Post: #1
Title: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-20-2005, 10:49 PM
Parent: #0
أشعر بالملل الكثيف ..حد الاحساس بدنو أجلى !!
ارتعاشة النبض بفعل الوجع الروحى .. عندما تتشابه الكواكب فترى الزهرة كعطارد كالمريخ لافرق !!
لافرق بين الحب واللاحب فى ساعة فقدان المقدرة على استنشاق اوكسجين الفرحة ، او حتى تلمّس اللذة فى جسد الليل المتراخى العضلات دون أدنى ابداء للرغبة فى صحوة قلب تجمّد بفعل صقيع المشاعر !!
تنتابنى احيانا رغبة أكيدة فى الفرار الى كوكب اخر يخلو من عوادم الاحقاد الكريهة !!
عندما يغسل القمر وجه الصباح بندى الاقحوان الهث خلف الفراشات علها تبث الدهشة فى اوصال الرتابة التى سكنت وجدانى .. وتهرب الفراشات خوف العدوى من كم احباطاتى وتوجسى !!
ياجماعة انا زهجانة وبهترش لو خايفين عدوى الزهج ماتدخلوا البوست ده وخلونى اهترش براى زى المجنونة !!
وقد أعذر من أنذر
|
Post: #2
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-20-2005, 10:52 PM
Parent: #1
زهجت من صورتى الهنا غيرتها قلت ايمكن احس انى زولة جديدة !!!
برضووووووووووووووو
زهجانة !!
ابو الزهج زاتو ياااااااااخ !!
انا عارفة زهجى ليهو مليون سبب !!
|
Post: #3
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: أسامة خلف الله مصطفى
Date: 12-20-2005, 11:45 PM
Parent: #2
العزيزة نادية
حبوبتى كانت بتقول :قبلك ووحدك وبراك... ياريت لو تتمشى على شاطىء البحر بإحساسك ده وأكيد حاتخرج إبداعات ..وأذكرك بانه معروف الرصافى كان عنده نفس الإحساس...فمر على الأمواج وخرج بهذه الإبداعية فقال:
متفرد بصبابتى متفرد بكئابتى
وليت لى قلب كهذه الصخره الشمأء
شاكى الى البحر إضطراب خواطرى
فيجيبنى برياحه الهوجاْْء
ولو الروشته دى مانفعت حاديك واحدة ثانية..لك كل الود أسامة
|
Post: #4
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: munswor almophtah
Date: 12-20-2005, 11:50 PM
Parent: #3
الكمبيوتر دا مالو وسط الزهور متصور
منصور
|
Post: #35
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-22-2005, 06:56 AM
Parent: #4
الرائع منصور المفتاح
| Quote: الكمبيوتر دا مالو وسط الزهور متصور |
تسلم على الاطراء اللطيف وليك منى منتهى الاحترام والتقدير
|
Post: #37
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: عبد الغفار عبد الله المهدى
Date: 12-22-2005, 08:02 AM
الرائعه ناديه
قبل لن اكون عضوا بهذا المنتدى كنت اهرب من حالات الملل والزهج بقراءة كتاباتك وانت والرائع مطر قادم من هناء اقول لك اين الحيويه والتفاؤل والنظره الحلوه للحياه مع اننى اوافق الراى بانه فى بعض الاحيان يتمنى المرء لو انه لم يكن موجودا .
فى النهايه اقولك تيلمى من الزهج والقرف فاكتبى واملى حياتك املا وابدعينى بما تخطين فهذا اكبر دواء لما تعانينه من ملل واتمنى ان تكون سحابة صيف وتعدى واجعلى الحياة فى ناظررك حلوه كما انتى.
|
Post: #45
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-24-2005, 03:18 PM
Parent: #37
الاكرم عبد الغفار عبد الله المهدى
| Quote: قبل لن اكون عضوا بهذا المنتدى كنت اهرب من حالات الملل والزهج بقراءة كتاباتك |
يسعدنى ان ازيح عنك الزهج بكتاباتى وارجو ان لاتزهج من زهجى الان !!!
|
Post: #52
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: عبد الغفار عبد الله المهدى
Date: 12-24-2005, 06:11 PM
الرائعه ناديه
شايفه لما المرهفين يحسوا بالملل ماذا يحدث انتى اليومين دى الوقع عليك شنو لوتسمعى نصيحتى اتبخرى ببخور تيمان وان متبرع ليك بيهو
وروقى واحلى ورصعى الصفحات بوهج كلماتك ويا ليتك بهذه المناسبه تتحفيننا بابيات ويا ليتك لومددتنى بنسخة من ديوانك اكون شاكرا لك
اللهم ابعد عن ناديه بت عثمان العيون واحفظها من الهمازين اللمازين
امييييييييييييييييييييييييييييييييييييييييييييييين
|
Post: #63
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-25-2005, 06:36 PM
Parent: #52
عبد الغفار ود المهدى
Quote: اللهم ابعد عن ناديه بت عثمان العيون واحفظها من الهمازين اللمازين
امييييييييييييييييييييييييييييييييييييييييييييييين |
تسلم من كل شر يااااااااااااااارب
|
Post: #5
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: عبدالرحمن عبدالله أبوشيبة
Date: 12-20-2005, 11:50 PM
Parent: #3
Quote: برضووووووووووووووو
زهجانة !!
ابو الزهج زاتو ياااااااااخ !!
انا عارفة زهجى ليهو مليون سبب !! |
نادية زهجك ولا فرح الدنيا كلو ،،، حتى الزهج بيزيدك وهججججججججججججججججججججج
|
Post: #6
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: munswor almophtah
Date: 12-21-2005, 00:10 AM
Parent: #5
العقل المنفعل هو العقل الفعال....وإذا صرتى مسارإهتمام الناس فأنتى موجوده رغم أنفهم تبنى قصورا من الحسنات بسالب قولهم....ويبنون مخابئ فى جهنم بنميمهم....ومن ناله رضاء إبداعك....لك عائد خراجك إلى يوم الدين صدقة تظل جاريه حتى ممن يهمس له بإبداعك...دعى هودجك يمشى وتلك النباحة من الكلاب لا تعضى..............................
منصور
|
Post: #51
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-24-2005, 05:59 PM
Parent: #5
عبد الرحمن ابو شيبة
| Quote: حتى الزهج بيزيدك وهججججججججججججججججججججج |
واظن ده الجاب لى الكججججججججججججججججججج
|
Post: #27
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: فيصل نوبي
Date: 12-22-2005, 00:58 AM
Parent: #3
ده كلو عشان ما قاعده تجي ( المحبه هي ايدلوجيتي الوحيدة )
|
Post: #32
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Faisal Fadhlallah
Date: 12-22-2005, 02:54 AM
Parent: #3
هل طيرٌ يرفرف في حوافِّ الماء كان يسلّم الأشياء ذاكرة
أم الكلمات كانت قبل صنع البحر إمرأة
تفتش في فضاء الجرح عن لغةٍ
تلملم شملها المتناثر الأمواج أم كنّا
معاً كحامتين تراغبان الأمر من دون الكتراث
إنّه وجه الحبيبة حين تلفحه رياح
الحب يبدو كالضفاف المستحيلة كالبنايات
العريقة كالشوهق كالبنادق كالهواءِ الشاعري
كمشهد الصوفيِّ حين تمسُّ سكين اليقين
فؤاده ،،، كشعاع قرص الشمس أو كثباتِ
فارسة تدوس علي أنين القلب
أو يا أيها النجم الذي أعليت نفسك إنني أعلو عليك
فإن بعدتّ فلا تُغر بما وصلت لأنني أستنطق الذرات في
أحشاءك الأولي وأخبرها بسرِّك
ثم أنزلها علي قلب الحبيبة بلسماً!!!!!
سلامتك من الزهج يا ناديه
تصحيح للأخ أسامة خلف الله مصطفي
شاعر الأبيات هو محمود سامي البارودي
والأبيات هي كالتالي
متفرِّدٌ بصبابتي متفردٌ بكآبتي متفردٌ بعنائـــــــــــي
شاكٍ الي البحر اضطراب خواطري فيجيبني برياحه الهوجاء
ثاوٍ على صخر أصمّ وليت لي قلباً كهذي الصخرة الصمـــاء
ينتابها موجٌ كموجِ مكارهي فيفتّها كالسُقم في أعضائـــي
|
Post: #33
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-22-2005, 06:51 AM
Parent: #3
اسامة خلف الله الاكرم
| Quote: ولو الروشته دى مانفعت حاديك واحدة ثانية..لك كل الود أسامة |
ماعندك روشتة للمصائب الممكن تقع على رأس الزول بدون معرفة اسبابها ؟!!!
|
Post: #48
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-24-2005, 03:54 PM
Parent: #3
الاخ اسامة خلف الله مصطفى
| Quote: حبوبتى كانت بتقول :قبلك ووحدك وبراك |
يبقى حبوبتك وحبوبتى كانوا اصحاب اكييييييييد !!!
|
Post: #7
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: waleed500
Date: 12-21-2005, 00:26 AM
Parent: #2
صورتك بتقول انك فى قمة الفرح والحبور
اكيد بتكونى اتصورتى قبل ما تنتابك حالة
الجنون والهترشة والتى اعتبرها لحظة من لحظات
الابداع ولو واصلتى فيها قد تخرجى اشياء تخلى الواحد
يدخل البوست ده عشرات المرات...نرجع لموضوع الصوره
وانك قمتى بتغيرها ختى تحسى بانك زولة جديدة مع
العلم باننا كل ما ندخل بنجدك بموضوع جديد يعنى
متجدده بدون ما تحسى بنفسك مما خلق ليك شعبية
عريضة داخل البورد وخارجه ....فى الصورة شايفك بتردى
على رسالة ماسنجرية بورديه ولسان حالك بقول حبيبى
اكتب لى وانا اكتب ليك بالحاصل بى والحاصل بيك
الحاصل بى انا زهج شديدددددددد......وان شاء الله
اجن وازيد فى الجن وواصلى هترشة وبنواصل متابعة
|
Post: #8
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Mamoun Ahmed
Date: 12-21-2005, 00:49 AM
Parent: #7
نــــدويــــا
احسن دوا للزهجه
الضحك!
اضربي الهم بالفرح
اديها نكته نكتين والزهجة تطير
واسع انا كنت زهجان قريت نكتتك دي فرحت!
(واحد بخيل بيته قامت فيهو حريقة عمل للمطافئ مسكول !!)
يلا شوفي لينا معاك
|
Post: #9
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: احمد العربي
Date: 12-21-2005, 01:13 AM
Parent: #8
الزهجانه ناديه
والشفيش مامون
قال ليك
اتنين مساطيل
وقفو قدام باب بيتم لقو الحوش كلو واقع
عايزين يدخلو البيت فتشو المفتاح ما ليقوهو
قال ليهو
عليك الله الحيطه دي لو واقفه مش كنا تلبنه
وانتهينه من الحيره دي
|
Post: #10
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: على محمد على بشير
Date: 12-21-2005, 02:02 AM
Parent: #9
الاخت ناديه
عن تجربه شخصيه
لمن اكون زهجان وماطايق نفسى ,, اقوم احسب فى النعيم والعطايا التى وهبنى لها ربى
واقوم اتخيل فى البؤساء والمحرومين ,, وافكر فى حالتى بالنعم التى اتمتع بها
وافكر فى المحرومين والنعم المحرومين منها
فاصل الى نتيجه وقناعه بأنى احسن من غيرى كتير
فانبسط ويروح منى الزهج
جربى كدا ,, وانتى موش ح تقدرى تغمضى عينيك
|
Post: #11
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: سجيمان
Date: 12-21-2005, 02:11 AM
Parent: #10
ندوية.....
البي يزهجك شنو عليكي الله؟........انتي دايرة دق... ودي فلهمة منك سااااكت
سمحة
واديبة
وكلك ذوق
ومكسرة خلق الله ..وتتني ... ما ساعلة
|
Post: #50
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-24-2005, 05:48 PM
Parent: #11
سجيمان العزيز
| Quote: البي يزهجك شنو عليكي الله؟ |
سبحان الله حالة الزهج مسكتنى قبل المصيبة الوقعت فوق رأسى بفد يوم بس التقول كان قلبى حاسس!!!!!!!!!!!!
|
Post: #12
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: على محمد على بشير
Date: 12-21-2005, 02:13 AM
Parent: #10
اذا الوصفه اعلاه مانفعت
اليك الوصفه التانيه
تقومى تجيبى حبة قريب فروت من الحجم العائلى وتختيها على جمب
تقومى تجيبى شوية خميرة خبز معتبره وتنقعيها فى مويه لمدة ساعتين
وبعد ماتفور وتعمل ليها وش
تقومى تجيبى حقنه 4 سيسى فاضيه ومعقمه وتشفطى بيها الخميره
وتقومى تطعنى بيها حبة القريب فروت فى الوسط تماما
وتخليها فى مكان دافئ لمدة يومين وليلتين
بعد داك تجى تعصرى القرينه بيديك وتصفى المويه وتشربى بالهناء والشفاء
وبعديها انشاء ما ح تحسى بى اى زهج وما ح تحسى بالدنيا زاتا
وتعالى قابلينى لو قدرتى تغمضى عينيك تانى
|
Post: #65
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-25-2005, 06:57 PM
Parent: #10
الاكرم على محمد على بشير
Quote: فاصل الى نتيجه وقناعه بأنى احسن من غيرى كتير
فانبسط ويروح منى الزهج |
انا الحمد والشكر لله احسن من غيرى بحبى ليكم وحبكم لى وربنا يديم بينا المعروف دائما وابدا يارب
|
Post: #14
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: قاسم المهداوى
Date: 12-21-2005, 02:32 AM
Parent: #2
| Quote: ابو الزهج زاتو ياااااااااخ !! |
ولا كيف
ولا كيف ..... ولا كيف
ولا كيف .....ولا كيف .... ولا كيف
ولا كيف ...... ولا كيف ..... ولا كيف
(على فكره اسم قصيده للصديق الشاعر ابراهيم سلوم)
قا..المهداوى
|
Post: #61
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-25-2005, 07:57 AM
Parent: #14
المدهش قاسم اللمهداوى
هل عدت الى قواعدك سالما يارجل ؟؟
|
Post: #36
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نجود حسن عبد الرحمن
Date: 12-22-2005, 07:01 AM
Parent: #2
ندوووية بت امى مالة صورتك بقت بالالوان
وشك اصفره ولونك بقى شاحب كدى
ماتكون شلتى معاك ملاريا من هنا للزكرى
كان تقولى لى كان اديتك مركوب ود فايت شلتيهو معاك
|
Post: #64
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-25-2005, 06:54 PM
Parent: #36
نجوووووووووووووووووووود
| Quote: كان تقولى لى كان اديتك مركوب ود فايت شلتيهو معاك |
ده بفك الملاريا يعنى ؟؟
|
Post: #13
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: nashaat elemam
Date: 12-21-2005, 02:18 AM
Parent: #1
العزيزة ندوية
لكل منا قلقه الخاص، ويتماهى هذا القلق -سلباً آو ايجاباً- تبعاً لنزوع شخصياتنا، وبواعثها، ودوافعها، وغرائزها، وطريقة تفكيرها، لذا.. تريثي قليلاً.. وستعرفي على وجه الدقة ما الباعث على شعورك بالممل الكثيف هذا.. وحينها.. وحدك تستطيعين بث الدهشة في أوصال الرتابة التي سكنتك..
بعدين تعالي هنا.. لما انتي تزهجي.. يا خي الزينا ديل يفرقعوا...؟
|
Post: #15
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: وفاء تاج الدين
Date: 12-21-2005, 03:48 AM
Parent: #1
ندوية سلامتك من الحالة الأليمة دى...
العدوى دى جاتك منى ولاشنو???
صورتك جميـــــلة
|
Post: #16
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: keiga2000
Date: 12-21-2005, 03:57 AM
Parent: #15
| Quote: ياجماعة انا زهجانة وبهترش لو خايفين عدوى الزهج ماتدخلوا البوست ده وخلونى اهترش براى زى المجنونة !! |
بعد الشر عليك ياعزيزة
والله يانادية عندي بت خالي اسمها ر.عثمان الخالق الناطق منك غايتو فعلا يخلق من الشبه اربعين انا غايتو لقيت ليك واحده باقي الـ39 فتشيهم
واستغفري الله يازوله دا حال الدنيا وعليك بيس والقران الكريم
ابومصطفى
|
Post: #17
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: keiga2000
Date: 12-21-2005, 03:57 AM
Parent: #15
| Quote: ياجماعة انا زهجانة وبهترش لو خايفين عدوى الزهج ماتدخلوا البوست ده وخلونى اهترش براى زى المجنونة !! |
بعد الشر عليك ياعزيزة
والله يانادية عندي بت خالي اسمها ر.عثمان الخالق الناطق منك غايتو فعلا يخلق من الشبه اربعين انا غايتو لقيت ليك واحده باقي الـ39 فتشيهم
واستغفري الله يازوله دا حال الدنيا وعليك بيس والقران الكريم
ابومصطفى
|
Post: #43
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-24-2005, 03:02 PM
Parent: #15
الغالية وفاء تاج الدين
فى ناس كتر بقولوا كده لكن والله يهمنى تكون روحى هى الجميلة وماعايزة غير حب الناس لوجهه تعالى ..
|
Post: #18
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Tabaldina
Date: 12-21-2005, 04:14 AM
Parent: #1
..
.
سلام يا ندو،،
ليك وحشة شديدة قووووي
جيت خاشي برضو زهجان شوفت صورتك الخايف عليها من
عين سي جي ..
طيرت الزهجة وشعرتنى بالرجفه من راسي لكرعي ..
أين ديارك الان اما زلت بين البحرين والكنانة..
عليك الله فاتحه الماسنجر عايزة تكتبي شنو؟؟ لمنو ؟؟
مــودتى ؛؛؛
|
Post: #19
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Khalid Saeed
Date: 12-21-2005, 05:36 AM
Parent: #1
الإخت العزيزة الزهجانة والمهترشة
تحية زول زهجان زيك وأزهجك منك كمان
الزهج ده دكتاتور لأنه بيفرض نفسه علينا
مهما نحاول نناضال ونكافح ضده برضه بيتعبنا وبالمناسبة قالوا في واحد زهجان جداً وقع في حفرة قال أحسن .
وذي ماقالوا زهجنا وكرهنا أشكالنا .. وأنتو زهجتو زدتو حله .
مع المعذرة لي ترباس ( تربسه الله في غرفة من البهجة وتربس عنه الزهج )
تحياتي ،
خالد سعيد الأرباب
|
Post: #20
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: JAD
Date: 12-21-2005, 06:42 AM
Parent: #1
| Quote: عندما يغسل القمر وجه الصباح بندى الاقحوان الهث خلف الفراشات علها تبث الدهشة فى اوصال الرتابة التى سكنت وجدانى .. وتهرب الفراشات خوف العدوى من كم احباطاتى وتوجسى !! |
القمر
وجه الصباح
الندى
الأقحوان
الفراشات
الوجدان
الجنّ جنّ والما جنّ الجن غلا
سلام
|
Post: #21
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: محمد سنى دفع الله
Date: 12-21-2005, 07:18 AM
Parent: #20
قومي يازهجانه وعايني بره الباب..شفتي اثر الرجلين والطين ده، دا ماانا.. كنت جاي عليك اها الحفرة الجنب بيتكم وقعت فيها، ايوه ما بشوف. نفطت الرجلين في الممسحه .اذكرت انك مابتحبي الوسخ، وزهجانه وفي كمان اعذر من انذر..قشيت رجلي ورجعت ايوه . كنت عايز اسألك دا أخر زهج عندك؟؟ والله زهجكم عجيب وبعدين الزهج عرفناه الهترشه شنو؟؟ الصوره المع الزهجه بتعبر عن زهجتك ؟؟ لكن ما ززززززززهجه
|
Post: #22
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Adil Osman
Date: 12-21-2005, 08:07 AM
Parent: #1
كنت نشرت هنا لوحة جميلة فيها اسم ناديا. ولكن اللوحة مقاسها كبير، مما شوه تصميم البوست ونعومة الاطلاع عليه. فمعذرة. لقد اضطررت الى سحبها.
وكل سنة نادية عثمان بخير والجميع بخير وسلام وراحة بال..
|
Post: #23
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Adil Osman
Date: 12-21-2005, 08:30 AM
Parent: #22
|
Post: #24
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نجود حسن عبد الرحمن
Date: 12-21-2005, 08:35 AM
Parent: #1
Quote: ياجماعة انا زهجانة وبهترش لو خايفين عدوى الزهج ماتدخلوا البوست ده وخلونى اهترش براى زى المجنونة !!
|
ندووية بت امى
كر على يختى والله مانخليك تهترشى براك كلنا نهترش معاك أكان للزهج كملنا
فضلت الهترشه النهترشه معاك
|
Post: #53
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-24-2005, 07:22 PM
Parent: #24
نجووووووووووووووووووووووود
| Quote: فضلت الهترشه النهترشه معاك |
هيا الى الهترشة ياصديقتى ..
|
Post: #25
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: سفيان بشير نابرى
Date: 12-21-2005, 09:56 AM
Parent: #1
خلاص مافى مشكلة بنخليك براك
لكن بنراقب لو وصلتى الانتحار نجى نحصلك
|
Post: #26
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: محي الدين الريس
Date: 12-22-2005, 00:46 AM
Parent: #1
العزيزه ندويه الندية
حتى زهجك حروفه ندية وينقط درر
وأعملي لينا حسابك الناس المعانا ديل ما يسحروك علينا
وعيني باردة
محي الدين الريس
|
Post: #28
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: wadda7a
Date: 12-22-2005, 01:30 AM
Parent: #1
سلامات يا نادية
شنو ياختي
عينا عليك باردة
لكن تعرفي
حاسة بيك والله..مرات كده بتجيني لحظات زهج واحساس بمساخة أي حاجة
لكن نصيحة عن تجربة
خشي أوضة براك وأطفي النور واتنفسي بعمق واكثري من الاستغفار
وان شاء الله تتحسني
دمتي بعافية
|
Post: #29
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Osman M Salih
Date: 12-22-2005, 01:41 AM
Parent: #1
أصابني نزف المنشور في مقتل
حماك الله من الصقيع ومن الشرور
تذكري يا شاعرتنا العزيزة أن في
الأرض قوم يكنون لك الود والإحترام
لوجهه تعالى
أخوك عثمان
|
Post: #30
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: ابو جهينة
Date: 12-22-2005, 02:25 AM
Parent: #29
الأستاذة نادية
تحياتي
| Quote: تنتابنى احيانا رغبة أكيدة فى الفرار الى كوكب اخر يخلو من عوادم الاحقاد الكريهة !! |
بما أننا جميعا واثقون من أنه لا يوجد كوكب بهذه المواصفات ..
فأقل ما يمكن أن نتمناه هو محمية ننشئها و نقيمها خالية من عوادم الأحقاد و الحسد و البغضاء و الضغائن ..
و أرشحك بأن تكوني الراعية الرئيسية لمشروع هذه المحمية ..
و الداعمون هنا ما أكثرهم ..
أرقدي عافية
|
Post: #34
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: سجيمان
Date: 12-22-2005, 06:55 AM
Parent: #29
صديقي عثمان
Quote: تذكري يا شاعرتنا العزيزة أن في
الأرض قوم يكنون لك الود والإحترام
لوجهه تعالى |
غايتو جنس كضب....
انت قايلا داقسة يا اخوي؟
دي تفتيحة لمن غلط.... اسعلني انا
|
Post: #40
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Osman M Salih
Date: 12-24-2005, 03:20 AM
Parent: #34
أخي المفضال سجيمان
مال تعليقي أغـضـبك ؟!
أحمل للأخت ناديه كل الود المعلوم.
لحمي ودمي في آخر المطاف هي ،
وفي أوله أنها إمرأة متزوجة ولهذا
ولهذا ولأن ـ مازحاً أقول ـ الفؤاد
لا يعاني من قلة الفئران، توخـّيت
الدقة في التعبير حتى لا تتـقد نار
خيال
وبين بدايةالمطاف و نهايته أحرص
فـيها على شاعرة أتقاسم معها هموم
الشعر
نادية طيبة القلب حقاً وعلى نيّاتها،
ليتها كانت تفتيحة كما تفضلت بوصفتها
|
Post: #41
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Osman M Salih
Date: 12-24-2005, 03:32 AM
Parent: #40
يا أخي سجيمان ليه بتفتكر إنو من
قـبيل الكذب ـ كمت تفـضلت ـ إنو
في ناس بكنوا لي الأخت ناديه الود
لوجهه تعالى ؟!
|
Post: #42
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Osman M Salih
Date: 12-24-2005, 03:41 AM
Parent: #41
أرى ياأخي سجيمان بأن وصـفك
للأخت نادية وهي إمرأة متزوجة
ب
" ومكسرة خلق الله ..وتتني ... ما
ساعلة "
يضر بوضعها الإجتماعي
الدقة في التعبير عن الود ضرورية
يا سجيمان ولا ماكدا ؟!
|
Post: #46
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: saif massad ali
Date: 12-24-2005, 03:23 PM
Parent: #34
Quote:
غايتو جنس كضب....
انت قايلا داقسة يا اخوي؟
دي تفتيحة لمن غلط.... اسعلني انا |
دي بت بمبة ولا كيف ياصاحبي سجيمان
|
Post: #31
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Tariq Sharqawi
Date: 12-22-2005, 02:31 AM
Parent: #1
السلام عليكم ورحمة الله وبركاته
قال نزار قبانى لبيروت...
قومي من حزنك قومي
ان الثورة تولد من رحم الأحزان..
قومي اكراما للغابات وللأطفال وللأنسان...
قومي...
شرقاوي
|
Post: #38
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: بلدى يا حبوب
Date: 12-22-2005, 08:16 AM
Parent: #1
نادية
Quote: وقد أعذر من أنذر [/QUOT
ووده معقول
مع احترامى وتحياتى
|
Post: #39
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: othman mohmmadien
Date: 12-24-2005, 02:50 AM
Parent: #38
bye/FONT></FONT>
ـــــــــــــــــــ
منقول للفائدة ...
|
Post: #62
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-25-2005, 06:22 PM
Parent: #38
بلدى ياحبوب
ولدك ده برضو زهجاااااااااااان قدر ده قاعد يحرق فى السجائر دى كدى ؟؟
|
Post: #44
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: عبد الله عقيد
Date: 12-24-2005, 03:14 PM
Parent: #1
شاعرتنا البهية
نادية عثمان
دي اعراض السفر والترحال
والعودة بعد نشاط وحركة وجو مفعم
بلقاء الاهل والأحباب والإخوان
ومن ثم العودة للروتين
وبعدين المرا الضربت ليك تلفون دي
برضو بتعمل أثر .. يضربا الخفا اليخفاها
زهجة وبتروح
إن شاء الله
كلنا مسكتنا.. هسي الظاهر بدت تروح
كدي هاك الهدية دي .. انت ما كنت حاضراها
بديت الخطاوي
اللي ما بتتمشي
غشيت الحواري
اللي ما بتنغشي
ركبت الرياح
والجنون
والتعب
بِرِيت الصديق
واللئيم
والكعب
عِرِفتَ الصريح ..
والمِغَتْغِتْ وشي
شربتا المغس
من رحيق العنب
حلبت الألم..
وارتويت بي الطرب
وجيت برضو راجع
بدون ألقى شي..
...
أقنِّب ممحّن
واقوم
منتشي
أسير في دروبي
وأواصل المشي
تلاقيني
يا نجمة
شايلة البريق
يسامر خيالي
ويضوي الطريق
أناجيكِ
تَبْسُمي
تطفي الحريق
أقول ليكِ
يا حلوة ..
ما.. تختشي..
...
تناديني جنبك
توريني دربك
أخاف من خطاي
لو تضل الطريق
أقنِّب ممحّن
واسوق دربي راجع
أشيل الفرح
والأمل
والمواجع
ولكنّي راجع
بدون ألقى شي..!!
ولك التقدير
|
Post: #47
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: عنيده
Date: 12-24-2005, 03:42 PM
Parent: #1
ندويه ليكي السعد يامشرقه
|
Post: #49
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Sabri Elshareef
Date: 12-24-2005, 04:19 PM
Parent: #1
ندوية الانسانة
المعري يقول
هل يابق الانسان من ملك ربه
ويخرج من ارض له وسماء
باكرضواي فتشي في باكر بتلقيو متخبي في ركن منتظرك بابتسامة وورده
لك سلامي قاسم ومطر يذهبا الحزن
|
Post: #54
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: saif massad ali
Date: 12-24-2005, 07:44 PM
Parent: #49
انا داخل كدي لله
بس دي هترشة ساكت عشان جيتي راجعة من السودان يمكن عقاب ملاريا وكدي
وفي زول مايسمعني
|
Post: #55
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-24-2005, 07:57 PM
Parent: #49
الرائع صبرى الشريف
| Quote: باكرضواي فتشي في باكر بتلقيو متخبي في ركن منتظرك بابتسامة وورده |
الله
يالك من رائع تبعث الامل فى النفس الخربة بفعل الحزن المقيت !!
لك الاف الرياحين التى تشبه حديثك العذب المفعم بالتفاؤل هذا ..
|
Post: #56
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Osman M Salih
Date: 12-24-2005, 08:57 PM
Parent: #55
لاتحزني
|
Post: #57
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Osman M Salih
Date: 12-24-2005, 09:15 PM
Parent: #56
مكرر
|
Post: #58
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Osman M Salih
Date: 12-24-2005, 09:23 PM
Parent: #1
إلى الأمام فعين الله ترعاك ِ
|
Post: #59
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Osman M Salih
Date: 12-24-2005, 09:45 PM
Parent: #1
Merry Christmas& Happy New Year
|
Post: #60
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: نادية عثمان
Date: 12-25-2005, 07:26 AM
Parent: #59
الله
عثمان محمد صالح يشرفنى وجودك المهيب فى هذا البوست
واؤكد لك انه بحلولك المبارك هنا تذهب شياطين الغضب الى غير رجعة !!
كم انت رائع ايها النوبى الانيق المفردة ..الجميل الدواخل !!
|
Post: #66
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: hatim ibrahim
Date: 12-25-2005, 07:13 PM
Parent: #1
.
الأخت نادية عثمان
ازيك يا رائعة
وأنا كمان زي اخونا عبد الغفار من ( برالمة ) المنتدى الكانوا بيستمتعوا كتير بكتاباتك قبل ما نتشرف بالانضمام لكوكبة المشتركين ، ولا زلت طبعا استمتع،،،
حالة الزهج العندك دي عاااادية ما تفكري فيها كتير عشان ما تزهجي .. وبقترح عليكي تفتشي في البوستات الموجودة حتلقي واحد فيهو أغنية رائعة بيؤديها فنان اسمو المنصوري صوتو حلووو ، وشاعر الأغنية دي واحدة مرهفة ومتفائلة .. بتنادي في نهاية الأغنية محبوبها وبتقول ليهو:
| Quote: كفاية عليك شقا وآلام .. معاي تَلْقِى السعادة نصيب !! |
الشاعرة دي اسمها نادية عثمان .. اظنك بتعرفيها 
امشي اسمعي الأغنية دي باسترخااااااااااء ..وحتضحكي لما تتذكري انك كنتي زهجانة قبل ما تسمعيها
تحياتي
.
|
Post: #67
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: hatim ibrahim
Date: 12-25-2005, 07:55 PM
Parent: #1
.
وهاكي كمان هدية مني ليكي - ان شاء الله تعجبك - عشان تشوفي كيفن نادية المتفائلة .. البشوشة بتعاين ليكي من جوة الكمبيوتر وبتضحك في .. زهجك..
|
Post: #68
Title: Re: مجنونة ومهترشة الليلة ..خلونى براى .. وقد اعذر من أنذر !!!
Author: Elmosley
Date: 12-25-2005, 08:17 PM
Parent: #67
وينك انتي الطال غيابك؟؟؟؟؟؟؟؟
|
|
|