زول جاب الحب وسيرة الحب؟؟؟؟
ولو رودا والمدعى دينك عزاز على نفسك معنى كده نفسك زاتا ما عزيزه عليك
اين الاستهزاء بالدين ومن يستهزاء بمن لو عرفت الاجابه بتضع لدينك ورودا 20 خط احمر
وتعال نسالك بينك وبين نفسك دينق ده ما ورل؟؟؟
ووين الاستعباد يا رجل انت ما شايف نفسك حافظ ليك كلمتين وبترمى فيها فى مكان غير المفروض تكون فيه؟؟؟؟ حاجه غريبه والله

عقبال نشوف وليد 500 خارج الحدود ،،
قريبا يارب..

ود قاسم خال الشباب
بتجدنى خارج الحدود طالما امثالك هاهنا

أخى وليد لك الود
ياعزيزى عندما تقول هذا منبر حر واى شخص حر فيما يكتب ، فتلك كلمة حق أريد بها باطل ، هذا منبر حر ، للمثقفين الذين يعرفون حدود الأدب فى الخصام والحوار ....والا كان منبر حر (فوضوى).
نحن ما يضيعنا فى السودان العاطفة الساذجه !!!
أكتب ماتشاء فى حجة ومنطق وأقناع واخذ ورد ، دون اساءة او تجريح.
دافع عن اى فكر او نظريه، حتى يستفيد الأخرين حتى لوكانوا خصوما لك.

تاج السر
لك خوالص الود
ويعجبنى الرد المحترم والهادف
تشكر على ذلك بس انت ما شايف يا استاذ ان الادب خرق
من الجميع ومفروض ان يتعامل الجميع بمقياس واحد يعنى لو مسكنا ردود رودا ودينق وساره بنجدها خارج الاطار المسموح بيه هنا ومفروض يكون هنالك طرد جماعى

أخى وليد لك ودى
الأخ / دينق،الاحظ لديه بعض العنف القانونى ، أتمنى أن يخففه قليلا.
الأخت روضه نعم أحيانا تزود المعيار وتهاجم حتى من يتفقون معها فى الرأى ، وأتمنى أن تخلص نفسها من التعميم وتعلم أن هنالك الكثيرين من الشماليين والمسلمين من يحسون بمشكلة الجنوب من قبل ومن بعد ربما أكثر من الجنوبيين أنفسهم ، وقد قالوا كلمة الحق فى وقت صعب على الكثير من الرجال ، ومنهم المرحوم / العم أبراهيم بدرى ، والد أخونا وزميلنا فى البورد شوقى.
واذا مابدر منها شئيا فات الحد فلا مناص من أن تعامل مثل سارة أو غيرها.
وأن كان لها العذر وللأ دينق ، لما حدث من مرارات قديمه نقدرها ، فماهو عذر الأخت / ساره ؟؟

وليد الكوز ازيك انت فين يا راجل

وليد الكوز.

طبعاً انت اكيد زعلان وعاوز تطرشك كمان, لكن انا بقول ليك اخوك كان حلقوا ليهو بل راسك.
انا ما بنسي ليك ابداً البوست العنصري الكتبته انته عن ان العاصمة القومية اتملت غرابة وجنوبين وصارت افريقية, ده بس كان عنوانك اما داخل المقال كتبت كل حقدك وكرهك لجنسك في ذلك المقال. بس اجري جيب لي ولي روضة مقال واحد زي اللى انته كتبته ده؟ ما تفتكر انك ممكن تغيب ليك بضعة اشهر وتجي راجع تفتكر نحنا حننسا انته منو وبتكتب شنو.

دينق.

عاد يادينق ياخوى
دا ما شغل الكيزان ذاتو
الشردن من البلد
انت بصورتك دى ما حتلقى
زول عنده راى مصاد
ولك ودى

Quote: انت بصورتك دى ما حتلقى زول عنده راى مصاد ولك ودى

ابوقوتة.

ما تلخبط الامور, في فرق كبير بين الرأي المضاد وقلة الادب.

دينق.

تاج السر لك تحياتى
دعنى اطلق اسم رودا من دون اخت فالاخت دائما بتحترم
الاخوان والاخوات وهى بتفتقد الصفه دى وما علينا بذلك فرودا مش قاعد ه تزود العيار احيانا دى طول الوقت رافعه نخرتا فوق السماء وده حال معظم ابناء الجنوب اى كلمه عندهم لها مليون تفسير مخالف... عندك دينق مثلا لو راجعتا بوست الاخ ابراهيم على الاعتزارى بتجدو انسان لايقبل الاعتزار حتى ما بيقدر يعيش فى جو سلام نهائى هو طبعه كده رجل بتاع حرب ودمار ومشاكل وما بيقدر يعيش خلاف كده مع انو كبير القوم عندهم اعلن سلام شامل وصغار القوم على ما هم عليه من عنصريه واضحة العيان

الاستاذ عمر مهدى
اكيد شوقى لشخصك الكريم وانا موجود هنا وهناك

Quote: دى طول الوقت رافعه نخرتا فوق السماء وده حال معظم ابناء الجنوب اى كلمه عندهم لها مليون تفسير مخالف

الكوز وليد.

مش يا هو زي كلامك العنصري ده هو البجيب ليكم الهوا يا كيزان؟ هل أنت تعرفت على كل أهل الجنوب لكي تطلق مثل هذا التعميم النمطي؟ أم أنت متعود تتكلم عن الناس زي ما داير وبس؟

Quote: عندك دينق مثلا لو راجعتا بوست الاخ ابراهيم على الاعتزارى بتجدو انسان لايقبل الاعتزار حتى ما بيقدر يعيش فى جو سلام نهائى هو طبعه كده رجل بتاع حرب ودمار ومشاكل وما بيقدر يعيش خلاف كده مع انو كبير القوم عندهم اعلن سلام شامل وصغار القوم على ما هم عليه من عنصريه واضحة العيان

أي إعتزار تتحدث عنه امشي راجع كلام صديقك إبراهيم علي كويس بعدين تعال قول لي إعتزار. وتاني شايفك يا كوز مصر على مواصلة التعميم على الفارغ. المهم أنا كنت أتوقع بأن اناقش كوز متمكن من اداب النقاش لكن الظاهر الكيزان لا يريدون المواجهة ويريدون فقط العمل الظلامي.

دينق

اللخو وليد
كده قول لي انت فتحت الموضوع دا عشان تدافع عن ساره وشطبها من البورد ولا عشان تهاجم رودا ودينق والجنوبيين لانو مافي علاقه بين الاثنين الا في راسك
لا رودا ولا دينق ولا الجنوبيين شطبوا سارتك المنصوره..امين الموقع هو الفصلها ولاسباب مقنعه ومعروفه للكل وان كنت تحاول تجاهلها...ما تلخبط الكيمان

Quote: وما علينا بذلك فرودا مش قاعد ه تزود العيار احيانا دى طول الوقت رافعه نخرتا فوق السماء وده حال معظم ابناء الجنوب اى كلمه عندهم لها مليون تفسير مخالف..

دا من اكتشافاتك ولا اختراعاتك ولا تاليفاتك الجديده...خليك منطقي شويه وخليك من التعميم الفاضي من المعني عشان الاحترام يسود

الابن الضال دينق
انا ماكنت عاوز استرسل معاك فى النقاش لسبب واحد انت ما عارف كوعك من بوعك وحرام الواحد يدخل معاك فى نقاش عقيم ما بوصل لنتيجه وبعدين ياتو هوا
ده البتتكلم عنه شكلك ما بتعرفنى تماما وبعدين بتطلق فى كلمة كوز دى وشكلك ماعارف معناها حتى ... معنى كوز يا عزيزى جايه من الدين بحر ونحن كيزان بنغرف منه معنى كده كلمة كوز اكيد بتعجبنى عشان كده ارسلها ولاتضع فى نفسك باننى بتسبب لى حرج هى شرف بالنسبه لى

العزيز بلير
تحياتى
ابدا عزيزى انا ما فتحت البوست ده عشان اهاجم رودا ودينق او عامة الجنوبيين.... وشايفك اليوم خرجت عن المالوف يا صديقى كان ديدنك تقف مع الحق
اينما وجد وانت تعلم تماما بان سبب فصل الاستاذه ساره راجع لدينق وتلك الرودا وانت ما شايف انه هنالك اسباب برضو مقنعه مفروض تفصل رودا ودينق
يا عزيزى بلير انا ما عندى مشكله لا مع روضه ولا مع دينق احتمال فى السابق كانت هنالك مشاكل لكن بعد السلام الحصل فى بلدنا الحبيب اكن الاحترام لكل جنوبى وشمالى اما عن كونك تصف ساره بسارتك فانت غلطان يا عزيزى والدليل على ذلك لمن الاخت ساره خرمت معاك وقفت ضدها والسبب اننا مع الحق اينما كان ........ لك الود ولسارة مليون تحيه

الأخوان
دينق وبليير

بالله عليكم خلونا من هذا البوست الأنصرافي
ودعونا نتضامن من اجل اطفال دارفور
لو امكن،،
مع محبتي

الاخ وليد 500
اود الرد على بعض ما جاء في تعليقك على

كدى يا زول قول بسم الله حسى فى زول جاب الحكومه
فى زول جاب الحب وسيرة الحب؟؟؟؟


كلامك وكلام قطبي المهدي الذي بدأ يتحدث عن اندلس اخرى اذا طبقت الاتفاقية ومن قبلكم عمر البشير الذي قال خايف اكون آخر رئيس عربي في السودان. يا اخي انا بتكلم عن المنهج، انتو منهجكم واحد.


اين الاستهزاء بالدين ومن يستهزاء بمن لو عرفت الاجابه بتضع لدينك ورودا 20 خط احمر

ما قرأته لرودا في ردها على سارة ليس استهزاءا بالدين في شيء. هي استهزأت بزواج الحور العين الذي مارسته الحكومة وبالذين يرسلون رفاقهم للحور العين ويتزوجون نساءهم. أليس هذا مدعاة للتعجب والسخرية؟ والآن لماذا صمتت الحكومة عن مشاريع زواج الحور؟ ولماذا اختفت حفلات الزواج؟ هل امتلأت الجنة بالعرسان؟ ام ان اللعبة قد انتهت Game over؟
منهجكم الاستغلالي هو الذي يسيء للدين. قارن بين سلوك المجتمع السوداني قبل الانقاذ وبعد 15 عشر عاما من حكم المشروع الحضاري هل رأيت كيف ضاعت افضل القيم السودانية في زمانكم .


وتعال نسالك بينك وبين نفسك دينق ده ما ورل؟؟؟

لقد قال الله تعالى "ولقد كرمنا بني آدم"
وقال عن بعض اليهود" فقلنا لهم كونوا قردة خاسئين"
"وجعل منهم القردة والخنازير وعبد الطاغوت"
لم يقل الله انه مسخ الانسان ورلا.
نسمع كلام الله القالوا ولا نصدقك انت؟


ووين الاستعباد يا رجل انت ما شايف نفسك حافظ ليك كلمتين وبترمى فيها فى مكان غير المفروض تكون فيه؟؟؟؟ حاجه غريبه والله

يبدو انك ما قريت كلام سارة وهي تستهزيء باعزائي دينق ورودا. دينق مكتوب عليه مهما كانت مكانته ان يكون مكوجي عند ساره وامثالها، ورودا الحرة، غسالة عدة وكناسة وسخ. اليس هذا استعبادا للناس ان يظلوا في فهم امثالكما مجرد خدم مهما نالوا من علم وفهم؟ سارة البتلعن امريكا الكافرة، قاعدة فيها ليه. ما ترجع بلاد المسلمين. الا توجود فتاوى تحرم البقاء في بلاد الكفر . ولا هنا الاسلام مرن معاكم ولكن قاسي علينا لو قلنا نحن بنعز دينق ورودا. كنت اتمنى ان تستفيد ساره من وجودها في امريكا فتتعلم من اخلاق تلك الشعوب بدلا من ان يظل مخيخها مشحونا بتراث حبوباتها. ان تتعلم الوقوف الى جانب المظلومين في كل مكان دون النظر الى لون او جنس او عرق. هل فكرت ساره يوما ما ان الجنوبي يفتح عينيه فلا يجد حبوبة او جد او خالة او عم.

هنالك فرق بين (الاعزاز) و(الموالاة) حسب فهمي للدين ، ليس شرطا ان يكون فهمي هو فهمك، الدين عندي بعد الايمان بالله هو المعاملة وليس نصوصا تحفظ. المسلم البذيء الفاحش الذي يلعن الناس ويستهزيء بهم ( سارة مثلا) ليس كالكتابي الذي تجالسه فتجد في قلبه رقة وفي قوله ادبا (دينق مثلا). كنافخ الكير وحامل المسك، ايهما تجالس؟

كان خالد بن الوليد كافرا وتسبب في هزيمة احد، وظل النبي صلي الله عليه وسلم يرسل اليه بما معناه التقدير والاحترام. ولم يناديه بالورل .
بوصفك دينق ورلا فانك تسيء الينا والى نفسك والى الدين الذي تخيف بانتماءك اليه الآخرين. وتحاول ان تجر الناس الى معركة حوله.
اقول لك بملء فمي: انا احب الجنوبيين جدا جدا واحس بالظلم الذي مارسناه عليهم لاكثر من مائة عام، منذ الزبير باشا رحمه. واود ان اضيف اسمى الى قائمة المعتذرين عن كل عمل قبيح حدث لهم بسببنا.

........................

...........................