Post: #1
Title: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح؟
Author: نادية عثمان
Date: 01-18-2009, 07:18 PM
Parent: #0
للناس الفي السودان خاصة
والخارج السودان عامة
ومن أجل المصلحة العامة
ومن أجلهن .. ( نخلات من بلادنا)
تعالوا أشرح ليكم الموضوع وأوريكم شكل المساعدة والإستشارة في شنو سمح ؟
للمتابعة
بجيكم دقائق بس
|
Post: #2
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: ضحيه ابراهيم
Date: 01-18-2009, 07:19 PM
Parent: #1
الموضوع شنو؟
|
Post: #3
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: 7abib_alkul
Date: 01-18-2009, 07:28 PM
Parent: #2
احى جنى وجن البوستات البقطاعى
|
Post: #6
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 00:28 AM
Parent: #3
حبيب الكل سلامات
معليش والله بس مشغوليات حبة كده سمح ؟
الفكرة
برنامجي في هارموني ( نخلات من بلادنا) وعايزاك تقترح لي اسماء سمح ؟
|
Post: #5
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 00:24 AM
Parent: #2
ضحية ؟
ياخ شنو ياخ
بتجي تقول:
اها الموضوع إستشارة حول ضيوف ( نخلات) لبرنامجي في هارموني ( نخلات من بلادنا) ..
عايزاك تقترح لي نساء ( نخلات ) لتسليط الضؤ على جوانب من حياتهن وانجازاتهن في كافة المجالات سمح؟
|
Post: #4
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: سارة علي
Date: 01-18-2009, 07:40 PM
Parent: #1
مالك يا نادية...
بوستاتك بقت منها خوفة:D
|
Post: #7
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 00:34 AM
Parent: #4
سرورة ؟؟
| Quote: بوستاتك بقت منها خوفة |
بوستاتي أنا ؟
ههههههه
عالم جبانات بشككككككككل .. على رأي عادل إمام !
يازولة تعالي ماتخافي ياخ سمح؟
|
Post: #8
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: حمور زيادة
Date: 01-19-2009, 00:45 AM
Parent: #7
نادية ..
بالله ما دايرين مشاكل تاني
متأكده من البرنامج ده ؟
ارجو انو تنزلي لينا هنا صورة عقدك مع القناة .. و صورة شهادة تأسيس القناة .. و شهادة خلو طرف ضريبية .. و صور فتوغرافية ليك مع الجعيلي .. و المكالمات الصوتية بينك و بين النخلات الاخترتيهم .. و حبذا لو في اقرار كتابي منهن ..
بعد تنزلي الحاجات دي تاخدي ليك عمره سريعة تحلفي بين الركن و المقام انك متأكده من الكلام الحتقوليو و يشهدو عليك ناس ود الصايم
بعد داك تجي تكتبي و تتفاكري معانا
ما عاوزين يجينا مخرج هسه يمسح بينا الواطه ياخ
|
Post: #11
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 01:00 AM
Parent: #8
حمور ؟
الثقالة عليك شنو ؟
عارفني مابعرف انزل صور ولا أجيب أكواد ولا كوتات ولا بطيخ قاصد تحرجني هنا كمان ماكفاية الفيس بوك شايل حسي فيهو ؟
حمور هوي ها
| Quote: و صور فتوغرافية ليك مع الجعيلي |
أها أنا بعترف إني ( كيشة) ومابعرف لكن خلي الصباح يصبح كان ماجاك بهاء عيسى وردم البوست صور وكوتات مايكون إسمي نادية بت عثمان مختار ( وش كيف كيف غايتو ) !!
|
Post: #12
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: MAHJOOP ALI
Date: 01-19-2009, 01:02 AM
Parent: #8
الاخت نادية
سلام
باالله عليك يانادية قبل النخلات عاوزك تهتمي بعشب الارض
النساء المكافحات بالذات ال singl (ستات الشاي ،عاملات ...الخ)
الولدن وكبرن وعلمن . ديل النخل الحقيقي ، مش نخل الزينة
عاوزنكم شوية تهتموا بالمراءة الحقيقة، البتكابس وتعافر لانها
مغيبة ،
تانى عندي طلب خاص . نمي الى علمي وبالدليل المؤثق استخدام هارموني
لصورة ولدى (القادمك دا) . انا عاوز حقوق الملكية وعاوزك تجيبي لي
حقي سمح؟
|
Post: #17
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 01:38 AM
Parent: #12
المحترم محجوب علي
Quote: باالله عليك يانادية قبل النخلات عاوزك تهتمي بعشب الارض
النساء المكافحات بالذات ال singl (ستات الشاي ،عاملات ...الخ)
الولدن وكبرن وعلمن . ديل النخل الحقيقي ، مش نخل الزينة
عاوزنكم شوية تهتموا بالمراءة الحقيقة، البتكابس وتعافر لانها
مغيبة ، |
والله ده الأنا مفكرة فيهو وفعلا مشيت أشوف سكينة ست الكوارع ونفيسة ست الكسرة وحليوة ست الشاي ..ديل فئات مستهدفة مني باذن الله بس لو مديتني بحالات بتعرفها انت يكون كويس برضو ؟
Quote: تانى عندي طلب خاص . نمي الى علمي وبالدليل المؤثق استخدام هارموني
لصورة ولدى (القادمك دا) . انا عاوز حقوق الملكية وعاوزك تجيبي لي
حقي سمح؟ |
نمى الى علمك إنو ولدك ذاتو ولا بشبهو ساي ياربي ؟
كدي أتأكد انو هو ولدك بشحمو ولحمو وشعرو وخلالو .. وانا برضو بسال ليك أستاذ الجعيلي سمح ؟
|
Post: #9
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 00:49 AM
Parent: #7
ياناس الخرطوم
البلد دي أكيد فيها نساء (نخلات ) أعطوا وبذلوا جهدهم في الحياة بكافة مناحيها الإنسانية ومن حقهن تسليط الضؤ على تجاربهن الثرة .. دلوني على بعضهن وأحكوا عنهم سمح ؟
|
Post: #10
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: حسين نوباتيا
Date: 01-19-2009, 00:57 AM
Parent: #7
الاستاذة نادية ازيك ...
اقتراحي هو استضافة الجسورة :دكتورة سعاد ابراهيم احمد.. فهي نخلة باسقة و بها من الرطب ما يكفي دورة اذاعية كاملة ناهيك عن حلقة او حلقات..
تمنياتي القلبية لك بالنجاح و الازدهار حتى تصيري نخلة اعلامية ترتقي بالعمل الاعلامي السوداني الكسيح..
|
Post: #18
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 01:46 AM
Parent: #10
الفاضل حسين نوباتيا
Quote: الاستاذة نادية ازيك ...
اقتراحي هو استضافة الجسورة :دكتورة سعاد ابراهيم احمد.. فهي نخلة باسقة و بها من الرطب ما يكفي دورة اذاعية كاملة ناهيك عن حلقة او حلقات..
تمنياتي القلبية لك بالنجاح و الازدهار حتى تصيري نخلة اعلامية ترتقي بالعمل الاعلامي السوداني الكسيح.. |
سلمت المناضلة ماما سعاد من كل شر يارب وهي بالفعل نخلة عظيمة من نخلات بلادنا وقد تم إستضافتها بواسطة الأخت والزميلة العزيزة لبنى خيري في برنامجها (زاوية تانية) .
وأشكرك جزيلا لحسن ظنك في شخصي الضعيف ويارب أكون عند حسن ظنكم بي دوما يارب
|
Post: #13
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: Huda AbdelMoniem
Date: 01-19-2009, 01:09 AM
Parent: #1
الاخت العزيزة نادية
تحية طيبة
ماما امينة و ماما أمال مقدمات جنة الاطقال بتلفزيون السودان سابفا
منى و سمية عبداللطيف (منى موجودة بالسودان حاليا)
و ممكن تزورى تلفزيون السودان و تقدمى خدمة للذبن يعملون يصمت من خلف الكواليس
انشاء اللة ربنا يوفقك
اختك
هدى عبدالمنعم
|
Post: #19
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 01:50 AM
Parent: #13
الغالية هدى عبد المنعم حبابك يانخلة
| Quote: ماما امينة و ماما أمال مقدمات جنة الاطقال بتلفزيون السودان سابفا |
حلوووووو شديد وفعلا أروع نخلات .. من بكرة بفتش تلفوناتهم سمح ؟
|
Post: #14
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: altahir_2
Date: 01-19-2009, 01:12 AM
Parent: #1
اها جيتك يا نادية السمحة.
خلينى اقترح ليك
1/ الاستاذة الموسيقار اسماء حمزة بشير
لماذا؟
لانها من اوائل من عزفن العود فى بلادى ولها الفضل فى تعليم الموسيقار بشير عباس.
ولانها مازالت تواصل وضع الالحان للعديد من الفنانين كبارهم وشبابهم.
ولانها نالت العديد من الجوائز سودانيا وعربيافى هذا المجال .
ولانها مثقفة ولبقة فى حديثها.
ولان ما خفى اعظم فقط يحتاج لمن يخرج هذه الكنوز.
قولى واحد
ضياء
|
Post: #15
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: Elmosley
Date: 01-19-2009, 01:27 AM
Parent: #14
Quote: اها جيتك يا نادية السمحة.
خلينى اقترح ليك
1/ الاستاذة الموسيقار اسماء حمزة بشير
لماذا؟
لانها من اوائل من عزفن العود فى بلادى ولها الفضل فى تعليم الموسيقار بشير عباس.
ولانها مازالت تواصل وضع الالحان للعديد من الفنانين كبارهم وشبابهم.
ولانها نالت العديد من الجوائز سودانيا وعربيافى هذا المجال .
ولانها مثقفة ولبقة فى حديثها.
ولان ما خفى اعظم فقط يحتاج لمن يخرج هذه الكنوز.
قولى واحد
ضياء |
والله العريس ختفها من خشمي
اها امسكي في بت حمزه دي قوي
وبنجيك تاني
|
Post: #21
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 02:28 AM
Parent: #15
الموصلي ود خالي ؟؟
إنت موش وعدتني بحاجة يوم الأحد الأمبارح ده وقلت بترسلها لي نسيت طبعا موش ؟
Quote: والله العريس ختفها من خشمي
اها امسكي في بت حمزه دي قوي
وبنجيك تاني |
خلاص خلي الختفها العريس من خشمك وقول لي نخلات تانيات وراجياااااااك سمح ؟
|
Post: #20
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 02:07 AM
Parent: #14
ضياء صديقي العريس النفض الكيس
تاني وللمرة المليووووووون الف الف مبرووووووك
Quote: / الاستاذة الموسيقار اسماء حمزة بشير
لماذا؟
لانها من اوائل من عزفن العود فى بلادى ولها الفضل فى تعليم الموسيقار بشير عباس.
ولانها مازالت تواصل وضع الالحان للعديد من الفنانين كبارهم وشبابهم.
ولانها نالت العديد من الجوائز سودانيا وعربيافى هذا المجال .
ولانها مثقفة ولبقة فى حديثها.
ولان ما خفى اعظم فقط يحتاج لمن يخرج هذه الكنوز.
قولى واحد |
ياسلاااااااام
طبعا على رأس الأجندة لكن النصيحة لي الله معلوماتك دي حاتفيدني كتير جدا ولو كمان لقيت لي تلفونها تكون ماقصرت ياغالي سمح ؟
وتاني راجياك بنخلات من بلادنا واسماء كتيرة وخليك هنا ماتغيب اصلو سمح؟
|
Post: #87
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: altahir_2
Date: 01-19-2009, 11:31 PM
Parent: #20
جدا اديك تلفونها
شوفى الماسنجر الداخلى اذا شغال
|
Post: #16
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: Huda AbdelMoniem
Date: 01-19-2009, 01:37 AM
Parent: #1
فى مجال التعليم
حاجة كاشف
نقيسة المليك
كلية الاحفاد للبنات
الاسناذة/ امنة بدرى
الاستاذة/ عواطف مصطفى
الاستاذة د/بلقيس بدرى
اخلص ورقتى البكرة المفروض اقدمها و برجع ليك تانى
Good luck
هدى
|
Post: #29
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 07:10 AM
Parent: #16
هدى الحبيبة
Quote: فى مجال التعليم
حاجة كاشف
نقيسة المليك
كلية الاحفاد للبنات
الاسناذة/ امنة بدرى
الاستاذة/ عواطف مصطفى
الاستاذة د/بلقيس بدرى |
ده شغل جميل جدا وكمان كلما ساعدتيني بالسيرة الذاتية واي معلومات ضافية عن النخلات بتكوني خدمتي أختك شديد وياسلاااام لو التلفونات طوالي حار حار ( وش طماع) !
| Quote: اخلص ورقتى البكرة المفروض اقدمها و برجع ليك تانى |
بالتوفيق حبيبة وتعالي راجعة لازم سمح؟
|
Post: #22
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: osman righeem
Date: 01-19-2009, 02:41 AM
Parent: #1
نادية
اخت الخير
صبحك الله بالخير
اولا عندي معاك اتفاق شكلك كده عايزه تجليهو
بخصوص النخيل السامق
ماعارف فكرتك شنو
يعني مثلا
النساء السودانيات في الحركة الوطنية
النساء السودانيات في العمل العام
النساء السودانيات الرائدات في المجال الوظيفي
النساء السودانيات في دنيا الاعمال
العصاميات
الارامل
ضحايا الحروب الاهلية في السودان
ستات الشاي
بتاعات الودع
الدلاليات
ستات البتاعات
كدي البرنامج لحدي 2025
|
Post: #23
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 04:37 AM
Parent: #22
أخو الخير عثمان ياغالي
| Quote: اولا عندي معاك اتفاق شكلك كده عايزه تجليهو |
لا والله ماجليتو لكن منتظرة أرجع القاهرة باذن الله تعالى سمح ؟
بتاعات شنو كمان ؟!
طيب .. تلفونهم بلقاهو عند منو تفتكر ؟!
|
Post: #27
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: osman righeem
Date: 01-19-2009, 06:59 AM
Parent: #23
| Quote: طيب .. تلفونهم بلقاهو عند منو تفتكر ؟! |
وهبه و من لف لفه
اذا ما مسجل عنده بيلقاه
|
Post: #32
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 07:30 AM
Parent: #27
أخو الخير سلامات
Quote: وهبه و من لف لفه
اذا ما مسجل عنده بيلقاه
|
وهبة ممكن يديني تلفون حجة سكينة ست الكوارع الشهيرة ..
لكن من لف لف وهبة ديل ناس حمور عشان نحدد وكده يعني ؟ ( وش منطط عيونه) !
|
Post: #24
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: Zoal Wahid
Date: 01-19-2009, 06:28 AM
Parent: #1
الدكتورة خالدة زاهر
|
Post: #28
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: heba Elmahi
Date: 01-19-2009, 07:10 AM
Parent: #24
نــدوية إزيــك يا بــت مـن زمــن تــاني
خلالالاس ياختي كملتي البرامج مع ناس الخرطوم و ياااادوب بديتي تفكري في الشغل ؟
فكرة البرنامج جميلة و ربنا يوفقك ، بس انا عندي رأي مختلف عن كل ما تم ذكره أعلاه
مع كامل إحترامي و تقديري لكل من تم ذكرهن أعلاه من نساء بلادي السامقات الا ان رأئي
يقول بانهن قد تمت إستضافتهن عدة مرات في عدة برامج مشابهة ، و مفتاح النجاح لي
برنامج زي دا لابد أن تختاري الضيفة من رحم المجتمع إنسانة عاااادية ممكن تكون عايشة
في أي شارع أو اي زقاق في أي حلة أو حارة من حوارينا البنعرفها ، انسانة ضحت
و ربت و علمت و اخرجت للمجتمع جيل ناجح مفيد ، واحدة زي دي لما تحكي ليك تجربتها
بالتفصيل اكيد حتكون مفيدة و مشوقة و اكيد لها مردود نفسي جميل عليها هي شخصيا
و ممكن يكون نوع من التكريم بالنسبة ليها.
واحدة زي دي يا نادية ما أظن الناس ممكن تمل من سماع قصتها و قصة كفاحها ، أما الاخريات عظميات
بلادي كالاستاذة سعاد وغيرها من الاسماء الواردة فقد تم قتل قصص كفاحهن بحثا" و سردا" ، من منا لم
يسمع و يحضر عدة حلقات و عدة برامج استضافت كل منهن اكثر من مرة .
مـرفـق ودي
|
Post: #36
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 07:52 AM
Parent: #28
هبويا العسل كيفك حبيبة
| Quote: خلالالاس ياختي كملتي البرامج مع ناس الخرطوم و ياااادوب بديتي تفكري في الشغل ؟ |
النصيحة لي الله مع بورداب الخرطوم موش حاتأدري تغمضي عينيك ( وش ضاحك بشدة) !
عايني
Quote: و مفتاح النجاح لي
برنامج زي دا لابد أن تختاري الضيفة من رحم المجتمع إنسانة عاااادية ممكن تكون عايشة
في أي شارع أو اي زقاق في أي حلة أو حارة من حوارينا البنعرفها ، انسانة ضحت
و ربت و علمت و اخرجت للمجتمع جيل ناجح مفيد ، واحدة زي دي لما تحكي ليك تجربتها
بالتفصيل اكيد حتكون مفيدة و مشوقة و اكيد لها مردود نفسي جميل عليها هي شخصيا
و ممكن يكون نوع من التكريم بالنسبة ليها.
واحدة زي دي يا نادية ما أظن الناس ممكن تمل من سماع قصتها و قصة كفاحها |
ببساطة كلامك ده أصل فكرة البرنامج .. بس برضو حانستضيف بعض الشخصيات المشهورة غير المستهلكة اعلاميا شديد ..
لكن عشان نكون أكثر عملية ياريت تقترحي لينا زولة عادية لكن ناضلت وأسهمت وتحكي لينا شكل اسهامها هنا طوالي وتلفونها رأيك شنو ؟ ( وش منتظر )
|
Post: #30
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: أنور سيد ابراهيم
Date: 01-19-2009, 07:14 AM
Parent: #24
نـاديـة سلام واحترام
اوّل حاجة : مشيتى الديم اكلتى العكو ولا لأ ..؟؟
ثانيا :
رأيى - وحتى لا يكون البرنامج مثل برنامج اخونا الرائع عمر الجزلى
( اسماء فى حياتنا ) وتكون المسألة تكرار ....!!
خذى اتّجاه آخر .... وانت تعرفين ان هنالك نساء وقفن خلف ازواجهنّ
فى مختلف المجالات خاصّة المجال الفنّى مثلا ابدأى باسرة الفنان الراحل
المقيم - مصطفى سيد احمد - وهكذا هؤلاء ايضا سوامق 0
ثم بعد ذلك الاسر فى المجالات المختلفة0
لك الود وللاخ استاذ بهاء
* ثمّ * تخريمة بسيطة *
فى مايو الماضى وقبل انضمامى للمنبر ..كنت قد انزلت (بوست) بواسطة
الاخ الاستاذ / عبد الله عثمان - عن القصيدة التى لا زالت تشغل الكثيرين
عن من شاعرها ..؟؟ وينشدها الاخ الجميل جدا عبد العزيز المبارك
وحتى آخر مقابلة له على قناة هارمنى ..بكل ادب وتواضع ذكر انه
لا يعرف من شاعرها - والله احترمته كثيرا جدا جدا جدا -
وطلبت منك تحديدا وفى ذلك البوست زيارة اسرة ذلك الشاعر واجراء لقاء
ومعرفة ان كانت له دواوين شعر ..؟؟ او قصائد اخرى وليكون لك السبق
المهم القصيد اسمها ( تسبيح الله ..قل للطبيب )
وشاعرها ســـودانـــى ، واسمه ابراهيم على بديوى ، ولقد عمل استاذا
فى جامعة الازهر ، يمكنك البداية من هناك 0 او اتصلى على مولانا عصام البشير
ومطلع القصيدة : بك استجير ومن يجير سواكا.... فاجر ضعيفا يحتمى بحماك
القصيدة كاملة وهى عندى
آسف لو خرجت ولو قليلا عن الموضوع ..
اخوك أنور
|
Post: #38
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 08:33 AM
Parent: #30
أنور سلامات كده
| Quote: اوّل حاجة : مشيتى الديم اكلتى العكو ولا لأ ..؟؟ |
غايتو لو المقصود بالحاجة دي الكوارع فنعم أكلتها عند حجة سكينة في الصحافة غايتو ..
Quote: وحتى لا يكون البرنامج مثل برنامج اخونا الرائع عمر الجزلى
( اسماء فى حياتنا ) وتكون المسألة تكرار ....!! |
ابدا الفكرة ماليها علاقة بأسماء في حياتنا ولو رجعت للمداخلات فوق حاتلقى فكرة البرنامج زي الانت بتقول عليها دي بالضبط سمح؟
Quote: المهم القصيد اسمها ( تسبيح الله ..قل للطبيب )
وشاعرها ســـودانـــى ، واسمه ابراهيم على بديوى ، ولقد عمل استاذا
فى جامعة الازهر ، يمكنك البداية من هناك 0 او اتصلى على مولانا عصام البشير
ومطلع القصيدة : بك استجير ومن يجير سواكا.... فاجر ضعيفا يحتمى بحماك |
أنا والله ماقريت مداخلتك لي بخصوص الموضوع ده ماعندي عنو خلفية لكن إن شاء الله بسأل الاستاذ معتصم الجعيلي ونشوف كيف ممكن نصل للشاعر ونسجل معاه باذن الله تعالى ..
|
Post: #42
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: أنور سيد ابراهيم
Date: 01-19-2009, 09:33 AM
Parent: #38
أختى نادية - صباح الخير
اشكرك جدا على اهتمامك بالموضوع واشكرك ايضا لو اوصلتى
ذلك الاسم(اسم الشاعر ) للاستاذ عبد العزيز المبارك
واتمنّى لك التوفيق فى كل خطواتك ..آمييين
ووجهة نظرى لا زالت ..بأنّ تلك الاسر ستحكى عن حياة اولئك الفنانون
او الشعراء ،او كبار الاطبّاء ،الرياضيون ..الخ
تخريمة
العكو ليست بالكوارع ( عليك الله ارجعى لحاجّة سكينة واسأليها)
لك الود
|
Post: #47
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 10:09 AM
Parent: #42
أنور ؟؟
بالغت عديل ( وجه مفقوع بالضحك)
| Quote: العكو ليست بالكوارع ( عليك الله ارجعى لحاجّة سكينة واسأليها) |
غايتو الفضول كاتلني لكن بدل تديني مشوار من الشعبية لحدي الصحافة في الحر ده عشان اسأل حاجة سكينة من العكو ماوتوريني معناها إنت ينوبك الثواب ولا شنو ؟ ( وش منتظر ) !
|
Post: #33
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 07:38 AM
Parent: #24
زول وأحد سلامات
| Quote: الدكتورة خالدة زاهر |
نخلة من نخلات بلادي تستحق التكريم لها ولك التحية
|
Post: #25
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: Ridhaa
Date: 01-19-2009, 06:42 AM
Parent: #1
تحياتي للاخت نادية
==================
الأخ زول واحد
سلام ....
د/ خالد زاهر الساداتي ... هنالك عنبر في مستشفي الخرطوم يحمل اسمها ...
تحياتي
|
Post: #26
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 06:53 AM
Parent: #25
يا أعزاء وياعزيزات حوشنا العامر
تسلموا يارب
كلكم
تسلموا وماتشوفوا شر
عليكم الله البكتب ويقترح إسم نخلة من نخلات بلادنا برضو يكتب عنها جزء من سيرتها الذاتية وإسهامها ومابذلته في الحياة من عطاء وكده يعني
ولو كمان ناس جابوا لي ( تلفون) النخلة عديل بكونوا ماقصروا معاي كلو كلو بس عشان نكون عمليين أكتر والحق أسجل مع عدد مقدر من نخلات بلادنا قبل العودة للقاهرة سمح؟
وجزاكم الله كل خير يارب
|
Post: #31
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: معتصم محمد صالح
Date: 01-19-2009, 07:26 AM
Parent: #26
البلابل ..
قصرنا معاك .. تلاتة نخلات دفعة واحدة ..
فيما يخص البتاعات .. ناذر الخليفة يحتفظ بكل العناوين ..وهبة ده بقى دقة قديمة ..
|
Post: #35
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: Ashraf El Bagir
Date: 01-19-2009, 07:51 AM
Parent: #31
الفنانة تحية زروق
ريحة الزمن الجميل
حسب علمى انها موجوده فى كندا. يمكن بورداب كندا يفيدوك
اختى نادية تحية زروق يستحق الجيل الحديث ان يعرفها ويعرف كل مبدعين عصرها .. انشاء تقابليها ولو عن طريق Conference Call
|
Post: #52
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 10:59 AM
Parent: #35
أشرف الباقر سلامات أخوي
Quote: الفنانة تحية زروق
ريحة الزمن الجميل |
ياريييييييييت ده كان يكون يوم المنى والهناء والله بس خسارة إنها خارج الوطن ( وش حزين)
| Quote: حسب علمى انها موجوده فى كندا. يمكن بورداب كندا يفيدوك |
ياناس كندا ماتجازفوا لينا تأشيرة إن شاء الله عمرة ياخ ( وش هناي كده )
|
Post: #48
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 10:31 AM
Parent: #31
معتصم محمد صالح
Quote: البلابل ..
قصرنا معاك .. تلاتة نخلات دفعة واحدة .. |
ديل أنا ساعية ليهم من أول يوم وصلوا بس دعواتك إنهم يجونا يارب سمح؟
|
Post: #34
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: Zomrawi Alweli
Date: 01-19-2009, 07:41 AM
Parent: #26
نادية اسمان (انسي Annessi يا اختي)
لو عايزة ستات الشاي
واحدة عجوز قاعدة جمب باب الـ recreation بجامعة النيلين من الناحية المقابلة لاشلاق البوليس سابقاً
ستجدينها تبتسم بمجرد السلام والتحية، كنت اشرب عندها الجبنة بسكر خفيف ( لا اذكر اسمها ولكن عليك الله زوري الحتة ديكا حتلقيها) سأكون مسرورا عند مشاهدتها وانتي تستضيفينها وتعطيها هدية البرنامج.
|
Post: #53
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 11:06 AM
Parent: #34
زمراوي أخوي العزيز
| Quote: لو عايزة ستات الشاي |
في شارع بيتنا بس في زي عشرة كده تصدق ؟!
Quote: واحدة عجوز قاعدة جمب باب الـ recreation بجامعة النيلين من الناحية المقابلة لاشلاق البوليس سابقاً
ستجدينها تبتسم بمجرد السلام والتحية، كنت اشرب عندها الجبنة بسكر خفيف ( لا اذكر اسمها ولكن عليك الله زوري الحتة ديكا حتلقيها) سأكون مسرورا عند مشاهدتها وانتي تستضيفينها وتعطيها هدية البرنامج. |
كدي بخلي إنعام توديني اشرب عندها شاي وأتونس معاها أشوف تنفع تتكلم في البرنامج ولا كيف سمح ؟
|
Post: #40
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 08:55 AM
Parent: #25
سلامات رضا
| Quote: د/ خالد زاهر الساداتي ... هنالك عنبر في مستشفي الخرطوم يحمل اسمها ... |
لها ولك مليون تحية
وبرضو ساعدوني بالسيرة الذاتية الكاملة وكمان أرقام التلفونات في الخاص وتكونوا ماقصرتوا والله سمح ؟؟
|
Post: #37
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: ابراهيم قناوي
Date: 01-19-2009, 08:13 AM
Parent: #1
الأستاذة نادية
بنت بحري
سلام من الله عليك
أرجو أن تصلي لنخلات بلادي وسط صحراء النسيان
فالبلابل ود. خالدة زاهر وغيرهن من نخلات بلادي
باسقات يرى ويلمس ثمارهن القاصي والداني ولكن
هناك ... هناك في الأفق وسط رمال النسيان المتحركة
تعيش نخلات أثرن في أجيال وصنعن التاريخ وهن يجلسن
خلف دخان الدوكة ....
وعن نفسي ...
كل النخلات الأثرن في حياتي وأثرهن باق
واولهن:
1/ أمي الحاجة زهرة بنت نصر قناوي التي جاءت إلى الخرطوم وحيدة مع زوجها
وهي دون العاشرة فكابدت زخم الحياة وربت عشرة من البنين والبنات شبه وحيدة
نسبة لظروف سفر زوجها وغيابه الذي كان يمتد لسنوات في بعض الاحيان ولم يثن
ذلك من عزمها رغم انها امية لكنها أعجزت البلغاء.
2/ الأستاذة زينب بنت ..... (من ام درمان على ما اظن) درستنا في مدرسة الحرية
الإبتدائية الفصل الرابع
حوالي 1983 - 1984 م وأنا من هنا وعبرك يا ست البنات أناشد كل من يعلم عنها
شئ ان يسعفني ولو بكلمة عن هذه الغالية من نخلات بلادي التي جابهت شقاوة اطفال
وقفوا حيارى بين الطفولة والرجولة فتصدت لهذه البراكين بالتربية والنصيحة
فروضت ما استأسد من قلوبنا وزرعت فينا قوة المراة وعزيمتها.
أستاذة نادية كل الود
وسلامي لبحري وناس بحري
|
Post: #39
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: داليا حافظ
Date: 01-19-2009, 08:50 AM
Parent: #37
| Quote: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح |
والله يا نادية سكليبك ومناداتك دي كترت (وجه ضاحك)
أنت بس تاني قولي ورورووك نادية مقتولة في حوش بكري والباقي علينا (تاني وجه ضاحك الأيقونات ما
شغالة )
نجي للجد
أولا "نخلات من بلادي " إسم تقيل شوية ومتقعد كده ..ودلالاتو ما بتشمل السودان كلو .
الشيء التاني ..ما دايراك تقعي في فخ التركيز على (المركز )...السودان كلو ملان بقامات ، وأبعدي من
الأسماء المستهلكة والمكررة والحفظوها الناس ...
أخيرا عشان ما يكون كلامي تنظير بغطس وبرجع ليك بشيء اكثر فايدة .
|
Post: #44
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: Hisham Ibrahim
Date: 01-19-2009, 09:37 AM
Parent: #39
الشقيقه ناديه
غايتو بوست يجيب الواحد من احلى مكان !
أسألي محمد صباحي عن الأستاذه المربية الليله / أمنه احمد السيد !!
بفيدك عنها وبوديك ليها هناك ....
انشاء الله ربنا يطول في عمرها ويديها العافية السوتو ما ساهل !
طبعاً في مجال التعليم .... وهي شقيقة للدكاتره / معتصم أحمد السيد ودز مامون احمد السيد
انشاء الله كلامي يجيك في المطلوب ....
شقيقك
هشام
|
Post: #63
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 11:53 AM
Parent: #44
هشام ؟
| Quote: غايتو بوست يجيب الواحد من احلى مكان ! |
كدي عليك الله ورينا الاول جابك من وين البوست ( وش شمشار)؟!
|
Post: #62
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 11:44 AM
Parent: #39
داليا ؟
ههههه
يازولة هسي لو ما السكلبة دي إنتي ذاتك ماكنتي شفتي البوست وكان إتدفر في الصفحة الطيش وهو موضوع مهم ياخ فلازم يكون العنوان من نوع وآآآآآآآآدالياتاه .. وآآآآآآآبكرياه .. وآآآآآآآآ بورداباه ( وش هناي شديد وضاحك ) !!
| Quote: أولا "نخلات من بلادي " إسم تقيل شوية ومتقعد كده ..ودلالاتو ما بتشمل السودان كلو . |
عارفة المقولة بتاعة ( سبق السيف العزل ) ؟
اها من زمان نفسي غستخدمها ومالاقية طريقة الليلة لقيتها .. البرنامج إسمو خلاص إعتمدوه كده وهو بالمناسبة دلالاتو بتشمل كل السودان بفهم عظمة النخيل في كل الكون ما الشمال بس سمح ؟ ( وش مبسوط منك)
| Quote: الشيء التاني ..ما دايراك تقعي في فخ التركيز على (المركز )... |
حاضر حبيبتي وإن شاء الله في تسجيلات من الجنوب والغرب والشرق والشمال بس غنتي دعواتك ياغالية سمح؟
Quote: أخيرا عشان ما يكون كلامي تنظير بغطس وبرجع ليك بشيء اكثر فايدة .
|
لازم ترجعي حبيبة ومعاك النخلات وسيرتهن الذاتية وارقام تلفوناتهم منتظراك سمح ؟
|
Post: #56
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 11:27 AM
Parent: #37
إبراهيم قناوي اخوي حبابك
Quote: أمي الحاجة زهرة بنت نصر قناوي التي جاءت إلى الخرطوم وحيدة مع زوجها
وهي دون العاشرة فكابدت زخم الحياة وربت عشرة من البنين والبنات شبه وحيدة
نسبة لظروف سفر زوجها وغيابه الذي كان يمتد لسنوات في بعض الاحيان ولم يثن
ذلك من عزمها رغم انها امية لكنها أعجزت البلغاء. |
مليون تحية وتعظيم سلام لامنا الغالية الحاجة زهرة بت نصر قناوي
ولمن هم مثلها من نخلات بلادنا السامقات مليون تحية
كدي إنت هنا في الخرطوم ؟
|
Post: #41
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: انعام حيمورة
Date: 01-19-2009, 09:30 AM
Parent: #1
الفكرة جميلة جدا
اقترح تسليط الضوء على الحبوبات والخالات ..
عندي خالتي حكًاية جدا وموسوعة (حوة حيمورة) وتلفونها برسلوا ليك ...
|
Post: #45
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نجوان
Date: 01-19-2009, 09:50 AM
Parent: #41
يا زهرة نادية..
لا تحملي هما..
موجودات .. نساؤنا الباسقات وقصص التميّز..
الكفاح وثمار التعب..
الكلام هو التحضير للبرنامج.. أسئلة ومفاتيح للحوار المفيد وممتع..
والتركيز على المضمون..
لا تستمعي للمنتجين والمخرجين وغيرهم (شايفين شغلهم قدامنا)..
ضعي وقتك في الإعداد السليم يا بنية
وبرنامجك سيخرج من سرب المألوف ومعتاد..
حتى وإن إستضفتي نفس الشخصيات التي قدمت في السابق مرارا وتكرارا..
____
ونساندك ونشّد من أزرك..
(وجه مبتسم بإخلاص)
|
Post: #75
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 06:29 PM
Parent: #45
هلا والف مرحبا بصاحبة الإسم الجميل نجوان الحبيبة
Quote: لا تحملي هما..
موجودات .. نساؤنا الباسقات وقصص التميّز..
الكفاح وثمار التعب.. |
أجل .. أجل يا أختاه .. لله درّهن نساؤنا الباسقات ( وجه متكيف) !
Quote: الكلام هو التحضير للبرنامج.. أسئلة ومفاتيح للحوار المفيد وممتع..
والتركيز على المضمون..
لا تستمعي للمنتجين والمخرجين وغيرهم (شايفين شغلهم قدامنا)..
ضعي وقتك في الإعداد السليم يا بنية
وبرنامجك سيخرج من سرب المألوف ومعتاد..
حتى وإن إستضفتي نفس الشخصيات التي قدمت في السابق مرارا وتكرارا.. |
____
نجوان العزيزة
عايني
يلا بالجد بكون محتاجة مساعدتكم كلكم في مدي ببعض أسرار وخفايا الشخصيات وكمان مساعدتي في غيجاد تلفوناتهم سمح؟
وخليك معاي ياشقيقة ومن ربنا التوفيق ومنكم المساندة سمح ؟
Quote: ونساندك ونشّد من أزرك..
(وجه مبتسم بإخلاص) |
والله وجهك المبتسم بكامل الإخلاص ده شايفاه قدامي جد جد .. ربنا يحفظك ويديك على قدر نيتك الطيبة يابنية من خبز الفنادك .. يامشرقة
|
Post: #66
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 12:11 PM
Parent: #41
نعوم بت عمو حيمورة ؟
Quote: عندي خالتي حكًاية جدا وموسوعة (حوة حيمورة) وتلفونها برسلوا ليك ...
|
بتغيري من امك حنانة يافوجا ولا فاطاها مالك وهي شاعرة ومثقفة تهز وترز ( وش بريد حنانة)
|
Post: #43
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: Safia Mohamed
Date: 01-19-2009, 09:35 AM
Parent: #1
ندوية يا عسل
ازيك
نخش طوالي
كل ما ذكر نقاط جميلة ولكني اؤيد فكرة
التركيز على نساء "الهامش" يعني ابعدي لينا من المركز شوبة
ضيفاتك جيبيهن من الولايات
في اي مجال
ممكن يكونن متباينات ما بين رائدات في مجالات فنية اكاديميةي سياسية اجتماعية اقتصادية وغيره
وما بين مكافحات مناضلات يشتغلن اشغال بسيطة لكنهن ابدعن وانتجن
تبادليا من اجيال مختلفة
اجيال اربعينات وخمسينات و.... والفينات
ممكن في الحلقة الواحدة يكون في مثلا اربعة من فئات عمرية مختلفة واهتمامات مختلفة واهو
وعشان الكلام يكون مظبوط تعملي معاهن شوية استفسارات بناءا عليها تقسميهن لمجموعات متجانسة
فكرة conference مهمة لمن يقمن خارج السودان او خارج الخرطوم
لو دايرة اسماء بعينها
قابليني في المسنجر
خارج النص:
انفع اكون ضيفة مع العلم اني ما انجزت ولا حاجة والحمد لله
|
Post: #46
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: محمد فرح
Date: 01-19-2009, 10:04 AM
Parent: #43
أثني معتصم
الــبــلا بـــــــــــــل
وثقي إنو الحلقه سـ(تخلّد)
مؤونة عام من الود
|
Post: #49
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: محمد الأمين موسى
Date: 01-19-2009, 10:35 AM
Parent: #46
| Quote: عايزاك تقترح لي نساء ( نخلات ) لتسليط الضؤ على جوانب من حياتهن وانجازاتهن في كافة المجالات سمح؟ |
عندك فاطمة أحمد إبراهيم... دي مش نخلة فقط... دي تبلدية عديل.
وكمان الحاجة نور الشام نقدالله أم السودانيين بالمغرب... امرأة عظيمة... أطال الله في عمرها.
|
Post: #80
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 08:02 PM
Parent: #49
الأخ محمد الامين موسى حبابك
| Quote: عندك فاطمة أحمد إبراهيم... دي مش نخلة فقط... دي تبلدية عديل. |
ربنا يديها العافية لكن الزميلة لبنى عملت معاها حوار في هارموني زمان وهي تستحق والله
| Quote: وكمان الحاجة نور الشام نقدالله أم السودانيين بالمغرب... امرأة عظيمة... أطال الله في عمرها. |
عندك تلفونها إن شاء الله ؟
تسلم يارب من كل شر
|
Post: #76
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 06:37 PM
Parent: #46
محمد فرح أخوي كيفك
Quote: الــبــلا بـــــــــــــل
وثقي إنو الحلقه سـ(تخلّد) |
البلابل في الخاطر لم يغادرنه لحظة .. ورجائي من الله أن يوفقني لإستضافتهن نخلات بلادي الشامخات
قول آآآمين
|
Post: #74
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 05:30 PM
Parent: #43
الغالية صفية
Quote: لو دايرة اسماء بعينها
قابليني في المسنجر |
طيب بعد ساعتين كده كويس معاك ؟
|
Post: #50
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: Rihab Khalifa
Date: 01-19-2009, 10:42 AM
Parent: #1
الفكره جميله يا ناديه
عجبني كلام قناوي
و كلام نجوان
--------
بفتش اسامي و اجي ان شاء الله
|
Post: #51
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: أحمد الشايقي
Date: 01-19-2009, 10:50 AM
Parent: #50
نادية سلامات
أتمنى لبرنامجك النجاح, وبالطبع تملكين كل مقومات النجـاح , فقط الاعداد الجيد والبروفات مع الضيوف,
قابلي الشابـة الصاعـدة في العمـل العام (إنعام عبد الحفيظ)
من مثلها تستطيعين الحصـول على رؤى ثاقبـة في استنهاض مجتمعات النساء باتخاذها مثالاً واستنطاقهـا في مستقبل قضية المرأة ومشاركتها على وجه العموم
لك التحيـة
أحمد الشايقي
|
Post: #86
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 10:14 PM
Parent: #51
أحمد الشايقي سلامات
Quote: قابلي الشابـة الصاعـدة في العمـل العام (إنعام عبد الحفيظ)
من مثلها تستطيعين الحصـول على رؤى ثاقبـة في استنهاض مجتمعات النساء باتخاذها مثالاً واستنطاقهـا في مستقبل قضية المرأة ومشاركتها على وجه العموم |
العزيزة إنعام عبد الحفيظ مثال للفتاة الواعية والمثابرة والمجتهدة والمحبوبة والجميلة والوفية جدا
يسعدني ويشرفني إستضافتها في نخلات من بلادنا فهي واحدة من أروع النخلات .. ربنا يحفظها يارب ..
|
Post: #84
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 09:43 PM
Parent: #50
العزيزة رحاب خليفة
حبابك مليون
Quote: بفتش اسامي و اجي ان شاء الله
|
تكوني ماقصرتي ياحبيبة وحبذا لو مرفق التلفونات سمح ؟
|
Post: #54
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: ismeil abbas
Date: 01-19-2009, 11:19 AM
Parent: #1
ألأخت/نادية عثمان...............لك التحية....
إنسانة..شكلت وجدان الشعب السودانى وكنا ننتطرها بفارق الصبر عبر المذياع..فى مايطلبه المستمعون..ألأستاذة .سعاد أبوعاقلة..وهى بأم درمان...وإذا وصلتيها قولى ليها ولدك فى ركن ألأطفال لما كنتى تقدمى احيانآ حبوبة كلتوم..إسماعيل محمد احمد عباس....
هى نخلة باسقة ..مثمرة..حلاوة ثمرها نتذوقه حتى ألأن...مودتى....إسماعيل محمد احمد عباس....
|
Post: #57
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: خدر
Date: 01-19-2009, 11:27 AM
Parent: #54
سلام لي ناديه و ضيوفها
يا نادية السودان ده امشي الشارع و ادخلي البيوت و امسكي اي امرأة من طرف ساي
زي ما قالت نجوان بي مفاتيح حوار حريفة حا تقدري تطلعي منها قصص و حكاوي اطول من النخلات
الناس الحايمة في الخرطوم دي مليانه قصص و حكايات
هجرات - شلوخ - مكياج - انقلابات - اعراس - احزان
ركزي انكـ تدخلي المفتاح الصاح يا نادية
مودتي
بره الموضوع
وين وعدكـ لي يا نادية !! انا ما انسان ياخ
|
Post: #95
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 01:28 AM
Parent: #57
خدوري ياشقيقي وصديقي العزيز
Quote: يا نادية السودان ده امشي الشارع و ادخلي البيوت و امسكي اي امرأة من طرف ساي
زي ما قالت نجوان بي مفاتيح حوار حريفة حا تقدري تطلعي منها قصص و حكاوي اطول من النخلات
الناس الحايمة في الخرطوم دي مليانه قصص و حكايات
هجرات - شلوخ - مكياج - انقلابات - اعراس - احزان
ركزي انكـ تدخلي المفتاح الصاح يا نادية |
ده بالضبط الأنا ناوية أعملوا ياصديقي بس الأمر برضو لن يخلوا من شوية نخلات أعلام تركهم الإعلام في إهمال !!
Quote: بره الموضوع
وين وعدكـ لي يا نادية !! انا ما انسان ياخ
|
إنت ماقعد تجي بهناك ده أولا
ثانيا والله أنا كلمت ( الحاج) وقال داير يشوف حاجاتك وانت وعدت ترسلها لي ومارسلت يبقى انا غلطانة ياغالي ؟
|
Post: #60
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: عصام ابوعكر
Date: 01-19-2009, 11:37 AM
Parent: #54
الاخت/ ناديه عثمان
الاستاذه والمذيعه المخضرمه باذاعه امدرمان
واذاعه وادي النيل سابقا (سكينه عربي)
تحياتي
|
Post: #97
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 07:54 AM
Parent: #60
أخوي عصام ابو عكر حبابك
Quote: الاستاذه والمذيعه المخضرمه باذاعه امدرمان
واذاعه وادي النيل سابقا (سكينه عربي) |
ليها وليك التحية
حانضمنها اللستة وبحاول الاقيهاإن شاء الله
|
Post: #94
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 01:01 AM
Parent: #54
أخوي وصديقي الغالي إسماعيل
حبابك يازين الناس
| Quote: إنسانة..شكلت وجدان الشعب السودانى وكنا ننتطرها بفارق الصبر عبر المذياع..فى مايطلبه المستمعون..ألأستاذة .سعاد أبوعاقلة..وهى بأم درمان...وإذا وصلتيها قولى ليها ولدك فى ركن ألأطفال لما كنتى تقدمى احيانآ حبوبة كلتوم |
ياسلام عليك والله ياوفي جدا
حااااااضر بفتش لتلفونها ولو عندك رسلو لي في الخاص سمح ؟
|
Post: #55
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: ismeil abbas
Date: 01-19-2009, 11:22 AM
Parent: #1
أخى أحمد الشايقى..............
| Quote: قابلي الشابـة الصاعـدة في العمـل العام (إنعام عبد الحفيظ |
قالو ليك نخلة ما زهرة...........................................مودتى لكم جميعآ وإنعام عبدالحفيظ............إسماعيل محمد احمد عباس...
|
Post: #59
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: khaleel
Date: 01-19-2009, 11:31 AM
Parent: #55
ندو
اديك نخلتين تلاتة قولي اربعة
امنة الصادق بدري
سارة ابو
بدرية سليمان
فاطمة احمد ابراهيم
كوني بخير
|
Post: #98
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 07:59 AM
Parent: #59
خليل العزيز
سلامات يارب
Quote: اديك نخلتين تلاتة قولي اربعة
امنة الصادق بدري
سارة ابو
بدرية سليمان
فاطمة احمد ابراهيم |
بعضهم تمت إستضافتهن بالفعل في هارموني من قبل لكن حاشوف تلفون آمنة الصادق كده ..
|
Post: #58
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: عبد اللطيف بكري أحمد
Date: 01-19-2009, 11:30 AM
Parent: #1
العزيزة نادية ،،
لك التحايا والتقدير ، وانتي الظاهر عليك كسلانة في اعداد البرامج،،
=
أكثر ما ظللت أعاني منه في تلفزيونات السودان هو أحاديث الذكريات والسرد الممل
للسيرة الذاتية للضيف والجلسة المتعبة للروح والنظر لمقدم البرنامج والضيق على
حد سواء ، جلوس بالساعات يانادية ونقاشات في مجملها لا تخدم المشاهد ولا تفيده في
شيء،، التفزيون يانادية كاميرا تتحرك خارج الأستوديو ، أما داخل الاستوديو فهذه
إذاعة مسموعة وليس ثمة داعي لذلك وبالذات في مثل هذه الحوارات التي تؤرخ لحياة
أناس خدموا بلادنا في مجالات عدة،،
عندك مثال برنامج عمر الجزلي (أسماء في حياتنا)، ضيوفه كلهم من الوزن الثقيل
ولكن البرنامج من أثقل البرامج على المشاهدين ، وقليل من يتأنى ليستمع إلى نهاية
الحلقة وبالذات في ظل توفر آلاف القنوات بكبسة زر،،
قناة الشروق عندها بعض المحاولات الجيدة في خروج الكاميرا عن مألوف تلفزيوننا العتيق،،
يعني مثلا لو عملت لقاءات مع نخلات بلادنا من واقع لقاءكم في قندهار لكان برنامج خبطة،،
هذه مجرد ملاحظات لتبعدي بنا عن الملل ولتجذبي أكبر نسبة مشاهدة لقناة صديقي العزيز
معتصم الجعيلي مع العلم أن أكثر من ذكرن هنا قد تمت إستضافتهن في كثير من اللقاءات،،
مع فائق امنياتي لك بالتوفيق والتميز،،
|
Post: #61
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: أحمد الشايقي
Date: 01-19-2009, 11:37 AM
Parent: #58
هلا يا اسماعيـل
| Quote: قالو ليك نخلة ما زهرة...............................مودتى لكم جميعآ وإنعام عبدالحفيظ............إسماعيل محمد احمد عباس |
وأنا ذاتي بقول كدا يا اسماعيـل,
بس الزهـرة في قلب النخلـة
تحياتي
أحمد الشايقي
|
Post: #102
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 09:03 AM
Parent: #58
العزيز عبد اللطيف بكري
سلامات وحبابك مليون والله
Quote: العزيزة نادية ،،
لك التحايا والتقدير ، وانتي الظاهر عليك كسلانة في اعداد البرامج،، |
ماكسلانة والله وجارية جري شديد وفي سباق مع الزمن عشان الحق اصور أكبر عدد من النخلات قبل ارجع القاهرة .. وعملا بـ ( ماخاب من إستشار) وبالتاكيد منكم ومن كلامكم ومقترحاتكم بتعم الفايدة من اجل المشاهد الكريم
Quote: التفزيون يانادية كاميرا تتحرك خارج الأستوديو ، أما داخل الاستوديو فهذه
إذاعة مسموعة وليس ثمة داعي لذلك وبالذات في مثل هذه الحوارات التي تؤرخ لحياة
أناس خدموا بلادنا في مجالات عدة،، |
كلامك صاح والله وعشان كده ماحاتلقاني في الإستديو الإ مرات قليلة وهسي الحلقات التم تصويرها كلها خارج الإستديو في الجناين والبيوت والأسواق ولسة ماشين في السكة نمد وبيكم ومعاكم وبي مقترحاتك بنعمل شئ مختلف سمح؟
Quote: هذه مجرد ملاحظات لتبعدي بنا عن الملل ولتجذبي أكبر نسبة مشاهدة لقناة صديقي العزيز
معتصم الجعيلي |
ملاحظات مهمة جدا اشكرك عليها من صميم قلبي والله .. وخليك قريب دائما
وتقبل تحيات صديقنا المدهش الجعيلي وهو متابع جيد لهذه النافذة سمح؟
|
Post: #64
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: الزنجي
Date: 01-19-2009, 12:09 PM
Parent: #1
حواء الطقطاقة
|
Post: #99
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 08:26 AM
Parent: #64
الزنجي سلامات أخوي
حبابك مليون
تستحق بكل تأكيد ولو خدمتني في تلفونها في الخاص تكون كملت جميلك سمح؟
|
Post: #65
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: الزنجي
Date: 01-19-2009, 12:11 PM
Parent: #1
مريم بت ابوها
اشهر بائعة كسرة فى امدرمان صينية مكي
|
Post: #100
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 08:30 AM
Parent: #65
الزنجي
Quote: مريم بت ابوها
اشهر بائعة كسرة فى امدرمان صينية مكي |
هسي موجودة ولا خلت البيع لأنو دايرة أصلها الليلة إن شاء الله ولو عندها تلفون بيكون كويس ؟
|
Post: #67
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: الزنجي
Date: 01-19-2009, 12:12 PM
Parent: #1
حجة الشول
مستشفي امدرمان
|
Post: #103
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 09:10 AM
Parent: #67
الزنجي المفيد
Quote: حجة الشول
مستشفي امدرمان |
تمام شديد
بس المسألة عايزة تواصل إنت هنا في الخرطوم ؟
|
Post: #68
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: الزنجي
Date: 01-19-2009, 12:15 PM
Parent: #1
لكن النخل فى الشمالية
الغرب فية التبلدي والجنوب الباباي والشرق .........
|
Post: #104
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 09:15 AM
Parent: #68
الزنجي
Quote: لكن النخل فى الشمالية
الغرب فية التبلدي والجنوب الباباي والشرق .........
|
النخل رمز الشموخ بس والشموخ في كل نساء بلادنا شرق وغرب وجنوب ووسط وشمال .. للتبلديات والبابايات والنخلات في كل السودان التحية وتعظيم سلام
|
Post: #69
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: ابراهيم قناوي
Date: 01-19-2009, 01:02 PM
Parent: #1
الأستاذة الراقية
نادية بت بحري
سلام من الله يغشاك
| Quote: كدي إنت هنا في الخرطوم ؟ |
والله للأسف الشديد لأ
أنا الآن في السعودية
أي خدمات من هنا الرقبة سدادة
كان درتي واحد من العيال نضبحوا ليك
هيييييييييييييع (لكن باالمناسبة انا محسي ما جعلي)
وأكثر ما يحزنني أنني قضيت عطلة عيد الأضحى في الخرطوم
وكان بودي لقاء البورداب
ولكن حال دون ذلك مرض الوالدة
شفاها الله وعافاها
أما بالنسبة لي فمن هسة ما تختيني في بالك
لأني ما بنفع نخلة
أي نعم يجمعني مع النخلة الطول
لكن ممكن أنفع عمود بس أي نخلة لألألألألألألألألألأ (زي ما قال عبد الحليم)
وشوش ميتة من الضحك (كان الوشوش بتموت ((ما بتمودا)))
سلام عليك تاني
وعلى الضيوف
والعابرين
|
Post: #70
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: زهير عثمان حمد
Date: 01-19-2009, 01:30 PM
Parent: #69
الزميله والاخت العزيزة نادية
لك التحيا والله ان لاأشك في قدرتك علي الاختيار ولكن نشكرك علي ثقتك فينا
المهم لك بعض الاقترحات
المضمون لابد أن يكون متجسد مع المادة المطروحة وأبعدي من حورات النفاق الاجتماعي وحاولي ان تكوني تلفزيونية العبارة والتعبير وبالله ما تنسي نساءناالبسيطات وكل من طلهن الصالح العام وأمهات الشهداء اللي راح دمهموأنت سيدة العافين عليك أن تختاري ما بين مادة واقعية وبرنامج فتيازيا و ولك بعض الاسماء
فى مجال التعليم
حاجة كاشف
نقيسة المليك
الاسناذة/ امنة بدرى
الاستاذة/ عواطف مصطفى
الاستاذة د/بلقيس بدرى
وفي مجال الصحافة أمال عباس
وهنالك سيدات أعمال
وكما طبيبات رائعات
وفي مجال الفن التشكيلي بعض الاسماء لا تحضرني الان
خليك قوميه في البداية وشاملة لكل بنات بلدنا الرائعات
وكل الامنيات لك بالتوفيق
|
Post: #71
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: عمار عبدالله عبدالرحمن
Date: 01-19-2009, 03:21 PM
Parent: #70
الاستاذه نادية
1/ الاستاذة عائشة حسن ..
2/ بنات السيدة حياة رضوان ,, اول موظف سودانية
3/ السيدة قادرية ,,, من مؤسسات دور الرعايا الاجتماعية بالسودان
|
Post: #72
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: heba Elmahi
Date: 01-19-2009, 03:50 PM
Parent: #71
ندوية ..
Quote: ببساطة كلامك ده أصل فكرة البرنامج .. بس برضو حانستضيف بعض الشخصيات المشهورة غير المستهلكة اعلاميا شديد ..
لكن عشان نكون أكثر عملية ياريت تقترحي لينا زولة عادية لكن ناضلت وأسهمت وتحكي لينا شكل اسهامها هنا طوالي وتلفونها رأيك شنو ؟ ( وش منتظر ) |
بجيك راجعة يا ستي ، الدنيا عندنا يادوب صباح و ماشين نجاهد في الشغل ( وش كسلان ).
|
Post: #111
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 10:13 AM
Parent: #72
هبة ؟
| Quote: بجيك راجعة يا ستي ، الدنيا عندنا يادوب صباح و ماشين نجاهد في الشغل ( وش كسلان ). |
يازولة لسة الجهاد ده ماخلص ؟
تعالي ياخ سمح ؟
|
Post: #110
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 10:02 AM
Parent: #71
عمار عبد الله سلامات
وحبابك أخوي
Quote: / بنات السيدة حياة رضوان ,, اول موظف سودانية
3/ السيدة قادرية ,,, من مؤسسات دور الرعايا الاجتماعية بالسودان |
حلو شديد ومهمات جدا
الله يديك العافية يارب ولو بتقدر تساعدني بالتلفونات تكون ماقصرت سمح ؟
|
Post: #107
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 09:33 AM
Parent: #70
الأخ الفاضل
زهير عثمان حمد
| Quote: لك التحيا والله ان لاأشك في قدرتك علي الاختيار ولكن نشكرك علي ثقتك فينا |
أنتم أهلي وأصدقائي وزملائي الأعزاء وعارفة بتهمكم مصلحتي بالتأكيد طبعا .. ليك وللأعزاء كلهم مليون شكر
| Quote: وحاولي ان تكوني تلفزيونية العبارة والتعبير |
عجبني كلامك ده شديد وياريت تشرح لي أكتر بتقصد شنو بتلفزيونية العبارة والتعبير عشان أستفيد من الحتة دي بشكل أكبر سمح ؟
|
Post: #105
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 09:24 AM
Parent: #69
إبراهيم ؟
Quote: أما بالنسبة لي فمن هسة ما تختيني في بالك
لأني ما بنفع نخلة
أي نعم يجمعني مع النخلة الطول
لكن ممكن أنفع عمود بس أي نخلة لألألألألألألألألألأ (زي ما قال عبد الحليم)
وشوش ميتة من الضحك (كان الوشوش بتموت ((ما بتمودا))) |
بالغت فوكا
هههههههههه
السعودية قريبة وبنتلاقى كان الله هون سمح ؟
|
Post: #73
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: Huda AbdelMoniem
Date: 01-19-2009, 04:11 PM
Parent: #1
العزبزة نادية
اثنى بشدة السيدة/
حواء الطقطاقة
مريم بت ابوها/ام الكفاح
اشهر بائعة كسرة فى امدرمان صينية مكي
|
Post: #108
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 09:52 AM
Parent: #73
هدى
Quote: اثنى بشدة السيدة/
حواء الطقطاقة
مريم بت ابوها/ام الكفاح
اشهر بائعة كسرة فى امدرمان صينية مكي |
علم وينفذ باذن الله ياحبيبة
|
Post: #77
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: شول اشوانق دينق
Date: 01-19-2009, 06:40 PM
Parent: #1
جاييكى يا صديقة وما عرفت كنت مالى من امبارح؟ (وش مشوطن عينو طالع)
شول اشوانق دينق
__________________
مشروع برنامجك عملاق والله
|
Post: #109
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 09:58 AM
Parent: #77
شول ياصديقي
تبرى وتستبرى من الشر والشيطنة يارب
| Quote: مشروع برنامجك عملاق والله |
تسلم ياغالي ونخلتنا من الجنوب عليك الله تلمني فيها سمح
؟
|
Post: #78
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: الطاهر ساتي
Date: 01-19-2009, 06:55 PM
Parent: #1
نادية أنسي .. ازيك وحالك .؟
نخلات من بلادنا ..؟
ابتعدى بقدر الامكان عن العاملات دنيا السياسة والفن والمال و غيرو
وكذلك عن زوجات وبنات المشاهير
وكذلك عن الاسماء الرنانة المعروفة ..
ياخى واحدة من مصائبنا فى البلد دى احتكارنا للاضواء لمن نسميهم بالصفوة والنخبة
وكأن ديل هم محتكرى الصفات الكويسة والاعمال الجليلة
لا بت الناس
بلاهى خلينا من ديل نهائي
وانزلى بى كميرتك للعامة .. فى اسواقم اريافم بيوتم شوارعم
صدقينى حتلقي قصص عجيبة ورائعة تجسد الكفاح فى اجمل صورو
امشي لمراة راجل مات وخلى ليها شفع قدرت تربيهم وتعلمهم وتقدمهم للمجتمع
امشي لمراة نازحة فقدت عيالا وراجلها فى اتون الحرب ومع ذلك بدت حياتها بقوة وعزيمة
امشي لمراة قاومت مشغوليات البيت وعامل السن والتحقت بمحو امية او مدرسة وعلمت نفسها
امشي لمراة بالشاى والطعمية بتعلم اولادها فى الجامعات
امشي لمراة بتزرع مع راجلها وبتحصد معاها واخر النهار بترجع البيت عشان تطبخ وتكنس
وهكذا .. النماذج كثيرة
المجتمع السودانى مليان بالنخلات السامقات حقا وصدقا
بلاهى فتشي للنوع
والله بساعدك والان عندى ليك اكتر من 10 نماذج لو بقيتى عليهن
ما داير منك ولا من معتصم لا حق ادبي ولا مادى
اها شن قولك
عليك الله وافقي واديهن فرصة انو الراى العام يقوليهن : شكرا على العطاء وشكرا على الصبر وشكرا على التضحية
فى انتظارك ..
|
Post: #113
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 10:31 AM
Parent: #78
الطاهر انقي تود
غن هال مندي يأخي
والله أي دسن إيكي مشتاقري
ياخ مابتسألوا على الزول في البلد ليه ياود الخال أنا زعلانة عديل ( وش مكفهر ) !
عاين الكلام الدهب القلتو ده كلو على العين والرأس .. يلا رسل لي تلفونك في الخاص وخليني الاقيك بالدرب عددديل وقوام جدا موش أخير ياود الخال الغالي ؟؟(وش منتظر قوام)
|
Post: #79
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: JAD
Date: 01-19-2009, 07:33 PM
Parent: #1
صابرة ومثابرة ..
مخلصة ..
يحسب لها الثبات على المباديء والخلق الرفيع منذ الصبا وحتى العقد الثامن من العمر ..
قال زوجها أنه لم ير منها ما يكره قط .. وقالت أنها لم تسمع أنه قد حلف بالطلاق طيلة حياتهما معاً ..
مثال للجود بالموجود والصبر على المفقود ..
طحنت الذرة بالمرحاكة ونشلت الماء الدلو من البئر .. وكانت لزوجها خير معين على نوائب الدهر وصروفه ..
عملها: تربية الأبناء .. وإعانة المحتاج .. ومعالجة الأطفال حديثي الولادة من ألم (الكتيف) وهو تشبك مفاصل الكتف عند الأطفال ..
خبراتها: كثيرة .. وأهم ما تعلمته أن الطمع لا خير فيه .. والفسالة منقصة .. والكلمة الطيبة أيسر المعروف .. والتبسم للناس أجمل الصدقات ..
ألا تستحق مثل هذه السيدة أن تكون نخلة من نخلات بلادنا؟؟؟
إنها أمي : الحاجة/ هدية بت فكي أحمد محمد (ود آمنة) ..
شكراً أستاذة نادية ..
فكرة البرنامج جيدة ..
أتمنى لك التوفيق ..
جاد
|
Post: #81
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: حبيب نورة
Date: 01-19-2009, 08:04 PM
Parent: #79
ندووووووية
هابي نيو لوك !!!
|
Post: #82
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: 7abib_alkul
Date: 01-19-2009, 08:12 PM
Parent: #81
الاخت نادية
كان علي انا جيبي لي ندي القلعة وبس
ها ها ها ها يكة
بالجد يا انادية بقترح ليك الشاعرة المرهفة روضة الحاج فهي بقامة النخيل في مجالها
ودي البقولوا عليها فات الكبار والقدرو
لك التحية
|
Post: #83
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-19-2009, 08:49 PM
Parent: #82
برجع ليكم نفر نفر يا أروع ناس بس أخلص صفحتي سكرتير التحرير وأقف فوق رأسي سمح؟
|
Post: #85
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: kh_abboud
Date: 01-19-2009, 09:49 PM
Parent: #83
الأخت نادية
سلامات
بإعتباري من مشاهدي قناة هارموني ، كنت قد كتبت لك في بوست قديم مقدما لك إقتراحات بشأن المشاكل المالية التي تعرضت لها القناة ... ولم أتلق أي تعليق ...
ولا أدري إن كنت سأج صدي لإقتراح جديد بخصوص النخلات .
سلامي وتحيتي على أى حال بنجاح القناة وإهتمامها بالبلد ... وأرجو أن تحملي تحايانا للعاملين بها ...
خلف الله عبود - تشكيلي
|
Post: #88
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: ياسر عبدالكريم محمد
Date: 01-20-2009, 00:29 AM
Parent: #85
الاخت نادية
ما خاب من إستشار والفكرة جميلة خالص اقترح
ليك المعلمة والمربية هانم بشيرقامت وزارة التربية بإرسالها وزةجها الاستاذصديق عبدالله
لفتح اول مدرسة فى تشاد فى السبعينات وتخرج منها معظم السياسيين والمتعلمين
التشاديين وعرضت عليهم الحكومة التشادية جوازات سفر دبلوماسية
وتشاد كلها بتعرفهم وحضروا الحرب التشادية ايام حسين هبرى
واعتقد إنوا الفنان عبد القادر سالم خلفهم مديرا للمدرسة
وعندها زكريات كتيرة لو إستضفتيها وكمان عشان ترضى على اصلها
نسيبتى وحبوبة اولادى الجنبك ديل
|
Post: #89
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: baha eassa
Date: 01-20-2009, 00:45 AM
Parent: #88
الاخت والصديقة والشقيقة نادية .. ..
البوست الفيهو كتاحة داك لسع مغبر .. والحمد لله جبتي بوست
رش لينا موية في الواطة تروق شوية .. وانا كنت مشغول ماشفت
البوست دة ويا حمور زيادة هاك الصور :
|
Post: #90
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: baha eassa
Date: 01-20-2009, 00:51 AM
Parent: #89
|
Post: #91
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: baha eassa
Date: 01-20-2009, 00:53 AM
Parent: #90
|
Post: #92
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: baha eassa
Date: 01-20-2009, 00:55 AM
Parent: #91
|
Post: #93
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: baha eassa
Date: 01-20-2009, 00:59 AM
Parent: #92
|
Post: #125
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 06:01 PM
Parent: #93
بهاء الشقيق والصديق الوفي جدا
تسلم ياغالي وشكرا على الردم الارشيفي ده للصور ( وجه بيحترمك شديد )
|
Post: #123
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 05:18 PM
Parent: #88
ياسر عبد الكريم
سلامات
| Quote: ما خاب من إستشار والفكرة جميلة خالص اقترح |
طبعا بالتأكيد لن يخب من يستشير ونحنا هنا لتبادل المعرفة وتبادل الرؤى طبعا
Quote: ليك المعلمة والمربية هانم بشيرقامت وزارة التربية بإرسالها وزةجها الاستاذصديق عبدالله
لفتح اول مدرسة فى تشاد فى السبعينات وتخرج منها معظم السياسيين والمتعلمين
التشاديين وعرضت عليهم الحكومة التشادية جوازات سفر دبلوماسية
وتشاد كلها بتعرفهم وحضروا الحرب التشادية ايام حسين هبرى
واعتقد إنوا الفنان عبد القادر سالم خلفهم مديرا للمدرسة
وعندها زكريات كتيرة لو إستضفتيها وكمان عشان ترضى على اصلها
نسيبتى وحبوبة اولادى الجنبك ديل |
للمربية الفاضلة هانم بشير التحية وتعظيم سلام واكيد حأفتش عليها وليك التقدير ولأولادك كامل المحبة ..
تسلم يارب
|
Post: #119
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 12:13 PM
Parent: #85
الأخ الفاضل خلف الله عبود
| Quote: بإعتباري من مشاهدي قناة هارموني ، كنت قد كتبت لك في بوست قديم مقدما لك إقتراحات بشأن المشاكل المالية التي تعرضت لها القناة ... ولم أتلق أي تعليق ... |
والله مامتذكرة خالص ثم انا كنت بعيدة الفترة الفاتت عن المنبر .. عامة أطمئنك وكل محبي هارموني أوضاعنا المالية مابطالة الحمد لله وفي تقدم ملحوظ بفضل الله سبحانه وتعالى
| Quote: خلف الله عبود - تشكيلي |
ياريت تقترح لينا نخلة تشكيلية عندها تجربة ثرة وعندها مرسم وتلفونها كم سمح ؟
|
Post: #118
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 11:58 AM
Parent: #82
حبيب الكل سلامات
كان على ندى القلعة والله تستاهل عندها تجربة فنية سمحة شديد
واما النخلة روضة الحاج فبس ربنا يفتح لي تلفونها المغلق ده يارب ..!
|
Post: #115
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 10:46 AM
Parent: #81
حبيب نورة ياصديقي الجميل
كيفك يانخيل .. ياسيد الكتابة السمحة
Quote: ندووووووية
هابي نيو لوك !!! |
الله يبارك فيك وأتمنى يكون فعلا برنامج نيو لوك جدا ومفيد شديد يارب
|
Post: #131
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: عبداللطيف حسن علي
Date: 01-20-2009, 08:08 PM
Parent: #81
ناس التلفزيون كلما يكون في برنامج ، بيكون في وجوه معينة مكررة ومحفوظة
في مجال الفن والسياسة والرياضة وغيره ، كأن السودان وقف عند هذه الشخصيات
يستدعوهم/ن بسبب سهولة الاتصال ووجوههم المحفوظة ، لكن ده مواضيع مملة للمشاهد
ويقابلها بالسخرية واللامبالاة، شوفو النساء العاديات ، اقصد نخلات في صمت ، غيرو
شوية من وجع الوش البقابلنا كل ما نفتح تلفزيون او رادي ، نلقي نفس الاسطوانة
والرقم اللسه واحد...اي امراة ربت وعلمت وكافحت ، ممكن تكون نموزج ، فليست النخلات
من طرقن دنيا السياسة او الفن ومحفوظات لاي سوداني....
|
Post: #114
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 10:42 AM
Parent: #79
الغالي جاد
Quote: ألا تستحق مثل هذه السيدة أن تكون نخلة من نخلات بلادنا؟؟؟
إنها أمي : الحاجة/ هدية بت فكي أحمد محمد (ود آمنة) .. |
الحاجة هدية ستنا وتاج رأسنا وربي يسلمها من كل شر يارب .. ليت في يدي مفاتيح التكريم الذي تستحقه عن حق بأكثر من إستضافة في برنامج .. ربي يخليها ليك ولينا يارب
|
Post: #96
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: mamkouna
Date: 01-20-2009, 07:42 AM
Parent: #1
ندوية...
أمسكي قوي في كلام نجوان و خدر و الطاهر ساتي.
|
Post: #126
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 06:30 PM
Parent: #96
ممكونة ياحبيبة قلبي من جوا
Quote: ندوية...
أمسكي قوي في كلام نجوان و خدر و الطاهر ساتي. |
أنا بمسك فيهو شديد .. بس هم مايفكوه ( وش ضاحك ونعسان) !
حبيبة
تلفون الزولة ديك الحانصور معاها رسليهو لي في الخاص بالله سمح ؟
|
Post: #101
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: عبد الدائم سيد أحمد
Date: 01-20-2009, 08:33 AM
Parent: #1
صباحك زين يا نخلة
معليش جيتك متأخر كتير
اولا" الفكرة ممتازة يا نادية بس السؤال انتى حتكونى مقيمة فى الخرطوم
ولا حترجعى القاهرة ، لانك لو رجعتى القاهرة كل النماذج القدموها الاخوان
حتكون بعيدة عنك ... يعنى قصدى كل ما تكونى قريبة من الضيف بتصلى للمشاهد
اكتر واكتر .
ثانيا" يوجد برنامج اسمه نساء رائدات ( برنامج حوارى ) سبق له ان استضاف كثير من النماذج المذكورة سابقا" فى مجال التعليم والصحة والشعر والسياسة والخ ...
ثالثا" لو استضفتى فنانات ( كالبلابل ) مثلا" ، استديوهات هارمونى بالشكل الحالى
بها الكثير من العيوب خاصة تقنية الصوت والصورة ( فارقة زمن ) ودى ملاحظتى فى اغلب
البرامج الفنية
اخيرا" الاخراج .....................
خالص الود
|
Post: #106
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: حسن طه محمد
Date: 01-20-2009, 09:31 AM
Parent: #101
[B]نادية اختي
نفيسة الدول امـــك
ايه رايك ....تستاهل ولا ما تستاهل ؟؟؟
|
Post: #137
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-21-2009, 09:51 AM
Parent: #106
حبابو ود امي نفيسة الدول
حباب حسن طه محمد الغالي
Quote: نفيسة الدول امـــك
ايه رايك ....تستاهل ولا ما تستاهل ؟؟؟ |
والله تستاهل ونص وخمسة ويكون الحوار بالرطانة كمان ونجيب الطاهر ساتي مترجم رأيك شنو ؟؟ ( وش منتظر )
|
Post: #122
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 02:41 PM
Parent: #101
الاخ عبد الدائم سيد أحمد
ثالثا" لو استضفتى فنانات ( كالبلابل ) مثلا" ، استديوهات هارمونى بالشكل الحالى
بها الكثير من العيوب خاصة تقنية الصوت والصورة ( فارقة زمن ) ودى ملاحظتى فى اغلب
البرامج الفنية
[
انا معتصم الجعيلي
اواضح انك ماشفت استديوهاتنا ولعلك تتحدث عن مواد قديمة قبل حتي ماتكون عندنا استديوهات.. الان الوضع مختلف تماما ..
ولو كنت في الخرطوم .. نرحب بك في زيارة واهلا بيك
|
Post: #127
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 06:49 PM
Parent: #101
ود العم الغالي .. قريبي عبد الدائم سيد أحمد
سلامات ليك ولعنوبة الحلوة وأمها
أولا بختك ياعم رد عليك من باسويردي الأستاذ الجعيلي رئيس مجلس إدارة قناة هارموني بنفسو .. شفت كيف ؟
أها بالنسبة لسؤالك ده :
Quote: اولا" الفكرة ممتازة يا نادية بس السؤال انتى حتكونى مقيمة فى الخرطوم
ولا حترجعى القاهرة ، لانك لو رجعتى القاهرة كل النماذج القدموها الاخوان
حتكون بعيدة عنك ... يعنى قصدى كل ما تكونى قريبة من الضيف بتصلى للمشاهد
اكتر واكتر . |
رغم إنو إيمو بتزن عايزاني أرجع لكن مضطرة أقعد لحدي ما أصور كل حلقات برنامجي باذن الله بس انت ماتنساني من الفاتحة وصالح الدعوات بالتوفيق سمح ؟
سؤالك المهم جاوب ليك عليهو الأستاذ الجعيلي تحت وقدم ليك الدعوة لزيارة القناة والإستديوهات بتاعتنا الجديدة ولو جيت وأنا هنا بعمل معاك حوار عديل في هارموني قصرنا معاك ؟ ! ( وش مبتسم وسعيد بيك) !
|
Post: #112
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: Dalal Ezzaldin
Date: 01-20-2009, 10:16 AM
Parent: #1
ندويه ... ازيك
موفقه في برنامجك الجديد وورينا المواعيد عشان نتابعه
لو استضفتي نساء بارزات بس حاورتيهم في غير حياتهم العمليه
يعني مثلاً مريم الصادق المهدي .. بتتكلم عن البيت والعيال والحياه العاديه
من غير ما تخش في السياسه وكلامها الكثير .
|
Post: #128
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 07:08 PM
Parent: #112
دلال عز الدين ياحبيبة وين إنتي مختفية ياخ ؟
| Quote: موفقه في برنامجك الجديد وورينا المواعيد عشان نتابعه |
يوم الخميس من كل إسبوع باذن الله .. بس لسا مانزلنا أي حلقة لحدي مانعمل عدة حلقات ونبدأ البث وبوريك الموعد سمح ؟
Quote: لو استضفتي نساء بارزات بس حاورتيهم في غير حياتهم العمليه
يعني مثلاً مريم الصادق المهدي .. بتتكلم عن البيت والعيال والحياه العاديه
من غير ما تخش في السياسه وكلامها الكثير . |
سبحان الله يادلال والله العظيم قبل كتابتك دي كنت بتكلم مع د. مريم الصادق في المهدي بخصوص حلقة معاها وكنت بقول ليها حايكون كلامنا بعيدا عن السياسة !!
لقيتك فكي عديل ياصديقة ( وش هناي ومبتسم ) !
|
Post: #116
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: طارق ميرغني
Date: 01-20-2009, 10:52 AM
Parent: #1
الاستاذه ناديه فكره حلوه هذه الاستشاره.
عشان ما تحصل شوشره قلت اقترح اسماء بالاول وبعدين اقرا الاقتراحات.
في مجال المسرح:
نعمات حماد ، فايزه عمسيب، تحيه زروق ،سميه عبد اللطيف، رابحه
في مجال الغناء والموسيقي:
ام بلينه السنوسي،ثنائي النغم،اسماء حمزه بشير،البلابل
في مجال التعليم:
بنات بدري، بنات المليك، بنات عوض ساتي
السياسيات
سعاد ابراهيم احمد ، سعاد الفاتح ، فاطمه احمد ابراهيم، فاطمه عبد المحمود
هذا بالاضافة الي القانونيات والصحافيات وانتي ادري بهن.
|
Post: #117
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 11:10 AM
Parent: #116
بجيكم
|
Post: #120
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: rosemen osman
Date: 01-20-2009, 12:55 PM
Parent: #117
ليس لدى ما أضيفه يا نادية غير دعواتى الصادقة لك بالتوفيق
وملحوظة قد تم ذكرها...
يا ريت تبحثى عن الناس المنسية ياما البلد مليانة نساء حرثوا الصخر بأظافرهن لزراعة واقع أفضل لأسرهم الصغيرة أو الكبيرة الوطن
يا ليتكم تبحثوا عنهن ولا تكتفوا بالأسماء المعروفة (مع عظيم أحترامى لهن )..الا أن الظهور الكثيف لهن لم يعد يضف شيئا جديدا
محبتى
|
Post: #133
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 10:33 PM
Parent: #120
روزمين الحبيبة سلامات ياغالية
| Quote: ليس لدى ما أضيفه يا نادية غير دعواتى الصادقة لك بالتوفيق |
والدعوات الصادقة دي لمن تجيني من إنسانة نقية وطيبة وإنسانة زيك بكون أسعد زولة أنا وربنا يقبل منك من أجلي يارب .. ويوفقني من أجل برنامج هادف وجميل يارب
|
Post: #129
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 07:28 PM
Parent: #116
طارق ميرغني العزيز حبابك أخوي
Quote: في مجال المسرح:
نعمات حماد ، فايزه عمسيب، تحيه زروق ،سميه عبد اللطيف، رابحه
في مجال الغناء والموسيقي:
ام بلينه السنوسي،ثنائي النغم،اسماء حمزه بشير،البلابل
في مجال التعليم:
بنات بدري، بنات المليك، بنات عوض ساتي |
ديل تمام جدا وجارية الإتصالات ..
أما :
Quote: السياسيات
سعاد ابراهيم احمد ، سعاد الفاتح ، فاطمه احمد ابراهيم، فاطمه عبد المحمود |
إستضافتهم هارموني بالفعل في برنامج الزميلة لبني
تسلم يارب ويطيك العافية
|
Post: #121
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: عبد اللطيف بكري أحمد
Date: 01-20-2009, 01:29 PM
Parent: #1
Quote:
ملاحظات مهمة جدا اشكرك عليها من صميم قلبي والله .. وخليك قريب دائما
وتقبل تحيات صديقنا المدهش الجعيلي وهو متابع جيد لهذه النافذة سمح؟ |
سمح يا غالية ، وكلامك أعطانا كبير أمل في حلقات مميزة وربنا يعينك،،
=
تحياتي للفنان معتصم الجعيلي وقول ليهو تهيأت جمعية أبناء الأبيض لإستقبالكم في الرياض
الصيف الماضي ولكن أراد الله أن تتأجل الزيارة وهل من جديد في الموضوع؟؟
تحياتي وتقديري اختي نادية،،
|
Post: #124
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: على محمد على بشير
Date: 01-20-2009, 05:35 PM
Parent: #121
ندويه
معتصم ختف الكلام من خشمى .. لكن ما بى نفس الصيغه الانا عاوزها
واقتراحى انك تقومى تستضيفى الفنانه هاديه طلسم منفرده
وتديها المايكرفون فى بوح خاص
خليها تحكى على سجيتا
وخليها تغنى منفرده قطار الشوق متين ترحل
والليل الهادى
وحاجات كتيره كدا هى بتجضما لمن غلط
غايتو لو ظهرتى بي هاديه طلسم منفرده فى الحلقه الاولى
برنامجك دا ح يتواصل باذن الله سنين طويله بلا توقف
وبالتوفيق ..
|
Post: #134
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-21-2009, 07:07 AM
Parent: #124
الأخ الخلوق علي محمد علي بشير
Quote: واقتراحى انك تقومى تستضيفى الفنانه هاديه طلسم منفرده
وتديها المايكرفون فى بوح خاص
خليها تحكى على سجيتا |
والله هي فكرة جميلة لكن الناس إتعودوا على البلابل تلاتة فإتخيل لي هادية من غير أخواتها آمال وحياة هي ذاتها حاتحس بغربة ووحدة ولا شنو ؟ ( وجه من الماشاغلات ديل) !
|
Post: #130
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-20-2009, 07:45 PM
Parent: #121
عبد اللطيف ياأخي الغالي
Quote: تحياتي للفنان معتصم الجعيلي وقول ليهو تهيأت جمعية أبناء الأبيض لإستقبالكم في الرياض
الصيف الماضي ولكن أراد الله أن تتأجل الزيارة وهل من جديد في الموضوع؟؟ |
غايتو الرياض دي بقت عارض عددديل لناس هارموني تصدق ؟!!
الفنان معتصم عايز يتذكر الباسويرد بتاعو ويدخل ليكم هنا يرد براهو موش فكرة ؟ ( وش فوق العادي )
|
Post: #132
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: عبدالكريم الامين احمد
Date: 01-20-2009, 08:59 PM
Parent: #130
هلا يا نادية
ومعليش علي التاخير من بوستك ده
لكن اتفق تماما مع كلام الطاهر ساتي..
فلو لقينا برنامج يهتم بالنساء البسيطات المكافحات الغبش.. القصة بتكون اكثر جمال وبتعكس اشياء ملهمة لجموع نساء بلادنا الكادحات..
اطلعي خارج مدار المالوف
امشي الاقاليم-المدن -القري والفيافي البعيدة..
بتلقي سكينة كانون اشتغلت كسرة سنوات طويلة واولادها حسع دكاترة كبار
بتلقي فاطمة جالون صبرت علي الفقر وهجر الزوج واشتغلت عاملة فقيرة بسيطة في مصنع وواولادها الليلة ماشاء الله ترباية السرور..
تلقي معلمات قديمات-ممرضات قديمات-دايات قدام
صاحبات اعمال تجارية في اسواق الريف..
صانعات طواقي ومشاغل نسائية
بتلقي الدلالية الحامت الاسواق والقري بكراع كديس عشان تربي عليها..
انقلي لينا يا نادية الواقع خارج كدنشة الاستديو وديكوره الوريف..
|
Post: #135
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: ALZOLZATOO
Date: 01-21-2009, 07:27 AM
Parent: #132
ياندوية
سلام لي برنامجك الجميل
برشح ليك الاستاذة الفاضلة عواطف الوسيلة مديرة مدرسة خرجت الاجيال
بالنسبة لي تلفوناتها مامتاكد والله لكن الاستاذة نفيسة محمد الامين خالتها طوالي وعلى ما اظن في ناس بعرفوها في البورد .
بس ملاحظة في اسم البرنامج نخلات دي ح تهمشي باقي الشجر التبلدي والباباي
تحياتي
زاتوووو
|
Post: #145
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-22-2009, 08:40 AM
Parent: #135
الزول ذاتو سلامات
| Quote: بس ملاحظة في اسم البرنامج نخلات دي ح تهمشي باقي الشجر التبلدي والباباي |
مع كل إحترامنا لباقي الشجر تبلدي وباباي ونيم وأي شجرة في السودان لكن بس وقع الاختيار على النخيل لانه في الدنيا كلها رمز من رموز الشموخ .. ولانو كمان مابقدر اسمي البرنامج بأسم التلاتة شجرات في وكت وأحد فشفت الشجرة الجامعة لكل معاني الشموخ في نساء بلادي بدون تعمد تهميش اي شجرات تانية سمح؟
|
Post: #136
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-21-2009, 07:40 AM
Parent: #132
الخلوق العزيز عبد الكريم اخوي
Quote: فلو لقينا برنامج يهتم بالنساء البسيطات المكافحات الغبش.. القصة بتكون اكثر جمال وبتعكس اشياء ملهمة لجموع نساء بلادنا الكادحات..
اطلعي خارج مدار المالوف
امشي الاقاليم-المدن -القري والفيافي البعيدة..
بتلقي سكينة كانون اشتغلت كسرة سنوات طويلة واولادها حسع دكاترة كبار
بتلقي فاطمة جالون صبرت علي الفقر وهجر الزوج واشتغلت عاملة فقيرة بسيطة في مصنع وواولادها الليلة ماشاء الله ترباية السرور..
تلقي معلمات قديمات-ممرضات قديمات-دايات قدام
صاحبات اعمال تجارية في اسواق الريف..
صانعات طواقي ومشاغل نسائية
بتلقي الدلالية الحامت الاسواق والقري بكراع كديس عشان تربي عليها.. |
ده بالضبط فكرة البرنامج ياكيكي وحتى المعروفات من نساء بلادي لما نستضيف بعضهم حانسلط الضؤ على جوانب مدهشة مافي زول بيعرفها عنهم .. إنت بس خليك قريب وياريت تمدني ببعض الأسماء لحالات تكون عارف قصصهم وتلفوناتهم سمح ؟
Quote: انقلي لينا يا نادية الواقع خارج كدنشة الاستديو وديكوره الوريف..
|
وريف الزمن الجابك ياشقيقي .. التصوير معظمه خارجي ان شاء الله ياكيكي ( وجه ماشغال من وجوه بكري ) !
|
Post: #138
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-21-2009, 10:30 AM
Parent: #136
الطاهر ساتي رسل لي تلفونك في الخاااااااص
ياجماعة البعرف تلفون الطاهر يرسلو لي في الخاص بالله سمح؟
كده كويس يعني ياود الخال أفتشك بوست بوست ومالاقياك ؟ ( وش كيف كيف ) !
|
Post: #139
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: elfadl abdellatif
Date: 01-21-2009, 10:58 AM
Parent: #1
الاستاذة الصحفية اللامعة التي تهوى الاثارة (اقتباس غير دقيق)
سلامات
لقد بلغت بنا الاثارة قمتها الى ان عرفنا الموضوع .. والحمد لله طلعت اثارة حميدة ..وطبعا لقيت الموضوع سرح ومافي طريقة اقرا المداخلات كلها وشايف الجماعة ما قصرو معاك وادوك ترشيحات كويسة جدا .. وما عارف اذا حوا الطقطاقة ذكرت ام لا
على كل حال بساتين السودان مليئة بالنخلات الباسقات .. نساء وقفن خلف الكواليس وكن نخلات بما انتجنه من نتاج بشري .. امهات وزوجات كان لهن دور في خلق رجال ونساء من ذوي الهمم
نساء كانت لهم مواقف بطولية واخلاقية فتحن بيوتهن وصدورهن لتربية الاجيال .. معلمات وبائعات كسرة او شاي .. وحتى ربات بيوت ..
يللا شدي حيلك وخلي الاخوة الاعضاء يدوك نماذج ويرشحو ليك ومع انو الفكرة طرحت لكن ما شايف اي اسماء .. انا غايتو عندي حبوبتي نخلة لكن اتوفت الله يرحمها .. ممكن تدوني الجايزة بدلا?
|
Post: #140
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: زهير عثمان حمد
Date: 01-21-2009, 04:01 PM
Parent: #139
العزيزة نادية
كيفك
المهم قصة تلفزيونية العبارة والتعبيريعني تكوني مقتضبة العبارة وصاحبة رمزية تلفزيونية وعن التعبير تركزي علي الصور لأنها سوف تكون أبلغ من الكلام ولنا لقاء وكمان بالله عززي ثقافة الصورة عندك
بالجد ح تكوني فنانة وأمنياتي لك بالتوفيق وقلم الناقد كمان موجود
|
Post: #141
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: kh_abboud
Date: 01-21-2009, 06:18 PM
Parent: #140
الإعلامية والفنانة نادية
تحياتي
شكرا على الرد ، وأقترح عليك نخلة جميلة جدا ...
معنا الآن في مسقط ، في إجازة مع إبنتها ، الأخت التشكيلية وحبيبة الأطفال : ماما عشة ... وتلفون ‘بنتها ممكن أرسله لك في المسنجر ، لو كان شغال ... وللا ممكن في إيميلك لو رسلتي لي رسالة هنا [email protected]
سألتقي بهما في المرسم الأسبوعي لجماعة التشكيليين بالنادي السودني بمسقط غدا 22/1/2009
بالمناسبة ، آلاء تشكيلية أيضا ...
وبقية النخلات ساقترحها لك من تخصصات مختلفة ، إن شاء الله .
وياريت تزورينا ، في مسقط يوما ما ، لتشاهدي إبداع السودانيين المتنوع والمتميز عندنا ...
|
Post: #142
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: waleed nayel
Date: 01-21-2009, 06:32 PM
Parent: #141
الاستاذه ناديه عثمان
عندي ليك نخله سامقه قصتها مستحيله
امرأه لها خمسه من الابناء تعلمت حتي الوسطي فقط
تخيلي انها دخلت الثانوي مع بكرها و تفوقت عليه دخلت الجامعه
وبكرها عاد الثانوي.ثم تفوقت في الجامعه علي زملائها .اصبحت
معيده في الجامعه ثم ماجستير ثم دكتوراه ثم بروفسير و هي الان
تشرف علي الدراسات العليا.تخيلي الكلام ده كلو من في بدايه
التسعينيات.
|
Post: #143
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-22-2009, 01:25 AM
Parent: #142
وليد نائل سلامات شديد
وحبابك مليون
Quote: تخيلي الكلام ده كلو من في بدايه
التسعينيات. |
إتخيل إنت إني محتاجة رقم تلفون الأم دي الليلة قبال بكرة ؟!!
ممكن ترسلو لي في الماسنجر وتكون ماقصرت معانا نحنا الإتنين أنا والأم المثالية دي ؟ ( وش منتظر شديد وقوام) !
|
Post: #148
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-22-2009, 07:59 PM
Parent: #140
زهير
| Quote: المهم قصة تلفزيونية العبارة والتعبيريعني تكوني مقتضبة العبارة وصاحبة رمزية تلفزيونية وعن التعبير تركزي علي الصور لأنها سوف تكون أبلغ من الكلام ولنا لقاء وكمان بالله عززي ثقافة الصورة عندك |
تسلم على النصيحة الغالية ويارب أكون عندحسن الظن بشخصي الضعيف دوما يارب
|
Post: #146
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-22-2009, 06:39 PM
Parent: #139
الفاضل عبد الطيف
| Quote: لقد بلغت بنا الاثارة قمتها الى ان عرفنا الموضوع .. والحمد لله طلعت اثارة حميدة |
الحمد لله طيب والمسألة ماقصة إثارة بقدر ماهي إختيار عناوين موضحة لكامل الموضوع لانو في ناس ممكن تقرأ العنوان بس وتختار المشاركة في الموضوع من عدمها !
Quote: معلمات وبائعات كسرة او شاي .. وحتى ربات بيوت ..
يللا شدي حيلك وخلي الاخوة الاعضاء يدوك نماذج ويرشحو ليك ومع انو الفكرة طرحت لكن ما شايف اي اسماء .. انا غايتو عندي حبوبتي نخلة لكن اتوفت الله يرحمها .. ممكن تدوني الجايزة بدلا? |
كلام زي الورد لكن برضو مابنديك الجائزة بدل حبوبتك الله يرحما وبنتصدق بيها على روحها ( وش غياظ)
|
Post: #144
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: Ehab Eltayeb
Date: 01-22-2009, 04:28 AM
Parent: #1
نادية سلامات وبالتوفيق في البرنامج الجديد ان شاء الله..
عندي ليك اقتراح شوفيه لو بنفع احتمال ادي البرنامج وجه تاني.. بس احتفظي لي بي حقي الادبي ثمح
الفكرة انك تشركي مع النخلة المختارة.. نخلة اخري تكون من جيل الشباب تساعدك في اثراء الحوار
مع الضيفة الاساسية... وكمان تسلط الضوء علي ابداعات الشخصية التانية وممكن تكون صحفية, شاعرة ,
او احدي المبدعات بالمنبر هنا مثلا .وعلي سبيل المثال لا الحصر اشراقة مصطفي ,عالية عوض الكريم,
عواطف ادريس ,سوما ,عبير خيري, سمرية,ايزابيلا انعام, انعام, والقائمة تطول....
لكي وللقناة تحياتي,,,
|
Post: #147
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: mohmed khalail
Date: 01-22-2009, 07:53 PM
Parent: #144
ندوية سلامات
الفكرة جميلة ما أخرني عن الرد ان باسويردي كان في خبر كان..
اثني على البلابل
وعليك بأم بلينا السنوسي
ثم الكادحات وهن كثر على الا تكون المقابلة مع الكادحات كالتي نراها دائما في الشارع على سريع..
ارجو ان تحضر للاستديو وتكون ضيفة جالسة على الكرسي الوثير وتحت التكيف..
ثم لا تنسوها من (الكاش) اسوة بغيرها من فنانين وعازفين وغيرهم من الضيوف الذين لا يحضرون الا بعد
قبض المعلوم..
اقتراح اخير اعتقد كما قال احدهم ان كلمة نخلات فقط قد تكون تخص الشمال وحده لماذا لا تسمي
برنامجك (نخلات وابنوسات) وعندها سيكون شاملا لكل السودان من نمولي لي حلفا..
خارج النص
ـــــــــ
سنكون بطرفكم بالقاهرة الاسبوع القادم
جاري التنسيق مع الاخ الفاضل بهاء عيسى
|
Post: #149
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: kh_abboud
Date: 01-23-2009, 06:07 AM
Parent: #147
الفاضلة نادية
سلامات
أرسلت لك تلفون ماما عشة في المسنجر بتاع المنبر ، لكن الرسالة مامشت ... والظاهر عليه معطل ...
كل الحكاية هو إحترامي لخصوصيات الزميلات ... وأفضل إرسال الرقم لك دون أن يظهر في المنبر العام ...
على أى حال لو بقيتي عليها ، ، إيميلي عندك فوق أهو ... وممكن أرسل لك رقم التفون منه ... بس ماممكن من غير رسالة إيميل منك طبعا ...
سلام
|
Post: #151
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-23-2009, 09:07 AM
Parent: #147
محمد خليل ؟
ياخ مابالغت عديل ياخ !
| Quote: سنكون بطرفكم بالقاهرة الاسبوع القادم |
الزمن ده كلو انا قاعدة في القاهرة اها لمن سافرت منها انتو تجو وماتلقوني ده كلام ده ؟؟
|
Post: #150
Title: Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح
Author: نادية عثمان
Date: 01-23-2009, 07:47 AM
Parent: #144
إيهاب الطيب سلامات
وتسلم من كل شر يارب
| Quote: وكمان تسلط الضوء علي ابداعات الشخصية التانية وممكن تكون صحفية, شاعرة , |
وممكن تكون والدتها أو أبوها زي ماعملنا في حلقة آسيا ربيع وممكن تكون صديقتها ومخزن أسرارها وممكن وممكن .. فكرتك حلوة وتطابقت مع فكرتي الإتنفذت من تاني حلقة قبل البوست ويسعدني شديد توارد خواطرنا ده وخليك قريب سمح؟
|
|