رسالة من «ندى القلعة» لـ «سجيمان»..!!

Post: #1
Title: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-28-2004, 06:50 AM
Parent: #0

سجيمان صحبي الغالي..

وصتني ليك ندى القلعة..
وبي «عضمة لسانها» قالت لي أقول ليك:

Quote: لكن عاد يا ولدي كان أنا مكسرة فيك وبشاغلك من ورا الشاشة في التلفزيون،
أها لو لقيتك في حفلة حية تعمل شنو؟؟!

والله العظيم دا الكلام القالتو
وما على الرسول إلا البلاغ..

وانا يا خوي لقيت ليك ندى دي آخر تفتيحة وبتمشط البورد دا كلو طالع نازل
وحريفة في النت كمان..

ودخّلتني في أضافريني في مداخلتي مع الحبيب «لقمان همام»
وفي جنس كلامي المعاك داك

أها يا يا سي جي..
أنا من الليلة ندى دي صحبتي وما برضى فيها

رايك شنو يا كبسيبة؟

..

Post: #2
Title: Re: رسالة من «ندى القلعة» لـ «سجيمان»..!!
Author: ود الشيخ
Date: 11-28-2004, 06:55 AM
Parent: #1

دكتورنا الحبيب
يعني لمن قالت ليك عينك كانت في عينا
اها انا مقهي في صورتك

Post: #4
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-28-2004, 07:01 AM
Parent: #2

Quote: دكتورنا الحبيب
يعني لمن قالت ليك عينك كانت في عينا
اها انا مقهي في صورتك

بالتلفون يا ود الشيخ بالتلفون
والمناسبة انها جايانا في البحرين

خليك جاهز
لف العمة من هسة

Post: #3
Title: Re: رسالة من «ندى القلعة» لـ «سجيمان»..!!
Author: abas
Date: 11-28-2004, 06:56 AM
Parent: #1

دكتورنا

قول ليها انا زاتي

Post: #5
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-28-2004, 07:03 AM
Parent: #3

Quote: دكتورنا

قول ليها انا زاتي

يا ندى..
أنا زاتي

Post: #6
Title: Re: رسالة من «ندى القلعة» لـ «سجيمان»..!!
Author: abas
Date: 11-28-2004, 07:15 AM
Parent: #1

هي ما تتصلبت ساي

انا ده انا شنو انتي زاتك دي

Post: #12
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-28-2004, 08:51 AM
Parent: #6

عباس..
انت قلت قول أنا وقولت أنا
قول لي قول انت وحا أقول انت
أها انت والاّ أنا؟

مين اللي جاب التورتة؟؟!!

Post: #7
Title: Re: رسالة من «ندى القلعة» لـ «سجيمان»..!!
Author: willeim andrea
Date: 11-28-2004, 07:26 AM
Parent: #1

دكتورنا الرائع معز كل سنه وانته وكل احبابك طيبين والقابله علي امانيك...... غايتو الدكتور اللذيذ الظريف .... انا لاحظته فيهو حاجه خطيره ..... الزوله ده عينه حاره عديل .... اها مسكتنا سوركتي سوركتي .... اها العيد غابت وخلت اخونا سعد براها وبقت برامجه زي حكاية ال......... بدون ملح زي ................. بدون شنب..... مسكنا النيل الازرق النيل الازرق اها قالو عايزين يشفروها ....... غايتو انا شخصيا حا ارسل ليهو فاتورة الاشتراك بتاعي ما هو دكتور وكمان مغترب ............ اها ومن ما قام يجيب في سيرة الرائعه بت القلعه.... وانا خاتي يدي في قلبي ما تحصل ليها حاجه في جضومه او اي حته فيه ............. مع حبي وتقديري واحترامي للجميع

Post: #17
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-28-2004, 12:30 PM
Parent: #7

إزيك يا يا وليم أندريا يا عسل..
شرفتنا والله

ندى عندها غنية بتقول فيها:
محروس بي برا وياسين

ياسين دي عرفناها لكن برا دي تكون شنو؟
تبارك يا الله؟

باختصار يعني هي محصنة

والمثل بقول عين البتريدك بتزيدك

وسجيمان دا بريدها بالحيل

يعني عينو باردة عليها

Post: #8
Title: Re: رسالة من «ندى القلعة» لـ «سجيمان»..!!
Author: سجيمان
Date: 11-28-2004, 07:29 AM
Parent: #1

بروف معز

انت عارف ندى دي امبارح عادو ليها حلقة في النيل الازرق وانا قاعد اتفرج.... وقلت يا اخوانا يمكن بنت الناس المسيكينة دي ما قاصداني بي غناها دا ولا حاجة..واكون بهتها ساكت.... لكن قدر ما غنت غنية افصلها القاها مقاسي.. شفت النصيبة دي؟.... لمن خجلت ودخلت في مضافريني..ومع التكسر كمان جابت لها غمض عيون...تغني وتغمض.... تكون خلي بالك بتتخيل في الصورة بتاعتي الفي الاضواء.... كلو منك...كلو منك..... قدر ما قلت لك يا معز الصورة ما تنزلها.. الصورة بتجيب لي مشاكل.... الصورة دي بتخلي ناس كتاااار يتكسرو...... ما سمعت نضمي وركبت راسك..... اها خُمو وصُورو انت وندى الاتنين...هي اتكسرت فيني وانت بقى عندك عقدة ذنب......

Post: #33
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-29-2004, 10:13 AM
Parent: #8

Quote: اها خُمو وصُورو انت وندى الاتنين...هي اتكسرت فيني وانت بقى عندك عقدة ذنب......

الظاهر كلامك صاح..
أنا لي يومين ما قادر أنو يا سجيمان
وجسمي مكسسسسسسسسسسسسسسسسسسر..

Post: #9
Title: Re: رسالة من «ندى القلعة» لـ «سجيمان»..!!
Author: abas
Date: 11-28-2004, 07:35 AM
Parent: #1

سجيمان حوله لي

حوله لي

Post: #10
Title: Re: رسالة من «ندى القلعة» لـ «سجيمان»..!!
Author: ترهاقا
Date: 11-28-2004, 08:13 AM
Parent: #9

يابروف سيجيمان شكله داير يكب الجرسة داير يقول إنو ندى القلعة ما
كانت بتقصده ،

لكن ورينا بتجيكم متين ، وتعرف يا دكتور ما كنت فاكرك فى البحرين
لانو قبل شهر جيت اخدت لى زى اسبوع كدة ، والله كان جيتك ،

Post: #21
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-28-2004, 02:39 PM
Parent: #10

ترهاقا:
Quote: يابروف سيجيمان شكله داير يكب الجرسة داير يقول إنو ندى القلعة ما
كانت بتقصده
أهو يا ترهاقا زولك رد عليك بالصورة كمان..

Quote: لكن ورينا بتجيكم متين ، وتعرف يا دكتور ما كنت فاكرك فى البحرين
لانو قبل شهر جيت اخدت لى زى اسبوع كدة ، والله كان جيتك

حا ندق الإعلان في البورد هنا بميعاد وصولها عشان تجونا
ويا ريت ياخي كنت شرفتنا في جيتك للبحرين
ونحن دايماً ح نكون في انتظارك
بس قول عوك

Post: #19
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-28-2004, 01:01 PM
Parent: #9

Quote: سجيمان حوله لي

حوله لي

يا سي جي..
ألحق عباس...
مكتول في حوش القلعة..

Post: #11
Title: Re: رسالة من «ندى القلعة» لـ «سجيمان»..!!
Author: محمد الامين احمد
Date: 11-28-2004, 08:22 AM
Parent: #1

تحية طيبة للجميع
Quote:
أنا من الليلة ندى دي صحبتي وما برضى فيها

الانيق د. معز ، سلامات

لكن يا د.سجيمان ، ما بتتغلب

شطرنج معاك كيف ؟

اخونا فى الله عباس

انا بديت اشك انو الجماعة النزولو عرضوا ديلك انت و اخونا حمزاوى

التحية موصولة ايضا الى الفنانة المتألقة دوما ندى القلعة

و شكرا

Post: #13
Title: Re: رسالة من «ندى القلعة» لـ «سجيمان»..!!
Author: معتز تروتسكى
Date: 11-28-2004, 09:45 AM
Parent: #11

دكتور معز ازيك يادكتورنا000
تصدق وانا بفتح بوستك كنت بسمع لتك البنيه قلت اغير شويه من (ابوعركى وود الامين وعبدالرحمن عبدالله) وزهجه الكتب 00
وبقرا فى بوستك وجدت ان هذه الاغنيه توافق حالة دكتورنا سيجمان بالضبط
فهمونى غلط

لامونى الناس فهمونى غلط00
انا ما رافضاك شان شخصك قط00
************************
(فى كلمه هنا)ابوك وابوى00
يوم غصبو على ما ضاقو عفوى00
مابقدر اعاملك على انك00
اكتر من زول بعتبرو اخوى00
**********************
لامونى الناس فهمونى غلط00
انا ما رافضاك شان شخصك قط00
************************
الخوه البنيا ما عرفوها00
والعشره الناس ماراعوها00
فهمومها غلط واعتبروها00
ريده عشاق جنو ظلموها00
*********************
لامونى الناس فهمونى غلط00
انا ما رافضاك شان شخصك قط00
************************
لو لى ماكان انا فى قلبك00
ماتخلى الناس قولهم يغلبك00
ما وعدك يوم شان اغدربك00
رايداك لى الله خوه بحبك00
**********************
لامونى الناس فهمونى غلط00
انا ما رافضاك شان شخصك قط00
************************

*محمد الامين احمد
انتى يامسوخ الجابك هنا شنو 00ده كلام دكاتره والبنيه قالت دايره ليها زول دكتور اها يحبه انت تخصصك شنو؟ او تقول لى نساء وولاده و (هكر)لووووووووووول000

Post: #15
Title: Re: رسالة من «ندى القلعة» لـ «سجيمان»..!!
Author: سجيمان
Date: 11-28-2004, 09:56 AM
Parent: #13

صورة ندى القلعة..وهي تتكسر فيني..... لكن اصلو ما بهببو ليها........

سمعت تحت تحت انها عندها غنية لي..... جديدة....مش ان غنت ان شنو وشنو داك.... برضو ما بهببو ليها

زمان قابلتها في سعد قشرة.....وهي تعاين لي وتضحك.... لكن والله اضطهدتها جنس اضطهاد وتغيت عليها....ولا عاينت ليها ساكت... اها قالو الغنية في شان كدا......

البرتكان..... ابو قشرة

القابلني في سعد قشرة

طنشني.... ووووووووب علي

البرتكان ابو قشرة دا انا خلي بالكم.......

....وتاني قالو عندها غينة لي برضو.....شفتو المرا دي ؟ما شافت لها شغلة غيري.... يا اخوانا الزول اصلو ما يبقى سمح في البلد دي ولاّ شنو؟....

البتيخ .....القايم يا دوب

ارحمني انا قلت الروب

.....برضو البتيخ دا انا.......لكن مش ان قالت الروب...ان قالت اي حاجة....ها.....والله اياهو

برضو غنية تانية..............

الجرجير الفي سوق الخدار مفروش

خاتينو فوق الشوالات وبالموية مرشوش

انا حبي ليك ليه يطلع فشوش؟

.....مش ان قلتي جرجير؟.....ان قلتي عُشَر ...ظاطو

Post: #36
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-29-2004, 11:48 AM
Parent: #15

Quote: صورة ندى القلعة..وهي تتكسر فيني..... لكن اصلو ما بهببو ليها........

كدي بيني وبينك ما عندك ليها رسالة؟
لأنو أنا حا اتصل بيها الليلة..

Post: #35
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-29-2004, 10:18 AM
Parent: #13

الحبيب معتز،
Quote: لامونى الناس فهمونى غلط
انا ما رافضاك شان شخصك قط

الكلام ليك..
يا المنطط عينيك..

مش انت يا معتز..

Post: #37
Title: Re: رسالة من «ندى القلعة» لـ «سجيمان»..!!
Author: معتز تروتسكى
Date: 11-29-2004, 11:59 AM
Parent: #35

دكتورنا ازيك ياحبيب00
انت عارف القصيده كلها حقو يشيلها مرثيه زولنا المنطط عينهو 00
عاد شكيتها على الله كان تدى ود الناس (بمبه)00

يادكتور 00هى قالت دايره الناس الصغار (الدور ده انا المنطط عينى) لووووول

لامونى الناس فهمونى غلط00
انا ما رافضاك شان شخصك قط00
************************
(فى كلمه هنا)ابوك وابوى00
يوم غصبو على ما ضاقو عفوى00
مابقدر اعاملك على انك00
اكتر من زول بعتبرو اخوى00
**********************
لامونى الناس فهمونى غلط00
انا ما رافضاك شان شخصك قط00
************************
الخوه البنيا ما عرفوها00
والعشره الناس ماراعوها00
فهمومها غلط واعتبروها00
ريده عشاق جنو ظلموها00
*********************
لامونى الناس فهمونى غلط00
انا ما رافضاك شان شخصك قط00
************************
لو لى ماكان انا فى قلبك00
ماتخلى الناس قولهم يغلبك00
ما وعدك يوم شان اغدربك00
رايداك لى الله خوه بحبك00
**********************
لامونى الناس فهمونى غلط00
انا ما رافضاك شان شخصك قط00
************************

Post: #32
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-29-2004, 10:09 AM
Parent: #11

Quote: التحية موصولة ايضا الى الفنانة المتألقة دوما ندى القلعة

حبيبنا محمد الأمين،

انت الكلام دا قدرو؟

Post: #14
Title: Re: رسالة من «ندى القلعة» لـ «سجيمان»..!!
Author: ود الشيخ
Date: 11-28-2004, 09:51 AM
Parent: #1

يا معتز تورتسكي اخوي مابرضو غنت

يسيبو هواك ده كلام شنو
اقول الريد أنا لي منو

Post: #38
Title: Re: رسالة من «ندى القلعة» لـ «سجيمان»..!!
Author: معتز تروتسكى
Date: 11-29-2004, 12:02 PM
Parent: #14

ود الشيخ عزيزنا00
انت برضو فى الفورمه00
بس شكلك برلوم فى الصف الطويل ده ربك يحصلك لينا ويحصلك المنطط عينهو00

Post: #39
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-29-2004, 12:06 PM
Parent: #14

ود الشيخ:
Quote:
ندى القلعة:
يسيبو هواك ده كلام شنو
اقول الريد أنا لي منو

لي سجيمان يا ود الشيخ

كان يهببو ليها

Post: #16
Title: Re: رسالة من «ندى القلعة» لـ «سجيمان»..!!
Author: محمد الامين احمد
Date: 11-28-2004, 12:09 PM
Parent: #1

تحية طيبة للجميع

يا معتز معقولة بس، انت شوف الكاتب البوست منو ، و شوف الكاتبين فيهو منو ، و الموضوع شنو ، معقوله بس ما اجى

انت الجابك شنو، ده ما بوست صرخات ، و انا زاتى زهجت من معافرة الكورة بهناك

خلينا نروق شوية

د.سجيمان ، انت من ناس (البرتقالة) برضو

و عذرا د.معز و ضيوفه ان خرجنا بالبوست خارج موضوعه، لكن ده كلو من معتز

Post: #61
Title: Re: رسالة من «ندى القلعة» لـ «سجيمان»..!!
Author: سجيمان
Date: 11-30-2004, 07:10 AM
Parent: #16

د.محمد الامين محمد
Quote: انت من ناس (البرتقالة) برضو

يا زول برتقالة شنو؟؟؟؟ انت قايلني حنكوش؟....البرتكان زاتو اكل نسوان.......انا زول دوم سااااااااكت.....هيع

Post: #18
Title: Re: رسالة من «ندى القلعة» لـ «سجيمان»..!!
Author: عبدالماجد فرح يوسف
Date: 11-28-2004, 12:38 PM
Parent: #1

يادكتور معز
أدخل لينا واسطة كده لو ندى تغني لينا في عرسنا
يكون ليك البشارة يامعز

Post: #20
Title: Re: رسالة من «ندى القلعة» لـ «سجيمان»..!!
Author: ناجى الزبير الملك
Date: 11-28-2004, 01:15 PM
Parent: #18

......
وجــــــــع .....

......

شاغلنى ورجع .....

دخلت اسلم بس

Post: #44
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-29-2004, 05:27 PM
Parent: #20

Quote: ناجي الملك:
......
وجــــــــع .....

......

شاغلنى ورجع .....

ملك يا ملك يا ناجي الملك..

Post: #40
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-29-2004, 01:39 PM
Parent: #18

عبدالماجد فرح يوسف
Quote: يادكتور معز
أدخل لينا واسطة كده لو ندى تغني لينا في عرسنا
يكون ليك البشارة يامعز

ليك علي يا عبد الماجد.. «ندى القلعة» و«هيفاء وهبي» كمان
بس انت كيف تعرس..

Post: #22
Title: Re: رسالة من «ندى القلعة» لـ «سجيمان»..!!
Author: Raja
Date: 11-28-2004, 02:54 PM
Parent: #1

وااااااااو..

يا معز انا طبعا عاجباني ندى القلعة لدرجة .. وبالفعل عندها جاذبية في روحها مش شكلها يا سيجيمان .. دخلتا اشوف وصيتها شنو.. كنتا فاكراها حتقول ليهو: اليومين دي عندكم ضيوف كتااار في المنبر.. اوعك تنزل ليك بوست ما لا بس هدومو ..

ودي ليك ولسيجيمان ولندى..

Post: #42
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-29-2004, 01:54 PM
Parent: #22

Quote: رجاء:
وااااااااو..

يا معز انا طبعا عاجباني ندى القلعة لدرجة

قف تأمل..

يا شباب هوي
ما اظنكم بتنافسو مع رجاء
لووووووووووووووووووول

Post: #23
Title: Re: رسالة من «ندى القلعة» لـ «سجيمان»..!!
Author: abas
Date: 11-28-2004, 08:18 PM
Parent: #1

دكتور معز

اللحقونيييييييييييييييييييييييييي

كلم لي سجيمان صاحبي ده عامل لي فيها تقيل

محمد الامين

الغنيه العرضو فيها ما اغنية ندي

لكن بكره بنوريكم غالبنكم 3/0

رجاء بس برضو مكسرة

الله يشفيك

Post: #45
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-29-2004, 05:35 PM
Parent: #23

Quote: دكتور معز

اللحقونيييييييييييييييييييييييييي

كلم لي سجيمان صاحبي ده عامل لي فيها تقيل

محمد الامين

الغنيه العرضو فيها ما اغنية ندي

لكن بكره بنوريكم غالبنكم 3/0

رجاء بس برضو مكسرة

الله يشفيك

سي جي
عباس دا بي جَدّو..
ما تحل لينا الإشكالية دي يا خوي

Post: #24
Title: Re: رسالة من «ندى القلعة» لـ «سجيمان»..!!
Author: حمزاوي
Date: 11-28-2004, 09:45 PM
Parent: #1

أخوي د. معز
صباحك نور
ندي القلعة

سجمي
أنا مكسر فيها هته هته
مش كدا يا عباس اخوي

عبااااااااااااااااااس يا عبس

Post: #46
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-29-2004, 05:42 PM
Parent: #24

حمزاوي:
Quote: أخوي د. معز
صباحك نور ندي القلعة

لكن ما صبّحت علي يا حمزاوي..

Post: #25
Title: Re: رسالة من «ندى القلعة» لـ «سجيمان»..!!
Author: abas
Date: 11-28-2004, 09:50 PM
Parent: #1

جد يا حمزاوي

انا مكسر في ندي

شيخنا سجيمان يلحقنا وينجدنا

Post: #26
Title: Re: رسالة من «ندى القلعة» لـ «سجيمان»..!!
Author: samwal ebrahiem
Date: 11-28-2004, 10:08 PM
Parent: #1

بروف معز الغالي

لك التحية والتقدير
والحب الكثير ايها الرائع

رسالتك كانت رائعة بالنسبة
لي سجيمان لكن شايف سجيمان
قال مهما ندوية تتكسر برضو
بيطنش
أقول ليك كلام يا دكتور سجيمان
لا انت ولا حمزاوي ولا عباس
انا الوحيد البستاهل حب ندى
لانو انا من الكلاكلة القلعة
وندوية دى بت حلتى اها رايك شنو عليك الله
السمؤل

Post: #47
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-29-2004, 05:48 PM
Parent: #26

السمؤل
Quote:
أقول ليك كلام يا دكتور سجيمان
لا انت ولا حمزاوي ولا عباس
انا الوحيد البستاهل حب ندى
لانو انا من الكلاكلة القلعة
وندوية دى بت حلتى اها رايك شنو عليك الله

يا سمؤل يا جميل..

ندى القلعة ليك بتميل..

Post: #48
Title: Re: رسالة من «ندى القلعة» لـ «سجيمان»..!!
Author: samwal ebrahiem
Date: 11-29-2004, 09:42 PM
Parent: #47

بروف معز
يا ذوق

Quote: يا سمؤل يا جميل..

ندى القلعة ليك بتميل..

بس انشاءالله بعد دى كلو دكتور سجيمان
وقريبى حمزاوى يقتنعو
الكلام ليك يا المنطط عينك

السمؤل

Post: #27
Title: Re: رسالة من «ندى القلعة» لـ «سجيمان»..!!
Author: حمزاوي
Date: 11-28-2004, 10:23 PM
Parent: #1

قلت شنو يا سموأل اخوي
لانو انا من الكلاكلة القلعة
انت لو من الكلاكلة القلعة
. . .
أنا القلعة زاتو
أها حتقول شنو بعد دا
. . .
دكتور معز اخوي
خصمتك بالله والرسول
والـ 99 قبة وفقرا الهلالية
وام مرحي والشيخ الطيب
ومسيد عيسى

Post: #29
Title: Re: رسالة من «ندى القلعة» لـ «سجيمان»..!!
Author: سجيمان
Date: 11-29-2004, 01:07 AM
Parent: #27

Quote: أنا القلعة زاتو

والله جنس كضب...... القلعة زاتا مرا ما راجل

Post: #30
Title: Re: رسالة من «ندى القلعة» لـ «سجيمان»..!!
Author: samwal ebrahiem
Date: 11-29-2004, 01:25 AM
Parent: #29

دكتور سجيمان
Quote: والله جنس كضب...... القلعة زاتا مرا ما راجل

انت ما عارف انو انا وقريبى
حمزاوي رطانة ( محس ) عشان
كده بـ نانث المذكر وبـ نذكر
المؤنث

أمشى على بوست كاظم الساهر وندى القلعة
عملت ليك مداخلة

السمؤل

Post: #28
Title: Re: رسالة من «ندى القلعة» لـ «سجيمان»..!!
Author: samwal ebrahiem
Date: 11-28-2004, 10:29 PM
Parent: #1

قريبى الجميل حمزاوي

Quote:
أنا القلعة زاتو
أها حتقول شنو بعد دا

حقول ليك نعمل مناسفة
حرة ونزيهة نشوف منو
فينا حـ ينتصر !!!!
رايك شنو يا غالى

السمؤل

تخريمة حمزاوية : ادخل بوست كاظم الساهر وندي القلعة
عملت ليك مداخلة

Post: #31
Title: Re: رسالة من «ندى القلعة» لـ «سجيمان»..!!
Author: willeim andrea
Date: 11-29-2004, 07:53 AM
Parent: #1

والله يا دكتور سي جي قطعته مصراني بالضحكه جد يومي كاني فيهو عواصف ورعود ومشاوير طويله لكن من ما قريت قصيتك دي نسيت كل حاجه وضحكته لما قلته بس .... غايتو انا ما عارف انته بتعملها كيف....... اها رايك شنو تعمل لينا واحده في المجروس المحلي ما بتاع الالمان داك
ودمته يارائع فاكهه للبورد

Quote: زمان قابلتها في سعد قشرة.....وهي تعاين لي وتضحك.... لكن والله اضطهدتها جنس اضطهاد وتغيت عليها....ولا عاينت ليها ساكت... اها قالو الغنية في شان كدا......

البرتكان..... ابو قشرة

القابلني في سعد قشرة

طنشني.... ووووووووب علي

البرتكان ابو قشرة دا انا خلي بالكم.......

....وتاني قالو عندها غينة لي برضو.....شفتو المرا دي ؟ما شافت لها شغلة غيري.... يا اخوانا الزول اصلو ما يبقى سمح في البلد دي ولاّ شنو؟....

البتيخ .....القايم يا دوب

ارحمني انا قلت الروب

.....برضو البتيخ دا انا.......لكن مش ان قالت الروب...ان قالت اي حاجة....ها.....والله اياهو

برضو غنية تانية..............

الجرجير الفي سوق الخدار مفروش

خاتينو فوق الشوالات وبالموية مرشوش

انا حبي ليك ليه يطلع فشوش؟

Post: #34
Title: Re: رسالة من «ندى القلعة» لـ «سجيمان»..!!
Author: محمد حامد جمعه
Date: 11-29-2004, 10:14 AM
Parent: #31

يا شباب بامانة البوست دا رائع وخفيف الظل والصورة (خطرة ) بختك يا سجيمان

Post: #41
Title: Re: رسالة من «ندى القلعة» لـ «سجيمان»..!!
Author: حبيب نورة
Date: 11-29-2004, 01:51 PM
Parent: #34

دكتور معز
عليك الله أديني أيميلا
باقي دايرة في صبحية
سيبك من سجيمان دة
هي والله مكسرة فيني وفي وليد وليدها
و انا كدة بقيت ثاني أثنين أذ هما في الحب

Post: #43
Title: Re: رسالة من «ندى القلعة» لـ «سجيمان»..!!
Author: سجيمان
Date: 11-29-2004, 02:01 PM
Parent: #34

محمد حماد جمعة
Quote: الصورة (خطرة ) بختك يا سجيمان

الصورة حقتي؟...انت برضووووووووو شفتها؟........الله يكضب الشينة

Post: #49
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-30-2004, 01:38 AM
Parent: #34

محمد حامد جمعه

Quote: يا شباب بامانة البوست دا رائع وخفيف الظل والصورة (خطرة ) بختك يا سجيمان

بوجودك والله يا أبوحميد

أما الصورة فزولك أخدها لي بت أم روحو..

Post: #50
Title: Re: رسالة من «ندى القلعة» لـ «سجيمان»..!!
Author: عامر الأمير
Date: 11-30-2004, 01:58 AM
Parent: #1

شكراً دكتور معز رسالة في غاية الأهمية

ولأنو سجيمان عمل حميل ... وأضان جلد

أنا حاأرسل رسالة لندى القلعة فيها قصيدة تم تلحينهامؤخراً

بتقول :

سجيمان دا يأأخواني

الشعـــيت وشــراني

دا الطنشتو سـكـاني

جاء في الحفلة ناداني

قلت ليه ماعايزاك

جنس شِبكة راجــياني

***

بقية القصيدة تم التحفظ عليها لحين آخر

عامر الأمير

Post: #56
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-30-2004, 03:43 AM
Parent: #50

الأخ السمح الجديد
والشاعر الصنديد
عامر الأمير،

إنها حقاً لمن عيون الشعر
لكن باقيلك شاعرنا سجيمان بسكتلك!

Quote: سجيمان دا يأأخواني

الشعـــيت وشــراني

دا الطنشتو سـكـاني

جاء في الحفلة ناداني

قلت ليه ماعايزاك

جنس شِبكة راجــياني

حررررررررررررم يا سجيمان كان ما رديت عليها..

Post: #51
Title: Re: رسالة من «ندى القلعة» لـ «سجيمان»..!!
Author: aboalkonfod
Date: 11-30-2004, 02:08 AM
Parent: #1

دكتورنا/ المعز ..

صح صح .. هي مكسرة .. لكن فيني ولا في سجومة ما عارف
شايفك جبت ليك ترخيص .. في النضم السويتو داك

غايتو ما عارف ... لكن رماز ميرغني .. مدشدشة فوق أخوك
الشين دة .. (أوعا تشيلك الغيرة).

ـــــــــــــ
أخوي/ سجيمان:
ـــــــــــــ
بالجد والله عايزك في موضوع كدي .. بريدك

كنفد ،،،

Post: #52
Title: Re: رسالة من «ندى القلعة» لـ «سجيمان»..!!
Author: سجيمان
Date: 11-30-2004, 02:22 AM
Parent: #51

ابو القنفد
Quote: بالجد والله عايزك في موضوع كدي .. بريدك

انا ظاااااتو ....بريدك

Post: #54
Title: Re: رسالة من «ندى القلعة» لـ «سجيمان»..!!
Author: سجيمان
Date: 11-30-2004, 02:30 AM
Parent: #52

ابو القنفد
Quote: بالجد والله عايزك في موضوع كدي .. بريدك

عشان ما تقول الزول دا بليد

[email protected]

Post: #67
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-30-2004, 12:37 PM
Parent: #54

سجيمان وابو القنفد،

انتو شغالين بريدك وما بريدك

لامن هكرو ندى القلعة..

وحردتو ليكم كمان

Post: #53
Title: Re: رسالة من «ندى القلعة» لـ «سجيمان»..!!
Author: محمد الواثق
Date: 11-30-2004, 02:30 AM
Parent: #1

قولو ذي ما تقولوا

لكن من زمن بدري وزمن لسه وزمن شخته

انا ما شفت لي فنانة في السودان سمع وشوف

ودائماً بقول
الغناء حق البنات
والرقيص حق الشفع

Post: #58
Title: Re: رسالة من «ندى القلعة» لـ «سجيمان»..!!
Author: بحر سماحه
Date: 11-30-2004, 03:59 AM
Parent: #53

الســادة أعضاء نــادي معجبي نـدي القلعه
يسـرني أن أعلن اليكم احد أمنيات الأسـره الصغيره
لاجازة العـام القادم ان مد ربنا في الاجــال
أن يكون ضـيف حفل ختان أبننا أحـمد الفنانه نـدي القلعـه
رجـاء دكـتور مـعز ايصـال الدعـوه والكل مدعـو
أنشاء الله

Post: #72
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-30-2004, 02:18 PM
Parent: #58

بحر سماحة
Quote: الســادة أعضاء نــادي معجبي نـدي القلعه
يسـرني أن أعلن اليكم احد أمنيات الأسـره الصغيره
لاجازة العـام القادم ان مد ربنا في الاجــال
أن يكون ضـيف حفل ختان أبننا أحـمد الفنانه نـدي القلعـه
رجـاء دكـتور مـعز ايصـال الدعـوه والكل مدعـو
أنشاء الله

حاضر وحا نخليها تفتتح الحفلة بي:

انت بحر سماحة
يجو العشاق يزورو
الليلة وين
يا بالعصر مرورو

Post: #69
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-30-2004, 01:23 PM
Parent: #53

Quote: قولو ذي ما تقولوا

لكن من زمن بدري وزمن لسه وزمن شخته

انا ما شفت لي فنانة في السودان سمع وشوف

ودائماً بقول
الغناء حق البنات
والرقيص حق الشفع

حبيبنا محمد الواثق..

أها انت مكسر يعني ولا ما مكسر...!!
عشان اللستة بس..

Post: #70
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-30-2004, 01:39 PM
Parent: #53

Quote: قولو ذي ما تقولوا

لكن من زمن بدري وزمن لسه وزمن شخته

انا ما شفت لي فنانة في السودان سمع وشوف

ودائماً بقول
الغناء حق البنات
والرقيص حق الشفع

حبيبنا محمد الواثق..

أها انت مكسر يعني ولا ما مكسر...!!
عشان اللستة بس..

Post: #55
Title: Re: رسالة من «ندى القلعة» لـ «سجيمان»..!!
Author: كبسيبة
Date: 11-30-2004, 03:06 AM
Parent: #1

د. معز

لي مشاركة ما لاقيها في البوست ده
يا سجمان بطل التهكير بتاعك ده
عارف الغيرة كاتلاك...
خسوساً بعد الجواب الجاني من ندى
وبالمناسبة
أسال ندى عن غنية البرتقان الجابو سجمان

Post: #73
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-30-2004, 02:27 PM
Parent: #55

كبيسبة:
Quote: د. معز

لي مشاركة ما لاقيها في البوست ده
يا سجمان بطل التهكير بتاعك ده
عارف الغيرة كاتلاك...

أها يا كبسيبة البوست كلو هكروه..

خليها مشاركتك الما كانت هنا دي..

والله ندى سحلبت بيكم..

Post: #57
Title: Re: رسالة من «ندى القلعة» لـ «سجيمان»..!!
Author: aboalkonfod
Date: 11-30-2004, 03:55 AM
Parent: #1

الجنا المطوفِش

(ابو القنفد

Quote: بالجد والله عايزك في موضوع كدي .. بريدك

عشان ما تقول الزول دا بليد)

ـــ
يا الله ... بريدك بالقلب .. مو باليد (بليد)

Post: #59
Title: Re: رسالة من «ندى القلعة» لـ «سجيمان»..!!
Author: abuguta
Date: 11-30-2004, 05:38 AM
Parent: #57

د.معز
تحياتى
انا عندى كلامات لندى القلعة خليها تغنيها
مع غميض العيون

الاغنية : علينا حنى
الفنانة: ندى القلعة
الكلمات..م.احمد ايقوتة
اللحن...د. معز
االديكور..د. سجيمان
تصوير الفيدو كليب : تمبس

الناس تكسرت ..ياندى القلعة
وندمت واتحسرت...ياندى القلعة
انتى لما تغنى ... ياندى القلعة
على سجيمان حنى...ياندى القلعة
عيونك لما تكون مغمضة....ياندى
قلوبنا تبقى مجمدة...ياندى
يازنية الشباب..ياندى
مسختى البنات...ياندى
عليك الله غنى..... ياندى
وعلى ناس البورد حنى...ياندى

Post: #75
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-30-2004, 03:23 PM
Parent: #59

أبوقوته:
Quote:
د.معز
تحياتى
انا عندى كلامات لندى القلعة خليها تغنيها
مع غميض العيون

الاغنية : علينا حنى
الفنانة: ندى القلعة
الكلمات..م.احمد ايقوتة
اللحن...د. معز
االديكور..د. سجيمان
تصوير الفيدو كليب : تمبس

الناس تكسرت ..ياندى القلعة
وندمت واتحسرت...ياندى القلعة
انتى لما تغنى ... ياندى القلعة
على سجيمان حنى...ياندى القلعة
عيونك لما تكون مغمضة....ياندى
قلوبنا تبقى مجمدة...ياندى
يازنية الشباب..ياندى
مسختى البنات...ياندى
عليك الله غنى..... ياندى
وعلى ناس البورد حنى...ياندى

الله أكبر يا أبو قوته
حررررررم شاعر

Post: #60
Title: Re: رسالة من «ندى القلعة» لـ «سجيمان»..!!
Author: samo
Date: 11-30-2004, 06:48 AM
Parent: #1

اولا ..كل السلام ليك يا د. معز

وتشكر على الهدية الزمااااااان ديك..

تعرف يا دكتور .. اكتشفت قبل اسبوع فقط ..انو ندى القلعة دى كانت بنت جيراننا حيييطة بالحيطة ..

كدى انحكى ليك القصة ..
زمان كنت ساكن في الكلاكلة القلعة شمال ..في اول الكلاكلة في شارع النص .. وكان جيرانا طوالى مرة اسمها نعيمة ولا شنو كدة ماعارف ..انا بزكر انو عندها ولدها اسمو يوسف كان دفعتى في المدرسة ..المرة دى كانت من النوع المكافح وربت اولادها بي عرقها .. وكانت ندى القلعه دى ..قاعدة معاهم في البيت لى كم سنة كدة.. المعلومة دى انا مامتزكرها لانى كنت صغيروونى ..بس قبل اسبوع كنا متلمين شلة من اولاد الكلاكلة القلعة وفي الونسة قالو لى ..هوى العوير دة ..الزولة دى ماكنت جراتكم حيته بالهيتة ..قلت ليهو وانا مندهش ..كيف ومتين ..قامو شرحو ليى ..والو تعرف خالتك فلانة قلت ايوة ولدها دفعتى قالو لى بس هى كانت معاهم في البيت ..

اها ..كدة يا بروف بقيت عندى عليها حقوق ... ويمكن واجبات كمان ..
لذلك ان اسمح بعد اليوم باي كلام عن بت جيرانا الا بعد ان يتم عرض البوست على واوافق عليه ...والا

السمؤل ..قلت لى من القلعة انت ...كدى ورينى وين في القلعة ومتين طلعت منها ودفعة كم انت وقريت وين ..نحن ممكن نطلع (اصحاب) ..من ايام الطفولة

Post: #62
Title: Re: رسالة من «ندى القلعة» لـ «سجيمان»..!!
Author: محمد حسن العمدة
Date: 11-30-2004, 08:24 AM
Parent: #60

Quote: يا سي جي..
ألحق عباس...
مكتول في حوش القلعة..

عباس براهو يا دكتور ؟

غايتو حسادة عديل مني ليك يا سجيمان ودي مافيها هظار

Post: #63
Title: Re: رسالة من «ندى القلعة» لـ «سجيمان»..!!
Author: سجيمان
Date: 11-30-2004, 08:45 AM
Parent: #62

محمد حسن العمدة
Quote: غايتو حسادة عديل مني ليك يا سجيمان ودي مافيها هظار

حاسد انت ولا الزول الهكر البوست...وخلا عدد الردود اكتر من عدد الزوار؟

الردود 62

الزوار 36...

لكن دي تكون انتاية مكسرة برضو.....و زعلانة من ندى

Post: #64
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-30-2004, 10:26 AM
Parent: #63

قبل أن نعود للمتداخلين الرائعين نتمنى أن نعرف ماذا حدث لعدد الزوار لهذا البوست فبعد أن فاق الـ 1500 زائر بدأ من الصفر..!!
نرجو الإفادة من بكري
أو من أي زي علم

Post: #66
Title: Re: رسالة من «ندى القلعة» لـ «سجيمان»..!!
Author: سجيمان
Date: 11-30-2004, 11:45 AM
Parent: #64

د.معز
Quote: نعرف ماذا حدث لعدد الزوار لهذا البوست فبعد أن فاق الـ 1500 زائر بدأ من الصفر..!!

والله يا دكتور دي بادرة خطيرة صراحة....واظنو المنبر مهكور.....وبكري لو ما حصّل الحكاية دي..... بكرة ياكل نيم ويحلي بي قرض

Post: #85
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 12-01-2004, 02:39 PM
Parent: #66

فوق لغاية ما أجيكم راجع

Post: #86
Title: Re: رسالة من «ندى القلعة» لـ «سجيمان»..!!
Author: نادية عثمان
Date: 12-01-2004, 03:22 PM
Parent: #64

دكتور معز يارااااائع
عليك الرسول لما تتصل بى ندى قول ليها نادية الشاعرة الصحفية قالت ليك عملتى شنو فى الشريط بتاع سؤال وبس؟
ولو عندك واسطة مع ناس المصنفات تكلمهم يجيزو ليها الاغنيات عشان تعمل الشريط
بالمناسبة الشريط ده لامن يتغنى سيجيمان حايقول الكلام ده كلو ندى بتقولو ليهو هو خاصة اغنية مابتستاهل التفكير ..بكتب بى هناك يادكتور سى جى اقراها وورينى كلامى صاح ولاغلط
بالجد يادكتور تكلم ندى وخليها ضرورى ترسل لى الصور عشان انشر الحوار وبالمناسبة حوار ندى خبططططططططة وفيهو اعترافات خطييييرة للمكسرين خليك مستعد للصدمة ياسيجيمان سمح
معز باشا راجى الصور امانة فى رقبتك وانت عمرك مابتخذل زول يازول ياراقى

Post: #90
Title: Re: رسالة من «ندى القلعة» لـ «سجيمان»..!!
Author: سجيمان
Date: 12-02-2004, 01:07 PM
Parent: #86

نادية عثمان
Quote: اعترافات خطييييرة للمكسرين خليك مستعد للصدمة ياسيجيمان سمح

غايتو انا ما من المكسرين فيها.......انا من المتكسرة هي فيهم...وخليها تنضم انا برضو حانضم في المكسرات فيني.....اها بس

Post: #94
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 12-02-2004, 04:35 PM
Parent: #86

نادية:
Quote: يا سي جي..
دكتور معز يارااااائع
عليك الرسول لما تتصل بى ندى قول ليها نادية الشاعرة الصحفية قالت ليك عملتى شنو فى الشريط بتاع سؤال وبس؟
ولو عندك واسطة مع ناس المصنفات تكلمهم يجيزو ليها الاغنيات عشان تعمل الشريط
بالمناسبة الشريط ده لامن يتغنى سيجيمان حايقول الكلام ده كلو ندى بتقولو ليهو هو خاصة اغنية مابتستاهل التفكير ..بكتب بى هناك يادكتور سى جى اقراها وورينى كلامى صاح ولاغلط
بالجد يادكتور تكلم ندى وخليها ضرورى ترسل لى الصور عشان انشر الحوار وبالمناسبة حوار ندى خبططططططططة وفيهو اعترافات خطييييرة للمكسرين خليك مستعد للصدمة ياسيجيمان سمح
معز باشا راجى الصور امانة فى رقبتك وانت عمرك مابتخذل زول يازول ياراقى

اتصلت بندى عشان غلاوتك والله
وجدتها تئن من حمى الملاريا
(سحروها الجماعة.. ديل يسحروا بلد..يعني لو ما كانت محصنة ما كان عارف حصل شنو؟!!)

لذلك لم أتمكن من نقل الرسالة كاملة بينما نقلت لها تمنياتكم لها بالشفاء وحدثتها عن أعداد المكسرين هنا.. ووعدتها بالإتصال الأسبوع القادم

ليك حروف نديانة يا نادية
ما قالها زول
وما أظن يقولها وراي بشر

معز

Post: #116
Title: Re: رسالة من «ندى القلعة» لـ «سجيمان»..!!
Author: خضر عطا المنان
Date: 12-05-2004, 04:02 PM
Parent: #64

يا معز ياخي انا اختلط علي الأمر.. وتشابه على البقر !!!

هو منو المكسر في التاني : قشيران دا في ندوية دي !!!
واللا العكس ؟؟؟؟؟؟؟.

بعدين انا عندي اقتراح البت ندوية دي ادوها فرصة عليكم الله
خلوها مرة واحدة بس تتأمل في كباري كبيسيية المفتوحة دي ..
عشان كان تقعد تغني ليكم للصباح !!!!!!!.. لانو من السنة
الفاتت اللواري تخم في التراب وتردم والكباري دي مفتوحة كدي !!!.

خضر عطا المنان

Post: #119
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 12-06-2004, 07:53 AM
Parent: #116

خضر عطا المنان
Quote: يا معز ياخي انا اختلط علي الأمر.. وتشابه على البقر !!!

هو منو المكسر في التاني : قشيران دا في ندوية دي !!!
واللا العكس ؟؟؟؟؟؟؟.

ياااااااااااااا خضر،
انت رايك شنو؟!
Quote: بعدين انا عندي اقتراح البت ندوية دي ادوها فرصة عليكم الله
خلوها مرة واحدة بس تتأمل في كباري كبيسيية المفتوحة دي ..
عشان كان تقعد تغني ليكم للصباح !!!!!!!..

قصدك تغني ولاّ تبكي يا خضر

Post: #77
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-30-2004, 03:31 PM
Parent: #62

د. معز
Quote: يا سي جي..
ألحق عباس...
مكتول في حوش القلعة..

ود العمدة
Quote: عباس براهو يا دكتور ؟

غايتو حسادة عديل مني ليك يا سجيمان ودي مافيها هظار

الناس بتتكتل في حوش العمدة يا ود العمدة

تقوم انت تتكتل في حوش القلعة!!؟

دا اسمو كلام؟؟

Post: #76
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 11-30-2004, 03:27 PM
Parent: #60

الحبيب معتصم،
Quote: وتشكر على الهدية الزمااااااان ديك..
لا شكر على واجب يا غالي
Quote: زمان كنت ساكن في الكلاكلة القلعة شمال ..في اول الكلاكلة في شارع النص .. وكان جيرانا طوالى مرة اسمها نعيمة ولا شنو كدة ماعارف ..انا بزكر انو عندها ولدها اسمو يوسف كان دفعتى في المدرسة ..المرة دى كانت من النوع المكافح وربت اولادها بي عرقها .. وكانت ندى القلعه دى ..قاعدة معاهم في البيت لى كم سنة كدة.. المعلومة دى انا مامتزكرها لانى كنت صغيروونى ..بس قبل اسبوع كنا متلمين شلة من اولاد الكلاكلة القلعة وفي الونسة قالو لى ..هوى العوير دة ..الزولة دى ماكنت جراتكم حيته بالهيتة ..قلت ليهو وانا مندهش ..كيف ومتين ..قامو شرحو ليى ..والو تعرف خالتك فلانة قلت ايوة ولدها دفعتى قالو لى بس هى كانت معاهم في البيت ..

اها ..كدة يا بروف بقيت عندى عليها حقوق ... ويمكن واجبات كمان ..
لذلك ان اسمح بعد اليوم باي كلام عن بت جيرانا الا بعد ان يتم عرض البوست على واوافق عليه ...والا

أها كلامك دا تقولو يوم الجمعية العمومية بتاعة رابطة المكسرين

Post: #124
Title: Re: رسالة من «ندى القلعة» لـ «سجيمان»..!!
Author: سجيمان
Date: 12-07-2004, 09:16 AM
Parent: #76

*

Post: #65
Title: Re: رسالة من «ندى القلعة» لـ «سجيمان»..!!
Author: sara fadul
Date: 11-30-2004, 10:58 AM
Parent: #1

الله يكون فى عونكم يا شباب
أنا كنت وشددوا علي كنت
كنت من المعجبات جدآ بي ندي القلعة ..يوم مشينا نحجزها لي حنة ورفضت دعوتنا لأنو الحنة كانت بنات بس ..بي ذووووق طلبنا منها تغنى وكان شرطنا إنو العازفين يكونو من وراء ستار وبييييي جديّة رفضت العرض وقالت (مابرضاها ليهم ولى كرامتهم) يعنى هم جاييين يعزفوا ولا جايين يحضروا الحفلة؟ ويا سامو ندي لو قرت كلامك دة أأكدّ ليك ما حترضى دى بقت من سكان الرياض يازول

Post: #68
Title: Re: رسالة من «ندى القلعة» لـ «سجيمان»..!!
Author: ترهاقا
Date: 11-30-2004, 01:07 PM
Parent: #65

العزيزة سارا

كلامك ده زى داير شرح شوية
* وانا كنت ،وشددوا على واناكنت
* الحفلة كانت بنات بس .
* العازفين يكونوا وراء ستار.
* يعنى هم جايين يعزفوا وإلا جايين يحضروا حفلة؟
* دى بقت من سكان الرياض

يا ريت يكون يكون عندك وكت وتفسرى النقاط الموضحة بالتفصيل الممل

مع ودى وإحترامى

Post: #82
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 12-01-2004, 03:35 AM
Parent: #65

سارة فضل..
Quote: الله يكون فى عونكم يا شباب

مالك شايفة علينا شنو يا سارة يا بتنا؟؟!!

لكن برضو منورانا والله

كدي ردي على تراقا وبجيك راجع..

تسلمي يا حنين..

معز

Post: #114
Title: Re: رسالة من «ندى القلعة» لـ «سجيمان»..!!
Author: سجيمان
Date: 12-05-2004, 09:10 AM
Parent: #65

*

Post: #71
Title: Re: رسالة من «ندى القلعة» لـ «سجيمان»..!!
Author: abdalla BABIKER
Date: 11-30-2004, 01:58 PM
Parent: #1

Quote: والمناسبة انها جايانا في البحرين

خليك جاهز
لف العمة من هسة

دكتور معز عليك الله ندي ما جاية دبي ولا ابوظبي

قوليها لو جاية دبي

في ناس كتار مكسرين فيها

بس ادونا خبر نتظرها في المطار

سي جي مان ازيك

Post: #74
Title: توضيح من بكري أبوبكر
Author: Dr. Moiz Bakhiet
Date: 11-30-2004, 03:10 PM
Parent: #71

تكرم الأخ العزيز الباشمهندس بكري بالرد على استفساري حول ما حدث لعدد الزوار في هذا البوست..
وهذا نص رسالته:

Quote: د.المعز
سلام و تحية

يا سيدى الجاتك فى بوستاتك سامحتك و الظاهر البوست سحروه
هذا خطا يحصل نادرا حصل العام الماضى مرة واحدة لبوست على ما اظن للزميلة ندى أمين حيث تقلص عدد الزوار
و هى تنتج عندما يحاول التطبيق اعادة او تجديد عدد الزوار و ليست لها اى علاقة ببنى البشر
و اسف مرة اخرى لما حصل للموضوع البوست الظريف الذى اتابعه من بعد...يمكنى تعديل العدد لكن عملية قد تودى الى فقد البوست لبعض مداخلاته الجميلة
اسف مرة اخرى
ولك حبى وسلامى

Post: #78
Title: Re: توضيح من بكري أبوبكر
Author: sign
Date: 11-30-2004, 10:09 PM
Parent: #74

عزيزي الدكتور معز..
بما أنك شاعر حقيقي ..تنبض بما تنظم..و لست بمتشاعر مثل من يضعون القافية قبل الموضوع..و ينظرون لشكل القصيدة في ختامها..
و بما أنك أديب خلوق و كاتب مهذب الحديث و يحكمك منطق الأشياء الذي يطاوعك في وضع اضافات انسانية جميلة لطبيعته الجامدة..يسهل عليك التواصل مع الآخرين و التواجد في مختلف البيئات ..و تكسب ود الجميع بسهول متناهية..لم (تتبوبر) علينا بماضيك الاعلامي و نجوميتك التلفزيونية كما فعل أنصاف المواهب الذين صادفتهم الكاميرا برهة من الزمن الضائع..لم ترغمنا علي أحاديث جافة تلونها بنفسك و تجبر غيرك علي الفرجة و ان لم يحبو ما يرو ..لم تهاتر و تصارع و (تتروجل) و تدق صدرك قائلا (أنا الايه و الايه)..تكتب مواضيعا جميلة..خفيفة..متناسقة و متزنة..أقل ما توصف به انها حلوة..
أهنئك علي تمددك الجماهيري..و كنت سأصرح بانك تعجبني في كل شئ..لولا انك مريخابي..
ندي القلعة فنانة جميلة..صورة و صوت..يفيض صوتها أنوثة ..يتباري صوتها مع جمال وجهها في مسابقة بنكهة الشهد..فيحتار حكامها..الا أن الغلبة تأتي لصالح صوتها الذي يتحلي بمزية عجيبة..ألا و هي تلك البحة العذبة التي تذيب الأعصاب ..ندي القلعة مثال للأنثي الجميلة..
أنا بسمعها من زماااااان يا معز..و تقريبا حافظ أغانيها كلها..طبعا سجيمان دة متبلي عليها ساكت بي قصة (البرتكان أبو صرة)..
من ألطف أغانيها في الغزل..أغنيتها في حبيبها (سامي)..قالت فيهو:
أنا يا ناس بريدو..يا حبايبي وين
بريد كل البريدو..يا حبايبي وين.
(سامي) شعوره حية..يا حبايبي وين
في قلبو حنية..يا حبايبي وين
من أنبل عواطفه..يا حبايبي وين
كتير بعطف عليا..يا حبايبي وين
طبعا أنا ما متأكد اذا سجيمان و بقية العقد الطويل من المكسرين عارفين قصة أخونا سامي دة و لا ما عارفين..يا جماعة أحسن تتأكدوا..سامي دة كانوا بغنوا ليهو في أشرطة تتوزع بمئات الآلاف..و كل الناس عارفينه ياتو سامي..يعني ما كل زول اسمو سامي قال قاصداني أنا..أنا لغاية الليلة ما سمعتها قالت سجيمان عمل كدة..و لا سجيمان ضيعني بي عنادو..عايزين الدليل يا أخواننا..بعدين قبل ما تقعوا كلكم كدة حلوا موضوع سامي أول..
تفسير بسيط..تسائل دكتور معز عن معني (برا)..و الشرح بسيط (بصفتي المعرفية لأغاني ندي الجمال)..المفردة ظهرت في أغنيتها الخفيفة (ود الأولياء الصالحين)..و بتقول في احد مقاطعها:
يا ود رجال الدين..محصن بي (برا) و (ياسين)
و المقصود سورة (التوبة) التي تبدأ بغير بسملة و فاتحتها كلمة (براءة)..فسميت مجازا سورة براءة..زي عندنا في السودان بنسمي الفاتحة سورة الحمد..و بنزيدها الضمة البنقلبها واو و تبقي سورة (الحمدو)..
كل أغاني ندي سمحة و تطريبية..الا اني (بصفتي المعرفية لأغاني ندي الجمال)..بشوف انو أجمل أغنية ليها أغنية (الله لي الليمون سقايتو علي )..لأنو امكاناتها الصوتية تظهر بتجلي في هذه الأغنية..بالذات المقطع البقول :
الله لي..طيارة جات بي فوق
الله لي..شايلة القنابل كوم..
الله لي..جات تضرب (الخرتوم)..ضربت فؤاد مكلوم يا حاج أنا..
طبعا تنطق الخرتوم كما كتبتها..بمنتهي العذوبة..و لما تقول (الله لي)...تشهيك الدعاء..
خالد دفع الله

Post: #79
Title: Re: توضيح من بكري أبوبكر
Author: بحر سماحه
Date: 11-30-2004, 10:48 PM
Parent: #78

دكـتورنـا معـز

انت بحر سماحة
يجو العشاق يزورو
الليلة وين
يا بالعصر مرورو

قضينا وقضي معظم شباب المنطقه أحلي أوقاتهم في بحر سماحه
بدءا بالعوم فيه(السباحه) ثم(يجو العشاق يزورو) فهو الكورنيش بتاعنا
الرحلات الجميله واسـال الفنـان علي أبراهيم من مزارع المـوز وكذلك عـلاء الدين حمزه
من السـدره.....فهـل بان المنظر يا دكتور .

Post: #102
Title: Re: توضيح من بكري أبوبكر
Author: Dr. Moiz Bakhiet
Date: 12-03-2004, 04:23 PM
Parent: #79

بحر سماحة:
Quote: فهـل بان المنظر يا دكتور

بان عليك الأمان

يا ريت تعود كل بحور السماحة تاني ويجو العشاق يزورو من جديد

Post: #83
Title: Re: توضيح من بكري أبوبكر
Author: سامية بكري
Date: 12-01-2004, 06:44 AM
Parent: #78

Quote: عزيزي الدكتور معز..
بما أنك شاعر حقيقي ..تنبض بما تنظم..و لست بمتشاعر مثل من يضعون القافية قبل الموضوع..و ينظرون لشكل القصيدة في ختامها..
و بما أنك أديب خلوق و كاتب مهذب الحديث و يحكمك منطق الأشياء الذي يطاوعك في وضع اضافات انسانية جميلة لطبيعته الجامدة..يسهل عليك التواصل مع الآخرين و التواجد في مختلف البيئات ..و تكسب ود الجميع بسهول متناهية..لم (تتبوبر) علينا بماضيك الاعلامي و نجوميتك التلفزيونية كما فعل أنصاف المواهب الذين صادفتهم الكاميرا برهة من الزمن الضائع..لم ترغمنا علي أحاديث جافة تلونها بنفسك و تجبر غيرك علي الفرجة و ان لم يحبو ما يرو ..لم تهاتر و تصارع و (تتروجل) و تدق صدرك قائلا (أنا الايه و الايه)..تكتب مواضيعا جميلة..خفيفة..متناسقة و متزنة..أقل ما توصف به انها حلوة..
أهنئك علي تمددك الجماهيري..و كنت سأصرح بانك تعجبني في كل شئ..لولا انك مريخابي..

أخي الحبيب sign
د. معز دا يا ساين سبب اشتراكي هنا وانا حا أرجع بالتفصيل واحكي ليكم وهو مفخرة للإنسانية كلها وهو نفسو ح يتفاجأ لما حكي ليكم..
أنا هلالابية يا ساين لكن ما حبيت المريخ إلا عند د. معز

Post: #106
Title: Re: توضيح من بكري أبوبكر
Author: Dr. Moiz Bakhiet
Date: 12-04-2004, 00:50 AM
Parent: #83

سامية بكري:

فإذا وقفت أمام حسنك صامتا
فالصمت في حرم الجمال جمال..

في انتظارك أيتها الجميلة مثل أزهار الربيع

Post: #125
Title: Re: توضيح من بكري أبوبكر
Author: سجيمان
Date: 12-08-2004, 05:20 AM
Parent: #106

*

Post: #84
Title: Re: توضيح من بكري أبوبكر
Author: سجيمان
Date: 12-01-2004, 07:06 AM
Parent: #78

sign

Quote: تصارع و (تتروجل) و تدق صدرك قائلا (أنا الايه و الايه)..

يا جماعة خليكم شاهدين.... الزول دا قصدني عديل......

سوعال

بالله المُر اخوي كيف؟ مش شرِط؟.....والله تشفوفو ندى دي علا تحرد الرجال كلهم

Post: #87
Title: Re: توضيح من بكري أبوبكر
Author: sign
Date: 12-01-2004, 06:13 PM
Parent: #84

Quote: يا جماعة خليكم شاهدين.... الزول دا قصدني عديل......

عزيزنا سجيمان..
قلت لي تمسك سكينك و تقطع الكلام دقاق..تشيل الدايره و تخلي المادايره.. انت بعد صورتك دي بقصدوك..حسع موضوعك مع ندي مش قصد??..القال ليك أنا قاصدك منو..بس ما تقول لي كلمتك ندي و غنت ليك أغنية :
سي جي يا الغالي..يا الفيك آمالي..
حسدوك في غرامي.. و عزلوك عن وصالي..
قصدوك يا ودادي..و همزوك يا مرادي..
بعدين انت داير تشهد منو في الجماعة المكسرين ديل..في زول واعي ليك..
...

Quote: بالله المُر اخوي كيف؟ مش شرِط؟.....والله تشفوفو ندى دي علا تحرد الرجال كلهم

سنة يا المر..المر هين ولا لين يا سجيمان؟..أنا عارف لستة معجباته..يقبضنه من الشارع عشان يعزمنه عصير و الذي منو..أنا مرة صادفت واحد من العصائر دي..قبل كم سنة ما عارف..لي الليلة متذكره..عصير كدة اسمه مش عارف ايه..حسع انت ندي عزمتك موية زرقا ساكت؟..
لكن بيني و بينك..صورتك دي كان تنزلها بدري شوية..عشان الناس ما تدخل في افتراضات...

Post: #89
Title: Re: توضيح من بكري أبوبكر
Author: سجيمان
Date: 12-02-2004, 07:28 AM
Parent: #87

sign
Quote: بعدين انت داير تشهد منو في الجماعة المكسرين ديل..في زول واعي ليك..

والله صدقت..................

Post: #129
Title: Re: توضيح من بكري أبوبكر
Author: سجيمان
Date: 12-09-2004, 10:54 AM
Parent: #89

*

Post: #97
Title: Re: توضيح من بكري أبوبكر
Author: Dr. Moiz Bakhiet
Date: 12-02-2004, 05:22 PM
Parent: #78

Quote: (...............)

أخي الحبيب Sign ساين،
والله كلامك شهادة أعتز بها وهي أحلى ما أنام عليه الآن
فلك الشكر والمحبة
Quote: ندي القلعة فنانة جميلة..صورة و صوت..يفيض صوتها أنوثة ..يتباري صوتها مع جمال وجهها في مسابقة بنكهة الشهد..فيحتار حكامها..الا أن الغلبة تأتي لصالح صوتها الذي يتحلي بمزية عجيبة..ألا و هي تلك البحة العذبة التي تذيب الأعصاب ..ندي القلعة مثال للأنثي الجميلة..
أنا بسمعها من زماااااان يا معز..و تقريبا حافظ أغانيها كلها..

وكمان ألف ألف شكر على كل المعلومات القيمة عن ندى
وبما إنك متخصص فيها فأنا أدعوك لكتابة مقال عنها لنشره بمداخلاتنا الفنية بصفحة عكس الريح بجريدة الأضواء..
إيه رايك؟

Post: #96
Title: Re: توضيح من بكري أبوبكر
Author: Dr. Moiz Bakhiet
Date: 12-02-2004, 04:46 PM
Parent: #74

ألف شكر يا بكري يا سيد الحوش وسيد الناس دي كلها..
يعني سيستم الجن دا ما لقى إلا بوست ندى؟!
أريتو البوست براهو
هي زاتا جاتا ملاريا
تقول لي الجاتك في بوستك يا ريس؟؟؟؟؟؟؟

Post: #98
Title: Re: توضيح من بكري أبوبكر
Author: سجيمان
Date: 12-03-2004, 02:39 AM
Parent: #96

Quote: هي زاتا جاتا ملاريا

مرض حامد؟؟؟؟؟

Post: #99
Title: Re: توضيح من بكري أبوبكر
Author: ود الشيخ
Date: 12-03-2004, 02:47 AM
Parent: #98

الحاصل شنو وين توضيح بكري ابوبكر

Post: #108
Title: Re: توضيح من بكري أبوبكر
Author: Dr. Moiz Bakhiet
Date: 12-04-2004, 06:28 AM
Parent: #99

Quote: الحاصل شنو وين توضيح بكري ابوبكر

ود الشيخ يا حبيب
ازيك..

توضيح بكري كان اتهكر لكن الزول الهكرو خاف رجعو
شفت قصتنا دي بقت كيف..؟!

Post: #109
Title: Re: توضيح من بكري أبوبكر
Author: سجيمان
Date: 12-04-2004, 09:38 AM
Parent: #99

ود الشيخ

Quote: الحاصل شنو وين توضيح بكري ابوبكر

غايتو انا توضيح بكري ما ساعل منو......علا البوست دا حالف ما اخليهو يفوت الصفحة الاولى

Post: #80
Title: Re: رسالة من «ندى القلعة» لـ «سجيمان»..!!
Author: سجيمان
Date: 12-01-2004, 01:32 AM
Parent: #71

Quote: سي جي مان ازيك

اهلا يا عبدالله................... شايف الناس كلهم دايرين يصاحبوني؟

Post: #81
Title: Re: رسالة من «ندى القلعة» لـ «سجيمان»..!!
Author: abas
Date: 12-01-2004, 01:35 AM
Parent: #80

سجومي

دكتور معز

والله الحصل للبوست ده حيرنا زاتو

يكونو الجماعه الماعاجبوم سرقو الزوار

Post: #88
Title: Re: رسالة من «ندى القلعة» لـ «سجيمان»..!!
Author: سجيمان
Date: 12-02-2004, 01:34 AM
Parent: #81

عبس
Quote: يكونو الجماعه الماعاجبوم سرقو الزوار

خلي ييسرقوهم.....كان ندى القلعة تتكسر فيهم

Post: #110
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 12-04-2004, 02:08 PM
Parent: #81

عباس،
من ناحية البوست اتهكر فما في اتنين تلاتة انو اتهكر
لكن المرة دي ما هكرو زول
هكرو السيستم زي ما قال سيد الحوش

أها خلينا من حكاية الهكر دي
كدي أمشي أقرأ كلامي هنا وحصل صحبك..
الرشيّم اللخدر....ازاي اناالمكســر....في جِكــس المنبـر

Post: #113
Title: Re: رسالة من «ندى القلعة» لـ «سجيمان»..!!
Author: سجيمان
Date: 12-05-2004, 04:25 AM
Parent: #110

Quote: هكرو السيستم زي ما قال سيد الحوش

الله يقطع سجيمان ويقطع يومو......حتى السيسشتم حاقر بيهو

Post: #95
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 12-02-2004, 04:40 PM
Parent: #71

إزيك يا عبد الله بابكر،
ليك وحشة والله
الناس الكتيرين المكسرين في ندى القلعة ديل أدوها عين هسة وجاتها ملاريا..
يعني ما ح تقدر تجيكم في الأمارات
تعالو انتو البحرين..

Post: #91
Title: Re: رسالة من «ندى القلعة» لـ «سجيمان»..!!
Author: مريم بنت الحسين
Date: 12-02-2004, 01:16 PM
Parent: #1

يا دكاتره.. لي تلاته يوم اخش اتاوق... وادمممممممممع من الضحك واطلع...

يديكم العافيه... وسنه يا ندى! تخصص دكاتره قلتي لي !

بنت الحسين

Post: #100
Title: Re: رسالة من «ندى القلعة» لـ «سجيمان»..!!
Author: سجيمان
Date: 12-03-2004, 06:20 AM
Parent: #91

بنت الحسين
Quote: وسنه يا ندى!

عقبال عندك

Post: #120
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 12-06-2004, 12:15 PM
Parent: #91

مريم بنت الحسين
Quote: يا دكاتره.. لي تلاته يوم اخش اتاوق... وادمممممممممع من الضحك واطلع...

يديكم العافيه... وسنه يا ندى! تخصص دكاتره قلتي لي !

اختنا الحبيبة مريم،
ألف معذرة عشان فات علي أرحب بيك لكن سجيمان سيد البيت قام بالواجب واكتر
وكمان البيت بيتك....

نعمل شنو نحن مع ناس عبس ديل.. شغلونا من الترحيب عشان كدا لازم نلقى ليهم حل سريع..

شفتي ندى دي سعيدة كيف بالله

Post: #92
Title: Re: رسالة من «ندى القلعة» لـ «سجيمان»..!!
Author: Raja
Date: 12-02-2004, 02:19 PM
Parent: #1

كتبت سارة فضل:

Quote: أنا كنت وشددوا علي كنت
كنت من المعجبات جدآ بي ندي القلعة ..يوم مشينا نحجزها لي حنة ورفضت دعوتنا لأنو الحنة كانت بنات بس ..بي ذووووق طلبنا منها تغنى وكان شرطنا إنو العازفين يكونو من وراء ستار وبييييي جديّة رفضت العرض وقالت (مابرضاها ليهم ولى كرامتهم) يعنى هم جاييين يعزفوا ولا جايين يحضروا الحفلة؟

سارة سلام..

بالعكس.. انا كده ازددت اعجاب بيها أكتر..

لييه..؟

لأنها تتعامل مع الموسيقين بتاعين فرقتها كبني آدمين وليس عدد وآلات ..

تخريمة: هو النسوان العايزين فنان من ورا حجاب .. الحفلة لزوما شنو..؟

Post: #93
Title: Re: رسالة من «ندى القلعة» لـ «سجيمان»..!!
Author: sign
Date: 12-02-2004, 03:05 PM
Parent: #92

Quote: بالعكس.. انا كده ازددت اعجاب بيها أكتر..

لييه..؟

لأنها تتعامل مع الموسيقين بتاعين فرقتها كبني آدمين وليس عدد وآلات ..
كلام سليم مية في المية يا رجاء ..

Quote: تخريمة: هو النسوان العايزين فنان من ورا حجاب .. الحفلة لزوما شنو..؟

دي بقي قوية..و سكرها زائد
خالد..

Post: #121
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 12-06-2004, 01:52 PM
Parent: #92

رجاء:
Quote: تخريمة: هو النسوان العايزين فنان من ورا حجاب .. الحفلة لزوما شنو..؟

سؤال في التنك..

Post: #101
Title: Re: رسالة من «ندى القلعة» لـ «سجيمان»..!!
Author: مريم بنت الحسين
Date: 12-03-2004, 06:47 AM
Parent: #1

Quote: عقبال عندك

شنو العقبالي يا دكتور.. الدكتوراه ... ولا أكسّر الدكاتره؟

بنت الحسين

Post: #107
Title: Re: رسالة من «ندى القلعة» لـ «سجيمان»..!!
Author: سجيمان
Date: 12-04-2004, 04:49 AM
Parent: #101

بنت الحسين
Quote: شنو العقبالي يا دكتور.. الدكتوراه ... ولا أكسّر الدكاتره؟

الاتنين..............

Post: #103
Title: Re: رسالة من «ندى القلعة» لـ «سجيمان»..!!
Author: عماد عثمان
Date: 12-03-2004, 05:12 PM
Parent: #1

الاخ الكريم /د. معز
لك التحايا والود

لكن يادكتور الجماعة ديل ماخلو لينا صفحة نرقد
عليها الحكاية شنو الناس المشاكسة فى الكلاكلة
انا قدرت عليهم والله عندى عكاز مضبب اسع فى
الكلاكلة واحد يقدر يرفع عينو ساكت مافى وحتى
الاحياء التى تغنى فيها ندى الناس كلها ترقص مدنقرة
لكن ناس الانترنيت ديل الم فيهم بعكازى ده وين ؟
تحياتى .. عماد
المملكة المتحدة

Post: #104
Title: Re: رسالة من «ندى القلعة» لـ «سجيمان»..!!
Author: عماد عثمان
Date: 12-03-2004, 05:39 PM
Parent: #1

الاخ الكريم /د. معز
لك التحايا والود

لكن يادكتور الجماعة ديل ماخلو لينا صفحة نرقد
عليها الحكاية شنو الناس المشاكسة فى الكلاكلة
انا قدرت عليهم والله عندى عكاز مضبب اسع فى
الكلاكلة واحد يقدر يرفع عينو ساكت مافى وحتى
الاحياء التى تغنى فيها ندى الناس كلها ترقص مدنقرة
لكن ناس الانترنيت ديل الم فيهم بعكازى ده وين ؟
تحياتى .. عماد
المملكة المتحدة

Post: #105
Title: Re: رسالة من «ندى القلعة» لـ «سجيمان»..!!
Author: sign
Date: 12-03-2004, 11:20 PM
Parent: #104

Quote: وبما إنك متخصص فيها فأنا أدعوك لكتابة مقال عنها لنشره بمداخلاتنا الفنية بصفحة عكس الريح بجريدة الأضواء..
إيه رايك؟

انت تأمر يا د.ذوق..لكن بضمانات..يعني مافي زول يسألني من صورة و كدة..تبقي علي البقت علي سجيمان..
Quote: هي زاتا جاتا ملاريا

دي بقي مسئولية مشتركة..الجاب صورتها في البورد منو..و الشافوها منو..
سجيمان
Quote: مرض حامد؟؟؟؟؟

حرام عليك ياخي..داير تجيبها لي صباح ؟ايش جاب لي جاب؟
مريم بت الحسين
Quote: شنو العقبالي يا دكتور.. الدكتوراه ... ولا أكسّر الدكاتره؟

دي حلوة..البوست دة بخروه..ما تجيهو ملاريا..

Post: #111
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 12-05-2004, 00:00 AM
Parent: #104

عماد عثمان
لكن ناس الانترنيت ديل الم فيهم بعكازى ده وين ؟
هلا عثمان..
عارف تعمل ليك عكاز الكتروني زي بتاع جني الفي الصورة دا

مع تحياتي الحارة

معز

Post: #112
Title: عزراً (حبيبي) أحبتي
Author: Ismaeil H. Mohamed
Date: 12-05-2004, 02:26 AM
Parent: #1

تقديم:
عزراً (حبيبي) أحبتي

الصدر:
ياااا مطاميس ياااا مهابيش يا ممسوخين
هس عليكم الله دي سوات شنو الـ بتسوا فوقا دي
شابكننا ندي القلعة!! ندي القلعة!!! ندي القلعة!!!

قلتو شنو ولا حا تقولو شنو في الآه ونص ونانسي عجرم

الخاتمة:
مع إحترامي لشعار ( نأكل من ما نزرع )

إسماعيل

Post: #115
Title: Re: عزراً (حبيبي) أحبتي
Author: Dr. Moiz Bakhiet
Date: 12-05-2004, 02:39 PM
Parent: #112

Quote: قلتو شنو ولا حا تقولو شنو في الآه ونص ونانسي عجرم

ح نقول:

اللهم لا «تعجرم» نساءنا

Post: #117
Title: Re: عزراً (حبيبي) أحبتي
Author: سجيمان
Date: 12-06-2004, 01:12 AM
Parent: #112

اسماعيل اطش محمد
Quote: قلتو شنو ولا حا تقولو شنو في الآه ونص ونانسي عجرم

العجريّم ظاطو ما سمح..... الله يكفينا شرو

Post: #118
Title: Re: رسالة من «ندى القلعة» لـ «سجيمان»..!!
Author: abas
Date: 12-06-2004, 01:28 AM
Parent: #1

يا دكتور معز

يا شيخنا سجيمان

تلحقو ندي وتشفوها

وقولو ليها عباس هناك رسل ليك لوري كلوروكين ولوري قريب فروووت

ولوري عرديب

والملاريا البتجيك انتي من دون خلق السودان تتجازي وتنجرح بالغزازه

بريه وبريه وبريه

انتي قدره

بنت متين انتي عشان تجيك

ما بتعرف ناسا هي تجيك انتي

يا دكتور معز شوف لينا ليها علاج سريع

Post: #122
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 12-06-2004, 04:30 PM
Parent: #118

abas

Quote: دكتور معز

يا شيخنا سجيمان

تلحقو ندي وتشفوها

وقولو ليها عباس هناك رسل ليك لوري كلوروكين ولوري قريب فروووت

ولوري عرديب

والملاريا البتجيك انتي من دون خلق السودان تتجازي وتنجرح بالغزازه

بريه وبريه وبريه

انتي قدره

بنت متين انتي عشان تجيك

ما بتعرف ناسا هي تجيك انتي

يا دكتور معز شوف لينا ليها علاج سريع

نداء استغاثة من عبس محول لمنظمة الصحة العالمية

Post: #123
Title: Re: رسالة من «ندى القلعة» لـ «سجيمان»..!!
Author: سجيمان
Date: 12-07-2004, 04:31 AM
Parent: #118

عبس
Quote: وقولو ليها عباس هناك رسل ليك لوري كلوروكين

والله دي ماركة ممتازة

موديل كم؟

Post: #126
Title: Re: رسالة من «ندى القلعة» لـ «سجيمان»..!!
Author: حبيب نورة
Date: 12-08-2004, 05:54 AM
Parent: #123

دكتور معز
الطناش لزومو شنو ؟؟
والله ما ترضيني الا بي قصيدة!!

Post: #127
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 12-08-2004, 06:33 AM
Parent: #126

حبيب نورة (زمااااااااان)
Quote: دكتور معز
عليك الله أديني أيميلا
باقي دايرة في صبحية
سيبك من سجيمان دة
هي والله مكسرة فيني وفي وليد وليدها
و انا كدة بقيت ثاني أثنين أذ هما في الحب

حبيب نورة (أسسسسسسسسسسسسسسسة)
Quote: دكتور معز
الطناش لزومو شنو ؟؟
والله ما ترضيني الا بي قصيدة!!

دي بقى انا غلطان فيها والله يا حبيب نورة وحياة غلاوتك قايل نفسي رديت عليك
تعرف قبل فترة زهجت من البوست دا لما السيستم هكرو وبعدين لما رجع زيرو قلبنا الصفحة التانية وانا افتكرت ناس الصفحة الأولى ردينا عليهم..
وعشان ترضى بديك ايميلها في البرايفيت ووكمان ليك القصيدة دي.. والعتبى حتى ترضى..

جسارة حبك المكتوم
في قلب الحزن والإصرار
بشيل الهم
على كتف النغم مسدار
وبحيا قساوة الغربة
البحارها شرار
وطول الفرقة والحرقة
البتقعد في عصاري الليل
تفتش في ضحاه نهار
زمان يا هجعة الميلاد
سقاك الحب لهيب اللهفة
سيل واعصار
وشهقة نجمة هامت بيك
تخاف بالشوق تقع تنهار
يسيل دمع الشفق نجوى
وكل الكون يشع انوار
وريحة الضو تفوح في الجو
على عبق الحنين إيثار
وفي رمل الطريق زخات
وفي صدر البريق مشوار
تعال في قلبي تلقى الكون
قصور من راحة واستقرار
غناوي الروعة بيك تنساب
نهاد اللوعة سندس نار
بساط ممدود بعرض المد
على الشط الوقف محتار
تعب مني التعب والغم
فتر جواي وتل الهم
رصيفو اختار
صد الآهة والأشجان
وغربة دم
وعتمة دار
تعال خلي الشجن يرحل
تعال خلي المحنة شعار
وقامة السكة تبقى نخيل
بساتين ضحكة من نوار
ومنك انت باقة ورد
ودنيا صباحها
بيك أزهار..

Post: #128
Title: Re: رسالة من «ندى القلعة» لـ «سجيمان»..!!
Author: عمر محمد عبد القادر
Date: 12-08-2004, 09:22 AM
Parent: #127

د معز عليك الله تشخسوا حالتي لما اشوف ندي القلعة وهل بتروح ولا لا سبق وان
تطرقت لها في ندى القلعة برنقز بطعم الليمون والكاتشب ..لانو حاتي صعبة شديد

Post: #130
Title: Re: رسالة من «ندى القلعة» لـ «سجيمان»..!!
Author: Dr. Moiz Bakhiet
Date: 12-09-2004, 05:41 PM
Parent: #128

عمر محمد عبد القادر
Quote: لانو حاتي صعبة شديد

تعرف يا ابو عمير..
أنا جيت لندن هسسسسسسة دي لي تلاتة أغراض:
الأول معزوم حفلة ندى
التاني عشان أشاور الإختساسيين في جنس حالتك دي
والتالت والأهم ح يكلمكم عنو سجيمان في الوقت المناسب

Post: #131
Title: Re: رسالة من «ندى القلعة» لـ «سجيمان»..!!
Author: عماد عثمان
Date: 12-09-2004, 06:28 PM
Parent: #1

يادكتور يعنى حالف ماتخلينا
نطرف يعنى الحراسة الشديدة
ده فى فى لزوم ليها ما الجماعة
ديل فى امان وسلام معانا هنا
ماصدقنا قلنا دكتور معز وسجيمان
ما موجودين معانا نأخذ براحنا وكده

عموما مرحب بيك الف فى عاصمة الضباب
واهلا وسهلا .. ونتمنى اللقاء
اخيك / عماد كاردف

Post: #132
Title: Re: رسالة من «ندى القلعة» لـ «سجيمان»..!!
Author: سجيمان
Date: 12-10-2004, 07:27 AM
Parent: #131

*