Post: #1
Title: ياضل الفرح الدافئ جيتك ياالنبع الصافئ
Author: TahaElham
Date: 07-31-2003, 09:35 PM
Parent: #0
ماهذا الاغتراب..ماهذه المنافئ,في اي ديار نحن واي ازمان نعيش؟؟؟؟؟
يااصدقائي افتقدكم جميعاوكثيرا مااستدعيكم في لحظات الفرح الخاطف التي ربما تزخ علينا ..هل هجراتنا فريدة ام هذا الواقع فريد في عسفةام ان السلطة فريدة في عسفها ....لااعتقد في فرادة هذه الهجرات من حيث المكان ولافي تفردنانحن كاشخاص ولكني اعتقد تماما في فرادة الحنين نتيجة تفرد العوالم التي كنا نعيشها.... صدقوني لو بدآت اسرد تفاصيل حميمة لمجموع الاصدقاء في البوردلاحتجت لالآف .البندوثات لذا استميحكم عذرا لاجترار بعضا من هذاالحنين...الفريدة رقية وراق اذكر ان اول كرت تهنئةبعيد المراةتلقيته في حياتى كان مرسل منك واناادرس في مدرسة عطبرة الثانوية كنا مازلنا بعد نتحسس طريقنا لنندس في مشيمة العمل السياسي والعمل العام عندها تخيلت اني كوربسكاياللحديث معك بقايا وزوايا...ز اسامه الخاتم اتخيلك تاتي لنا في الجامعة باخبار الندوات وجلسات الاستماع لنهرع سويآ ونحن نحلم ..بكرى ياصديقنا ورفيقنا وييني وبينك الفكرة وجمال الذكري وحسن الظن .اشراقة ياام واصل ياواصلة للمقطوع حنينة وعميقة.....ماياصديقة الغربة الفريدةمنارةتنور رغم الظلمة الحالكة .... الاصدقاء النضيف خالد العبيدمن اين لي بنجيلة مرشوشة نقعد فيها ندوزن الحناجر والجيتارونغني يوماما سيغني اطفال لكم العالم لحنا واحد....الاصدقاء لكم حب وسلام جميعآ
اسمعنا ياليل السجون
نحن بنحب شاي الصباح
والمغربية مع الولادوالزوجة
والام الحنونوالاصدقاء
فاالي اللقاء
الهام
|
Post: #2
Title: Re: ياضل الفرح الدافئ جيتك ياالنبع الصافئ
Author: maia
Date: 07-31-2003, 09:43 PM
Parent: #1
الهام ام جعفر
صديقتي الفريدة
قد نكون غير متفردين في تفاصيلنا ونشبه غيرنا من شعوب الارض ، ولكن تبقى هناك خصوصية اللقيا وحميمية التواصل سمة تثبت اقدامنا على الارض ، فمهما تنازعتنا رياح الغربة ايا كانت سواء خارج الوطن او غربة الخوف من فقد ملامح الوطن ونحن نعيش فيه
سنجد ارض اللقاء وحميمية سودانيتنا سندنا وزادنا الذي نحتمي بهما
فيا بعض من زادي في منافي هذه البلاد الظالم اهلها
بقول ليك
اتذكرك وكتين اشوف لارنجة تتحدى الرياح
سلمتي
|
Post: #3
Title: Re: ياضل الفرح الدافئ جيتك ياالنبع الصافئ
Author: aboalkonfod
Date: 07-31-2003, 10:23 PM
Parent: #2
أسياد الدار .... طه إلهام
ردوم سلام ... وبعد
أسمحولنا ، وأدونا معاكم وجهة نظر وكدي
دحين عمك الجاموس بدور يقولو شوية كلاماً
زين ...
متعكن المولى بعز وصالكما وأدامه عليكن
نعيماً .. ومحبةً ... وتواصلا
أنا متلكن تب .. حرم وكت أشتاق لي أم
الولاد العازة .. بغبي متل المورود ،،
وأسجع في الكلام شعر .. أدوبي ليها
وأناديها .. وألولي ليها .. وأحكي ليها
عن تاريخها .. وماضينا
متل الكلام الغنابو شاعر الوطن
إتحزمن تب ، واركسن للجايات ، دحين
الشجر بموت واقف ،، متل ما قال الغناي
الممطورة ما بتبالي من الرش ،،، عيلا نحنا
إتبلينا تب .. شن الليها .. بنبالي
متعكما الله ، بحسن الوصال
ــــــــــ
عمكن/ جاموس الخلا الحكار
ــــ
|
Post: #4
Title: Re: ياضل الفرح الدافئ جيتك ياالنبع الصافئ
Author: اسامة الخاتم
Date: 08-01-2003, 08:04 AM
Parent: #1
لنحاول ان نصنع من ماضينا الم>هل مستقبلا ي>هل ايضا
لنحاول ان نمضى رغم تعسف سلطتنا
الهام فلنصنع اياما احلى
مليئة بالندوات و الاغانى السمحة
شرفتى البورد يا طير الجنة
|
Post: #5
Title: Re: ياضل الفرح الدافئ جيتك ياالنبع الصافئ
Author: فتحي الصديق
Date: 08-01-2003, 09:39 AM
Parent: #4
الأعزاء الأحباب
لكم الود جميعا
الفجيعة هي السمة الغالبة لنا جميعا.والقوم سادرون في غيهم.ولكم وبكم غناء الفجيعة.
يا بلدي يا فردة جناحي التانية وكت الناس تطير لي عالما
واوجعة الزول البجيك ما يلقا فيك غير الهجير ناسا سواهي مسالمة
كل البشاشات القبيل يلقاها ميتة مسممة
والجاتا جاتا من الارض ما جاتا من تالا السما
ما اعتى غبنك يا ولد واعدل قضيتك واعظما
لا ترجع السيف الجفير والدنيا فايرة مصادمة
من غير تجيب تار البلد ريح العوارض تهزما
تطرد مع التلت الاخير دعت الضلال من جنتك يا ادما
------
حميد
|
Post: #6
Title: Re: ياضل الفرح الدافئ جيتك ياالنبع الصافئ
Author: TahaElham
Date: 08-01-2003, 02:17 PM
الاعزاء ماياواسامةياحناني ويازماني ويامكاني الاولاني...الاخ جاموس الخلا الحكارامنا العازة بتجرسنا وقت نطراها بالحيل..لكن العليهاشديد وارجع اقول ..ياتو زمن دام للانجاس وياتو رصاص ما عقبوخلاص؟؟؟فتحي الصديق لك التحية ولك هذا الغنا للدوش
يا ماشي فوق النيل
هاك الجمال منديل
ياجايىمن النيل
هاك النخيل اكليل
دمتم كلكم
الهام
|
Post: #7
Title: Re: ياضل الفرح الدافئ جيتك ياالنبع الصافئ
Author: فتحي البحيري
Date: 08-01-2003, 02:41 PM
Parent: #6
سلام الهام
حليلك يا استاذة
وحليل الزمن
|
Post: #8
Title: Re: ياضل الفرح الدافئ جيتك ياالنبع الصافئ
Author: TahaElham
Date: 08-01-2003, 06:14 PM
Parent: #7
يافتحي اذيك ياخي
واي زمن وياله من زمن اين انت واي بقعة من الارض احتضنتك؟...مااشتاق اليه هو قدلة في شارع النشاط وانت تملاء المكان ضجة ونشاط والشوارع تنتظر يبدو ان هناك توارد خواطر غريب ..بالامس فقط كنت اتذكر انتفاضة السكر ديسمبر 88ذلك الشتاء القارس الذي تعطرنا فيه بعطر مازلنا نشتم رائحته حتي اللحظة في ملابسنا ..اين انت يافتحي حتي استرسل فالحديث ذو شجون.........
الهام
|
|