صباحات بروف المعز الروعه

على قناة الشروق قدم بروف المعز عمر بخيت اضاءات لرؤاه حول التغيير المطلوب فى السودان فهل نوسع دائرة احلامناونحلم بصباحات روعهصباحات بروف المعز الروعه

ها ها ها ..... قررررررررررررررررررررررررررررررررر

عبدوش أولاً ياخ
مبروكين التلفزيون والله !!
يتربي في عزكم ويتقطع
بي شوف العافية





ــــــ
التحية عبرك للدكتور معز
لكن يظل الأمر في خواتيمه
مجرد حلم ليس الا .

وصباحاتك بيض



ثم يا بيناوي
القرقرة الليك شنو ؟

الجميل خضر حسين
دعنا نحلم بتلك الاوطان المتخيله
فى شعر محجوب
حا نبنيه البنحلم بيهو يوماتى
او فى صباحات المعز بخيت الروعه
او فى الونسات بين الاصحاب
البدايات دائما بالاحلام يا صديقى
فلنواصل احلامنا

Quote: ثم يا بيناوي القرقرة الليك شنو ؟

في جنس الاحلام الشاعرية اللت د. معز وعبدوش دي

خبيبنا ياسر بيناوي،

صدقني هي ليست أحلام شاعرية تنتهي بميلاد قصيدة

هي برنامج له خطة استراتيجية تبني أمة

وتجعل التغيير ممكناً لنقيم دولة العلم والحضارة

دولة الثقافة والفنون

دولة الإنسان السوداني العظيم

وعندها ستتحول ضحكتك الجميلة لفرح مستدام ان شاء الله

بس ايدك معانا


مع تحياتي الحارة لك

الحبيب عبد الإله،

التفيير الكبير يبدأ بحلم

والحلم يتحول لفكرة

والفكرة تتحول لإرادة

والإرادة تحقق التغيير

..

أتفهم إحباطات البعض

وفقدان الأمل لديهم

نتيجة ضياع حلقة من تسلسل الحلم في تجربتهم

لكننا ستحدث التغيير الحتمي بالرائعين والمخلصين مثلك

تحياتي الحارة لضيوفك الكرام

وترقبوا الأيام القادمة

الغالي خضر حسين،

صدقني لا أحلم حلماً لا يتحقق

خاصة عندما يتعلق الأمل بقضية أؤمن بها

فقط كن معنا

وسنحدث التغيير ان شاء الله

لك تحياتي الحارة يا حبيب

Quote: وعندها ستتحول ضحكتك الجميلة لفرح مستدام ان شاء الله بس ايدك معانا

تسلم يا بروف
وحقيقة الواحد ماعندو هم غير انو الوطن يبقي فوق
والناس ترتاح بس كيييييييييييييييييييييييييف


عموما لو كان علي انا
فانا معاكم تب وعلي اتم الاستعداد رايك شنو .... ؟
ودا تلفوني كمان 00249917296200


خالص الود

الحبيب ياسر

اتصلت عليك وتلفونك لا يعمل

راجع الرقم تاني

وعبد الإله قال ليك اتصل عليهو ضروري جدا

يا دكتور سلام
أتوقع انك في دبي اليوم
شامي ريحتك

الزول الجميل القرضابي،

عارف دعوني لحضور جائزة حمدان

وكان مفروض أصل دبي مساء اليوم

لكنني اعتذرت بسبب زياتي للسودان

لحضور احتفالات عكس الريح

..

تحياتي وأشواقي الحارة لك يا حبيب

بروف المعز التلفون شغال الا يكون الشبكة
والعزيز عبد الاله رقمو ما عندي


علي العموم الايميل

[email protected]
وانا قاعد في المسنجر حاليا



كل الود

أيوه ده الموضوع
كلموني أصحابي هنود
راجل ومرتو دعوني للحفلة و قالو لي انك جاي
وأنا قلتا ليهم انك صاحبي السنة الفاتت لما جيت وكرموك
وقالو سألوك قلتا ليهم مابعرفو

يعني الواحد ما يحاول يظهر بيك؟؟

خالص التحايا الجميع
عبدالاله- خضر-القرضابى والبقية
عموما محضر دخولي كلام السيد بيناوي ده

Quote: تسلم يا بروف وحقيقة الواحد ماعندو هم غير انو الوطن يبقي فوق والناس ترتاح بس كيييييييييييييييييييييييييف عموما لو كان علي انا فانا معاكم تب وعلي اتم الاستعداد رايك شنو .... ؟ ودا تلفوني كمان 00249917296200 خالص الود

حديثك اعلاه انا شايف بعد قرقرتك المجلجلة عندك دي كان اقلاها ماتجي تكتب كلامك الماجايب حقو ده، كان انت اصلا قلبك على الوطن مالك من البداية بتكسر مقاديف الناس العايزة تعمل وكت ماعندك قدرة غير القرقرة وسودانيز اون لاين؟!؟!؟!؟
ياهو تانى نرجع نقول ونردد كلام حبوباتنا[استغفرتك يامالك روحي]..
ياخ الواحد لو ماشاعر انو حيرد نيابة عن ناس كان قال اكتر من كده ، لكن لاباس واصل قرقرتك نحن العندنا قلنا بعض منو ...
عزيزي عبدو اسف للمشاترة وتقبل تحياتي . لكن صدقنى ولا قول ليك انت كلك نظر واكيد اكيد حنتلاقى حاليا متوفر في البلد...
البروف ودكتورنا معز حتى لو كان لدي تحفظات انا على ثقة بانك اهلا لها وان كانت تحفظاتى الكبيرة انو تعرف انو البلد دي زي مشاريعك دي مابخلوها تمش كان ناس شمال ولا يمين من ساسة يسوس ..
لكن نقول ليك زي مابقول حميد[قلبي معاكم وربي يخدر عود ضرعاتكم]...

التحايا النواضر..

معتز كيفنك ياخ والله مشتاقين

Quote: عموما محضر دخولي كلام السيد بيناوي ده

تسلم يا عزيزي الرسالة وصلت







خالص الود

خالص التحايا
Yassir Bainwi
تعرف كما اتوقعت بس انت خذلت بعض توقعاتي انك حتجى تشاكل ووالخ لكن انا كنت ماحاسالك ابدا، وعلى العموم النرد عليك عشان ربما تاني فترة حتى الواحد يلقى ليهو فرقة يرد ولا حتى يشوف المنبر شوف..
حصل الحاصل يارفيق..
اتا قاعد في المكان ده منذ فترة ليس بالقصيرة ، الناس كونها تقول للاعور اعور دي ذاتها مشكلة ماهو يا اما تشيل دلوكتك وطبل لى ده واك وهو يبادلك ولا لامن تقول ليك كلمة خلاص الارض اتشقت والقيامة قامت
ياسر انت عارف انا ماقاعد اشيل على زول لكن الحال المايع مابعجنى وده البنفر ناس كتيره وذاتو بريحنى في ديني...
كلامي ده رد على تصرفك لانو كلامك بالجد زي ماقلتو ليك كسير مقاديف .. بالاضافه الى انى ما متابع لكن لمن تتاح لي الفرصة واجي لاحظته انك مرات بتكتب حاجات بالجد ما اعرف اقول عليها شنو لكن كدى اقعد وراجع نفسك وكتاباتك وانت ادري من غيرك بى نفسك..
وكوني كتبت دخولي عشان ارد عليك ، ده دليل وضوح لانو برنامج دكتور معظ انا اطلعت عليهو يعنى ماجديد عليى ولا قاعد اطبل ليهو هو عارف كده كويس ووالخ.. فدخولي او بالاصح تعليقي كان عشان الملاحظات اللحظتها في شكل ما تكتبته واهو لقيت فرقة ولقيت دليل ، لانو لامن نقرت على الموضوع مابعلم جوه في منو كتب دخلت عشان موضوع عبدو ودكتور معز وكنت متخارج بدون تعليق ولقيتك ولقيت ماكتبت..

عموما ماتتوجس ساى لافي شى ولا غيرو رسالتى واضحة اقرا مابين سطوري بتوضوح اكثر ظاهرة وباينة..

وسوري هريتك في الرد ، بيني بينك انا فترة ما كتبت واهو جات فيك من سؤ حظك لووووول..
وبعدين اون لاين دي خفف منها شوية وكلامي القلتو ليك بخصوص المكان ده ارحو ماترميهو البحر، ماهو يابقيت برجوازي ومقرش ولا عدم الشغلة بتعلمك سودانيز اون لاين..

التحايا النواضر...

نون والقلم وما يسطرون ..
.
.
.

عبد الاله الجميل كل سنة وانت طيب يا ابو شروق ،،،
وتحياتي للمبدع بروف المعز ..

لا حياة مع اليأس ...

دمتم مع خالص الود ،،،

الصديق بيناوى امنياتى لك بقهقهات لا متناهيه فى وطن معافى
بروف معز شكرا على المداخلات ونتمنى ان تتضامن كل القوى الجديده لاحداث التغيير
المقدر القرضاوى شكرا على المرور
يا تروتسكى مفتقدك كتير خالص وهكذا انت دائما شاهرا سيفك فى الحق
الشفيف حيدرنحلم ونواصل المشوار
الجميع لنا عوده

فقط محاولة للفهم لا أكثر:

كتب عبد الإله:

Quote: على قناة الشروق قدم بروف المعز عمر بخيت اضاءات لرؤاه حول التغيير المطلوب فى السودان فهل نوسع دائرة احلامناونحلم بصباحات روعهصباحات بروف المعز الروعه

فرد بيناوي ساخرا:

Quote: ها ها ها ..... قررررررررررررررررررررررررررررررررر

وحقيقة لا أدري لماذا
هل ثمة اعتراض على البرنامج!!؟؟
اخلاتف في الرؤى!!؟؟
ولا ساااكت!!؟؟

وأجاب على استفهام خضر حسين قائلاً:

Quote: في جنس الاحلام الشاعرية اللت د. معز وعبدوش دي

هل من حقنا أن نضحك على أحلام الاخرين
نقلل من شأنهم،، من نحن يا ترى
وماهو الطريق الذي ارتضيناه لأنفسنا

هنا جاء رد المعز على تهكم بيناوي:

Quote: صدقني هي ليست أحلام شاعرية تنتهي بميلاد قصيدة هي برنامج له خطة استراتيجية تبني أمة وتجعل التغيير ممكناً لنقيم دولة العلم والحضارة دولة الثقافة والفنون دولة الإنسان السوداني العظيم وعندها ستتحول ضحكتك الجميلة لفرح مستدام ان شاء الله بس ايدك معانا

وان كان بشاعرية أيضا لكن تجاوز سخرية الأول
بل ذهب أكثر لطلب الدعم

وهنا كانت التحول المفاجئ من ساخر لشريك، بل متعاون:

Quote: تسلم يا بروف وحقيقة الواحد ماعندو هم غير انو الوطن يبقي فوق والناس ترتاح بس كيييييييييييييييييييييييييف عموما لو كان علي انا فانا معاكم تب وعلي اتم الاستعداد رايك شنو .... ؟

ليرد الطرف الثاني بحسن نية وهدوء
محاولا مهاتفته، ولكن يبدو أن هناك خلل في الشبكة

ليضيف الأول بريده الالكتروني للمراسلة

*******
يبدو أن نظاراتي الطبية قد أصابها خلل ما فرويتي أصبحت سيئة للغاية
بل يبدو أن عقلي هو الآخر لم يعد من عطلة العيد.. فله العذر

هل من متبرع ليشرح لي ما بين السطور

شكرا يا معتز على الاضاءاة يبدو ايضا أنها ليست كافية

بروف المعز هلا سلط علينا بعض النور ...

الشاعر الجميل حسين محي الدين،

هو التداعي الإنساني الذي سيقود التغيير

لا نحتاج الآن لمشاورات خارج النص

فالكلمة الطيبة والمنطق يصنع المعجزات

نحن نسعى للتغيير

وهناك شباب يؤمن به ويقوده ونحن ندعم هذا التوجه في إقامة

دولة العلم والإبتكار والحضارة والثقافة والفنون

سنرعى عملاً مختلفاً

وسنطرحه بالتفصيل هنا عما قريب

ومعتز أتى بأول غيثه

والمطر القادم

والتغيير سيتم لا محالة

فكن معنا أيها النبيل

الزول الجميل معتز،

سلام بنكهة الوردة وعذوبة الفرح

أفتقدت كلماتك المشرقة عبر رسائلك الندية وحرفك الأنيق

وللشوق بقية أعود بها لاحقاً

محبتي لك بلا حدود

صباحاتك طيبة يا صاحب البوست

وصباحاتك روعة يا دكتور معز

وكل سنة وانتو طيبين

ولسة خاتيين املنا في اشراق شمس جديدة

تبدأ معاها صباحات روعة

محبتي تغمركم

*

المقدر حسين كل سنه وانت طيب
البوست اتفتح للمساهمه الجاده والموضوعيه ونقدر لكل المتداخلين مرورهم ونتقبل رؤاهم المتفق منها والمختلف وحتى ان كان ساخرا فليس لنا وسيله سوى الحوار ولنواصل الحلم فربما نصبح على وطن معافى

الرائعه نانا شكرا للمرور الانيق
و امنياتى بصباحات رائعه غير منقطعه
لتتوحد الجهود لصنع التغيير

Quote: لمقدر حسين كل سنه وانت طيب البوست اتفتح للمساهمه الجاده والموضوعيه ونقدر لكل المتداخلين مرورهم ونتقبل رؤاهم المتفق منها والمختلف وحتى ان كان ساخرا فليس لنا وسيله سوى الحوار ولنواصل الحلم فربما نصبح على وطن معافى

يا سيدي الفاضل
ما رميت له هو الموضوعية بعينها
التحول من ساخر لمتعاون دون أن نرى نقاش موضوعي - هل هناك اتصالات تمت خارج المنبر - الم يكن مجديا ان نراها عسى ولعل نقتنع نحن أيضًا، الفكرة نفسها وان طرحت بشاعرية محتاجة لمزيد من الا يضاح

* على فكرة أنا من قبيلة الشعراء وافتخر بذلك،
لكن الفعل السياسي يجب ان يتسم بالقواعد والأسس المتعارف عليها (لا أقول تقليدية)

معًا من أجل حوار هادف أولا ثم نفتح الباب للحديث عن الصباحات ثم الروعة لتكون ختاما

المقدر حسين شكرا للمتابعه
اتفق معك فقط الحوار الجاد هو الذى يؤسس لفعل جاد
واحى كل المبدعين عبرك مجملين حياتنا
اتفق معك مرة اخرى على اهمية ادارة الحوار من داخل البوست او على الاقل نقل الحوارات الخارجيه للبوست حتى لا نفقد التسلسل المنطقى للوصول للنتائج
الدعوه موجهه للبروف للمزيد من الطرح والشرح
و اضيف الدعوه لكل من يملك القدره على وضع لبنه فى طريق التغيير

Quote: اتفق معك مرة اخرى على اهمية ادارة الحوار من داخل البوست او على الاقل نقل الحوارات الخارجيه للبوست حتى لا نفقد التسلسل المنطقى للوصول للنتائج الدعوه موجهه للبروف للمزيد من الطرح والشرح و اضيف الدعوه لكل من يملك القدره على وضع لبنه فى طريق التغيير

هذا كلام طيب .. وأشكرك على رحابة صدرك وتفهمك

متابعين،،،

up

البرنامج الانتخابي للأستاذ الدكتور معز عمر بخيت

مرشح مستقل لسودان الغد
(صباحات روعة)

يقوم البرنامج على عشرة دعامات أساسية تمثل شعاره (صباحات روعة) وتؤسس لوطن حديث يتطلع نحو التقدم ليكون على مصاف الدول المتطورة على جميع الآفاق السياسية والاقتصادية والاجتماعية والثقافية من أجل إرساء دولة المستقبل، دولة القانون والمؤسسات والديمقراطية وحقوق الإنسان، دولة الحريات، ودولة مجتمع المعرفة والتعاون والتضامن والتسامح، دولة العدل والمساواة حيث لا مكان فيها لإقصاء الآخر وتهميشه، ولا مجال للتعصّب والتطرف والكراهية. دولة تقوم على العلم والحضارة والابتكار والاقتصاد القوي الذي يوفر حياة كريمة لكل مواطن.

شعار البرنامج: صباحات روعة

ص = صحة للجميع
ب = بيت للجميع
ا = أكل للجميع
ح = حرية للجميع
ا = أمن للجميع
ت = تعليم للجميع

ر = رفاهية
و = وحدة
ع = عدل
ة = تنمية

أولاً: صحة للجميع
يعمل البرنامج ويهتم بصحة المواطن حيث يستثمر برنامج صباحات روعة في عافية الإنسان السوداني من أجل مستقبل مشرق لذلك لم تكن من باب المصادفة أن تصبح الصحة هي الدعامة الأولى في البرنامج. ويقوم البرنامج الصحي (صحة للجميع) على خمسة محاور رئيسية هي:

1. تقديم وتوفير خدمات الرعاية الصحية الأولية والثانوية والثالثة:
• تغطية مراكز الرعاية الصحية الأولية المجانية للسكان بالمناطق الحضرية والريفية.
• تغطية المواطنين بالخدمات الصحية الأساسية الثانوية والثالثة مع تمكينهم من الحصول عليها بسهولة ويسر مع عدالة في التوزيع.
• شمول الأطفال والنساء وكبار السن والمعوقين وذوي والأمراض المزمنة بالرعاية الكاملة.
• توفير الخدمات التشخيصية المتطورة طبقاً للمعايير العالمية.
• توفير وتطبيق أساليب العلاج الحديث.

2. تطوير ودعم نظم الإدارة الصحية:
• إعادة تنظيم وهيكلة وزارة الصحة والهيكل الداخلي لمختلف المرافق الصحية.
• تشغيل المستشفيات بأساليب إدارية متطورة إما ذاتياً أو بواسطة شركات مساهمة.
• التنسيق مع القطاع الخاص الصحي لدراسة التنظيم الأمثل لتشغيل المستشفيات.

3. تنمية القوى العاملة في مجال الصحة:
• تحسين كفاءة الأطباء وتدريبهم على التخصصات الطبية الدقيقة واكتساب المهارات في التقنية الحديثة بواسطة الابتعاث الخارجي قصير وطويل المدى.
• رفع كفاءة جهاز التمريض.
• تدريب الفنيين في كافة المجالات الصحية.
• زيادة نسب العاملين الصحيين حسب الإحصائيات.
• تطبيق برامج الجودة النوعية بالمرافق الصحية.
• المتابعة والتقييم المستمر لبرامج الرعاية الصحية.
• تطوير سبل توفير وحفظ وتوزيع العقاقير والمستلزمات الطبية.

4. تمويل الخدمات الصحية:
• تتحمل الدولة تكلفة إنشاء البنية التحتية للنظام الصحي الأولي والثانوي والثالث على أحدث المستويات.
• تتحمل الدولة تكلفة علاج كل مواطن محتاج.
• تطبيق نظام الضمان الصحي لكل مواطن عامل.
• إيجاد روافد لتمويل الخدمات الصحية مثل المساهمات التطوعية والأوقاف والرسوم على الخدمات الصحية الأولية لغير المحتاجين.

5. تطوير نظم المعلومات والدراسات والبحوث الصحية:
• توفير البيانات اللازمة لدعم برامج الرعاية الصحية بكفاءة وفعالية.
• ربط وزارة الصحة والمستشفيات والمراكز الصحية بشبكة المعلومات الصحية.
• إجراء البحوث والدراسات والمسوحات الصحية.
• إدخال برامج الكمبيوتر في كافة المرافق الصحية وخدمة الطب والصحة الاتصالية في وزارة الصحة ومستشفياتها عبر الهاتف والإنترنت.

ثانياً: بيت للجميع
1. من حق كل مواطن سوداني ألا ينام في العراء.
2. سيقوم برنامج صباحات روعة بإنشاء مؤسسة عامة للضمان الاجتماعي وهي مؤسسة تستهدف توفير أسباب الرفاهية الاقتصادية والأمن الاجتماعي والحياة الكريمة للمواطن ولأفرادِ أسرتهِ في حالات العسر كفقدان العمل أو المرض أو الوفاة. وهي مؤسسة مالية يساهم فيها كل مواطن عامل وتساهم فيها الدولة وتستثمر في مجالات تنموية مختلفة. وعبر هذه المؤسسة يجد المواطن الدعم للمسكن كما تتبنى أيضا مشاريع إسكانية ومجمعات سكنية لتحقيق مبدأ بيت للجميع.

ثالثاً: أكل للجميع
1. السودان يعتبر سلة غذاء العالم وهو غني بموارده المائية وثروته الحيوانية وأرضه الخصبة، لذلك يبقى من أولويات صباحات روعة ألا ينام مواطن وهو جائع بسبب الفقر.
2. تقوم الدولة عبر برنامج الضمان الاجتماعي أعلاه بتقديم دعم مادي استثنائي للمحتاجين أصلاً من الفقراء لتوفير لقمة العيش الكريم حتى يتم حل المشكلة.

رابعاً: حرية للجميع
لتحقيق هذا المبدأ يقوم برنامج صباحات بتبني الأطر التالية:
1. تفكيك الأجهزة القمعية والأمنية وأجهزة التجسس والاستخبارات على المواطنين وإلغاء كل القوانين المقيدة للحريات.
2. تأكيد مبادئ الحريات العامة وحرية الصحافة والإعلام وسن القوانين لحماية هذا التوجه.
3. دعم مؤسسات المجتمع المدني والمنظمات غير الحكومية.
4. حماية حقوق الإنسان ووضع الضمانات القانونية لها.
5. رفض العصبية الدينية والعرقية والتمييز العنصري بكل أشكاله وألوانه.

خامساً: أمن للجميع
لتحقيق الأمن والسلام يعمل البرنامج على:
1. بناء جهاز الشرطة بما يحمي المواطن ويحقق له الأمن والاستقرار ويحفظ النظام.
2. بناء القوات المسلحة على أسس وطنية سلمية من أجل حماية الشرعية الدستورية والسيادة الوطنية والقانون.
3. تنظيم حيازة السلاح.
4. رفض اللجوء إلى القوة أو التلويح بها في معالجة قضايا الخلاف والاحتكام للحوار.
5. تبني سياسة خارجية متوازنة تقوم على الوضوح والتكافؤ وتحقيق المصالح المشتركة وتوفير فرص السلام والأمن والاستقرار.

سادساً: تعليم للجميع
التعليم هو المبدأ الأساسي للبرنامج وهو السبيل الوحيد للنهوض بالوطن وبالمواطن، لذلك يقدم برنامج صباحات روعة الطرح التالي:
1. الالتزام بأن يكون التعليم فرضاً على كل طفل في سن المدرسة.
2. التأكيد على مجانية التعليم العام والتدريب والتأهيل الفني والمهني.
3. تبني إستراتيجية وطنية للتعليم بما يلبي متطلبات العصر الحديث من علم وتكنولوجيا ويلبي احتياجات التنمية الاقتصادية والاجتماعية والثقافية.
4. دعم وتطوير برامج محو الأمية.
5. ترقية وضع السجون والإصلاحيات ودعمها بالبرامج التعليمية والتدريبية باعتبارها مؤسسات للتربية.

سابعاً: رفاهية
تتحقق الرفاهية بالآتي:
1. إقامة نظم الضمان الاجتماعي والصحي والتعليمي لكل مواطن لتوفير فرص العمل والتدريب وتحقيق التكافل ورفع مستوى معيشة وصحة الفرد.
2. تطوير برنامج تأهيل المعوقين ورعاية المسنين والاهتمام باستثمار صندوق المعاشات.

ثامناً: وحدة
من أولويات برنامج صباحات روعة العمل مع كل ألوان الطيف السياسي من أجل أن يكون السودان موحداً من أجل تحقيق النمو الاقتصادي الكبير خاصة وأن ثروات البلاد المختلفة موزعة في كل شبر من المليون ميل مربع، وأن في الوحدة تكمن التنمية والرفاهية والسلام الدائم وتكمن مظاهر القوة والانتعاش في كافة المجالات العلمية والأدبية والاقتصادية والاجتماعية والسياسية والإبداعية والرياضية. لذلك يسعى برنامج صباحات روعة لتحقيق مبدأ الوحدة عبر:

1. تنمية عادلة لكل الأقاليم في الوطن الواحد وتوزيع عادل للسلطة وللثروات.
2. لا مركزية الحكم ودعم العمل الديمقراطي.
3. تعزيز حقوق الإنسان وتوسيع الحريات.
4. محاربة الفساد وتعزيز حكم القانون.
5. الالتزام بالاتفاقيات المبرمة.

تاسعاً: عدل
العدل هو أساس الأمن والطمأنينة، لذلك يسعى البرنامج لـ :
1. تحقيق مبادئ العدل والسلام الاجتماعي وتأكيد سيادة القانون.
2. وضع البرنامج الشامل للإصلاح القضائي من أجل تحقيق النظام العدلي.

عاشراً: تنمية
تبدأ التنمية بمحاربة الفساد والقضاء عليه الأمر الذي سيوفر الدعم المالي المطلوب من الموارد المنهوبة لتحقيق عملية النهضة عبر برنامج صباحات روعة ودون الحاجة للاستدانة من أي جهة.
وبالإضافة إلى ذلك يعمل البرنامج على استقطاب المنح من الدول الشقيقة والصديقة ومن المنظمات والمؤسسات الإقليمية والدولية العاملة في مجال التنمية الاقتصادية والاجتماعية من أجل الاستفادة من أنشطتها وبرامجها في التنمية.

تشتمل الخطوط العريضة للتنمية على الآتي:
1. تحقيق التنمية المستدامة عبر إعادة بناء الاقتصاد وإجراء الإصلاحات الهيكلية والمالية.
2. تنمية القطاع الزراعي والحيواني والاهتمام بالمزارعين والرعاة وتوفير الدعم الكبير لهم.
3. توفير فرص أكثر للاستثمارات الخاصة المحلية والخارجية.
4. تحقيق مبدأ الحرية الاقتصادية وزيادة فرص التنافس ومحاربة الاحتكار بكل أنواعه.
5. اكتشاف المزيد مع استغلال أوسع للنفط والغاز والثروات المعدنية الأخرى.
6. إنشاء منطقة حرة للتجارة.
7. إقامة الطرق والموانئ والمطارات.
8. تطوير قطاع النقل والمواصلات والاتصالات والبريد.
9. إقامة منشآت الكهرباء والمياه والصرف الصحي وخدمات البلديات.
10. الاهتمام بصحة البيئة وتوجيه الطاقات الشبابية عبر الخدمة الإلزامية للعمل من أجل
صحة البيئة عن طريق برامج للنظافة وتجميل المدن وزراعة الأشجار وإقامة الأحزمة الخضراء.
11. الاهتمام والنهوض بقطاع السياحة والفنادق.
12. دعم الصناعات الوطنية وإنشاء المناطق الصناعية المتخصصة وتشجيع ورعاية
الصناعات الحرفية والصغيرة ورفع مستوى وتنظيم عمل الأسرة المنتجة.
13. دعم وتشجيع مشاريع الشباب الاقتصادية الخلاقة من أجل التنمية عبر الابتكار.
14. العمل على تمكين المرأة وتأكيد مشاركتها في عمليات وبرامج التنمية السياسية
والاقتصادية والاجتماعية.
15. إقامة المدن والميادين والساحات الرياضية ودعم عمليات التدريب و المشاركات
الخارجية.
16. دعم وتشجيع جميع النشاطات الإبداعية في مختلف مجالات الفنون والعمل على إزالة
العوائق التي تحد من انتشار الفن السوداني إقليميا وعالمياً.
17. تقديم الدعم المادي والمعنوي القوي لوسائل الإعلام المرئية والمقروءة والمسموعة من
أجل النهوض بها لتعكس وجه السودان المشرق.

ختاماً:
• تمثل الدعامات الأساسية لبرنامج صباحات روعة أعلاه السياسة العامة للبرنامج الانتخابي على أن يتم لاحقاً وضع منهج متكامل ومدروس لآليات تنفيذ البرنامج يبين بوضوح خطط الحكومة في هذا الشأن وعبر جدول زمني دقيقي يوضح عمل كل وزارة بالتفصيل.

• سيتم تشكيل الحكومة من عناصر شبابية ووجوه جديدة ودماء حارة مسلحة بالعلم والنزاهة قبل كل شيء ودون التقيد بالانتماء الحزبي بل بالكفاءة والخبرة المطلوبة.

اعــزائي
د مهاتير محمــد وزوجته اطــباء قادوا تطـــور ماليزيا ..
مرحبا بالمستقبل المشرق المحمـــل بنور العلم
وقيم العــــدل..

_______________________________________________

ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور

الله الله عليك يا شهاب

تسلم دكتورنا الغالي

كن معنا

وسنحقق التغيير

ونقيم دولة العلم والإبتكار والحضارة والثقافة والفنون

بإذن الله

معتز يا جميل،

شكراً للتذكير بالبرنامج

وسنأتيك بالخبر القين ان شاء الله

تحياتي الحارة لك يا نانا

وصدقيني سوف تشرق شمس الوطن من جديد

وسيصبح التغيير حتمياً بإذن الله

وبإرادة المخلصين

Quote: شعار البرنامج: صباحات روعة

عبد الإله الجميل وضيوفه الكرام

وصلت للتو للبحرين

أرتاح قليلة من زخم السودان الحبيب

واعود إليكم إن شاء الله

Quote: بروف المعز عمر بخيت اضاءات لرؤاه حول التغيير المطلوب فى السودان

شاهدت القاء مع البروف المعز
كان شجاعا وموضوعيا في تحليله لوضعية السودان
وقد عبر بالفعل عن ما يخالج الكثير من هواجس اهل السودان
فقد لخص اوجاعه عندما قال لايمكن ان نعتقد ان صحة المواطن السوداني تقتصر في مشروع { التأمين الصحي }
في ظل غياب اي تخطيط استراتيجي يعيد الأمل للمرضى و لأطباء السودان انفسهم

الرائع دوما معتز تروتسكى هكذا انت دائما جميلا كما صباحات بلادى اشكر لك مساهماتك الثره فى هذا البوست وما زلنا نتعشم فى المزيدبالنقاش والحوار وابداء وجهات النظر.
الاستاذ شهاب عثمان شاكرا لك المرور والمداخله واضم صوتى لصوتك فلنتقدم خطوه تجاه المستقبل المشرق مهتدين بالعلم.
الاستاذ عمر عبدالسلام مرحب بيك حقيقه علاج كل امراضنا ما بيتأتى بالمشاريع الوهميه لذا علينا اننا نقعد بالمهله ونستفيد من العلم لوضع برامج ممنهجه ومدروسه لحل مشاكلنا والعلم متاح والمؤهلين فى بلدنا يسدوا عن الشمس بس كيف نمكنهم من القيام بواجبهم

بروف معزتحياتنا و حمدا لله على السلامه نتمنى المزيد من المداخلات والتواصل

الحبيب عمر عبد السلام،

شكراً مقدراً لك

وتحية واحترام

وليبق الوطن شامخاً ومعافاً من كل أوجاعه المزمنة

تحية نهارية لصباحات بروف معز
وبجيكم راجع ...


احتراماتي

عبد الله الجميل،

شكراً على الزيارة الكريمة

وفي انتظارك يا حلو

معك نحول هذا الحلم الي حقيقة يا بروف..
فالاماني والاحلام مشروعة...وكذلك تحقيقها
اذا كانت قد أتت من رجل بحجم الطموح
والثقافة والوعي...والمقدرة...وكل الامكانيات


وكل عام وانت بأألف خير وعافية

الغالي نزار

طالما كان الرائعون مثلك معنا

سنحقق التغيير بإذن الله

وقد انطلقت الحركة

وسنوافيك بالمزيد من التفاصيل

قريباً إن شاء الله