Post: #1
Title: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-07-2006, 05:46 AM
Parent: #0
مؤسسة الفداء وميزانية (أمير الشرق ) أسئلة للإجابة !!
اسمع عن ان مؤسسة الفداء للإنتاج الفني والتلفزيوني هي واحدة من أضخم و(أغنى) شركات الإنتاج فى السودان !!
ومن هنا كانت سعادتي كبيرة عندما علمت إن هذه المؤسسة الضخمة هى المنتجة والمشرفة على العمل التلفزيوني الضخم هو الأخر (أمير الشرق ) الذى يحكى قصة المناضل عثمان دقنة .. ومنبع سعادتي كان من ان هذا العمل السوداني المصري المشترك سيجد التمويل اللازم ليخرج الى عوالم الفن والدراما التلفزيونية كبيرا يلفت اليه الانتباه ويستطيع المنافسة عربيا .. بل وعالميا ، بحسبان ان الشخصية المحورية للعمل وهى القائد المناضل التاريخي عثمان دقنة شخصية لها وزنها تاريخيا وتستحق تسليط الأضواء عليها بالشكل الذي يجعل العالم كله يعرف حجم الشخصيات السودانية التى قدمت أرواحها فداءا للأوطان !!
وعندما تابعت تفاصيل المسلسل التاريخي المنتظر ومن سيؤدون الأدوار فيه كانت صدمتى كبيرة جدا خاصة عندما عرفت ان مؤسسة الفداء (الغنيانة) استخسرت ان تصرف وتضع ميزانية كبيرة بحجم هذا العمل العظيم فاتت للقاهرة واتفقت مع مخرج ليس من الاسماء المعروفة لصناعة مثل هذه الأعمال التاريخية الكبيرة ، كما اختارت ممثلين مصريين (رغم احترامي لهم) إلا أنهم ما كان من المفترض ان يأخذوا ادوار البطولة فى هذا المسلسل المكون من ثلاثين حلقة وأكثر قليلا !!
فالفنان جمال عبد الناصر مع كامل احترامي له إلا انه ليس من صفوف النجوم التلفزيونية الأولى فى مصر !!
وهو رغم جودة أدائه الا انه ماكان يجب ان يكون بطلا مطلقا لهذا العمل ويؤدى شخصية عثمان دقنة التى كنا ننتظر نحن جمهور المشاهدين ان يؤديها احد العمالقة المخضرمين المعروفين بأداء الأدوار التاريخية كالفنان نور الشريف الذى ادى عددا من البطولات التاريخية ذات البصمة فى العالم العربي بأثره !!
وعندما سألت لماذا لم تستعينون به اجابنى واحد ممن له صلة بصناع العمل قائلا : (نور الشريف غااااااااااالى ) !! فلماذا استخسرتوا المال مقابل جودة العمل الفني التاريخي يا مؤسسة الفداء للإنتاج ؟!!
وحتى البطولة النسائية تؤدى دور البطولة فيها الفنانة مى عبد النبي (مع احترامي لها) الا انها قد اختفت من الشاشة البلورية فى مصر منذ زمان ليس بالقريب وأظن ان الجمهور المصري نفسه قد نساها ناهيك عن الجمهور السوداني !!
وعندما سألت لماذا لم تستعينوا بمنى ذكى مثلا جاءتني الإجابة (منى بثلاثة مليون جنيه مصري ) !! ورغم اننى لا اعرف كم تساوى هذه الملايين بالسوداني إلا أن ما اعلمه يقينا ان عشرات الملايين لا تساوى شيئا مقابل أن يخرج (امير الشرق) للنور بالشكل الذى يشرف السودان والسودانيين فما رأى مؤسسة الفداء يا ترى ؟!!!
|
Post: #2
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: ALGARADABI
Date: 08-07-2006, 06:06 AM
Parent: #1
| Quote: وحتى البطولة النسائية تؤدى دور البطولة فيها الفنانة مى عبد النبي |
تستاهل
طالما زوجة مصطفى بونس مدرب الهلال السابق !!!!!
|
Post: #4
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-07-2006, 06:17 AM
Parent: #2
القرضابى
Quote: تستاهل
طالما زوجة مصطفى بونس مدرب الهلال السابق !!!!! |
عليك الله جد ؟!!
برضو !!
ليست من الصف الاول فى التمثيل (مع كامل تقديرى لها ولزوجها مدرب الهلال السابق) !!
|
Post: #3
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: فيصل نوبي
Date: 08-07-2006, 06:17 AM
Parent: #1
Quote: كالفنان نور الشريف الذى ادى عددا من البطولات التاريخية ذات البصمة فى العالم العربي بأثره !!
وعندما سألت لماذا لم تستعينون به اجابنى واحد ممن له صلة بصناع العمل قائلا : (نور الشريف غااااااااااالى ) !! فلماذا استخسرتوا المال مقابل جودة العمل الفني التاريخي يا مؤسسة الفداء للإنتاج ؟!!
وحتى البطولة النسائية تؤدى دور البطولة فيها الفنانة مى عبد النبي (مع احترامي لها) الا انها قد اختفت من الشاشة البلورية فى مصر منذ زمان ليس بالقريب وأظن ان الجمهور المصري نفسه قد نساها ناهيك عن الجمهور السوداني !!
وعندما سألت لماذا لم تستعينوا بمنى ذكى مثلا جاءتني الإجابة (منى بثلاثة مليون جنيه مصري ) !! |
هي الميزانية كم ؟؟
و الاندفع منها كم !!
و هل هناك جزء ضائع كالعادة !!!
|
Post: #5
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-07-2006, 06:21 AM
Parent: #3
فيصل نوبى سلام
Quote: هي الميزانية كم ؟؟
و الاندفع منها كم !!
و هل هناك جزء ضائع كالعادة !!! |
هذه اسئلة هامة جدا ومعك فى انتظار الاجابة من المعنيين فهل من مجيب ؟!!
|
Post: #6
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: حيدر حسن ميرغني
Date: 08-07-2006, 06:43 AM
Parent: #5
العزيزة/ نادية
لماذا لايكون ممثلي الفيلم العظيم ده من الممثلين السودانيين
الزول زولنا والسيرة سيرتنا
هل يسعى القائمون على امر الفيلم على تسويقه خارجياً لوجود ممثلين مصريين فيه
أليس هناك ثقة في ممثلينا ... حتى الديناصورات منهم..
هل سنرد بضاعتنا إلينا إذا كانت مستباحة بهذا الشكل
|
Post: #7
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-07-2006, 06:48 AM
Parent: #6
النبيل حيدر حسن ميرغنى
واسئلتك ايضا هامة جدا ليتها تجد الاجابة الشافية !!
Quote: لماذا لايكون ممثلي الفيلم العظيم ده من الممثلين السودانيين
الزول زولنا والسيرة سيرتنا |
قالوا دايرين العمل يسوق عربيا والظاهر شايفين ناسنا مابسوقو !!
| Quote: هل يسعى القائمون على امر الفيلم على تسويقه خارجياً لوجود ممثلين مصريين فيه |
قالوا ذلك ولكن !!
| Quote: أليس هناك ثقة في ممثلينا ... حتى الديناصورات منهم.. |
السؤال موجه للمخضرمين من ممثلينا الفطاحلة على راسهم السنى دفع الله
| Quote: هل سنرد بضاعتنا إلينا إذا كانت مستباحو بهذا الشكل |
ياخوف فؤادى من غدى !!
|
Post: #8
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: حيدر حسن ميرغني
Date: 08-07-2006, 07:05 AM
Parent: #7
| Quote: السؤال موجه للمخضرمين من ممثلينا الفطاحلة على راسهم السنى دفع الله |
طبعاً الاخ الفنان/ محمد السني ليس من الديناصورات الذين اقصدهم
كل جيله من الممثلين جديرون بلعب ادوار رئيسية في الفيلم
..
بعدين محمد السني ده بيشبه عثمان دقنة الذي في خاطري .. زول مليان صحة/ماشاء الله/ ووجه معبَر
يعني (يهرس) ليك الانجليز ديل نصَة نهار ...
|
Post: #9
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-07-2006, 07:23 AM
Parent: #8
حيدر
طبعا السنى ماديناصور ودى مفهومة .. انا قصدى اوجه ليهو الاسئلة يفتينا بالحاصل شنو ؟!
Quote: بعدين محمد السني ده بيشبه عثمان دقنة الذي في خاطري .. زول مليان صحة/ماشاء الله/ ووجه معبَر
يعني (يهرس) ليك الانجليز ديل نصَة نهار ... |
موش كده بالله !!
|
Post: #10
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-07-2006, 07:43 AM
Parent: #9
وردنى ان الميزانية التى وضعتها مؤسسة الفداء هى (25) مليون دولار امريكى !!
لو ضربناها فى خمسة وخمسة وسبعين سعر الدولار بالمصرى تطلع كم جنيه مصرى ياناس الحساب ؟!!
لست على يقين من صدق هذه المعلومة وعامة مازال المجال مفتوحا للقائمين على امر صرف الميزانية ليعلمونا الحقائق !!
|
Post: #11
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-07-2006, 08:00 AM
Parent: #10
المسلسل يشارك فيه ممثلين من السودان ولكن البطل ليس سودانيا.. البطل مصرياهو الممثل جمال عبد الناصر !!
|
Post: #12
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: Mohamed Ahmaed Olyesh
Date: 08-07-2006, 08:09 AM
Parent: #10
اولا ناديه عثمان دايما بتفتحي المواضيع الحارة
تانيا بعد يوم شكرك مايجى قصة الإنتاج التلفزيونى دي بديك شويه منها بس الشرط الوحيد شوفى ليك نص ليمونه قبال تقري
اولا الإنتاج ده ظهر قريب زمان كان التلفزيون الواحد ده هو الكفيل وهو البحدد المخرج والممثلين مع احترامي لرؤية المخرج وكان لو العمل بكلف 10000000 المدير يقول للناس المسؤله لزومو شنو الصرف دا لاحظى ده مدبر قاعد فى كرسي وآخر خدمات وسكرتيرااات وعربيه مظلله فى زمن التظليل ممنوع رسمي........ يقوموا ناس مديري الإنتاج ينقصوا الميزانه شووويه يفضل ربع القروش ... بعداك يضعوا خطه العمل لما الخرج يقول البطل هو الممثل فلان حسب الرؤيه ..يقوم واحد من اصحاب الايادي الطويله والكلمته ماشه لى علاقتو بمكتب السيد المدير حماهو الله .... لى نجيب فلان ما كتن شغال فى رمضان الفات....طبعا الإنتاج موسمى مربوط بى رمضان زي الحلو مر.. والإشكلات تبدأ.....
دي مقدمه البحث التقيل جاى ورا
الإمضاء(دي قصة طوييييييله لم تنتهي بعد. )
|
Post: #13
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-07-2006, 08:17 AM
Parent: #12
يا الف مرحب بيك محمد احمد عليش
وجودك مهم للاستفادة من كل رؤاك التحليلية سمح
| Quote: لى نجيب فلان ما كتن شغال فى رمضان الفات....طبعا الإنتاج موسمى مربوط بى رمضان زي الحلو مر.. والإشكلات تبدأ..... |
هو زاتو وينهم الممثلين فى السودان ماكلهم يتعدوا على اصابع اليد ومالو لو جابوا الزول الممثل كويس رمضاننين يعنى فارقة معاهم شنو
؟!! عجبى !!
| Quote: دي مقدمه البحث التقيل جاى ورا |
اهااااااا ده الكلام وانا فى الانتظار سمح؟!!
|
Post: #14
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-07-2006, 08:38 AM
Parent: #13
مافى زول معانا فى المنبر من مؤسسة الفداء ياشباب ؟!!
|
Post: #15
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: Mohamed Ahmaed Olyesh
Date: 08-07-2006, 09:33 AM
Parent: #14
عودنا
الاهم من كدة انا عايشت تجربة مسلسل الغول وكنت سعيد جدا بالفكرة الجريئه دي وكان ممكن نبدا مشروع الإنفتاح على العالم العربى برغم من انو عندنا حلقة وصل كبيرة متمثله فى الأمين العام للفنانين العرب لكن مازالت هناك حلقة مفقوده .
السؤال المهم هل المسلسل أمير الشرق إتكتب عشان يعكس تاريخ سودانى مسكوت عنه أم اتكتب للخروج بالدراما من المحليه الى العربيه .....????
بتذكر يا ناديه انى عملت دورة إخراج تلفزيونى بمعهد الإذاعه بالقاهرة ومن ضمن الأسئله الموجهه لينا (عندوكو كاميرات فى السودان...?)(عندوكو كام قناة ..??)وقصص طويله مستفزة خاالص ....نرجع إلى مؤسسة الفداء للإنتاج الإسلافنى طبعا مافى زول ما شاف فى ساحات الفداء ومافى زول ناكر إنو هذا البرنامج كم شوه أفكار أطفالنا وتحويل خيالهم الخلاق الي خيال عدواني رهيب هذي هي مؤسسة الفداء ان لم تكنى تعلمي عنها شيئا.....
هذة المؤسسه والتي تقوم بدور المنتج الآن ليهمها العمل الفنى بقدر ما يهما بجيب كم أمسك لى وأقطع ليك . سؤال برئ............ياربى عثمان دقنه ده عندو نسب فى مصر ?
المرة الجايه بقول ليك كلام ليك ولى عبادى محجوب القاعد هسه حدااكم فى كايرو ........برجع ليكم تاني كان مازهجتو مني
|
Post: #16
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-07-2006, 10:02 AM
Parent: #15
محمود
| Quote: بتذكر يا ناديه انى عملت دورة إخراج تلفزيونى بمعهد الإذاعه بالقاهرة ومن ضمن الأسئله الموجهه لينا (عندوكو كاميرات فى السودان...?)(عندوكو كام قناة ..??)وقصص طويله مستفزة خاالص .... |
كويس انو ماقالوا ليكم انتو عندكو كهرباء فى السودان !!!!
| Quote: ياربى عثمان دقنه ده عندو نسب فى مصر ? |
والله ماعارفة بس سمعت من بعض الناس هنا قالوا كان ابييييييييييييض زى المصريين يعنى !!
| Quote: المرة الجايه بقول ليك كلام ليك ولى عبادى محجوب القاعد هسه حدااكم فى كايرو ........برجع ليكم تاني كان مازهجتو مني |
يازول اعتبر البوست حقك نزهج شنو .. وعبادى زاتو سامع فى كلامك ده هسى وكل المعنيين ... يلا قول !!
|
Post: #17
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-07-2006, 01:14 PM
Parent: #16
يقوم على المراجعة التاريخية للمسلسل اللواء ابو قرون عبد الله ابو قرون
|
Post: #18
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: Mohamed Ahmaed Olyesh
Date: 08-07-2006, 01:52 PM
Parent: #17
هو اللواء ابو قرون دا مانزلو معاش لسسسسسسسه ?..............
|
Post: #20
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-07-2006, 02:11 PM
Parent: #18
| Quote: هو اللواء ابو قرون دا مانزلو معاش لسسسسسسسه ?.............. |
المعاش ياتو تقصد ؟؟؟؟؟؟؟؟؟؟
|
Post: #19
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: Mohamed Ahmaed Olyesh
Date: 08-07-2006, 02:00 PM
Parent: #17
والله ماعارفة بس سمعت من بعض الناس هنا قالوا كان ابييييييييييييض زى المصريين يعنى !!
والحمد لله السودانيين اتوفقوا فى اختيار البطل جمال عبد الناصر ده ما ابيااااااااض زى السودانيين ........هو الحمدو لله ما اختارو جميل راتب وبعود ليك يا ناديه سريع الموضوع ما ا ا حلللوو
|
Post: #21
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-07-2006, 03:25 PM
Parent: #19
| Quote: هو الحمدو لله ما اختارو جميل راتب |
جميل راتب بالرغم من انه مااشتهر باداء الادوار التاريخية لكنو على الاقل اشهر من بطل الفيلم فى مصر (مع كامل احترامى للبطل ) !!
|
Post: #22
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: Mohamed Ahmaed Olyesh
Date: 08-07-2006, 05:48 PM
Parent: #21
الله يرحم فنانى المفضل أحمد ذكى كان بجيبو ليهو خبير ميكياج من فرنسا عشان بكون اقرب للشخصيه هسه مكي سناده علي حبه بدرة ما ببقى ? لكن نقول شنو حكم الفداء غالب . يبدو ياناديه ياختى القصه اسامى وبس ما جوده.. ماستفادو من تجربة نجدة أنزور فى القالب التاريخى وتحسين الآداء ..مفى وجيع ....
إقتراح.......................................
لو اتصلوا بالناس العندها قروش وعندها إسم فى الساحه مالو على الأقل يكون إنتاج محلى بي عرقنا ويجيبو بالاشتراك مع الممثلين المصريين وواحد سوري مثلا ماااالو ...
|
Post: #23
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-08-2006, 07:24 AM
Parent: #22
محمد
| Quote: لو اتصلوا بالناس العندها قروش وعندها إسم فى الساحه مالو على الأقل يكون إنتاج محلى بي عرقنا ويجيبو بالاشتراك مع الممثلين المصريين |
طبعا ده كلام فات اوانو خلاص وهسى الناس دخلت للتصوير ..!!
بس عايزين نعرف ميزانية العمل ده كم طيب ؟!!!!!!!!
|
Post: #24
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: Mohamed Ahmaed Olyesh
Date: 08-08-2006, 07:48 AM
Parent: #23
بجيب ليك الميزانيه الاكلوها كم اول بعداك نشوف الباقي
|
Post: #25
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-08-2006, 08:24 AM
Parent: #24
مؤسسة الفداء للانتاج الفنى يحمد لها تفكيرها فى انتاج هذا العمل التاريخى الضخم ولكن كنا نتمنى ان تجعل له ميزانية مفتوحة ياعليش حتى يخرج الى النور عملاقا كما البطل عثمان دقنة (امير الشرق) !!
ليت الجهة المنتجة تحدثنا عن جهودها المبذولة لانتاج هذا العمل التاريخى بالشكل الذى يناسبه !!
|
Post: #26
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: Mohamed Ahmaed Olyesh
Date: 08-08-2006, 02:55 PM
Parent: #25
ماهو ياناديه ياإما نخسر قروشنا كلها من أجل إخراج عمل يستفذ عقل المشاهد الهربي كضربه أولى أو ما نجازف عشان نثبت إنو نحنا ضعيفيين ساكت على العموم اتمني المشاركات من الناس القريبين من التجربه للإستفاده
|
Post: #27
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-09-2006, 07:17 AM
Parent: #26
| Quote: ماهو ياناديه ياإما نخسر قروشنا كلها من أجل إخراج عمل يستفذ عقل المشاهد الهربي كضربه أولى أو ما نجازف عشان نثبت إنو نحنا ضعيفيين ساكت |
ماهو الظهور الضعيف ده الانا خايفة منو ياعليش !!!!!!!!!
انت عارف المصريين بيدفعوا كم لانتاج مثل هذه الاعمال التاريخية الضخمة ؟؟؟؟؟
|
Post: #28
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-09-2006, 10:40 AM
Parent: #27
اعرف ان ميزانية الاعمال الدرامية فى مصر تفوق الملايين بكثير ومن هنا ينجح العمل المبذولة له الاموال فى سخاء .. فهلا فعلنا مثلهم ياشركات الانتاج فى بلادى ؟؟؟؟؟
|
Post: #29
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: Mohamed Ahmaed Olyesh
Date: 08-11-2006, 01:37 PM
Parent: #28
عااارف ياناديه لأنو سبق وعملت إعلان تلفزيونى لفناة السودان والغريب فى الموضوع التصوير كان يومين وإيجار فيلا وكل فريق العمل انا كنت فاكرو مسلسل رمضان مش إعلان وكمان المؤسف لما سألونى عن خبير الكياج قالوا لى عايزو ست ولا راجل حاجه جد تحسسك بقيمتك كفنان مش عندنا المكياج زاتو كان بدعه ولا حرام عديل ما عارف المهم ده إعلان بس
|
Post: #30
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: abdalla elshaikh
Date: 08-11-2006, 04:29 PM
Parent: #29
ألأخت ناديه
رؤيتى هنا مبنية علي الخوف من العبث بتأريخ هذه الشخصية الـمثيرة للجدل..وهو شخصية محل خلاف بين السودانيين والـمصريين..فبينما يراه السودانيون بطلا دوخ جيوش الإحتلال الثنائي[مصر/بريطانيا]..يراه الـمصريون مجرد درويش مجنون من بقايا دولة ظلامية[الدولة الـمهدية] بحسب ما ورد في الوثائق الـمصرية
ولذا يبقي السؤال النقدى قائما عن لـماذا نعبث بهذا التأريخ ?
كارلوس
|
Post: #33
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-11-2006, 06:13 PM
Parent: #30
الانسان النبيل كارلوس
مرورك من هنا يسعدنى ويشرفنى جدا
| Quote: يراه الـمصريون مجرد درويش مجنون من بقايا دولة ظلامية[الدولة الـمهدية] بحسب ما ورد في الوثائق الـمصرية |
الوثائق المصرية ورد فيها هذا الكلام الغريب عن (أمير الشرق) ؟!!
رجاءا مدنا بما ورد ايضا عن الامير عثمان دقنة فى وثائق المصريين لتعم الفائدة ..
| Quote: ولذا يبقي السؤال النقدى قائما عن لـماذا نعبث بهذا التأريخ ? |
السؤال موجه للسودانيين ام المصريين استاذ كارلوس ؟؟؟؟؟!!
وفى الحالتين ليتنا نجد الاجابة الشافية !!
|
Post: #31
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: نادية عثمان
Date: 08-11-2006, 04:43 PM
Parent: #29
محمد
| Quote: عااارف ياناديه لأنو سبق وعملت إعلان تلفزيونى لفناة السودان والغريب فى الموضوع التصوير كان يومين وإيجار فيلا وكل فريق العمل انا كنت فاكرو مسلسل رمضان مش إعلان وكمان المؤسف لما سألونى عن خبير الكياج قالوا لى عايزو ست ولا راجل حاجه جد تحسسك بقيمتك كفنان مش عندنا المكياج زاتو كان بدعه ولا حرام عديل ما عارف المهم ده إعلان بس |
يبدو ان فى عوالمك الكثير من القصص فى هذا المجال .. ويبدو انك تحمل الكثير من الوجع و(المغصة) فليتك تحكى لنا وكلنا آذان صاغية !!
|
Post: #32
Title: Re: مؤسسة الفداء وميزانية (أمير الشرق ) أسئلة للإجابة !!!!!
Author: Mohamed Ahmaed Olyesh
Date: 08-11-2006, 06:07 PM
Parent: #31
شديد وإسألى تاريخ المسرح فى السودان والحركه الطليعيه الشابه التى لم تنفجر بعد
|
|