عيد ميلاد سعيد للشاعرة القمر «سوما»..

كل سنة وانت رائعة كما عهدناك

وبصحة وعافية

وربنا يحفظ ليك أولادك وزوجك وأسرتك الكبيرة

ويحقق كل الأمنيات المشرقة

*** لحن الخاطر ***

مدفون جواك..
فى عمق الخاطر ..
لامى معاك ..
الريد الدافر..
بتهجاك..
واجمع فيك ..
بقدرة قادر ..
واستناك ..
افكر فيك..
لى يوم باكر
واترجاك ..
تشيلنى معاك .
غيما ماطر.
اتوه فى سماك ..
وليك اسافر ..
اعيش جواك..
الملم فيك
ونبضك طاهر..
اتمناك
اغنى معاك
لحنا عاطر
حروف منثوره..
درر وجواهر ..
وبيك اتحدى
قيس الشاعر ..
واحلم ديمة
باجمل حاضر ..
يحلق يرفرف ..
بى جناح طائر ..
يناجى الماضى..
ويفضل فاكر ..
كلمة رواها ..
البدر الدائر ..
عم شذاها ..
النسم الحائر..
يا يوم باكر .....
انت الامل
الاخضر ناضر
وانت الريد
الفيه بذاكر
وانت القلب
الكلو ازاهر
يا يوم باكر....
انت النيل
البجرى مشاعر..
وانت الحلم
الليه بخاطر
ادمر بيه
قيود وعساكر ..
اكسر تحته
الحظ العاثر..
وابدأ معاك
العمر الزاخر
بالافراح الليها بداية
ومن دون آخر ..
بالافراح الليها بداية
ومن دون آخر ..
***

اسماء الجنيد
مسقط

العزيز د. معز

نقول معاك كل العمر و سوما متوهجة العطاء و الانسانية في ابهي معانيها
سوما بت البلد الاصيلة الحنينة يحس الجميع كأنها اخت لهم ولدتها امهم
و هي كذلك فهي البنت البارة بامها، امنا عزة
فالندعو لها جميعاً بطول العمر و السعادة و مزيداً من الابداع

غاليتنا العزيزة سوما، كل سنة وإنتِ طيبة وعقبال مائة شمعة

Quote: كل سنة وانت رائعة كما عهدناك وبصحة وعافية وربنا يحفظ ليك أولادك وزوجك وأسرتك الكبيرة ويحقق كل الأمنيات المشرقة

دوام السعادة يا أسماء ..
وكل أيامك جميلة ..

شكراً دكتور معز ..
وأنت بألف خير وعافية ..

كل سنة وسوما بخير وعقبال المائة شمعة ،،


ولك خالص تحياتي يا بروف باول عبور في منبركم العامر فلك التحية
ايها الطبيب الانسان ، والعالم الاديب و الحساس المرهف .. ان كل الكلمات
الجميلة تعجز عن مدحك وثنائك فيكفي ان يكون اسمك فقط يشكل المدح كله
والثناء جله،،،


فتقبل ودي واحترامي ،،،،،،

العزيزة سوما كل سنة وانت بألف خير

كل سنة وانت اكثر تألقاً وابداعاً ،،،

شكرا شاعرنا د/ معز

ودي ،،

الاهل الطيبين
الشوق فرح السنين
عذرا جيتكم متأخرة
لكن شوقكم دائما مبكر
واحترامكم جواى محكر

تسلم بروف معز
كتر الف خيرك على التهنئة والكلام الجميل
شكرا على الاهتمام وعقبال ما نشاركك فى اجمل المناسبات
تحية لك منى وكل الاسرة يا شاعر يا مرهف

***
احبتى سوف اعود لكم واحدا .. واحدا بأذن الله
ان شاء الله اجيكم دائما فى السمح الزيكم
شكرا قدر فرحتى بيكم
شكرا محنة

كل عام وانتي ب1000 خير وربنا يحقق الاماني...

شكرا يا بروف علي البوست,,,

سلام يا اهل الجود والكرم المعهود
***
نصار ود البكرمو ديار
شوقنا ليك عبأ بوادى وعبأ بحار
شكرا ليك يا اصيل من وسط الاهل
شكرا على كلامك الرد فينى الروح
شكرا على الدعوات البتطمن القلب مرتين
ربنا يسعدك اخى نصار ونسمع عنك كل خير
التحية عبرك للعقاب
***
اخوى النذير حجازى
حبابك يا العشا
يا الضل الرامى للقاعد والمشا
تسلم ايامك وتسعد حياتك يا رب
شكرا اخى النذير شكرا محنة

***
اخى العزيز ..
معتصم دفع الله .. ود الفريق والحلة
طلتك فرحة صغار صباح العيد
وينك يا الدخرى مختفى .ولا انا الما باينة
ان شاء الله طيب يا رب
تتبارك ايامك ويطول عمرك كلو سعاده وفرح
قادر يا كريم
شكرا اخى معتصم شكرا نيلين

***
اخى عبد الرحمن حسن موسى
مرحب حبابك ود القبائل
سعدت حقيقى بالطلة
كتر الف خيرك اخى العزيز
عقبال ما نبارك سمحك يا رب
شكرا اخى.. شكرا ندى الحقول

***
الحبيبة بت البلد القريبه
خالده البدوى
شووقى ليك ممتد وفايتك لى غادى
وبى زيارتك بيتنا نور و دارنا عمرت بالمحنة
شكرا الغالية خالده شكرا مارقة من الجوف

عيد ميلاد سعيد
وعمر مديييييييييييييييييييييييييييييييييييييييييييييد

كل سنة و إنتي أطيب يا سوما..
و قَدَحِك ترياااان محبة و إلفة..
و مليااااان بحلاوة روحك.

كل سنة وسوما بالف خير ...

الهمس الجميل له منا أذناً صاغية
والعمر المديد لسوما الغالية

حبيب نورة
حبابك
تحية لشلة الراكوبة المشلعة

باقة من الورد
لشاعرتنا الرقيقة
سوما
وكل سنة وانت بالف خير واسرتك الكريمة
ودائما حرفك مخضرا ومبدعا
مواصلة لابداعك المميز
ولحرفك الزاهى