Post: #1
Title: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 06:38 AM
Parent: #0
جياشة
جياشة
اوب على انا
جياشة
والجيش
نقلوا
فتاشة
اوب على انا
ده جيشنا جيش القوة اوب على انا
دخل الجبال جوة
اوب على انا
دخل الجبال جوة
ده الحارب يوسف كوة
ياعينى انا
ماعرفو
ماعرفوا
اوب على انا
ماعرفو
دبورى
بى طايقتو
اوب على انا
انا ماشة الرئاسة
اوب على انا
دى مكانة حساسة
اوب على انا
احب الامن كلو
بوليس
سجون
جياشة
اوب على انا
بالأخضر
بالاخضر
اوب على انا
بالاخضر
الجيش نقلوه المعسكر
اوب على انا
ماعرفو
ماعرفو
ده مجدى فى دوريتو
اوب على انا
برى
برى
برى
باللبنى
باللبنى
ياعينيا
حبيب نقلو ود مدنى
اوب على انا
جياشة
جياشة
اوب على
انا
جياشة
والجيش
نقلو فتاشة
اوب علينا
النبق النبق النبق ..
من هو مؤلف هذه الاغنية ياترى ؟!!
وهل كانت المطربة هاجر كباشى مقتنعة تماما بادائها لهذه الاغنية ومافيها من مدح للقوات المسلحة وقوات امن السجون والدياشة كما تغنت؟!!
شايفة ناس الامن سوقهم ماشى والبوستات تتطاقش عشانهم
فكنت بسمع فى الاغنية دى ..وقلت والله فكرة نعمل قرأة فى الموضوع ده من زاوية اخرى كده !!
اها لحدى مااجى ياناس الخبرة ممكن تنزلوا لينا الاغنية عشان يبقى النقاش حولها موضوعى بعد الاستماع لهاجر واحساسها بالاغنية !!
انا عندى لكن مابعرف انزلها للاسف !!
|
Post: #2
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: saif massad ali
Date: 08-13-2005, 06:42 AM
Parent: #1
ازيك يا ناديه كيف امورك وناس الامن معاكي
|
Post: #3
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 06:52 AM
Parent: #2
| Quote: ازيك يا ناديه كيف امورك وناس الامن معاكي |
انا كويسة جدا احمد الله
بس عايزة اقول ليك حاجة ياسيف
انا لاحظت حاجة فيك
انك مرات بترمى الكلام زى الطوب كده وعشان كده فى ناس فى المنبر بيزهجو من مداخلاتك
انا والله انت عارف بعزك جدا وعارفة انو قلبك ابيض ومازول خبيث..
لكن يعنى هسة لما تجى تووش كده وتقول لى كيف ناس الامن معاكى فى ناس هنا بقرأو طرف الكلام يقوموا يفتكونى ملازم اول ولاحاجة!!
ههههههههههه
يازول دى هاجر ماانا!!
|
Post: #4
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: saif massad ali
Date: 08-13-2005, 06:58 AM
Parent: #3
الاخت نادية
الناس خليها تقول زي ما عايزة , منو ما بعرف ناديه عثمان وحشاك شغل الاجرام والمجرمين يا بت عزاز القوم حشاك شغل اللوم
|
Post: #6
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 07:08 AM
Parent: #4
| Quote: الناس خليها تقول زي ما عايزة , منو ما بعرف ناديه عثمان وحشاك شغل الاجرام والمجرمين يا بت عزاز القوم حشاك شغل اللوم |
تسلم الف شكرا ليك ياسيف
ووالله كلامك اخجل تواضعى ..ياخ ربنا يديم المعروف بين الناس جميعا ويبعد الشر عن وطنا وقلوبنا يارب..
|
Post: #5
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: عبدالعظيم عبدالله
Date: 08-13-2005, 07:06 AM
Parent: #2
الاخت نادية عثمان
لك التحية والود
اما بالنسبة لتنزيل الاغنية انا ليست لدي الاغنية وحتى انني لا اعرف من هو مؤلف هذه الاغنية ولكن الشيئ الذي يمكن ان اجزم على معرفته هو ان المؤدية للاغني لا تدرك معاني هذه الاغنية سيما وان سمعة رجال الامن والبوليس في بلدنا الحبيب غير جيدة خاصة في انهم يستغلون السلطة الموكولة لهم بحكم القانون بشكل يفوق صلاحياتهم الى التعدي الى حقوق المواطن كما انهم يشكلون خط الدفاع الاول للانظمة القمعية التي (حاكمت البلاد) منذ الاستقلال الى هذه اللحظة .
كما ان الجيش الذي تدخل في اكثر من مرة للقضاء مقدرات ومكاسب الشعب من الناحية الديمقراطية التي كان يمكن لها ان تتطور بشكل ايجابي خالقة توازن جيد في الحكم بين كافة اقاليم واتجاهات البلاد مما كان سيكفينا شر القتال وشر غناء مثل هذه الاغاني وكان يتفرغ الجيش لحماية حدود البلاد من اي اعتداء خارجي مثل الاعتداء على حلايب على سبيل المثال ولكن للاسف الانقلابات العسكرية وسيطرة الامن على كل مفاصل الدولة ونشر ثقافة عسكرة البلاد ادى بنا الى ما نحن عليه الان حتى اننا ربما ولا سمح الله قد نصل الى تقسيم البلاد .
واسمحي لي باستغلال بوستك هذا لنشر كلماتي المتواضعة هذه التي نشرتها من قبل في هذا المنبر.
كلا يا عساكر
دارفور يا أم الاكابر
ظلموك العساكر
منذ فجرك الباكر
لا مدارس لا مخافر
لا صهاريج ولا طناكر
لا مزارع لا مراعي ولا متاجر
بس حكومات العساكر تكابر
نسأل عن حقوقنا يقولوا كافر
بالقبلية والعنصرية تجاهر
وبمصلحة الوطن تقامر
وبمصير الامة تتاجر
****
كلا يا عساكر
اغلقتوا كل المنابر
أخرستوا كل الاكابر
بدهاء ماكر
شردتوا المناضل
وأكثرتوا السلاسل
هدمتوا الاساس
كتمتوا الانفاس
وبدون إحساس
قتلتوا الناس
جثمتوا على الصدور
ملأتوا القبور
سكنتوا القصور
حرقتوا البخور
فرحا وسرور
جورا وغرور
****
كلا يا عساكر
آن الاوان
فأذن الآذآن
ودقت الاجراس
فسمع الناس
أتاكم الطوفان
زلزال وبركان
فكيف الخلاص
عودوا إلى ثكناتكم
أحموا حدود بلادكم
كما فعل أجدادكم
و إلا
إذهبوا إلى الجحيم إلى النيران
لا جنان ولا حور حسان
****
يقول العساكر
ممنوع التفاكر
مسموح التآمر
تكذب تنافق تكابر
تبقى مواطن طاهر
زمن من يطلب الحق فيه كافر
زمن الدفاع عن الظلم فيه من الكبائر
****
كلا ياعساكر
درافور تباهي وتفاخر
بوحدة السودان لا تفاصل
من أجلو تجاهد وتقاتل
إلا عن حقوقها كمان تناضل
لا تهابي ولا تجامل
تذهب لكل المحافل
تحاور تفاوض ولا تجادل
عن إرثها تطالب
برغم وحشية الاسود ومكر الثعالب
فستنزع حقوقها من بين المخالب
كلمات : عبدالعظيم عبدالله
[email protected]
|
Post: #9
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 07:32 AM
Parent: #5
الاكرم عبد العظيم عبد الله
Quote: كلا ياعساكر
درافور تباهي وتفاخر
بوحدة السودان لا تفاصل
من أجلو تجاهد وتقاتل
إلا عن حقوقها كمان تناضل
لا تهابي ولا تجامل
تذهب لكل المحافل
تحاور تفاوض ولا تجادل
عن إرثها تطالب |
وهذا عين العقل !!
الحوار ثم الحوار وصولا للحقوق والمطالب المشروعة لأهل دارفور دون اراقة دمائهم الطاهرة
سلمت اخى من كل شر
وشكرا جميلا على المرور الباهى والنص الشعرى المعبر جدا
|
Post: #7
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ست البنات
Date: 08-13-2005, 07:15 AM
Parent: #1
سلام يا نادية ،وسلام لأخوى سيف مساعد ، وان شاء الله تكون تمام ، مشكور رسلت لى التحيات فى بوست أمبارح ، لكن قلت أرد عليك فى دا عشان قريب.
والله غايتو حكاية الطوب دى وهطتيها تب يا نادية !
لكن هاك بت عم الأعنية :
ودعنى الليلة يا دياشى مع البوليس أنا ماا ماشى
تمى الباقى ...
ست البنات .
|
Post: #10
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 07:37 AM
Parent: #7
حبيبتى ست البنوت لى حدهن
| Quote: والله غايتو حكاية الطوب دى وهطتيها تب يا نادية ! |
اها ياستو شكلو الكلام ده وقع ليك فى جرح..سيف اخوى ده فالعك بطوبة قبال ده ولاشنو؟!!
Quote: لكن هاك بت عم الأعنية :
ودعنى الليلة يا دياشى مع البوليس أنا ماا ماشى
تمى الباقى ... |
ستو الرسول فيك كان تفتشى فى الدكشنرى وتكمليها انتى انا ماحافظاها والله!!
|
Post: #8
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: هشام هباني
Date: 08-13-2005, 07:19 AM
Parent: #1
اختنا نادية صباحاتاك ومساءاتك خير
الاغنية دي كلها كوم لكن حكاية يوسف كوة دي قصتها شنو يا ناديةوهو الجيش ده كان بكاتل يوسف كوة براهو وين التجمع ووين الحركة الشعبية والاسود الحرة والعدل والمساواة ولا تحرير السودان والكلام ده بزعل اهلنا النوبة وخصوصا اختنا العزيزة نور تاور وليك سلام .
هباني
|
Post: #13
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: gamal elsadig
Date: 08-13-2005, 07:50 AM
Parent: #8
نأديـــــــــــه
إذا هي دعوة جادة لدراسة اغاني البنات بصورة عامة
والتي لها ارتباط (بالجيش ...الخ ) مثل التي اوردتيها
في الغالب مثل هذه الاغاني لا يكون لها مؤلف معروف وقد
يكون لها اكثر من مؤلف بحكم الاضافة اليها حسب الحوجة
لك التحية
جمال حسين
|
Post: #22
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 08:37 AM
Parent: #13
الاكرم جمال حسين
Quote: إذا هي دعوة جادة لدراسة اغاني البنات بصورة عامة
والتي لها ارتباط (بالجيش ...الخ ) مثل التي اوردتيها |
عليك نور ..نعم دى فكرتى بس هنا عايزة نتطرق بالدراسة والشرح والتحليل للاغنيات التى تمجد الجيش وقوات الامن والشرطة بمختلف جهاتها..الشريحة دى خاصة وليس كل اغانى البنات بمختلف موضوعاتها..
Quote: في الغالب مثل هذه الاغاني لا يكون لها مؤلف معروف وقد
يكون لها اكثر من مؤلف بحكم الاضافة اليها حسب الحوجة |
يكون ليها اكثر من مؤلف ممكن ..لكن لو ماليها مؤلف تكون القالها منو يعنى ؟!! لابد من ان وراء هذه الاغنيات بشر ما..
ولك ملايين التحايا
|
Post: #18
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 08:03 AM
Parent: #8
الاكرم هشام هبانى
| Quote: الاغنية دي كلها كوم لكن حكاية يوسف كوة دي قصتها شنو يا ناديةوهو الجيش ده كان بكاتل يوسف كوة براهو وين التجمع ووين الحركة الشعبية والاسود الحرة والعدل والمساواة ولا تحرير السودان |
اها الكلام ده ممكن يجاوب عليهو اتنين اما مؤلف الاغنية المامعروف او الناطق الرسمى باسم التجمع وهو الحمد لله عضو معانا فى المنبر ..
| Quote: والكلام ده بزعل اهلنا النوبة وخصوصا اختنا العزيزة نور تاور وليك سلام . |
نور تاور اختنا العاقلة المكملة ورزينة تزعل منى انا ؟!!
الله مازعل منى زول فى الدنيا يارب!!
اها نور ممكن تزعل من هاجر كباشى او مؤلف الاغنية انا مالى ذنب!!!
|
Post: #11
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ست البنات
Date: 08-13-2005, 07:44 AM
Parent: #1
ودعنى الليلة يا دياشى
مع البوليس أنا ماا ماشى
ودعنى الليلى يوم سفرو
القطر الشالو اتكسر عجلو
ودعنى الليلة يا أبو سمية
ظابط الديش الماهيتو شوية
ودعنى وأنا كت زعلان
ظابط الديش المعاه نيشان
---
ملحوظة :
ألحقى يا نادية الطوب والدرراب والدبش هناك فى البوست حق حاتم السر !
نكتة ، فى زمن الحزن دا :-
-----
واحدة شايقية ولدها شغال دياشى ، وكان الزيت والصابون معدومات فى الخرطوم ، وهى
بيتها مليان صابون وزيت !
جاراتها سألوها :
انتى يا عاشة الجابلك الشى دا كلو منو ?
قالت ليهن ولدى موحومد من برسودان !
قالن ليها :
انتى هو دحين مو دياشى ? بيجيب الشى دا من ويين ?
قالت ليهن :
أيى دياشى ، عيللى مستفيد !!
ست البنات .
|
Post: #24
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 09:01 AM
Parent: #11
| Quote: أيى دياشى ، عيللى مستفيد !! |
مباااااااااااااالغة ياستو والله!!
| Quote: الحقى يا نادية الطوب والدرراب والدبش هناك فى البوست حق حاتم السر ! |
مشيت بهناك معاى قوات امن مركزى ولحقنا ود السر الحمد لله..
ستو الاغنية رائعة ويلا واصلى معانا يامبدعة
|
Post: #12
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: بلدى يا حبوب
Date: 08-13-2005, 07:44 AM
Parent: #1
نادية
تعرف لو كانت الاناشيد بالصوت كانت حاجة ما تخلص
قريت العنوان وقلته ياجماعة انتو نادية ده الظاهر عندها لفاء صحفى مع مؤسسة الرئاسة السودانية والله شنو على الاقل علشان نعمل حسابتنا للاستقبال
تحياتى
|
Post: #26
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 09:10 AM
Parent: #12
الحبوب بلدى ياحبوب
| Quote: تعرف لو كانت الاناشيد بالصوت كانت حاجة ما تخلص |
وطيب ياخى ماتنزلها لينا يعنى ..موش انت خبير كمبيوترات اد الدنيا..؟!!
| Quote: قريت العنوان وقلته ياجماعة انتو نادية ده الظاهر عندها لفاء صحفى مع مؤسسة الرئاسة السودانية والله شنو على الاقل علشان نعمل حسابتنا للاستقبال |
ياولدى نحنا غلابة ساى ..والرئاسة دى مكانة حساسة
بمشوها رؤساء التحرير بس !!
|
Post: #14
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: abraham deng
Date: 08-13-2005, 07:52 AM
Parent: #1
تستاهل الرئاسة يانادية. إنت المخ ذاتو.
الحرية رقيقة وبسيطة، لذلك يقول الفيلسوف الفرنسي جوليوس ميشيلI have not been able to interpret the least social fact without calling all the deparments of human activity to my aid .
قال الدكتور جون قرنق: "يجب أعادة بناء الجيش السوداني"
أبراهام دينق
|
Post: #31
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 10:02 AM
Parent: #14
العزيز ابراهام دينق
| Quote: قال الدكتور جون قرنق: "يجب أعادة بناء الجيش السوداني" |
واقوال هذا الزعيم لم ولن تدفن مع جثمانه ابدا..
وقد قالها الجميع حكومة وحركة شعبية ( رحل قرنق لكن ماظل ينادى به لن يرحل ابدا ) !!
سعيدة بمرورك الباهى الانيق..
|
Post: #15
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: wail malik
Date: 08-13-2005, 07:54 AM
Parent: #1
الرائعة كالعادة نادية
فى البدء تملكتنى دهشة شديدة عندما قرأت عنوان البوست لاول وهلة
فقررت الدخول فيه
وما ان دلفت داخله حتى وجدتك كما احببت ان تكونى
دعينى استاذنك فى الرد على البوست من خلال عدم التمحور حول النص الذى اوردته
بمعنى آخر اود ان اخذ لغط هاجر كباشى هذا كنموذج لحالة عامة بدأت تزدهر وتاخذ رواجها فى الساحة الغنائية السودانية
المتابع لهذه الساحة حتمآ سيلاحظ ان الغالب الاعم من الغناء اصبح على الشاكلة محور البوست
ولعلها ابرز ازمات الفن السودانى المعاصر التى لا أرى لها سببآ سوى انحدار مستوى الذوق العام وخصوصآ فى اوساط الشباب
بالرغم من ان حواء الابداع السودانى ما زالت ولودآ
وهى ما زالت تنجب النماذج المبدعة والتى يحق لنا ان نفخر بها
ولكن الخارطة السودانية عامة ومنذ امد اصبحت تجافى كل ما هو موضوعى فى شتى مناحى الفعالية الانسانية
واعتقد جازمآ ان للسلطة السياسية دور فى هذا
فمنذ استيلاء الاسلامويين على السلطة فى البلاد ومع بدايات حكمهم ما لبسوا ان حاربوا كل ما هو عداهم لا سيما المبدعين
فبدأوا بسن القوانين المقيدة لحرية العمل الابداعى عامة فى الطريق لاقرار مشروعهم للتمكين
التمكين الذى كانوا يقصدون منه التمكين السياسى لخطاب وطريقة تفكير مرتزقة هذا النظام
وبالفعل فقد نجحوا فى مشروعهم هذا حتى اضحت ابرز ملامحه هى تفريغ الوعى لدى الشعب السودانى قاطبة ولدى مبدعيه ومثقفيه على اعتبار انهم الوجدان النابض لهذا الشعب
فى اطار حملتهم هذه ومن خلال منهج البراجماتيزم الذى انتهجوه كان لابد لهم من فرض انماط اخرة لتحل بديلا عن هذا الذى هم بصدد اقتلاعه فكانت هاجر كباشى وامثالها
وليس غريبآ بعد كل الذى تقدم ذكره ان تتقرب نماذج الفجاجة هذه من السلطة بالغناء للجهات التى تمثل عضد السلطة وسندها اى الجيش
هكذا اصبحت الحالة بفضل رؤية شيوخ الزيف والضلال اهل السلطة الحاكمة
فتحول الوطن اجمعه من النقيض الى النقيض
حتى اصبحت اغانى البنات كما نطلق عليها فى السودان الى الشاكلة التى تفضلتى بايرادها فى هذا البوست
واذا اردنا المقارنة فشتان ما بين حواء السودانية التى تغنت ب...
ما دايرالك الميتة ام رمادآ شح
دايراك يوم لقا بى دميك تتوشح
الميت مسولب والعجاج يكتح
أحى يا على سيفك بسوى التح
شتان ما بين حواء التى نعرفها ونعتز بها وبين حواء النظام .. امثال هاجر كباشى
ولى عودة فى نموذج آخر باذن الله
تحياتى
وائل عبدالخالق
|
Post: #33
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 10:39 AM
Parent: #15
العزيز وائل عبد الخالق
شكرا جميلا على المداخلة الهادفة الثرة وبالتأكيد سننتظر منك المزيد المفيد
Quote: ما دايرالك الميتة ام رمادآ شح
دايراك يوم لقا بى دميك تتوشح
الميت مسولب والعجاج يكتح
أحى يا على سيفك بسوى التح |
نعم شتان بين هذا وتلك..ولكن الم نتفق ان لكل مرحلة افرازاتها السلبية ..بمعنى ان ماقيل فى الفترة التى كتب فيها هذا الكلام الراقى الحماسى الجميل ..لامجال لقوله الان اذا كانت الحكومات الشمولية قد قتلت مكامن الابداع فى الناس ..فاذا كانت هاجر كباشى ابنة لهذه المرحلة فماالذى كان يمكن ان تتغنى به سوى هذه الاغنيات ..؟!!
وهل اذا تغنت هاجر ب(مادايرالك الميتة ام رمادا شح) ستجد هذا الجمهور الكثيف الذى يلاحق حفلاتها الان ؟!!
| Quote: شتان ما بين حواء التى نعرفها ونعتز بها وبين حواء النظام .. امثال هاجر كباشى |
هل ترى ان الفنانة هاجر كباشى فنانة منظمة سياسيا وتعنى تماما ماتقوله فى اغنياتها الموسومة اصلا بالهابطة ؟!!
| Quote: ولى عودة فى نموذج آخر باذن الله |
مرورك يسعدنى دوما ياوائل ..فكن قريبا دوما .
|
Post: #49
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: wail malik
Date: 08-14-2005, 02:11 AM
Parent: #33
ميلاد امرأة فى الزمن الصعب
اقترح عليك ان يكون هذا عنوان ديوانك القادم
حاولى ان تكتبى فيه عن بت عثمان نادية التى كل ما طالعنا بوستآ لها ذادت عظمة حواء عندنا
لا أجد نفسى اختلف معك البتة
ولكن ليس بالضرورة ان تكون هاجر كباشى منظمة سياسيآ
لانه طالما انها تصب فى خانة من يخدمون مصلحة النظام فهى بالضرورة جزء من نسيجه البالى
هل جماعات الاسلمة العصابية منظمون بالجبهة ؟ لا
ولكنهم جزء من نسيجه
هل كان بن لادن منهم؟ لا
ولكنه ثبت اركانهم لما يزيد عن نصف عقد من الزمان
هل كان صدام او جميع فرق الاستعراب الاعتباطى هذه منظمون سياسيآ لدى النظام؟ لا
ولكنهم جميعآ خدموا مصالح النظام
سواء كان كل الذين تقدم ذكرهم فعلوا ما فعلوه عن قصد او عن غير قصد
فالمحصلة النهائية واحدة
مزيد من التهتك الاجتماعى .. مزيد من حالة الهبوط العام
ومزيد من تفريغ الوعى الجماهيرى
غير انى قد اجد للساة السياسيين الذين اسلفت ذكرهم بعضآ من العذر على اعتبار السياسة
ولكنى لا استطيع ان اجد للفنان عذرآ فى هبوطه
الفن اما ان يخدم قضية عبر المضون الفنى للنص
او ان يهزم هذه القضية عبر نفس المضمون
ولى عودة فى موضوع فنى ساخن
اتوقع ان اعرف رايك فيه بصراحة
واتمنى ان يكون داعمآ
|
Post: #16
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ناذر محمد الخليفة
Date: 08-13-2005, 07:56 AM
Parent: #1
اها يا نادية خليك من الجياشة ديل ....
عندنا هنا مطربة إسمها مريم عضلات بتغني غنية بتقول ...
أووب علي من ناس النظام طبنجة ورا والقاش قدام ..
دي طبعا بتغنيها لي ناس النظام العام لمن الساعة تفوت حداشر ولمن يجوا كابسين الحفلة هي بتقوم تغني الغنية دي ليهم .. هم طوالي يقوم قلبهم يموت وينسوا الشغلة الهم جو عشانا .. طوالي يطلعوا القاشات ويقعدوا يبشروا ليها ولي ناس الحفلة ويتعشوا ويدوروا عربيتم ويتخارجوا ..
واحد من أصحابي حضر المنظر إتأسف وقال .. هييييييه حتى مريم ركبت موجة الغناء للأنظمة 
|
Post: #35
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 02:47 PM
Parent: #16
| Quote: أووب علي من ناس النظام طبنجة ورا والقاش قدام .. |
ناذر الرسول فيك كان تكمل الاغنية دى لانها بتصب فى المصلحة العليا للبوست
اها وعوضية عضلات دى رتبتها شنو فى الامن ؟!!
|
Post: #17
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ست البنات
Date: 08-13-2005, 07:57 AM
Parent: #1
وبعدين يا نادية ، الصورة جميلة جدا !
يعنى نحنا ما نخت صورنا ولا شنو ??
ست البنات .
|
Post: #38
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 03:59 PM
Parent: #17
Quote: وبعدين يا نادية ، الصورة جميلة جدا !
يعنى نحنا ما نخت صورنا ولا شنو ?? |
ياسلام
ياستو بطلى تواضع ..يااغلى من عينيا
واحلى من ابتسامى
واحن من المحنة
الفى رقة كلامى
بعادك طاااااااااااااااااااال
جاية القاهرة متين ؟!!
|
Post: #19
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: بلدى يا حبوب
Date: 08-13-2005, 08:04 AM
Parent: #1
ست البنات
| Quote: يعنى نحنا ما نخت صورنا ولا شنو ?? |
بس انته اعملى تحميل صورة فى الاول
هههههههههههههههههه
تحياتى
|
Post: #41
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 05:59 PM
Parent: #19
Quote: هههههههههههههههههه
هههههههههههههههههه |
بلدى ياحبوب
انت وست البنات بتقولوا نكات وتضحكوا براكم ولاشنو ؟!!
|
Post: #20
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Abdulla Ageed
Date: 08-13-2005, 08:11 AM
Parent: #1
مكرر
|
Post: #21
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Abdulla Ageed
Date: 08-13-2005, 08:11 AM
Parent: #1
Quote: وبعدين يا نادية ، الصورة جميلة جدا !
ست البنات . |
الكلام دا قالتو ست البنات.
|
Post: #43
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-13-2005, 06:52 PM
Parent: #21
ود عقيد العزيز
| Quote: الكلام دا قالتو ست البنات. |
ست البنوت لى حدهن
تقول زى ماعايزة الغالية
وكلامها كلو حلو ..ولاشنو؟!!
|
Post: #23
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ست البنات
Date: 08-13-2005, 08:50 AM
Parent: #1
تعرف يا عقيد يا أخوى ، فى محل جنبنا بيبيع سلالم حديد فتح جديد ممكن أوصفو ليك !
ست البنات .
|
Post: #56
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-14-2005, 05:58 AM
Parent: #23
| Quote: تعرف يا عقيد يا أخوى ، فى محل جنبنا بيبيع سلالم حديد فتح جديد ممكن أوصفو ليك ! |
يخربنى كان فهمت شئ!!!
يعنى ود عقيد عندو نقاشة فى بيتهم الايام دى ؟!!
|
Post: #25
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Abdulla Ageed
Date: 08-13-2005, 09:02 AM
Parent: #1
العزيزة ست البنات
إنتي ما كلموك ولا شنو؟
أنا ما لقيت السِلّم.!!
|
Post: #59
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-14-2005, 07:49 AM
Parent: #25
العزيزة ست البنات
إنتي ما كلموك ولا شنو؟
أنا ما لقيت السِلّم.!!
ده كلام ود عقيد..لى ست البنات
وانا مافاهمة شئ!!
ود عقيد ..ياتو سلم ياااااخ ؟!!
|
Post: #27
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ست البنات
Date: 08-13-2005, 09:13 AM
Parent: #1
لكن السلم دا بشرى !
ست البنات .
|
Post: #30
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Abdulla Ageed
Date: 08-13-2005, 09:47 AM
Parent: #27
| Quote: لكن السلم دا بشرى ! |
سِلّم بشري راقي .. وديمة عالي وسالم
يسلم من شرور الناس ومن كل ظالم
من غير صورة واضح حسنو ربّنا عالِم
والعجب الشعور والزوق وطبعو الحالم
|
Post: #64
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-14-2005, 11:24 AM
Parent: #30
Quote: سِلّم بشري راقي .. وديمة عالي وسالم
يسلم من شرور الناس ومن كل ظالم
من غير صورة واضح حسنو ربّنا عالِم
والعجب الشعور والزوق وطبعو الحالم |
تسلم ود عقيد انشاء الله ماتشوف شر
ياحلو اللهيج ياعاقد السكر
رأسى كبر شديد الليلة بيتكسر
حلوات البنات فى بلدى زى كستر
|
Post: #62
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-14-2005, 09:01 AM
Parent: #27
| Quote: لكن السلم دا بشرى ! |
اهاااااااااااااا
انا زى الوقع لى كده ياستو!!!
|
Post: #28
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نهال كرار
Date: 08-13-2005, 09:22 AM
Parent: #1
العزيزة نادية
تحياتي
والله قريت كلمات الغنية وقعدت أضحك
أكيد حتكون مقتنعة وعارفه انو تملق زي دا حيجيب ليها نتائج كويسه جدا
تخريمة : على قولة ست البنات يعني مانخت صورنا ولا شنو يانادية
|
Post: #29
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ناذر محمد الخليفة
Date: 08-13-2005, 09:26 AM
Parent: #28
نهال كيفك ....
والله شفتك هنا وحبيت أخش أسلم عليك ..
نعلك طيبة ؟
|
Post: #66
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-14-2005, 12:50 PM
Parent: #28
نهال الضلامية العسل
| Quote: أكيد حتكون مقتنعة وعارفه انو تملق زي دا حيجيب ليها نتائج كويسه جدا |
والله معنى كده تكون كسبت دبورة من الاغنية دى !!!
| Quote: تخريمة : على قولة ست البنات يعني مانخت صورنا ولا شنو يانادية |
يازولة انتى وست البنات بتاعين حركات ساى ومادايرات تختو صوركم رفقا بالمكاسير (ممكن تكون جمع مكسر )
وخوفا من العين برضو !!
|
Post: #32
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ست البنات
Date: 08-13-2005, 10:14 AM
Parent: #1
تسلم يا عقيد
البى دراية مكمل
كملت الشعر
سويتلو منجم ومعمل
كلماتك رصينة
تخلى الخلوق تتأمل
ان فت المنابر
الليلة بس
شن نعمل ?
ست البنات .
|
Post: #34
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Abulbasha
Date: 08-13-2005, 12:05 PM
Parent: #32
سلام عليك يانادية من الخرطوم بحري
وحاليا أنا في مقهي نت في شارعكم وكنت قبلها مع حاج عثمان مختار وكلهم بخير بس أرسلي الأقراص بتاعتو اللي خلصت
أما عن جياشه ووب عليكي .. فهذه ياستي من سنة حفروا البحر
حاليا الموضة أغنية في الحفلات وتتحدث عن الراحل عوض دكام .. ولكن في سياق الأغنية فقط .. ومش عن شخصيته - الله يرحمه ويحسن إليه
كلااااااام يا عوض دكام
السيرة لي قدام ياعوض دكام
والحفلة الليلة تمام ياعوض دكام
مدني بس ساعتين ياعوض دكام
وسندة في الكاملين ياعوض دكام
والعسل قدام ياعوض دكام
إلي آخرها
وشايف عمرو عامل لينا بيها خوتة في البيت عندما يعود من الجامعة
تحياتي
|
Post: #70
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-14-2005, 03:48 PM
Parent: #34
صلاح الباشا سلام من القاهرة
وشكرا كتير لانك طمنتنى على الوالد ياغالى
Quote: كلااااااام يا عوض دكام
السيرة لي قدام ياعوض دكام
والحفلة الليلة تمام ياعوض دكام
مدني بس ساعتين ياعوض دكام
وسندة في الكاملين ياعوض دكام
والعسل قدام ياعوض دكام |
كلام ياود الباشا !!!
والتحية لمدنى الجمال
|
Post: #68
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-14-2005, 03:28 PM
Parent: #32
تسلم يا عقيد
البى دراية مكمل
Quote: كملت الشعر
سويتلو منجم ومعمل
كلماتك رصينة
تخلى الخلوق تتأمل
ان فت المنابر
الليلة بس
شن نعمل ? |
تسلمى برضو ياست البنات الغالية
ياالزينة ورزينة ونجمة تبرق عالية
مهمومة ببلادك وبالقضية مبالية
وحاشاك ماك ثقيلة ولاك بت متعالية
|
Post: #75
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Abdulla Ageed
Date: 08-15-2005, 07:49 AM
Parent: #32
ست البنات..
السمحة يا ست البنات
يا ستنا .. يا ستنا
صابر معاك
صبرا طويل
كاتم العليْ
أصلو العليْ ما مرّ يوم بخيال بشر
إن قلتي قيس
والله قيس بالنسبة لي
لا ضاق عزاب لا شاف ألم
لا قاسا مُر
***
من كم سنة؟
يا ستنا؟
من كم سنة؟
ما قلتي لي
أخبارك أيه؟
مالك مشيت من حيّنا؟
ولا جيتي مارّة علينا يوم
زرتينا يا جارة الهنا
ولا قلتي يوم
أسأل عليهو
الزول قريبنا ومننا
***
مخلوقة إنتي تعيشي فوق
وتكوني فوق
ما جنبنا
ما.. ست سماحة
وست جمال
ما.. زي بناتنا
وزيّنا
تعبانة ليه؟
ما تسألي
مجبور عليك أسأل
أنا.
مع كل التقدير والاحترام
لا أعرف شاهر هذه الأغنية ولكنها للفنان الرائيع العطبراوي
|
Post: #36
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ALGARADABI
Date: 08-13-2005, 03:30 PM
Parent: #1
الأخت نادية عثمان
كل يوم NEW LOOK
والله بالطريقة دى يوم تكتولى ليك زول.....
على العموم عينا بارده...
| Quote: ده الحارب يوسف كوة |
بالله أبعدى من الموضوعات البتدخل التابوت دى..
لأنو لو توبتوك ..البورد حا يقفلو...
|
Post: #76
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-15-2005, 08:12 AM
Parent: #36
العزيز القردابى
Quote: الأخت نادية عثمان
كل يوم NEW LOOK
والله بالطريقة دى يوم تكتولى ليك زول.....
على العموم عينا بارده... |
بالنسبة للنيو لوك..والله لامتعمد ولاحاجة..كل الحكاية انى حاسة انى هنا مع سودانيين بحبهم وبعرفهم ومفروض يعرفونى برضو شكلا وموضوعا ..وياريت انت زاتك تخت صورتك كمان
Quote: بالله أبعدى من الموضوعات البتدخل التابوت دى..
لأنو لو توبتوك ..البورد حا يقفلو... |
لا خلاص ..الحمد لله التوابيت كلها اطلق سراح موتاها ودى كانت مرحلة وعدت ..
|
Post: #37
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: hanadi yousif
Date: 08-13-2005, 03:49 PM
Parent: #1
الاخت نادية
تحياتي واحترامي
في واحدة بتقول :
الكاكي لون جميل ياناس لبسوه حمير
لكن معليش ياحليل الجيش
الجيش دا زمان ياناس
جرى جرى ود المراة
لابس كاي وجرى جرى
والكاكي ما كاكي جرى جرى
هل العسكر الذين تربو في الجيش الوطني بيجروا؟ ام الجروا ديل ناس كشوهم من السوق ؟
|
Post: #39
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: مجدي شبندر
Date: 08-13-2005, 04:58 PM
Parent: #37
نادية واللة ما عرفتك
تاني الجيش والعساكر
عموما قانون المصنفات الفنية القادم (أي اغنية ولا شعر فية كلمة عساكر ولا جيش حا ................ما عارف لكن حيتعب.
انتي عارفة ناس الجيش لما يكون عندهم جكة بغنو شنو
(عليك النبي كان تجري التوب الدنيا صقط خلي عندك زوق )
(الدنيا كوارع جو جو والعيش في الشارع جو جو )
وبعد شوية يقوم واحد يكورك (ورررررررررررررررررررررر).
طبعا عشان ما يفهمو دايما بقولو نصوص لا تغني ولا تسمن من فهم .
هسة عليك اللة فهمتي حاجة.
تاني ما تكرريها
|
Post: #81
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-15-2005, 09:50 AM
Parent: #39
مجدى شبندر
هو شنو المااكررها ؟!!
اول شئ انت متورط لانو اسمك موجود فى الاغنية ..تعال ورينا حيثياتك شنو ؟!!
|
Post: #40
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: الملك
Date: 08-13-2005, 05:01 PM
Parent: #37
انا ماشة الرئاسة..دى مكانة حساسة..احب الامن كلو ..بوليس ..سجون ..جياشة !!
جياشة
جياشة
اوب على انا
جياشة
والجيش
نقلوا
فتاشة
اوب على انا
ده جيشنا جيش القوة اوب على انا
دخل الجبال جوة
اوب على انا
دخل الجبال جوة
ده الحارب يوسف كوة
ياعينى انا
ماعرفو
ماعرفوا
اوب على انا
ماعرفو
دبورى
بى طايقتو
اوب على انا
انا ماشة الرئاسة
اوب على انا
دى مكانة حساسة
اوب على انا
احب الامن كلو
بوليس
سجون
جياشة
اوب على انا
بالأخضر
بالاخضر
اوب على انا
بالاخضر
الجيش نقلوه المعسكر
اوب على انا
ماعرفو
ماعرفو
ده مجدى فى دوريتو
اوب على انا
برى
برى
برى
باللبنى
باللبنى
ياعينيا
حبيب نقلو ود مدنى
اوب على انا
جياشة
جياشة
اوب على
انا
جياشة
والجيش
نقلو فتاشة
اوب علينا
.....
.....
اها رايكم شنو
بالصوت كمان
.....
.....
نادية الحساب كتر
واللا اقوليك ....ما بيناتنا
|
Post: #42
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: محمد حسن العمدة
Date: 08-13-2005, 06:31 PM
Parent: #40
**** والكلام ده بزعل اهلنا النوبة وخصوصا اختنا العزيزة نور تاور وليك سلام .
*******
نادية سلامات تصدقي انا شايف العنوان وما خشيت قلت نادية دي قلبت ولا شنو ؟؟؟
والله يا هشام سبقتني نور فعلا مهمومة بقضايا اهلها العادلة لكن ما بتزعل من نادية عثمان لانو نور انسانة مثقفة وعاقلة جدا ودا البخلينا كل يوم نحترما مع انو انا شخصيا مقصر معاها وهي عارفة واتمنى انها تكون متفهمة وربنا يرجعا المنبر كما كانت كانت في سفر ما عارف رجعت واستقرت ولا لسه
انتي يا نادية كل صورة بشكل ولا شنو
|
Post: #45
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Ali Alhalawi
Date: 08-14-2005, 00:06 AM
Parent: #42
الأخت الظريفة نادية .. ســـــلام
هذا اللقاء من صحيفة الرأى العام السودانية
أتمنى ألا يكون خارج الجو العام للبوست
حنان بلوبلو ترفض وصف غنائها بالهابط
الرقص هوايتى: ما فى زول بغنى زى الصنم..!
حاورتها: ماجدة حسن
وصفها كمال ترباس بأنها الفنانة الاستعراضية التى لم ينجب السودان مثلها. واشاد بها الفنان الكبير محمد وردى، وخاصة جمعها بين الرقص والغناء.
ومثل الكثيرات من رائدات الفن السودانى، لم تجد حنان بلوبلو طريقها إلى النجاح سالكا . فقد كان عليها ان تغالب الظروف غير المواتية لعشرين عاماً من أجل أن تحقق الرغبة التى لازمتها منذ الصغر، أن تكون فنانة. أن تحقق ذاتها. وأن تجد الاعتراف من المجتمع بدورها ورسالتها كمبدعة، فى قاعدة واسعة من جمهور المعجبين.. على مشارف العقد الثالث من عمرها الفنى، المديد باذن الله، تلقى حنان بلوبلو، عبر الحوار التالى، ضوءاً على مسيرتها الفنية، وآفاقها..
* بداية نريد أن نعرف متى إتجهت للغناء واول حفل ظهرت فيه وأول أجر لك..
- بدايتى كانت مع جنة الأطفال عبر الاناشيد ومن ثم إنتقلت إلى مركز شباب امدرمان عام 86 وبعد ذلك إتجهت للغناء فى الاعراس والمناسبات وأول شريط قمت بتسجيله كان «حمادة دا» وفى ذلك الزمن لم تكن شركات الانتاج متوافرة لذا طلبت منى شركة سارة تسجيله لها وكانت الاشرطة تسجل من المناسبات، كما شاركت فى العديد من الحفلات فى الحدائق ودور السينما، كما غنيت فى الاقاليم وأول أجر تلقيته كان عشرة آلاف جنيه سنة 86.
* لا شك أن هناك العديد من الصعوبات التى واجهتك نريد أن نقف معك على أطرف واحرج موقف مرَّ بك..؟
- أهم المشاكل التى واجهتني هى عدم موافقة أهلى على غنائى .. فمنذ الصغر كنت أحلم بأن أكون فنانة وأصررت على ما أريد.. والمواقف المحرجة التى واجهتها كثيرة خصوصاً وان الفن في تلك الفترة كان مرتبطاً بالاستعراض، لذا واجهت بعض المشاكل ففكرة أن تغنى البنت فى المسارح والحدائق كانت مرفوضة.
* من من الفنانين تعاونوا معك وتأثرت بهم؟
- في البداية وقف معى الفنان كمال ترباس الذى يعتبر بمثابة اب للاسرة وكانت له وقفة قوية واضحة خلال مسيرتى الغنائية، كما وقفت معي العديد من الاقلام التى ساعدتنى حتى أحقق النجاح كما ان جميع الفنانين لم يقصروا معى وكانت لهم مواقف جيدة تجاهى.
* إشتهرت بلوبلو بغناء البنات لماذ لم تتجهى لأغانى أكبر وهل هناك شعراء معروفون يكتبون لك و هل يوجد ملحنون..؟
-يظهر عليها الانفعال وتقول انا ظهرت منذ البداية بغناء البنات وهذا لا يعنى انى لا يمكن أن أغنى أغانى أكبر او يكون لى شعراء وملحنون كتب لى المرحوم عوض جبريل (لى ايام ما بيلاقينى) واسامة بريش (مرة زورنا) والتيجانى حاج موسى (خلاص سيبنى وانسانى) وعبد اللطيف خضر (تتغابى فينا العرفة).
- مقاطعة- رغم ما ذكرت.. لكنه لا يعدو كونها أغاني بنات حتي من اسمائها..
-يزداد انفعالها.. (لى ايام ما بيلاقينى) مسجلة بالاذاعة كعمل كبير..
* لماذا لا تسجل لك الاذاعة الآن.. هل هناك ما يمنع؟
لم أسجل عبر الاذاعة لان الاغانى العاطفية كانت موقوفة (بحدة) الاذاعة ما عندها معاى اىة مشكلة.. وصوتى مجاز ومن حقى كمواطنة سودانية صوتها مجاز أن تسجل لى.
* بلو بلو إشتهرت بالرقص فهل أنت راقصة أم مغنية..؟
- أنا في الأصل مغنية.. وسبب شهرتى ليس الرقص لان الكاسيت ليس به رقص والكاسيت هو سبب شهرتى الحقيقىة ورغم ذلك تركت الرقص، ولا زلت ومنذ سنين شغلت بالبيت والاولاد وتركت الرقص فظروفي الحالية تختلف عن السالف كنت أقابل الشعراء والملحنين أم الآن فلا أعرف ما يدور في مجال الرقص..
* هل هناك اسباب وراء الرقص..؟
- بانفعال- انا في الاصل كنت علامة عرائس والآن لو جاءتني عروس سوف اعلمها فالرقص هوايتى ولا أظن فى ذلك عيب وتركته الآن لأن توجه البلاد لا يسمح به، كما أن لى اولاداً وبنات أصبحوا كباراً وفى مثل ظروفى هذه فان ذلك سيعتبر طيشاً.
* لماذا إخترت الجمع بين الرقص والغناء دائماً..؟
-تأخذ نفساً عميقاً... أنا ظروفى «جات كده» وهذا ما رأيته.. عبر التلفزيونات والفضائيات فالجمع بين الرقص والغناء فن و«ما فى زول بيغنى زى الصنم» تنفعل.. ما حنان براها كل العالم برقص وبغنى واحياناً الناس لا يفهمون الغناء وإنما تحركهم الموسيقى والايقاع فيرقصون.
*هل هناك رقصات معينة كنت تؤديها ومن هو مصممها..؟
- أولاً انا أصمم رقصاتى بنفسى ولا أحد يساعدنى لأن الرقص في الاصل موهبة.. والاغانى التى أؤديها هى دائماً اغانى راقصة وهو الرقص المعروف في البلد، التم تم والسيرة وكلها رقصات معروفة..
* كيف كانت استجابة المجتمع لرقص وغناء حنان بلوبلو؟
- وجدت قبولاً كبيراً من الجمهور.. مما جعلني أتقدم أكثر وأكثر رغم الصعوبات والموانع التى قابلتها.. إلاًّ ان التجاوب الكبير انسانى كل شئ وكنت عندما أضع شيئاً فى رأسى أقوم بتنفيذه ورغم صغر سنى فعلت ما أريد.. فأنا كما قلت بدأت من العاشرة ولم أتقاعس حتى وصلت إلى ما اريد. ولم اخف من أىة تجربة..
* أين انت من تجربة البلابل..؟
- أنا اختلف كثيراً عن البلابل لأني أميل الى غناء البنات واحب غناء البنات والمستمع عرفنى بأغاني البنات فعندما أغنى أغانى كبيرة يقابلها الجمهور ببرود لأنهم لا يريدون ذلك، وما أن انتقل إلى اغاني التم تم حتى يعودوا للتجاوب معى.. وليس من السهل أن أنقل الناس وأغير فكرتهم عن أغنياتى.
*لماذا لم تتأثرى بما يجرى بساحة الغناء وتغنى أغانى الفنانين؟
- الاغانى الخفيفة مطلوبة وكذلك الايقاع السريع ونحن فى عصر السرعة وانا أستمع الى أغاني الفنانين الكبار وأحبها ولا أغنيها حتي لا اشوهها كما يحدث الآن ويستحسن أن اكون حيث انا واغني اغانى البنات.
* ما هى اكثر اشرطتك نجاحاً..؟
- (حمادة دا) و(حب العنب) وأنا أعتبر جميع اشرطتى ناجحة ومرغوبة.. لأن اغاني البنات خفيفة وسريعة ومطلوبة جداً.
* هل لك تجربة فى تأليف الأغانى مثل الفلاتية مثلا..؟
- وترد بثقة أنا أؤلف أغانى وأشهرها «يمه زولي ما جا» واستطيع التأليف أثناء اللحن وذلك بإدخال بعض الجمل وعادة أزيد والزيادة فى أغانى البنات شئ عادى ولكنى لم أجرب التلحين ولكن التأليف دخلته.
* من من الفنانات فى الساحة لفت نظرك.. ؟
- تبتسم - الساحة مليئة بالمغنيات وكل واحدة لها قاعدتها وجمهورها واسلوبها.
* هل يمكن ان نقول أن بينكن تعاوناً..؟
- نعم نحن نتعاون وهناك تعاون كبير بيننا فعندما نجلس سوية كل واحدة تسهم بكلمة إلى أن تكتمل أغنية ونعطيها لأحسن من تؤديها أو تطلبها..
* من من الفنانات لفتت إنتباهك؟
- سميرة دنيا.. صوتها قوى جداً وهذه حقيقة لا أنكرها فدائماً تذكرنى بعائشة الفلاتية والفن الأصيل، فسميرة «بإعجاب» اجادت أغانى الفنانين عندما أدتها بصوتها. وعلى العموم جميعهن اخواتى وصديقاتى واتمنى لهن التوفيق.
* خلال عشرين عاماً لم تشاركى فى حفلات بالخارج لماذا..؟
بالعكس.. انا شاركت كثيراً بالخارج بواسطة المتعهدين وأحييت العديد من الحفلات الخارجية ولى جمهور وقاعدة بالخارج «كويسة جداً».
* انت مقلة فى الظهور في التلفزيون لحد الغياب.. لماذا..؟
- تجلس بانتباه.. في الحقيقة ليست لدى أىة مشاكل مع التلفزيون وفى وقت قريب سجلت لتلفزيون ولاية الخرطوم وكثيراً ما يستضيفنى ولكن لا أدرى لماذا يقاطعنى التلفزيون القومى..
* رغم ما تدافعين به عن نفسك إلاَّ ان غناءك يوصف دائماً بالهابط..
- هابط -باستغراب- «حنانة» «ود الغرب» و«الجيش سلاح» دى فيها شنو..؟ وأنا لا أراه هابطاً .. والآن انا اسمع اغانى أستاء منها وانا كنت أعبر «بوصفات» من المجتمع ونداءات ليس فيها عيب.
*رغم وصفه بالهابط إلا أن الناس يقبلون عليه بكثرة.. ما رأىك؟
- لانهم يميلون للأعمال الخفيفة وهذه الأغانى تمتاز بالخفة والايقاع السريع مطلوب..
*تجربة الثنائيات ماذا أضافت لك..؟
سجلت مع محمود عبد العزيز وفرفور وقدورة وهذه ثنائية عبر الشريط لأنى لا اقابلهم أنما تطلبنى الشركة لاسجل بصوتى فقط، كل فنان يسجل لوحده وتقوم الشركة بالباقى، على العموم التسجيل معهم كان شيئاً جميلاً وإستفدت منه كثيراً ولن أندم عليه.
* هل لديك جديد الآن..؟
- الآن الغناء موجود ومن المفترض تقديمه للجمهور منذ رمضان الماضى ولكن لظروف خاصة توقفت لكن سوف أباشر العمل وقريباً سوف يرى النور
|
Post: #92
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-16-2005, 09:01 AM
Parent: #45
الاكرم على الحلاوى
تسلم على ايراد الحوار الهام
وتسلم اكتر على المرور الباهى
تسلم من كل شر
|
Post: #90
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-16-2005, 07:27 AM
Parent: #42
ود العمدة العمدة
نور تاور زى ماقلت زولة عاقلة ومابتهتم للكلام الساى ده !!
دى اغنية ويوسف كوة كان قضية بى حالها ..!
| Quote: انتي يا نادية كل صورة بشكل ولا شنو |
عشان مانعمل ليكم وجع وش بس !!
وانت صورتك ويييين؟
|
Post: #91
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-16-2005, 07:27 AM
Parent: #42
حذف للتكرار
|
Post: #86
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-16-2005, 06:45 AM
Parent: #40
Quote: نادية الحساب كتر
واللا اقوليك ....ما بيناتنا |
طبعا مابينا ياملك بالجد جد !!
|
Post: #96
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: محمد حسن العمدة
Date: 08-16-2005, 09:26 AM
Parent: #86
| Quote: وانت صورتك ويييين؟ |
موش كفاية قمر واحد يا نادية ؟؟؟
ولا عاوزانا نصقع الامة دي
|
Post: #99
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-16-2005, 05:56 PM
Parent: #96
محمد حسن العمدة
Quote: موش كفاية قمر واحد يا نادية ؟؟؟
ولا عاوزانا نصقع الامة دي |
انت خايف على الامة .. ولاخايف يسحروك ؟!!
|
Post: #87
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-16-2005, 06:45 AM
Parent: #40
Quote: نادية الحساب كتر
واللا اقوليك ....ما بيناتنا |
طبعا مابينا ياملك بالجد جد !!
|
Post: #78
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-15-2005, 09:05 AM
Parent: #37
الغالية هنادى يوسف
Quote: الكاكي لون جميل ياناس لبسوه حمير
لكن معليش ياحليل الجيش
الجيش دا زمان ياناس
جرى جرى ود المراة
لابس كاي وجرى جرى
والكاكي ما كاكي جرى جرى |
عارفة ..انا كنت بزعل جدا من حكاية الكاكى جميل لابسينو حمير دى !! لانو فيها ظلم والله لعساكر كتير شرفاء قدموا حياتهم فداء للوطن الجميل ده..
| Quote: هل العسكر الذين تربو في الجيش الوطني بيجروا؟ ام الجروا ديل ناس كشوهم من السوق ؟ |
يكونوا ديل قوات الاحتياطى المركزى بيفرقوا فى مظاهرات ولاحاجة !!
|
Post: #44
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Agab
Date: 08-13-2005, 11:45 PM
Parent: #1
Quote: الأخت نادية عثمان
كل يوم NEW LOOK
والله بالطريقة دى يوم تكتولى ليك زول.....
على العموم عينا بارده... |
أنا ذاتـــــــــــــــــي عيني باردة
بخصوص الجياشة
ما ظنيت إنو هاجركباشي عارفة أي حاجة
ومعظم غنا البنات ده بيكون بالقافية ساي
وقالو أمو مافيشة
معزومة جبنة بشيشة
لك ودي
وليد العجب
|
Post: #46
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: عبدالرحمن عبدالله أبوشيبة
Date: 08-14-2005, 00:47 AM
Parent: #44
الاستاذه الرائعة / نادية
لك التحية باعتباري متداخل جديد لنج ،، أولاً تناولك لهذا الموضوع فيه الكثير من الأريحية للبورداب يعني بالعربي فيه متنفس لحالات الاحتقان السياسي ،، ومثل هذا النوع من الغناء (البناتي) قديم من زمن مهيرة بس ما كان في ناس أمن زي الوقت الراهن ثم جاءت المبدعة الراحلة عائشة الفلاتية التي لم تكتفي بأداء الغناء الحماسي الذي يشجع المقاتلين في الحفلات والأماكن العامة بل ذهب بها الحماس لأن تذهب إلى جبهات القتال في كرن لبث الحماس في نفوس المقاتلين الأشاوس ( يجو عايدين انشا الله عيدين يا الله والفتحو كرن بينين ياالله) ( الله ليا الليمون سقايتو عليا ياحاجه لا )
|
Post: #102
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-18-2005, 06:21 AM
Parent: #46
الاكرم عبد الرحمن عبد الله ابو شيبة
اهلا بيك ونورت المنبر
| Quote: ومثل هذا النوع من الغناء (البناتي) قديم من زمن مهيرة بس ما كان في ناس أمن زي الوقت الراهن ثم جاءت المبدعة الراحلة عائشة الفلاتية التي لم تكتفي بأداء الغناء الحماسي الذي يشجع المقاتلين في الحفلات والأماكن العامة بل ذهب بها الحماس لأن تذهب إلى جبهات القتال في كرن لبث الحماس في نفوس المقاتلين الأشاوس ( يجو عايدين انشا الله عيدين يا الله والفتحو كرن بينين ياالله) ( الله ليا الليمون سقايتو عليا ياحاجه لا ) |
معنى الكلام ده انو هاجر كباشى براءة ياجماعة
الزولة جات لقت اغنية بغنوها الناس للجيش الزمااااااااااااااان .. وفى ناس بس عملوا ليها شوية تغييرات تواكب المرحلة الراهنة ، والمستجدات الحالية ..
|
Post: #100
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-17-2005, 07:44 PM
Parent: #44
Quote: وقالو أمو مافيشة
معزومة جبنة بشيشة |
وليد العجب اهلا بالمرور
وقالوا امو نضامة
بريدها واريد كلامها ..
|
Post: #47
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Nour Kamil
Date: 08-14-2005, 01:16 AM
Parent: #1
العزيزه الغاليه ناديه
| Quote: النبق النبق النبق .. |
دي كانت في الشريط ؟ 
العاجبني انك داخله في اي لون و بيليق عليكي
اتخيلتك بتغنيهاو بترقصيها ( ما تفهموها غلط )
Quote: وبعدين يا نادية ، الصورة جميلة جدا !
يعنى نحنا ما نخت صورنا ولا شنو ?? |
ناديه كسرتنا كلام و صوره يله ورونا المنافسه
و انا بصراااااااااااااااااااحه و الله مكسر فيها
تحياتي واحترامي
نور
|
Post: #104
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-18-2005, 06:58 AM
Parent: #47
نور كامل
ايوة النبق كانت فى الشريط النسخة التانية !!!
مامصدقنى اسمعو!!
|
Post: #48
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: samwal ebrahiem
Date: 08-14-2005, 01:54 AM
Parent: #1
الشاعرة المبدعة : نادية
اغاني البنات بصورة عامة من المواضيع التي تستحق المناقشة
والدراسة ، سوف اتحدث عن اغنية جياشة من حيث التأليف
نلاحظ في عديد من اشرطة الكاسيت وجود كلمة تراث تحت اسم اغنية
معينة كما شاع ان كل اغنية لا يعرف شاعرها تدرج تحت مسمي التراث
ونجد ان معظم اغنيات البنات بصفة خاصة لايعرف لها شاعرا فهل معاني ذلك انها
تندرج تحت اغنيات التراث ، نجد ان اغاني التراث تقيم كعنصر ثقافة ترتبط بالمجتمع او كائن في بيئة معينة يلتحم في مادة الشعب فيخرج اغنية شعبية معني ذلك ان الاغنية الشعبية
هي التي ترتبط بثقافة الشعب ، استنادا علي هذه القاعدة يمكن ان ان نقول بان اغنية جياشة بالرغم من عدم معرفة شاعرها لا يمكن ان ندرجها تحت الغناء الشعبي بل نجد ان معظم اغاني البنات لا تنتمي الي الغناء الشعبي لان كل ناس يتغنون بما يعنيهم وكل يغني حسب هواه والدليل علي ذلك
اغنية جياشة تمدح الجيش والامن بل وتصرح بالحب لافراد الامن(احب الامن كلو) وهناك من يذم الجيش وهناك من لايحب افراد الامن اذن لم تعبر عنهم وحتي تكون شعبية يجب ان تعبر عن الكل
|
Post: #106
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-18-2005, 10:00 AM
Parent: #48
سمؤل ابراهيم الغالى
لك التحية على هذه المداخلة الثرة الهامة والمفيدة
ياباشا انت وين مسجل غياب ياشاعرنا النبيل..
|
Post: #50
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: محارب
Date: 08-14-2005, 03:24 AM
Parent: #1
اصمان برو سري ناقنا
بالله تكن (جيشك ) ظلمي من
باقي اي (جيشك) سرن انجدي
تر يا قنيك خربتكتكن
الا لاكين غالبية سرنجي , وطنجي , سياسر اهتمامقي كومنا
خيرو برو
|
Post: #107
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-18-2005, 12:03 PM
Parent: #50
محارب العزيز
ابو جوان الحلوة
تسلم كتييييييييييير على المرور الباهى ياود بلدى الغالية
|
Post: #51
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ست البنات
Date: 08-14-2005, 04:12 AM
Parent: #1
(انا لاحظت حاجة فيك
انك مرات بترمى الكلام زى الطوب كده وعشان كده فى ناس فى المنبر بيزهجو من مداخلاتك )
نادية سلام يالحبيبة ومشتاقين والله ،
المقتطع ده للتوثيق ساكت !
والله هاجر كباشى صوتها جميل ومبالغة ! ( بعيدا عن كلمات الأغنية )
وعلى ذكر المرحومة عائشة الفلاتية :
الله ليى الليمون
سلامة برية يا حاجة لا
الله ليى يا هتلر الألمانى
الله ليى موسيلينى يا الأيطالى
الله ليى كان تضرب السودانى
تطلع قرش برانى ما يسير هنا
الله ليى موسيلينى قالوا أسير
الله ليى ربطوهو بالجنزير
الله ليى ختوهو فى الراكوبة
وتقرصو الباعوضة ما يحكها
الله ليى جاهل صغير وحمامة
الله ليى يوم لبسو الكمامة
الله ليى ودوهو خشم القربة
يا الله عودة سلامة للعاصمة
الله ليى فى البحر غواصات
الله ليى فى البر دبابات
الله ليى
فى البحر غواصات
فى البر دبابات مجنزرة
الله ليى طيارة جات بى فوق
الله ليى شايلة القنابل روق
الله ليى جات تضرب الخرطوم
كتلت حمار كلتوم ست اللبن
الله ليى الليمون
سقايتو عليى يا حاجة لا
---
ست البنات .
|
Post: #52
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: saif massad ali
Date: 08-14-2005, 04:36 AM
Parent: #51
الكلام الزي الطوب ده يا ست البنات دي الحقائق التي لم نتعود علي سماعها حتي ضاعت بلد بأكملها اصبحت انت طريدة وانا مثلك ومليون طفل سوداني مولودون بالخارج , وعلي فكره لكل منا منهاج في مخاطبة الاخرين
|
Post: #108
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: قاسم المهداوى
Date: 08-18-2005, 02:16 PM
Parent: #52
الأخت نادية عثمان
كل يوم NEW LOOK
والله بالطريقة دى يوم تكتولى ليك زول.....
|
Post: #113
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-19-2005, 08:24 AM
Parent: #108
ود المهداوى
انشاء الله مايموت زول بسببى ابدا فى الدنيا دى !!
دى شنو سيرة الموت دى ياااااااااااخ ؟!!
|
Post: #109
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: قاسم المهداوى
Date: 08-18-2005, 02:20 PM
Parent: #52
Quote: الأخت نادية عثمان
كل يوم NEW LOOK
والله بالطريقة دى يوم تكتولى ليك زول..... |
|
Post: #112
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-19-2005, 08:08 AM
Parent: #52
سيف مساعد الرجل الطيب
هنا الزعل مرفووووووع
وستو بتهظر معاك ساى !!
|
Post: #111
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-19-2005, 07:14 AM
Parent: #51
| Quote: والله هاجر كباشى صوتها جميل ومبالغة ! ( بعيدا عن كلمات الأغنية ) |
صدقتى هاجر صوتها جميل بغض النظر عن الاغنية ..
|
Post: #53
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ست البنات
Date: 08-14-2005, 04:57 AM
Parent: #1
أخى سيف مساعد سلام ،
أنها فقط مزحة !
وأرجو أن يتسع صدرك لها !
ولم أقصد أن أزعلك أو أحول البوست الظريف دا الجانا فى زمن الغم الى غم !
وممكن أمسح كلامى لو ضايقك ...وأعتذر .ونحنا فعلا مشردين ومقطوعين وعيننا طالعة فى الغربة اللعينة دى ، فتعالوا نبقى أخوان !
ست البنات .
|
Post: #54
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: قاسم المهداوى
Date: 08-14-2005, 05:35 AM
Parent: #53
يا عسوله ....... طيف القوس و............الوان
ناديه يا ندويه..............
قاسم
|
Post: #55
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: بدرالدين كاجوري
Date: 08-14-2005, 05:57 AM
Parent: #1
هاجر فنانة موهوبةولكن لم توفق في حارب يوسف كوة لانهاببساطة ماعارفة من هو يوسف المناضل الجسور المقاتل الصلب اما التانية ندي القلعة غني وكلمات وشعرا وحلاوة وجيها وانا كان عرست مابجيبة عشان ما تمسخ علي العروسةاغاني البنات اغاني معبرة ودة تراثنا ونحن نفتخر بة وهو لونية خاصة بنا وليست هابطة كما هناك غني الحماسة والحقيبة الطمبور والنقارة الخ..وهناك مثلا دي كدي صنفوها لي يعني علي وزن اغنية الحب الطاهر
الجوع الكافر بي ورا الافران انا وحدي بدافر
والجوع علي بطني ياحبايب ظاهر
هووى اسبابي الجوع الكافر
لو عايز تشبع ويبقي عيشك وافر
بس قوم النجمة وزي حرامي تدافر
طويلة ولكن نكتفي واوعي تقولوا حلمنتيش
لانها عبر عن ازمة الدقيق في السودان
|
Post: #58
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: mazin mustafa
Date: 08-14-2005, 07:11 AM
Parent: #55
يا جماعة سؤال برة الموضوع...
حاولت انزل اغنية مع البوست لكن تحميل الاغاني التحت دا ما بيحمل اي حاجة..السؤال عن تحميل الاغاني في البورد..كيف يا اخوانا؟؟؟
|
Post: #57
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: almulaomar
Date: 08-14-2005, 07:06 AM
Parent: #1
الموضوع شيق والعنوان رائع حد الدهشة وملئ بالحس الصحفي والإثارة الإعلامية على شاكلة لا تقرأ هذا الخبر.
إبتداء فلتسمح لي كاتبة المقال أولا تسمح بأن أخرج عن الموضوع ممارساً هوايتي المفضلة بأن أكتب في الهامش أو أترك الحمار وأتشعبط بالبردعة كما ذكر في زمان سابق أخونا الدكتور أبكر آدم إسماعيل وهو ما صنفه بعض أهل الخبرة والعلم بما يعرف بالتفرع الشجري ، أو التنطيط مثل حملان الخريف.
لست ناقداً ولا باحثاً فكلاهما فضل لا أدعيه وإن كنت أتمناه وأعجز عن الوصول إليه بعد أن أخذت أم أحمد وإخوته قسمتهم كاملة غير منقوصة في ثروتي وسلطتي وأنا على قيد الحياة فأصبحت لا أملك من الوقت ما يكفيني حتى لأخذ دقسة أو نومة متقطعة تشابه في كثير من جوانبها نوم الديك في الحبل.
أغاني البنات في تقديري المتواضع تنبع من صميم الواقع وهي عادة ما تنتشر بسرعة لسهولتها وبساطتها ومعانيها القريبة والبعيدة وهي تحمل الكثير من البلاغة في معانيها بما تحمله من تورية تقتضيها ظروف المجتمع وما تفرضه العادات والتقاليد من حدود لا يجب تجاوزها ، ولكن برغم هي – أغاني البنات – تمارس تحايلاً خفي على كل الأعراف والتقاليد في المجتمع وتقفز قفزاً مشروعاً فوق كل الحواجز.
ورأي المتواضع أيضاً يضع أغاني البنات ويصنفها في خانة الفن الرائع الجميل لأنها وببساطة تضع الواقع أمامنا بكل تجرد وشفافية وصدق وتخاطب الجميع بلغة بسيطة يصحبها إيقاع وأنغام جميلة تزيد كلمات الأغنية بعداً آخر يجعلها أكثر جاذبية. فإن كان هناك هبوط أو وضاعة في معانيها فهذا مرده للواقع لأنها مرآة تعكس واقع المجتمع.
مصيبتني أن أنعم الله على بداء النسيان فلا أحفظ إلا قليلا ، كنت أسمع أغاني تمجد على سبيل المثال الإغتراب ووضع المغترب وبعد حين من الدهر تدهور فيه الكثير من أحوال المغترب فكانت أن إنقلبت الأغنية من المدح إلى القدح محاكية الواقع المعاش لهذه الشريحة ، والحال كذلك بالنسبة للكثير من الأمور المتأرجحة بين القمة والقاع.
|
Post: #60
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Isa
Date: 08-14-2005, 08:23 AM
Parent: #57
الأخت نادية، والجميع,,, تحية لكم... أولّ حاجة بصراحة أعجبتني مداخلة الأخ العزيز مولانا الملا عمر السابقة!!.. بالنسبة لموضوع بوستك؛؛ في الحقيقة في أغاني كتيرة بتمجد في الجيش السوداني، وأحد الأخوة أيضا أشار للراحلة عشة الفلاتية التي غنت لهم في معسكراتهم،،، ول(جيشنا جيش الهنا!!)؛؛ وطبعا كلنا (تربية دكتاتورية وشمولية وعسكرية)... وعلى ضوء نكتة الأخ ست البنات عن ال (دياشي المستفيد) فالآن أغلب الأمهات تتمنى لو ولدها يطلع ضابط ( وكمان يعمل إنقلاب)،، سبق أن أنزلت أنا قصة للكاتب الراحل زهاء الطاهر بهذا المعنى تتحدث عن أهل أحد الضباط الذين يلومون في أبنهم لأنو ( ما عمل ليهم إنقلاب ليرفع رأسهم بين القبائل!!)... وهناك برضو فنانين كباااار غنوا للجيش وبسالته؛ ولكن ببساطة: هو جيشنا دا من الله خلق الدنيا بحارب في منو؟؟ الإجابة: في السودان والسودانيين،،، سواء كانوا يوسف كوة أو غيره...من جهة تانية: أنا بالنسبة لي كل أغاني البنات التي لا تحمل مضمونا معينا أعتبرها من نوع ( كلام الزبير في الطير) يعني دي ال(ماشة الرئاسة) مثلها مثل: قالوا أمو حنكوشة وبتتكلم بي رموشا الخ... يعني بسمع ليها وتعجبني أحيانا طرافة كلماتها، لكنها لا تحرّك في شي مثل ما تفعل أغاني (وطنية) أخرى مثل ( يا الإصرارك سطرا سطرا ملا كراسك)،، أو أغاني عادية ولكن راقية مثل كل أغاني كبار الفنانين عندنا... لكي الود وربما أعود...
|
Post: #97
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: قاسم المهداوى
Date: 08-16-2005, 04:11 PM
Parent: #60
Quote: الأخت نادية عثمان
كل يوم NEW LOOK
والله بالطريقة دى يوم تكتولى ليك زول..... |
سلام و......
على فكره ....... بيسحروك يا سمحه لو شافو .......
قاسم
|
Post: #98
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: قاسم المهداوى
Date: 08-16-2005, 05:42 PM
Parent: #60
الأخت نادية عثمان
كل يوم NEW LOOK
والله بالطريقة دى يوم تكتولى ليك زول.....
|
Post: #61
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ست البنات
Date: 08-14-2005, 08:45 AM
Parent: #1
يا نادية سلام ،
عقيد عندو نقاشة وسلالم كمان !
وكت يكون عاوز يوصل شئ بس يرفعو فوق والسلم البشرى يوصل !
وبخصوص الجية : والله كييف دايراها ! لكن ينظر ويفاد !
القاهرة ماب تنفات ! فيها نادية ومطر وطلال وكل الناس الجميليين !
وسامعة الموصلى قال جاييى عليكم قريب !
لكن كدى شوية كدى وأرد عليك .
ست البنات .
|
Post: #63
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Abdulla Ageed
Date: 08-14-2005, 11:07 AM
Parent: #61
لسّة
فوق شوية
|
Post: #65
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ala elfaki
Date: 08-14-2005, 11:44 AM
Parent: #1
الاخت نادية سلامات عوافى ..
انا عموما ما عندى راى فى انة الغنا يكون للجيش ولا لغيرة لانة اتخيل لى
الغنا دة قديم وما مربوط بجيش الانقاز وعلى ما اعتقد انها كانت اغانى
يرددها العساكر داخل مراكز تدريبهم ثم انتقلت للشارع العام .. المهم
فى الموضوع انة المدح بصورة عامة ما فيه هبوط للذوق الهبوط بيكون فى
العبارات الواصفة للمدح متبوعة بموسيقى محددة ممكن تؤدى الى (النبق ..
النبق .. او برى .. برى .. برى ) كما عند هاجر كباشى الان واتخيلها الان
مع كل قولة برى هنالك هزة كتف والشباب يصفر .. نمشى قدام شوية ..
غناء البنات عندنا فى السودان مربوط بايقاع زارى (الزار) وبتأليف
يكون حسب الايقاع دة وبرضو بقول انة تأليف وقتى لانة فى زاكرتى غناء
الحكامات فى فترة من الفترات وهو كان امتداد لية غناء البنات الان
يعنى الحكامة كانت كلو ما تشوف واحد واقف وجيب جلابيتو ملان طوالى
بتألف فية مقطع سريع ولو ما لحق دفع بيتحول المقطع من المدح للهجاء
السريع .. لكن البحيرنى انة بعد مرات بتكون فى غنية هابطة جدا فى
كلماتها بعد دة بتلقى الواحد مستمتع شديد بيها دة ما بيعنى انه هو
هابط ولا زوقة تعبان لكن فى ايقاع محدد مع كلام ممكن تضحك فية .. ديل
الاثين بيعملوا مسرحية احيانا قد تستمتع .. وغالبا ما يكون البنات
هسه داخل البوست مستمتعات جدا بالاغنية (بينى وبينك يانادية ما مستمتعة)
اما بالنسبة لانحطاط الاغانى .. دة كلام كتير .. لكن بقول الاتى
انة فى انحطاط عام فى كل شيئ غناء - كورة - صحافة - ثقافة - ......الخ
بالتالى دة بياثر فى الزوق العام ...
نتلاقى تانى
علاء الدين
|
Post: #67
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: nour tawir
Date: 08-14-2005, 03:07 PM
Parent: #65
يا نادية عثمان
ما هى حكومة الجبهة ما كتلت الناس بى بنادق وبس..
ليها مليون نوع من انواع السلاح والاغنية دى واحدة منهم...
مالهم ومال يوسف كوة والراجل عمل العليه وقابل وجه كريم؟
مالهم ومال الناس الكتلوهم ما هو ريحهوم من عذابهم؟
فى شنو تانى؟!
اقل شئ الواحد يقوله فى الاغنية دى انها ساقطة
وخاصة اذا تخيلتى الحفلة والرقيص والعجاجة لى رب السما
والاجسام تتهز..
من المؤخرات الى مقدمات بن خلدون الى اليدين والرجلين
وهم فى حالة طرب ونشوة
يغنوا ويمجدوا فى الاجرام بتاع الجبهة..
ويا ربى نست الاعتداءات الجنسية بتاعة العساكر والامن والجياشة ليه؟
ما دى برضوا اميز صفاتهم البطولية!
قبحهم الله فردا فردا...
وانشا الله هاجر كباشى تموت...
|
Post: #69
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: مجدي شبندر
Date: 08-14-2005, 03:30 PM
Parent: #67
نادية
ما معقول
انا ما بحب الجيش
لكن اسمي مكتوب في الاغنية دي
إية رايكم يا جماعة لو سميناها الملحمة (ما قاصد الجزارة ) ملحمة الجيش
معقول ما في فرق بين هاشم صديق وونص جياشة المامعروف الكتبو منو ,اي زول ممكن يزيد فيهو بيت بيتين .يعني الفنان واحد وكوم بتاع شعراء معقول
تخريمـــــــــــــــة بسيطة
واحد هندي في السعودية داير يقول لي واحد سعودي (يا ود الحرام )ما عرف يعبر, فقام الهندي بي زعلتو دي و قال لية (انت ماما واحد لكن بابا كتييييييييييييير).
يا هو ديل
|
Post: #71
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: almulaomar
Date: 08-15-2005, 00:50 AM
Parent: #67
الأخت نور تاور
أتفق معكي أختي أن جيشنا ليس هو الجيش الذي يجب أن نتغني له وكذلك النظام الحاكم فالحروب الأهلية ليست بطولات والحرب ليس فيها منتصر وأحسب أن كل من يقود أو يدخل حرباً يمكن تفاديها هو مجرم لا بطل ، مجرم في حق نفسه ومبادئه إن كانت له مبادئ وشعبه ووطنه.
الكثير من أغنياتنا هي فقط حشو وقص ولصق تتبعها موسيقى صاخبة تجبرك إما على الفرار أو الرقص على الحبال بطريقة يحسدك عليها أمهر لاعبي السيرك.
إهتزاز الأجسام من مقدمة إبن شيطون إلى مؤخرة السرادق في الحفلات هي شهادة نجاح للعمل الفني أياً كان ففي هذا الهرج والمرج أصدق معاني التفاعل حد تغييب العقل تماماً كما يحدث في حلقات الزار بدستور أولاد ماما أو دستورها الإنتقالي ، الكثير من الأغاني هي فقط لحن وصولات موسيقية وعزف منفرد. فأغنية على شاكلة ما أوردته أختنا نادية عثمان هي أفضل ألف مرة في نظر الكثيرين من أغاني كوكب الشرق و كاظم الساهر أو عبد الكريم الكابلي وماجده الرومي وفيروز
فالذي تطربه كلمات على شاكلة جياشه والجيش نقولو فتاشه بما فيها من دلاليك ومزازيك ربما نجد له العذر في عدم إدراك كلمات أغنية
هل رأى الحب سكاري مثلنا بآهاتها وأناتها وأنفاس مطربتها المتلاحقة متبوعة بصوت النأى والقانون
|
Post: #72
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ست البنات
Date: 08-15-2005, 03:51 AM
Parent: #1
يانادية الظريفة
يا زهرة الليلاك
كملتى الحصافة
أصلو الفهم طبعك
الشبهك منو
مولاى أتقن خلقك
أخجلتى الجمال
سمح الشمائل عندك
ولو صفوك بالدرر
يمكن يقللوا قدرك
ست البنات .
|
Post: #74
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Abdulla Ageed
Date: 08-15-2005, 07:27 AM
Parent: #72
الأخت الكريمة
ست البنات
الرد فوق
|
Post: #73
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: almulaomar
Date: 08-15-2005, 06:17 AM
Parent: #1
الملاحظ هنا أن هذه الشاعرة أو الحكامة قد أغفلت عمداً حرس الصيد وناس السجون والآن ناس الجمارك بإعتبار أنهم عسس وفات عليها حرس الحدود وناس المطافي ، وأجد لها العذر حيث أن حرس الصيد يبيع الصيد والمحميات بحفنة من الدراهم والدنانير والريالات الخليجية وهم يعملون بما يتعلمونه من الخدمة في السلك العسكري والتي من أهم مبادئها حاميها حراميها بما يملكونه من منطق أعوج يري في الرشوة هدية وفي الإبتزاز حق. أها يجوك ناس المطافي وهم أيضاً من أمهر الناس في لعب الضمنه والسيجة بسبب عطالتهم المقنعة ، فقد أقسم أحدهم قسماً غليظاً في مجالس من مجالسنا المهتمة بتوافه الأمور أنه وخلال خدمته في هذا القطاع والتي إمتدت سنوات طوال لم يطفئ كوشة حتى ، ويمكن لهؤلاء النفر من القوم وبما يمتلكونه من خبرات جيدة في لعب السيجة والضمنة أن يمثلوا السودان في المحافل الدولية ويحرزوا لنا ميداليات في هذا المجال إذا فكرت الفيفا في إضافة مثل هذه الألعاب في الأولمبياد القادم.
أكتفي بهذا القدر حتى لا أخرب البوست وأخرجه عن مساره ويقيني بأنني فعلت .
النبق النبق النبق
هي ذات العبارات التي يختتم بها سيد الجردقة مواله وهو ينادي على بضاعته في زمان غابر لم نكن نعرف في شيبس البطل ولا تسالي
|
Post: #77
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ست البنات
Date: 08-15-2005, 08:42 AM
Parent: #1
يا أخوى يا عقيد
مشكور شديد
ما نحنا أخوان لحم ودم
وبرضو أخوان فى الوطن
لو زول فصيح أو زول رطن
مليان حنان ود وشجن
لا لون يفرق لا بدن
وبلدنا زى جنة عدن
خيراتها من كل نوع يجن
بترولنا دافق فى المدن
وحقولنا ناضرة فى كل زمن
ست البنات .
|
Post: #79
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Abdulla Ageed
Date: 08-15-2005, 09:16 AM
Parent: #77
يا لوحة
تحمل في دواخلا
كل لون
يا روعة في كل الصفات
يا شوقنا
لي عنوان جميل
يجمع تفاصيلنا المفرّقة
في الشتات
يا نغمة حانية تذوب
شجن
يا ريدنا
يا حب
يا (وطن)
ذوِّبنا فيك
خلينا نسمو علي الفُتات
جمِّع تفاصيلنا الممحّنة
في سكن
جدرانو تحمل رسمتك
خلينا نشفى من الغُلات
ابقالنا عنوان
يا وطن
وأدينا خاترك
يا وديع
لو شلنا من بستانك الوارف
ورود
نهديها لي.. ست البنات
عبد الله عقيد
|
Post: #80
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Marouf Sanad
Date: 08-15-2005, 09:48 AM
Parent: #79
الاخت ناديه ازيك
كيف ناس عين شمس
اغاني البنات دايما تميل لتمجيد الوظيفه او الوضع الاجتماعي البيكون سوقو حار ,,وهنا جاء الدياشه لما يمثلونه من سلطه ومن مركز اجتماعي واقتصادي يداعب احلام الكثير من الفتيات ,
وحتى في الفلكلور الشعبي نجد امثله كثيره لذلك ,, مثلا في فتره من الفترات كانوا بغنوا لي سواق اللوري ,, كباشي كان برضى ,, وغيرها ,, وفي فترات كان التمرجي ,,, وفي عصرنا بقو الجماعه ما بفرزو وبقى يقولوا لي سيد الكارو تعال بالشايلو ,,, بعد ما كان الغنا للمغترب ولي تاجر الغرب ,,
وربنا كريم
|
Post: #82
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: علوبه
Date: 08-15-2005, 10:46 AM
Parent: #1
اختنا العزيزه (نون*عين*ميم)
كل زمن وليهو عساكروا
وين حقنا السمح ؟
الدكاتره يال6 انا بيكم .........
الليله وين بالعصر مرورا.........
البنسلين ياتمرجى نادو الحكيم .........
د.لؤى كشف على.......................
تبكى بس بنج مافى.................
ده بالنسبه لى دكاترة الحكومه !
اما العلاج الخاص ده غناهو براهو بنعرفو انحنا.
مع تحياتى
|
Post: #83
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ست البنات
Date: 08-15-2005, 10:01 PM
Parent: #1
نعصر عبق عطر الورود
ومن نخيل مروى المدد
من كردفان صمغ الهشاب
من سنجة كم باقة جمال
من كسلا من توتيل رحيق
من بارا حزمة شوق وود
من نمولى أبنوس زاهى خد
من شندى شبال الغزال
من الجزيرة الوارفة غيد
من كل طيف الوان وشهد
نطويها بأجمل حروف
نهديها ليك يا ود عقيد
يا منبع الذوق والمسيد
ست البنات .
|
Post: #84
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 08-16-2005, 05:51 AM
Parent: #83
يلا ياستو شيلى الايميل قوووووووووام
اها شلت الايميل ..لكن على رأى ود عقيد بعد شنو !!!
|
Post: #85
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Khaalaleyaal
Date: 08-16-2005, 06:18 AM
Parent: #1
اهو ده الاحنا فالحين فيهو بس
لا تعليق
|
Post: #88
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: ست البنات
Date: 08-16-2005, 06:54 AM
Parent: #1
نادية سلام ،
وصل ، قف ، نشكركم ، وأعملى اللازم .
ست البنات .
|
Post: #89
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Abdulla Ageed
Date: 08-16-2005, 07:01 AM
Parent: #88
| Quote: وصل ، قف ، نشكركم ، وأعملى اللازم . |
بعد شنو؟؟؟؟
|
Post: #93
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: المكاشفي الخضر الطاهر
Date: 08-16-2005, 09:09 AM
Parent: #89
الاخت نادية جيت اسلم عليك واقول ليك انا متوقع البوست دا يحصل ليهو كم صفحة
ونلتقيكم ان شاء الله فى الصفحة الرابعة
|
Post: #114
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: نادية عثمان
Date: 09-07-2005, 07:39 PM
Parent: #93
الاكرم الاخ المكاشفى الخضر الطاهر
Quote: الاخت نادية جيت اسلم عليك واقول ليك انا متوقع البوست دا يحصل ليهو كم صفحة
ونلتقيكم ان شاء الله فى الصفحة الرابعة |
الله يسلمك من كل شر يارب
اها البوست لسة فاضل ليهو كم على الرابعة ؟!!
يلا نفسك معانا فى الرفع لحدى مايحصل الصفحة الرابعة الماعارفة حددتها اربعة تحديدا ليه ؟!!
|
Post: #94
Title: انا ماشة الرئاسة..دى مكانة حساسة..احب الامن كلو ..بوليس ..سجون ..جياشة !!
Author: Mozdalefa Osman
Date: 08-16-2005, 09:18 AM
Parent: #1
Quote: انا ماشة الرئاسة..دى مكانة حساسة..احب الامن كلو ..بوليس ..سجون ..جياشة !!
جياشة
جياشة
اوب على انا
جياشة
والجيش
نقلوا
فتاشة
اوب على انا
ده جيشنا جيش القوة اوب على انا
دخل الجبال جوة |
ازيك يا استاذه واله الشوق مطر عديييل
متابعه انا شديد كل ماتكتبيه لكن بصراحه البوست دا بيأهلك تماما لعمل حوار مع مؤسسه الرئاسه طبعا الزول نمره تلاته ما معاهم لانو ما عندو علاقه بالكاكي وخلينا في بالك دايما
|
Post: #95
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: المكاشفي الخضر الطاهر
Date: 08-16-2005, 09:24 AM
Parent: #1
كتبت نور تاور
| Quote: وانشا الله هاجر كباشى تموت... |
بدون تعليق طبعا
|
Post: #101
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Sana Khalid
Date: 08-17-2005, 09:05 PM
Parent: #1
ندوية...
أنا دخلت عشان أقول ليك الصورة دي هي الأجمل على الإطلاق...
عليك الله ما تغيريها قريب...
محبتي...
|
Post: #103
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Tabaldina
Date: 08-18-2005, 06:49 AM
Parent: #1
..
.
وانا بقول نفس الكلام ،،،
أبــــداع ،،،
تحياتي ،
|
Post: #105
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: بدرالدين كاجوري
Date: 08-18-2005, 07:12 AM
Parent: #1
ناديةسلام
عينيك ظبية البادية
اليوم عطفك علينا يانادية
مطلع اغنية لاحد فنانين شندي
generation ناس امي بت ود ادم
الغريب انو حتي صديقاتك مميزات
زي ست البنات دائمامشاركتها احس
فيهاالتمييز والموضوعية والمعلومة
الدقيقة كما زكرت بعض المعلومات عن
استراليا في بوست الاخ عثمان وطلعت في
هزا البوست شاعرة اية الرقة والحلاوة دي
كلهاخصوصا....شندي شبال الغزال...شندي اة لو بايدي
لكي الود الصادق ستو ونادية
|
Post: #110
Title: Re: أنا ماشة الرئاسة..دى مكانة حساسة..أحب الأمن كلو ..بوليس ..سجون..جياشة !!!
Author: Siddig A. Omer
Date: 08-18-2005, 02:49 PM
Parent: #105
و الله الناس ديل تب مابتغيروا و كمان اغانى البنات دى ذاته مشكلة كبيرة.....ممكن اقول جزء كبير من المشكلة............ و ربنا اوعيئهم و اوعيئنـــــــــــــــا....
قــــال جياشــــــة!!!!!!!
|
|