اسوأ التمنيات بهذيمة نكراء لفريق الهلال السوداني

مواصلة لاحتفالاتنا بالسلام الذي يأصل لجزورنا الافريقيا ومدنا الفريقي المتجزر ..نتمني ان يواصل فريق سوبر اسبورت الجنوب افريقي تقدمه في الشوط الاول في جوهانسبرغ ويحسم الشوط الثاني بامدرمان مساء اليوم بهذيمة نكراء لفريق الهلال السوداني ...
ليعرف فريق الهلال السوداني حجمه الحقيقي والموغل في المحلية
والذي لم يشرف السودان يوما باي كأس او صفيحة محمولة جوا
لذا نتوقع ان يعود فريق الهلال اليوم لحجمه الحقيقي بعد زوبعة مباراة الاهلي المصري الجنائزية والتي لعبها فريق الاهلي بالصف الثالث من لاعبيه الاحتياطين ... نتمني ان يترجم السلام الافريقي
والذي سيساعد علي حسم مسألة الهوية السودانية ويردها لافريقيتها بانتصار ضخم لفريق سوبر اسبورت الجنوب افريقي علي هلال الملاليم ونتمني ان يتم ذلك مع الرافة الشديدة وحفاظا علي اعصاب شبه تالفة لمشجعي فريق الهلال السوداني

ليه كده يا اساسي ، مش حرام عليك ، يا اخي لو الهلال او المريخ كلهم بيلعبوا باسم السودان ولا اصلوا الصهاينة ما عندهم رحمة ولا بخلوا رحمة الله تنزل على العباد .

مع خالص الود ليك يا ود يا اساسي يا عسل رغم انك مريخابي لكن برضو بنحبك .
الصادق خليفة

الحبيب الصادق وانا ابادلكم الحب

اما بخصوص الهلال فلا توجد رحمة اطلاقا

الهلال منذ زمن لا يلعب باسم السودان وهو يوحي بانه يمثل نفسه

بعد ان فشل في ان يمثلنا تمثيلا جيدا بالخارج وجلب لنا كثير من الفضايح المحمولة جوا بعكس المريخ العظيم الذي ادخل الفرح الي قلوبنا .. لذا نعطي كل قدره وكل زي حق حقه



اساسي في حالة شماتة من الرشاشات قبل ما تدور الدوشكات

أساسي هو أساسي

لا أدرى لدى أحساس دائما يحوم بخاطرى ان هنالك علاقه بين أنصار (الجبهة الأسلاميه) و(المريخ) وهو العداء المستحكم للسودان ولكل جميل ناضر بهى حتى لو كان بدرا.

أتمنى أن يكن احساسى هذا خاطئا !!!

كما ان نفس الاحساس يخالجني عن بقايا الشيوعيون والرشاشات وهو الخيانة الكبري والعمالة والقبح والوقوف بكل تشاؤم امام سلامه الداخلي حتي لو اتي مخاضه بعد جهد وفرح به كل السودانين الا انهم ينشرون الخزلان والتشاؤم والحزن

متاكد ان احساسي هذا حقيقيا

صديقى اساسى..
اولا مبروك سلامة العودة والعرجا لى مراحا.
الحديث قد يطول عن مستوانا الرياضى المتخلف عن بقية خلق الله آلاف السنين الضوئية ويستوى فى ذلك هلال الخرطوم وهلال الثغر وهلال نيالا وهلال ام جر ومريخ العاصمة ومريخ كادوقلى ومريخ الحصاحيصا ومريخ ام دفسو وريال مدريد عطبرة ومانشستر يونايتد الباقير الورانى وبرشلونة الأبيض وبايرن ميونيخ القضارف وزمالك الفاشر.
تخيل يااساسى نحن شعب لا يملك ابتداع حتى اسماء لفرقه الرياضية فهل تتوقع منه اى انجاز رياضى خارج حدوده.
والله مصيبتنا كبيرة وعريضة وليرجع كباتننا وعباقرتنا للملاعب المحلية التى تشبه الكوش والزرائب وليمارسوا هبلهم وعبطهم وليرحمونا وليرحموا السودان من البهدلة والشرشحة ورحم الله امرئ عرف قدر نفسه.