Post: #1
Title: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-05-2004, 04:30 PM
Parent: #0
Quote: المتواجدون الان بالمنبر الحر 107 شخص » (2 )عضو و (105) زائرا
»Dr. Moiz Bakhiet
»طلال عفيفي
هذه الصفحة يعاد تحديثها كل 120 ثانية. |
|
Post: #2
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Rawia
Date: 11-05-2004, 04:50 PM
Parent: #1
انا اسمى ما مكتوب
لكن داخله اسلم واقول ليك
وصلت لى السلام لى ناس ابوظبى?
وتحيه لى طلال
|
Post: #4
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-05-2004, 10:07 PM
Parent: #2
راوية:
انت اسمك مكتوب على كل القلوب..
والسلام وصل حدادي مدادي
|
Post: #3
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: مزن ابوعبيدة النيل
Date: 11-05-2004, 05:31 PM
Parent: #1
لا والله يا دكتور معتز سعادة تحسد عليها
لكن استنا انتا ما عرفتا الخبر لسا
مش ال107 دول كلهم مزن النيل
|
Post: #5
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-06-2004, 05:49 AM
Parent: #3
Quote: لكن استنا انتا ما عرفتا الخبر لسا
مش ال107 دول كلهم مزن النيل |
وأنا اقول يا ربي ال 107 نجمة وشمعة ووردة وشمس ديل جو من وين!
|
Post: #6
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: إيمان أحمد
Date: 11-06-2004, 11:22 AM
Parent: #5
معز
يا بختك ياعم
ربنا يهنيكم ببعض، ويتمم علي خير، ويجمع بينكم في الحلال
آآآآآآآمين
 
|
Post: #7
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-06-2004, 12:39 PM
Parent: #6
إيمان:
Quote: معز
يا بختك ياعم
ربنا يهنيكم ببعض، ويتمم علي خير، ويجمع بينكم في الحلال
آآآآآآآمين |
إيمان.. ما قلتي لي..
مع منو في الأسماء المكتوبة فوق دي يا فرده ..
باستثناء طلال  
|
Post: #8
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Alia awadelkareem
Date: 11-06-2004, 12:50 PM
Parent: #7
العزيز
المعز
مساك الود
تعرف ما يجمع بينكم
انكم اصحابي جدا من غير ما تعرفوا
وخصوصا طلع الولد الشقي
مصاحب درويش اليومين دي
اصلا ما ممكن تكون صدفة
مع ودي
|
Post: #11
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-06-2004, 01:39 PM
Parent: #8
Quote: عالية:
تعرف ما يجمع بينكم
انكم اصحابي جدا من غير ما تعرفوا |
دا الكلام
|
Post: #9
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: إيمان أحمد
Date: 11-06-2004, 12:51 PM
Parent: #7
معز
أنا مع حقوق الأقليات
|
Post: #12
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-06-2004, 01:42 PM
Parent: #9
Quote: معز
أنا مع حقوق الأقليات |
قصدك سعاد حسني؟
|
Post: #34
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: إيمان أحمد
Date: 11-06-2004, 05:02 PM
Parent: #12
سندريلا الأقليات!
|
Post: #10
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: abdalla BABIKER
Date: 11-06-2004, 12:55 PM
Parent: #1
يا بختك
|
Post: #13
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-06-2004, 01:46 PM
Parent: #10
عبدالله،
شفتني كيف وانا ..
بخيت
|
Post: #14
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: محمد عبدالرحمن
Date: 11-06-2004, 01:50 PM
Parent: #10
دكتور معز
تحياتي ....
طلال ده عندما الحظه اون لاين اتحسر علي غياب الماسنجر ، عزائنا اننا نتواصل معه عبر
مايبدعه من جمال ، جعلت من نفسي زائرا يوميا لبوستاته استريح عندها وارمي حمولي
الثقيله عليها ....
التحية لك استاذنا المعز ...ولطلال كل الحب ...
|
Post: #15
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-06-2004, 02:00 PM
الأخ الحبيب محمد،
عندما التقيت هذا الولد الحديقة قبل أكثر من تسعة أعوام بمنزله وكان يحمل في كفيه دفتراً من الأحزان التي كان يخشى عليه منها أقرب الناس إليه ويقرأ لي منها.. كنت واثقاً من أن هذه الوردة اليانعة تحمل في داخلها حقلاً من العشق والكروم..
لك ولطلال فيض المحبة والصحو المستدام
|
Post: #16
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: نصار
Date: 11-06-2004, 02:04 PM
Parent: #1
كيف قدر المنبر أن يتحمل كل هذا العشق متحدا و منفرد بيه راس
البركة في المية وسبعة المنعوه من ان يذوب او يحترق
طيب رايك شنو يا بروف انت و طلال تأرخوا لهذه اللحظة ببوست ملتهب
يحرق كل الكراهية الفي الدنيا
زادكما الله من حباكما به و جمل بكما حدائق العشاق
|
Post: #17
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Ishraga Mustafa
Date: 11-06-2004, 02:37 PM
Parent: #16
سعيده لاجلكما
عشان كده كان البورد بيغنى
انا قلت ياربى يكون بتهيأ لى؟
لكن كان بيغنى مع محمد منير الشاقى ليل فيينا فى نصه
المنبر كان سعيد
ونحنا { الاربعة}
كده بمناسبة نحنا الاربعة
ناخد وقفه!!!!
عالية بتعلى من نبضاتكم
مزن بتغسلكم من حريقان الروح
وايمان بيتيقنكم بان الشمس ستشرق
كل الود
وادام الله السعاده
|
Post: #29
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-06-2004, 03:52 PM
Parent: #17
إشراقة،
أود أن أهديك قصيدة لم أقرأها أبداً ولم أنشرها إلا في «مداخل للخروج»..
بعض من بعض طلال كان الوحي فيها.. وهي قصة ذابت على أرخبيل الموج والنسيان..
قبل القصيدة: أين المقال؟
وإلى القصيدة:
الرؤى والمستحيل
و توجَّع الايحاء فى صدرى بحبك و الزمان ..
والليل عريان على فلك المدارك هائما ً
بهواك يحتضن الضحى والاقحوان
آتون و الساعات و اللقيا
و أفواج الهموم ترج بركان المكان
آتون يا بنت الهواجس فالخطى شربت
دياجير المدى والشوق رقرق
فى سنا المجهول يرحل كالدخان
اوراقنا رسل الحبيب و دورة الزمن الذى
خرق العصور و عاد يبحث فى عوالمه
القديمة عن اساطير الأمان ..
هذا الطريق اليك ينضح بالموانع
يختفى من تحت انقاض الجوى
و على دهاليز الغيوم
الخوف و الأقدار حولك و الوجوم
الفان عام فى انتظارك يا محطات الأمانى
يا عيون الموج و الشط الرؤوم
ألفان عام و الجراح تيمنا
بلقاك تختزل البكاء المر تستهوى
مساحيق الرجاء الشاحب الموعود بالدنيا
و احلام القدوم
كان انتظارك اجمل الأحداث عند ولودها
و اجل من طوق النجاة ارق من همس النجوم
كان انتظارى فى تلهف مقلتيك حديقة
شرقية الأزهار خضراء الهموم
كان الطريق الساحلى مشبعا بالعطر
مغسولا بقطرات الندى و مطهرا بالمزن
والسحب الندية و الزهور
البحر منك و انت انفاس الخلايا
و الحدائق و القصور
قالت دعوتك يا عصير الشوق احسست
انغماسك فوق صدرى و احتضنتك فى فؤادى
و انتظرتك فى مطارات الصقيع
اتُرى هواك يصادم التل المغلف بالمدافع
كى يرد الريح عنى
يحتوينى كالرضيع
أترى هواك يشد ينزع من خيالى حائط الخوف
المحنط فى دمائى
سوف يشرق كالربيع
قالت وكلى منك انزع من حيائك ثوب خوفى
و احتوينى فى حقولك قمحة
تأتى بزهرك للجميع
للقاك حين الحب فى عينيك يصدق وعده
اختار وجهك احتويك بأذرعى
فيذوب خوفى و الظنون
و أجئ صوبك عاريات أدمعى
يا بحر حبى و اشتهائى و الجنون
و أغوص فيك حمامة
سجعت بحبك و استحمت فوق بحرك و الفنون
صدرى اليك ربابة ترنو على وتر الحياة
سحابة تمطرك بالغيث الحنون
كفّاى حولك سندسين من الشعاع و ورد ثغرى
فى شفاهك مترعا
بالهمس والبوح الذى
قد عاد يخترق السكون
لك ان تراءت يا محدثى الحقيقة
نبض قلبى و العيون
لك كل ما تهوى و تطلب من هجير لواعجى
عشقى وخاتم منتهاى الى حدودك
او نهايات المنون
فانظر وقل ماذا ستصنع فى هواى و ها أنا
وحدى اعودك يا بريد الحزن يا بحر الشجون..!!
اواه يا وجع الغريب تداخلت حولى
جيوش الشوق و الأقدار هدتنى سحابات الأسى
و النار حولى و الهجير الساخن الآتى
على صهو الضباب ..
اقسمت بالحب الجديد اليك امشى واثقا
خطوى اليك يجئ من خلف الشهاب
ما انت الا ما غوى وهنى و جاهر سامرى
لك بالخضوع و بات عشقك فى هجير لواعجى
سدا على ظهر اليباب
انا و الرياح اليك نعبر ساحل الرمل الضرير
نشق انهار السراب
متفتحا كالضؤ يا بدر الحسان
اصاب راميك انتحارى
لست أهوى غير وجهك سنبلة ..
الطير من عينيك هاجر للشمال و ما أتى
فانزع عناوين الهموم المقبلة
حدثتهم عنى و عنك
حرقت سرِّى
فى سهول السابلة
ِلم لَم تغلف فرحتى بلقاك
حبك فى دمائى سوف يخنقه الشعاع ..
العشق ليس تباهيا متلفعا
بالجهر ينقله الرعاع
الحب فوق بلادنا حقلا من (الدنميت) تشعله
عيون الناس
انفاس المخاوف و الضياع
انا لست اخشى ان أجاهر بالهوى
لكن خيط النار اخشى ان يكبلك انصياع
اصبر على احساسك المزروع فيك حديقة
و اجهر بصمتك للبقاع
هذا زمانى يعبر اللأجيال يعشق
وجهك العبق النضير ..
قالت تقول الحق قلت تأملى
وجهى و صدرى
و ارمقى فى المسير
قالت اخاف عليك و من هدير الصدق
فى عينيك لو قد كذبته
عوالم الآمال و الوله المثير
أواه قالت انها سبل الحياة
تكاد تغرق فى الرؤى و المستحيل ..
النار منك تؤجنى
فامدد لى الطوق الأمين تواصلا
و افتح شبابيك القصائد للصدى
و اخرج من الصمت الطويل
هذى مساحيق الرجاء تطير من كفيك
تكحل مقلَتىِ
بالنور والحب النبيل
ما أنت الا و الهوى عندى قناديل
الأمانى و الوفاء وأنت خطوى و الرحيل
وحياتك الاحساس فانظر يا رفيق خواطرى
هذى حياتى انت فيها معبدى
محراب عشقى سامر الصحو الجليل
هذى حياتى منك تبقى قصة منسوجة
بالحب والحسن المُعتّق و الندى
والعطر والوجه الجميل.
|
Post: #18
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: طلال عفيفي
Date: 11-06-2004, 02:45 PM
Parent: #16
الرجل الجميل والمحب د.معز ..
والآن ؟؟؟ ماذا افعل ؟
بعد كل هذا الود العميق الذي أسبغته علي ؟
هذا اللطف والحب يشد من أزري ويخفف ما أنقض
ظهري من أحمال ..
................
أنا لم أنس ذلك اليوم يا دكتور .
كان عمري صغيرا وكان بقلبي لوثه عاطفيه مبكره .
كان حلمي أن أكون شاعر وأكتب شعر عن كل البنات في
العالم .
بنات المدرسه كن يجتمعن حولي لأقرأ لهم قصائدي(!!).
وحده تقول لي صوتك جميل والتانيه تقول لي عيونك
حلوه والتالته تقول لي روحك مش عارف ايه .
الغريب أن ولا وحده أشارت للقصائد (سبب اللمه) .
المهم اني كبرت بعد كده وعرفت مقامي وبطلت أكتب
شعر ( بس مره مره بكتب) ..
.................
ألتقيتك في تلك الأيام ..وأهديت طفولتي ديوانا من
دواوينك وكتبت لي على صفحته الاولى اهداء ..
كم أسعدتني يومها يا دكتور .
وكم أسعدتني الآن ..
...
طلال
______________________________
* رسم وتلوين : بيتروس فودكين .
ألوان زيتيه على قماش .
تم توقيع اللوحه في 1922.
|
Post: #19
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Ishraga Mustafa
Date: 11-06-2004, 02:57 PM
Parent: #18
طلال
{
بنات المدرسه كن يجتمعن حولي لأقرأ لهم قصائدي(!!).
وحده تقول لي صوتك جميل والتانيه تقول لي عيونك
حلوه والتالته تقول لي روحك مش عارف ايه .
الغريب أن ولا وحده أشارت للقصائد (سبب اللمه) .
المهم اني كبرت بعد كده وعرفت مقامي وبطلت أكتب
شعر ( بس مره مره بكتب) ..}
بتكون فى واحدة اشارت لسبب اللمه
لمن قالت ليك بينة عن عيونك
ما اظنها قدرت تفصل بينها وبين قصائد شجونك
ماالكلام يتحمله الحبال الصوتيه
وبتقرىء فى العيون
فياصديقى الشفاف لاتظلم البنيات
انا بحزن لمن ينظلمن
وبحزن اكثر لمن يظلمهن شاعر
شاعر وزول كتاب زى طلال
بحاول وانا برد ليك اهزم فينى جندرة حواسى
قلت لى مرة مرة بتكتب؟
لو بتكتب طوالى كنا غرقنا فى لجة الحب العظيم
طلال... اتنين شهونى الاقيك
نجوى
وايوب
وكمان ليلى....
ربما اجىء السودان نهاية ديسمبر... اكيد حانتلاقى وعاصم الحزين ماتنسى تكلم ليلانا
|
Post: #20
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: طلال عفيفي
Date: 11-06-2004, 03:08 PM
Parent: #18
راويه ..
سلامات يا صديقتي ..
التحايا الحلوه وصلت .
نبعث اليكم بمثلها .
(مع ملحوظة أن الشوق بحر) .
مزن ..
سوسنتنا الصبيه .
الدنيا عامله فيكي شنو اليومين دول ؟
أرجو ان يكون بحرك هادئا ومراكبك سايره .
.....
تذكرتك اليوم(....), كنت قرأت كلمه لدرويش
مفادها أن:
"علينا أن نصغي دائما وأن نقرأ النتاج الجديد
لكي نفهم بشكل أفضل الحساسيه الشعريه الجديده,
سواء كنا نقبلها أو نرفضها فقد نكون هرمنا دون
أن ندري . "
يا بختك محمود دريش ذات نفسو بيتكلم عنك !
ايمان ..
أتذكرين "كوبر" يا ايمان , ذلك الحي السكني الخجول على
سواحل شرق النيل السوداني .
حيث كانت الطبقه الوسطى من أبناء البلاد تسكن وتنام وتصحو؟
ذلك الحي العادي الطيب الذي كان يجمع شمل مديري الخدمه
المدنيه والأطباء الدؤوبين والمدرسين خريجي بخت الرضا ؟
أتذكرين الرابطه ودكان عم حسن ؟ أتذكرين دعاية روثمان:
أفضل مايمكن شراءه من تبغ ؟
والجامع ذي المئذنه الملونه باللون الكبدي (وكنت حين أسطل
أتخيلها زجاجة بزيانوس ضخمه..!) .
هذا الحي يا ايمان يفتقدكم كثيرا يا ايمان ..
يعلم الله ..
...
طلال
.
|
Post: #21
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: إيمان أحمد
Date: 11-06-2004, 03:15 PM
Parent: #20
طلال
اليوم، قررت أن أخرج في البرد بملابس خفيفة!
خرجت
واستنشقني الهواء
(كنت بتخيل فيه نسمة نيلية، ولكن هيهات)
|
Post: #22
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: إيمان أحمد
Date: 11-06-2004, 03:27 PM
Parent: #21
طلال
........ وشجرتي ليمون تنتصبان كالشرق والغرب
ثمار إحداهما بعطر لوحتك الحامضة الفريدة أعلاه، والأخري بلون صديقة نجاة "الخضراء"....
وبينهما ياسمين...
حينما يختلط عطر الليمون بالياسمين أعرف أنه بيتنا ليلاً
وحين الصباح
يأتيني والدي بوردة
لك سلامي وحبي
أما كوبر، فسنحكي عنها.... إذ أنها سيرة لوحدها.
شكرا لمعز وبيت الأصدقاء
إشراقة، أنا يا امرأة ما بي يقين،
إلا أن بي يقين
ومزن هذه رعاها الله
لذات الإله أن يمد يده لعالية، فهي الوحيدة القادرة أن تأخذه إلي مكانٍ تدركه
لكم/ن جميعا تحياتي
|
Post: #24
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Ishraga Mustafa
Date: 11-06-2004, 03:33 PM
Parent: #22
ايمان
انتى اليقين ولاتدرين
حديثنى عن ليمون بيتكم يا ايمان
عن ابوك
انا بحبه زيك
مش ابوك
|
Post: #25
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Alia awadelkareem
Date: 11-06-2004, 03:40 PM
Parent: #22
ايمان
يا تفاحة القلب النضرة
لك في القلب احجية
والفية صلاة
بالخلوة
يا صبية
.......
مزن
بين هطولها بيننا
وصرة قلبي
حبل سري الوجع
كلما قراءتها
انكمشت الي
الي صفر عدم
واشحت بوجهي
من زماني
وفارقني يقيني
اشراقة:
قدرة ان نكون
قلبا كبير
وامساك تلابيب الزمن
|
Post: #39
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: طلال عفيفي
Date: 11-07-2004, 04:22 PM
Parent: #22
كان الحي جميلا .
وكان وكأنه يختار ناسه بعنايه .
الآن غزاه الأسفلت من الجهات الأربع .
...
طلال
|
Post: #40
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: إيمان أحمد
Date: 11-07-2004, 05:48 PM
Parent: #39
طفولة
حينما يعودُ الأسفلتُ أخضراً سأعود
زرعتأن يكون أقصي السموم
هو ثاني أكسيد الكربون، وليس غاز النشادر
وقتها فقط
يصبح الرجوع ممكناً
لك تحياتي يا طلال
...
إشراقة
معز
عالية
ومزن
وأبو ساندرا ممثل الرقابة
وكل الزوار الكرام
لكم الود ولي أن أعود
إيمان
|
Post: #27
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: طلال عفيفي
Date: 11-06-2004, 03:50 PM
Parent: #18
أستاذه عاليه..
من أجمل التجارب ومن ألطفها في عمري الاخير,
مسألة دخولي البورد والاشتراك فيه .. وجدت
نفسي بين ناس لا أعرفم ولم أرهم من قبل ..
نمت بيني وبينهم معزات عميقه وموده واصبح
لكل منهم كيانه المكتمل في قلبي ..
الأمر ليس غريبا (أو قد يكون كذلك).
كل يوم على الافطار تقول لي أمي:
sudanesenline دي حاجه رهيبه .
فادعم كلامها بروحي واصمت ..
لقد صرتم أصحابي وأحبائي وذوادة دربي ..
واتمنى بكل دماي أن ألتقيكم كلكم وأسمع
صوتك وألتقط برق عيونكم ..
العزيز عبد الله بابكر ..
ما اجمل الكبار حين يحتفون ..
أشعر بالبخت فعلا ..
محمد عبد الرحمن ..
ها أنت , مجدداُ ...
تواصل ما بدأته معي من جمال وطيابة روح.
أنا أيضا أتحسر على ضيق أفقي الالكتروني ,
فللأسف انني والى يومن هذا لا أعرف ما هو
الماسنجر ..
قرمبوز شرح لي الأمر مره لكن أخوك تور الله
في برسيمه ..
أقول ليك كلام:
أنا مثلا كنت بقرأ (ياسر عرمان في البالتوك) ,
أقوم أفهم شنو ؟
أفهم انو ياسر عرمان سيرته على البال أو البال
بيتكلم عنو .
ثم عرفت بالصدفه ان الموضوع لا علاقة له بالعواطف !
لي صديق لا يحب المرحوم أنور السادات .
كان معلق ورقه مكتوب عليها :
العلم نور .. والجهل "أنور" !
سأحاول تدارك الموقف يا محمد ..
أستاذ نصار ..
أتمنى معك من كل قلبي أن تزول الكراهيه من هذه الدنيا,
وأن يحل محلها أي شيء آخر (حب مثلا) ..
الكتابه مسلك في هذا الاتجاه , وهذا البورد مليان بكم من
المحبه والصداقات والأواصر التي أستشعرها بشكل جزيل ..
وجودي مع د.معز في مكان واحد يسعدني للغاية ..
ولا أعرف ماذا أقول له حول هذه العمله الجميله التي عملها
فيني بهذا البوست ..
له ولك كل التقدير ..
اشراقه ..
أرأيت الورطه الأنا فيا دي .
هكذا لا بي ولا علي اجدني وسط كل الناس الحلوه دي ..
أسعد الله أيامكم ..
أتقولين أن منير حداكم ؟
الولد النوبي الفنان ؟
كم شاخ به العمر وتمادت في قلبه الطفوله ..
53 سنه ولسه بيغني وعيونو بتلمع كأنو مراهق عاشق .
اشراقه ..
أخبار نوفمبر ايه ؟
...
طلال
________________________________
* رسم وتلوين :Kuzma Petrov-Vodkin.
ألوان زيتيه على قماش .
تم توقيع العمل في1934
اللوحه من مقتنيات التحف الروسي
في مدينة القديس بطرس .
|
Post: #28
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: طلال عفيفي
Date: 11-06-2004, 03:50 PM
Parent: #18
|
Post: #32
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-06-2004, 04:08 PM
Parent: #18
Quote: طلال:
ألتقيتك في تلك الأيام ..وأهديت طفولتي ديوانا من
دواوينك وكتبت لي على صفحته الاولى اهداء ..
كم أسعدتني يومها يا دكتور .
وكم أسعدتني الآن .. |
أتدري يا طلال ماذا أهديتني أنت وبعض من بعض بعضك وأنا على سواحل القطب الشمالي وأرخبيله الجميل؟
أهديتني:
مداخل للخروج.. نجمة للبحر أنت ومطر بزاوية الكلام
أهديتني جدران الملاذ والرؤى و المستحيل
أهديتني ظلال الرسم بالإيقاع.. وعد و ضياء
وأهديتني رحيل..
أتدري كم انتظرتها وكم كان حلمي وقتها؟
انتظرتها وطن يسكن برق اللهفة بزاوية المطار
حلمي كان قليلاً من فرح المدائن بالعبور
أتدري ما كان همي؟
كان همي أن تجيء بالشعور..
أوتدري ماذا كان ختام عشقي؟
كان اعتذار..
عفوا سأقضى رفقة العمر الجديد بدون وعدك
دون ان ترنو اليك عصاة موسى
و الربا و النجم و الحلم الجميل
عفوا ..
فما ادراك انى قد اعود و ربما
تلك الغصون ستنحنى
و الجدول المخبول يغفو
و السيوف الحمر تخرج من جديد للسماء ..
لا لن اعود فما عساك
تكفر الذنب المرابض فى النوافذ و الهواء
حتما سأحرق شارتى قرب المطار
فتطفئ الريح القصائد و البكاء
لم تهربين و قبلها
قد عشت كنزا فى دمائى
كنت فى قلبى رجاء ..
لابد انى قد عصيت الفهم يوما فاعذرينى
ان فى صمتى شقاء
لون المرايا قد سرى بصحيفتى
و هفا المدار عليك و احترق المساء
عفوا قصيدتى التى لم تكتمل يوما
ولم تجد احتفاء ..
عذرا حبيبتى التى لم تحتمل لون النقاء
سحب الغمام على عيونك سوف ترحل تختفى
وسنحتفى
بالصيف و المطر الخريف و بالربيع و بالشتاء
انا لا اود سوى خروجك من ستائر لوعتى
فالزهد لوّن صفحتى
و الحزن قد عبر الفضاء
ان الكرامة فى المواقف عزّتى
و الصدق اسمىَ من عيونك و البهاء
و المجد يرسم فى الموانئ وثبتى
شمسا ً وبحرا ً من ضياء
فرحلت عنك وها انا
بصلابة الايمان انهض والاباء
حتما سيشتعل الطريق و عندها
لن يبقى غيرك من سيحلم باللقاء.
|
Post: #23
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-06-2004, 03:33 PM
Parent: #16
كلمتين بس هنا يا «نصار» ياغالي عاوز أقولهم:
وحملت نجمتك الأنيقة في فؤادي..
ومشيت نحوك
فانتهيت إلي بلادي..
|
Post: #26
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: حبيب نورة
Date: 11-06-2004, 03:46 PM
Parent: #23
حال السرور يا دكتور
|
Post: #30
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Ishraga Mustafa
Date: 11-06-2004, 03:55 PM
Parent: #26
طلال
فى نوفمبر
آخخخخخخخخخخ
بحاول اهزم فينى حاجات قديمة فى بدايته
فى نهايته ساعود الى محارة صمتى راضية مرضيا
طبعا بالقسمو لى قلبى
|
Post: #31
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: طلال عفيفي
Date: 11-06-2004, 04:07 PM
Parent: #30
اشراقه..
تحياتي لأيوب ..
في السنين المصريه وين كانت أيامي تنام وتصحو
على الساحل السكندري,كان صديقنا وشيخ المحبين
"محمد صالح" يقرأ علينا بصوره شبه دوريه النص
الذي عبر دروب الاسكندريه في قدمين من حرير :
وانجا ..
كان الكلام جميلا ويشبه تطلعاتنا الطيبه للدنيا
والأنثى .
...
طلال
|
Post: #33
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-06-2004, 04:19 PM
Parent: #26
| Quote: حال السرور يا دكتور |
حبيب نورة،
حال السرور والعظمة
..
تعال قرب
ونادي معاك مراسي الشوق
وجيب نورة
وجيب شجن الخريف والليل
وجيب حرف الصباح قنديل
مشتاقين كتير والله
معز
|
Post: #35
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: أبو ساندرا
Date: 11-06-2004, 11:02 PM
Parent: #1
تخريمات ود بركات
أنا غايتو لمن شفت عنوان البوست قلت دي داخلية / غرفة بنات ، والزول الجميل الكاتب البوست خفت عليه أن يفاجأه الطمث الدوري ذات يوم لو إستمر بطريقتو دي ، لكن لما تذكرت إنو دكتور قلت الدكاترة فقط المسموح لهم بإدخال النساء وراء الستارة دون رقيب أو حسيب إلا الضمير وقسم أبي قراط ، وقلت هو مخير ، لكن الجماعة التانين الجابهم شنو ناس طلال ومحمد عبدالرحمن وهذا اراخر على زعمات المصريين لو عرفو الأنصار إنو بيدخل حتات زي دي كانو جاهدو فيه وأقامو فيه شيكان أخرى علا ربنا ستر
ومع إنو انا صائم لكن نفسي الأمارة بالسؤ أغرتني انا كمان أتاوق في الغرف الداخلية المحرمة عسى أن أرى ما يسرني ويجرح صيامي أو ما يصدمني ويزيد عطشي؟!
في أيام الشباب كان الوالد رحمه الله ، وهو رجل صاحب تعليق ذكي ومشاكس ، كان كل ما يمر على الديوان يجدني خالط ومرات كميات ، عدد من الحسان ، كان يكتفي بالإبتسام والسلام ، لغاية ما يوم زنقه التعليق الجميل وكان بصحبتي 5 منهن ، فإذا به يناديني ، الحويج ، والحويج ، الله يرحمه ، كان أعز صديق للوالد وكان يحب العرقي أكثر من عيونو ويحب النساء أكثر من العرقي ، قال لي الوالد : الحويج والله بطريقتك دي يوم حا تحيض !
|
Post: #36
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-07-2004, 08:54 AM
Parent: #35
أبو ساندرا..
كدي قول يا لطيف
|
Post: #37
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: أبو ساندرا
Date: 11-07-2004, 09:31 AM
Parent: #1
ألطف بعبادك الصائمين والآبقين
|
Post: #38
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: ناجى الزبير الملك
Date: 11-07-2004, 02:40 PM
Parent: #37
انا
دخلتا
......
هنا
.....
ومرررررررقتا
|
Post: #43
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-08-2004, 12:03 PM
Parent: #38
حبيبنا الغالي ناجي،
أنا برضو جيت ومرقت لأني بعد عشرة دقائق طالع المطار
حا اتصل بيك من لندن
كل سنة وانت طيب
تابع «عكس الريح» بكرة
|
Post: #41
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: بدرالدين شنا
Date: 11-07-2004, 08:47 PM
Parent: #1
حبيب قلبي د.معز وصاحبي طلال عفيفي
سلامي وإحترامي
Quote: المتواجدون الان بالمنبر الحر 135 شخص » (6 )عضو و (129) زائرا
».
»soma
»Tumadir
»Yahya Fadlalla
»بدرالدين شنا
»خالد عمار
هذه الصفحة يعاد تحديثها كل 120 ثانية.
المنبر الحر | أرشيف المنبر الحر 2003 | أرشيف المنبر الحر للنصف الاول لعام 2004 | مكتبة الراحل على المك | مواضيع توثيقية و متميزة
اراء حرة و مقالات سودانية | مواقع سودانية | اغاني سودانية | مكتبة الراحل مصطفى سيد احمد | دليل الخريجيين السودانيين | الاخبار اليومية عن السودان بالعربى|
جرائد سودانية |اجتماعيات سودانية |دليل الاصدقاء السودانى |
مع تحيات بيان للمعلوماتية |
كر علي يا أخواني شوفوا الزول نمرة واحد الفوق لي سوما دا كمل من لحم الدنيا الله يقطع السكري وأيامه بالله الراجل كان في أمان الله بقى نقطة بس
أول مرة أشوق لي نقطة في اول السطر
|
Post: #44
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-08-2004, 12:06 PM
Parent: #41
بدر الدين..
حبيب قلبي انت والله
كل سنة وانت طيب
وراجع ليك بعد العيد بالكتير
|
Post: #42
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: بلدى يا حبوب
Date: 11-08-2004, 08:40 AM
Parent: #1
دكتور معز
بس الشىء المحيرنى اكيد مابين الاقواس سيكون هنالك الكثيرات
الظاهر امك داعيه ليك
وبرضو رمضان كريم
تحياتى
|
Post: #45
Title: Re: شوفوا السعادة الأنا فيها دي يا «إشراقة» و«عالية» و«مزن» و«إيمان»..
Author: Dr. Moiz Bakhiet
Date: 11-08-2004, 12:13 PM
Parent: #42
والله صدقت يا بلدي يا حبوب
وبرضو رمضان كريم
وكل سنة وانت طيب..
عارف..
والله مشتاقين
|
|