يا بورداب من كل البلاد انا زعلان منكم...

ليه كل هذا .........
لقد غبنا عنكم غياب ......غيابا ليس من العمد فيه شيء
و لكنا لم نجد غير الصفير و المكاء و الصمت و ليس هناك من تصدية
هل انتم من لا يسألون عن احد ام ماذا؟؟؟؟؟؟؟؟؟؟؟؟؟
اتحدث عن نفسي و لا اتحدث بلسان الهام عبد الخالق زوجتي ام ولدي التي غنت و اشجت ربما جيل ...............
كتبت لكم نزيف نفسي الم الانتماء و عذاب الجفاء و الغربة و الم السودان القديم و الجديد و ليس من مجاوب ...........ألا من احببت .....
في ندوة احتفي بها طلاب جامعة الخرطوم خلال الثمانينات باحد الشيوخ من اباءنا الصوفية العظام سأله احد السفهاء ما رأيكم في الكفار من اهل الكتاب و الملاحدة فقال (((((( انهم في حكم الله ))))))) فجاوبه احد السفهاء من الجهلاء اوليس لك من رأي فقال الشيخ لو كان للانسان من رأي فهل يختار هذه الحياة ..........!!!!!!!!!؟؟؟؟؟؟؟؟؟؟؟؟
اليكم هذا التساؤل هل هذا جاوبكم للانسان
طه جعفر الخليفة

يشهد الله الذي لا اله الا هو انك طوالي في البال ... و كل ما اشوف عشه حايمة بيجاي طوالي بقول

ياربي رجعتهم و لا قنع منهم !!!

طالت الغيبة فعلا ... و مشتاقين با ابو جعفر

تحياتي لجعفر و السيدة والدته الكريمة

ملاسى

دايما في الخاطر يا ابو جعفر وما تخلي ملاسي ادخل بين القشرة وعودة انت مالك انشا ء الله تكون الحطبة ذاتها يا ملاسي، وزي ما قال ليك طه خلي الخلق للخالقها وراجعين بخصوص الملاحدةانت الهام ولا طه ؟الاتنين

العزيز طه جعفر

رغم المشغوليات و زحمة الايام المضت
لكنى اعترف بالتقصير عن السؤال عن احوالك
و احوال ناس كتار انلمينا معاهم هنا
فعذرا حبيبى و ان شاء الله انت و الجميع
هنا دون فرز تامين و سالمين

اصلا انتي و بيرك مسألتكم معروفة و محنتكم محنة كت البلا لبن و الله مشتاقين يا سكان زحل ربنا يلمني في كتبي . العزيز ملاسي و الله العظيماليوم داك الواحد قاعد و عمل جرد للذاكرة بين الدوام و الدوام الذي يليه فوجد هذا اللوم و قبل عليكم



الي الاعزاء ملاسي و عشة
مليون سلام
طه

أتاني أبيت اللعن أنك لمتني * وتلك التي أهتم منها وأنصب

بركة الجيت يا زول... وإنتو معانا في عمق الخاطر...

وكل سنة وإنتو طيبين

ياسر

حباب أبو جعفر
وحباب الريح الجابتك،
وإلهام الحنينة كيفنها؟
وصوتها الماغاب عني لحظة، وبسمتها!

طولتو بالحيل،
إن شاء الله ما في عوجة
وفاقدنكم
تعالوا، وعطروا المكان بالقصيد والكلام

وياطه جعفر
أسبوع الكتابة ينتظرك

أما إلهام
فلها تداعيات لم تكتمل، لابد لها من تفتيقها، مرارا، فلتنداح

للعائلة كثير الحب والسلام
إيمان

ليك حق ، ونحن قصرنا ، والله إفتقدتك ، وسألت عنك زميل بورد آخر معنا هنا ، وجال في الخاطر أن نسأل عنك ، لكن نعمل شنو مع الواجبات المدرسية ، ولك العتبى حتى ترضى

فالوا المادارك ما لامك..

ياولاد القضارف الحنينة..ده كلام محنه منكم وبس..


(ادخلا فى اى غرفة من غرف القلب..واسكنا
فهومهيا..لمقدم العيون الطيبة.....)

ولكم العذر..

والمحنه

عندما يمتزج الماء بالماء حينها لاندري اي ماء تبخر الي حين هطوله مطرا ثانية.فالغياب ليس غياب يحقق ازدواجية الحضور وتوسعات التجلي.هو فقط عزيزي طه الهام هذا الشئ المحكوم بخاصية التوهج والحنين ساعة اللقاء حيث لافقد مبديئا.طه الهام جعفر لكم سلطة الحضور حيثما شئتم.

وليد يوسف

امانهما اتلومنا تب
لكن معذورين كنا مشغولين جميعا بمعركة الحرية
والاستاذ محمود
ومعركة الفن الملتزم ومصطفي سيد احمد
لكما الود

الأخ طه جعفر تحياتي الحارة لك ولمن معك ولجميع أهل القضارف أينما كانوا.

لك حق فيما ذهبت اليه ونرجو المعذرة .
المعزة خاصة لجميع الجيولوجيون أينما حلوا أو رحلوا وفي القلب كثير من الشوق الذي لا يوصف للمسيكتاب ولكافتريا الجيولوجيا و---

تحيات خاصة جدا لابن عمك محمد عثمان أتمنى أن يكون بخير وعافية وبالمناسبة أين أنت وأين هو الآن جغرافياّ.


لك خالص التحايا

أنور السادات

انور ابو الانوار مليون سلام و الفين شوق يا صاحب الضحكة المجلجلة و الله زمن و ازمان ........ايام الجامعة و خصوصا ايام الجليوجيا لا تنسي كل ما يمر احدكم بالدرب اتذكر المرحوم مجدي سيد قاسم الهم اسكنه فسح الجنان و احفظ اولاده و انعم عليهم و الزم اخوته حسن العزاء . انا يا انور هنا في مسقط و اتزوجت من 1993 و الان عندي و لد واحد اسمه جعفر بتاع سنتين و 8شهور كده زوجتي خريجة نبات من عطبرة اسمها الهام عبد الخالق . في البال الان ماجد الطويل و وودحسان وود الياس و ابوعبيدة و عثمان دكان و كل الناس و سعد(المايو) وصلاح بشير و صلاح و موسي وود المهدي و ناس و ناس . محمد عثمان كان هنا و رجع الي السودان العام الفائت و هو بالف خير

طه جعفر

لوم راكبنا من الراس للكرعين

اعفو عننا يا احباب

اكيد يا طه في لوم شديد
لكن و الله طوالي متذكرنك
مع كل لمة .
لكن انت مالك انشاءالله المانع خير ؟؟؟؟
كيف اخبار الهام و كيف بطة الصغير

الاخ طه والاخت الهام:
نحن اكنا قايلنا فترة بيات شتوي في ايام البرد دي.
او مرحلة راحة ولملمة افكار, خصوصا وان الساحةكانت تضج بالمعارك .
عموما سلامة العودة .
وشكرا ...

** من بعض ما افعله ..

العزيز طه ..
قالوا اللوم بجي بالغفلة ..
لك العتبى حتى ترضى ..
مع التحية


قيسان

الاعزاء كان في البال ان ارد علي كل حد بما يلزم من الشكر و التقدير لكن الكمبيوتر عاضي شوية و ربنا يجيب العواقب سليمة
الاحباب
1-الاستاذ الموصلي
2-الاخت تماضر بت الهمارير اسياد البلد
3-المسفع الما مصفع ما بنخلي زول يعمل كده
4-ياسر الشريف
5- الغالية ايمان احمد
6-ابو ساندر ربنا يخفف
7-وليد يوسف العزيز
8-مراويد ليك و حشة و الهموم الضاغطة هذه الايام نتمني ان تترك لنا و طنا نناضل كمواطنين شرفاء به
9-عصام وداعة كيفك و كيف الامور وين العجب ان شاء المانع خير سلام
للجميع بدون فرز خاصة عامر و محمد الحسن و نحولي ان وجد !!!!!
10- الاخ ايهاب لك منا شكر جزيل
11- قيسان شكرا علي اللوحة النادرة بالمناسبة قمنا بطباعة الكرت الذي ارسلته لنا و اليو سأقوم بطباعة اللوحة الجديدة هذه .و سنلتقي علي المسنجر

كلكم بدون فرز مشكورين و لكم منا الحب و الاهتمام و انا مقدر
لاهتمامكم . و سؤال للجميع كيف يمكن ان نوقف احتمالات الانفصال؟
بين الجنوب و الشمال و هل ستكون هي ثمرة اتفاق المتطرفين المرة
ربنا يجيب العواقب سليمة


الهام و طه

الاحبة طه والهام
سلام و تحية
والله دائما فى بالى و كنت مفكر اضرب ليكم لكن اقول ليك شنو من الزحمة الحاصلة و بالمناسبة بالامس كنا ضاربين ونسة تلفونية مشتركة بينى و الزميل على بيلو-ميرلاند و نزار ابراهيم-جورجيا عن تلك الايام الجميلة بالبركس و الدكان و سوف يتصلون بكم قريبا وبالمناسبة الحصل شنو لصورتكم
لكم سلامى و حبى و الى الصغير جعفر

التحية للجميل بكري و الاولاد و المدام و الله الشوق بحر . نزار و علي بلو لهم السلام و الاحترام اللازم لاولاد العم سام .
بالمناسبة الصادق صلاح اتزوج و جاءت معه المدام الي مسقط الف مبروك للصادق و عقبال عند العزابة من اولاد الدفعة .
اليوم عرفت انو ماجد الطويل (الجملون) ايضا تزوج و غير من شركة الرخي العالمية و يعمل الان مع احد شركات البترول بالخرطوم. ربنا يسمعنا عنكم كل خير . لكم الود . الصورة نزلناها عشان نخت واحدة تاني لكن الشغلانة صعبت شديد بكرة بحاول تاني
طه

الإعزاء طه وإلهام...
العفو.. ارجو ان يزال الزعل..
حمد الله على السلامة..
رجـــــــــــــاء