Post: #2
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-02-2012, 09:52 PM
Parent: #1
يا نيل يا شامخ كيف بتموت؟
|
Post: #3
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Adil Ali
Date: 03-02-2012, 09:59 PM
Parent: #1
يعني تقصد ان هذه مرثية كتبتها أنت والمدعو إمام محمد باهي سرقها ونشرها بإسمه؟
|
Post: #4
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-02-2012, 10:13 PM
Parent: #3
سلام يا عادل علي وأسعد الله ايامك يا حبيب..
كدي شوف الرابط الأنا منزلو في مداخلتي التانية في البوست ده!!!
وكدي قوقل اسم القصيدة..
ياخ دي أنا كتبتها بمجرد سماعي النبأ الفاجعة
وقريتها في نفس اللحظة على الهواء مباشرة في قناة النيل الأزرق
ونزلتها هنا في سودانيزاونلاين وحسة قاعدة في الصفحة الأولى
وبكري ثبتها فووووووق يومين
ونشرتها بالصحف وبعكس الريح والنيلين وسودانايل وأوردتها عشرات المواقع
يجي كده بقوة عين يقول من شعرو..
بصراحة كتير من اشعاري ناس نسبتها ليها وناس ما أشارت لي كاتبها
بس حقت وردي دي حرقتني والله..
|
Post: #5
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: محمد زكريا
Date: 03-02-2012, 10:25 PM
Parent: #4
والله ياها زاتا شر البلية ما يضحك وكمان خاتى صورتو
مع انه شكلو ماظاهر عليهو حرامى 
ليه كده يا امام ما تكتب من راسك مش من كراسك
كن ده هو يا دكتورمعز ما تخليهو
الا لو ممكن تكون القصه فيها سرقة بروفايل او انتحال شخصيه
|
Post: #6
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: محمد النيل
Date: 03-02-2012, 10:32 PM
Parent: #5
كفارة يا دكتور
لكن العمل اشتهر بإسمك
وسيظل بإسمك
واكيد الناس اللى قرأت لهذا اللص عارفة الفصيدة
لان القصيدة إنتشرت فى الفيسبوك بأسمك فى سرعة كسرعة إنتشار النار فى الهشيم بعد وفاة العملاق وردى
..
فالتبر ينتمى للذهب
ولا يمكن نسبه للنحاس
..
يا دكتور بحاول ارسل ليك فى الخاص
الرسالة ماعايزة تمش
عايز إيميلك
او التلفون
لك الود والتحايا
|
Post: #9
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-03-2012, 03:20 AM
Parent: #6
تحياتي الحارة محمد النيل يا حبيب
وشكراً كتير للمؤاذرة ولكلماتك النبيلة..
أرسلت لك في الخاص رقم الهاتف والإيميل..
كل الحب والتقدير وفي انتظار أن نسمع العمل..
|
Post: #7
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-02-2012, 11:32 PM
Parent: #5
تحياتي يا محمد زكريا يا حبيب..
والله الواحد يعني يستغرب!!
الراجل شكلو حبوب وحتى دخلت في البروفايل بتاعو وعندو مداخلات لطيفة
بس ما عارف والله الخلاهو شنو يعمل كده ومع سبق الإصرار؟؟
يعني كان ممكن ينزلها بدون اسم والناس تقول قصيدتو لكن يكتب إنها من شعرو دي كتيرة !!!!
|
Post: #8
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: الخير محمد عوض
Date: 03-03-2012, 02:49 AM
Parent: #7
تحيتي يا دكتور معز
ارجو مراجعة الخيط ادناه
الحال من بعضه يا دكتور معز عمر بخيت
تحيتي واحترامي
|
Post: #10
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-03-2012, 11:14 AM
Parent: #8
الغالي الخير،
شكراً للتنبيه وشكراً لتعقيبك الكريم قي الخيطين
وأدام الله الود والمحبة والمعروف بين الناس..
تقديري واحترامي لك.
|
Post: #11
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: عبدالفتاح أبوشيمة
Date: 03-03-2012, 11:56 AM
Parent: #10
كفارة اللي بيك يزول غلبني تب درب الوصول دا أخير منه حرامي الحلل والقصة ما دايرة الجدل بس خليك مسامح يا أصل وشوف توقيعه ما يسوى البصل ياخي بس شوف ليه حلل قط ما يهمّك دكترة حقك مثبّت هل ترى؟ رسمك توقيعك إبداعك؛ أعجبني؛ لكن...ولك التحية بس بالله ما تعمل ليه قضية يقوم يشتهر كدا بالنيّة يمكن دا الهدف مية المية
|
Post: #12
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-03-2012, 06:34 PM
Parent: #11
أجمل وأرق وأعذب تحية ليك يا عبد الفتاح يا حبيب
ومليون شكر ليك على الكلام الحلو ده..
وشكراً على رابط البوست و التوثيق وحفظ الحق
لك محبتي وتقديري واحترامي الكبير
|
Post: #13
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: عاطف عبدالله
Date: 03-04-2012, 05:23 AM
Parent: #12
دكتورنا الغالي
هذا النكرة أنت الآن أعطيته أكثر مما يستحق كان الأجدر أن لا تذكر إسمه حتى يظل قابعا في ذاكرة النسيان أو يجتهد ويكتب ويقدم نفسه للناس من خلال إنتاجه وحينها يستحق أن تفرد له جناحيك ليحلق بهم عكس الريح
مع خالص تحياتي يابروف
|
Post: #14
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: ياسر السر
Date: 03-04-2012, 06:50 AM
Parent: #13
يا دكتور الجاتك في شعرك سامحتك ،،، وبعدين يا دكتور النحاس ما بيوازن لي دهب شيبون ,,,
كثير من الناس يا دكتور تحب الظهور والنهوض على أكتاف الآخرين ولكن هناك من هم يعرفون حقائق الأشياء ويقفون على كل شارده ووارده فلا تقلق فالجميع يعرف أن شعرك من نبرته ومن حسه الجميل فأنت أين ما كنت تنثر الإبداع والألق فلك مني تحية خاصة وزيدنا من دلك شوية ,,
تحياتي : ياسر العيلفون
|
Post: #15
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: نور الدين عثمان
Date: 03-04-2012, 07:11 AM
د . معز شعرك فيهو نفسك وروحك واصبحنا نحسه قبل ما نقرا مين كاتبه لذا ذى امام ده ما يفوتها الا
على غير الزواقين للشعر الراقى ,,,
والجاتك فى اشعارك سامحتك مع ودى وتقديرى يا راقى .
|
Post: #16
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Mohamed Yassin Khalifa
Date: 03-04-2012, 07:48 AM
Parent: #15
ســلامات يا بروف ليك وللأسرة الكريمة...
يبدو أن أهل منبر تندلتي قد إنتبهو للأمر.. فتوارى البوست عندهم.
ثقافة حقوق الملكية الفكرية عندنا محتاجة شغل كتير
فياريت يا بروف نساهم كلنا في نشر هذة الثقافة.
ودمت سيدي الفاضل...
|
Post: #23
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-05-2012, 03:19 PM
Parent: #16
تحياتي الحارة اخي الحبيب محمد ياسين
وشكري ومودتي.
أنا سعيد وممتن لأهل منبر تندلتي
وهكذا يتم الاسهام في حقوق الملكية وتعميم ثقافتها..
تقديري واحترامي لك ولهم وللجميع
مع كل الحب
|
Post: #22
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-04-2012, 08:15 PM
Parent: #15
تسلم كتير نورالدين عثمان
تسلم كتير يا غالي
تحياتي ومحبتي
|
Post: #19
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-04-2012, 03:15 PM
تحياتي الحارة حبيبنا الغالي ياسر العليفون
وشكراً كتير سيد الناس على كلماتك الطيبة
وأنيقة مثلك
محبتي وتقديري الكبير لك
|
Post: #17
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-04-2012, 10:43 AM
Parent: #13
ألف تحية ليك عاطف عبد الله يا حبيب
وأشواق كثيرة والله..
تعرف يا عاطف كان ممكن ما أعبرو وشاهدت في الفيس بوك وفي مواقع مختلفة أكثر من شخص شايل إحدى قصائدي وكاتب عليها اسمو
ووالله ما عبرتهم، بس زي ما قلت لعادل علي قصيدة وردي دي حرقتني..
سلامي الحار للأسرة الكريمة..
مع كل الحب والتقدير
|
Post: #18
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: أبوبكر عبد القادر العاقب
Date: 03-04-2012, 10:50 AM
Parent: #17
الراجل فهم غلط يا دكتور ،، قايل تندلتي دي في كوكب تاني على ما اعتقد ،،،
|
Post: #20
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: وضاحة
Date: 03-04-2012, 04:03 PM
Parent: #18
يا عزو الجاتك فى قصيدك ربنا يعوض عليك
وانا اسفة يا عزو من الحصل وحذف البوست اصلوا الحكاية كا الاتى خليك معاى
انا كنت حايمة فى النت قمت اكتشفت بالصدفة انو قصيتك اتلطشت وانا قريتها يوم وفاة وردى فى سودانيز اون لين
قمت جريت اقرب جينز عندى ودخلت فيه وجريت لى تشيرت من طرف الدولاب ولبست الرنن شوسو ولفحت الهات بتاعتى وجريت ليك جرى على منتدى تندلتى دا
اها قمت سجلت عندهم قلت امشى اجيب ليك حققك واردح لى ردحة ردحتين باقى مشتهي لى ردحة
اها بعد التسجيل ما نشطوا لى حسابي قمت اتغظت واتحمقت قمت اتصلت بسيد الموقع لقيت تلفونوا معلق فوووق فى راس المنتدى
اها سالمتوا وطايبتوا قلت ليه ليه ما نشطت لى قال لى لانى عاوز اتاكد منك انتى من تندلتى (وانا تندلتى دى وين زاتوا ما بعرفى ولا سمعت بيها ههههها)
قمت رديت ليه قلت ليه الا لى ناس تندلتى قال لى ما مشكلة بنشط ليك لكن حسيتوا مكاااار
اها اديتوا تانى فترة واتصلت قلت ليه ليه ما نشطت لى قال لى انا مافى المكتب بعد ارجع بنشط ليك وانا من نبراتوا عرفتوا ما بنشط
قمت قلت ليه عندكم عضو اسموا الامام دا فى منتداكم بسرق القصائد بتاعت الناس وينسبها لى نفسوا
قال لى دا وين قلت ليه فى منتدى الشعر
قال لى والله ما عارف لكن بشوف
قلت ليه القصيدة بتاعت بروف معز انتوا حرامية وكده بشوه سمعت منتداكم هو وكت يلطش يلطش قصيدة وردى العملها بروف معز كان يكتبها ويكتب اسم معز تحتها او يقول منقول
قال لى قطع شك دكتور معز معروف لو كان كده انا بعتزر ليه والزول الطشها زاتوا حا اخلى يعتزر ليه
قلت ليه شكرا وقفلت
اها بدل يوفى بوعدوا حذف البوست ودق طناش
وانا لى هسي واقفة فى الباب مستنى ينشط لى حسابي
اها بدل اكحلها ليك عميتا
انا اسفة دكتور كان قصدى اجيب ليك حققك
|
Post: #21
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: نيازي مصطفى
Date: 03-04-2012, 04:15 PM
Parent: #20
رحم الله وردي واسكته فسيح جناته مع الابرار
البركة فيكم يا دكتور
اتمنى ان يكون الاخ ناشر قصيدتكم قد اخطأ وليس عن قصد
فكل الناس المتابعة قد قرأت رثاكم هنا .
يابروف اكتب غيرها وخليها ليهو نكون نحن المستفيدين :)
|
Post: #24
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Kamal Karrar
Date: 03-05-2012, 03:37 PM
Parent: #21
والله يا بروف...
أنا زعلت أكثر منك...
مش عشان وردي الله يرحمه ويحسن إليه...
لكن لأنو العملو الزول ده مش قوة عين.. ده ظلم (بضم الظاء وتسكين اللام)...
وانا عندي حساسية من الظلم لأنو ظلمات....
بس كيف يعمل مع ربه اللذي حرم الظلم على نفسه...
يحسبونه هينا يا بروف... وهو والله كبير..
|
Post: #31
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-06-2012, 10:20 AM
Parent: #24
تحياتي الحارة حبيبنا الغالي كمال كرار
أولاً مشتاقين والله جداً
ويا سيدي
ربنا قال (وسيعلم الذين ظلموا اي منقلب ينقلبون) - صدق الله العظيم
تقديري واحترامي الكبير لك
|
Post: #30
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-06-2012, 09:38 AM
Parent: #21
أسعد الله كل أيامك حبيبنا الغالي نيازي مصطفى
وشكراً كتير ليك والله..
وفكرة قصيدة جديدة أجمل اقتراح..
ربنا يخليم
|
Post: #27
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-05-2012, 10:22 PM
Parent: #20
وضاحة ست الناس والحقانية من زماااااااان..
والله ما قصرتي معاي تب..
انت مش زولتي الجعلية ديك.. 
تسلمي تسلمي تسلمي والعملتيهو ده بالدنيا
شكري وامتناني.
|
Post: #25
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-05-2012, 05:35 PM
Parent: #18
أبوبكر عبد القادر العاقب
| Quote: الراجل فهم غلط يا دكتور ،، قايل تندلتي دي في كوكب تاني على ما اعتقد ،،، |
يديك العافية يا ابوبكر يا حبيب
|
Post: #26
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: mohmed khalail
Date: 03-05-2012, 08:12 PM
Parent: #25
سلام المعز بالجد الموضوع غياااااظ وما تخلي الزول ده مهما كان حتى يعتبر..
والحقيقة نحن سمعنا بقوة عين الحرامية من حرامية البيوت لي حرامية القلوب لكن دايما حرامية الشعر حرفاء..حتى في سرقاتهم..الادبية..
لكن زولنا ده لا لامي في الشعر لا الحرفنة..
ما تخلي حقك يا حبيب..
|
Post: #28
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Ahmed Amin
Date: 03-05-2012, 10:41 PM
Parent: #26
فعـــلاً كمــا قلــت يا دكتور : قـــــوة عيــن عينة ..
صحي الإختشوا ماتو ...
تقديري ...
|
Post: #36
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-07-2012, 02:50 PM
Parent: #28
أنبل التحايا لك دكتورنا الغالي أحمد أمين..
ولك تقديري ومحبتي واحترامي الكبير
|
Post: #29
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: أسامة البلال
Date: 03-05-2012, 11:03 PM
Parent: #26
ممكن يا دكتور الموضوع يكون مجرد توارد خواطر خاصة إن مدينة تندلتي كانت ملهمة للشعراء وألهمت الشاعر الكبير إبراهيم العبادي فكتب واحدة من أجمل عيون شعر الحقيبة وهو في تندلتي ومازالت تطربنا (عازة الفراق بي طال) فما بعيد منتدي تندلتي ألهم أخونا والله برضوا عندك شك في حكاية توارد الخواطر دي (-:
| Quote: مع انه شكلو ماظاهر عليهو حرامى |
بالله إنت يا محمد زكريا لسه من زمن الحرامي المبهدل ومبشتن داك!
|
Post: #32
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: محمد جلال عبدالله
Date: 03-06-2012, 10:33 AM
Parent: #29
تعرف يا دكتور مرات في ناس بسرقوا وما بكونوا عارفين القصة دي سرقة!!
مرة في واحد صديقي أخذ مقامة بتاعت كاتب مشهور وأجرى عليها تعديلات
وغير فيها أشياء بسيطة وأسماء وأراد أن ينشرها في بعض المنتديات باسمه هو!!
فقلت له أن هذا الفعل لا يصح وأنه يسمى سرقة أدبية
ويجب عليك إما أن تنزل المقامة كما هي باسم صاحبها
أو تعدل عليها ما شئت ولكن تشير للمصدر الأصلي الذي اقتبست منه
هل تصدق أن هذا الصديق قال لي: أول مرة أسمع هذا الكلام!!
وكان صادقا وأنا أعرفه بدليل أنه أعرض عن الموضوع جملة وتفصيلا
لكن والله زولك الشال القصيدة دي بالغ عديل!
|
Post: #33
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: MOHAMMED ELSHEIKH
Date: 03-06-2012, 12:22 PM
Parent: #32
| Quote: ممكن يا دكتور الموضوع يكون مجرد توارد خواطر خاصة إن مدينة تندلتي كانت ملهمة للشعراء وألهمت الشاعر الكبير إبراهيم العبادي فكتب واحدة من أجمل عيون شعر الحقيبة وهو في تندلتي ومازالت تطربنا (عازة الفراق بي طال) فما بعيد منتدي تندلتي ألهم أخونا والله برضوا عندك شك في حكاية توارد الخواطر دي (-: |
عليك الله يا اسامة في ضمتك انت جادي ولا بتهظر زيي كدى؟؟؟
يعني ممكن الراجل عاوز يكتب انو شعر بالقصيدة مش شعرها يعني نقول غلطة مطبعية
تحياتنا يا بروف ويحمد للأمام انو لم يلخبط ويحرف
|
Post: #34
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: د. ياسر عبد القادر
Date: 03-06-2012, 12:38 PM
Parent: #33
سلامات يا بروف
قصيدتك قريناها طازة....لكن كلام الزول دا ماسمعنا بيهو إلا من عندك...
دي زي قصة الأمام اللي أعلن لست العرقي الفي اخر الشارع...
يا حبيب المقامات محفوظة....والنخل السامق يكرم متسلقيه
تحياتي
|
Post: #41
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-09-2012, 10:54 AM
Parent: #34
مشتاقين كتير د. ياسر يا سيد الناس
حلوة قصة الامام الأعلن محل ست العرقي
لكن زولنا ده امام بي اسمو بس ههههههههههههه
ربنا يخليك يا حبيب
وسلامي لكل الرائعين حولك
|
Post: #40
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-08-2012, 11:58 PM
Parent: #33
تحياتي الحارة غالينا محمد الشيخ
والحق ما قلت والله..
تسلم سيد الكل ولك محبتي واحترامي
|
Post: #39
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-08-2012, 02:30 PM
Parent: #32
أصدق الود والمنى يا محمد جلال..
بس زولك ده أجرى تعديلات واجنهد شوية في السرقة
لكن الباهي مما يحمد له إنو أخدها بي ضبانتها..
والله الواحد ما عارف يضحك ولا يبكي
|
Post: #38
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-07-2012, 11:52 PM
Parent: #29
أسعد الله أوقاتك يا أسامة البلال..
ضحكتني وسعدتني والله بمداخلتك اللطيفة
تسلم مليون يا حبيب..
ولك حبي وتقديري واحترامي
|
Post: #35
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-06-2012, 06:12 PM
Parent: #26
هلا بيك محمد خليل يا حبيب
والله السرقة بقت حرفنة شديدة
لكن حقيقي زولي ده أبداً مافهمتو والله..
تحياتي الحارة ليك والود والاحترام
|
Post: #37
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: mohmed khalail
Date: 03-07-2012, 07:01 PM
Parent: #35
في مرة من المرات يا دكتور معز جاء الي بيتنا الفنان الشاب صديقي عبد المنعم النذير حاملا عوده وقال لي بأنه لحن قصيدة جديدة اعجبته كتبها الشاعر(...) وبدأ ينشدها بلحن جميل..
سكة ..سكة ووادي وادي
في مدارات الحواضر والبوادي
في متاهات الظروف والطلاسم والحروف
ما لقيتك..
ما لقيت صدرا حنين ليهو أعياني الطواف
وانت كان اجمل مطاف واحلى شادي..
والاغنية طويلة..
وقد ذهلت ذهولا كبيرا لان هذه الكلمات هي كلماتي..لوهلة ظننت ان منعم يمزح لكنه اكد لي ان هذه الكلمات اعطاهاله (...)على اساس انها من اشعاره..المهم طوينا الموضوع بعد مواجهة مع هذا الشخص واعتذر متحججا بان الكلمات اعجبته ومن ثم قام بإضافة بعض المقاطع من عنده وانه كان سيذكر ان القصيدة لي مع بعض التعديلات..المهم منعم حتى يتفادى الحرج لم يغني هذه القصيدة ابدا بعد ذلك.
واتفرج يا سلام
لكن ما تخلي حرامي الحروف ده ابدا..
كل الود
|
Post: #42
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: صابر فضل المولي
Date: 03-09-2012, 04:25 PM
Parent: #37
في زمن الفراعنة كان الفرعون عندما يخلف سابقه
يقوم بكشط اسم السابق من الانجازات التي كانت تكتب
علي المسلات التاريخية ويضع اسمه بدلا عنه .. وكأنما هو
من قام بالإنجاز..
في العصر الحديث الناس عاوزة ترجع تاني للفرعوني ..
والمشكلة اهل الحاجة حيييييين والله يطول في عمرهم...
|
Post: #44
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-11-2012, 11:48 AM
Parent: #42
تحياتي الحارة يا صابر
والله صدقت
ياهو زمن الفرعنة..
|
Post: #43
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-10-2012, 01:11 AM
Parent: #37
دي قصيدة جميلة جداً من بدايتها يا محمد خليل
ومروض عبد المنعم النذير ما يخليها
يقدم النص الأصلي وبتسبو ليك
بدل ما يحرم منها الجمهور
|
Post: #45
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: الفاتح شلبي
Date: 03-11-2012, 12:58 PM
Parent: #43
| Quote: وقريتها في نفس اللحظة على الهواء مباشرة في قناة النيل الأزرق |
يا دوك
الجاتك فى أشعارك سامحتك
بالفعل نحن سمعنا القصيدة فى قناة النيل الازرق, وحينها قلت لبعلولتي شوف د. معز قطع الشعر دهـ أسي دي ... البعلولة جرت فوقي نظرة طويييلة ... وانا كنت حزنان على وفاة وردي وما رديت عليها ولا بنظرة ... بس كويس جداً ... ياخي فعلاً مصائب قوم عند قوم فوائد ... أسي لولا الحرامي دهـ منو الكان بيحلنا ؟
|
Post: #46
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-11-2012, 08:47 PM
Parent: #45
حبيبنا الفاتح شلبي
والله البعلولة بالغت معاك
ومعاي كمان
بس البركة ربنا جاب الباهي لفك الاشتباك.. ههههههههههههههههه
تسلم كتير سيد الناس
وتحياتي للبعلولة..
|
Post: #47
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: هاشم عبداللطيف
Date: 03-12-2012, 09:38 AM
Parent: #46
دكتورنا ومفخرة سودانا
هذه الأيام السرقات بقت على قفا من يسرق
لكن لم أجد بهذا الغباء
معظم الناس سمعتها وكثير جداً من الأسافير نقلتها
ومعظم الصحف الإلكترونية وغيرها أوردتها
وكلهم نسبوها إلى مصدرها
كيف يأتي هذا ويتشعلق فيها
أهل تندلتي قفلوا البوست وما أعتذروا
رحماك ربي
|
Post: #48
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: نوفل عبد الرحيم حسن
Date: 03-12-2012, 02:06 PM
Parent: #47
والله قوة عين شديده خلاص
كلنا نقلنا القصيده ممهوره بتوقيع بروف معز عمر بخيت
حفظا للحق الادبي للبروف والاخلاقي لنا
وخوفا من امثال وضاحه .. غايتو ناس تفتش اللولوه وين وين ههههها
لك التحايا بروف معز ولضيوفك الكرام
|
Post: #50
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-13-2012, 01:29 PM
Parent: #48
تحياتي الحارة يا نوفل يا حبيب..
عليك الله نعمل شنو مع قوة العين دي
بس وضاحة ما قصررت معاي ياخ هههههه
واصلها زولة حارات..
كل الحب والاعزاز
|
Post: #49
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-12-2012, 09:51 PM
Parent: #47
تحياتي الحارة حبيبنا الغالي هاشم عبد اللطيف
وشكراً كتير لدعمك المقدر
والله ناس تندلتي بالغوا معاي
مع انو تندلتي دي عندها معزة خاصة عندي منذ الطفولة
|
Post: #51
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Elkalakla_sanga3at
Date: 03-13-2012, 03:40 PM
Parent: #49
دالمــعز الناس بتسرق بلد كامل مابالك قصيدة
حبيبنا دالمعز انت انتم قبيلة الدكاترة اول من رثيتوالراحل المقيم وردي انت والشاعر عمر محمود خالد ولايهمك يا شاعر النجوم
|
Post: #52
Title: Re: عليكم الله تعالوا شوفوا الحرامي ده وقوة عينو!!!!!!!!!!
Author: Dr. Moiz Bakhiet
Date: 03-13-2012, 11:42 PM
Parent: #51
مليون تحية للكلاكلة صنقعت
وسعيد بطلتك البهية هنا..
وعلى قولك
سرقوا بلد كاملة
بقت على قصيدة..
وآاااااااااااااه يا بلد.
كل الحب والتقدير
|
|
