Post: #1
Title: د. الفاتح حسين الموسيقار الرائع ..تدور ساقية الحانه عشقا ..ويصدح فى القاهرة حبا للوطن!!!
Author: نادية عثمان
Date: 04-26-2005, 12:39 PM
Parent: #0
من اجل الوطن نبكى ..ومن اجله نفرح
ومابين نبل الحزن ...ونشوةالفرح ..مساحة للتأمل ..!!
وهذا مايدغدغ فى الروح معانى الاشياء ..ويضع الاجابات المتأنية بعد علامات الاستفهام العنيدة ..!!
التأمل ..!!
نحتاجه لنستوعب ذواتنا ..وننسرب فى خلجات شرايين غيرنا من البشر !!
وللتأمل فى ملكوت الرب شروطه!!
وفى ملكوت الحزن شروطه!!
وفى ملكوت الحب شروطه !!
والشرط الوحيد ..الذى يشكل قاسما مشتركا بين كل مشاعر التناقض فينا ..هو التأمل !!
ليس اى تأمل !!
وانما التأمل العميق فى معانى الأشياء ..وماوراء الاشياء..!!
تحتاج خلايا الروح الى اجازة من ارهاق الدنيا المتعجرفة !!
لحظة سكون تستقيم فيها ومعها خطوط ومنحنيات ..واعوجاجات نفوس البشر المتخمة بضجيج الكون ..جهادا فى سبيل البقاء !!
اعزائى
عكاشة
المهداوى (رغم الحزن على الخاتم )
مطر
فراج
وكل بورداب القاهرة الاحباء
لاتجعلوا مساحة للتأمل ..والفرح المهيب ..والنشوة العارمة ..والركون الى احضان الوطن ونيله ساعة من الزمان تفوتكم ..!!
هناك ..فى تلك الساقية التى ستدور بنا فى فلك موسيقى الرائع الدكتور الموسيقار الفاتح حسين
الذى جاء من فوهة بركان الوطن ..حاملا قيثارته ليشاركنا ولنشاركه ساعة من عمر الفرح الموشّى بسنابل الخير ..ورائحة دعاش الوطن ..وموسيقاه الحميمة ..
ساقية عبد المنعم ..تنتظر ان تدور بموال كلمة سودانية اصيلة ..ولحن عبقرى من روائع الموسيقار د. الفاتح حسين ..الفنان الذى يتجول بالوطن فى دواخله ..ويصدح باسمه عبر روائع موسيقاه الحالمة ..
فلنكن هناك ياكل الاحباب الموجودين فى قاهرة المعز ..نغنى مع الرجل بأمر الحب عشقا للوطن .!!
غنى لنا ومعنا د. الفاتح حسين لنملأ سماء القاهرة طربا سودانيا اصيلا ..وفرحة نقهر بها
كل الاحزان ..التى لو استسلمنالها لسلبت ارواحنا قبل الاوان !!
الاستاذة مها بخيت مسئول ملف حقوق الملكية الفكرية بالجامعة العربية ..كونى هناك مع شريكك فى الحياة ..د. الفاتح حسين ..وسنكون معكما شركاء فى وطن للحب ..والخير ..والجمال ..
وطن الجدود
ليهو الخلود
حبو الحياة
وموتو المجاز !!
الموسيقى افضل وسيلة للتعبير عن حب الوطن ..خاصة فى الغربة !!
فهل يستطيع اى مغترب عن السودان الصمود امام لحن (أنا سودانى انا ) دون ان يذرف دمعة حارة ..ويتمنى لحظتها لو عاد للسودان حبوا ؟!!
انه الوطن ..الحبيب
تعالوا لنسمعه عبر انسياب موسيقى د. الفاتح حسين الرائعة فى يوم السبت المقبل.!!
|
Post: #2
Title: Re: د. الفاتح حسين الموسيقار الرائع ..تدور ساقية الحانه عشقا ..ويصدح فى القاهرة حبا للوطن!!!
Author: seham_musa
Date: 04-26-2005, 12:57 PM
Parent: #1
الاخت نادية
كم كنت اتمنى ان احضر معكم هذه المناسبة السودانية
ساقية الصاوي
حضرت فيها الكثير من المناسبات السودانية كلما احضر للقاهرة
د. الفاتح حسين
حضرت له ليلة دارفور مع الفنان العملاق عمر احساس بالقلعة العام الماضي واشاد بها جميع الحضور
|
Post: #4
Title: Re: د. الفاتح حسين الموسيقار الرائع ..تدور ساقية الحانه عشقا ..ويصدح فى القاهرة حبا للوطن!!!
Author: نادية عثمان
Date: 04-26-2005, 04:53 PM
Parent: #2
الحبيبة الغالية سهام موسى
نعم ليتك كنتى هنا ايتها الاميرة ليكتمل بك الفرح ..والبهجة
لكن الجايات اكتر باذن الله
ودكتور الفاتح مابيغيب عن القاهرة كتير ..وايمكن لحدى ماتجى انتى القاهرة الشهر البعد الجاى يكون الفاتح بيعد لحلفتو الجاية
كونى بالف خير ياصديقتى الغالية
|
Post: #3
Title: Re: د. الفاتح حسين الموسيقار الرائع ..تدور ساقية الحانه عشقا ..ويصدح فى القاهرة حبا للوطن!!!
Author: خضر عطا المنان
Date: 04-26-2005, 01:10 PM
Parent: #1
زميلتي الحبيبة العزيزة : نادية
أني من هنا ـ ومن وسط هذا الصقيع الأوروبي الشمالي الملامح ـ أن أحييك
وأنت ترسلين هذا النشيج الأدبي الفني الرائع عبر فضاءات منبر أضحي وطنا
مفترضا لنا نحن من تم تغييبه قسرا عن بلاد النيلين وأهلها الغبش الغلابة..
شكرا وألف شكر لك .. وعبرك أحيي صديقي المبدع الدكتور الفاتح حسين الذي كان
لي يوما بعروسة الخليج ( أبوظبي ) شرف أن أرافقهم تقديما ومجالسة في أكثر من حفل
وبصحبتهم ( أم كلثوم السودان ) كما أطلقت عليها صحف الأمارات الصديقة الضريرة
البصيرة ( حنان النيل ) .. وبالله عليك بلغيه سلامي وشوقي الكتير وكل تلك الكوكبة
التي كانت بصحبتهم أنذاك .. وأخبريه بأن صورا رائعة أحتفظ بها لهم ومعهم هي بحوزتي
أأمل أن اجد وسيلة لايصالها لهم ( كل أعضاء الفرقة ) . .
ولك ودي وعظيم تقديري يا بت عثمان مختار .
* ( راجعي بوست : الحبيب بكري هذاالقلم جدير بأن يكون بيننا )
خضرعطا المنان
[email protected]
|
Post: #5
Title: Re: د. الفاتح حسين الموسيقار الرائع ..تدور ساقية الحانه عشقا ..ويصدح فى القاهرة حبا للوطن!!!
Author: نادية عثمان
Date: 04-26-2005, 08:18 PM
Parent: #3
الغالى خضر عطا المنان
عندما اجد الكلمات التى ترتقى الى مستوى سردك الحميم ولغتك الحنينة هذه سأعود حتما للرد عليك
والى ذلك الميعاد سابلغ رسالتك الى دكتور الفاتح حسين
|
Post: #6
Title: Re: د. الفاتح حسين الموسيقار الرائع ..تدور ساقية الحانه عشقا ..ويصدح فى القاهرة حبا للوطن!!!
Author: Elmosley
Date: 04-27-2005, 02:53 AM
Parent: #1
بلغيه عميق شكري ومحبتي
وتمنياتي بالتوفيق
وبلغي مها احترامي ومعزتي
|
Post: #7
Title: Re: د. الفاتح حسين الموسيقار الرائع ..تدور ساقية الحانه عشقا ..ويصدح فى القاهرة حبا للوطن!!!
Author: نادية عثمان
Date: 04-27-2005, 07:18 AM
Quote: بلغيه عميق شكري ومحبتي
وتمنياتي بالتوفيق
وبلغي مها احترامي ومعزتي
|
ياسلاااااااام ياود الخال ..ياخى انشاء الله لاتموت لاتفوت ياموصلى
والله طلتك دى بالدنيا
يا
واحشنى
وحاضر اعتبر تحاياك وصلت للفاتح ومها
بس انت ماطول الغيبة
وحياة
ام سماح
و
وبريدك ياحبيبى بريدك
والامانى السندسية
يالحجروك عليا ياموصلى !!
|
Post: #8
Title: Re: د. الفاتح حسين الموسيقار الرائع ..تدور ساقية الحانه عشقا ..ويصدح فى القاهرة حبا للوطن!!!
Author: نادية عثمان
Date: 04-28-2005, 02:59 PM
Parent: #7
ماتنسوا الحفلة بعد بكرة يانااااااااااااااس
والحزن والفرح متلازمين برضو !!
|
Post: #9
Title: Re: د. الفاتح حسين الموسيقار الرائع ..تدور ساقية الحانه عشقا ..ويصدح فى القاهرة حبا للوطن!!!
Author: أيمن حسين فراج
Date: 04-28-2005, 03:23 PM
Parent: #8
.............
الجميل السادة
.............
أنا متأكد أنني ساستمع إلى موسيقى
تشعل في الروح طاقتها (الأرجوانية)
والطاقة القصوى أرجوانية
يا نادية (الجميلة)
ما سنسمعه غدا (موسيقى سادة)
والموسيقى غير معنية بالفرح أو الحزن
جمال بس
سنتلقي
|
Post: #10
Title: Re: د. الفاتح حسين الموسيقار الرائع ..تدور ساقية الحانه عشقا ..ويصدح فى القاهرة حبا للوطن!!!
Author: نادية عثمان
Date: 04-29-2005, 01:05 PM
Parent: #9
Quote: يا نادية (الجميلة)
ما سنسمعه غدا (موسيقى سادة)
والموسيقى غير معنية بالفرح أو الحزن
جمال بس[/
ايمن العزيز
وهو فى اجمل من الجمال ...خصوصا لو كان وبس ؟!!!!
|
Post: #11
Title: Re: د. الفاتح حسين الموسيقار الرائع ..تدور ساقية الحانه عشقا ..ويصدح فى القاهرة حبا للوطن!!!
Author: Elmosley
Date: 04-30-2005, 07:18 AM
Parent: #7
اغيب عنك يضيع سر الحضور مني
ويضيع فني وشعور
اني انا الانسان
|
|
|