أهلا بالقانونى خالد سليمان ..أهلا ابن الأُبيِّض عضوا فى المنبر

سرنى كثيرا أن ينضم للمنبر أخى وصديقى القانونى
خالد سليمان رجل شيمته الابتسامة والسؤال عن الناس
حجواتى وحكاى وععفيف لسان عرفته فى هذه الدوحة
مذ سنوات مسكون بالابداع ايام الراحل مصطفى ياتى فى
هدوء يحاجى مصطفى ثم يخرج منتشيا وطرِبا وهو يردد
ياخى ايه الدنيا غير لمة ناس فى خير او ساعة حزن
اهلا بخالد سليمان أبيَض القلب ابن الأُبيِّض.

آلاااااااااااااااف مراحب بالأخ خالد سليمان... بالمنبر...

يا هلا أُستاذ/ خالد شرفت ونورت...

قواسيب مودتي... وتشكرات ليك أخي الأمير...


أبو الحســــــــين...

الف مرحب بالاستاذ خالد سليمان اضافة ثرة وحقيقة لهذا المنبر ..

حللت اهلا ..


ياودبت على ونورهادى سلام يغشاك ..

أبو الحسين وودخالتى محمد عبدالرحمن
مرحب بترحيبكم بصديقى خالد سليمان

مرحب بالأستاذ / خالد سليمان عضواً فاعلاً في هذا المنبر و ننتظر منه ما يثري ..

قانوني و من الأبيض !!

مرحبتين حبابك عشرة ..

مقامك زين .. جيدن جيت ..

شكراً أ. بدر الدين ..

ألف مرحب أخي خالد
والشكر لك أخي بدر الدين الأمير
تقبل تحياتي ،،،،
أبو كريم

الـــــــــــف مرحـــــــــب يا ود اب قبة فحـــــــــــــل الديوم حبابك عشرة بلا كشرة م

أهلا بابو النسب خالد سليمان
منور البورد
تعال عشان أشوف الصورة العملتها ليك
ح تطلع كيف ـ
غايتو شكلها رهيييييييبة

يلا تعال راجينك .

خالد سليمان شخصيا
والله هذه قواسيب فرحة بزول دغري واصيل
والف مرحب وحبابك يا الو الخلد...
وكدي في البداية افرز لينا الكيمان
الهلالية ولا الابيض قبل ما ندخل (احمد بشير) ونعرف الحاصل شنو..!!
.................
وبعدين يا خالد ما لقيت زول يرحب بيك غير الكهل بتاع اربجي ده
عماد مشي وين
وبهاء بكري شغال شنو
ناس ما عندها (خوة)..!!

الأحباب الاعزاء
عصام دهب
الفاتح خليل
آدم عمر
معتز القريش
أجزل التقدير لكم وانت ترحبون بصديقى خالد سليمان


كيكيى
ياخفيف يالفيف
دا مش القانونى خالد سلمان عبدالرحيم بتاع حق
دا خالد سلمان تانى وقلنا من الابيض وليس الهلالية
انت مابتوب من الخفة واللفة الدخلتك السجن

Quote: كيكيى ياخفيف يالفيف دا مش القانونى خالد سلمان عبدالرحيم بتاع حق دا خالد سلمان تانى وقلنا من الابيض وليس الهلالية انت مابتوب من الخفة واللفة الدخلتك السجن

والله يا البدر بقت علي شفقة زهرة
طيب ياخي ما كان تفرزوا الكيمان وتقولوا (مرحب يا خالد سليمان الما بتاع حق)
عشان علي الاقل نرحب بيهو ترحيب خاص..ونعمل ليهو بوست عديل كده..
و لكل الخالدين يا بدرالدين لهم كل الحب والترحيب
وحبابك يا خالد وبرضو كنت تشوف ليك زول غير بدرالدين (اللديح ده)
كان علي الاقل فوت لينا الدقسة دي بدبلوماسية

و الله ايام يا زمان
و الله ايام يا بدر الدين
ما حا اقدر اوفيك حقك مهما قلت و كتبت
شكرا لتشجيعك و دعمك الا محدود لنا
ايها الامير ابن الامير للدوحة طعمم جميل و انت فيها
شكرا لتقديمك و ترحيبك بى الذى جعلنى احس باننى عملاق فاردا ذراعيه فى هذا الفضاء الكبير و ان كنت غير ذلك تلك الايام لها بوستات قادمات انشاء الله
كل الرائعيين الذين رحبوا بى ابو الحسين محمد عبد الرحمن عصام دهب الفاتح خليل ادم عمر ابو النسب معتز القريش الفنان كيكى شكرا لكم و سعيد و الله بهذا الوطن الجميل الذى جمعنى بكم
للتنويه فقط ربما يحدث خلط و تشابه بينى و بين صديقى و اخى خالد سليمان صاحب الاسم الاصلى و الزول الاصلى الدغري و عديل الف مرحب بخالد سليمان و بجميع اصدقائه و ما انا الا خالد محمد سليمان الشهير بخالد سليمان ابن الابيض حى البترول و لاننى جديد لنج اغفروا لى اى اخطاء ربما تكون قد حدثت فى الطباعة و تقبلونى بينكم تحياتى للجميع

عزيزي بدر... كيفنكم، في الدوحة (الصغيرة، وغريييييييييييييييييييييييييقة)، كما يقول شيخنا الطيب صالح....


باسم المحبة، والاحترام، أرحب معك، ومع الاخوة بالاخ العزيز، الخلوق، والمثقف استاذ خالد،

وللحق، كان من اكثر المتابيعين لما يجري في سودانيزاولاين، بل أكثر المتابعين لما يجري في الساحة الثقافية، من انثيال دفق الابداع في عالمنا الثالث، كنت اباغت بمتابعته لأدق التفاصيل، وبهمة وعمق ومسئولية تجاه (نشاط العقل)، وبنقد (حريف وحاذق)، ..

وللحق، وبخصوص (سودانيزاولاين)، كان متابع لكل (نشاطه وتهوره، وعثراته)، ومعه احسست (بهذا الاسافير)، والتي كما قال امل دنقل (الأيدي الأدمية واهبة القمح تعرف كيف تسن السكين).. وفي الذاكرة الكثير من البوستات التي كان له فيها رأي (من بوست حميد، إلى ترهات فلانة الفلانية، وفلان الفلاني)...

اذن نحن لا نرحب بكاتب جديد، بل (بسنونو)، وهو يعرف البوراداب واحد واحد، على مدى الافق الكوكبي، (لو تعلق رجل بالثريا لنالها)، وكل شي جهد ومتابعة، ومثابرة،

لا شك اضافة، وياريت (هذا الافق سودانيزاولاين)، يفتح بابه ورئته، وقلبه للنشطاء في الفعل والتفكير، مش ناس (خالف تذكر)، ومش ناس تثير الغبار، ليتها اثارت الافكار..

اخي الجميل خالد مرحب بيك، وسعداء بمتابعة حرفك، فأنك (ولود)، كما قال بدر الدين، بما في الذاكرة من وقائع تسر الناظرين...

يامرحبا... يامرحبا..

مرحبا بك الاخ خالد
طال الزمن منذ ايام العمل فى البنك الاسلامي السوداني
انت والاخ العزيز اسامه مختار
مرحب بك
وسعيدين بوجودك هنا معنا

المعز شايب