يا اخوانا تعالوا شوفوا الخرطوم بقت كيف (صور ما حصلت)..

الصور مرفوعة في موقع تاني (تحت) للناس الما شايفة

Quote:

الله يدينا طولت العمر ونشوف الخرطوم منظمه كدة

نجود الجميلة

انتي لسة صغيرونة

ح تشوفيها ان شاء الله..

بروف المعز

تحياتي

عفوا الصور لم تظهر أرجو إعادة إنزالها


ابو شهد

سلام يا أبو شهد

لو انت في السعودية مشكلة الواحد يلقى مكان يرفع فيهو صور

لأنها كلها مغلقة

ما عارف باقي الناس شايفين ولاّ لأ

بروف المعز

أتمني أن تكون ظاهرة للبقية
في أماكن أخري

وتحياتي


ابو شهد

يديك ألف عافية يا ابو شهد

حا حاول أشوف موقع تاني إن شاء الله

بروف معز

http://3aza.com/uploader/maianuploader.php

دا موقع جميل جدا لرفع أي ملفات


ابو شهد

ازيك يا بروف
مشتاقين يعلم الله
لكن ماسكنا الشديد القوي
انا جيت خامة توبي
قت امكن القى لي صورة طرحة حايمة اضيفها لشغلي
لقيت تتغزل في الخيال
يا مقرب البعيد يارب

الغالية أماني

والله الشوق بحر
ما ليهو حد
ما ليهو قيف..
اعبر بحر
يمتد تاني بحر جديد
واحتار واقيف..



خلينا نحلم بيهو يا أماني

وطن جميل

ما فيهو أعداء الجمال..

ألف شكر يا ابو شهد:

يلا بسم الله نبدأ:

تحية وسلام ، دكتور معز ...
قبل أيام كنت أقرا فى رواية لكاتب ألمانى
إسمها ( الحلم الكبير ) يقول فى أحد فصولها
أن لا أحد يستطيع أن يمنعك من أن تحلم متى شئت
وفى أى وقت ، بعد تناول وجبة دسمة وتغض فى نوم
عميق .... لك التحية ـــ محمد مختار ...

الحبيب محمد مختار

إنه الحلم الكبير والله..

ولسوف نحلم ولسوف نعمل من أجل حلم يتحقق

كل التقدير لك..

سلام يادكتور

دى الخرطوم ولا لوس انجلوس

سلام يا دكتور معز
اها هاك الصورة الحية من نفس الموقع.. باقي ليك زمن زي ده بنحضرو؟



الصاوي

Quote: سلام يا دكتور معز اها هاك الصورة الحية من نفس الموقع..

الصاوي ما تشاغل ياخ

خلينا نتم حلمتنا..

Quote: باقي ليك زمن زي ده بنحضرو؟

آاااااااااااخ..

يا ريت بس يعود الزمن القديم..

ألف ألف شكر يا الصاوي على هذا الفيديو الجميل

في الأول ما اشتغل

لكن دلوقت تمام..

ألفين ســلام يا بروف

نتمنى جمال النفوس قبل جمال الطوب

المحيّرنى فى كل الأشياء الظلوتية دى هو عدم وجود صينية أو إشارة مرور كما واضح فى الصورة .. يعنى الواحد يلف صينية كيف!!

Ali Alhalawi

Quote: ألفين ســلام يا بروف نتمنى جمال النفوس قبل جمال الطوب

نعم القول والله..

Quote: المحيّرنى فى كل الأشياء الظلوتية دى هو عدم وجود صينية أو إشارة مرور كما واضح فى الصورة .. يعنى الواحد يلف صينية كيف!!

يا ابو علوة ياخي هو السودان ده خلي الناس تلف ليها صينية أكل في الأول

بعدين التشوف ليها حاجة تانية تلفها..

تسلم يا حبيبنا

Quote: سلام يادكتور دى الخرطوم ولا لوس انجلوس

دي يا سلوى قالوا اسمها مدينة المقرن

(لأحلام اليقظة)..

بس ليه الخرطوم ما تكون كدة؟؟!!!

تحياتي الحارة لك..

نبــق

هذا المشروع أعلن عنه منذ فترة
لا أدري ما الجديد فيه

بس خلينا نديك المعلومات الاولية دي
ونواصل بعدين

Quote: نقلا عن: العربية نت دبي – العربية.نت بدأ العمل في تنفيذ البنية الأساسية لمشروع مجمعات سكنية تجارية ترفيهية في العاصمة السودانية الخرطوم تبلغ تكلفته الاستثمارية 4 مليارات دولار, ومن المقرر أن يستغرق تنفيذه كاملاً 7 سنوات. وقالت شركة "السنط" للتنمية السودانية التي تتولى عملية التطوير العقاري, خلال معرض "سيتي سكيب 2005 " الذي يختتم أعماله الاثنين 19 سبتمبر/ أيلول 2005 إن المشروع سيقام في منطقة المقرن عند ملتقى النيلين الأبيض والأزرق, وأن مساحة المنطقة التجارية المركزية 160 فدانا بينما تبلغ مساحة المجمع السكني 1420 فداناً. وأضافت بحسب ما نشرته جريدة "البيان" الإماراتية اليوم 19/9/2005 أن حكومة ولاية الخرطوم بالتضامن مع مجموعة "دال" ستقوم بإنشاء هيئة إدارية عامة لإدارة المنطقة المطورة, وأنه من المستهدف تشييد مركز تجاري حديث يكون ملتقى للعمل التجاري العالمي في شرق إفريقيا, مشيراً إلى أن المنطقة ستكون حيوية ومحوراً لتنمية الأعمال في هذا الإقليم النامي والغني بالبترول. وذكرت أن المنطقة التجارية المركزية سيستغرق تنفيذها 5 سنوات بينما يتم تطوير المجمعات السكنية والترفيهية بما في ذلك ملعب عالمي للجولف يضم 18 حفرة خلال 7 سنوات, وأن العمل في المرحلة الثانية سيبدأ في بداية عام 2006 . وتتضمن المنطقة التجارية المركزية 44 قطعة أراضي منها 18 قطعة مخصصة للفنادق و700 شقة فندقية وسيخصص منها 18 فداناً لثلاث حدائق والساحات المفتوحة ومنتزه مواجه لشاطئ النهر, فيما تتضمن المنطقة السكنية 650 فيلا و7236 شقة ومنتجعاً وحدائق وبحيرات ومحمية طبيعية مساحتها 173 فداناً, ومن المؤمل أن تستقطب 44000 مقيم. وذكرت أنه توجد فرص استثمارية في مجال الأنشطة الترفيهية كدور السينما ومراكز التعليم الترفيهي وأندية اللياقة البدنية وخلافها, وأنه ستكون هناك هيئة إدارية مستقلة متخصصة بإدارة المنطقة وتناط بها مهمة التنسيق بين المستثمرين والجهات الحكومية، بالإضافة إلى التأكد من التطبيق الدقيق للموجهات الرئيسة للتصميم الحضري

وكما قلت المانع شنو الخرطوم تبقي كدة

نتمني أن نري مثل هذه المشاريع وبصورة
جادة بعيدا عن التلاعب ونتمني ما تكون
مجرد صور


ابو شهد

الحبيب ابو شهد

ألف شكر على الموقع

وان شاء الله تكون شاهدت الصور..

ألف شكر يا ابو شهد على المعلومة

Quote: لأحلام اليقظة).. بس ليه الخرطوم ما تكون كدة؟؟!!!

يادكتورنا العزيز

يعنى هسة دى الخرطوم ولانحلم معاك ولا شنو ؟!!(وجه يتمنى ان تكون هذه الخرطوم جد جد )!!

ندوية الغالية،


والله يا أحلى البنات

لو كان لقيت سر الغنا

كان طرت عانقت الخيال

وحلقت عبر الأزمنة

سبت الخيال يصبح حقيقة

وجبت ليك خاتم المنى..

..
..
..

بس عشان دي تبقى الخرطوم..

بروف معز

سلامات

وين يا دكتور الكلمات الحلوة

وجودك وطلتك اجمل من كل الصور

حبابك مرة والف مرة

انتصار

الغالية انتصار

كلامك يرد الروح والله

قد عشتُ فيك الحُسنَ في ألوانِهِ
لكنّ حُسنَكِ، لم يكن بحسابي
ماذا سأكتبُ عنك في كتب الهوى
فهواكِ لا يكفيه ألفُ كتابِ
يغتالُني شِعري.. فكلُّ قصيدةٍ
تمتصُّني.. تمتصُّ زيتَ شبابي
الخِنجرُ الذهبيُّ.. يشربُ من دمي
وينامُ في لحمي، وفي أعصابي

دكتور المعز
تحياتي
والله ذكرتني افلام غرندايزر ووحش الفضاء يغزوالأرض
والله يحقق الأماني
جمال أبايزيد

مساك الله بالخير يادكتور
لوحة فنان تمحى الأحزان
فضل الوجه الحسن وتكتمل اللوحة

يا دكتور ده كلو هين.

أنا بس عايز أشوف

some of the cross sections showing all the underground utilities --only the first 10 feet --underneath these roads and buildings--
Do you have pictures of all the water treatment plants and waste water treatment plants?

حبيبنا كوستاوي

يا خوي والله أنا لما شفت الصور دي

انت أول زول جيت في بالي

قلت أنزلها ليك كده بس بدون تعليق..

تقوم تقول لي:

water treatment plants and waste water treatment plants

وكلام كبير كبير..

الأمدرمانية

Quote: لوحة فنان تمحى الأحزان فضل الوجه الحسن وتكتمل اللوحة

الحبيبة امدرمانية

لما ترجعوا السودان ح تكتمل اللوحة بالوجه الحسن..

تحياتي الحارة لكل الأسرة

أهلاً بالغالي جمال أبا يزيد

ندعو ربنا يحقق الأماني

ما في شي بعيد..

هلا بالبروف

ايه بحر الشمال

وانتي النيل حداك

بروف عايزين pass word

في عكس الريح

ايه الخطوات

فيها واسطة ولا ساكت

الحبيب خليل

شكراً جزيلاً لك

أكتب لي على البريدالإلكتروني وسأقوم بتسجيلك فوراً

لأني أحتاج للبريد الإلكتروني للتسجيل

إيميلي هو:

[email protected]

هذه الصور لنماذج مصنعة ببرنامج 3D مثل 3D Max أو مايا.

هذه الصور رأيتها قبل فترة و الواضح أن هنالك شركة تكونت تحت إسم سنط وذلك لقطع غابة الخرطوم واستغلال المكان لأسباب تجارية وتستعمل هذه الصور للنصب على السودانيين.
لا يخفى على الأخ د.معز ضرورة توخي الدقة حتى لا نقع في الترويج لاغراض تجارية بالذات مع شبهات الفساد التي تفسد سماء الخرطوم غير المتعافية إلى جانب عدم التفريط في غابة الخرطوم كمساحة خضراء لا غنى عنها بيئياً خصوصاً بعد جريمة اجتثاث الحزام الأخضر وميادين الأحياء.

الباقر موسى

الأخ العزيز الباقر موسى

تحياتي الحارة لك

معك تماماً في الحفاظ على البيئة والمساحات الخضراء..


ومعاً ضد الفساد والمفسدين..

دكتور معز
لك ودي وأطيب الأماني
صور جميلة ولكن

لا أحس بها .. لا تشعرني بدفء الوطن

الدولارات التي ستبني هذه الغابات الاسمنتية الحديدية الزجاجية تنتمي للوجه القبيح للرأسمالية ، للشركات متعددة الجنسيات ، للبنوك السرطانية ، ولأذيالهم من أهل السلطة والمال في بلادي ... خوفي على محمد أحمد وأدروب ودينق ، من مآسي البدو في الخليج حيث تحتل الصور المشابهة لصورنا هذه الصدارة ويتمتع بخيرها القادمون من وراء البحار وشركاؤهم من أهل السلطة والمال المستظلين بظل الدليب ( البرمي بعيييييد ) بينما أهل الأرض وملحها ينالون الفتات . غداً ويا لهف فؤادي من غدِ ستغزونا الحيتان الكبيرة والأفيال الضخمة وعندما تتصارع الافيال ستموت النجيلة ، باختصار إذا كانت هذه هي أولوياتنا فالضرر سيعم ابتداءاً من ست الكسرة مروراً بسيد الحواشة ويتصاعد ليصل لصاحب المصنع ، والحل في البدء بمكافحة الثالوث المزمن - الفقر والجهل والمرض - وتطوير المنتجين ووسائل الانتاج ونوعية المنتج ، نحلم بأن نكون إضافة للعالم لا قطيع من المستهلكين .
عموماً صور جميلة نتمنى أن تتحق لكن بيدي لا بيد عمر ، وبالتدريج المنطقي العادل ، ففي ظل واقع البلد الذي يعيش معظم أهله تحت ظل الفقر والمعاناة تمثل أشباه هذه المشاريع الرائعة المظهر قمة السفه وأقبح الاستفزاز .

د. معز

باحث الجمال

أجمل مافي الصور هو النيل وأغلى ما فيها.

كل شئ بمكن أن يبني ولكن النيل لا يُبني, نعمة يجب أن نشكر الله عليها

نعمة لا نحس بها لك الشكر أن أخترت بلادي لهذه النعمة.

تحياتي د. معز وشكرا لأنك فتحت لنا نافذه أمل وكل المنجزات الكبيرة بدأت أحلام صغيرة.

What a joke
I wonder if they're going to construct a special receptacle for the chewable tobacco
or provide training on how to use and maintain public latrines
This is a luxory in a country that can't even afford the basic neccessaties
A country where patients are still misdiagnosed, illiteracy is still rampant, women are still objects of male servitude
The largest country in Africa facing the threat fractionation and division

cynical

Quote: The largest country in Africa facing the threat fractionation and division

إن شاء الله ما يحصل أخي الحبيب

والله نحن السودان ده بنحبو من حلفا لي نمولي

ومن الجنينة لي همشكوريب

لكن ربنا عجل بطلوع الإنجليز ورمانا في الإستعمار الجد....

والله لو كانوا في لي هسة

مانهاتن شنو البتحصلنا؟؟!!

العزيزة القلب النابض

إسم على مسمى

قلب ينبض بكل ما هو جميل.. مثلك

شكري الحميم لك..

الأخ الحبيب سنجاوي

يا ريت العاصمة تكون واجهة جميلة

ونحتفظ للريف بالأصالة..

نعم ضد الفساد والمفسدين بالتأكيد

لكن مع الجمال والحضارة الحضارة..

تحياتي اليك يا بروف الخرطوم دي بقت ولى حا تبقى ؟

elameen

Quote: تحياتي اليك يا بروف الخرطوم دي بقت ولى حا تبقى ؟

انت رايك شنو يا حبيبنا؟؟

الله يحفظها من مظاهرات طلاب الجامعات ورقش الحجارة
ما يبنيه سودانى واحد يعمل عشرة من السودانيين على هدمه

دكتور معز سلام
الحكاية شنو يا جماعة نحنا في علو ولا علم
أخشى الا يكون حتى في الأحلام أضغاث أو خزعبلات .
دي أحلام رجال أعمال المؤتمر طبعاً اللهم لا حسد .

العزيز عبد الرحمن الحلاوي

ياخي السودان ده والله ما عارفين حكايتو دي كيف؟؟

المسألة جداً معقدة.. (وجه حزين)..

..

يا بروف

لكن القزاز والعماير دي

لا فيها حبيب

ولا فيها صديق

ولا فيها بنات حلتناحلوات عفيفات

ولا فيها رفاق الفزعة والنجدة

اولاد حلتنا الغبش

ولا حبوبة ولا خالة

ولا نيل ولا لمة




شان كده

يا الغالي





تظل الخرتوم

هي الاجمل

الحبيب قرجة،
د. عمر خالد بقول في قصيدة:
بي كتاحتها وكيزانها
بلدنا حلوة وعاجبانا

يا أخوانا أنا نايم
بنوها ولا لسع
لو بنوها خلونا نصحى
لو ما بنوها
والله أحذركم
-------------------------
ما قالوا أحلام اليقظة بتقتل
ما تقصروا عمركم ساكت

العزيز عثمان محمدين

دي ح تبقى زي نومة أهل الكهف لو حلمنا ونحن نايمين لغاية ما تتحقق

خلينا نحلم ونحن صاحين..

عمر عبدالجليل البعشي

Quote: الله يحفظها من مظاهرات طلاب الجامعات ورقش الحجارة ما يبنيه سودانى واحد يعمل عشرة من السودانيين على هدمه

لا حول ولا قوة إلا بالله..

يا بروف معز

يعطيك العافيه وشكرا على السودان الجميل من الصباح


وياناس حتى لو كان حلم ما عاوزين الناس تحلم؟ وربنا



يحقق الاحلام ورغم انى واضع صورة ملتقى النيلين وتوتى



على سطح المكتب عندى لكن فرحت شديد انى اشوف الخرطوم



من الصباح وللغير حالمين بيت قصيد0000



ترى الشوك فى الورود وتعمى***** ان ترى فوقها الندى اكليلا


صباحكم حلو مع مياه النيل الحلوه0


تحياتــــــــــــــــــــى


ســـــــــــــــــــــــيد

أخي العزيز سيد محمد احمد سيدنا،
ليت الحلم يصبح حقيقة
ويذهب مع هذا الجمال الجهل والفقر والمرض

البروف

انتمنى انو ربنا يمد فى ايامك وتشوف الخرطوم كما فى الصور

آمييييييييييييييييين يا ابو الزفت ياخي

والله نحن السمح بندورو تب..

عزوز...

كيفنك و إزيك؟
إنت وين؟؟؟؟
سمعتوا...و لا...جابو ليك...؟؟؟!!!!!!




بالنسبة لمشروع السنط فهو قيد التنفيذ و قد أبتدأ العمل فيه بالفعل و شفت يافطتو بيييييييي عيني دي....

و أفتكر خير من يزودنا بمعلومات أكثر عنه هو الأخ / حسين ملاسي بحُكم عمله مع ناس ( دال ) ديل...و بحُكم كاميرته الجوٌالة....(( أحسن ليه من مبارات الأزيار و القٌلل ))

mamkouna

Quote: عزوز... كيفنك و إزيك؟ إنت وين؟؟؟؟ سمعتوا...و لا...جابو ليك...؟؟؟!!!!!!

أنا برضو يا ممكونة؟؟

وانا من زمن بغني في «خاطرك الغالي» بتاعة عثمان حسين وأقول:

حيران أسائل نفسي إيه كان السبب
أصل الخصام
يمكن أكون
في حقك اتلومت في ساعة ملام
لكن ده ما معقول يكون
أنا قلبي ليك حفظ الغرام
ما اظنو من عرف الهوى
يعرف عداوة مع السلام..

(ستة وجوه خجولة)

وين يا ممكونة ياخ اتي..

بعدين ملاسي هو وين حسة؟؟

يا ربي يكون قاعد ليهو تحت سبيل..

العزيز دكتور معز


انه جمال روحك سيدى انعكس جمالا على عاصمتنا الحبيبة ولو بعد حين ...

الله يبشرك بالخير كما بشرتنا بالجمال ونرجو ان تكون كذلك يوما ما

يقينى اننا لن نحضر ذلك اليوم ولكن ليراها احفادنا كذلك ويباهوا بها العالم

وليس على الله ببعيد

فهاهى ماليزيا أصدق مثال امامنا لتغيير الارادة وبلوغ المرام


يديك العافية يا دكتور ويجمل كل ايامك بما تحب وترضى

الأخ الغالي قرشو،
لك الشكر الحميم على كلماتك الطيبة

وأحرفك الزاهية

ونتمنى بلدنا تصبح مثل ماليزيا

ما في شي بعيد والله..

دكتور معز سلامات

تسلام يا رائع علي ..الحلم الحقيقي

معقوله الخرطوم حيكون كدا......




كل الود..

الأخ الحبيب بشير آدم عبد الله

يا ريت والله ونتمنى الخرطوم تكون كده..

يا أخوان أسئلة بسيطة وأرجو عدم أساءة الفهم
1- هل هناك في الدستور مواد تحمي المحميات الطبيعية أم لا ؟ وهل غابة السنط هي البقعة الوحيدة التي يمكن فيها أنشاء مثل هذا المشروع الجميل الفخم؟؟
2- هل هناك أمكانيات كهربائية وصرف صحي تكفي لهذا المشروع؟؟
3- لعلمي أن هناك ملعب جولف في المنطقة الدائرية المخضرة ، كم عدد لاعبين الجولف في السودان؟؟؟

اللهم لا تبشتنا

NEWSUDANI

Quote: يا أخوان أسئلة بسيطة وأرجو عدم أساءة الفهم 1- هل هناك في الدستور مواد تحمي المحميات الطبيعية أم لا ؟ وهل غابة السنط هي البقعة الوحيدة التي يمكن فيها أنشاء مثل هذا المشروع الجميل الفخم؟؟ 2- هل هناك أمكانيات كهربائية وصرف صحي تكفي لهذا المشروع؟؟ 3- لعلمي أن هناك ملعب جولف في المنطقة الدائرية المخضرة ، كم عدد لاعبين الجولف في السودان؟؟؟

أسئلة مشروعة جداً والله


كل الود والإحترام

ويا ريت نلقى إجابة..

د. معز


سلامات يا زول يارائع


ليت الخرطوم تصبح بمثل هذه الروعة التي رأيناها في هذه الصور

العزيز دكتور معز وضيوفه الكرام
لكم التحية والود
على بعد بضع كيلومترات غرب هذا المشروع ذي الأربعة مليارات من الدولارات وفي حي اسمه (مانديلا) يقوم السكان بشراء(مصران البقر )بالمتر الطولي من أجل لقمة تقيم الأود00فتأملوا0000

Quote: العزيز دكتور معز وضيوفه الكرام لكم التحية والود على بعد بضع كيلومترات غرب هذا المشروع ذي الأربعة مليارات من الدولارات وفي حي اسمه (مانديلا) يقوم السكان بشراء(مصران البقر )بالمتر الطولي من أجل لقمة تقيم الأود00فتأملوا0000

الحبيب فتحي الصديق

أقول شنو بس

لا حول ولا قوة إلا بالله..

الغالية انعام

سلامات يا ست الروعة

نفتقدك كثيراً والله..

وشكراً ليك كتير..

الشفيف د. معز عمر
سلامات

غابت نجوم ابداعك فانطلقت اشواق ارواحنا تبحث عن متكيء وارف الحرف فارتدت عصافير الحب عايدة تدغدع كوامن النفس لتحبس الشوق بالدواخل .

الحمدة للة علي العودة .

دكتور معز حتي احلامنا الوطنية تحبس في اقفاص شكوكهم .


تحياتي

الرائع / د. معز
الحمد لله على عودتك .
بلا شك الصور جميلة..وأجملها نيلنا الذي أروى أسلافنا السابقين وارتوينا نحن منه ونرتوي وسيرتوي منه من يأتي بعدنا إنشاء الله. (دون من ولا أذي..).

الخرطوم جمالها سوف يزيد ويزيد أكثر حين يعم الخير ربوعها وأطرافها ويغازلها أولادها بكل الخبرات والنشاط وووو...

والسمح بندورو ليها.

( يالخرطوم يالعندي جمالك، جنة رضوااااااااااااااان)

هشام

حبيبنا بروف المعز

تحياتي لك وانت تحلم بالخرطوم الجمال
نتمني أن تكون عاصمة للجمال وخصوصا أن ما عندنا
من إمكانيات طبيعية وخضرة وجمال والنيل كافية لان تكون
أجمل المدن الخرطوم


http://www.alsunut.com/

بروف المعز

أعلاه عنوان موقع شركة السنط ستجد بها كل
المعلومات عن المشروع


وياريت نواصل نحلم عشان لمن نصحي نلقي الوطن أجمل


تحياتي لك ولكل الحالمين بالوطن الجميل


ابو شهد

حبيبنا محمد خليل إسماعيل

ألف شكر على عنوان الموقع وعلى تنويرك للبوست

لك التحية والود يا ( بروف )

رغم أن المشروع قد بدأ الترويج له منذ أربعة أشهر بالإمارات
لكنني كنت دائما ما أسأل نفسي .. سؤالا ملحا وهو :-

لما تقوم مظاهرة كل الجمال دا مصيره شنو ؟؟

طبعا السؤال دا منطقي مع مآلات الحال والموضوعية الآنية
وإشكاليات التنمية البشرية .. والتوافق بينها وبين التنيمة
الإقتصادية ..

تخريمة :-
حينما شرعت سوداتل في إنشاء كابينات الإتصال العام على الطرق
والمواقع المختلفة لم يكن لديها أدني شك في أن المواطنة لن
تستجيب لهذا الظهور الفجائي .. لذا فإن الشركة قد إستخلصت قيمة
كل شيء من المدة الإفتراضية لما قبل التخريب ..

الآن وقد أضحت ( الكبينات ) مجرد أطلال وبقايا ركام من زمن مضي
كيف تنجو الواجهات الزجاجية من غضب الشارع الذي حينها لن يفرق
بين ( الوسطى السبابة ) ؟؟

وحتى لايفهم حديثي بنوع من ( البهت الإنشطاري ) يصبح السؤال هو :-
سبعة سنوات قادكات هل تكفي لإقامة مشروع يتحول فيه المواطن من شخص
( مهجوس مهووس ) الى رحاب الشموخ (الهونكونغي ) ؟؟

ومن هم سكان هذا العالم الجديد ؟؟


تخريمة :-
مثل قديم يقول :-
(( إذا وجدت عبدا نائما فلا توغظه فقد يكون يحلم بالحرية ))


مودتي للسنط وأهلها

يا بروف
بعد ان سرقت من الزمن برهة واتعلمت لي حية قراية بقيت احلم كده

البنحلم بيه يوماتي
وطن عاتي شامخ ديمقراطي

لكن ناس قريتنا البيهناك لي بكره وبعدو

بحلم بي البوسته وماعارف اذا راجين الشفخانة ولا ملوا منها


طبعا انا عارف انك ما معا الجماعة المعجبين بقبةة ماليزيا وجنوب شرق اسيا الظانين انو تحت فكي

د.معز لك التحية ولكل المشاركين وأسمح لي اضيف الصورة دي .

http://3aza.com/uploader/uploads/Picture 008.JPG


ولي عودة ولدي الكثير بس لو عجبتكم قولوا علشان ننزل البقية

يا جماعة الصورة حلفت ما تظبط فوق ودي محاولة تانية لو ما نجحت افيدونا...

الحبيب شريف

تسلم يا سيدي على الصورة

وألف شكر لتصغيرها

وفي انتظار المزيد..

Quote: لكن ناس قريتنا البيهناك لي بكره وبعدو بحلم بي البوسته وماعارف اذا راجين الشفخانة ولا ملوا منها

الحبيب عمار عبد الله

في هذا الزمن الصعب

الحلم بمدرسة وشفخاة ووسيلة مواصلات

أصعب بكتير من مدن الأسمنت والزجاج هذه..

للأسف الحرامية الحسة ديل هم في يوم كانوا أصحاب الوجعة.......

الحبيب صلاح شكوكو

قرأت أحرفك الصادقة بإحساس يسافر بين مرافيء الخوف وآفاق التفاؤل

لكن دعنا نحلم........

لك الود كله والمحبة

الأخ الحبيب هشام ابراهيم..

إنها الخرطوم حبي

وانتمائي

ليس أكثر........


لك فائق الود والتقدير

الأخ الحبيب يوسف السماني

ألف مليون وحشة لحرفك الزاهي

شكراً أنيقاً لك

وكل محبتي وتقديري..

سلام يا دكتور صور جميلة وياريت يصبح حقيقة

لكن ناس توتى ح يقبلوا ولا؟؟؟؟

خالص معذتى ولك الود

Quote: ÇáÕæÑ ãÑÝæÚÉ Ýí ãæÞÚ ÊÇäí (ÊÍÊ ááäÇÓ ÇáãÇ ÔÇíÝÉ

د/معز سلام واصل
وللخرطوم الحلم
واللهم اجعلو ا خير

أختي الحبيبة عشة بت فاطمة..

أهو بنحلم

وربنا يجعلو خير

تحياتي وتقديري الفائق..

Quote: لكن ناس توتى ح يقبلوا ولا؟؟؟؟

العزيز عبد الله إدريس،
ده كان زمان

قبل الكبري!!!!

الأخ /معز

لاتعشعش فى الشوارع الخلفيه
هناك .. تعال وأنعش أنوثة هذه
الفوضى والذى يرسمونه وطنا خرب الأن
دمر ولاتبق على أحد.
الدمار يعنى الخراب
أعنى البداية.
عبر بوابة عبد القبوم يمر العاشق
أه .. سيف مطرك يعبرنى
أحبك ..
شئ ما ...
ينمو فى أحشائى
أنها طفلة
سميناها زهرة العدل.

عندما نظرت للصور بكيت بحرقة وناديت زوجتى وطفلى الوحيد وقالت لى زوجتى لماذا لم يتم تصوير باقى المدينة مثل أحياء مايو ومانديلا والحاج يوسف ودار السلام ومخيمات النازحين ومرزوق الشقيلاب والمدارس المبنية من القش والطلاب الذين يفترشون الأرض. فقط لكى تكتمل الحقيقة .
بكى القلب وتذكرت أمل الشاعر وهو يقول

ويحكم ..دمى ...
هذا دمى فأنتبهوا .

إن أى حضارة حقيقية تنتهى وتبدأ بزرع الوعى فى الناس وبلادنا فيها80 فىالمئةوجوع فى دارفور والجنوب وفى قلب الخرطوم وأنعدام دواء ومن لايملك ملايين لايعلم أبنه ابدا.
إن أى إستثمار إسنهلاكى هو إستثمار أنانى وغير واعى للأجيال القادمة وهو يصل لمرحلة الخيانة لمقدرات الشعب .
أننا نتمنى من الدولة الأستثمار فى عقل أطفالناهو الأهم والجوهرى. بدل من بناء الوهم وحينها تكون الخرطوم عاصمة نفتخر بها. وأن طلاب حى مايو يتلقون تعليما وخبزا وهم سوف يبنون غدا الخرطوم التى
نحلم بها وبعدالتها .
شكرا للآخ الشاعر معز الذين عرض لنا الصور وإن أختلفنا معه فى إنها حضارة. ,وأنا اقسم بالله أسكن فى بلد قمة الحضارةالمدنية ولكنى لم أرى شكل هذه العمارات فى مدنها .

الأخ الحبيب محمد القاضي

قلبي على وطني

بس..

المعز
سلام
بكده تكون جمهورية العاصمة المثلثة قد اضحت حقيقة وتتحل مشكلة السودان والناس كلهم يجو يقعدو في الخرطوم وشايلاهم ومفضلة....لا نزاع في دار فور ولا جبيت...شابف كده عمارات طويلة بتشيل الناس ديل...وتذكر يا اخوي سكان شنغهاي 30 مليون نسمة يعني قدر سكان السودان

بس عندي سؤال فني كده
هل عدد الجسور فوق النيل بفروعه الثلاث كافي لمرور 30 مليون نسمة

وبعدين لو حبوبتي الحرم عايزة تعوس الكسرة تعوسا وين

اذا كان كلوواحد ساكنة تحتو راااصة حيعزل البلد كلها حتبات في الشارع
عادل امام في شاهد ما شفاش حاجة

Khartoum of a few notorious & mischievious sprites

-- صحيت من نومها مرهقة..ومنزعجة..وتقدمت نحو المرآة ونظرت مليا في تقاطيع وجهها...
وقالت: قبّح الله صانعي المرايا..
لقد أصبحوا لا يجوَدون صناعتها مثل ما كانت من قبل.



** أقصد هذا الكابوس..كيف نصدق هذا الحلم ...



-- معز متعك الله بالصحة والعافية وأنت ترسم الامل على خواطر الناس.

الحبيب دكتور المعز


عموما نقول (خير وزين وصلاة علي النبي ,واللهم اجعله خيرا ).

علي كل الذين يبحثون عن تفسير هذا الحلم ان يقراءوا كتاب محمد بن سيرين (تفسير الاحلام)

لكن خوفتني يالمعز ,العمارات دي البناها منو الكيزان ولا غيرهم ؟عموما لو الكيزان نحنا ماراجعين احسن لينا الكفيل السعودي .

اللهم اجعلة خيرا






صديقي المعز .لنا حق ان نحلم ,ولكن حلمنا الاول ان نبني عمارات المعاني والقيم والاخلاق .


والا اصبحت عمارات فساد ومعتقلات تعذيب ومخدرات .............وجبهة لاإسلامية.......

اها يا ناس


حاجة تمام

يابروف والله مشتاقين وحاتل ليك في بحر الشوق لي اضني الله عالم شاهد


ان شاءالله انت والاهل كلكم بخير

سيف مساعد

يا حبيب الزمن الجميل

ورفيق الحس الطيب

مشتاقين والله

وسمعت انك عريس

الف ألف مبروك يا سيدي وربنا يهنيك دايماً وأبداً

الحبيب مجدي شبدر،

هو السودان ده حق منو؟

والله الواحد زاتو ما عارف الحاصل شنو؟؟

الحبيب الغالي حاتم

الله يديك الصحة والعافية

وما أضيق العيش لولا فسحة الأمل

Ahmed Mohamedain

Quote: Khartoum of a few notorious & mischievious sprites

الحبيب عادل أمين،

حبوتك إلا تعوس في اليمن السعيد بعد ده..

تسلم يا غالي

ويديك العافية..

ولا رقشه ولا امجاد ولا كارو ولا حتي غنمايه من غنم المقرن حايمه.... اكيد الحكايه فيها ..... ولا اقول ليك يا دكتورنا الحبيب نسرح مع الخيال

الحبيب وليم أندريه

أهم حاجة غنم المقرن ديل..

دكنور ...مشتاقين

بالله يا دكتور الا توافقنى ان قعدة فى ضل لبخة ولقمة فول هنية وحرية مش اجمل من الزجاج المرصوص ده ..معقول الخرطوم تبقى فضية قزاز..يعنى راسمال عمارات المتعافى ديل مظاهرة كاربة وخلصنا
وبعدين ده حر قزاز قدر ده..اى التكيف مركزى لى ناس جوة وهم قطع شك ناس المؤتمر الوطنى لكن انعكاس الزجاج على الغبش بى برة ما ببفيهم شاورما..فلتذهب عمارات السجم ولترجع اشجار السنط
من المدهش المتعافى كان مزين كورنيش الكبرى الجديد بى 4نخلات بلاستيك فى منظر مستفذ وهن قطع شك اغلى من الشجر الطبيعى مية مرة وطبعا ما بشربن من النيل لكن شربن من دمناومستوردات من شرق اسيا وكان فرحان بيهم لكن جاءت اللت الله وقلعتن من بلاستيكن ففى ذات عاصفة واحدة اصبحن حطاما وفرحت انا شخصيا كثيرا لهذا التصحيح الالهى..اللهم ارنا فيهم ما فعلت بنخيل البلاستيك ذاك
واقلعهم من عروقهم.....
دعوا الخرطوم تتنفس بعد ان كتمتم نفسنا..نعم للمسطحات الخضراء ..لا لعمارات العمولات والانتهازية
اياك اعنى واسمع يا متعافى،،،،

الأخ العزيز شريف

الصورة ضخمة جداً لخبطت البوست

أرجو تصغيرها إلى ربع هذا الحجم أو أقل

(B) ياربى انا فى حلم ولا فى علم
يايوم باكر................

مهما كان هى بلدنا ونحن بنريدها

حبينها طين وجالوص

وبنفخر بيها جديده كده.........


بركاتك يابروف................(B/)

أخي محمد مختار جعفر
كم وكم سعدت بوجودك هنا.
انا عثمان محمد أحمد عمر. ابن خالك لزم. واسمي في هذا المنتدي، كما تراه (تراث) أو (عثمان تراث)
وفي نفس هذه المنتدى الحميم تلقى زوجتي أماني عبد الجليل التي تُسمي نفسها هنا(الجندرية). فلك منا ومن أبنائنا كل التحايا الأشواق. والتحايا موصولة لك من محمد مصطفى محمد أحمد.

شكراً دكتور معز. لقد ألتقطت (أنا) وجوداً حقيقياً من بين هذا الخيال الجميل الذي زينت به (انت) هذه البوست. ما التقطته انا موجود بيننا وهو اخى المبدع محمد مختار. ليت ما تخيله صورك الجميلة يتجسد مثله.
على فكرة هل تذكر أننا ترافقنا في وفد سوادني واحد الى أحد مهرجانات المربد في النصف الثاني من الثمانينات؟

الغالي تراث

ياخي دي فرصة عظيمة والله

لم أجمع بينك والأخت العزيزة اماني على الإطلاق

والله كم أنا سعيد بكما

وألف شكر على كل الأحرف الندية

كيف لا أذكر مهرجان المربد وفندق المريديان فلسطين وقاعة الرشيد وشارع أبو نواس

كان ذلك في أكتوبر 1987

ورحلتنا بالقطار للموصل

ثم النجف بعد ذلك وزيارة الجبهة

والأمسية الشعرية في بابل..

كل الحب لك مع تحياتي الحارة لأماني

مدد مدد
يا علوبه..

الغالي صديق الموج،

أي كلام تقولو حلو

منو البقبل كلام بدلو؟؟؟

Quote: فلتذهب عمارات السجم ولترجع اشجار السنط

abcde

ومعاها الحزام الأخضر كمان..

د. معز
تحية يا جميل

اين أجد معلومات كافية
حتى أكوّن فكرة هندسية
وأقوم بكتابة انطباعات مهنية ..

بروف

أنا ما نِشِفت

دورى متين

قطعت تذكرتى لى كم يوم

امشى فحصت وجيت ولسه دورى ماجا !

معتصم الطاهر

Quote: بروف أنا ما نِشِفت دورى متين قطعت تذكرتى لى كم يوم امشى فحصت وجيت ولسه دورى ماجا !

حبيبنا معتصم

كدي جرب أدخل هنا

http://www.alsunut.com

أنا آااااااااااااااسف والله عشان التأخير

شكراً كتير د. معز .
وين ود عمتي محمد مختار.

شكراً كتير د. معز .
وين ود عمتي محمد مختار.

تسلم يا تراث يا حبيب

قصدك عصام مختار؟

قصدي محمد مختار جعفر
الخطاط والتشكيلي السوداني المبدع الذي شارك في هذا البوست
والذي يقيم في دولة الامارات العربية منذ سنوات طويلة.