Post: #1
Title: دكتور معز والحب الزوجى الخالد
Author: BAKASH
Date: 11-02-2004, 03:20 PM
أخونا الشاعر دكتور معز طبعا من الشعراء المميزين جدا وهو شاعر مرهف ويمتاز بجمال التعبير و بعض مرات يزكرنى بى اهلنا الشوايقه فى جمال الكلمه عندو قصيده قالها فى زوجته الاعلاميه المشهوره وهى قصيده جميله جدا تعبر عن حبه لزوجته والحب الزوجى من افضل الاشياء فى الدنيا وهو نوع من السعاده عليه نرجو من اخونا دكتور معز ان يكتب لنا هذه القصيده ان امكن
ونرجو من جكس البورد عدم الغيره ما تمشى الواحده فيكم تشوف القصيده تمشى تقول لى زوجها لازم يقول فيها قصيده لأنو تلقى الواحد يحب زوجته لكن يخونو التعبير غايتو الا يعبر ليها بالاشاره انا غايتو شكلى تبع ناش الاشاره
بكاش
|
Post: #2
Title: Re: دكتور معز والحب الزوجى الخالد
Author: Dr. Moiz Bakhiet
Date: 11-02-2004, 03:53 PM
Parent: #1
يا بكاش انت..
(بهزر معاك والله)
أي قصيدة تقصد بالمناسبة؟
فهم كثر..
لك الشكر عزيزي ولك التحية المشرقة بالوله..
وفي انتظار الحلم أن يدنو إليك
بالوعد والندى والأمنيات الطيبة..
معز
وقول واحد:
لصباحك المطر الأخير
قدمت للشوق المقدس في عيونك توبتي
و مشيت نحوك عابراً كل الحواجز و الجسور
فلقد وجدتك في الشواطئ زورقاً
طوقاً يصد البحر عني
يحتويني في جيوب الصبر
يزرعني رحيقاً في بساتين الحبور
يا «جدية» الوديان
قد عمت حياتي فرحة
ظلت بأعماقي تدور
كالصبح كالفتح الرهيب..
دوني و وعدك شمس حب
لا تغيب
و قصيدة سكرى بحبك
من حبيب
من شاعر يهواك حتى ينجلي
في آخر الأوراد وعد لا يخيب
و الله شاهد قصتي و هواي
و الداعي لوصلك و المجيب
يا لوحتي و حديقتي ينتابني
في كل ثانية حنين..
للقاك ينبع من وريدي
بحر إحساس دفين
شوق عظيم للصباح بمقلتيك
و للأماني في مرايا وجنتيك
و للمواقيت الرجاء..
للعصر عندك و الضحى
و لكل أحلام تمدت
فوق أكتاف المساء
يا أصدق الكلمات
يا سحر الحياة و نبضها
يا سر آيات الصفاء
إني أحبك فامنحيني
من جلالك انتماء
هيا نهاجر للشموس الساكنات
على زوايا الحب
في عمق الخلايا و الدماء
هيا نعانق شوقنا
هيا تعالي نستحم بماء عشق
نبعه فيض اللقاء
و هواؤه الإخلاص و الصدق القويم
و عطره زهر الوفاء
اصغي إليّ فها هو الوعد المفدّى
سوف يبقى في حياتي سامقاً
بهواك يزخر بالعطاء
إني أحبك فاشهدي
ألا صباح بغير شمسك
لا شروقاً أو غروباً
أو نهاراً أو مساء
إني أحبك فاعلمي
ألا فصولاً تستديرمن
الربيع إلى الشتاء
إني أحبك فادركي
ألا حياة بغير مائك
لا بحاراً أو سحاباً
أو نجوماً أو سماء
إني أحبك فانظري
هذا امتداد الحب عندي
دون حدٍ دون سدٍ
دون بدءٍ و انتهاء
إني أحبك هكذا
جيم ٌ
و دال ٌ
ثم ياء ٌ
ثم تاء ْ
إني أحبك هكذا
يا «جدية» الأمل المضاء
إني أحبك هكذا.
|
Post: #3
Title: Re: دكتور معز والحب الزوجى الخالد
Author: حبيب نورة
Date: 11-02-2004, 04:03 PM
Parent: #2
الله الله الله
|
Post: #4
Title: Re: دكتور معز والحب الزوجى الخالد
Author: Dr. Moiz Bakhiet
Date: 11-03-2004, 02:49 AM
Parent: #3
الله عليك انت يا حبيب نورة
والله العظيم الله عليك..
|
Post: #5
Title: Re: دكتور معز والحب الزوجى الخالد
Author: تاج السر حسن
Date: 11-03-2004, 02:15 PM
Parent: #4
الحبيب دكتور معز ، قريب الصديق العزيز
يعنى (روحت خليتنا) فى غفله ودواس مع ناسك المريخاب ،( وتانى ماجيتنا) و(كان مغالتنا) أسأل القنبله النزلتها من من ورانا دى ؟؟؟
|
Post: #6
Title: Re: دكتور معز والحب الزوجى الخالد
Author: BAKASH
Date: 11-03-2004, 03:22 PM
Parent: #5
ياها ما تهزر
الرائع دكتور معز لك التحيه والله يا دكتور معزه انا فقدت المنطق عديل كده وما قدرت اكتب اى حاجه لانو القصيده حلوه جدا وبعدين انا زى ما قلت ليك زول اشاره ساى وحتى الاشاره كمان بعد قصيدتك دى قطعت
بس بقيت طماع شويه وعايز من الكثر ديل ال قلتهم شويه تانى كمان
ولك التحيه يا رائع وانا راجع اقرأ القصيده المره الخامسه
بكاش
|
Post: #10
Title: Re: دكتور معز والحب الزوجى الخالد
Author: Dr. Moiz Bakhiet
Date: 11-04-2004, 12:23 PM
Parent: #6
العزيز بكاش،
تسلم يا سيد الناس
بس دا ما يكون بكش منك..
عموما جاييك راجع لأنو في اللحظة دي أنا في الإمارات
في ضيافة أجمل الحلوين
|
Post: #11
Title: Re: دكتور معز والحب الزوجى الخالد
Author: Dr. Moiz Bakhiet
Date: 11-04-2004, 12:25 PM
Parent: #10
بالمناسبة..
أجمل الحلوين دي..
|
Post: #7
Title: Re: دكتور معز والحب الزوجى الخالد
Author: Dr. Moiz Bakhiet
Date: 11-04-2004, 03:29 AM
Parent: #5
حبيبنا تاج السر،
أنا بالمناسبة في أبو ظبي لغاية يوم الجمعة
إنت في الإمارات الآن؟
تلفوني:
0097339664120
|
Post: #12
Title: Re: دكتور معز والحب الزوجى الخالد
Author: Dr. Moiz Bakhiet
Date: 11-04-2004, 12:28 PM
Parent: #7
الحبيب الغالي تاج السر،
شكرا يا حبيب على التلفون..
أغدا ألقاك؟
يا خوف فؤادي من غدِ...
|
Post: #8
Title: Re: دكتور معز والحب الزوجى الخالد
Author: omar_ragab
Date: 11-04-2004, 04:14 AM
Parent: #1
في حب يااخوانا اكتر من كده
في كلمة غير ...احبك اردده
|
Post: #9
Title: Re: دكتور معز والحب الزوجى الخالد
Author: Emam Hassan
Date: 11-04-2004, 11:25 AM
Parent: #8
بكاش .. نشكرك على استنطاق الدكتور الشاعر ذو اليراع البارع
المعز..قصيدتك دى ذكرتني عزومة العشاء بمنزلك في استكهولم في سبتمبر1999م وقصيدة بلقيس وقصة المجمع الثقافي بابوظبي   
Quote: دكتور معز: أي قصيدة تقصد بالمناسبة؟
فهم كثر..] |
زيدنا تاني يا دكتور..
والله قصايدك دي بتعمل فينا عمايل في الغربة 
_______________________________________________________________
"زيدني من دلك شوية وكتر الاشواق علي"
|
Post: #15
Title: Re: دكتور معز والحب الزوجى الخالد
Author: Dr. Moiz Bakhiet
Date: 11-05-2004, 03:20 PM
Parent: #9
الأخ الحبيب إمام،
| Quote: المعز..قصيدتك دى ذكرتني عزومة العشاء بمنزلك في استكهولم في سبتمبر1999م وقصيدة بلقيس وقصة المجمع الثقافي بابوظبي |
الله يا إمام.. تلك أيام جميلة.. وكانت يا حليلة.. وعشان خاطر الليلة الليلاء ديك خد دي:
و غرد المساء في سبأ
ما ضل هُدهدي
و لا صبأ
لما رآك
في زجاج عرشك المهيب
ما اختبأ
لا جاء بالنبأ
أو عاد بالرسالة القديمة الأزل
لا ظل لا ارتحل
من باب مندب البحار
للنهار
عند مدخل الأمل
و أنت في محافل المقل
سحابة من الضياء
حلة من الخجل
على امتدادك الشموس
ألغت الشروق
عندما التقت
بريق وجنتيك
في زحل
من غابة الفضاء أنت
أم نجيمة
تهيم في السماء
أم لواحظ
تدور مثل نيزك
تداعى في غياهب الرجاء
ثم حط في اليمن
من حضرة النقاء جئت
أم أتيت
من مضيق جنة
على عدن
أم أنت لوحة
تهل غفلة
على ستائر الزمن
وديعة و صافية..
على جبينك الحياة لم تزل
نضارة و عافية ..
وأنت في حدود شوقنا العظيم
همسة
من العميق سارية
بلقيس لم تعد
أمام مقلتيك
غير جارية
و نخلة من الثمار عارية
بلقيس لم تعد
مليكة على سبأ
بلقيس قد تنازلت
لعرش مقلتيك
حين جاءها النبأ
بأن وعد ناظريك
في الألى مقدس ٌ
و أن نورك اجتبأ
بواعثاً من الصفاء
و المطر
جميلة ٌ
و أجمل النساء في مدينة
تمددت على الرمال
واحة من الثمر
و ساحل من الرحيق
و الشجر
جميلة ٌ
و عيبك الوحيد
أنك القمر.
|
Post: #13
Title: Re: دكتور معز والحب الزوجى الخالد
Author: Dr. Moiz Bakhiet
Date: 11-05-2004, 02:34 AM
Parent: #8
أيها الرائع والجميل دائما عمر رجب،
دائما أنت ملون بهمس الحقول ونضارة السحاب وعبق الشفق هكذا:
فامنحنا عبقك فصلا يانعا من الزهاء والنضار
وشكرا آخرا لك لا ينقطع
فلقد بدأنا في تصميم الموقع
|
Post: #14
Title: Re: دكتور معز والحب الزوجى الخالد
Author: jini
Date: 11-05-2004, 04:08 AM
Parent: #1
Quote: يحب زوجته لكن يخونو التعبير غايتو الا يعبر ليها بالاشاره انا غايتو شكلى تبع ناش الاشاره
|
ونحن ناس أخنق فطس لا بنعرف الإشارة لا العيارة يعني ناس أمسك لي وأقطع ليك
جني
|
|