Post: #1 Title: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-08-2009, 06:37 PM Parent: #0
نعم كانوا سكارى جدا جدا جدا رجالاً ونساءا وأطفالاً وشيوخ أيضا !!
كانوا سكارى بالفرح العظيم ..!
وكنت أكثرهم سُكرا .. كنا نترنح سعادةً حد البهجة والزغاريد دون قيد ولا حدود !!
كنا سكارى حد الثمالة بكأس المحبة والنقاء
والجمال المترع الذي تدفق فملأ الأجواء برائحة ( نبيذ ) الجنة وخمرها المعتق حلالا بلالا !! من قال إن ( عرق البلح ومنقوع العنب ) وحدهما يسكران ؟!
اليس الفرح أكبر مسكر في الدنيا ؟
الا يجعلنا السرور نترنح غير متماسكين وغير وأعين بأرواحنا وأفعالنا أحيانا ؟!
Post: #2 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: خضر حسين خليل Date: 04-08-2009, 06:42 PM Parent: #1
في صحتكم يا نادية والله
في صحتكم بورداب الرياض
Post: #3 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: طارق ميرغني Date: 04-08-2009, 06:45 PM Parent: #2
وينك يا الشاهد اللي شاف اي حاجه...!!!
Post: #4 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ود الباوقة Date: 04-08-2009, 06:47 PM Parent: #3
وينك يا الشاهد اللي شاف اي حاجه...!!! قالوا العصر شافوه حايم في حراج بن قاسم بصلح في الكمرة ...
Post: #40 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-09-2009, 01:04 AM Parent: #4
ود الباوقة ؟
حراج ود قاسم دي جنبنا في النسيم ولا في العلية ؟ ههههه
Post: #39 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-09-2009, 00:19 AM Parent: #3
طارق ميرغني
الرجل النبيل
معليش والله أنا شاهدة على كل شئ لكن كان باس ويردي رايح مني والله .. تسلم يارب
Post: #6 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-08-2009, 06:48 PM Parent: #2
حقيقة فقد أعادني إحتفال بوراداب الرياض ( الأسطورة) لفرحة لم أستشعرها إلا في يوم زفافي على حبيبي الراحل المقيم في دواخلي أبدا زوجي وأول فرحتي ووالد طفلتي الوحيدة ( محمد الحاج ) على روحه الف رحمة وبين جنبات قبره كل النور يارب !! والله لا أبالغ فقد خالطني ذات إحساس ( العروس) يومها .. وكان الجمال والمحبة والصفاء والصدق والسرور مسميات لـ ( عريسي) الذي تلبّس كل الحضور يومها فأحاطوا بي كإحاطة السوار بالمعصم من كل صوب وتنادوا للاحتفاء والإحتفال بشخصي الضعيف من كل كل فج عميق فكأن كل سوداني بالمملكة العربية السعودية كان حاضراً يومها وليس أعضاء هذا الموقع فقط وكانت على وجوه الجميع علامات السعادة والعظمة .. فرقصوا وفاضت أرواحهم وتدفقت حبورا وروعة وإلفة !!
Post: #35 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: Mahmoud Mustafa Mahmoud Date: 04-08-2009, 11:57 PM Parent: #6
Quote: فرقصوا وفاضت أرواحهم
أمك... بورداب الرياض انقرضوا؟؟
أها والدور علينا نحن بورداب جدة متين إن شاء الله؟؟
غايتو ترانا منتظرين... الفرحهم يفرحنا..
مرحب بيك يا فنانة يا جميلة
Post: #42 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-09-2009, 01:30 AM Parent: #35
محمود مصطفى ؟؟؟؟؟
ههههههههههههههه
بعد الشر ياخ على أرواح بورداب الرياض العسل ديل
ضحكتني أضحك الله سنك ياخ
هههههههه
Post: #36 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-09-2009, 00:05 AM Parent: #2
خضر حسين خليل
في صحة النفوس المتعافية والضمائر النضيفة
تسلم ياصديق
Post: #5 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: احمد العمار Date: 04-08-2009, 06:47 PM Parent: #1
تحياتى يانادية و منورة الرياض والله
انا جيت اعترف بانى فعلا كنت سكران زيكم
أحمد العمار
Post: #7 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-08-2009, 06:53 PM Parent: #5
من مدخل باب الإستراحة التقاني ذلك الوجه البشوش الريس الأستاذ صديقي العزيز أبو جهينة بكامل وجاهته ورزانته وأناقته وداعبني قائلا : أهلا بيك أنا أخوك صديق الموج !
Post: #9 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: أيمن دياب Date: 04-08-2009, 07:01 PM Parent: #7
الحمد لله على شهادتك يا استاذة نادية.. ولا يعرف الفضل لأهل الفضل إلا أولو الفضل.. ونحن مدينون لك بالكثير.. أقله اجتماع شمل البورداب بعد طول غياب..
Post: #44 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-09-2009, 02:41 AM Parent: #9
أيمن دياب
أيها الرجل الراقي المهذب جدا
ماكان بورداب الرياض الكرام في حاجة لشهادة مني بل أنا التي في حاجة لشكرهم لكل مافعلوه من أجلي
ولكن هل تكفي شكرا ياأيمن ؟؟
Post: #8 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: baha eassa Date: 04-08-2009, 06:56 PM Parent: #5
حميدة دة مكشر كدة ماله يانادية .. حمد لله علي السلامة والباسورد عاد بالسلامة ..
Post: #10 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-08-2009, 07:10 PM Parent: #8
وبخطى وثابة إتجه نحوي الشفيف الجميل شقيقي وأخي معتصم دفع الله فبادرته باعتذاري عن التأخير .. والله كنا رايحين يامو ياخ !!
هذا الشاب المسمى معتصم دفع الله صديقي وود بيتنا وأخو صحبتي وود رفاعة الطيبة ان شاء الله يوم شكرو مايجي يارب
ويامودة ختي حبيبك في عيونك وربنا يحفظكم ويخليكم لي بعض ياااااارب
Post: #11 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: Khalid Saeed Date: 04-08-2009, 07:17 PM Parent: #8
الأخت العزيزة نادية ..
سكرنا فرحاً .. عندما أتانا الورد يحمل نداك ..
تحياتي، الأرباب
Post: #12 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نوفل عبد الرحيم حسن Date: 04-08-2009, 07:21 PM Parent: #11
Quote: كنا سكارى حد الثمالة بكأس المحبة والنقاء
يا سلام عليك يا ناديه ياخ ربنا يديم كاسات المحبه والنقاء
Post: #13 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: حبيب نورة Date: 04-08-2009, 07:43 PM Parent: #12
الدنيا باسطة
بالله دي من العبد ولو سمحتي الكيلو كم؟
Post: #76 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-09-2009, 06:01 PM Parent: #13
ياحبيب نورة
الباسطة في الرياض بلاااااااااش
اوعك تمشي لمن انا اجي سمح؟
Post: #14 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: معاذ حسن Date: 04-08-2009, 07:44 PM Parent: #12
هل راى الحب سكارى مثلنا كم بنينا من خيال حولنا ومشينا فى طريق مقمر تجد الفرحة فيه قبلنا وضحكنا ضحك طفلين معا وعدونا فسبقنا ظلنا .............. منوّره يا نادية
Post: #77 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-09-2009, 06:38 PM Parent: #14
معاذ حسن
ياخ ربنا يعزك يازول جمييييييييييل والله فرحت بي معرفتك شديد شديد شديد
وربنا يلمنا دوما في ساعات الخير يارب يارب يارب
Post: #15 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-08-2009, 07:44 PM Parent: #12
وذلك هو شاب وجيه آخر إبتسامته لاتترك مساحة من وجهه إلا وتغطيها .. رجل يبتسم بكل خلجة من خلجات وجهه هو ذلك العكليت اللذيذ جدا علاء الدين ( تمبس) بالله ده زول بيوقفوه من المنبر يابكري ياخ ؟!
عليييييييييييييييييييك الله يابكري رجع تمبس .. الرسول فيك ترجعووووووو ياخ ..
Post: #16 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-08-2009, 07:52 PM Parent: #15
العريس حميدة كان كنحلة من خلية كبيرة لا يهدأ وهو يحمل كاميرته الديجتال المعتبرة بيد ويحمل صناديق الميرندا بيد أخرى .. هذا الولد الطيب لمن يظنون انه ( مسيخا) والله لو عرفتموه عن قرب لوجدتوه الذ زول وراجل ضكران وأخو أخوان وشاب زي الورد ربنا يحفظو يارب .. ويابكري بطل ( مساخة) ورجع لينا حميدة يااااااااااااااااااااخ !!
Post: #17 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ismeil abbas Date: 04-08-2009, 07:53 PM Parent: #12
Quote: اليس الفرح أكبر مسكر في الدنيا
وانت كنت مصدر هذا الفرح....
نحن متعاطين عقوبتنا لاتتعدى إلا الجلد..ولكن المروجين لهم ألأعدام......
أخت نادية..حفظ الله لك وحيدتك وغفر لزوجك ومتعك الله بالصحة والعافية...
الرياض جاها المطر من يوم قدومك....
والسكر مكتوب علينا والبلومك خلى اللومك...
مودتى...............إسماعيل محمد احمد عباس...
Post: #18 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ismeil abbas Date: 04-08-2009, 07:58 PM Parent: #17
Post: #19 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ناذر محمد الخليفة Date: 04-08-2009, 08:06 PM Parent: #17
Quote: ويابكري بطل ( مساخة) ورجع لينا حميدة يااااااااااااااااااااخ !!
يا بكري أوعك تبطل مساخة وكملا لي حدها ..!!
سلام نادية ..
Post: #20 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: محمد خليل ساني Date: 04-08-2009, 08:14 PM Parent: #19
الناس دي فعلا حلوه بجد يا ناديه يعني ما بتعرفى حلاوتهم إلا إذا تمتعتى باللقيا يلا يازوله عيّشينا اللحظات الحلوه دي عايزين صور ،،، عايزين صور ،،، عايزين صور تمتعى بوقتك عزيزتي فالعمر لحظة لكم تحياتي أصدقائي من بورداب الرياض ودائما سباقين للتواصل الجميل
مع عظيم التقدير والإمتنان.
Post: #21 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-08-2009, 08:27 PM Parent: #20
إسماعيل عباس .. هل يعد غزلا صراحا لو أنني قلت انك في مثل وسامة سيدنا يوسف خلقةً وأخلاقاً ؟! حقيقة تشرفت بمعرفتك وسعدت بك أخا كريما طيبا وأخو أخوان وتسلم ويسلموا أحبابك يارب
Post: #22 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: صديق الموج Date: 04-08-2009, 08:42 PM Parent: #21
Quote: إسماعيل عباس .. هل يعد غزلا صراحا لو أنني قلت انك في مثل وسامة سيدنا يوسف خلقةً وأخلاقاً ؟! حقيقة تشرفت بمعرفتك وسعدت بك أخا كريما طيبا وأخو أخوان وتسلم ويسلموا أحبابك يارب ..
احى انا.......... وتانى احى انا.. منكم الاتنين،،، وجه مخرف جدا،،،
Post: #24 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: yasir Abdelgadir Date: 04-08-2009, 08:58 PM Parent: #22
وبي سكر تملكني وأعجب كيف بي سكر
جينا متأخرين جدا وسكرانين لط ... نتلبد بس عشان نشوفك
ماعارف الوشوش السكرانة راحت وين عشان انزلها
عمرة مقبولة
Post: #93 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-10-2009, 09:15 PM Parent: #24
د. ياسر عبد القادر
أيها الرجل الانساني جدا
سعدت بالتعرف عليك وكانت سانحة ذهبية
أن التقيك وسط ذلك المهرجان الجميل فشكرا لك جزيلا جزيلا
Post: #23 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: baha eassa Date: 04-08-2009, 08:47 PM Parent: #21
Quote: هذا الولد الطيب لمن يظنون انه ( مسيخا) والله لو عرفتموه عن قرب لوجدتوه الذ زول
نحن عرفناه من الكتابة .. وحتي تتم المقابلة فهو مسخ ودمه تقيل .. وحموضة وحرقان كمان ..
Post: #25 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: El Dukhri Date: 04-08-2009, 09:12 PM Parent: #23
كانت ليلة ليتها تتكرر فقد كان بورداب الرياض في قمة نشوتهم والتي خالها البعض سكرا( لكنه كان سكر نشوة وفرحا ممزوجا باصالةالسودانيين ) - التحية لك الاستاذة نادية والتي بك ومعك تجمعنا وتفجرت شلالات الفرح ...
Post: #27 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-08-2009, 09:21 PM Parent: #25
غايتو صديق الموج كان جاتك حمى ماتقول أنا سحرتك ماشاء الله فيك روح شاب عمرو تلاتة وعشرين سنة يعني قدر عمر بتك المذيعة الحلوة دي !!
Post: #72 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-09-2009, 04:51 PM Parent: #11
خالد الأرباب
تسلم يارائع والله انتو البجيكم ربنا أسعدو ورضى عنو لأنكم ناس حقيقيين جدا ..
ربنا يديكم على قدر نيتكم الطيبة
Post: #71 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-09-2009, 04:26 PM Parent: #8
يابهاء
والله حميدة لا مكشر ولا حاجة ده زول ابتسامة ياخ انت بس مابتعرفو كويس ..
Post: #43 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-09-2009, 01:41 AM Parent: #5
أحمد العمار
فرحت لما لاقيتك وعرفتني بي نفسك .. والله انتو احلى ناس ربنا يخليكم يارب
Post: #26 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: Ahmed Abdallah Date: 04-08-2009, 09:20 PM Parent: #1
معتصم دفع الله
ازيكـ ......
Post: #28 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-08-2009, 10:09 PM Parent: #26
عبد الله داش .. أتاريك شاعر وزول كتاااااااااب وراقي شدددددديد ياشاب وماك زولا ساهل
ربي يحفظك ويحقق امانيك يارب
Post: #29 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: سيف الدولة كامل Date: 04-08-2009, 10:14 PM Parent: #26
يا سلالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا م يا نادية
وتييف تييييف تييييييييييييييييييييييييييييييييييف
رجعت ناس الرياض احلي ولبستيهم ازهي حلل يستاهلووووووووووووووووووووا
وشفنا البسمة في وجه الرجل الصبوح اسماعيل حبيناه ودخل قلوبنا من غير نشوفه
مبروووووووووووووووووووووووك يا اهل الرياض تستاهلوا كل خير
سيف الدولة كامل
نيويورك
Post: #30 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-08-2009, 10:30 PM Parent: #29
ود الباوقة
عاد ان شاء الله يوم شكرك مايجي والله ماتتخيل فرحت بمعرفتك قدر شنو يازول أصيل وجميل
ويارب اخدمك كده يوم نجاح وليداتك وعرسهم ان شاء الله يارب
Post: #31 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-08-2009, 11:08 PM Parent: #30
سمعتوا لما يقولوا ليكم فلانة دي بت حربية ؟؟
اها دي ياها ذااااااتها البت النخلة الجميلة شيراز محمد عبد الحي
الأديبة بت الأديب والشاعرة بت الشاعر والمبدعة بت المبدع
صحي الخلف ماااااامات ومحمد عبد الحي .. حي مامات طالما ولد زي شيراز ..
وان شاء الله أشوف بتي في زي جمالك وروعتك وحلاوتك وشجاعتك ولباقتك ياشيراز قولي آآآمين
Post: #32 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-08-2009, 11:17 PM Parent: #31
كلمة الريس أبو جهينة
( المنفستو) كانت فيما يخصني منها أكثر مما أستحق فقد
إحتفى بي الرجل ايما إحتفاء وشبهني ببلاغة
بديعة بـ ( السحارة) نسبة لسحاحير منطقة (ناوا) التي يسكن بها بعض أهلي وأحبتي !
يااااااااااريت ياريس جلال تنزل الكلمة البديعة بتاعتك هنا عشان احتفظ بيها
زول كتاااااااااااب وخيالك خصب ومبدع شديد يا ريس ربنا يحفظك يارب
Post: #33 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: عبد العظيم احمد Date: 04-08-2009, 11:40 PM Parent: #32
سلام نادية ..........
Post: #102 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-11-2009, 04:57 AM Parent: #33
سلام عبد العظيم كيفك
وكيف المدام وكيف القاهرة على حسك ورمضان وعياله عساكم كلكم بخير يارب
Post: #34 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-08-2009, 11:41 PM Parent: #32
Post: #37 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: يوسف السماني يوسف Date: 04-09-2009, 00:12 AM Parent: #34
حينما تناثرت ورود الفرح علي بساط اللقاء وانهمرت غيوم المحبة علي تلال القلوب ترنحت المشاعر سكري و ارتشفنا كاسات الوفاء محبة لنادية عثمان مختار غيمة الفرح التي هطلت علي قمم قلوب بورداب الراياض
Post: #107 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-11-2009, 10:03 AM Parent: #37
يوسف السماني يوسف
بكم وبالبراعم الصغار الذين نقلوا لنا السودان باتجاهاته الاربعة لداخل قاعة الفرح كان اكتمال البدر وكانت للزغاريد معنى الدهشة
بأطفال صغار حملوا في دواخلهم وطنا لم يروه بأعينهم فشكرا كثيييييييييرا
Post: #38 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: صديق الموج Date: 04-09-2009, 00:13 AM Parent: #34
ناديه وحاتك زى ما قال خليل فرح: المدام ما اتنكر لامن ديكنا صاح وفوق روءسنا اتحكر الله يديمه سكره بوجودك يا الحنينه السكره(بضم السين سامحكم الله)
Post: #41 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: BitAlhana Date: 04-09-2009, 01:14 AM Parent: #38
أحلى بوست من احلى زوله
كده تمااااااااااام طلعوا براءه
ونحنا الشماشره ديل اتقطعت في راسنا ........... لوووووووول
Post: #45 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-09-2009, 03:08 AM Parent: #41
حليمة محمد عبد الرحمن ؟؟
امرأة بألف امرأة .. بت زي الدهب .. جدعة وقوية الشخصية
كريمة وطيبة القلب وأخت أخوات جدا جدا جدا
ياحليمة سعيدة بيك وفرحانة بيك كل النجوم يانخلة من بلادي ياغالية على قلبي شديد وتسلمي يااااارب
Post: #46 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: عماد محمود علي Date: 04-09-2009, 06:34 AM Parent: #45
الاديبة والفنانة الراقية نادية .... سلام ومحبة وشوقاً زائد .... حقيقي كان لوجودك بيننا طعمه ونكهته الخاصة ، كان كحكاية ألف ليلة وليلة .. وجودك اضهى للحفل جماله ورونقه حقيقي لم أكذب عندما قلت في يوم من الايام بانك ملاك تمشين على الأرض ... حقيقي أنت ملائكة وليس ملاك واحد ... لك التحية والتقدير والاحترام .. والحمد لله الذي جمعنا بك في ليلة من أجمل ليالي العمر ...
Post: #48 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: Hassan Makkawi Date: 04-09-2009, 06:45 AM Parent: #46
نادية قرت عينك بشوفة أهلك بورداب الرياض دحين ما صادفتى حاجة غريبة فى الرياض؟؟؟
Post: #117 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-11-2009, 01:48 PM Parent: #48
حسان مكاوي
تسلم يارب وناس الرياض يملوا العين ويدفقوا والله
قلت لي حاجة غريبة في الرياض ؟؟
انا غايتو ماقابلت اي حاجة غريبة في الرياض
غير انو عندكم الاربعة فصول بجو في يوم وأحد ولا ماياهو ده ؟؟
Post: #114 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-11-2009, 12:59 PM Parent: #46
عماد محمود علي
حمدت الله ان وجدتك ممتلئ بالعافية والصحة و( سمين) ماشاء الله هههههه
تسلم انت ياملك وربي يديك على قدر نيتك الطيبة وقلبك الابييييييييييض
Post: #47 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: الصادق خليفة Date: 04-09-2009, 06:43 AM Parent: #45
يا ستي نحن سعداء جداً بمقابلتك ووجودك بيننا بالرياض كما قيل قديماً ان الخير على قدوم الواردين ، فقدومك أهدانا قيماً و مطراً وجواً جميلاً وفوق هذا وذاك لقاءاً بطعم الود. دومي بخير
Post: #49 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: شول اشوانق دينق Date: 04-09-2009, 07:24 AM Parent: #47
نادية ما خلاص ارجعى الشوق كتلنا ياخ
ناس الرياض مالكم محمرين لى كده ما كفاكم هههههههههه
Post: #50 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ود الباوقة Date: 04-09-2009, 07:33 AM Parent: #49
ناس الرياض مالكم محمرين لى كده ما كفاكم هههههههههه
انت ذاتك ما تحاول تجي ( خافس ) علينا هنا ...
Post: #51 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: شول اشوانق دينق Date: 04-09-2009, 07:40 AM Parent: #50
Quote: ناس الرياض مالكم محمرين لى كده ما كفاكم هههههههههه
انت ذاتك ما تحاول تجي ( خافس ) علينا هنا ...
اخوك يا ود الباوقة زى علاء الدين طيارة بس لو باعبود شغال مافى مشكلة
______________________ إتو السعودية بيدو النصارى تاشيرات هههههه
Post: #52 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ود الباوقة Date: 04-09-2009, 07:56 AM Parent: #51
اخوك يا ود الباوقة زى علاء الدين طيارة بس لو باعبود شغال مافى مشكلة
الباخرة شغالة مافي مشكلة ..
إتو السعودية بيدو النصارى تاشيرات هههههه
ممكن تجي الرياض عادي ..
اها ننتظرك ...
Post: #53 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: شول اشوانق دينق Date: 04-09-2009, 08:19 AM Parent: #52
Quote: اخوك يا ود الباوقة زى علاء الدين طيارة بس لو باعبود شغال مافى مشكلة
الباخرة شغالة مافي مشكلة ..
إتو السعودية بيدو النصارى تاشيرات هههههه
ممكن تجي الرياض عادي ..
اها ننتظرك ...
بس غريبة وود الموج انفوم لى تاناناريف
_______________ إت ماشيلك محل تانى يا باوقة
Post: #54 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: صالح عبده Date: 04-09-2009, 08:23 AM Parent: #52
طالما الحكاية كده شكلك ماراجعة الخرطوم تاني!!!!!!
Post: #57 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: عثمان دغيس Date: 04-09-2009, 08:55 AM Parent: #54
يعني حفلة وزوغة ... مبروك عليكم نادية والبهجة ... وهما صنوان .. عندنا نية يا أخوانا نجيكم عبوراً للعمرة من الدوحة .. يااااااا ربي بنقدر نلاقيكم والا الواحد من ضو يغير إسمو ...؟!!! سؤال صدقوني بريء جدددددداًً
Post: #55 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: Yousif A Abusinina Date: 04-09-2009, 08:36 AM Parent: #52
مشكورة استاذة ناديه
على المشاعر الطيبه والتوضيح الكافى الحمد لله كنت من ضمن الحضور وكانت ليله سودانيه بمعنى السودنة بعيدا على النوايا السيئه كساها الجو الاسرى السودانى البرى
فكل يفسر على شاكلته ومشاعرة فلم نشعر بان هنالك سكارى الا سكارى الفرح والمشاعر الاسريه التى سادت الحضور الكريم
فرحبا بك دائما فى الرياض وفى كل الاوقات وبورداب الرياض كما هم دائما لن يغيرهم الزمن اهل كرم وشهامة منبعها سوداننا الحبيب
ويا باشمهندس بكرى والله تمبس شخصية جميلة ومرحة اناشدك باسم بورداب الرياض ان تفتح له باب الحوش ونعدك يقطع واحد سم من لسانه بس افتح له الباب .
يوسف عبد الرحيم ابوسنينه
حضور من الكراسى الخلفية
Post: #56 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: حمزاوي Date: 04-09-2009, 08:54 AM Parent: #55
Quote: غايتو صديق الموج كان جاتك حمى ماتقول أنا سحرتك ماشاء الله فيك روح شاب عمرو تلاتة وعشرين سنة
يا ندويه يا قريبتي سرن اقمندو دا كلام شنو يا اختي أخير كلام صلاح غريبة من كلامك دا حسع كان في داعي ترفعي ليه من الروح المعنوية ( المنهارة أصلاً ) قال ثلاثة وعشرين سنة قال معليش يا جماعة نادية ساقطة حساب
صديق الموج أن شاء الله الحمى اليغطوك ببطاطين البيت كلو
Post: #58 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: حمزاوي Date: 04-09-2009, 08:57 AM Parent: #56
Quote: في صحتكم يا نادية والله في صحتكم بورداب الرياض
يا خليل يا سكرجي
Post: #59 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: حمزاوي Date: 04-09-2009, 09:00 AM Parent: #58
Quote: الدنيا باسطة بالله دي من العبد ولو سمحتي الكيلو كم؟
ضرغام اخوي الاقيك في قصر الصداقة والصباح نعسان
Post: #61 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: انعام حيمورة Date: 04-09-2009, 09:10 AM Parent: #59
يا ندوية السكرة راحت علي ياخ ..
مشتااااااقين شديد
شفتي الناس ديل حلوين كيف ..
تحياتي ليهم فرد فرد
Post: #63 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: فتحي الصديق Date: 04-09-2009, 09:17 AM Parent: #59
Quote: يوسف عبد الرحيم ابوسنينه
حضور من الكراسى الخلفية
وأنا برضو كنت حاضر من الصفوف الخلفية..لكن سعدت بالسلام على صاحبة السمو الأميرة نادية عند باب الاستراحة وبلحظة وصولها..وكمان بعد ما سلمت على الريس أبوجهينة مباشرة.. نادية النادية..سعدنا بيك جدا والله.. وكنا عايزين نسمع الكثير من شعرك لكن ود الموج ما ظبط الموضوع كويس... الكواكب احتفلو بالقمر...زي ماقال بادي محمد الطيب الله يرحمه.
Post: #65 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ناجية مصطفى Date: 04-09-2009, 09:39 AM Parent: #59
نادية كيف حالك ومشتاقين إنشاالله دايما سعيدةومبسوطة تحياتى لبورداب الرياض وعقبال نشوفك فى الدوحة
Post: #62 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: nazar hussien Date: 04-09-2009, 09:12 AM Parent: #58
وغريبة رجل شهم وخدوم واخو بنات...وكتاباته في المنبر لا تشبه شخصيته الحقيقية
وهو ليس ناطقا باسم الجمعيات التي عادة ما يذيل بها تعليقاته...(جنو شاي احمر) ويحب الاعلام...والاعلاميين...وراق له دور الصحفي...ولا يجيد الرقص الا في دلاليك المؤتمرات الوطنية
قلنا نريحك من غريبة...كخدمة نقدمها لك كأخت حربية
Post: #105 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: عماد محمود علي Date: 04-11-2009, 07:34 AM Parent: #51
Quote: اخوك يا ود الباوقة زى علاء الدين طيارة بس لو باعبود شغال مافى مشكلة
أخوي شــول ســلامات .. ياخي لو ما شغالة نشغلها ليك بس أنت كيفن تتكرم بزيارتنا ... ياخي عايزين نشوفك ونبل شوقنا سااااكت .. تعال وما تخاف كله تمام في التمام وطارق جبريل ده أنا بوضبه ليك وتقدر تمشي الامتداد وانت تقدل هههههه .
ومشتاقين ياشول ياخ ......
Post: #118 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-12-2009, 02:06 AM Parent: #47
الصادق خليفة تسلم يازول ياراقي
وفعلا جو الرياض ماشاء الله مطر وغيم وحاجة تمام
لكن ده ان دل فانما يدل على ان قلووبكم طيبة وعمرانة بالخير وماطرة بالجمال
ربي يحفظ بورداب الرياض يارب
Post: #111 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-11-2009, 10:55 AM Parent: #41
بت الهنا ياعسسسسسسسسل
ضحكتيني أضحك الله سنك ياخ
هههههههه
Post: #108 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-11-2009, 10:15 AM Parent: #38
تسلم ياود الموج ياراقي شديد جدا
Post: #101 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-11-2009, 04:23 AM Parent: #29
سيف الدولة كامل
تسلم يازول ياراقي
رأيك شنو اجي اعمل لي عمرة في نيويورك ؟؟
ههههههههه
Post: #100 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-11-2009, 00:03 AM Parent: #26
أحمد عبد الله
نيابة عن معتصم لانه مابدخل هنا متضامن مع تمبس
ازيك انت
Post: #60 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: عزالدين آدم علي Date: 04-09-2009, 09:10 AM Parent: #1
الأخت الفاضلة / ناديةعثمان في الزمانات كنت أداعب صغار الحي لولعي الشديد بالأطفال فعندما أداعب أي طفلة أمورة حليوة أقول ليها: يا أخوانا السكر دا إلا يعبوهو في شوالات ولا الحلاوة دي إلا يلفوها في ورق؟
أختاه، فالبرغم من أن ظروف إنتدابي إلى خارج الرياض قد منعتني حضور هذا الكرنفال إلا وأنني أقول لكي أنتي وأمثالك من الرائعون تستاهلون ليس السكر ولدرجة الثمالة فحسب وإنما السُكر لأقصى درجات الثمالة ومايفوق ذلك.
والله إذا كان سُكر العفاف والفرح والأُخوة الصادقة يوصف بأنه إنفلاتاً، فنحن فالتون!
غريبة والله يا/ ص غ (كثير من يظن أن صفاء النفوس إبتسامة *** ولكن وراء كل ستارٍ خيانة)..!!!
Post: #64 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ismeil abbas Date: 04-09-2009, 09:34 AM Parent: #60
ألأخ/عثمان دغيس..........السلام عليكم
Quote: عندنا نية يا أخوانا نجيكم عبوراً للعمرة من الدوحة
يا أخى مرحب بيك..واى واحد من بورداب الرياض..أديهو ألو بس.......................وبعدين تحشروا لينا الموضوع وسط البوست كده وبعدين تجو تقولوا مرينا وما....وكتب ليكم وتطلعوا لينا الددليل......
Post: #66 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: حسن طه محمد Date: 04-09-2009, 09:52 AM Parent: #64
Quote: نعم كانوا سكارى جدا جدا جدا رجالاً ونساءا وأطفالاً وشيوخ أيضا !!
استاذة نادية
ما أحلاها سكرة
وهذه هي الرياض الجميلة بناسها والتي قضيت فيها أجمل الايام والسنين.
Post: #67 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: يوسف محمد يوسف Date: 04-09-2009, 10:16 AM Parent: #60
لك يا نادية يا رقيقة
و لكل احبتى بورداب الرياض .. وعلى رأسهم ملك ابداع الريس " ابوجهينة "
ها انتم جميعا تضفون على هذا الموقع .. قيما و معنى !
نعلم ان مثل هذا التلاقى الاخوى الراقى يصيب " الحاقدين " فى مقتل !
فدعوهم فى حسرتهم خالدون .
الرائعة نادية
طلة على جدة
عشان نخلى الجماعة يشتغلوا بـ " الكبابى الشب " !!
الريس / جدة
Post: #68 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: الرفاعي عبدالعاطي حجر Date: 04-09-2009, 10:37 AM Parent: #60
فلتهناوااا
جميعاً .
...................................حجر.
Post: #69 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: الحاج حمد الحاج Date: 04-09-2009, 10:45 AM Parent: #68
الأخت نادية عثمان حب الناس نعمة من الله .. هنيئا لك بذلك.
Post: #70 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: Mohamed Abdelgaleel Date: 04-09-2009, 01:01 PM Parent: #69
شربنا على نخب الحبيب مدامة سكرنا بها من قبل أن يخلق الكرم لها البدر كأس وهي شمس يديرها كلما طلعت نجم هنيئا لأهل الدير كم سكروا بها وما شربوا منها ولكنهم هموا على نفسه فاليبك من ضاع عمره وليس له منها نصيب ولا سهم
وسيبقى الفرح وصناعه ملحا في عيون الكارهين
وستزغرد الجارات والأطفال ترقص والصغار
شكرا اختنا نادية فقد أهديتي الرياض وقتا جميلا وفرحا حقيقيا نبيلا في ذلك المساء
Post: #74 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: طارق جبريل Date: 04-09-2009, 05:02 PM Parent: #70
ياخي ما تسكرونا معاكم ان شاء الله عرقي محبة لله في الله
Post: #75 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: هند محمد Date: 04-09-2009, 05:31 PM Parent: #74
العزيزة نادية السلام والتحايا ياراقية لم تقولى الا الحق فى جمع هؤلاء الكرام بورداب الرياض كلنا ثقة بخلقهم العالى وكرمهم وأصلهم الطيب لهم الاحترام والتقدير ولكى .. كونى بألف ألف خير
Post: #78 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ايهاب نميري Date: 04-09-2009, 06:39 PM Parent: #75
الانسانه الرائعه ناديه مختار انا لا اجد غير الكلمات التي اكتبها لك فارجوا ان تقبليها مني ايهاب نميري بت ملوك النيل
يا بت ملوك النيل يا أخت البدور
مين لى علاك ينيل فى البدو والحضور
الجبرة فيك بتخيل محمية الحما
الما حام حداه دخيل ماكان أبوكى بخيل
بت عز الرجال أهل الدروع والخيل
الهنا... والسرور يا السامية ست الجيل
طرفك من حياء فى عصر السفور خجيل
حسنك وضع تسجيل فى صحف الدهور
يتلوه جيل عن جيل لى يوم النشور
الهيفا يا الخنتيل حروف آيات محاسنك
أرتلن ترتيل يعجبنى فيك تمثيل
أخلاق الملاك فى سطوة القتيل
الفارس الجسور غصنك رطيب وعديل
شعرك ليل جبينك يخجل القنديل
النور عليكى سديل يا معنى الجمال
الما أتوجد له عديل فى ناس ولا حور
فقتى الكانوا قبيل ما خدات فى الجمال
جائزة نوبيل حيرتى كل نبيل
عيناك سحرهن يسحر سحر أبابيل
يخترق الصدور يا صاحبة الأكليل
ما أظن النهار العين تدور له دليل
محياك نوره جليل كنت أقول شمس
لو ما الزمان كان ليل أن عليك نور
لا زلت ليك أميل يا رمز السعادة
الما أتوجد له زميل يا آية التكميل
يا مراية الجمال الفيكى كل جميل
ريحانة العصور
Post: #80 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ود الباوقة Date: 04-09-2009, 07:13 PM Parent: #78
اهداء لكافة بروداب الرياض ..
Post: #81 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ود الباوقة Date: 04-09-2009, 07:18 PM Parent: #80
تامبا ونادية ..
خفة روح .. اناقة ...
وحدووووووووووووووووووووووووووه....
Post: #82 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ود الباوقة Date: 04-09-2009, 07:23 PM Parent: #81
المطرب الفنان سيف نورين وقد اطرب كافة الحضور بروائع الموسيقار الاستاذ محمد الامين ..
سيف نورين . ايهاب نميري .. خلف الله ود الشيخ .. ظلوا مشاركين لنا في كل مناسباتنا لهم التقدير والاجلال..
Post: #83 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ود الباوقة Date: 04-09-2009, 07:34 PM Parent: #82
هييييييييييييع ..
اخونا خالد المحرب في فاصل من الصقرية ....
Post: #84 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-09-2009, 08:33 PM Parent: #83
الله عليك ياود الباوقة ياخ
انا عااااااااارفة لسة كاميرتك عمرانة فبالله جيب
صور كل الناس الطيبين الجميليين ديل عليك الله سمح؟
وربنا يجزاهم عني كل خير يارب
Post: #85 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: صديق الموج Date: 04-09-2009, 09:15 PM Parent: #84
Quote: نادية ما خلاص ارجعى الشوق كتلنا ياخ
شول اشوانق....اطلع منها ياعب ما تشاغل بنات مندوكورو ديل،،،
Post: #86 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: جمال السنوسي Date: 04-09-2009, 09:48 PM Parent: #85
سكرانة بيك كل القلوب لا كمل كاسا لا انكفا
Post: #87 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: صلاح الفكي Date: 04-09-2009, 09:50 PM Parent: #84
المحترمة نادية عثمان.. لم أتعرف علي بورداب الرياض حتى اللحظة.. وذلك نسبة لظروف عملي والتى تستمر أحيانا حتى الساعة الثانية عشر ليلا.. قرأت ما كتبه الأخ صلاح غريبة وقلت في نفسي غريبة أن يكتب ذلك .. كما قيل .. حب الناس نعمة من الله تعالي ..وبورداب الرياض ما شاء الله عليهم .. قد ابانوا هذا الحب ويكفي سكرتهم بلقياك.. دمت كريمة وعزيزة..
Post: #88 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: تبارك شيخ الدين جبريل Date: 04-09-2009, 10:40 PM Parent: #87
ما شايف الويسكى والكاسات والمزّة ...
الجماعة ديل قعدتم دى خبر؟ ولاّ شنو؟
... المهم ....
Post: #89 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: صديق الموج Date: 04-09-2009, 11:08 PM Parent: #88
Quote: ما شايف الويسكى والكاسات والمزّة ...
الجماعة ديل قعدتم دى خبر؟ ولاّ شنو؟
... المهم ....
تبارك الجماعة شغالين بى ابوحمار وطبعا ده بساعدوه بالجوع يا سيد العارفين،،،
Post: #91 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ابو جهينة Date: 04-10-2009, 12:25 PM Parent: #89
*****
Post: #94 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: يوسف السماني يوسف Date: 04-10-2009, 09:30 PM Parent: #91
Quote: الله عليك ياود الباوقة ياخ
انا عااااااااارفة لسة كاميرتك عمرانة فبالله جيب
صور كل الناس الطيبين الجميليين ديل عليك الله سمح؟
ود الباوقة اظن رجاء نادية دي امر واجب التفيذ لانها عارفة في صور كتيرة ما نزلت .
بطل حركات الجماعة ونزل صور السكاري .
Post: #95 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ود الباوقة Date: 04-10-2009, 09:39 PM Parent: #94
Post: #97 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: عثمان دغيس Date: 04-10-2009, 09:58 PM Parent: #94
Quote: ألأخ/عثمان دغيس..........السلام عليكم
Quote: عندنا نية يا أخوانا نجيكم عبوراً للعمرة من الدوحة
يا أخى مرحب بيك..واى واحد من بورداب الرياض..أديهو ألو بس.......................وبعدين تحشروا لينا الموضوع وسط البوست كده وبعدين تجو تقولوا مرينا وما....وكتب ليكم وتطلعوا لينا الددليل......
تشكر يا إسماعيل على الحفاوة مقدماً أها أنا جاي بعد شهر بالضبط إن شاء الله .. ومن هسي ده تلفوني .. سجلوه عشان بعدين ما تقولوا لي البوست مشى الخور ولا دخان ( مدينتان في قطر ) وطبعاً بعدين حنعمل إعلان تذكيري .. ويمكن من الهفوف نسوب لبنا تلفون سعودي ونوريكم ليه ... شكراً مجدداً
Post: #98 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: علاء الدين حيموره Date: 04-10-2009, 10:47 PM Parent: #97
Post: #99 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: علاء الدين حيموره Date: 04-10-2009, 11:34 PM Parent: #98
اغنية مسو نوركم كانت احدى طلباتي من الفنان مرزوق والذي اعتذر بعدم حفظها كاملة .. كان طلبي لها لان مصابيح تلك القاعة المبهرة كانت بلا فائدة واضاءة جبين الاخت نادية .. فلم تحيجنا محاسن محيها الوضاح ..
نعم كنت اعتقد ان الاغنية ستعبر عن دواخلنا ونحن نخالج نشوة السكر بسعادتنا بنادية ..
طلبت من الاخ صديق الموج ان يبعد من حرمه المصون وان ارقص معها ( طبعا بادر بكلام غير جميل ) فما كان من الاخت انعام الموج الا ان تعتذر وتقول لي ان صديق اليوم في ذمة الواعين ان كان هنالك واعين بالفعل ...
شكرا نادية ونحن نردد
فيك نظرنا مناظر يعلما الفتاح لو قفلنا قلوبنا كانت لهن مفتاح ادري او لا ادري صرت كالملتاح لو رضاك هلكنا للهلاك نرتاح
Post: #103 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: هاشم أحمد خلف الله Date: 04-11-2009, 06:48 AM Parent: #99
Quote: نعم كان بورداب الرياض سكارى ليلتها .. وكنت الشاهدة الوحيدة
أما أنا يا نادية فقد كنت في سكر مستمر أتيت الحفل مترنحاًوغادرته مترنحاً ايضاً
يا زولة سكرتين في الراس تضيع عديل كده
سعدت كثيراً بلقاك يا نادية وبكل معارفك واهلك ربنا يوفقك ويسعدك يا أميرة .
Post: #104 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ALZOLZATOO Date: 04-11-2009, 07:03 AM Parent: #103
يانادية ،،
ناس الرياض ديل شكلهم كانوا عطشانين عطش شديد اها وجات المناسبة شربوا الاستوك كلو ولحدي كتابتك للبوست شكلها بايته معاك لوووول يكه
يعني بعد البوست بتاعك ده الصور بتاعت الترنح نبلها ونشرب مويتها لووول يعني الدش بضم الدال مات في يدنا وكده .
على العموم الواحد لو لقى ليك تلفون ح نقول ليك حمد الله على السلامة ولو مالقينا ليك تلفون اعتربي الجملة دي مكالمة .
تخريمة
ياتامبا والله صورتك مع نادية تحنن عديل كده لووول يكه لكن انت مشكلتك موقوف تحنن ويرجعوك تجنن نعمل ليك شنو.
مبروك عليكم السكرة وانشاء الله ديمة
تحياتي
زاتوووو
Post: #106 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ismeil abbas Date: 04-11-2009, 08:42 AM Parent: #104
Quote: نعم كنت اعتقد ان الاغنية ستعبر عن دواخلنا ونحن نخالج نشوة السكر بسعادتنا بنادية ..
الله يديم السعادة يارب للجميع......................مودتى..إسماعيل محمد احمد عباس...
Post: #110 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: علاء الدين حيموره Date: 04-11-2009, 10:44 AM Parent: #106
Post: #113 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: Zomrawi Alweli Date: 04-11-2009, 12:31 PM Parent: #89
Quote: ووالد طفلتي الوحيدة ( محمد الحاج ) على روحه الف رحمة وبين جنبات قبره كل النور يارب
يا زهرة نادية ازيك يا بتنا
طبعا انحنا نوبيين فالكلام لمن يكون عربي شديد بنحاول ما نضيع الوكت عشان نفهم ونخليها ساي
اسع الاقتباس الفوق دا ما وقفكم شديد زي يا ناص الخرتوم ومدني؟؟؟ انا قريتها بطريقتي والنوبية شايلاني فوق (مو الهاشمية). اسع الطفلة الوحيدة ليه سامينها (محمد الحاج) لكن قلت يا ولد اقراها كما يجب فقرأته والد طفلة نادية الوحيدة اسمه المرحوم(محمد الحاج) عليه الرحمة
طبعا انحن ما جينا الحفلة دي عمداً مع سبق الاصرار والترصد لاننا شُم العرانين صُعر (لغة عربية فصحى)
كنا سنتسابق للقاء الاحبة ولكن كلام المدعو حميدة Humaida خلانا نتعمد الغياب حيث قال ان هذه الدعوة للعائلات فقط...
فلما كنا من ارباب العائلات في الرياض قبل ان يرى هذا المتطفل حميدة الرياض فقد آلمنا أن يكون هنالك بشر في مثل هذا العقل لا زال بين بوردابيي الرياض ويغطى على جماليات معتصم وابوجهية ومحمد عبدالجليل وتمبس وصديقي صديق الموج وخالي العزيز حمزاوي وود الباوقة...
اذن نحن لا نتسول العلاقات...
ولك التحية ايتها الزهرة نادية هذه لقطة اخذت في احتفالية وداع مكي على ادريس 26 مارس 2009.
Post: #115 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: علاء الدين حيموره Date: 04-11-2009, 01:14 PM Parent: #113
الاخ / زمراوي
بما انو دا بوست جميل جدا ومفتوح من الاستاذة نادية انا برجو انو تعدل من مداخلتك دي وتمسح الكلام الماجميل دا او على الاقل تفتح بيه بوست منفصل وهذا من حقك ولكن اراك هنا تسبب احراجا للاخت نادية .. نادية حا ترد على مداخلتك دي وتقول شنو ...؟؟
فرجاء وليس امرا ان تمسح قبيح الكلام في هذا البوست ..
ولك الشكر
Post: #116 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: سيف بخيت موسي Date: 04-11-2009, 01:20 PM Parent: #115
Quote: نعم كانوا سكارى جدا جدا جدا رجالاً ونساءا وأطفالاً وشيوخ أيضا !!
كانوا سكارى بالفرح العظيم ..!
سكرني وتفنن
نادية إزيك
عايزين نسكر تاني
قلتي شنو
سلام لجميع سكارى بلادي
Post: #119 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: محمد عبد الماجد الصايم Date: 04-12-2009, 10:46 AM Parent: #116
اعتذار يليق بمقامكـ يا نادية لم أستطع الحضور لظروف عملية العينين
كنا عاوزين نصلحا من بدري عشان نشوفكـ كويس!
Post: #120 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: علاء الدين حيموره Date: 04-12-2009, 06:21 PM Parent: #119
Quote: لم أستطع الحضور لظروف عملية العينين
كنا عاوزين نصلحا من بدري عشان نشوفكـ كويس!
كان تجي وبنوصف ليك .. على الاقل كان شفت ليك مكسر معاك
عشان تصدق مقولة العميان شايل المكسر
لكن فاتتك والف سلامة لعيونك ود الصائم
Post: #121 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: محمد عبد الماجد الصايم Date: 04-12-2009, 06:28 PM Parent: #120
Quote: على الاقل كان شفت ليك مكسر معاك
يا عمكـ إنت ما كنت ناوي تستقبلني ولا شنو .. وتيب
Post: #122 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: علاء الدين حيموره Date: 04-12-2009, 09:59 PM Parent: #121
Quote: يا عمكـ إنت ما كنت ناوي تستقبلني ولا شنو .. وتيب
بس لو كنت شايل المكسر (فلان) كان بنستقبلك استقبال الفاتحين ...
على الاقل بتكون مربط عيونك وبالتالي ما شايل كاميرا ....
Post: #123 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: نادية عثمان Date: 04-13-2009, 01:52 AM Parent: #122
حمودي ود الصائم أخوي الغالي
خليني أخرمج الصف وأرد عليك انت أول
والله إفتقدتك شديد يوم الحفلة ياخ
وكان كنت عارفاك عيان كان جيتك قبل الحفلة ياصديق
تسلم يارب والف بعد الشر عليك وماتشوف عيونك شر ياحمادة ان شاء الله
Post: #124 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: Samer Osman Date: 04-14-2009, 08:40 AM Parent: #123
Quote: إسماعيل عباس .. هل يعد غزلا صراحا لو أنني قلت انك في مثل وسامة سيدنا يوسف خلقةً وأخلاقاً ؟! حقيقة تشرفت بمعرفتك وسعدت بك أخا كريما طيبا وأخو أخوان وتسلم ويسلموا أحبابك يارب
ناس الرياض ما ينفعكم!!! ما قعدنا فيها 7 سنة تخلونا بعد نمشي تبقوا حلوين كده
مبروك عليكم تستاهلوا
Post: #125 Title: Re: نعم كان بورداب الرياض سكارى ليلتها .. وكنت الشاهدة الوحيدة ( يوجد أدلة وصور ) !! Author: ismeil abbas Date: 04-14-2009, 09:20 AM Parent: #124
تسلم يا الشيخ سامر...
إنت أبو الواجب برضو..وهناك ما مقصر..تسلم يا شفيف............
