بشكرك شديد بكري أبو بكر على إتاحة الفرصة وبشكر كل أهل هذا الحوش الجميل .. توجد ( شخصية عامة) !!

أسمح لي أتقدم بأسمى آيات الشكر ليك يابكري ولكل ناس هذا الحوش الطيب أهله
وبالجد جميل أن تعرف معادن الناس الأسوياء ودي مابتتعرف إلا في الشدة !
وأمبارح ولحدي الليلة الصباح قبل ما أنوم وأنا مليانة بشعور الثقة والمعزة والإمتنان
لكل ناس المنبر لوقفتهم القوية في وجه الظلم الإتعرضت ليهو زميلة ليهم وهي العبدة لله نادية عثمان ( شخصية عامة) !!
والبوست الأتكتب أمبارح بي حروف الدم والإحساس بالظلم ماكان شخصي
ولا فيهو شئ شخصي وقد ذكرت سبب العداء وإندلاع شرارته من تحقيق صحفي !

كان بوست عام في منبر عام من شخص عام لشخصية عامة !

مافتحتو عشان الأقي العطف ولا الإستحسان من زول لكن عشان الأقي الإنصاف
ويعرفوا كل الناس أخلاق بعض ( الرجال) وطريقة تفكيرهم وتعاملهم !

في المنبر ده في كوكبة من القانونيين الممكن يفيدوا الزول لما يتعرض
لعملية إبتزاز وتهديد وده شئ مطمئن والحمد لله!

المنبر ده ماحصل إستخدمتو لتصفية حسابات خاصة وماعندي شئ مع زول أصفي معاه حساب هنا

والموضوع الطرحتو كان بسبب تحقيق صحفي وعمل تلفزيوني عاااام!

لو كنت عارفة البوست بتسحب ماكنت نمت نهائي على الأقل لغاية ما أقرأ آخر مداخلة

وأرد على كل الناس الجميلين الإتداخلوا هناك وأشكرهم !

وبشكرهم كلهم لأنهم أثبتوا لي أن الدنيا مازالت بخير وفيها من يرفض الظلم ويقف الى جانب المظلوم وبس!

وبشكرك يابكري أبو بكر شديد وبشكر كل الناس ومن لا يشكر الناس لا يشكر الله !

ندوية شنو يعنى اجى مصر وماشوفك

محمد عادل ؟

إنت هنا وماجيت رحلة بورداب القاهرة ؟

والله بالغت عدددديل ياخ !

والله ماعارفة إنك هنا يامحمد ( وش زعلان)

العزيزة نادية كل سنة وانتي بخير ,,
تداخلنا في ذلك البوست صباح اليوم لبعدي عن النت هذه الايام , ولكن ما ذكرتيه من حقائق وحسب ما عرفناه عن هذا الرجل فانني
اقترح المضئ قدما في اجراءتك القانونيه ,,
وكلنا معك ,,,
كوني بالف خير

الإنسان الخلوق العوض المسلمي

تحية بحجم وطن الجدود

وكل عام وأنت ومن تحبهم جميعاً بألف خير

Quote: تداخلنا في ذلك البوست صباح اليوم لبعدي عن النت هذه الايام ,

أسفي الشديد لأنني لم أرى العديد من مداخلات الكرام والكريمات فقد حرست البوست
حتى الساعة الثامنة صباحاً ثم غلبني نعاسي فنمت وليتني لم أفعل حتى لا تفوتني مداخلات الكرام
وحقيقة لا أدرى ما الذي جعل الأخ بكري يسحب البوست وهل حدث فيه شئ غريب بعد منامي ؟!!

Quote: ولكن ما ذكرتيه من حقائق وحسب ما عرفناه عن هذا الرجل فانني اقترح المضئ قدما في اجراءتك القانونيه ,,

هذا أمر مفروغ منه ولي بعض الأصدقاء من السودانيين والمصريين كذلك شرعوا بالفعل في مساعدتي لأكمال هذا الإجراء فوراً !!

Quote: وكلنا معك ,,, كوني بالف خير

ياها المحرية فيكم ود أبوي شيخ المسلمي

ولو ماجيتا من زي ديل .. كان آسفاي وآ ماسأتي وآ ذلي !

رافعة رأسي عاليااااا فأنا سودانية وفخورة بابناء بلدي السودان !

الزميلة المحترمة نادية
تضامننا معك بلا حدود
و فى القانون ما يردع كل متطاول عليه..
حركى اجراءاتك هنا و لو بتوكيل محامى

الاخت ناديه

ارجو ان لا يمر هذا الموضوع من غير ان تاخدي
حقك بقوة القانون

ندعمك من غير حدود

المحترم نادر أبو كدوك

حبابك

Quote: ارجو ان لا يمر هذا الموضوع من غير ان تاخدي حقك بقوة القانون

باذن الله وماضاع حق وراءه مطالب !

نادية ياشخصية ياعامة
سلامتك مالك يمة
مازالت احزان فراق خالي العزيز تمنعني من
التواصل الابداعي مع البورد
لكن لما شفتك جيت جااااري اهنيك بالعيد
واشوف نادية صحبتي

أخوي العزيز حافظ كنجال

حبابك ملايين وإن شاء الله البركة فيكم في وفاة خالك

كيفك وكيف المدام وولدكم الحلو عساكم بخير يارب

الإنسان الجميل

أنور التكينة

حبابك ملايين

Quote: الزميلة المحترمة نادية تضامننا معك بلا حدود و فى القانون ما يردع كل متطاول عليه.. حركى اجراءاتك هنا و لو بتوكيل محامى

ياها المحرية فيكم أخوي وباذن الله لن يضيع حقي فالله لا يحب الظلم ولا الظالمين !

بكري أبو بكر أخوي

حبابك

بحاول أرسل ليك في رسالة في الماسنجر عشان أسألك البوست حصل فيهو شنو يستاهل السحب !

لكن الرسالة حلفت ماتجيك !

أها سحبتو ليه ؟

ممكن ترد في الخاص سمح؟

وياااااريت لو رسلت لي البوست اقراهو برااي في إيميلي تكون ماقصرت والله !

نادية تدفعى كم واوريك كان فيه شنو لاخر لحظة ...

...

سرورة العسل

رئيسة الإستخبارات العسكرية (وش أخدر بيضحك)

Quote: نادية تدفعى كم واوريك كان فيه شنو لاخر لحظة ... ...

عليييييييك الله توريني وبدفع ليك نص عمري والنص التاني بدفعو لبكري ( وش مابيعرف يعمل وشوش بتضحك) !

نادية ....

خلاص انتى وقفتى وين مانكون وقفنا سوا

سرورة السمحة

Quote: خلاص انتى وقفتى وين مانكون وقفنا سوا

والله وقفت تقريبا عند الساعة الثامنة صباحا وآخر شئ شفته البطانية !( وش بردان)

ندوش سلام



غايتو أخر مداخلة كانت حقتي (رجلي مكوة بس ) ..


كتبت كلام كتيير ما بقدر اعيدو ..


خلاصتو إني قلت لأستاذ تاج السر (الذي لااعرفه) اننا مرات بنسيء تقدير مواقف ناس قريبين مننا بحسب توقوعاتنا لكن ده ما ملزم بالنسبة ليهم ..




وانو (الأبناء ) إطلعوا من المواضيع وانكم تتفاهموا كانداد وتتصافو يا نادية ـ عشم ـ ..لانو ممكن ببساطة ممكن تكون في حاجة رايحة في فهمكم لبعض ..



وفي الاخر الخيار ليك ولتقديرك



محبتي

دلوووووووووش


تسلمي ويارب تكوني بألف خير ياحبيبة

Quote: غايتو أخر مداخلة كانت حقتي (رجلي مكوة بس ) ..

يااااااااااخ بالغتي والله .. طيب ماكان تجيبي معاك تشتشة موية باردة للمكوة دي ههههههههههه

Quote: كتبت كلام كتيير ما بقدر اعيدو .. خلاصتو إني قلت لأستاذ تاج السر (الذي لااعرفه) اننا مرات بنسيء تقدير مواقف ناس قريبين مننا بحسب توقوعاتنا لكن ده ما ملزم بالنسبة ليهم .. وانو (الأبناء ) إطلعوا من المواضيع وانكم تتفاهموا كانداد وتتصافو يا نادية ـ عشم ـ ..لانو ممكن ببساطة ممكن تكون في حاجة رايحة في فهمكم لبعض .. وفي الاخر الخيار ليك ولتقديرك

يازولة وحاة الله لا في حاجة رايحة ولا حاجة !

ده زول إعتاد يصفي حسابات ده في ده ويتفشى غبينتو من ده في ده !

تسلمي على النصيحة حبيبتي وخلينا نجرب شغل المحاكم وأقسام البوليس غايتو ومجبرة أختك لا بطلة !!

ما هكذا إصلاح ذات البين يا إخوان

سلام وتحية لصاحبة البوست ولجميع الذين تداخلوا
فى البوست المحذوف ، وحسنا فعل الأخ بكرى فى حذفه ..
كنت قد قرأت كل مداخلات الأخوة ، وأسفت كثيرا ، لأن فقط
إثنين أو ثلاث أحسنوا النصح وأبدوا كلمات طيبه يودون فيها
إصلاح بينكما ، لأنه والله حتى المحاكم لا تروى الغليل وتصفى النفوس
وإن أخذت بالحقوق ، لذلك ما هكذاتكون المساندة ورأب الصدع
بين الخصمين ، فمهما يكن من أمر فوسيلة التهدئة مطلوبة من الأعضاء
الذين أدلوا بآرائهم ، فالتلويح واللجوء للقانون هو الفيصل دائما
بين الخصماء لأن حتى القانون ينظر فى البدء فى الصلح والمسامحة
قبل الشروع فى الحيثيات والأسباب ، فالتصالح والعفو بينكما هو
من شيم الأقوياء كما هو معروف ،

ولكن أن يأتى كل من له شيئا مسبقا ويقول ما يشاء وهناك من يشتم
فهذا ليس من أصحاب العقول فى شيء ،
لذلك حسنا فعل بكرى بحذفه عندما بدأت المشكلة تأخذ منحا آخر من البعض
بارك الله فى كل من أراد لهما الصلح والتصالح وكفى عين الشر ..

وآمل يا أخت ناديه أن تكتفى بهذا القدر من تناول الموضوع وأذكركما
بقول المولى عز وجل : فمن عفا وأصلح فأجره على الله ..
ونفخر دوما بأننا أهل للتسامح والمحبة ..
لكما التحية والتقدير ،

محمد مختار جعفر

سارة كرودى كضابه زى مزمل على
اخر مداخله كانت حقتى انا على رضا وكان ناقل
كلام د.بله لتاج السر والذى كتبه تاج السر فى موقع نيو
سودان وانا رديت لما جيت اشوف البوست وحاتك بكرى
بللنى مداخلتى وسقانى مويتها
المهم امضى فى قضيتك العادله،،

صديق الموج ؟؟

يعني كنت حاضر وماكلمتني ؟

وليه ماحفظت لي نسخة من البوست ياخ أنا موش تعبانة فيهو ؟

قلت لي منو قال شنو ؟

كدي إنت وين هسة في بيتكم ولا بيت بتك العروس ؟!(وش عايز يعرف الحصل بالزبتي ) !

الأستاذ الكريم محمد مختار جعفر

Quote: وأسفت كثيرا ، لأن فقط إثنين أو ثلاث أحسنوا النصح وأبدوا كلمات طيبه يودون فيها إصلاح بينكما ،

إصلاح بيننا دي لو كان الخصم إنسان بحق ويؤمن بأن البشر ليس منزهين عن الأخطاء
ولا التسبب في ظلم الآخرين لكن ذلك الرجل يؤمن إيماناً كاملاً أنه منزه
وأنه رب الحكمة والفضيلة الأعلى وأن كل من عداه لا يساوون غرزة في نعله كما يردد دوماً !

Quote: لأنه والله حتى المحاكم لا تروى الغليل وتصفى النفوس وإن أخذت بالحقوق ، لذلك ما هكذاتكون المساندة ورأب الصدع بين الخصمين ، فمهما يكن من أمر فوسيلة التهدئة مطلوبة من الأعضاء الذين أدلوا بآرائهم ، فالتلويح واللجوء للقانون هو الفيصل دائما بين الخصماء لأن حتى القانون ينظر فى البدء فى الصلح والمسامحة

لو أنك تعرف هذا الرجل جيداً لعرفت أن نزعة الإنتقام داخله من كل الناس

حتى من لم يمسوه بسوء هي أكبر بكثيييير من نزعة الخير والتسامح والتواضع والغفران !

بتعرف مرض إسمو جنون العظمة ؟!

كامل التضامن معاك يا نادية ضد الاساليب الرخيصة...

العزيز إيهاب إسماعيل

Quote: كامل التضامن معاك يا نادية ضد الاساليب الرخيصة...

تسلم ياها المحرية فيك ود أبوي ماعدمتك إن شاء الله يارب ,,

قال الله تعالى
لاَّ خَيْرَ فِي كَثِيرٍ مِّن نَّجْوَاهُمْ إِلاَّ مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلاَحٍ بَيْنَ النَّاسِ وَمَن يَفْعَلْ ذَلِكَ ابْتَغَاء مَرْضَاتِ اللّهِ فَسَوْفَ نُؤْتِيهِ أَجْرًا عَظِيمًا . صدق الله العظيم
ـــــــــــــــــــــــــــ

Quote: بتعرف مرض إسمو جنون العظمة ؟!

نعم أخت ناديه ، ( بما يسمى بذلك ) ونسأل الله الشفاء والهداية له وللجميع
وحتى إن كان ذلك كذلك ، أليس من الحكمة أن نتحاشا ذلك ونتغافله تماما
ونمضى بقول حسبنا الله ونعم الوكيل ، ... وياجبل ما يهدك ريح ، أليس كذلك ..
مع تمنياتى الطيبة فى إصلاح الأحوال وتصفية القلوب والأجر على الله ..

محمد مختار جعفر

المفضال الأستاذ محمد مختار جعفر

تسلم على مساعييك الحميدة في إصلاح ذات البين

و

Quote: نعم أخت ناديه ، ( بما يسمى بذلك ) ونسأل الله الشفاء والهداية له وللجميع

أتمنى لنفسي وله ولنا جميعا الهداية يارب العالمين ,,

العزيزة نادية تحياتى و كل سنة و انت طيبة

طبعا بوست امس المذكور دا ما عارفين التفاصيل الفيهو
لانو فاتنا ، لكن لثقتنا فيك و انك انسانة ما بتغلطى
مع زول و انك انسانة مسالمة اقول ليك :

ارمى قدام و كلنا معاكى



أحمد العمار

العزيزة نادية..
آمل أن تكوني قد اطلعتي على مداخلتي بالأمس..
وبما أن الإيميل الذي عرضتيه..
كان يحتوي عبارات تهديد ووعد بالملاحقة المستمرة..
أنصحك بالبدء فورا في إجراءاتك القانونية..
والبدء في هذه الإجراءات لا يعيق حقك في العفو والتنازل في أي مرحلة كانت عليها الإجراءات..
والأهم في الإجراءات الجنائية أنها سوف تيسر عليك الحصول على تعويض مالي بالطريق المدني لاحقا..
فلا تتهاوني في حقوقك ولا تجاملي فيها أبدا...
حفظك الله.

العزيز محمد علي طه الملك

حبابك ملايين ياود الأصول ياراقي

وفعلا قريت مداخلتك الثرة والموضوعية والمنصفة جدا

وكنت بصدد الرد عليك والآخرين لولا أن غلبني سلطان النوم عند الثامنة صباحاً

وقد جلست للردود على المتداخلين يوم بكامله !

Quote: العزيزة نادية.. آمل أن تكوني قد اطلعتي على مداخلتي بالأمس.. وبما أن الإيميل الذي عرضتيه.. كان يحتوي عبارات تهديد ووعد بالملاحقة المستمرة.. أنصحك بالبدء فورا في إجراءاتك القانونية.. والبدء في هذه الإجراءات لا يعيق حقك في العفو والتنازل في أي مرحلة كانت عليها الإجراءات..

تسلم يارب وهذا هو بالفعل ماشرعت في تنفيذه بمساعدة قانونيين ومحاميين أفذاذ تبرعوا لتولي ملف قضيتي العادلة !

Quote: والأهم في الإجراءات الجنائية أنها سوف تيسر عليك الحصول على تعويض مالي بالطريق المدني لاحقا.. فلا تتهاوني في حقوقك ولا تجاملي فيها أبدا...

حد الله بيني وبين ( مليم أحمر) من مال هذا الرجل!!

وماأريده فقط هو تحقيق العدالة في رجل يصر على ظلمي والإساءة لي

ويعترف بتشهيره بي في مدونته الخاصة والفيسبوك ومنابر الحوار والايميل أيضاً !

Quote: حفظك الله.

ياسلااااااام

أجمل دعاء والله وربنا يحفظك إنت كمان يارب ,,

العزيز الغالي أحمد العمار

تحية زي الورد والفل البلدي

Quote: طبعا بوست امس المذكور دا ما عارفين التفاصيل الفيهو لانو فاتنا ، لكن لثقتنا فيك و انك انسانة ما بتغلطى مع زول و انك انسانة مسالمة اقول ليك : ارمى قدام و كلنا معاكى

تسلم أخوي وبوست أمبارح كان عن الظلم لما يكون ماشي على كرعين وبشبط في رقاب الناس !


لكن بكري سحب البوست بس لسة ماعارفة ليه !!

كامل التضامن معكى يا نادية ضد ما تتعرضين له
أعملى ما يرضيه ضميرك فى المقام الأول وكامل مساندتى لكى












---------------
بوست أمبارح قريتو سطر سطر وكنت متابع لغاية ما بكرى حذفو (بالله عملت رفريش عشان اكتب رد بعدداك لقيت نفسى فى السهلة)

أخوي العزيز شول أشوانق

تحية تشبه قلبك الطيب الجميل

Quote: بوست أمبارح قريتو سطر سطر وكنت متابع لغاية ما بكرى حذفو (بالله عملت رفريش عشان اكتب رد بعدداك لقيت نفسى فى السهلة)

طبعا بكري خلاني أندم على النومة ياخ وهسة ماعارفة حصل شنو في البوست عشان يسحبو !


أحكي لي في الخاص ياشول ( وش مغيوووظ ونعسان) !

عزيزتنا نادية،
تحياتي واللي جاتك فى بوستيك سامحتك

ارى أن البوست قد أدى غرضه، وتفرغي لمساءلته قانونياً
وأظن أن بكري قد حذفه بعدما نشر أحد الأعضاء مدونة الأخ تاج السر حسين - على حسب الاسم فى المدونة (لا أدري أهو تاج السر الحسن أم حسين؟)
وفيها توجه بالشتائم للأخ بكري أبو بكر، وفى رأيي الشخصي أظنه هذا هو السبب الحقيقي فى حذفه للبوست - والله وبكري أعلم.

الغريبة فى الموضوع، قد لاحظت أن الأخ تاج السر قد أثني على المشاركات الداعية للصلح؟! لوول
والله بصراحة استغربت منه، واحتمال كبير يا نادية إنو الزول دا مكسر فيك - مجرد ملاحظة

وتقبلي فائق تقديري واحترامي

النذير ؟

ياخ اول ماشفت إسمك جيت جااااارية قلت بس النذير اخوي ده بيكون محتفظ لي بنسخة من البوست المسحوب ( وش كان عشمان) !!


ياخ إنت خبير تكنولوجيا ماكنت تعمل حسابك وتحفظو لي معااااااك يااااخ ( وش مغيووظ)

Quote: ارى أن البوست قد أدى غرضه، وتفرغي لمساءلته قانونياً وأظن أن بكري قد حذفه بعدما نشر أحد الأعضاء مدونة الأخ تاج السر حسين - على حسب الاسم فى المدونة (لا أدري أهو تاج السر الحسن أم حسين؟) وفيها توجه بالشتائم للأخ بكري أبو بكري، وفى رأيي الشخصي أظنه هذا هو السبب الحقيقي فى حذفه للبوست - والله وبكري أعلم.

مدونة دي ياتها ؟

ماشفتها ولا لي رغبة اشوفها والله لكن ممكن تحفظ لي منها الإساءات الموجهة لي وترسلها في الخاص بتنفع برضو سمح؟

Quote: الغربية فى الموضوع، قد لاحظت أن الأخ تاج السر قد أثني على المشاركات الداعية للصلح؟! لوول والله بصراحة استغربت منه، واحتمال كبير يا نادية إنو الزول دا مكسر فيك - مجرد ملاحظة

صلح ؟

مع زولة لا تساوي غرزة في نعاله القديم ؟ ( وش محتار)

معليش لو قال لا أساوي غرزة في نعاله الجديد لكن القديم دي ماحارة ياالنذير أخوي ؟ ( وش غلباااان) !

الاخت نادية مصطفى هى سلامتك والبنات انضر عدوك يا يمة وتسلمى أنت 0

شنو الحاصل فى حوش بكرى أنشاء الله خير وبركة طبقا القلم أعداه كثر وخاصة اللذين لايتمتعون

بروح عالية وزى ما بقول المثل الفهم قسمة ونصيب 0بس عيب القلم مرات يضل الطريق لذا يجب علينا

أن نتوخى الحذر فى كتابة أى موضوع مهما كان نوعه لاننا لو جارينا السماع سوف نفقد المصداقية

واذا حدث هذا يا دنيا عليك السلام 0لذا فهذا ليس لتصفية الحسابات بل لتمليك المعلومة للانسان البعيد

عن الحدث فمن هنا يجب علينا كلنا أن نحى المهندس بكرى أبو بكر الذى قرب المسافة بيننا من خلال هذا

الموقع 0لذا أطالب المعارض والمؤيد أن يذكر أننا كلنا سودانيين نتمى لوطن واحد مهما كان حجم

الخلاف يجب علينا أن نحمى هذا الوطن بان نرفع أصواتنا عالية مطالبين بالحق المسلوب وهذا لايتم عن

عن طريق المهاترات والتراشق بالكلمات بل يتم عن طريق العدالة بأن نقدم هولاء القوم الى القضاء

فنتحد حتى ولو لمدة دقيقة واحدة لكى يكون لنا لسان واحد وقلم واحد لاننا نحاكم أناس متفقين

ونحن مختلفين وهذا هو السبب الذى أتى بهولاء القوم اذا لم نتفق ونوحد قلمنا سيظل هولاء القوم

على سدة الحكم الى أن تقوم الساعة 0اذا كنتم فعلا جاديين فالنبتعد عن المهاترات ونوحد القلم والا000

Quote: حد الله بيني وبين ( مليم أحمر) من مال هذا الرجل!!

مع احترامي لهذا الموقف المتجذر في تقاليدنا السودانية..
ولكن بما أن التعويض خاصة في الشئون الماسة بالسمعة يتعدى حقك الفردي الى الأسرة..
أوصيك بالتمسك به..
ويمكنك التبرع بما يحكم به لأي مركز رعاية..
او منظمة تنادينا بهذا الموقع.

الاخ هذا هو المنطق الناس ديل ما فى طريقة لابعادهم عن السلطة الا بالاتفاق لكن خلاف ذلك لا يا ود

الملك أى عشان تتملك من هولاء القوم 0 عليك الله يا ود الملك لونك شنو بس أوعى تقول لون زينب 0

ود الملك شغل عقلك شوية أبعد من المحطة دى على الاقل نعرف أنك ليس من التوابع وأن يكون لك رأيك

لكى نحترمك ولا شنو يا 00000000000000000

Quote: الاخ هذا هو المنطق الناس ديل ما فى طريقة لابعادهم عن السلطة الا بالاتفاق لكن خلاف ذلك لا يا ود الملك أى عشان تتملك من هولاء القوم 0 عليك الله يا ود الملك لونك شنو بس أوعى تقول لون زينب 0 ود الملك شغل عقلك شوية أبعد من المحطة دى على الاقل نعرف أنك ليس من التوابع وأن يكون لك رأيك لكى نحترمك ولا شنو يا 00000000000000000

الأخ المحترم صديق

سلام

أظنك يا أخي الأكرم ولأنك ماقريت البوست الأصلي فأنت مافاهم الحاصل شنو وردك على الأخ الملك أكبر دليل !


البوست ده قصتو طويلة والأخ ود الملك بتكلم في مضمونه ومافي سياسة في الموضوع ده خير ؟

الاخ صديق مهدي علي

تسلم من كل شر يارب وفعلا البعد عن المهاترات غنيمة !

لكن مسئول من الخير

Quote: الاخت نادية مصطفى

أنا أبوي الولدني إسمو عثمان مختار لكن مصطفى ده خالي شقيق أمي عزيزة بت ست النساء بت رشيد وبرضو الخال والد ولا شنو ؟

الاخت نادية عثمان
كل سنة وانت بخير
اولا :اعلن رفضي لمثل هذا الاسلوب الذي مارسه الاخ تاج السر ايا كان الخلاف بينكم
كان من الاجدر ان بسلك اسلوبا آخر لحسم ظنونه حتي ان كان ذلك بالتقاضي..
ثانيا:رغم انني اطلعت علي بوست الاخ تاج في منبر مجاور وهو ما اسماه نقد الا انني
احسست ان الشخص في نفسه شئ من حتي..
ثالثا:حكم الاخوة في المنبر بني علي جدعنة السودانيين في نصرة المرأة ومنع التحرش بها
حتي اون كانت مخطئة وهذه عادة سودانية لا يمكننا التخلي عنها.
رابعا:الطرف الاخر بعيد من هذا المنبر والحكم علي شخص لا يستطيع الادلاء بدلوه والدفاع
عن نفسه نوع من الانحياز الغير عادل..
خامسا:كنت اتمني منك ان تسلكي طرقا اخري بديلا لنشر قضيتك علي الراي العام هنا لانه اولا
يضر بقضيتك...ثانيا:مع احترامي لخيارك كان يمكنك نسيان هذا الشخص نهائيا وحظره من التعامل
الاسفيري معك.
سادسا:قد تضر هذه القضية بالتجانس بين بورداب القاهرة ويقيني ان ما حدث في الرحلة الاخيرة
كان ملفتا للنظر..كنتي المبادرة بالدعوة ثم اعلنتي انسحابك ومحاورات الاخوة لكي ثم غياب
الكثيرين منهم ..كل هذا يعطي انطباعا ان هذه المشكلة تلقي بظلالها السالبة علي مجتمع القاهرة
وانتم تمثلون فيها الوطن المصغر..
وصيتي اختنا نادية:ستكونين كبيرة في نظرنا ونظر الجميع ان اعلنت انسحابك من هذه المعركة
ونسيانك امرها نهائيا..وانا متاكد ان الاخ تاج لن يتعرض لك بشئ..وان فعله فمكانه السرايا الصفراء
وليس المحكمة...
اتمني وارجو ان لا يخيب ظني فيكي قفل هذا الملف والاهتمام باشيائك واعتبريه حلم مزعج

ـــــــــــــــــــــــــــــــ