عفواً .. هذه هي شهواتي .. فماذا تشتهون ؟!!

Post: #1
Title: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-24-2008, 10:31 PM

شهوة الأصابع لمداعبة الحروف ومغازلة اللغة !!

شهوة القلب لإطلاق عنان العشق لمفردة إختنقت في رحم الصمت المطبق والخوف القمئ !!

هل اسوأ من ( الخوف) شعور ؟!!

الخوف من نفسك والآخرين ..؟!!

شهوة الرقص على قارعة طريق الحب ..فهل على المحب حرج ؟!!

شهوة إمتطاء خيل الفرح الجامح في زمن التعاسة القسرية !!

شهوة الغناء على سلم خماسي (مسبع وسباعي (مخمس) وجنون النوتة الموسيقية كيفا شاءت لتخرج الألحان كيفما أتفق !!

شهوة الجسد لإستلقاء دون أرق .. ونوم دون نواح .. وأحلام بلا كوابيس !!

شهوة الإرتماء على كتف صديق حقيقي ..يجسّد قول .. رب أخ لك لم تلده أمك !!

شهوة الإطمئنان لجار أمين ..يجسد قول جدتي ( جارك القريب ولا ود أمك البعيد ) !!

شهوة لقاء بعد طول غياب وعناق بعد طول إشتياق وحفنة ورد في اليد اليسرى .. وقُبلة على جبين يستحق !!

شهوة سماع نبأ عظيم .. وإنتهاء حزن مقيم .. وإندثار شجن اليم !!

شهوة مريد البرغوثي بأن تكون الخصومة وأضحة بغير عناق جبان !!

وأخيراً.. شهوة العودة الى منبر سودانيز أون لاين والإنتماء الى ناسه أخيارا وأشرارا فهذه خلطة الحياة السرية رغم إندلاق بُهار الشر كثيفاً و(العطس) من فلفل الخبث والخصام وسعير المؤامرات !!

Post: #2
Title: Re: عفواً .. هذه هي شهواتي .. فماذا تشتهون ؟!!
Author: حنين للبلد
Date: 11-24-2008, 10:33 PM
Parent: #1

Quote: وأخيراً.. شهوة العودة الى منبر سودانيز أون لاين والإنتماء الى ناسه أخيار وأشرار فهذه خلطة الحياة السرية رغم إندلاق بُهار الشر كثيفاً و(العطس) من فلفل الخبث والخصام وسعير المؤامرات !! [/

QUOTE]

نادية عثمان

مراحب والله...مراحب

منبرك نور....يانور

Post: #3
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-24-2008, 10:51 PM
Parent: #2

حنين للبلد

سعيدة أنا بحضورك البهي ياصاحبة القلب الأخضر والحرف الرصين ..

والله ياحنين ان مجرد رؤيتي لإسمك لهو باعث على الإطمئنان في نفسي فكوني بالقرب ياحنين الحنينة ..

Post: #4
Title: Re: عفواً .. هذه هي شهواتي .. فماذا تشتهون ؟!!
Author: سناء عبد السيد
Date: 11-24-2008, 11:02 PM
Parent: #1

Quote: شهوة الجسد لإستلقاء دون أرق .. ونوم دون نواح .. وأحلام بلا كوابيس !!شهوة الإرتماء على كتف صديق حقيقي ..يجسّد قول .. رب أخ لك لم تلده أمك !!شهوة الإطمئنان لجار أمين ..يجسد قول جدتي ( جارك القريب ولا ود أمك البعيد ) !!

شهوة لقاء بعد طول غياب وعناق بعد طول إشتياق وحفنة ورد في اليد اليسرى .. وقُبلة على جبين يستحق !!

شهوة سماع نبأ عظيم .. وإنتهاء حزن مقيم .. وإندثار شجن اليم !!

انا بشتهي الحاجات الفوق دي

أو بمعنى أصح بفتقدا

و حاجة تانية

بشتهي وجودك الدائم بيننا

Post: #5
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-24-2008, 11:21 PM
Parent: #4

الغالية سناء
لمرورك طعم الشهد.. ومن وجودك يكون لوجودي طعم مختلف .. فبكم ومنكم هي الإلفة ..

شكرا لوجودك هنا ..وربنا يحقق كل ماتشتهين ..

Post: #6
Title: Re: عفواً .. هذه هي شهواتي .. فماذا تشتهون ؟!!
Author: baha eassa
Date: 11-24-2008, 11:48 PM
Parent: #5

Quote: وأخيراً.. شهوة العودة الى منبر سودانيز أون لاين والإنتماء الى ناسه أخيارا وأشرارا فهذه خلطة الحياة السرية رغم إندلاق بُهار الشر كثيفاً و(العطس) من فلفل الخبث والخصام وسعير المؤامرات

رغم ان عودتك اعلنت من داخل المطبخ فلاباس .. نحن يهمنا ان تكوني
القا في اي مكان ؟؟

Post: #8
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 01:52 AM
Parent: #6

بهاء ياصديقي الجميل

هاقد لبيت النداء وجئت رغم مرارة الحضور التي تعلمها !!

كن في الجوار ياشقيقي فبوجودأمثالك تتسق الحياة ولا يطغى فيها الشر على الخير أبداً وكن بألف خير ..

Post: #11
Title: Re: عفواً .. هذه هي شهواتي .. فماذا تشتهون ؟!!
Author: ASHRAF MUSTAFA
Date: 11-25-2008, 02:10 AM
Parent: #4

Quote: عفواً .. هذه هي شهواتي .. فماذا تشتهون ؟!!

مرارة

رقبة خروف

فشفاش

كسرة بالموية بالسكر

قاورما

بليلة ودمنة

بطيخة نية

ملوخية بارنب

طايوق نجيض

سنة مكة

بسكيت

عنكوليب

هراري

ياوندة

قرمبع

شريفية

مخ تور

Post: #13
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 02:22 AM
Parent: #11

أشرف مصطفي

مرحب بمرورك الكريم

Quote: مخ تور

حقق الله كل إشتهاءتك يارب ..

Post: #54
Title: Re: عفواً .. هذه هي شهواتي .. فماذا تشتهون ؟!!
Author: ASHRAF MUSTAFA
Date: 11-25-2008, 11:43 AM
Parent: #13

Quote: أشرف مصطفي

مرحب بمرورك الكريم

Quote: مخ تور

حقق الله كل إشتهاءتك يارب ..

واياكم اختي الحبيبة

Post: #7
Title: Re: عفواً .. هذه هي شهواتي .. فماذا تشتهون ؟!!
Author: ناهد بشير الطيب
Date: 11-25-2008, 01:52 AM
Parent: #1

بشتهى ...

نرتب حلمنا التانى ونرجع لى البداية نموت
وحُلْمِكْ يابنية الجدول الشاقى السواقى مقص
قسمتى النخلة منديلين
واحد لى الكلام والقص
والتانى انتظار أُماتْ بُطَانِنْ فى المتاهة خيوط
(الشاعر المكاشفى )

نادية

لك هذه الابيات ...بالجد افتقدناك ...بالجد مشتاقين ..
وبركة بالجية وبالعودة وسط ناسك وأهلك....

Post: #9
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 02:01 AM
Parent: #7

ناهد يارفيقة الزمن الجميل

هل أخبرتك بشهوتي للقائك والتواصل والونسة ورؤية وجهك البسوم ؟؟

هل أخبرتك ياناهد الجميلة بشهوة تبادل القصيد ومناقشة النصوص وتفاصيل المعاني معك في جلسة تحت ضؤ نفسك المفعمة بالخير والمحبة والجمال ؟!!

كوني هنا ياصديقتي فليس سوى هنا وطن يجمعني بك .. ولندعو الله بموعد للقاء قبل الرحيل الآبدي !!

Post: #10
Title: Re: عفواً .. هذه هي شهواتي .. فماذا تشتهون ؟!!
Author: حنين للبلد
Date: 11-25-2008, 02:03 AM
Parent: #1

غايتو يانادية البعجبني فيك

عزفك براااااااااااااااااااه

انتي في وادي....والحسانية في وادي

عشان ماتجتهدي بس بدخل المعركة شوية ...وبجي راجعة لي بوستيك ده شوية اخد نفسي

يلا فتك بي عافية خليني النمشي نشوف العكة القايمة دي

غايتو اخترتي ليك توقيت للعودة بتعرفي براك

Post: #12
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 02:14 AM
Parent: #10

حنين ياحنونة

Quote: غايتو يانادية البعجبني فيك

عزفك براااااااااااااااااااه

انتي في وادي....والحسانية في وادي

هذه شهوة أن تعيش سلاماً في قلب الحروب مختبئاً خلف ساتر زجاجي غير قابل للكسر !!

هو في شنو ياحبيبة ..اوعا يكون لسا الهكر حايم ؟!

Post: #14
Title: Re: عفواً .. هذه هي شهواتي .. فماذا تشتهون ؟!!
Author: شهاب الفاتح عثمان
Date: 11-25-2008, 02:46 AM
Parent: #12

كلمات رقيقه , و خطــوات في طـريق
الحياه هي رغبات ..

متعك الله بالصحه و الامل لاكمال الطــريق وخارطــته ..

_______________________________________________

ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور

Post: #16
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 02:51 AM
Parent: #14

د. شهاب الفاتح عثمان

أسعدني مرورك البهي .. وكلماتك الطيبات

كن بألف خير دوماً

Post: #15
Title: Re: عفواً .. هذه هي شهواتي .. فماذا تشتهون ؟!!
Author: Ehab Eltayeb
Date: 11-25-2008, 02:50 AM
Parent: #1

Quote: وأخيراً.. شهوة العودة الى منبر سودانيز أون لاين والإنتماء الى ناسه
أخيارا وأشرارا فهذه خلطة الحياة السرية رغم إندلاق بُهار الشر كثيفاً
و(العطس) من فلفل الخبث والخصام وسعير المؤامرات !!

واهلا بك يا نادية نسمة تهب علي المنبر ودا وبهاء

ما بهاء عيسي كويس

خالص التحايا

Post: #17
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 04:27 AM
Parent: #15

إيهاب الطيب

سلامات وسعدت بمرورك الجميل

Quote: واهلا بك يا نادية نسمة تهب علي المنبر ودا وبهاء

ما بهاء عيسي كويس

سمح !!

Post: #18
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 04:31 AM
Parent: #17

شهوة أن تفهم حيث لا مجال إلا لسؤ الفهم !!!

Post: #19
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 04:38 AM
Parent: #18

شهوة أن ينصفك من ظلمك ولو من دون قصد ..وعلى رأي من قال : يابخت من بات مظلوم ولا بات ظالم !!

Post: #21
Title: Re: عفواً .. هذه هي شهواتي .. فماذا تشتهون ؟!!
Author: حسين نوباتيا
Date: 11-25-2008, 05:28 AM
Parent: #19

الفنانة الراقية مرهفة الاحساس مالكة نص الحرف شعرا ونثرا..
الندية التى تفيض نقاءا وجمالا و سحرا وعزوبه ...

قريبا كنت اجلس وحدي وانا اصفق كمن يشاهد عرضا موسيقي راق ..
غمرتني انغامه سماوية المنشاء و هي تهبط كذخات الثلج المشبعة
بجمال الحرف واتقان الصياغة فاخاذتني من ابداع لابداع ..
وكان هذا في مجادعة بينك وبين المبدع عبدالله وداعة الامين..

لو كان لي من امرك شئ لعزلتك عن العالم ..
واخذت كل متاعك...

عدا
.
.
.
.
ورقة
.
و
.
.
.
قلم

Post: #25
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 09:19 AM
Parent: #21

الكريم حسين نوباتيا

شكراً لفيض كرمك الذي غمرتني به نيلاً في عز الفيضان !!

Quote: لو كان لي من امرك شئ لعزلتك عن العالم ..
واخذت كل متاعك...

عدا
.
.
.
.
ورقة
.
و
.
.
.
قلم

وهل أروع من ورقة وقلم هدية غالية لفضفضة وبوح وشجن نبيل ؟!!

كن بالجوار فلوجودك طعم الطمأنينة ..

Post: #24
Title: Re: عفواً .. هذه هي شهواتي .. فماذا تشتهون ؟!!
Author: عماد محمود علي
Date: 11-25-2008, 06:07 AM
Parent: #19

أشـــتهي :وجودك بيـننا في عالمنـــا الأســفيـــــري دون غيــاب أو أنسـحاب ....

كونــــي بخيــــــــــــــــــــــر .

ولك التقديـــــــــر والاحتـــرام .

Post: #28
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 09:36 AM
Parent: #24

عماد محمود أيها الرجل الجميل

Quote: أشـــتهي :وجودك بيـننا في عالمنـــا الأســفيـــــري دون غيــاب أو أنسـحاب ....

شهوة أن تكون الأسافير عالم جميل ..حتى لا نغادرها بعد جولة غدر مميتة !!

كن كما انت نقياً وطاهر القلب ..

Post: #20
Title: Re: عفواً .. هذه هي شهواتي .. فماذا تشتهون ؟!!
Author: محمد حيدر المشرف
Date: 11-25-2008, 05:09 AM
Parent: #1

ناديه سلامات

شهوات البرغوثى كلها وعلى حد السواء تغرينى بترك هذا المنبر

كطلاق بائن بينونه يائسه

فشهوة ان نكتب فى منبر سواه ..

..

شهوة لبلاد تطالب ابناءَها
باقل من الموت جيلا فجيلا
وفيها من الوقت وقتٌ نخصصه
للخطايا الحميمه والغلط الادمى البسيط
وزحزحةِ الافتراض البطوليِّ عنّا قليلا
فمسكينةٌ أُمَّةٌ حين تحتاج كلَّ البطولات من كلِّ أبنائها
وتعيش الحياةَ قتيلا قتيلاً
**
شهوةٌ لبلاد تقل الاناشيد فيها
وفيها نعود الى نمنمات احتياجاتنا العابرات
بلا خجل او ندم
**
شهوة ان ارد على الهاتف المتاخر ليلا
بدون التوجس من كارثه
**
شهوة ان اكون الضحيه لامراة عابثه
لا لثوريِّ هذا الزمان

Post: #22
Title: Re: عفواً .. هذه هي شهواتي .. فماذا تشتهون ؟!!
Author: Hisham Osman
Date: 11-25-2008, 05:43 AM
Parent: #20

شهوة ان تكون العداوة في عزها واضحة غير مخدوشة بالعناق الجبان

Post: #34
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 09:57 AM
Parent: #22

هشام عثمان سلامات

Quote: شهوة ان تكون العداوة في عزها واضحة غير مخدوشة بالعناق الجبان

نعم ..هذا هو الطريق فالوضوح قد يجعل العدو صديقاً يوماً وبغير الوضوح يظل العناق جباناً..والعدو قمئ جدا !!

Post: #32
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 09:49 AM
Parent: #20

الإنسان الراقي محمد حيدر المشرف

Quote: شهوات البرغوثى كلها وعلى حد السواء تغرينى بترك هذا المنبر

كطلاق بائن بينونه يائسه

فشهوة ان نكتب فى منبر سواه ..

..

بل شهوة أن يبقى أمثالك هنا فلوجودك طعم التوازن لكي لا يطفو القُبح فوق الجمال!!!
ولكتاباتك وقع طيب اتابعها من على البعد فلا تحرمني منها عندما كسرت حاجزي النفسي وقفزت فوق الآمي ولنقل معاً.. نعم للجمال والنقاء والعناق الشجاع دون خنجر مخبؤ وراء الظهر ..ودون إنصات لخبث الشياطين !!

كن هنا فوجودك مهم جدا ..جدا ..

Post: #23
Title: Re: عفواً .. هذه هي شهواتي .. فماذا تشتهون ؟!!
Author: محمد البشرى الخضر
Date: 11-25-2008, 06:02 AM
Parent: #1

مرحبا نادية
حمدا لله على السلامة

Post: #26
Title: Re: عفواً .. هذه هي شهواتي .. فماذا تشتهون ؟!!
Author: سمية الحسن طلحة
Date: 11-25-2008, 09:22 AM
Parent: #23

Quote: شهوة أن تفهم حيث لا مجال إلا لسؤ الفهم !!!

كوني دائما بخير ياعزيزتي .

Post: #38
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 10:06 AM
Parent: #26

الإنسانة الرقيقة والمرهفة سمية الحسن طلحة

شكراً للأسافير التي جمعتنا معاً فمثلك يتشرف المرء به وبمعرفته ..

شهوة أن نكون أنفسنا دون أقنعة ورتوش !!

Post: #36
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 10:01 AM
Parent: #23

محمد البشرى الخضر

تسلم يارب

وشهوة أن تكون العصافير مغردة باللحن الذي يروقها وقتما وكيفما شاءت دون رقيب عتيد !!

Post: #27
Title: Re: عفواً .. هذه هي شهواتي .. فماذا تشتهون ؟!!
Author: العوض المسلمي
Date: 11-25-2008, 09:29 AM
Parent: #1

هلا ومرحبا بالاستاذه ناديه عثمان ,,

Post: #39
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 10:13 AM
Parent: #27

المسلمي

حبابك مليون ياغالي

شهوة أن يكون في الدنيا أناس أمثالك من رجال بقلوب عصافير بيضاء بغير سوء .. نقية لا يخالطها خبث .. طيبة كقلوب الأطفال بغير مكر ولا شر !!

Post: #72
Title: Re: عفواً .. هذه هي شهواتي .. فماذا تشتهون ؟!!
Author: العوض المسلمي
Date: 11-25-2008, 04:01 PM
Parent: #39

شكرا ناديه

نشتهي القلب الحنين

واليد النظيفه

واللسان العفيف

والكلمه الطيبه

والعذر للاخ بغيابه ,,,

تسلمي يا من غيرتي اتجاه منبرنا من غليظ القول الي ارقه واطيبه

تحية اخاء وموده ,,,

كل الود

Post: #29
Title: Re: عفواً .. هذه هي شهواتي .. فماذا تشتهون ؟!!
Author: محمد عبد الماجد الصايم
Date: 11-25-2008, 09:37 AM
Parent: #1

جينا ليكـ والشوق دفرنا!

Post: #33
Title: Re: عفواً .. هذه هي شهواتي .. فماذا تشتهون ؟!!
Author: Elawad Eltayeb
Date: 11-25-2008, 09:51 AM
Parent: #29

العزيزة نادية
مرحبا بعودتك الأنيقة
أنت دايما هنا
حتى ولو كنتي ما هنا

Post: #42
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 10:21 AM
Parent: #33

النبيل العوض الطيب

تسلم من كل شر يارب

و

شهوة أن نكون هنا معكم دون خوف من تربص أحدهم بغير مبرر !!

فالوطن الإسفيري هذا يسع الجميع ولكن !!

Post: #40
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 10:17 AM
Parent: #29

محمد ود الصايم

حبابك من هنا لي سنة تلاتة الف وستة يازول جميل من جوة قلبو الطيب

شهوة أن نضحك دون ان نتوجس بعدها ونقول .. اللهم أجعله خير !!

Post: #30
Title: Re: عفواً .. هذه هي شهواتي .. فماذا تشتهون ؟!!
Author: Dalal Ezzaldin
Date: 11-25-2008, 09:48 AM
Parent: #1

Quote: شهوة الرقص على قارعة طريق الحب ..فهل على المحب حرج ؟!!

الف حمدلله على السلامه يا مَلَك ..

Post: #45
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 10:35 AM
Parent: #30

دلال عز الدين

شكراً جميلاً لحضورك البهي

و

شهوة أن نرى الفرحة في عيون أطفالنا عيد لا ينتهي ..وحلوى وخبيز .. وسلام للأبد !!

Post: #31
Title: Re: عفواً .. هذه هي شهواتي .. فماذا تشتهون ؟!!
Author: السمؤال بدرالدين
Date: 11-25-2008, 09:48 AM
Parent: #1

,ونحنا نشتهي شوفتك
تسلمي

Post: #46
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 10:41 AM
Parent: #31

صديقي وشقيقي السمؤال بدرالدين

الشوق بحر يازول جميل القلب جدا

شهوة جلسة مغربية في حوش أبوي وشاي بلبن ( مقنن) ولقيمات من حجة عشة الجنب لفة الشعبية !!

وسنلتقي قريبا ياصديقي النبيل ..

Post: #47
Title: Re: عفواً .. هذه هي شهواتي .. فماذا تشتهون ؟!!
Author: هند محمد
Date: 11-25-2008, 10:45 AM
Parent: #46

سلامات اعلاميتنا وأديبتنا نادية

أحنا مشتهين بس حروفك وحضورك العذب

التحايا ليك والود والتقدير

Post: #57
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 12:10 PM
Parent: #47

الشاعرة الرقيقة كرقة الوردة التي تضعها على بروفائلها

الحبيبة هند محمد

Quote: أحنا مشتهين بس حروفك وحضورك العذب

بل شهوة أن أطالع حروفك اليانعات ودفق مشاعرك الدافئة في قصائدك المترعة بالجمال والمحنة والصدق ..

كوني بالقرب فلوجودك طعم الفرحة ياهند ..

Post: #35
Title: Re: عفواً .. هذه هي شهواتي .. فماذا تشتهون ؟!!
Author: abookyassarra
Date: 11-25-2008, 10:00 AM
Parent: #1

نشتهيك يا مانحلم..

نحكى ليكى عن المسافة ..

ونشتهيك عن سفن بالشوق

بترسم فى بحيراتك .. ضفافا ..

ونشتهيك زى ملامح غنوة هلت ..

فى عويناتك هُتافا .. ونشتهيك

Post: #50
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 10:57 AM
Parent: #35

شقيقي وصديقي النبيل أبو السارة

Quote: نشتهيك يا مانحلم..

نحكى ليكى عن المسافة ..

ونشتهيك عن سفن بالشوق

بترسم فى بحيراتك .. ضفافا ..

ونشتهيك زى ملامح غنوة هلت ..

فى عويناتك هُتافا .. ونشتهيك

نشتهي الطلة البهية

وبسمة الزول القيافة

ونشتهي الكلمة البتطلع

لابسة الوان الرهافة

وزي وضوح الشمس تشرق

تنهي بالضؤ إعتكافا

مطرة زي شرقانة نزلت

تروي أرضاً طال نشافا

نشتهي الطيبة في قلوبكم

تحتوينا بكل لطافة !!

Post: #37
Title: Re: عفواً .. هذه هي شهواتي .. فماذا تشتهون ؟!!
Author: naeem ali
Date: 11-25-2008, 10:03 AM
Parent: #1

أشتهي وطنا (يسع الجميع)
وطنا يحسن (معرفة وفلسفة) حريته
اشتهي (شمسا تغير طعم فاكهة الشتاء)
اشتهي حقلا (مشاعا) للعصافير
دون (غفاره) او (سفاره)
اشتهي (لون) الرحيق
حين (يفتح الضو بين خطوط الريشه والخط الاضافي الجاي من شبكية الزول البشاهد)
واشتهي تلك التي
(وكتين خلاس حيلي ينقطع
نفسي انكتم
بشحد نفس من عندها
وكتين اتوه
ويلقوني ناس حرس الحدود
بوصف منازل ثغرها
ويتوهوا توه
ثغرا لتتويه العساكر ثغرها)

استاذه ناديه مرحبا بعودتك للمنبر

Post: #41
Title: Re: عفواً .. هذه هي شهواتي .. فماذا تشتهون ؟!!
Author: Amira Elsheikh
Date: 11-25-2008, 10:20 AM
Parent: #37

نشتهى المحنة والتواصل المن غير من ولا اذى..

نشتهى الكلمة البتطلع من القلب وتدخل القلب تووووش.....

ومشتهين عودتك للمنبر يانادية.....

والف حمدالله السلامة.....

Post: #43
Title: Re: عفواً .. هذه هي شهواتي .. فماذا تشتهون ؟!!
Author: محي الدين جبريل
Date: 11-25-2008, 10:25 AM
Parent: #41

طولنا منك

تعال

وإنت نسيتنا أظنك

.......

وكنا فرشنا السكة ورود

كونى بخير بيننا دائما نادية

Post: #55
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 11:48 AM
Parent: #43

محي الدين جبريل ياصديقي الجميل

تسلم من كل شر يارب

Quote: وكنا فرشنا السكة ورود

شهوة أن يبادلك من أهديته حديقة من الورود بوردة وأحدة بدلاً عن الأشواك التي تدمي القلوب !!

Post: #44
Title: Re: عفواً .. هذه هي شهواتي .. فماذا تشتهون ؟!!
Author: الطيب شيقوق
Date: 11-25-2008, 10:27 AM
Parent: #41

Quote: وأخيراً.. شهوة العودة الى منبر سودانيز أون لاين والإنتماء الى ناسه أخيارا وأشرارا فهذه خلطة الحياة السرية رغم إندلاق بُهار الشر كثيفاً و(العطس) من فلفل الخبث والخصام وسعير المؤامرات !!

نشتهي عودتك الينا يا ايتها الاعلامية الراشدة الفذة . لكم كنت اتابع بارتياح ما تقديمه من برامج رائعة على القنوات الفضائية . تعجبني فيك فصاحة اللسان وسلاسة اللغة وروعة البيان .

لك منى اطيب الاماني

شيقوق

Post: #56
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 12:02 PM
Parent: #44

الأديب المرهف .. والإنسان النبيل

الطيب شيقوق

Quote: نشتهي عودتك الينا يا ايتها الاعلامية الراشدة الفذة . لكم كنت اتابع بارتياح ما تقديمه من برامج رائعة على القنوات الفضائية . تعجبني فيك فصاحة اللسان وسلاسة اللغة وروعة البيان .

شهوة أن تقدم ماينال رضاء الناس .. وأن تكون عند حسن ظنهم بك قدر المستطاع !

شكراً جميلاً لكلماتك الداعمات ويارب أكون عند حسن الظن بي دوماً

كن بألف خير

Post: #53
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 11:33 AM
Parent: #41

الحبيبة أميرة الشيخ

Quote: نشتهى المحنة والتواصل المن غير من ولا اذى..

صدقتي .. ونشتهي الصدق في التعامل والنقاء في السريرة والمحبة الخالصة لوجه الله تعالى !!

Post: #51
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 11:09 AM
Parent: #37

أهلا بيك نعيم علي وأسعدني مرورك الطيب

Quote: واشتهي تلك التي
(وكتين خلاس حيلي ينقطع
نفسي انكتم
بشحد نفس من عندها
وكتين اتوه
ويلقوني ناس حرس الحدود
بوصف منازل ثغرها
ويتوهوا توه
ثغرا لتتويه العساكر ثغرها)

شهوة أن يكون العاشق فارساً يستحق شرف الدخول الى قلب الحبيبة والتربع على عرش هواها دون منافس !!

كن بألف خير

Post: #48
Title: Re: عفواً .. هذه هي شهواتي .. فماذا تشتهون ؟!!
Author: مؤيد شريف
Date: 11-25-2008, 10:54 AM
Parent: #1

Quote: شهوة القلب لإطلاق عنان العشق لمفردة إختنقت في رحم الصمت المطبق والخوف القمئ !!

سعيد ٌ بعودة هكذا جمال

فأوصليه ولا تقطعيه

كل الجمال للجميلين

ــــــــــــــــــــــــــــ
والجمال توصيفٌ يُحس ولا يُرى

Post: #59
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 12:20 PM
Parent: #48

الرجل المصادم .. زميل مهنة المتاعب التي نعشقها رغم كل شئ !!

اهلا بحضورك البهي مؤيد شريف

Quote: سعيد ٌ بعودة هكذا جمال

فأوصليه ولا تقطعيه

كل الجمال للجميلين

شهوة أن يكون جمال المواقف حاضراً في وجه القبح وزيف الوجوه !!

كن بألف الف خير

Post: #49
Title: Re: عفواً .. هذه هي شهواتي .. فماذا تشتهون ؟!!
Author: عاطف عمر
Date: 11-25-2008, 10:56 AM
Parent: #1

أن أزيل تقصيري في عبادة خالقي
وأن أزداد محبة في مصطفاه ومجتباه

أن أتصالح مع ذاتي
ومع الأحياء والأشياء

أن أكون مفيداً ما استطعت
وبالعدم أكف أذاى عن الآخرين

أن أبر والدتي وأرعى إخوتي
أكون لزوجي شريك العمر الصادق
نتعهد بالرعاية معاً زرعنا الذي أكرمنا به المنعم

أن أصحح أخطائي الكثيرة
وأن أزيل جهلي الكثير

__________________

نادية
والله مشتاقين

Post: #60
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 12:30 PM
Parent: #49

عاطف عمر ياصديقي ويارجلاً نقي الدواخل جداً

سعدت بحضورك كعادتي فلوجودك طعم الطمأنينة والراحة العميقة من داخل نفس أرهقها التوجس والقلق !!

Quote: أن أكون مفيداً ما استطعت
وبالعدم أكف أذاى عن الآخرين

شهوة أن الجم نفسي عند الغضب .. وأتجاوز محطات الظالمين .. وأعفو عند المقدرة ..فالرب يعفو ويسامح وهو الخالق العظيم فمابال المخلوق يتجبر ويتمادى في العنجهية والصلف !!

Post: #52
Title: Re: عفواً .. هذه هي شهواتي .. فماذا تشتهون ؟!!
Author: Alsa7afa_30
Date: 11-25-2008, 11:12 AM
Parent: #1

Welcome Back

Post: #61
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 12:39 PM
Parent: #52

الصحافة تلاتين تود

إن هال مندي ياخي .. والله أي دسن مشتاقري ياانقي تود

شهوة أن أفتح هذا البوست لأجد لحناً مناسباً كخرير المياه العذبة وأغنية تصدح بصوت العملاق محمد وردي

ضيعوك .. ودروك .. إنت مابتعرف صليحك من عدوك .. إستغلوا الطيبة في قلبك .. وبي إسم العواطف خدعوك

الله ياخد ليك حقوقك ويجازي الظلموك !!

سمح ؟؟

Post: #58
Title: Re: عفواً .. هذه هي شهواتي .. فماذا تشتهون ؟!!
Author: على تاج الدين على
Date: 11-25-2008, 12:15 PM
Parent: #1

Quote: وأخيراً.. شهوة العودة الى منبر سودانيز أون لاين والإنتماء الى ناسه أخيارا وأشرارا فهذه خلطة الحياة السرية رغم إندلاق بُهار الشر كثيفاً و(العطس) من فلفل الخبث والخصام وسعير المؤامرات

ياسلام عليك....هنا فعلا تكمن تجليات ملكة التوصيف لمشهد درامى حى .

تحياتى
على

Post: #63
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 01:34 PM
Parent: #58

الاستاذعلي تاج الدين علي

سلامات

Quote: ياسلام عليك....هنا فعلا تكمن تجليات ملكة التوصيف لمشهد درامى حى .

شكراً جميلاً لمرورك البهي

و

شهوة أن نبكي حالنا في دونما خجل .. ونعمل بمعاول الإصلاح قدر المستطاع .. ونقدم لأنفسنا قبل الآخر نقداً ذاتياً عسى أن ينصلح الحال ولو بمقدار خردلة !!

Post: #62
Title: Re: عفواً .. هذه هي شهواتي .. فماذا تشتهون ؟!!
Author: singawi
Date: 11-25-2008, 01:06 PM
Parent: #1

مرحبتين حبابك نادية بت عثمان
مرحبتين حبابك يا عشا الضيفان
جيداً جيتي حرفك باليقين عمران
يحقـق ليك مـرادك ربك المنان

Post: #64
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 01:55 PM
Parent: #62

سنجاوي

Quote: مرحبتين حبابك نادية بت عثمان
مرحبتين حبابك يا عشا الضيفان
جيداً جيتي حرفك باليقين عمران
يحقـق ليك مـرادك ربك المنان

تسلم ود أبوي ويصونك الرحمن

من شر الفتن وسطوة لسان إنسان

من تبيت أخوي فارس بني شجعان

ونحنا البينا عامرة والوطن سودان

Post: #65
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 02:19 PM
Parent: #64

شهوة ممارسة فعل الوضوح في زمان التعتيم الإختياري !!

Post: #67
Title: Re: عفواً .. هذه هي شهواتي .. فماذا تشتهون ؟!!
Author: مدثر محمد ادم
Date: 11-25-2008, 03:12 PM
Parent: #65

الرائعة ندوية

اشتهيت طلتك والق حروفك

تسلمي

تيف تيف

Post: #70
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 03:19 PM
Parent: #67

مدثر تيف تيف ياصديقي الجميل

الحمد لله انك بألف خير

شهوة أن نكون أحرارا في بلادنا !!

Post: #66
Title: Re: عفواً .. هذه هي شهواتي .. فماذا تشتهون ؟!!
Author: Adil Osman
Date: 11-25-2008, 03:04 PM
Parent: #1

اشتهى ان التقيك يا نادية عثمان
عشان اشوف حيويتك الفى الصور وفى الكتابة زى حيويتك فى الواقع.

Post: #68
Title: Re: عفواً .. هذه هي شهواتي .. فماذا تشتهون ؟!!
Author: Nader Abu Kadouk
Date: 11-25-2008, 03:15 PM
Parent: #66

اشتهي ان اسمع كلامك الحلو
ارجو ان تبقي معنا

ودابكدوك

Post: #90
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 12:21 PM
Parent: #68

ود أبكدوك

تحياتي

Quote: ارجو ان تبقي معنا

شهوة أن تكون في مأمن من سهم طائش ورصاصة عمياء !!!

Post: #71
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 03:30 PM
Parent: #66

عادل عثمان ( ود أبوي)

مرحب بمرورك الطيب كالعادة .. والباعث على الفرحة والإرتياح

Quote: اشتهى ان التقيك يا نادية عثمان
عشان اشوف حيويتك الفى الصور وفى الكتابة زى حيويتك فى الواقع.

شهوة أن تكتمل المعرفة برؤية الوجوه ( فيس تو فيس ) وليس ذلك ببعيد على الله لو أن الموت لم يقتحم حياتنا باكراَ !!

كن دوماً بألف خير وسلامة

Post: #69
Title: Re: عفواً .. هذه هي شهواتي .. فماذا تشتهون ؟!!
Author: Alsa7afa_30
Date: 11-25-2008, 03:16 PM
Parent: #1

سمح ..

Post: #73
Title: Re: عفواً .. هذه هي شهواتي .. فماذا تشتهون ؟!!
Author: عبدالله وداعه الامين
Date: 11-25-2008, 04:15 PM
Parent: #69

كانت تكتب
تمسح تكتب
مرة تشخبت
مرة ترتب
تدقش كلمة بي كلمة ابوها
ومرة تسكسك مرة تعتّّب
مرة تجوط المعنى الواضح
ومرة تعدل الايدا تشطّب
كتبت ايدا الشهوة الفيها
شهوة حرف لي حرف مركّب
وش الناس التكتب روحا
وتنقص عنصر نقص مركب
حال البلد الشالت ايدا
وطبظت ايد الحال الكركب
هم البيت ,, الفال ,, الغربة
وهم الدم الجانا مكركب
وذكرى حبيب شلناهو نقزنا
شوية طيب وحنينا اردب
ما هينين في وش الموية
وباقي طنين لي موجا اغضب
فرتق شعر البت التكتب
ظلم الناس الكاس الاجرب
ويا وسواس الحال الجنا
وين كراس البت التغضب
وترجع تكتب زي ما اول
وتفتح قلبا,,, شارعا ارحب

عودا حميدا شاعرتنا و(حسنا) الانيق نادية
المكان يفتقدك ,,,, ونحن
كوني دوما بخير
وشكرا لعودتك المطر

ودي والتحايا

Post: #81
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 10:43 PM
Parent: #73

صديق الحرف والقافية

المبدع عبد الله وداعة

شكراً جميلاً لكلماتك الطيبات

و

Quote: كانت تكتب
تمسح تكتب
مرة تشخبت
مرة ترتب
تدقش كلمة بي كلمة ابوها
ومرة تسكسك مرة تعتّّب
مرة تجوط المعنى الواضح
ومرة تعدل الايدا تشطّب
كتبت ايدا الشهوة الفيها
شهوة حرف لي حرف مركّب
وش الناس التكتب روحا
وتنقص عنصر نقص مركب
حال البلد الشالت ايدا
وطبظت ايد الحال الكركب
هم البيت ,, الفال ,, الغربة
وهم الدم الجانا مكركب
وذكرى حبيب شلناهو نقزنا
شوية طيب وحنينا اردب
ما هينين في وش الموية
وباقي طنين لي موجا اغضب
فرتق شعر البت التكتب
ظلم الناس الكاس الاجرب
ويا وسواس الحال الجنا
وين كراس البت التغضب
وترجع تكتب زي ما اول
وتفتح قلبا,,, شارعا ارحب

طفلة وقامت ترسم صورة

عنادها بيكسر للبلورة

قصدوا يشوهوا لون اللوحة

وجوة إطارها تكون مبتورة

شافعة وكانت حلوة سعيدة

تشخبط تكتب جوة سطورها

لا خلوها تعيش أحزانا

ولا جعلوها تكون مسرورة

هسي خلاص طارت لبراحها

اروع واجمل من عصفورة

ريشها النابت يبقى سلاحها

تحارب الأفعي تخش في جحورها !!

Post: #91
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 12:27 PM
Parent: #69

حسام أمبس

شكراً ياباعث الفرح والشجن النبيل

ماجاي القاهرة قريب ياانقي تود ؟!!

Post: #74
Title: Re: عفواً .. هذه هي شهواتي .. فماذا تشتهون ؟!!
Author: JAD
Date: 11-25-2008, 04:30 PM
Parent: #1

الأخت نادية عثمان ..

مرحباً بعودك الميمون ..

وجودك في المنبر سيدتي يرح كفة الجمال .. ويجعل القبيح في ازوياء ..

تستاهلي أطيب المقامات ..

جاد

Post: #75
Title: Re: عفواً .. هذه هي شهواتي .. فماذا تشتهون ؟!!
Author: khaleel
Date: 11-25-2008, 05:40 PM
Parent: #74

نادية عثمان

منورة الدنيا كلها

اما انا فمثل استاذي العبقري الفنان محمد الامين اشتهي

جمال الفال

وراحة البال

وهجعة زول بعد ترحال

وتنية حلوة للشبال

وحاجات تانية كتيرة

Post: #76
Title: Re: عفواً .. هذه هي شهواتي .. فماذا تشتهون ؟!!
Author: najma
Date: 11-25-2008, 06:21 PM
Parent: #75

العزيزه ناديه
عودا حميدا

Post: #77
Title: Re: عفواً .. هذه هي شهواتي .. فماذا تشتهون ؟!!
Author: عبد الغفار عبد الله المهدى
Date: 11-25-2008, 07:29 PM
Parent: #76

نادية
تحياتى

شهواتى
اختفاء النفاق الاجتماعى
وخلع الذئب لثوب الحمل
وموت الانانية
واختفاء قارعى الطبول وحارقى البخور من على وجه الارض
والصاعدين بالزقاقات والمحسوبيه

وقدح من (ام فتفت)

Post: #78
Title: Re: عفواً .. هذه هي شهواتي .. فماذا تشتهون ؟!!
Author: adam khatir
Date: 11-25-2008, 08:03 PM
Parent: #77

الفضلى نادية
اولا سلام ممن بشتهى السلم ويدافع مستميتا لاجله وبلغت كتبى فيه ثلاثة اسميتها ( نقوش على جدار السلام )
شهوتى للسلام تلامس كافة ما عبرتى عنه من شهوات وبنفس تواقة
وشهوتى لاخاء الصدق فى وقت عز فيه الاخاء ومترادفاته
وشهوتى لاستقرار بلادنا من عنت النزاعات وحمى العرق والاثنيات والحروب لنصل الى يقين الطمأنينة
وشهوتى للحوار الهادف واللغة الرفيعة والاحترام المتبادل تجعلنى اشتهى ان يتوفر ذلك فى تراجى وصحبها لتسلم منابر سودانيزاونلاين
وشهوتى لاستعادة الوطنية فى نفوسنا واستحضار متاعب شعبنا وحاجته لابنائه تتجاوز الاحزاب والتيارات وعصبياتها
وشهوتى الى الوصول الى تلاقى فيما بيننا ككتاب ومهتمين وناشطين وسابلة ودهماء تذوب الفوارق وتردم الهوات
وشهوتى لاستكمال حلقات السلام فى ربوع البلاد واستدامته لا تقف عند التعبئة والدعم المعنوى ولكنها تزداد كلما ادلهمت الخطب
وشهوتى للقائك وكل العظماء واصحاب المواهب والمبادرات والخلص ممن التقيتهم عبر مساحات الموقع تقول لى بان الصبح قريب
مع اطيب المنى وصادق الدعاء
آدم

Post: #79
Title: Re: عفواً .. هذه هي شهواتي .. فماذا تشتهون ؟!!
Author: الطيب شيقوق
Date: 11-25-2008, 08:17 PM
Parent: #78

نشتهي حوارك في التلفزيون اها عندك كلام تاني؟
ونشتهي تبلغينا بالحلقة قبل مواعيدها وبس .

Post: #92
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 12:50 PM
Parent: #79

الطيب شيقوق ياأيها الرجل النبيل والأديب الرائع

Quote: نشتهي حوارك في التلفزيون اها عندك كلام تاني؟
ونشتهي تبلغينا بالحلقة قبل مواعيدها وبس .

عارف ؟

الظهور في التلفزيون مسئولية لكم تخوفت ومازلت أخاف منها فالمشاهد السوداني صاحب إحساس رفيع ورؤية ثاقبة ودوما أدعو ربي أن يكون ماأقدمه له مقبولاً لديه وربنا يقدرني أكون عند حسن ظن المشاهدين بي دوما ياااااارب..

Post: #87
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 01:00 AM
Parent: #78

الرجل الخلوق آدم خاطر

تحية طيبة وشكراً لمرورك الطيب من هذا المكان وشهواتك للخير والمحبة والسلام والجمال

Quote: وشهوتى للقائك وكل العظماء واصحاب المواهب والمبادرات والخلص ممن التقيتهم عبر مساحات الموقع تقول لى بان الصبح قريب
مع اطيب المنى وصادق الدعاء

شهوة أن يجمعنا الوطن من كل أصقاع العالم في عودة طوعية لكل الطيور المهاجرة ..وشهوة الإستقرار بعد طول ترحال .. والسلام المستدام بعدإنخماد سعير الحرب اللعينة !!

كن بألف خير

Post: #86
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 00:50 AM
Parent: #77

عبد الغفار المهدي

سلامات

وعساك بخير يارب

Quote: والصاعدين بالزقاقات والمحسوبيه

صدقت فكم من متسلقين ومدعين وصاعدين دون وجه حق !!

شهوة أن يعرف المرء قيمة نفسه .. وان لا تكون تطلعاته أكبر من إمكانياته !!

كن بألف خير

Post: #85
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 00:03 AM
Parent: #76

العزيزة نجمة

شكراً جميلاً لحضورك البهي .. وكلماتك الطيبات

وكوني بألف خير يانجمة

Post: #84
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 11:03 PM
Parent: #75

خليل سلامات

ومرحب بحضورك المفرح

Quote: جمال الفال

وراحة البال

وهجعة زول بعد ترحال

وتنية حلوة للشبال

شهوة أن نهجع بعد طول ترحال وغربة نفس وروح !!

Post: #83
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-25-2008, 10:59 PM
Parent: #74

الأكرم جاد

Quote: وجودك في المنبر سيدتي يرح كفة الجمال .. ويجعل القبيح في ازوياء ..

تستاهلي أطيب المقامات

شكراً جميلاً على الكلمات الطيبات من رجل عفيف القلم .. رصين الطرح .. وجاد كإسمه ..

شهوة أن نكون أشرعة فرح لبعضنا في وسط لُجّة الأحزان !!

Post: #80
Title: Re: عفواً .. هذه هي شهواتي .. فماذا تشتهون ؟!!
Author: هيثم درار
Date: 11-25-2008, 08:46 PM
Parent: #1

مشتهنك وما لاقنك

وأخيرآ

عودآحميدآ يا قريبة
لك الود

Post: #82
Title: Re: عفواً .. هذه هي شهواتي .. فماذا تشتهون ؟!!
Author: الطيب شيقوق
Date: 11-25-2008, 10:59 PM
Parent: #80

الاخت العزيزة نادية مدرسة اعلامية بلونية متميزة تشرفنا بمعرفتها في ه>ه المساحة الاسفيرية

Post: #95
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 01:24 PM
Parent: #82

النبيل الطيب شيقوق

Quote: الاخت العزيزة نادية مدرسة اعلامية بلونية متميزة تشرفنا بمعرفتها في ه>ه المساحة الاسفيرية

بل مازلتُ تلميذة وطالبة علم في مدرسة الإعلام الكبرى .. ومازال الطريق أمامي طويلاً .. طويلاً ..فقط أدعو الله أن يمدني بالقوة على المواصلة في هذا الطريق المرهق والخطير والملئ بالأشواك للوصول لورود النجاح باذن الله ..

Post: #93
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 01:10 PM
Parent: #80

هيثم درار

لحضورك طعم الراحة والإطمئنان ايها الرجل النبيل

Quote: مشتهنك وما لاقنك

وأخيرآ

عودآحميدآ يا قريبة

هاقد عدت من أجلك ومن أجل آخرين إستحلفونني للعودة والتغريد مع السرب .. آخرين يقدرونني ويحبونني وأحبهم وأقدرهم واحترمهم من أجل الحب والإنسانية

ومن أجل إيماني العميق بأن هذه الدنيا والتي آخرتها ( كوم تراب) لا تستحق إلا أن نهزم شرورها بجرعة مكثفة من الحب والخير والجمال ..!!

شهوة أن نكون قادرين على الإبحار بسفن النقاء الإنساني برغم علو وتلاطم أمواج الخبث والمكر والشر من حولنا !!

خارج النص :

حضرت لبلادكم ولم أجدكم.. كنتو فين؟!!

Post: #88
Title: Re: عفواً .. هذه هي شهواتي .. فماذا تشتهون ؟!!
Author: JAD
Date: 11-26-2008, 08:07 AM
Parent: #1

بالأمس كنت عاوز أرسل ليك رسالة خاصة جداً ..

لكن، لا المسنجر شغال ولا إيميلك مودع بالبروفايل ..

ربما تكون الخواطر التي عربدت بي ما تزال متبقية أو جزء منها ..

الزمن يجري بأسرع مما نستوعب ..

إيميلي كالآتي:

[email protected]

شكراً على الكلمات اللطيفة عزيزتي ..

كوني متفائلة ..

وارجعي البصر كرتين أو ثلاث في أركان ومنحيات الجمال .. وتعهديه في الصباح الباكر ما بين خلاخل بقايا الغمام وشعاعات الشروق البهية ..

تحياتي،،،

جاد

Post: #98
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 01:44 PM
Parent: #88

العزيز جاد

Quote: كوني متفائلة ..

وارجعي البصر كرتين أو ثلاث في أركان ومنحيات الجمال .. وتعهديه في الصباح الباكر ما بين خلاخل بقايا الغمام وشعاعات الشروق البهية ..

دعني لا أكذبك القول ياصاحب الحرف الرصين ..في أوقات كثيرة جداً يداهمني قطار اليأس ويدهسني بلا رحمة تحت عجلاته المسرعة ..وإستسلمت في مرات كثيرة للموت بداء اليأس القاتل ولكن ثمّة ضؤ في قبو النفس كان يناديني بالمضي نحوه ففعلت ومازلت علني أنجح تمام النجاح !!

شهوة أن نفرح بعد طول حزن وسنوات نواح !!

خارج النص

راجع إيميلك سمح؟

Post: #89
Title: Re: عفواً .. هذه هي شهواتي .. فماذا تشتهون ؟!!
Author: عبود عبد الرحيم
Date: 11-26-2008, 10:59 AM
Parent: #1

الاخت الاستاذة الفاضلة
نادية عثمان
سلام وتحية
لا ادري ...
هل نرحب بعودتك ؟؟
أم...
نبديْء مخاوفنا
وانت تعودين للمنبر في مثل هذا التوقيت ؟؟
ولنا في مغادرة (روزمين) وقفة قصيرة ..
وقد يكون هناك آخرين (ربما) يلحقون بها

ورغم انني ومنذ اسبوع تقريبا قررت ان اعود الي صفوف المتفرجين
الا انني دخلت الآن لالقاء التحية ...
وردا علي سؤالك :
Quote: فماذا تشتهون ؟!!

أقول:
أشتهي منبرا نحفظ فيه احترامنا لبعضنا وحبنا للوطن
أشتهي منبرا يحمل معاني السودانية المتميزة
بعيدا عن عبارات الاساءة للجهة
أو الكراهية لللون
أو العدوان علي الاتجاه السياسي

اشتهي يا اختي نادية
منبرا اجد فيه اهل السودان
نختلف في الرأي .. دون فساد الود
نتداول الفكرة دون اساءة احد
نمد الايدي لمن احتاج دون من ولا اذي

اشتهي ...
السودان هنا

وحتي تتحقق شهواتنا هذه
دعونا نقف في عز الهجير
في المساطب الشعبية
نتفرج علي بعض التراجيديا
والدراما الاسفيرية

نادية..
اقعدي عافية

Post: #101
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 02:33 PM
Parent: #89

عبود ياصديقي الغالي جدا وياصاحب الأخلاق الرفيعة والتهذيب العالي

Quote: لا ادري ...
هل نرحب بعودتك ؟؟
أم...
نبديْء مخاوفنا
وانت تعودين للمنبر في مثل هذا التوقيت ؟؟
ولنا في مغادرة (روزمين) وقفة قصيرة ..
وقد يكون هناك آخرين (ربما) يلحقون بها

روزمين ستعود وستعطر هذه المساحة باريجها الفواح باذن الله ..

وكذا نتمنى عودة كل الأنقياء والجميلين الذين نفتقد فيض مدادهم الطيب في هذا المكان ومنهم على سبيل المثال لا الحصر :

المبدعة تماضر شيخ الدين

الدكتورة إيناس

الشاعرة والصحافية لنا مهدي

الاستاذة إيمان

الصديق الأستاذ الموسيقار يوسف الموصلي

الشاعر الرقيق فضيلي جماع

الكاتب المدهش يحي فضل الله

أستاذي الجميل وصديقي فيصل محمد صالح

الأديب عثمان محمد صالح

العزيزة ست البنات

الجميل صديقي باعث الأنغام والأفراح لؤي شمّت

الأستاذ شوقي بدري

الصديق النبيل سفيان نابري

والصديق الصدوق الفاتح وديدي

الكاتبة المهترشة الجميلة شيري

وبت قضيم

وكثيرين وكثيرات جدا نفتقد وجودهم هنا ونتمنى أن نرأهم يجملون هذا الفضاء بجميل طرحهم وموضوعاتهم .

وياعبود ياصديقي كن هنا ولا تجلس على مقاعد المتفرجين فليس أنت ذلك الرجل الذي ينسحب من قسوة النقاش وفظاظة اللغة .. كن هنا ولنشتهي عالم جميل ونسعى لتحقيقه عسانا ننجح سوياً.. سمح ؟!!

Post: #94
Title: Re: عفواً .. هذه هي شهواتي .. فماذا تشتهون ؟!!
Author: هاشم أحمد خلف الله
Date: 11-26-2008, 01:13 PM
Parent: #1

بشتهي القاك مرة
طالة زي نور المجرة
ضاحكة للدنيا وتنادي
حسن فالك فيناغناء
وفي عيونك شوفت طيبة
نابعة من ارض المحنة
كلما نغرف نعبئي
نلقى خيرك فينا شبا
ما غريبة عليك تكوني
نادية عالية وفيك محبة
نهنئ بقلمك يسطر
عن معاني الإلفة يبداء
ما ياكي فينا ونحنا فيك
ودونك انتي كيف بنبقى
ما غريبة علينا انتي
نرجى جيتك بكل لهفة
تزرعي الفرح الخرافي
ولقلوبنا كنتي ملكة

هاك الإرتجال ده

بت عثمان الشوق أطنان ليك وحشة يا مبدعة

Post: #96
Title: Re: عفواً .. هذه هي شهواتي .. فماذا تشتهون ؟!!
Author: فرح
Date: 11-26-2008, 01:30 PM
Parent: #94

Post: #112
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 03:45 PM
Parent: #96

فرح

أفرحني حضورك

ولكن الصورة التي وضعتها لم تظهر لدي للأسف .. سمح ؟!!

Post: #110
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 03:29 PM
Parent: #94

الشاعر المرهف هاشم أحمد خلف الله

Quote: بشتهي القاك مرة
طالة زي نور المجرة
ضاحكة للدنيا وتنادي
حسن فالك فيناغناء
وفي عيونك شوفت طيبة
نابعة من ارض المحنة
كلما نغرف نعبئي
نلقى خيرك فينا شبا
ما غريبة عليك تكوني
نادية عالية وفيك محبة
نهنئ بقلمك يسطر
عن معاني الإلفة يبداء
ما ياكي فينا ونحنا فيك
ودونك انتي كيف بنبقى
ما غريبة علينا انتي
نرجى جيتك بكل لهفة
تزرعي الفرح الخرافي
ولقلوبنا كنتي ملكة

جيت أكوس لي دنيا صافية

فيها الوان الجمال

دنيا فيها الصبر معلم

وقوة للروح وإحتمال

فيها خوة ناس عظيمة

من وطن غني عن سؤال

جيت افتش للمحنة

في قلوب طيبة خصال

هيبة السودان وطنا

جد كساهم بالجلال !!

شهوة أن نغني للوطن ونحقق سلامه !!

Post: #128
Title: Re: عفواً .. هذه هي شهواتي .. فماذا تشتهون ؟!!
Author: عبدالله وداعه الامين
Date: 11-27-2008, 04:38 AM
Parent: #110

Quote: طفلة وقامت ترسم صورة

عنادها بيكسر للبلورة

قصدوا يشوهوا لون اللوحة

وجوة إطارها تكون مبتورة

شافعة وكانت حلوة سعيدة

تشخبط تكتب جوة سطورها

لا خلوها تعيش أحزانا

ولا جعلوها تكون مسرورة

هسي خلاص طارت لبراحها

اروع واجمل من عصفورة

ريشها النابت يبقى سلاحها

تحارب الأفعي تخش في جحورها !!

طفلة بترسم و تكتب تاني
وتعرف برضو تهدّم سورا
تفتح شارع جوة العتمة
تفج الضلمة تفتّح نورا
تطلع ترقش ترمش انصع
واروع تطلع من بلورة
ومن نافورة ايدا تخيّت
ايد البلد الغلبو الشورة
تدي الضحكة بيوت الفقراء
وتدي الموية مجاري بحورا
اكتبي واحد:
حب ,, حرية
وختي سطر في تحت الصورة
اتنين وتلاتة الوطن البفتح
ويدي الدنيا غوالي عطوره
وارجعي اكتبي واو الوحدة
العدل,,, الصدق,,, الارض البورة
الشدت حيله وقامت تمرة
وجمرة نارها بقت ممطورة
اكتبي امسحي وارسمي تاني
واكسري دارة شكّنا طوره
وخلي يقينك يطلع زيك
يملا ويشرح باقي سطوره
ارسمي طفلة

Post: #135
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-27-2008, 10:44 AM
Parent: #128

Quote: طفلة بترسم و تكتب تاني
وتعرف برضو تهدّم سورا
تفتح شارع جوة العتمة
تفج الضلمة تفتّح نورا
تطلع ترقش ترمش انصع
واروع تطلع من بلورة
ومن نافورة ايدا تخيّت
ايد البلد الغلبو الشورة
تدي الضحكة بيوت الفقراء
وتدي الموية مجاري بحورا
اكتبي واحد:
حب ,, حرية
وختي سطر في تحت الصورة
اتنين وتلاتة الوطن البفتح
ويدي الدنيا غوالي عطوره
وارجعي اكتبي واو الوحدة
العدل,,, الصدق,,, الارض البورة
الشدت حيله وقامت تمرة
وجمرة نارها بقت ممطورة
اكتبي امسحي وارسمي تاني
واكسري دارة شكّنا طوره
وخلي يقينك يطلع زيك
يملا ويشرح باقي سطوره
ارسمي طفلة

صبية تناتل دايرة تعيش

تعيش ضؤ شمسة بدون تغبيش

في سوق الملجة وصف العيش

وطن للعامة بدون تهميش

صديق البابا يكون درويش

وعموم الشعب صديق الديش

بيوتنا الآمنة بدون تفتيش

نسامح الدنيا نقول معليش

وطن نبنيهو بدون تشويش

صبية تكاتل دايرة تعيش

بدون مايقصقصوا ليها الريش !!

شكراً عبد الله وهاقد عدت تحرضني على كتابة القصيد بعد أن تيبست القافية في عروق الإلهام !!

Post: #164
Title: Re: عفواً .. هذه هي شهواتي .. فماذا تشتهون ؟!!
Author: علي الكرار هاشم
Date: 11-28-2008, 08:43 PM
Parent: #110

الاخت/ ناديه
الحمد لله علي سلامة العوده
....
حروفك رايقه
زي ضلا بشاطئ النيل
رهين....
نسامو هب عليل
قعد من تحتو شاب سارح
يلملم في الحجاره يشيل
يجدع في البحر نشوان
....
تحياتي

Post: #168
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-29-2008, 00:51 AM
Parent: #164

الأخ علي الكرار هاشم

تحياتي

Quote: حروفك رايقه
زي ضلا بشاطئ النيل
رهين....
نسامو هب عليل
قعد من تحتو شاب سارح
يلملم في الحجاره يشيل
يجدع في البحر نشوان
....

وحروفك رايقة زي روحك

تغني مع نغيم روحك

تكب في النيل صهيل بوحك

تعيش في نعيم ظلال دوحك ..!

كن بألف خير

Post: #97
Title: Re: عفواً .. هذه هي شهواتي .. فماذا تشتهون ؟!!
Author: abookyassarra
Date: 11-26-2008, 01:36 PM
Parent: #1

Quote: عفواً .. هذه هي شهواتي .. فماذا تشتهون ؟!!

نشتهى : ( سمح ؟)

Post: #99
Title: Re: عفواً .. هذه هي شهواتي .. فماذا تشتهون ؟!!
Author: عصمت العالم
Date: 11-26-2008, 02:00 PM
Parent: #97

الألق ناديه عثمان..

وانت شهوة عشق مترف .يضمضم فى حناياه كل تلك المشاهد التى ذكرت..وانت تعطى لمسارات الحياه كل نداوة ذلك الدفق..وتطلى صباحات الكون بوهج..وجمال..ومعنى..
وكل ذلك اقصى منى التمنى ومدى الغايات...
لك الجمال..بسحره..وظلال استاره وخيال احلامه....واغراقه.وتمدد مشتهاه..

فانت النشوه..والشهوه..ومزيج العطاء..

كثيف المعزه .وفيوض الاعزاز

Post: #104
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 02:53 PM
Parent: #99

الأديب الرائع عصمت العالم

مرورك له طعم الراحة في نفسي والله

Quote: الألق ناديه عثمان..

وانت شهوة عشق مترف .يضمضم فى حناياه كل تلك المشاهد التى ذكرت..وانت تعطى لمسارات الحياه كل نداوة ذلك الدفق..وتطلى صباحات الكون بوهج..وجمال..ومعنى..
وكل ذلك اقصى منى التمنى ومدى الغايات...
لك الجمال..بسحره..وظلال استاره وخيال احلامه....واغراقه.وتمدد مشتهاه..

فانت النشوه..والشهوه..ومزيج العطاء..

كثيف المعزه .وفيوض الاعزاز

شهوة الإرتياح للوجود مع إناس بمثل جمال روحك الطيبة وفيض حروفك المفعمة جمالاً .. ونبلاً ..

شكراً للحديث الطيب والثناء العاطر الذي أخجل تواضعي فهو بأكثر مما يستحق شخصي المتواضع ياسيدي النبيل ..

كن بألف خير

Post: #113
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 03:59 PM
Parent: #97

أبو السارة ياشقيقي الوفي

Quote: نشتهى : ( سمح ؟)

قريباً باذن الله سنشرب الشاي سوياًمع عمك عثمان سمح ؟؟

Post: #100
Title: Re: عفواً .. هذه هي شهواتي .. فماذا تشتهون ؟!!
Author: محمد ابراهيم قرض
Date: 11-26-2008, 02:15 PM
Parent: #1

غمرتونا بالشهوات و المشهيات ..
في الوقت الذي نعاني نحن فيه من
قفل الشهية .. ما عندكم برياكتين ؟؟!!!
أو حتى ملاح تركين ؟؟!!!

مش قريبتا الشايقي قال:

ياالمشتهنك في غيابك بالنا بيك ضمة انشغل ..
و النوم وراك يبقالنا شر ..
فارق عيونا خلاص رحل ..

مرحبا نادية بنت عثمان ..

Post: #103
Title: Re: عفواً .. هذه هي شهواتي .. فماذا تشتهون ؟!!
Author: Nadia Elsir
Date: 11-26-2008, 02:42 PM
Parent: #100

نادية سميتى طلتك و الا القمر
اشتهينا كلماتك المكسية محنة و مليانة نداوة

ابقى طيبة يا حبيبة

Post: #109
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 03:12 PM
Parent: #103

نادية السر .. تلك الفتاة المملؤ وجهها طيبة وجمال

سعيدة أنا جداً بوجودك هنا ياحبيبة

Quote: نادية سميتى طلتك و الا القمر
اشتهينا كلماتك المكسية محنة و مليانة نداوة

ابقى طيبة يا حبيبة

شهوة أن تحمل أسمائنا صفاتنا .. وبعض مافي دواخلنا !!

كوني بألف خير ياناديـــــــــــة يا سميتي العزيزة ..

Post: #106
Title: Re: عفواً .. هذه هي شهواتي .. فماذا تشتهون ؟!!
Author: عمر صديق
Date: 11-26-2008, 02:58 PM
Parent: #100

Quote: شهوة الأصابع لمداعبة الحروف ومغازلة اللغة !!

شهوة القلب لإطلاق عنان العشق لمفردة إختنقت في رحم الصمت المطبق والخوف القمئ !!

هل اسوأ من ( الخوف) شعور ؟!!

الخوف من نفسك والآخرين ..؟!!

شهوة الرقص على قارعة طريق الحب ..فهل على المحب حرج ؟!!

شهوة إمتطاء خيل الفرح الجامح في زمن التعاسة القسرية !!

شهوة الغناء على سلم خماسي (مسبع وسباعي (مخمس) وجنون النوتة الموسيقية كيفا شاءت لتخرج الألحان كيفما أتفق !!

شهوة الجسد لإستلقاء دون أرق .. ونوم دون نواح .. وأحلام بلا كوابيس !!

شهوة الإرتماء على كتف صديق حقيقي ..يجسّد قول .. رب أخ لك لم تلده أمك !!

شهوة الإطمئنان لجار أمين ..يجسد قول جدتي ( جارك القريب ولا ود أمك البعيد ) !!

شهوة لقاء بعد طول غياب وعناق بعد طول إشتياق وحفنة ورد في اليد اليسرى .. وقُبلة على جبين يستحق !!

شهوة سماع نبأ عظيم .. وإنتهاء حزن مقيم .. وإندثار شجن اليم !!

شهوة مريد البرغوثي بأن تكون الخصومة وأضحة بغير عناق جبان !!

الاخت نادية
مرحي ومرحبا وحبابك ونحن نشتهي كلا او بعض ما ذكرتي

Quote: وأخيراً.. شهوة العودة الى منبر سودانيز أون لاين والإنتماء الى ناسه أخيارا وأشرارا فهذه خلطة الحياة السرية رغم إندلاق بُهار الشر كثيفاً و(العطس) من فلفل الخبث والخصام وسعير المؤامرات !!

ولكن كنا في شوق شديد لعودتك للبوردوالذي بكتابتك يتألق ويتلألأ ويزدان لانكي تمثلين القاسم المشترك الذي تلتقي عنده اخيار واشرار البورد

فمرحبا بكي مرة اخري و حبابك عشرة بلا كشرة

Post: #114
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 04:12 PM
Parent: #106

عمر صديق ياشقيقي الطيب وزميل مهنة المتاعب

Quote: ولكن كنا في شوق شديد لعودتك للبوردوالذي بكتابتك يتألق ويتلألأ ويزدان لانكي تمثلين القاسم المشترك الذي تلتقي عنده اخيار واشرار البورد

فمرحبا بكي مرة اخري و حبابك عشرة بلا كشرة

شكراً جميلا لحسن ظنك في شخصي المتواضع .. ولنحاول معاً توسيع وتمديد مساحة الخير في أنفسنا بما ينعكس على هذا الحوش ليكون متقبلاً لنا جميعاً ولكي لا يكون طارداً لأحد فهل نستطيع ؟!!

Post: #107
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 03:00 PM
Parent: #100

الرائع محمد إبراهيم قرض

Quote: مرحبا نادية بنت عثمان ..

شهوة تقبيل جبين والدي الحاج عثمان مختار ذلك الفارس الذي أباهي به عين الشمس .. وحقاً كل فتاة بأبيها معجبة !!

Post: #102
Title: Re: عفواً .. هذه هي شهواتي .. فماذا تشتهون ؟!!
Author: العوض المسلمي
Date: 11-26-2008, 02:42 PM
Parent: #1

نشتهي الخوه لله في الله

نشتهي الضحكة بلا تصنع

نتشتهي النظره بلا شناف ,,,

نشتهي المشي بلا نظر للخلف ,,,

نشتهي تلك الوجوه التي عنما تراها يسر قلبك ,,

ونتشتهي الوجوه الهاشه والباشه بلا من ولا اذي ,,,

نتشتهي من يتمني الخير للجميع بلا فرز ,,,

ونتشتهي الوجه الذي عندما تراه تفتح لك طاقات الخير ,,,

ونشتهي وجود المبدعين ياناديه والذين يعطرون الاجواء فرحا وتمني ,,,

كل الود

Post: #105
Title: Re: عفواً .. هذه هي شهواتي .. فماذا تشتهون ؟!!
Author: داليا حافظ
Date: 11-26-2008, 02:55 PM
Parent: #102

نادية عثمات

كلنا نشتهي أن نرتب ما حولنا من فوضى ...ولكننا نجد أنفسنا تورطنا في فوضى إضافية ...مرحب بك في فوضانا العارمة .

أقبلي صديقتنا ..فالحياة المرتبة ليست قدر السعداء .

البورد نور.

Post: #115
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 04:32 PM
Parent: #105

الجميلة الراقية داليا حافظ

Quote: كلنا نشتهي أن نرتب ما حولنا من فوضى ...ولكننا نجد أنفسنا تورطنا في فوضى إضافية ...مرحب بك في فوضانا العارمة .

سعدت بوجودك الجميل هنا ياداليا .. وزمن طويل لم نلتقي منذ ذلك اللقاء العابر الذي جمعنا دون ترتيب .. متذكرة ؟!!

شهوة أن تكون فوضانا خلاقة لنخرج منها أكثر ترتيباً !!!

Post: #132
Title: Re: عفواً .. هذه هي شهواتي .. فماذا تشتهون ؟!!
Author: داليا حافظ
Date: 11-27-2008, 09:22 AM
Parent: #115

Quote: وزمن طويل لم نلتقي منذ ذلك اللقاء العابر الذي جمعنا دون ترتيب .. متذكرة ؟!!

نادية الجميلة جوة وبرة

طبعا متذكرة شدييييد! ، لكن مشتهية ألاقبك تاني ..وعندي إحساس حيكون قريب .

محبتي

Post: #136
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-27-2008, 10:54 AM
Parent: #132

داليا الحبيبة

Quote: طبعا متذكرة شدييييد! ، لكن مشتهية ألاقبك تاني ..وعندي إحساس حيكون قريب .

ياريت والله نتلاقى تاني قريب ..ماعندك جية للسودان قريبات دي ؟!! ومصر دي مافي حساباتك ليه يعني ؟

Post: #140
Title: Re: عفواً .. هذه هي شهواتي .. فماذا تشتهون ؟!!
Author: داليا حافظ
Date: 11-27-2008, 11:27 AM
Parent: #136

ندوية
السودان أمشي قريب إ حتمال ضعيف لكن إنشاءالله جاية مصر شهر واحد ، لحضور زفاف صديقة ، يا حليل الماسنجر التلفونات وكدة .

Post: #148
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-28-2008, 01:45 AM
Parent: #140

داليا العسل

Quote: لكن إنشاءالله جاية مصر شهر واحد ، لحضور زفاف صديقة ، يا حليل الماسنجر التلفونات وكدة

والله تنوري مصر وناسها ياجميلة وربي يجيبك بالسلامة اما عن التلفون والإيميل فبتلقيهم عند نهال كرار سمح ؟

Post: #111
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 03:39 PM
Parent: #102

المسلمي ياصديقي الغالي

سلمت من كل شر أبو تسابيح الحلوة

Quote: نتشتهي من يتمني الخير للجميع بلا فرز ,,,

ونتشتهي الوجه الذي عندما تراه تفتح لك طاقات الخير ,,,

شهوة أن تكون الدنيا بخير وقلوب البشر تعلو فيها قيمة التسامح والخير والجمال !!

Post: #108
Title: Re: عفواً .. هذه هي شهواتي .. فماذا تشتهون ؟!!
Author: ASHRAF TAHA
Date: 11-26-2008, 03:02 PM
Parent: #1

أشتهي

ما يضرب تلفوني

إلا هي الضاربة

والشمش تطلع بعد بكرة

وحتى لو طلعت تكون غيمة

لا برد لا حر

وتكون إجازة

Post: #116
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 04:44 PM
Parent: #108

أشرف طه حبابك أخوي

Quote: أشتهي

ما يضرب تلفوني

إلا هي الضاربة

شهوة أن يحمل لنا الهاتف أصوات من نشتاقهم ونحبهم لنطمئن على أحوالهم دوماً ..!!

Post: #117
Title: Re: عفواً .. هذه هي شهواتي .. فماذا تشتهون ؟!!
Author: الطيب شيقوق
Date: 11-26-2008, 05:01 PM
Parent: #116

لسع سعاد هي بتستحي وأنا بشتهي
وأنا بستحي وهي بتشتهي
وما بين نعم واللقيا كان حرفين نهي
وأنا خاطري من كتر الهموم
الساعة خمسة نسا وسهي
وفي الهم غرق وبالشوق حرق
وحبيبتي قالت لي: تعال
خافت وكت قت ليها شيخ
مسكينة ماعارفا الفرق
بين الدراويش والشيوخ
بين الصفيقات والعرق
بين الغرق والما غرق
تاريها زيي أنا يا خلق
طينة ومطينة بالعشق
ومقتولة لى حد السكات
ومتيمة بس كنت ديما بعلما
إنو الحزن زاد الفرح
والفرحة نفسها مؤلمة
والعافية أسمح منها
لو حتى كانت بلسما
والشمس في توب من حلال
والقمرة أكبر مجرمة
وكضابة ما بتحلب لبن
ومليانة زيف ومهضلمة
وممسوخة مهما إتبرجت
مازي مصابيح السما
والقدرة ما بتنفات شبر
والسترة ميها الكمكمة
والناس سواسية كالمشط
والحرة دينا ملجمة
والحلوة مي حلوة طعم
والمرة ربنا قاسمة
والقسمة ما باليد كمان
الليد هي ذاتا مقسمة
أصبع صغير وأصبع كبير
وأصبع وسط وأصبع نضم
وأصبع بدخل خاتمة
وتفرق بداية الشوق كتير
وقتين تصل للخاتمة
مالريدة بتشوف بي تحت
والحب موشح بالعما
وما بفهم النور إلا زول
عاش في دياجر مظلمة
النجمة ما بتعني الوضوح
العتمة ميها الهضلمة
الوشمة ما نزفة جروح
والبسمة عزا البفهما
مالنسمة في الصيف لو تفوح
تحرق حشا البتنسما
والوجعة باااردة على الببوح
وتسل رويحة البكتما
والروح بتمرق ما بتموت
والجتة بتقيم مأتمة
ونحنا إنعكاسات للنجوم
والواطة ضل رامية السما
وأنا مارميت إذا رميت
وأي عاشق ما رمى
وضحك المشيب برأسه
فبكى ونادى سُلما
وسمت بغاة الطير
حين كبا حزيناً..
حزيناً مرغما
ووريتا معنى القارعة
وعقرو وربك دمدما
حفظتها الناس والفلق
والحمد والإخلاص
وطه ولم يكن والعاديات
وكأنما ما كان في شي!!
وبعد ده كلو بتنتشي
ولا بتستحي ولا بتختشي
وقرمتا كرعيها بالمشي
وكلمتها قت ليها: أوعى تدقشي
الطيبة ما في كل شي وما تهبشي
الجوة خليهو جوة فيك
والما يخش ما تخششي
ودمع الظنون البيني بينك قشقشي
والشوق على باب البريدك وشوشي
ونار النضال جنب الشمس
ما تمشي بي راحتك عليها
يا روحي هوي بتشمشي
وكان جاك خريف الوجعة
سويلك بيوت في داخلى
أبني وعشعشي
وأديني إحساس إني شي
وقرمتا كرعيها بالمشي
وكلمتها: خلي بالك يا بنية
العمارات البناطحن
والمعاني القرمزية
أوعى تسرق من ملامحك
أو تغيير فيك شوية
ماني شايل هم قرايتك
أنتي قراية وذكية
أبقي جد يا حلوة فاهمة
وأبقي واعية وكوني حية
أصلو في الجامعة العريضة
وفي بيوت الداخلية
في الحبايب وفي القرايب
وفي البقاسموكي الأسية
إلا برضو خلى بالك
هي المصايب مي شوية
العقارب والكهارب
والدبايب والمصايب
وألف سوسة وألف حية
وإنتي سمحة إنتي قمحة ولسة نية
ولو دقستي أسأليني أنا الدقستا
وأكلوني السمسمية
في زمنا وحات عيونك
بدفنوك يا زولة حية
أبقي واظبي على صلاتك
قومي كل ما نادى حي
وخلى بالك في الشوارع
والمسافات القصية
وفي مشاوير العصاري
وإنتي ساعة المغربية
وفي الحدائق والكباري
والملاهي الأجنبية
والوليدات الأخير لك
من تصاحبيهم بنية
والبنيات البظلتن وشهن
والبتعمل فيها شيخة
أو تقول بتشوف لها طية
وفي القراية سجم رمادن
أبقي مارقة وناغمي ليا
مرة تلقى الضمة شدة
ومرة تلقى الشدة مدة
وعادي تلقى الخمسة مية
وأسمع أسمع وياما تسمع
في البغنن الله ليا وكر عليا
وجيبو ليا عاد دا كلام
ونحنا يا حليلنا الغلابة
بلعبنبنا كوعلية
ودايرة بيرقر ودايرة شية
ودايرة طرحة وتيكو ملحة
ودايرة جسطي وميج ومسحة
وخصلة تايهة وشنطة بطة
وعمو أسرع إنقبضتا
وزولي نطا
ودي المحطة وهنا لقطة
وهنا لقطة وهنا لقطة
وهيي يا إنتا هييي وتاني هيي
عندكم كلب ولا أجي بالدرب؟
أطفر ولا بتدفر!! المافي شنو؟
أبوك لا راضي لا راضي
كيسك فاضي ولا نمشي القاضي..!
جر شخيت وأقيف بعيد..
وفي النهاية القصة فكة
دي الحضارة الدينا فكة
ولاحقة حبوبة أمي مكة
وعاملة فيها رشيقة حية
ومهما نصرخ هي هيا
وفي البتنسا أبوها إكدح
في ضنا أيامو الشقية
عشان هي تقرأ وبكرة تنجح
وتحيا مستورة ورضية
وفي الحليل أماتن إبكن
بي وراهن وووب وحية
إلا هن سجم المحنة
حليل زمنكن يارضية
لا فؤادن مرة حنا
لا طرن بالمرة جية
الشفايف مي شفايف
والشعر سون لو كية
وبدن الإسكيرتي شرطة
وتاني فوق الركبة طية
وبمرقن !!!
أحسن أسكت
أحسن أسكت!!
وشدي حيلك يا بنية
شدي حيلك يا بنية.

نقلا عن

http://www.sudanheart.net/showthread.php?t=1829

اطيب امنياتي

Post: #118
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 05:54 PM
Parent: #117

الطيب شيقوق

Quote: في الحبايب وفي القرايب
وفي البقاسموكي الأسية
إلا برضو خلى بالك
هي المصايب مي شوية
العقارب والكهارب
والدبايب والمصايب
وألف سوسة وألف حية
وإنتي سمحة إنتي قمحة ولسة نية
ولو دقستي أسأليني أنا الدقستا
وأكلوني السمسمية
في زمنا وحات عيونك
بدفنوك يا زولة حية

شكراً لإشراكنا في مطالعة هذا البوح الصادق والمدهش !!

Post: #120
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 06:14 PM
Parent: #118

شهوة أن لا تكون في مرمى شرور الآخرين وخداعهم !!

Post: #119
Title: Re: عفواً .. هذه هي شهواتي .. فماذا تشتهون ؟!!
Author: ismeil abbas
Date: 11-26-2008, 06:13 PM
Parent: #1

ألأخت/نادية عثمان

السلام عليكم

شكرآ لك على أن أتحتى لنا فرصة ألأشتهاء, كما أتمنى منى ربى أن يحقق شهواتك بدون رياء.

أما أنا فأشتهى:

أن نتوحد بكلمة شرف.

ومراجعة ما نكتب هنا قبل النشر حرف حرف.

وأن نتوادد ونحب بعضنا ونأتلف.

وهزة فى دقة دلوكة قى شق الجرف.

وعودآ حميدآ مستطاب...بس طولتى الغيبة.........مودتى إسماعيل محمد احمد عباس...

Post: #121
Title: Re: عفواً .. هذه هي شهواتي .. فماذا تشتهون ؟!!
Author: عصام الجيلي
Date: 11-26-2008, 06:42 PM
Parent: #119

Quote: عفواً .. هذه هي شهواتي .. فماذا تشتهون ؟!!
وما أوجع الشهوة التي يواجهها أكتر من مستحيل فلا يزيدها في النهاية إلا ... اشتهاء
شهوة وطن يحتضن أحلام وآمال أبناءهـ دون تميز، مدافع عن آلامهم وما أُنتهِك من كرامتهم .
شهوة رحيل من غرسوا سنين الشوك في صدورالكادحين , فأنبتت جراحاً تظل خالدة بالذاكرة

ــــــــــــ
حمدلله علي السلامة أستاذة نادية
وربنا يحقق الأمنيات الممكن منها والمستحيل

Post: #125
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-27-2008, 00:35 AM
Parent: #121

عصام الجيلي أيها الرجل الجميل الدواخل جداً

Quote: وما أوجع الشهوة التي يواجهها أكتر من مستحيل فلا يزيدها في النهاية إلا ... اشتهاء
شهوة وطن يحتضن أحلام وآمال أبناءهـ دون تميز، مدافع عن آلامهم وما أُنتهِك من كرامتهم .
شهوة رحيل من غرسوا سنين الشوك في صدورالكادحين , فأنبتت جراحاً تظل خالدة بالذاكرة

شهوة أن نعيش تحت سماء وطن آمن ..وأن لا يموت أطفالنا في دارفور تحت سعير الشمس وزمهرير الشتاء ودانات الحروب !!

شهوة أن يعم السلام الوطن من أقصاه الى أقصاه !!

Post: #200
Title: Re: عفواً .. هذه هي شهواتي .. فماذا تشتهون ؟!!
Author: عفاف ابوكشوه
Date: 12-02-2008, 01:33 PM
Parent: #121

مشتهين طلتك بالخرطوم

ياندويه

Post: #202
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-02-2008, 01:48 PM
Parent: #200

عفاف أبو كشوة ياصديقتي الجميلة

Quote: مشتهين طلتك بالخرطوم

ياندويه

شهوة أن نحتضن الوطن ساعة مغربية في صحبة الرفيقات الواعيات الجميلات المثقفات أمثالك ياعفاف ..

قريبا ساكون بطرفكم في الخرطوم سمح ؟؟

Post: #201
Title: Re: عفواً .. هذه هي شهواتي .. فماذا تشتهون ؟!!
Author: عفاف ابوكشوه
Date: 12-02-2008, 01:33 PM
Parent: #121

مشتهين طلتك بالخرطوم

ياندويه

Post: #122
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 07:51 PM
Parent: #119

الأستاذ الفاضل إسماعيل محمد احمد عباس

Quote: ومراجعة ما نكتب هنا قبل النشر حرف حرف.

شهوة أن لا نخطئ في حق الآخرين ونذبحهم بسيوف حروفنا التي إن خرجت من أغمادها فلن تعود إلا بسفك دماء القلوب !!

علك لا تدري يأأستاذ إسماعيل أنك وأحد من الأقلام التي أقرأ روعة مدادها فتشعرني بارتياح وإطمئنان كبير بأن في هذه الدنيا حكماء وإناس في غاية الجمال الروحي والحمد لله رب النعم العظيم ..

كن دوماً ماراً من بيوتاتي فلوجودك طعم الفرح ولا تغب أبداً .. سمح ؟

Post: #123
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-26-2008, 08:08 PM
Parent: #122

الي صاحب الرسالة التالية على هاتفي الجوال بتوقيع أمير الرياض

Quote: اذا أحب الله عبدا أحبه جميع الناس ودليل حب الله لك هو حب جميع الناس لك .. آمل الاستمرار دوما من أجلنا في سودانيز

والله إن رسالتك الحنينة أبكتني فرحاً.. فهل أعظم من حب الناس هدية ربانية ؟!!

شهوة أن تكون محبوباً من الخالق وخلقه !!

شكراً لله واللهم أدم علي نعمة محبة خلقك وأحفظها من الزوال ياااارب ..

Post: #124
Title: Re: عفواً .. هذه هي شهواتي .. فماذا تشتهون ؟!!
Author: حبيب نورة
Date: 11-26-2008, 08:19 PM
Parent: #123

نادية
اما أنا فأشتهي طلتك
ربنا يديم التلاق الجميل دة
أخبارك شنو يا منقة؟

Post: #127
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-27-2008, 00:43 AM
Parent: #124

حبيب نورة يا أيها الولد الجميل

طلتك بالدنيا ياصديق الأيام الرائعة

شهوة أن نحتفظ بالجميلين حتى الممات !!

Post: #126
Title: Re: عفواً .. هذه هي شهواتي .. فماذا تشتهون ؟!!
Author: ماجدة عوض خوجلى
Date: 11-27-2008, 00:42 AM
Parent: #1

ندو ازيك ومشتااااقين غايتو احنا مانشتهى كتير وكتير ومنها انتى جاية متين
الباقى نتمو ماهنا ...
الف حمدلله على سلامة الرجعة تسلمى يارب ...

Post: #129
Title: Re: عفواً .. هذه هي شهواتي .. فماذا تشتهون ؟!!
Author: عبدالرحمن الحلاوي
Date: 11-27-2008, 05:05 AM
Parent: #126

شهوتي
أن يسترد وطني عافيته ، وان يرجع الناس الحنان إلى أوكارهم مطمئنين ، وأن تزول هذا التجهم من الوجوه وابتسامة عريضة وبشاشة تتحدث بها العيون قبل الشفاه

Post: #139
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-27-2008, 11:17 AM
Parent: #129

الكريم عبد الرحمن الحلاوي

Quote: شهوتي
أن يسترد وطني عافيته ، وان يرجع الناس الحنان إلى أوكارهم مطمئنين ، وأن تزول هذا التجهم من الوجوه وابتسامة عريضة وبشاشة تتحدث بها العيون قبل الشفاه

شهوة أن نجتمع تحت ( راكوبة) الوطن الحنين وأن نجتمع في حوشه الواسع شمال وجنوب وشرق وغرب وأن لا يفرقنا كائن من كان ولا يروعنا صوت دانة ولا رصاصة غبية !!

Post: #137
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-27-2008, 11:05 AM
Parent: #126

الجميلة الحبيبة ماجدة عوض خوجلي

تحياتي ليك يامن تجسدت فيك معاني الشهامة والجدعنة والكرم والهمة ياام القلب دهب

Quote: ندو ازيك ومشتااااقين غايتو احنا مانشتهى كتير وكتير ومنها انتى جاية متين
الباقى نتمو ماهنا ...
الف حمدلله على سلامة الرجعة تسلمى يارب ...

قريبااااااات باذن الله بس قولي ربنا يبعد العوارض يمة .. سمح ؟؟

Post: #130
Title: Re: عفواً .. هذه هي شهواتي .. فماذا تشتهون ؟!!
Author: طارق ميرغني
Date: 11-27-2008, 08:28 AM
Parent: #1

قال صديقي ابو آمنه حامد رحمة الله عليه:

أذكر أن أمي علمتني
أن لا أدر خدي ..
لصفع الوحل والأحزان ..
وأن أرتاب من زمني
وأن أدري ..
بأن الناس قد تأتي تصلي الفجر
تزكية وإيمان
وقد تأتي ..
لأن النوم لم يأتي
وقد تأتي ..
لأن الفجر تزكية لدى السلطان

كنت ادري انك ستأتين

الف الف حمد الله علي السلامه .

Post: #141
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-27-2008, 11:38 AM
Parent: #130

الكريم طارق ميرغني

Quote: أذكر أن أمي علمتني
أن لا أدر خدي ..
لصفع الوحل والأحزان ..
وأن أرتاب من زمني
وأن أدري ..
بأن الناس قد تأتي تصلي الفجر
تزكية وإيمان
وقد تأتي ..
لأن النوم لم يأتي
وقد تأتي ..
لأن الفجر تزكية لدى السلطان

ليت امي علمتني ان أرتاب من زمني ومن الناس !!

شهوة أن تفهم ماهو مخبؤ في نفوس البشر من خير ومن شر !!

Post: #131
Title: Re: عفواً .. هذه هي شهواتي .. فماذا تشتهون ؟!!
Author: صديق الموج
Date: 11-27-2008, 09:15 AM
Parent: #1

ناديه هارون الرشيد قال:
ركبنا المطهم من الخيل حتى مللناه
ولبسنا الناعم من الحرير والدمقس حتى اخشوشناه
واكلنا الطيب من الطعام حتى عفناه
ولم يبقى لنا الا انسان يكفينا مؤونة التكلف..
كان ده اتلقا الباقى هين...
ولا املك الا ان ادعو لك كما دعت فاطمة بت خير لابنها وهو فى مصر.
انت بالعافية التخصك فى المصارين
تبقالك هدم قرقاب ونعلين...
ومن كان داعيا لابنه فليدعو بمثل هذا او ليصمت..
اشتهاويه اخيرة:
كلمه صادقه تخرج من القلب للقلب بدون ان تمر بقميص
او قفص صدرى..
خليتك عافيه،،،

Post: #143
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-27-2008, 12:07 PM
Parent: #131

صديق الموج يارجل المواقف الواضحة وياصاحب القلب الأبيض

Quote: ولم يبقى لنا الا انسان يكفينا مؤونة التكلف..
كان ده اتلقا الباقى هين...
ولا املك الا ان ادعو لك كما دعت فاطمة بت خير لابنها وهو فى مصر.
انت بالعافية التخصك فى المصارين
تبقالك هدم قرقاب ونعلين...

ياسلام .. والله كلامك دخل قلبي وعقلي وريحني راحة شديدة خلاص .. ربنا يريح قلبك ياود أمي ياغالي ..

شهوة أن نكون أنفسنا بدون تكلف ورياء .. وأن ننعم برفقة إناس حقيقين في زمن الزيف والخداع الكثيف !!

Post: #133
Title: Re: عفواً .. هذه هي شهواتي .. فماذا تشتهون ؟!!
Author: abookyassarra
Date: 11-27-2008, 09:45 AM
Parent: #1

Quote: قريباً باذن الله سنشرب الشاي سوياًمع عمك عثمان سمح ؟؟

إتفقنا .. ياباشـــــــــــا

Post: #150
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-28-2008, 03:51 AM
Parent: #133

أبو السارة

Quote: إتفقنا .. ياباشـــــــــــا

باقي ليك حمودي وسارة وأمهم بدوني فيك فرقة ياخال إيمان

Post: #134
Title: Re: عفواً .. هذه هي شهواتي .. فماذا تشتهون ؟!!
Author: محمَّد زين الشفيع أحمد
Date: 11-27-2008, 10:32 AM
Parent: #1

العزيزةُ والرَّاقيةُ / نادية ..

منْ قِمَّةِ اشتهاءاتي ..

أنْ تكوني هُنا دائمًا ..

وحمدًا للهِ على سلامةِ الوصُول ،

وأتمنَّى ألا تُكْثِري الغيابَ منْ جديدْ ..

سَمِحْ ..

أخوك الصَّغيرُ * والَّذي تعلمينَهُ / محمَّد زين .
_____________________

* ( ما تقولي لَيْ كَبَّرتني .. معليش جات كِدة) .

Post: #151
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-28-2008, 03:58 AM
Parent: #134

الأديب المبدع محمد زين الشفيع احمد

تدري كم يسعدني وجودك هنا أيها المهذب الخلوق والنبيل جداً

Quote: منْ قِمَّةِ اشتهاءاتي ..

أنْ تكوني هُنا دائمًا ..

لي الشرف بأن أكون في مكان أنت فيه ياشقيقي الجميل .. وأدام الله لمتنا الطيبة في هذا الحوش الوطن باذن الله ..

وإنت كمان ماتطول الغيبة سمح ؟!!

Post: #138
Title: Re: عفواً .. هذه هي شهواتي .. فماذا تشتهون ؟!!
Author: عبد الدائم سيد أحمد
Date: 11-27-2008, 11:11 AM
Parent: #1

والله يا نادية لما قريت عنوان البوست
قلت ياربى نادية السنة دى ضابحة ولا شنو

ديل الاتنين ناقصننا هنا فى المنبر كتير جدا"
Quote: شهوة الإرتماء على كتف صديق حقيقي ..يجسّد قول .. رب أخ لك لم تلده أمك !!

شهوة مريد البرغوثي بأن تكون الخصومة وأضحة بغير عناق جبان !!

Post: #142
Title: Re: عفواً .. هذه هي شهواتي .. فماذا تشتهون ؟!!
Author: عصمت العالم
Date: 11-27-2008, 11:39 AM
Parent: #138

الرائعه ناديه عثمان..
اعود لك ثانية...فقوافل التداخل زاخرة بالكثير...
دعينى اهمس لك..
وانت الفنانه...ذات الرشق..
ولك رساله...الاسهام فى اعادة رسم المشاهد برؤى من وهج الفن.والتشكيل.وسر الكلمه..وبكل ألق ينضح...ومدى التبيان.. وحكايات تحملها طيور الجنه..لتضيفى معنى..... اخر وبعدا زاخر للحياه.وللمثل.وللقيم~.وللانسان..وللاخلاق..ولوشائج المحبه.وعمق الاحساس
اعيدى غناء عصتافير الحقل...فى مواسم حصاد الحب..وكل الخير..وزمن الاشواق
وامسكى بتلابيب حروف الكتابه..إعتصريها ودعيها تسكب عصيرا من مزن العناب..
واطفىء كل الظمأ المنتشر فى صحارى الكون..وغطى الاشجان برهيف الكلمه الهمسه...وضوى كل زوايا الاركان ..باشعاع من ذات الحس ...يهون.ويلون.ويخفف كل مصائب الناس..بعطاء الطيبه..
ازرعى شتله..لتصبح شجره سيتظل بها الناس من غيظ الحر..
..
واعيدى بناء قدرات الناس..بلهيج من سحر الكلمه..فالكلمه هى غذاء الارواح..
وجملى وجهه الدنيا..بفواتح من دفق موصول..
وارسمى على ملامح الكون بسمه..
مثل براءات الاطفال..
او لم تكن تلك...من همسات حديث الوالد.لك وهو يحفظك..ذاك الدرس..
العزيزه العاليه ناديه..
سعيد جدا بانك انت هنا...تعودين بمواكب كل ذلك الزخم...وحجم الترديد
والنور الوضىء..
كثيف الاعزاز..
ومعذره ان اثقلت...!! وكررت الطله...!!

Post: #144
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-27-2008, 12:28 PM
Parent: #142

شهوة أن نعلن عن معزتنا دون خوف .. وان لا نغالب طبعنا فالطبع غالب للتطبع !!

Post: #155
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-28-2008, 04:51 AM
Parent: #142

الأديب المدهش عصمت العالم

Quote: او لم تكن تلك...من همسات حديث الوالد.لك وهو يحفظك..ذاك الدرس..
العزيز العاليه ناديه..
سعيد جدا بانك انت هنا...تعودين بمواكب كل ذلك الزخم...وحجم الترديد
والنور الوضىء..
كثيف الاعزاز..
ومعذره ان اثقلت...!! وكررت الطله...!!

أولاً كُن على يقين بأن إطلالتك في كل ثانية ومرورك من كل بيوتاتي الإسفيرية تزيدني فرحاً وتدثرني بأثواب التفاؤل والإطمئنان ..

ومن مثل كتاباتك الطيبة وحروفك الدافئة تتشبّع الروح برحيق الإلهام ويكون للغة بريقها المضئ بمعاني النبل والروعة والجمال والحكمة ..

شهوة أن نتعلم من تجارب بعضنا البعض تجسيداً لمفهوم ( الحياة مدرسة كبرى والبشر تلاميذ في فصولها يطلبون العلم بمختلف أنواعه ) !!

كن في الجوار وكن بألف خير ..

Post: #152
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-28-2008, 04:22 AM
Parent: #138

اخي وصديقي وقريبي عبد الدائم سيد أحمد .. أبو (عُنّاب) الحلوة

تحياتي وعميق إحترامي

Quote: والله يا نادية لما قريت عنوان البوست
قلت ياربى نادية السنة دى ضابحة ولا شنو

عفواً ياصديقي فعلى الرغم من إنك تمازحني كعادتك المحببة ولكن دعني لا أكذبك القول بإن دعابتك الطيبة أعلاه قد أثارت في نفسي شجوناً واحزاناً .. فبعد أيام سيطل علي وطفلتي الوحيدة ثلاثة أعياد بالتمام والكمال لن نفرح فيهم بإشراق وجه( مُحمّد ) زوجي الحبيب وهو يداعبنا بطيبة قلبه وصفائه ( مافيش خروف السنة دي حانجيب فراخ) فنضحك من كلامه .. ثم نجده آت بعد حديثه بقليل ساحباً خلفه خروفاً سودانياً مفتخراً ( وجه حزين) !!

أدعو له بواسع الرحمة وعظيم الغفران بحق هذه الأيام المباركات .

Quote: ديل الاتنين ناقصننا هنا فى المنبر كتير جدا"

Quote: شهوة الإرتماء على كتف صديق حقيقي ..يجسّد قول .. رب أخ لك لم تلده أمك !!

شهوة مريد البرغوثي بأن تكون الخصومة وأضحة بغير عناق جبان !!

و

شهوة أن لا يظن بك من أخترته صديقاً الظنون وأنك صادقته لمآرب في نفسك .. وشهوة أن يكون صديق صديقك صديقك بذات حجم الصفاء والإلفة والنقاء .. فهذه الدنيا مهما طالت آجالنا فيها هي لزوال وليس أكثر من تلك الحفرة وذلك الكوم من التراب ينتظرنا وهو مصيرنا المحتوم ولن يضف الصراع والخبث والدسائس لصحائف أعمالنا غير مزيد من الذنوب !!

شهوة أن يهدنا الله الى صراط مستقيم ويحسن خاتمتنا ويمحو خطايانا مهما عظمت يارب العالمين !!

وكن بألف خير ياصديقي العزيز

Post: #145
Title: Re: عفواً .. هذه هي شهواتي .. فماذا تشتهون ؟!!
Author: عبد الغفار عبد الله المهدى
Date: 11-27-2008, 04:38 PM
Parent: #1

نادية
سلامات

Quote: صدقت فكم من متسلقين ومدعين وصاعدين دون وجه حق !!

شهوة أن يعرف المرء قيمة نفسه .. وان لا تكون تطلعاته أكبر من إمكانياته !!

والله كلام صاح لو اى واحد مسك دربو ما مشكلة لكن المشكلة كثرة المتسلقين وكسارين التلج حتى انهم اضحوا هم الاساس والاساسين هم المزيفيين

Post: #157
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-28-2008, 06:00 AM
Parent: #145

عبد الغفار عبد الله المهدي

حبابك مليون أخوي

Quote: والله كلام صاح لو اى واحد مسك دربو ما مشكلة لكن المشكلة كثرة المتسلقين وكسارين التلج حتى انهم اضحوا هم الاساس والاساسين هم المزيفيين

شهوة ان يجد كل موهوب فرصته .. وكل محترف مكانته .. وشهوة أن يكون دوماً الرجل المناسب في المكان المناسب !!

Post: #146
Title: Re: عفواً .. هذه هي شهواتي .. فماذا تشتهون ؟!!
Author: مصدق مصطفى حسين
Date: 11-27-2008, 05:26 PM
Parent: #1

عودا حميدا مستطاب أختى الكريمه ناديه
Quote: شهوة الإرتماء على كتف صديق حقيقي ..يجسّد قول .. رب أخ لك لم تلده أمك !!
نعم ولكن ... طلب غالى فى زمن بخيل،
تانى ما تغيبى .... سمح ؟
لك أطيب الأمنيات .

Post: #147
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-28-2008, 01:22 AM
Parent: #146

الفنان الجميل مصدق مصطفى حسين

Quote: نعم ولكن ... طلب غالى فى زمن بخيل،
تانى ما تغيبى .... سمح ؟

شهوة أن نكون عند حسن ظن من يكنون لنا المعزة والتقدير ونكن لهم مثلها أضعاف !!

Post: #149
Title: Re: عفواً .. هذه هي شهواتي .. فماذا تشتهون ؟!!
Author: شهاب الفاتح عثمان
Date: 11-28-2008, 03:38 AM
Parent: #1

Quote: لا يمكن مقارنتهما مع برنامج «شهيوات شميشة» البسيط على قناة «دوزيم» المغربية،
الا ان القاسم المشترك بينها هو إيلاء أهمية قصوى للتفاصيل، !!

حبابكم «شهيوات شميشة»هوبرنامج عن فنون الطـبخ
و بوست استاذه ناديه عن فنون الحياه..

_______________________________________________

ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور

Post: #153
Title: Re: عفواً .. هذه هي شهواتي .. فماذا تشتهون ؟!!
Author: Osman Musa
Date: 11-28-2008, 04:24 AM
Parent: #149

العزيزة نادية
سلامات .
تغنى .
تألقى لك ما تشتهى يا صبوحة الحروف .
سلامات .

Post: #154
Title: Re: عفواً .. هذه هي شهواتي .. فماذا تشتهون ؟!!
Author: Abureesh
Date: 11-28-2008, 04:44 AM
Parent: #153

ناديـة،

صباح الخير ومسـائه أينما كنت..
أهلا ومرحبـا بعودتك..

دا بوست ليلة قـدر؟

طيب وما طالبانى حليفـة.. أنا مشتهى عنقريب تمبولى (مستورد من تمبول)، مرقـو ملوى، وكرعينو
زى أقواس كمنجات العازفين الســودانيين، واحدة ماشيـة نيويورك والتانية سـان فرانسسكـو.. مختوت برررررة
فى العريشـة.. عليه مخدة بس.. على الحبل.
تحت العنقريب جبنـة طين حمرا، مدللـة ومتحكرة فوق وقايـة مرصعـة بالسكسك والسـوميت.. فنجان واحـد يطلعك
من محيط الكرة الأرضيـة.. لو عرفوه ناس ناســا كان أستعملوه ك propellant للمكوك.

Post: #156
Title: Re: عفواً .. هذه هي شهواتي .. فماذا تشتهون ؟!!
Author: Rashid Elhag
Date: 11-28-2008, 04:56 AM
Parent: #154

العزيزة نادية...سلامات... إطلالة حلوة وبوست خفيف الروح...أما أنا فأتمني وأشتهي أن أقول كلمة بحبك...بحبك يا وطن...وقد تحررت من الطغاة المجرمين....بحبك يا أمي ويا أبي...وقد عادت ألإبتسامة تعلو وجهيهما بعد طول معاناة وصبر....وأحبكم أخواتي وأخواني وأهلي ....وقد إلتقينا بعد طول غربة ونأي وسفر في رحاب الوطن الجريح......وبس.....سمح?!!
عندي كلمة عايز أقولها
*********************
عندي كلمة عايز أقولها
وليها بختار من فؤادي
ألف خفقة يصفقولها
فيها من عمري إبتسامة
فيها من عمر الطفولة
داير أقولها عايز أقولها
**********************
لو أقولها قلبي يرقص
أمشي في بستان خيالي
أنسي روحي وأعيش معاك
وأنسي أيامي الخوالي
دا القمر وكتين يضوي أحس وجودك
دا القمر شايل جمالك
وماخد النور من خدودك
وبيهو تايه في اليالي
**********************
لو أقولها الأماني تكون قريبة
والنجوم الفوق أطولها
في عيونك حاجة تسحر
علمت قلبي البطولة
فيها من عمري إبتسامة
فيها من عمر الطفولة
عايز أقولها داير أقولها
كلمة بحبك يا حبيبي

Post: #161
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-28-2008, 12:23 PM
Parent: #156

د. راشد الحاج سلامات ووين كل الغيبة دي ؟؟

Quote: العزيزة نادية...سلامات... إطلالة حلوة وبوست خفيف الروح...أما أنا فأتمني وأشتهي أن أقول كلمة بحبك...بحبك يا وطن...وقد تحررت من الطغاة المجرمين....بحبك يا أمي ويا أبي...وقد عادت ألإبتسامة تعلو وجهيهما بعد طول معاناة وصبر....وأحبكم أخواتي وأخواني وأهلي ....وقد إلتقينا بعد طول غربة ونأي وسفر في رحاب الوطن الجريح......وبس.....سمح?!!

شهوة أن يأتي يوماً يكون فيه السودان مضرب مثل في الإستقرار والآمان وأن يعم السلام كل أرجائه يارب العالمين ..!

Post: #160
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-28-2008, 11:49 AM
Parent: #154

هلا بحضورك الطيب د. أبو الريش

Quote: دا بوست ليلة قـدر؟

شهوة أن تكون لنا ليلة قدر وأحدة في كل عام تتحقق لنا فيها الأمنيات الغاليات !!

Quote: طيب وما طالبانى حليفـة.. أنا مشتهى عنقريب تمبولى (مستورد من تمبول)، مرقـو ملوى، وكرعينو
زى أقواس كمنجات العازفين الســودانيين، واحدة ماشيـة نيويورك والتانية سـان فرانسسكـو.. مختوت برررررة
فى العريشـة.. عليه مخدة بس.. على الحبل.
تحت العنقريب جبنـة طين حمرا، مدللـة ومتحكرة فوق وقايـة مرصعـة بالسكسك والسـوميت.. فنجان واحـد يطلعك
من محيط الكرة الأرضيـة.. لو عرفوه ناس ناســا كان أستعملوه ك propellant للمكوك.

تمبول دي سوق العناقريب يعني ؟!!

Post: #159
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-28-2008, 11:42 AM
Parent: #153

العزيز عثمان موسى

Quote: تغنى .
تألقى لك ما تشتهى يا صبوحة الحروف

شهوة أن ترقص حروفنا على سمفونية اللغة دون نشاز وبما يبعث البهجة في نفوس الآخرين !!

Post: #158
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-28-2008, 11:28 AM
Parent: #149

د. شهاب الفاتح

Quote: حبابكم «شهيوات شميشة»هوبرنامج عن فنون الطـبخ
و بوست استاذه ناديه عن فنون الحياه..

أعجبتني مفردة ( شهيوات) ولعلها تصغير الشهوة !!

شكراً جميلاً لوجودك هنا د. شهاب ودعنا نتعلم من بعضنا البعض فنون الحياة .. سمح ؟

Post: #162
Title: Re: عفواً .. هذه هي شهواتي .. فماذا تشتهون ؟!!
Author: WadAker
Date: 11-28-2008, 07:32 PM
Parent: #1

..ونسه برفقتك ...مع ناس طيبيين لم اتشرف بلقاؤهم من قبل... بعضهم بالبورد ...
واخرين لا اعلم اين هم الان!!
دى خرمة يفكوها كيف ... ماعارف

Post: #163
Title: Re: عفواً .. هذه هي شهواتي .. فماذا تشتهون ؟!!
Author: عماد الشبلي
Date: 11-28-2008, 08:35 PM
Parent: #162

انا .. الكاميرا تشتهى ..

ان .. احملها ..

الى .. الورود ,,

التى .. تشتهى ..

ان .. اصور ..

...... رحيقها..

Post: #170
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-29-2008, 02:29 AM
Parent: #163

الفنان عماد الشبلي

Quote: انا .. الكاميرا تشتهى ..

ان .. احملها ..

الى .. الورود ,,

التى .. تشتهى ..

ان .. اصور ..

...... رحيقها..

شهوة أن تكون صورنا في داخل (إطار) القيم الإنسانية السامية !!

Post: #165
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-28-2008, 09:18 PM
Parent: #162

يآآآآآآآآآه صديقنا الغالي ود عكر ؟؟

وينك يازول ووين الحي بيك ؟

شهوة أن نلتقي في الوطن الحبيب كما التقينا سابقاً رغم مشاغل مهنتنا المتعبة ( مهنة النكد) بحق !!

Post: #166
Title: Re: عفواً .. هذه هي شهواتي .. فماذا تشتهون ؟!!
Author: الطيب شيقوق
Date: 11-28-2008, 09:59 PM
Parent: #165

ندوية الرائعة كيفك؟

Quote: أعجبتني مفردة ( شهيوات) ولعلها تصغير الشهوة !!

مالك علينا بالتصغير والنسب وخلافه يا ندو

بالمناسبة لا انسى عندما كنا في حصة اللغة العربية وكنا في سياق الحديث عن التصغير وبعد انتهاء الحصة اقبل علينا الاستا> العالم متسائلا : هل يمكن تصغير اسماء الموصول والاشارة؟ فاجبنا بالاجماع لا يا استا>نا ( مع>رة عندى مشكلة في حرف الزال)

فاورد لنا الاستا> بيتا من الشعر يقول :-

يا ما اميلح غزلان شدن لنا من هويليائكن الضال والسلم

فهويلياء تصغير هولاء يا نادية

والضال والسلم نوع من النباتات التي تنمو على اراضي الجزيرة العربية مثل الخزام والشيح والبراح التي وردت في اغنية في الضواحي وطرف المدائن التي تغنى بها الراحل المقيم الفنان عثمان الشفيع من كلمات الشاعر المخضرم خليل فرح .

وفي النهاية شهوتي الالمام بنواصي اللغة العربية

لك منى قواسيب مودتي

Post: #167
Title: Re: عفواً .. هذه هي شهواتي .. فماذا تشتهون ؟!!
Author: mohmed khalail
Date: 11-28-2008, 10:05 PM
Parent: #166

ندوية سلامات

بركة بالشوفة

شهيوة صغيرة غناها وردي اغنيها ليكم بصوتي الشين لكن اسمعوها بإحساسكم

لو لحظة من وسن

تذهب عني حزني

تحملني .ترجعني

الى ربوع وطني

بث

Post: #174
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-29-2008, 06:41 PM
Parent: #167

محمد خليل أيها الزول السمح إنت إختفيت وين كل الزمن ده ؟!!

Quote: لو لحظة من وسن

تذهب عني حزني

تحملني .ترجعني

الى ربوع وطني

هذه شهوة أريد إقتسامها معك ( النص بالنص ) سمح ؟!!

Post: #173
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-29-2008, 03:04 PM
Parent: #166

ود شيقوق الغالي

Quote: وفي النهاية شهوتي الالمام بنواصي اللغة العربية

شهوة مشتركة فاللغة العربية بحر اعشق السباحة فيه وأتمنى أن أجيدها وأسعى لذلك قدر المستطاع

كُن في الجوار دوماً أيها الرجل النبيل .. سمح ؟

Post: #169
Title: Re: عفواً .. هذه هي شهواتي .. فماذا تشتهون ؟!!
Author: yasir tamtam
Date: 11-29-2008, 01:32 AM
Parent: #1

الاستاذة نادية عثمان
نعم قد يكون هذا مرورى الاول وانا
عضو جديد ولكن أسرنى نقش الحروف
فى مشتهاك واحلامك، فنسجتى وجسدتى
أجمل حلم يراود الجميع و لم تتركى
شى ورائك ،كل التحايا لك ومتعك ربى
بالصحة و العافية،وتحقيق كل الامانى
لكل بعيد وقريب00

ياسر تمتام

Post: #171
Title: Re: عفواً .. هذه هي شهواتي .. فماذا تشتهون ؟!!
Author: قاسم المهداوى
Date: 11-29-2008, 02:42 AM
Parent: #169

مهداء الى ملالى السودان الجدد ومحمد حامد جمعة وهراء ال...ؤتمر الوطنى بالمنبر

Post: #172
Title: Re: عفواً .. هذه هي شهواتي .. فماذا تشتهون ؟!!
Author: الطيب شيقوق
Date: 11-29-2008, 11:33 AM
Parent: #171

الى حين عودتكم

Post: #175
Title: Re: عفواً .. هذه هي شهواتي .. فماذا تشتهون ؟!!
Author: الطيب شيقوق
Date: 11-29-2008, 07:17 PM
Parent: #172

ندو الجميلة كيفك

دعيني اولا اترحم على روح الفقيد العلم والقامة الاعلامي الاستا> حسن ساتي وال>ي فجعنا بنبأ وفاته اليوم

انا لله وانا اليه راجعون

اليكم قصيدة شعرية عجيبة اشتهيتها ، نظمها إسماعيل بن أبي بكر المقري ـ رحمه الله ـ
والعجيب فيها أنك عندما تقرأها من اليمين إلى اليسار تكون مدحا
وعندما تقرأها من اليسار إلى اليمين تكون ذماً .

من اليمين إلى اليسار في المدح

طلبوا الذي نالوا فما حُرمــــوا ..... رُفعتْ فما حُطتْ لهـــم رُتبُ

وهَبوا ومـا تمّتْ لــهم خُلــــــقُ .... سلموا فما أودى بهـــم عطَبُ

جلبوا الذي نرضى فما كَسَدوا .... حُمدتْ لهم شيمُ فــمـــا كَسَبوا

.

من اليسار إلى اليمين في الذم

رُتب لهم حُطتْ فمــــا رُفعتْ .. حُرموا فما نالوا الـــــذي طلبُوا

عَطَب بهم أودى فمــــا سلموا ... خُلقٌ لهم تمّتْ ومـــــــــا وهبُوا

كَسَبوا فما شيمٌ لــــهم حُمــدتْ ... كَسَدوا فما نرضى الذي جَلبُوا

قواسيب معزتي

Post: #176
Title: Re: عفواً .. هذه هي شهواتي .. فماذا تشتهون ؟!!
Author: الطيب شيقوق
Date: 11-29-2008, 07:36 PM
Parent: #175

Post: #177
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-29-2008, 08:16 PM
Parent: #176

شهوة أن لا يداهمنا ( عذرائيل) دون سابق إنذار !!

وشهوة الرضاء بما أراد الله !!

Post: #178
Title: Re: عفواً .. هذه هي شهواتي .. فماذا تشتهون ؟!!
Author: Yassir Tayfour
Date: 11-29-2008, 08:36 PM
Parent: #177

شهوتي يا نادية
أن تخضرّ اليابسة فينا
وأن لا تهجرنا المطر
__
وان يترك القبح مكانه للوجه الحسن

Post: #179
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-29-2008, 08:54 PM
Parent: #178

ياسر طيفور ياشقيقي الجميل الروح

Quote: شهوتي يا نادية
أن تخضرّ اليابسة فينا
وأن لا تهجرنا المطر
__
وان يترك القبح مكانه للوجه الحسن

شهوتي ياياسر أن تبرأ جراح الحزن في نفسي وأن يكف الزمان عن العبث بمكامن الوجع في روحي وإثارة نزيف القلب كلما تجلّط الدم وقارب الجرح على الإندمال !!

Post: #182
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-29-2008, 09:53 PM
Parent: #175

ود شيقوق ياجميل الدواخل

Quote: رُتب لهم حُطتْ فمــــا رُفعتْ .. حُرموا فما نالوا الـــــذي طلبُوا

عَطَب بهم أودى فمــــا سلموا ... خُلقٌ لهم تمّتْ ومـــــــــا وهبُوا

كَسَبوا فما شيمٌ لــــهم حُمــدتْ ... كَسَدوا فما نرضى الذي جَلبُوا

اغايتو دي عجبتني عميقة وجميلة .. تسلم يارب

شهوة أن نلجم خاصية الإنتقام في أرواحنا ونعطّل مفاتيح الغيرة العمياء والمدمرة لصاحبها قبل الآخر !!

Post: #180
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-29-2008, 09:01 PM
Parent: #169

الفنان الجميل ياسر تمتام

تحية وتعظيم سلام لحضورك الجميل ياصاحب الصوت الشجي

Quote: الاستاذة نادية عثمان
نعم قد يكون هذا مرورى الاول وانا
عضو جديد ولكن أسرنى نقش الحروف
فى مشتهاك واحلامك، فنسجتى وجسدتى
أجمل حلم يراود الجميع و لم تتركى
شى ورائك ،كل التحايا لك ومتعك ربى
بالصحة و العافية،وتحقيق كل الامانى
لكل بعيد وقريب00

شكراً لحروفي التي لامست دواخلك الطيبة وجاءت بك ماراً من بيوتاتي الإسفيرية فلحضورك دوزنة الأنغام وصهيل الأغنيات !!

شهوة أن أسمع صوتك منساباً في هذا البوست بواحدة من عيون شعر الحقيبة الحنين .. سمح ؟

Post: #181
Title: Re: عفواً .. هذه هي شهواتي .. فماذا تشتهون ؟!!
Author: خضر حسين خليل
Date: 11-29-2008, 09:11 PM
Parent: #1

نشتهيك اليوم اليوم يا وطني

عفواً نادية

إشتهيك اليوم يا وطني !!

Post: #183
Title: Re: عفواً .. هذه هي شهواتي .. فماذا تشتهون ؟!!
Author: عبد المنعم سيد احمد
Date: 11-29-2008, 11:34 PM
Parent: #181

كلمات انيقة وروح شاعرية
الاستاذة نادية
مرحبا بالعودة المتالقة
ولتتواصل هذه الحروف الخضراء

Post: #186
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-30-2008, 01:02 AM
Parent: #183

عبد المنعم سيد أحمد

سلمت على المرور الطيب والثناء العاطر

شهوة أن نفرح برؤية الخلوقين والمهذبين أمثالك في بوستاتنا ..

Post: #184
Title: Re: عفواً .. هذه هي شهواتي .. فماذا تشتهون ؟!!
Author: عبد المنعم سيد احمد
Date: 11-29-2008, 11:34 PM
Parent: #181

مكرر

Post: #185
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-29-2008, 11:55 PM
Parent: #181

خضر حسين

Quote: عفواً نادية

شئ وأحد أريدك أن تتيقن منه وهو أن مرورك من بيوتاتي الإسفيرية يبعث على الفرح في نفسي فلا تتحرج في الدخول كلما سمحت لك ظروفك وإشتهيت ذلك سمح ؟

Quote: إشتهيك اليوم يا وطني !!

ومعك أشتهي الوطن اليوم وكل يوم ..كن بخير ياوطن !

Post: #187
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-30-2008, 01:54 AM
Parent: #185

شهوة أن أرى كتابات الناقدة والأديبة المبدعة د. بيان في هذا المكان من جديد !!

ليت بكري يعيد اليها باسويردها المسلوب منها قسراً

Post: #188
Title: Re: عفواً .. هذه هي شهواتي .. فماذا تشتهون ؟!!
Author: عبد المنعم سيد احمد
Date: 11-30-2008, 01:59 AM
Parent: #185

عبد الدائم سيد أحمد

Post: #189
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-30-2008, 02:57 AM
Parent: #188

عبد المنعم

المداخلة ليك واللخبطة في الإسم بينك وبين عبد الدائم سيد احمد هو أخوك موش ؟

عفواً وسامحني للخطأ غير المقصود في الإسم سمح ؟!

Post: #190
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-30-2008, 12:46 PM
Parent: #189

وشهوة أن تعود ماما دوما بمداخلاتها الحكيمة والمهمة !!

Post: #191
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-30-2008, 01:52 PM
Parent: #190

شهوة أن أقرأ للغالية الجميلة الروح ، رصينة الطرح ، أنيقة العبارة .. ممكونة !!

Post: #192
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-30-2008, 02:19 PM
Parent: #191

شهوة أن تكون الخصومة في عزها وأضحة غير مخدوشة بالعناق الجبان !!

لله درُك يابرغوثي !!

Post: #193
Title: Re: عفواً .. هذه هي شهواتي .. فماذا تشتهون ؟!!
Author: عبد المنعم سيد احمد
Date: 11-30-2008, 03:48 PM
Parent: #192

Quote: عبد المنعم

المداخلة ليك واللخبطة في الإسم بينك وبين عبد الدائم سيد احمد هو أخوك موش ؟

الاستاذ
عبد الدائم سيد احمد..زميلنا بالمنبر
وجميل ان نلتقى..عبر المساحات الخضراء
لك الود

Post: #194
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 11-30-2008, 04:15 PM
Parent: #193

عبد المنعم سيد أحمد

Quote: وجميل ان نلتقى..عبر المساحات الخضراء

شكراً نبيلاً على فيض الأريحية والبهاء الكثيف ..

كن بألف خير

Post: #195
Title: Re: عفواً .. هذه هي شهواتي .. فماذا تشتهون ؟!!
Author: إسماعيل حميم
Date: 12-01-2008, 11:09 PM
Parent: #194

الأخت العزيزة نادية

سلام وسعيدين بالعودة المحمودة
إلا نصيحة (لااااا تغيبي) إلا لتجديد الروح والترويح عنها من رهق المجتمع
أو الوطن الذي ليس لنا يدُُ ُ في التواجد فيه

وسودانيز أون لاين وطن متكامل بداخله كل ما نشتهي ولا نشتهي
ثم
يزيد عن الوطن الملموس بأن الشخصياته ما بين الحقيقة واللا حقيقة وفرضاً نتواصل مع تلك الشخصيات
لذا يجب علينا توقع كل شئ عندما نكتب أو نقرأ . . فلا نستعجب أو نفرط في الحزن والتواري
وما أنتهجه هنا تهيئة نفسي لكل ما لا أتوقعه وبذلك يقل الضغط عليّ مما حولي مهما عظم شأنه
فأاخذ ما يشبهني وأترك ما لا . .

تاني ( لاااااا تغيبي) حرفك له طعم

مرفق
صادق الود

إسماعيل حميم

.

Post: #196
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-01-2008, 11:27 PM
Parent: #195

إسماعيل حميم

كلامك طاعم ومهم دايرة أرجع ليهو بمزاج سمح ؟!!

Post: #199
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-02-2008, 01:21 PM
Parent: #195

إسماعيل حميم

Quote: إلا نصيحة (لااااا تغيبي) إلا لتجديد الروح والترويح عنها من رهق المجتمع
أو الوطن الذي ليس لنا يدُُ ُ في التواجد فيه

وسودانيز أون لاين وطن متكامل بداخله كل ما نشتهي ولا نشتهي
ثم
يزيد عن الوطن الملموس بأن الشخصياته ما بين الحقيقة واللا حقيقة وفرضاً نتواصل مع تلك الشخصيات
لذا يجب علينا توقع كل شئ عندما نكتب أو نقرأ . . فلا نستعجب أو نفرط في الحزن والتواري
وما أنتهجه هنا تهيئة نفسي لكل ما لا أتوقعه وبذلك يقل الضغط عليّ مما حولي مهما عظم شأنه
فأاخذ ما يشبهني وأترك ما لا . .

تاني ( لاااااا تغيبي) حرفك له طعم

شهوة أن نكون في مكان ( نصف ) ناسه أسوياء .. النصف فقط ولا نطمع في الكل !!

شهوة ان يختط البعض حروفهم وهم في كامل وعيهم بدون أن يكونوا تحت تأثير الغيرة والبغض والحقد والهواجس !!

شهوة أن نكون أنفسنا ونحاول مجرد المحاولة إصلاح وتهذيب وتشذيب مكامن السوء فينا والتحكم في ريموت الشر المستطير بداخل نفوسنا !!

Post: #197
Title: Re: عفواً .. هذه هي شهواتي .. فماذا تشتهون ؟!!
Author: الملك
Date: 12-01-2008, 11:30 PM
Parent: #1

انتى جيتى متين؟ حمد لله على السلامة
عساك والبنية والقاهرة بخير,,

..
مشتهينكــ
وياما
..

ما انو ردى مُتاخر
لكن
"البوست جميل"

Post: #198
Title: Re: عفواً .. هذه هي شهواتي .. فماذا تشتهون ؟!!
Author: إسماعيل حميم
Date: 12-01-2008, 11:59 PM
Parent: #197

Quote: إسماعيل حميم
كلامك طاعم ومهم دايرة أرجع ليهو بمزاج سمح ؟!!

سمح إنت

وسمح ونص وخمسة

مرفق
مودتي

إسماعيل حميم

.

Post: #203
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-02-2008, 02:18 PM
Parent: #197

ناجي ياملك

عساك طيب يارب

والعيد عليك مبارك وسعيد ومحققة الأمنيات

شهوة أن أقضي العيد في الشعبية ولكن !!

القاهرة بخير وحلوة بوجود سفيان الخلوق ونبراس الجميلة ووديدي الماعارفاهو وين مختفي

Post: #204
Title: Re: عفواً .. هذه هي شهواتي .. فماذا تشتهون ؟!!
Author: بلدى يا حبوب
Date: 12-02-2008, 02:31 PM
Parent: #1

منى عثمان
سلام كتير

ان يتغير الواقع ونصحو على يوم جديد وكل رافض للديمقراطية فى مذبلة التاريخ
تحياتى

Post: #205
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-02-2008, 02:38 PM
Parent: #204

Quote: منى عثمان

منى منو دي

وبهناك السني دفع الله قال لدينا حافظ يا داليا

شهوة أن لا ينسى الزملاء الذين زاملناهم سنيناً في المنبر أسمائنا

شكرا جميلا على المرور المفرح يابلدي ياحبوب وحقق الله جميع إشتهاءاتك يارب

Post: #206
Title: Re: عفواً .. هذه هي شهواتي .. فماذا تشتهون ؟!!
Author: بلدى يا حبوب
Date: 12-02-2008, 02:52 PM
Parent: #1

عذرا الاخت ناديةعثمان

استبقتنى الحروف وبلابل المنبر بدات تعود فكان الحلم بالعود المحمود
تحياتى

Post: #207
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-02-2008, 02:58 PM
Parent: #206

بلدي ياحبوب

حمداً للخطأ غير المقصود الذي أعادك للبوست فوجودك باعث على الفرحة

وبوجودك أخي العزيز ولطيبة روح ودماثة أخلاق أمثالك في المنبر فستعود كل البلابل باذن الله

كن بالقرب دوما

Post: #208
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-02-2008, 03:53 PM
Parent: #207

شهوة أن يكون الإنسان إنساناً غير منتحل لشخصية الثعلب !!

Post: #209
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-02-2008, 05:15 PM
Parent: #208

شهوة ان تقدم بيمينك خيراً ودعماً لمحتاج في غير منِ ولا أذى .. ومن دون أن تعلم يدك اليسرى عن سر اليمنى شئياً !!!

Post: #210
Title: Re: عفواً .. هذه هي شهواتي .. فماذا تشتهون ؟!!
Author: ممدوح أبارو
Date: 12-02-2008, 05:26 PM
Parent: #209

أشتهي مرعي أخضر لا تحتاج أغنامه لراعي

أشتهي ليل مقمر يسير به الطفل دون خوف

أشتهي وطناً أقول وأفعل فيه ما أريد دون رقيب

كنت أشتاق ولا أقول أشتهي حرفك وها قد أتي

معليش أستاذة نادية

خشيت وما سلمت

مرحباً بعودتك

Post: #212
Title: Re: عفواً .. هذه هي شهواتي .. فماذا تشتهون ؟!!
Author: عمر عثمان
Date: 12-02-2008, 07:13 PM
Parent: #210

Quote: والله أي دسن مشتاقري ياانقي تود

وانا اقول
والله أي دسن مشتاقري ياانقي برو

وقديما قالوا العارف عزو مستريح

وتسير القافله رغم النباح

ويبقى ما يفيد الناس

والناس يا ناديه هم شهود الرب على الارض
ولا يجتمعون على محبة شخص مثلك جبرا
ولا بقوة السلاح
ولا نفاقا
كلنا نحبك
فقط امطرينا ابداعا

Post: #214
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-02-2008, 07:48 PM
Parent: #212

عمر عثمان ياجارنا ياجار الهناء

Quote: وانا اقول

وأنا برضو أقول !!

Quote: والله أي دسن مشتاقري ياانقي برو

ياسلام ياخي .. الهي ايكي باريكيرو ياانقي تود

بالله ان هال مندي .. كمبو شديد كده

Quote: وقديما قالوا العارف عزو مستريح

وتسير القافله رغم النباح

ويبقى ما يفيد الناس

والناس يا ناديه هم شهود الرب على الارض
ولا يجتمعون على محبة شخص مثلك جبرا
ولا بقوة السلاح
ولا نفاقا
كلنا نحبك
فقط امطرينا ابداعا

صدقت ياشقيقي .. نعم فنباح الكلاب لا يمكنه أن يوقف قافلة تسير في طريقها مهما علت أصوات النباح !!

وسعيدة أنا وفخورة بحبكم جداً وهو من نعم رب العزة على شخصي الضعيف والله .. ودعواتي لله أن يديم علي نعمة محبة خلقه آجمعين يارب ..

شهوة أن يجمعنا لقاء في بحري حلة حمد والشعبية أو دبي سمح ؟

Post: #213
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-02-2008, 07:17 PM
Parent: #210

العريس ممدوح أبارو

مرحبتين حبابك ياجميل الروح

وربنا يكمل ليك على خير ويرزقك الذرية الصالحة يارب

Quote: كنت أشتاق ولا أقول أشتهي حرفك وها قد أتي

شهوة أن تكون حروفنا بلسماً لجروح بعضنا البعض وممرات عبور للإطمئنان والسكينة والراحة !!

Post: #211
Title: Re: عفواً .. هذه هي شهواتي .. فماذا تشتهون ؟!!
Author: Halema2
Date: 12-02-2008, 07:04 PM
Parent: #1

العزيزه ناديه
مرحب

اشتهى اتكأة فى سرير جوار امى الحبيبه(رحمها الله) ولو لنصف ساعه لاحكى لها ما حدث من يوم فارقتنى

-----------------------------
استغفر الله العظيم

والله يا ناديه هذه شهوتى اليوميه منذ 1999

تحياتى

Post: #215
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-02-2008, 09:27 PM
Parent: #211

حليمة 2 الحبيبة الغالية

تبري وتستبري ياخ ماتقولي كلام زي ده .. ان شاء الله ربنا يديك طولة العمر والعافية يارب

وربنا يرحم الوالدة ويجعل الجنة مثواها يارب العالمين

شهوة أن نُحشر مع من نُحب في جنات النعيم باذن الله !!

Post: #216
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-02-2008, 10:16 PM
Parent: #215

شهوة أن تجد يداً حانية ومُحبة وصادقة تمسح عن عينيك دموع الإحساس بالظلم والضجر من مضايقات الحياة والناس !!

Post: #217
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-02-2008, 10:52 PM
Parent: #216

شهوة أن لا تكون نواياك الحسنة خنجراً يذبح إنسانيتك ويحطم أحلامك على أرصفة المكر والشر بيد شياطين الإنس والجن معاً !!

Post: #218
Title: Re: عفواً .. هذه هي شهواتي .. فماذا تشتهون ؟!!
Author: عبد المنعم ابراهيم الحاج
Date: 12-03-2008, 02:13 AM
Parent: #217

شهوتي..

مرنتها سحالي يديك
في صيدها المستمر
لكل جميل
وكل الحروف التي معي
صرفتها في صراع
نبيل مع الوقت

بذّرتها في
فراغ عليل..

ومااصطدت غير الأرق..

تجوب الفراشة حقل النعاس
ولا يثمر النخل
في واحة العين..

Post: #219
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-03-2008, 10:47 AM
Parent: #218

عبد المنعم إبراهيم الحاج

Quote: مرنتها سحالي يديك
في صيدها المستمر
لكل جميل
وكل الحروف التي معي
صرفتها في صراع
نبيل مع الوقت

بذّرتها في
فراغ عليل..

ومااصطدت غير الأرق..

تجوب الفراشة حقل النعاس
ولا يثمر النخل
في واحة العين..

شهوة أن يستفز خيالك مكتوب لكاتب شاطح الخيال دون حدود .. يأخذك على خيل الجموح وينطلق بك الى عوالم الدهشة والإمتاع ويمكنك من سبر اغوار اللغة وفض بكارتها بكل سهولة ويسر في غيرما تعثر وحيرة !!

شكرا جميلا لمرورك المفرح ..

Post: #220
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-05-2008, 01:18 AM
Parent: #219

شهوة أن تعود الباسقة تماضر شيخ الدين والحبيبة سلمى الشيخ سلامة للكتابة هنا وتعطير أجواء المنبر بعبق الطيبة وفوح الرهافة والجمال .. ياريت ماتتأخروا سمح ؟!!

Post: #221
Title: Re: عفواً .. هذه هي شهواتي .. فماذا تشتهون ؟!!
Author: الطيب شيقوق
Date: 12-05-2008, 07:43 AM
Parent: #220

شهوة اجي وأخد لي قدلة في البوست ده سااااااااااااااى

Post: #222
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-05-2008, 09:09 AM
Parent: #221

أخي ود شيقوق أهلا ومرحباً بك ..

Post: #223
Title: Re: عفواً .. هذه هي شهواتي .. فماذا تشتهون ؟!!
Author: الطيب شيقوق
Date: 12-05-2008, 10:11 AM
Parent: #222

بالحيل دى المحرية فيك يا نادية

تعرفي المحرية يعني شنو؟

ممكن تتصلي بصديق الا خالك

Post: #224
Title: Re: عفواً .. هذه هي شهواتي .. فماذا تشتهون ؟!!
Author: Yassir Bainwi
Date: 12-05-2008, 11:20 AM
Parent: #223

وانا شهوتي
الناس تلاقي الناس ونتسالم
تكون الالفةبينا اساس

Post: #225
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-05-2008, 12:14 PM
Parent: #224

ياسر بيناوي

و

شهوة أن يكون اللقاء قريبا لتكتمل الصورة مابين حروف المعزة والإنسان العزيز ..!!

و

شهوة أن تكون الأسافير وطن يجمعنا على المعزة والتقدير وحسن النوايا وجميل الأمنيات !

كن بألف خير

Post: #226
Title: Re: عفواً .. هذه هي شهواتي .. فماذا تشتهون ؟!!
Author: القلب النابض
Date: 12-05-2008, 12:21 PM
Parent: #225

يا نادية

يا ريحانة البورد

يا بينة زي ضل الضحى المسكون بناس حلوين

يازولة في كم زول

انت جيتي والبورد نور بيك

ومشتاقين وبس

Post: #229
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-05-2008, 02:22 PM
Parent: #226

قلبنا النابض حب ومحنة

Quote: يا نادية

يا ريحانة البورد

يا بينة زي ضل الضحى المسكون بناس حلوين

يازولة في كم زول

انت جيتي والبورد نور بيك

ومشتاقين وبس

شهوة أن التقيك ياذات القلب النابض بحب الخير ومترع بوهج الإنسانية وصحوة الضمير ..

كوني كما أنتي نخلة من نخلات بلادي الباسقات الشامخات ..

Post: #227
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-05-2008, 12:42 PM
Parent: #223

الطيب شيقوق

Quote: تعرفي المحرية يعني شنو؟

يعني ياهو عشمنا فيك ..!

Post: #228
Title: Re: عفواً .. هذه هي شهواتي .. فماذا تشتهون ؟!!
Author: طارق الكوتش
Date: 12-05-2008, 01:55 PM
Parent: #1

ناديه سلامات

Quote: شهوة سماع نبأ عظيم .. وإنتهاء حزن مقيم .. وإندثار شجن اليم

منتظرين على احر من الجمر

Quote: شهوة الإرتماء على كتف صديق حقيقي ..يجسّد قول .. رب أخ لك لم تلده أمك

مشتاقين كميات آدى كده

Quote: شهوة مريد البرغوثي بأن تكون الخصومة وأضحة بغير عناق جبان

الهم باعد بيننا و النفاق واحفظ قلوبنا من الخصومات

.....

بوست جميل ... مبروك

ــــــــ
ياناديه يابتى انت صاحبة > لقاء سيد الغناء السودانى وردى فى هارمونى ؟
عموما مبروك لتلك الفتاه التى كانت التلقائيه و الدهشه فى عينيها

Post: #230
Title: Re: عفواً .. هذه هي شهواتي .. فماذا تشتهون ؟!!
Author: الطيب شيقوق
Date: 12-05-2008, 02:36 PM
Parent: #228

Quote: يعني ياهو عشمنا فيك ..!

شااااااطرة ولماحة - اديلك واحدة تاني من مفردات المهمشين؟

Post: #231
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-05-2008, 02:54 PM
Parent: #228

طارق الكوتش سلامات

Quote: منتظرين على احر من الجمر

أنا ذاتي منتظرة معاك .. ربنا يجيب الأخبار المفرحة يارب

شهوة أن نجد من الأفراح حظاً بعد طول حزن ونحيب !!

Quote: ياناديه يابتى انت صاحبة > لقاء سيد الغناء السودانى وردى فى هارمونى ؟
عموما مبروك لتلك الفتاه التى كانت التلقائيه و الدهشه فى عينيها

ايوة أنا التي كان لها شرف محاورة الهرم الفني الكبير محمد وردي ..والتي غمرتها السعادة بتقبل الجمهور لها وإعجابهم ببساطتها والحمد لله ..
وأتمنى على الله أن اكون عند حسن المشاهدين والقراء بي دوما يارب العالمين ..

وكن بألف خير والعيد مبارك عليك

Post: #232
Title: Re: عفواً .. هذه هي شهواتي .. فماذا تشتهون ؟!!
Author: الطيب شيقوق
Date: 12-05-2008, 10:27 PM
Parent: #231

شهوتي ان يتركني الناس اكتب اينما وكيفما شئت

Post: #233
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-05-2008, 10:57 PM
Parent: #232

Quote: شهوتي ان يتركني الناس اكتب اينما وكيفما شئت

ليت كل مانتمناه ندركه أخي الطيب شيقوق !!

Post: #234
Title: Re: عفواً .. هذه هي شهواتي .. فماذا تشتهون ؟!!
Author: الطيب شيقوق
Date: 12-05-2008, 11:04 PM
Parent: #233

Post: #235
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-06-2008, 00:49 AM
Parent: #234

وعايز أكون أنا غصن أخضر

غصن يرمز للسلام !!

غصن من زيتونة أخضر

رمز للحب والوئام !!

شهوة أن نكون أنفسنا ومانحب أن نكون عليه !!

Post: #236
Title: Re: عفواً .. هذه هي شهواتي .. فماذا تشتهون ؟!!
Author: NEWSUDANI
Date: 12-06-2008, 06:42 AM
Parent: #1

Quote: وأخيراً.. شهوة العودة الى منبر سودانيز أون لاين والإنتماء الى ناسه أخيارا وأشرارا فهذه خلطة الحياة السرية رغم إندلاق بُهار الشر كثيفاً و(العطس) من فلفل الخبث والخصام وسعير المؤامرات !!

الأستاذة الفاضلة

هذه ليست خلطة المنبر فقط بل هي خلطة الحياة ،، ولكن تبقى الخيارات أهل نتركها للأشرار ليسودوا فيها أم نتواجد ونصادمهم بأخلاقياتناو ليست أخلاقياتهم أما يعودون الى الصواب أو ينسحبون هم منا ولا نتركها لهم هذه رسالة الوطن

لكي التحية

Post: #237
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-07-2008, 07:34 PM
Parent: #236

الكريم نيو سوداني

Quote: هذه ليست خلطة المنبر فقط بل هي خلطة الحياة ،، ولكن تبقى الخيارات أهل نتركها للأشرار ليسودوا فيها أم نتواجد ونصادمهم بأخلاقياتناو ليست أخلاقياتهم أما يعودون الى الصواب أو ينسحبون هم منا ولا نتركها لهم هذه رسالة الوطن

لكي التحية

شكرا جميلاً على مرورك الأنيق وعيدك مبارك عليك يارب

شهوة أن نكون في أوطاننا حراساً وأسوداً مدافعة عن العرين ..فاللأوطان في دمِ كل حرِ .. يدُ سلفت ودين مستحق ..!

Post: #238
Title: Re: عفواً .. هذه هي شهواتي .. فماذا تشتهون ؟!!
Author: طارق الكوتش
Date: 12-07-2008, 07:45 PM
Parent: #1

ناديه يا رائعه

Quote: وأتمنى على الله أن اكون عند حسن المشاهدين والقراء بي دوما يارب العالمين ..

ربنا يحقق كل امانيك و شهواتك

احترامى و تقديرى

Post: #239
Title: Re: عفواً .. هذه هي شهواتي .. فماذا تشتهون ؟!!
Author: abdelrahim abayazid
Date: 12-07-2008, 07:58 PM
Parent: #238

اشتهي ان اعطيك صورك التي بحوزتي!!!!

Post: #241
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-07-2008, 08:53 PM
Parent: #239

عبد الرحيم أبا يزيد ؟؟

ياخ أنت وين ياغالي ؟؟

وصوري ماترسلها في الإيميل ولا ضيعتو كمان ؟؟

منتظرة إيميلك سمح ؟

Post: #243
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-08-2008, 00:27 AM
Parent: #238

العزيز طارق الكوتش

ويحقق كل أمانيك ياااااااارب

والعيد عليك وعلى حبايبك بخيت وسعيد

Post: #240
Title: Re: عفواً .. هذه هي شهواتي .. فماذا تشتهون ؟!!
Author: WadAker
Date: 12-07-2008, 08:29 PM
Parent: #1

الرائعة نادية ...كل سنة وانتى طيبة .. لامسنجر شغال ,, وضاع تلفونى فضاعت كل الارقام.... يحلوها كيف .. او يسمعو صوتك كيف؟

Post: #242
Title: Re: عفواً .. هذه هي شهواتي .. فماذا تشتهون ؟!!
Author: الطيب شيقوق
Date: 12-07-2008, 09:29 PM
Parent: #240

Quote: شهوة أن نكون أنفسنا ومانحب أن نكون عليه !!

حتما نعم يا ندو

Post: #244
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-12-2008, 03:25 AM
Parent: #242

ود عكر ؟؟

وينك إنت ياخ ؟

بالغت .. ليه الغياب الطويل ده بس ؟

تلفوني عند نوبي سمح ؟

Post: #245
Title: Re: عفواً .. هذه هي شهواتي .. فماذا تشتهون ؟!!
Author: نادية عثمان
Date: 12-12-2008, 12:07 PM
Parent: #244

شهوة العيش في عالم خال من الأحقاد والبغضاء والنميمة !!

يقال :

كيف تأنف عن أكل الحرام ولا تأنف عن أكل أخيك غيبةً !!

اللهم أكفنا شرور أنفسنا والآخرين يارب

Post: #246
Title: Re: عفواً .. هذه هي شهواتي .. فماذا تشتهون ؟!!
Author: kh_abboud
Date: 12-12-2008, 12:53 PM
Parent: #245

الأخت العزيزة نادية
كل عام وأنت بخير
للإجابة على سؤالك للبورداب :
أشتهي أن اعيش في هذا العالم >

(خَلْقُ الجَّمَالِ

نَحْنُ نُبَشِّرُ بِعَالَمٍ جَدِيدٍ، ونَدْعُو الى سَبِيلِ تَحْقيقِهِ، ونَزْعَمُ أنَّا نَعْرِفُ ذَلِكَ السَّبِيلَ مَعْرِفَةً عَمَلِيَّةً.. امَّا ذَلِكَ العَالَمُ الجَّدِيدُ، فَهوَ عَالَمٌ يَسْكُنُهُ رِجَالٌ ونِسَاءٌ، أحْرَارٌ، قَدْ بَرِئَتْ صُدُورُهُم مِن الغِلِّ والحِقْدِ، وسَلِمَتْ عُقُولُهُم مِن السَّخَفِ والخُرَافَاتِ.. فَهُمْ فى جَمِيعِ أقْطَارِ هَذَا الكَوْكَبِ مُتَآخُوْنَ، مُتَسَالِمُوْنَ، مُتَحَابُّونَ.. قَدْ وَظَّفُوا أنْفُسَهُم لِخَلْقِ الجَّمَالِ فى أنْفُسِهِم، وفى مَا حَوْلَهُم مِن الأشْيَاء.. فَأصْبَحُوا بِذَلِكَ سَادَةَ هَذَا الكَوْكَبِ.. تَسْمُو بِهِم الَحيَاةُ فِيهِ سَمْتاً فَوْقَ سَمْتٍ، حَتَّى تُصْبِحَ وكَأنَّهَا الرَّوْضَةُ المُونِقَةُ.. تَتَفَتَّحُ كُلَّ يَوْمٍ عَنْ جَدِيدٍ مِن الزَّهرِ، وجَدِيدٍ مِن الثَّمَرِ.

الأستاذ محمود محمد طه
الجمعة 10 جمادى الأولى 1373 هـ
15 يوليو 1954 م
جريدة الجمهورية - العدد الأول)

Post: #247
Title: Re: عفواً .. هذه هي شهواتي .. فماذا تشتهون ؟!!
Author: kh_abboud
Date: 12-13-2008, 08:33 PM
Parent: #246

يبدو أن ختام هذا البوست ، قد صار مسكا ....
ويبدو أن هذه الكلمات المشرقات من الأستاذ الشهيد ، جامعات لكل المعاني التفصيلية التي إشتهاها البورداب الكرام المشاركين فى هذا البوست ...
وأضيف :
اشتهي أن تتحقق الآية الكريمة: ( ونريد أن نمن على الذين استضعفوا في الأرض ونجعلهم أئمة ونجعلهم الوارثين ) صدق الله العظيم ...