Post: #1
Title: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-11-2005, 07:22 PM
Parent: #0
ود الشوايقة
كيف أعيش وأنا روحي ضايقي ؟؟
كنت قبل أشوف عيونك.. قلبي خالي وروحي رايقي
وهسي زاد قلقي وجنوني.. وسببي كان ود الشوايقي
* * * *
عافي منك لو تسيبني.. وليه تكون أسباب شقايا
ماني قدرك في المحبة.. يا النويت تهرد حشايا
كلمتك لسع في خاطري.. (نار شفايفِك سر دَوَايا)
* * * *
يا وِليد الناس وحاتك.. أنتَ ما تفتّح عذابي
يا العيونك مثلي رافضي.. كل قيد يسجن شبابي
خائفة لو اسمع كلامك.. يبقى مُر المُر شرابي
* * * *
قلت لي كلمة بحبِّك.. وارتجف قلبي وكياني
كنتَ شاعرة بكم حنانك.. وصدرك الدافئ احتواني
جد بموت بي همسة منك .. قول بحبكِ بس عشاني
بس عشان بت الدناقلي
قولها ياود الشوايقي !!
وفى النهاية اتزوجوا والحمد لله وفرضوا ارادتهم على حبوبة عشة الشايقية
وست البنات الدنقلاوية !!
ومنو القال الشوايقة والدناقلة مابعرسوا من بعض ؟
ومنو القال مابترايدو؟!!
والله يريدوا بعض جنس ريدة !!
ولا شنو أست البنات ؟؟
|
Post: #2
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: ودقاسم
Date: 03-11-2005, 11:35 PM
Parent: #1
| Quote: (نار شفايفِك سر دَوَايا) |
دراكولا
بجيك تاني ...
|
Post: #3
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: سجيمان
Date: 03-11-2005, 11:38 PM
Parent: #2
نادية
الشي..... انا ود رباطاب
|
Post: #8
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-12-2005, 10:29 AM
Parent: #3
سجيمان الدم الشربات
| Quote: الشي..... انا ود رباطاب |
ماتستعجل قصة ود الرباطاب جاية فى السكة
بس انت خليك متابع ماتمشى بعيد..
|
Post: #4
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: Habib_bldo
Date: 03-11-2005, 11:43 PM
Parent: #2
يا نادية رغم أيماني العميق بالحب قيمة سامية ألا أنني شعرت ببعض الغيرة على بت عمي الضنقلاوية بحكم الجيرة وليه ما يكون هو متقطع فيها وهي ترضى بغرور
بس كدا هي رخصت نفسها خالص وأخير ليها كان تدي حبها لضنقلاوي فارس حوبة من جنسها
وأهلنا الضناقلة قالوا في المثل (الشايقي كان ملايكة ما تجاورو)
****************
أرجو من الاخوة الشوايقة ما يزعلوا من كلامي
|
Post: #9
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-12-2005, 10:34 AM
Parent: #4
حبيب بلدو الاكرم
| Quote: وأهلنا الضناقلة قالوا في المثل (الشايقي كان ملايكة ما تجاورو) |
يااخوى الكلام ده بجيب للبوست الهوا والكتاحة .!!
الدناقلة والشوايقة اولاد منطقة واحدة واتربوا بالقنديلة واللبن سوة
الحب مابعرف شايقى ودنقلاوية ولاجعلى وفوراوية ولارباطابى وجنوبية ولاغرباوى ومحسية ..
الحب بعرف الحب بين الناس وبس!!
|
Post: #7
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-12-2005, 10:26 AM
Parent: #2
ود قاسمنا الزين
حاشاك يايابا انو مو داراكولا انت اميتاب باتشان !!
حبابك عشرة بلا كشرة ..تعال مليون وانا فى رجاك..
|
Post: #5
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: ست البنات
Date: 03-12-2005, 07:44 AM
Parent: #1
سلام يا نادية أخيتى المكملى الطيبى والفهم والنجاضى !
وماديللا عليك يا البتعرفى تعزلى ، وبتعرفى تكتبى النضم السمح المو خمج !
وانا يا نادييى أخيتى يعمينى فى كلامك دا عيللى الليلى أكان دابى شوفتو !
ودا شيتن كيف سمح ومجييه بالحيل !
ونان كيفن الشوايقى والدناقلى ماب ينرايدو ؟ مو ولاد أعم يا الحيبيبى ؟؟
والجنى العاقة دا الاسمو حبيب بلدو ، مالو علينا جاييى يفتننا فى اشينو ؟؟؟
نان هى اكان دايرى الدنقلاوى ، ما قعد تشوف فييو ؟
انت ما تخليها التفتش خوتورها وعجبا !
يعنى اكنها فيحال دونقولاويى عيللى تاخد الدونقولاوى ميتلا ؟؟
نان تسوى اشينو ان بيقيت الآخر ياهو العجبا ؟
ويا نادييى العيديلى يريدك رب العالمين ويحققلك الفى مرادك دايمن !
ست البنات .
|
Post: #6
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: علاء الدين يوسف علي محمد
Date: 03-12-2005, 09:05 AM
Parent: #5
الأستاذة نادية عثمان
حقيقة بوست جميل جداً و كلمات قوية و معبرة و قصة حلوة من خلف الكلمات المقفاة بروح شايقية أحلى.
تحياتي
|
Post: #12
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-12-2005, 10:50 AM
Parent: #6
علاء الدين يوسف على محمد
اظن هذه هى المرة الاولى التى تزورنى فيها وتشرف احد بيوتاتى هنا فى هذا المنبر ..
الف الف مرحب بيك ياعلاء الدين
وبزيارتك بيتنا نور والله
| Quote: حقيقة بوست جميل جداً و كلمات قوية و معبرة و قصة حلوة من خلف الكلمات المقفاة بروح شايقية أحلى. |
تسلم والله وسعيدة ان اعجبتك كلماتى
عارف؟........الغريبة انا من صغرى وفى الابتدائى ست العربى بتاعتنا كانت قايلانى شايقية والاغرب كانت قايلة صحبتى الشايقية دنقلاوية لاننا اتبادلنا اللكنات وصحبتى الشايقية هى الكانت بتؤنث المزكر وتزكر المؤنث..!!
|
Post: #11
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-12-2005, 10:44 AM
Parent: #5
ست البنات اخيتى ست الفهم السمح ضمة
يازولة انتى وين انا من البارح ارجا فى طلتك ياالحبيبيى ؟!!
| Quote: ونان كيفن الشوايقى والدناقلى ماب ينرايدو ؟ مو ولاد أعم يا الحيبيبى ؟؟ |
صدقت آستنا صح اولاد عم وبينهم الدم والقول الاهم بتراااااااايدوا والله ..
| Quote: والجنى العاقة دا الاسمو حبيب بلدو ، مالو علينا جاييى يفتننا فى اشينو ؟؟؟ |
لا لا الله ماجاب الفتنى آحبيبتى والله مابكون بينا غير الريدة والدم الحلو ..علا اللاخو حبيب بلدو شالتو الغيرة على الدنقلاوية قال لانها اتكسرت شديد فى ود الشوايقة يعنى !!
| Quote: نان هى اكان دايرى الدنقلاوى ، ما قعد تشوف فييو ؟ |
صدقتى أستنا الفاهمى المكملى صح الحب قسم ..
ست البنات لى حدهن علا عندى ليكى قول الرسول لاتفارقى البكان ده لانو الليلانا نحنا الاتنين ياالسمحى الظريفى بت عم كمبال الطيب..
|
Post: #10
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: بلدى يا حبوب
Date: 03-12-2005, 10:34 AM
Parent: #1
نادية
Quote:
والله يريدوا بعض جنس ريدة !!
|
تورية ده والله شنو
تحياتى
|
Post: #13
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: saif massad ali
Date: 03-12-2005, 02:16 PM
Parent: #10
نسوي ليك شنو من الحب ما قتل , خلاص ابقي دنقلاوية بمكنة شايقية,عاد بكرة بتجيك الدنقلاوية الميها خمج تجدعك ورا تقول ليك هيييي
|
Post: #19
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-12-2005, 08:59 PM
Parent: #13
سيف مساعد
صدقت اخوى .. فعلا من الحب ماقتل !!
|
Post: #14
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: Mohamed A. Salih
Date: 03-12-2005, 02:16 PM
Parent: #10
| Quote: ومنو القال مابترايدو؟!! |
ومنو الربط التاني بي قش النجيله?
|
Post: #18
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-12-2005, 08:53 PM
Parent: #14
محمد صالح تود
ار بداكو ؟
كمبو شديد !
| Quote: ومنو الربط التاني بي قش النجيله? |
انت الربطهم ولا داير تنكر كمان ؟!!
|
Post: #15
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-12-2005, 03:43 PM
Parent: #10
الاكرم بلدى ياحبوب
| Quote: تورية ده والله شنو |
لا دى بلاغة وتأكيد وتشديد وفعل لازم وكده..!
|
Post: #16
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: ست البنات
Date: 03-12-2005, 08:15 PM
Parent: #1
نادييى حيبيبة قساى ،
نان قالولك البوكان دا انا بفارقو تانى ؟؟؟
وحات ربى كيضب !
انا حتى لقدابتى قفلتها وسوويت كوشارى فى عيبى !
وتانى من هينى مانى فايتى ضوومة !
هو الزول داير شينو بلا الضل السمح والناس الطيبى العندها عرض ؟؟؟
وانت يا العيديلى الزينى بتنفاتى ؟؟؟؟
سيى فوقك وسيى فوق الدناقلة الحينينيين !
ست البنات .
|
Post: #21
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-12-2005, 09:11 PM
Parent: #16
حبيبتى الربنا ادانى ليها فى شتات غربتى الشينى
هوى آست البنوت لى حدهن ..
Quote: نان قالولك البوكان دا انا بفارقو تانى ؟؟؟
وحات ربى كيضب !
انا حتى لقدابتى قفلتها وسوويت كوشارى فى عيبى !
وتانى من هينى مانى فايتى ضوومة !
هو الزول داير شينو بلا الضل السمح والناس الطيبى العندها عرض ؟؟؟
وانت يا العيديلى الزينى بتنفاتى ؟؟؟؟
سيى فوقك وسيى فوق الدناقلة الحينينيين ! |
وحاة ربى نضمك السمح ده نزل فوق حشاى متل المى الساااااقطى آستنا الزينى
وهسى من دربى ده ماشة انوووم ..علا باقيلك الناس والجنيات الهنا واقع لهم الريدة دى آستنا ولاحاسدين الشايقى فى بت دنقل ؟!!
|
Post: #17
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: محمد ابراهيم قرض
Date: 03-12-2005, 08:49 PM
Parent: #1
Quote: عافي منك لو تسيبني.. وليه تكون أسباب شقايا
ماني قدرك في المحبة.. يا النويت تهرد حشايا
كلمتك لسع في خاطري.. (نار شفايفِك سر دَوَايا) |
نادية ..
أتاريك مكسرة فيني و أنا ما عارف ؟؟؟؟
كله ده كاتماه في قلبك و صابرة عليه ؟؟؟
ما أنا شايقي و أبوي شايقي و أمي شايقية
و أعمامي و أخوالي و حبوباتي شايقيين ..
وصفك ده بينطبق على رسمي و شعبي
   
ملحوظة:
أظنك ما قاعدة تشوفي المسنجر ..
مش كده ؟؟؟
|
Post: #20
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-12-2005, 09:05 PM
Parent: #17
الغالى ..الزميل محمد ابراهيم قرض
Quote: أتاريك مكسرة فيني و أنا ما عارف ؟؟؟؟
كله ده كاتماه في قلبك و صابرة عليه ؟؟؟
ما أنا شايقي و أبوي شايقي و أمي شايقية
و أعمامي و أخوالي و حبوباتي شايقيين ..
وصفك ده بينطبق على رسمي و شعبي |
بركة الوقع ليك آود امى ..نان انى من الصباح بقول فى شنى ؟!!
Quote: ملحوظة:
أظنك ما قاعدة تشوفي المسنجر ..
مش كده ؟؟؟
|
انا قلت آبت آناديى خلاص نان قولييها هنا على الملأ فى البكان ده وخلاصى اها مانى فالحى الرسول آ قرض ياود امى ؟
|
Post: #22
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: Al-Shaygi
Date: 03-12-2005, 10:12 PM
Parent: #1
الأخت الكريمة بت عثمان،،،
| Quote: خائفة لو اسمع كلامك.. يبقى مُر المُر شرابي |
هو في أحلى من شراب المر ،، وما في مر إلا مارق من حلو !!!!!
...
|
Post: #23
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: Habib_bldo
Date: 03-12-2005, 11:02 PM
Parent: #22
رغم الغيرة كاتلاني
ارجع وأسحب كلامي
وأقول دا بوست للتسامح والحب بين الدناقلة والشوايقة وأقول الحب غلاب وما بقول أعمى
وصح ما بيفرق
وما بقول زي أخوي محمد صالح ربطناهم بي قش النجيلة ولا بنون بصل!!!!
وجنس الكلام دا البيجيب الهوى يا محمد صالح
|
Post: #29
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-13-2005, 10:23 AM
Parent: #23
الاكرم حبيب بلدو
Quote: رغم الغيرة كاتلاني
ارجع وأسحب كلامي |
عين العقل ياغالى
وزكرتنى قصيدتى الفى الديوان الاول بقول مطلعها :
توجنى فى قلبك اميرة
اميرة فى قلبك اسيرة
انا فى هواك
كاتلانى غيرة !!
|
Post: #28
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-13-2005, 08:26 AM
Parent: #22
الاكرم الشايقى
| Quote: هو في أحلى من شراب المر ،، وما في مر إلا مارق من حلو !!!!! |
والله صدقت المر عشان خاطر الحبيب يبقى حلوووووووووووو وسكرو زايد كمان !!
|
Post: #24
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: أحمد الشايقي
Date: 03-13-2005, 04:41 AM
Parent: #1
ينصر دينك
يا حبيـبنا
وحبيــب بـلــدو
|
Post: #30
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-13-2005, 10:29 AM
Parent: #24
احمد الشايقى العزيز
وينصر دينك انت كمان !!
و
الدين لله
والحب للجميع!!
|
Post: #25
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: ملكة سبأ
Date: 03-13-2005, 06:27 AM
Parent: #1
| Quote: (الشايقي كان ملايكة ما تجاورو) |
الصاح كدا ياحبيب بلدو
| Quote: إذا جاورت في الفردوس بني دنقل فعجل بالرحيل إلى سقر |
وبرضو المرجو من أخوانا الدناقلة مايزعلو
هى كلها مكايدات كترة ريدة (مش بقولو كتر الريد دعا وقميد)
فنحن كلنا أبناء بيئة واحدة
| Quote: الدناقلة والشوايقة اولاد منطقة واحدة واتربوا بالقنديلة واللبن سوة |
ينصر دينك يانادية
لكن الملاحظ انه اولاد الدناقلة دائما (بتكسرو) في بنات الشوايقة واغلب الزيجات دي بتكون العروسة هي الشايقية ..
اما ظاهرة بنات الدناقلة (البتكسرو) في اولاد الشوايقة دي جديدها لنج 
حفظ الله يانادية وحفظ حبك وحفظ الأواصر الحميمة بيننا
ولك حبي
|
Post: #26
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: manubia
Date: 03-13-2005, 07:29 AM
Parent: #25
habib balado, walahi ana with you .i don't know why i fe;lt jealous ,my mother is dunglawieah .but we should forget all this to consentrate on our similarities as sudanese, ....i am still jealous ,though!
Nadeah Osman,please KEEP UP THE GOOD WORK OF UNITY .
REGARDS
|
Post: #27
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: peace builder
Date: 03-13-2005, 07:51 AM
Parent: #26
الاخت الاستاذة نادية
اقطع دراعي ان ما كان الشعر دا قلتيهو في "ابو عيالك"
لووول
لاني شايقي لقيت نفسي جاري للبوست جري
تسلمي يا نادية
جمال
|
Post: #32
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: saif massad ali
Date: 03-13-2005, 10:42 AM
Parent: #27
والله يا نادية ماشفوتي اولاد الدناقلة الحب عندهم كيف, غايتو الله يسعدك بي حبك
|
Post: #35
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-13-2005, 10:55 AM
Parent: #32
سيف مساعد
| Quote: والله يا نادية ماشفوتي اولاد الدناقلة الحب عندهم كيف, غايتو الله يسعدك بي حبك |
انت ليه زعلان من حب بت الدناقلة فى ود الشوايقة انت زاتك موش شايقى ؟!!
|
Post: #33
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-13-2005, 10:46 AM
Parent: #27
الاكرم peace builder
| Quote: اقطع دراعي ان ما كان الشعر دا قلتيهو في "ابو عيالك" |
لا والله طلعت اوت فى دى انا زوجى دنقلاوى وحبوبتو ام امو مصرية من بورسعيد .. والقصة دى حقيقية لكنها خاصة بصديقة غالية على قلبى !
هههههههههههههههههههههههههه
| Quote: لاني شايقي لقيت نفسي جاري للبوست جري |
والله ده من حظنا وعليك الله تخليك معانا ياود الشوايقة .
|
Post: #34
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-13-2005, 10:52 AM
Parent: #26
الاكرم manubia
صدقت يااخى فالسودان كله بلد واحد ونحن شعب واحد ويجب ان تظللنا شجرة الوحدة الوارفة الظليلة
سعدت باطلالتك واعجابك بالبوست وارجو ان تظل معنا دوما هنا ولك التقدير ..
|
Post: #31
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-13-2005, 10:38 AM
Parent: #25
ملكتنا المتوجة بلقيس
ملكة سبأ
| Quote: وبرضو المرجو من أخوانا الدناقلة مايزعلو |
طيب مازعلانين لكن بالجد انتى محسية ؟
Quote: هى كلها مكايدات كترة ريدة (مش بقولو كتر الريد دعا وقميد)
فنحن كلنا أبناء بيئة واحدة |
وهذا هو لب الموضوع كما يقولون !!
Quote: لكن الملاحظ انه اولاد الدناقلة دائما (بتكسرو) في بنات الشوايقة واغلب الزيجات دي بتكون العروسة هي الشايقية ..
اما ظاهرة بنات الدناقلة (البتكسرو) في اولاد الشوايقة دي جديدها لنج |
منو القال ليك ؟
والله يتكسرن ويتكسرن للصباااح بعدين ماتنسى الشايقى حنين وريااااااااد وحنكو سنين وبت الدناقلة قلبها رهيف جدا !!
|
Post: #36
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: ba7ar
Date: 03-13-2005, 12:04 PM
Parent: #31
جعافرة يا رسول الله
زوقونا معاكم يا ناس
|
Post: #37
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-13-2005, 12:15 PM
Parent: #36
الاكرم ba7ar
قالوا دناقلة يارسول الله !!
ووكت سويتوها جعافرة يارسول الله !!
برضو مافى مانع
ومرحب بيك الف اخوى ..
|
Post: #38
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: محارب
Date: 03-14-2005, 01:49 AM
Parent: #1
هي اوسمان برو
سري ناقنا
ارمن انكي شايقنجي دولي ؟
ان جمنجي دولكتمونا
وهاك النكتة دي :
شايقي دخل الجنة (؟؟؟ ) ادوهو بيتين في الجنة
باع واحد واجر واحد وسكن مع عزابة في النار
مع الاعتذار للاخوان الشوايقة
ولك الود
|
Post: #42
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-14-2005, 07:37 PM
Parent: #38
محارب هى شافة سكر كرى
Quote: هي اوسمان برو
سري ناقنا
ارمن انكي شايقنجي دولي ؟ |
اى ولا سريرى الحمد لله
اى والله شايقن تود دقريرى دوللى !!
شافة حنين منى ..دسن حنينو !!
|
Post: #39
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: samwal ebrahiem
Date: 03-14-2005, 02:18 AM
Parent: #1
نادية الراقية
Quote: ود الشوايقة
كيف أعيش وأنا روحي ضايقي ؟؟
كنت قبل أشوف عيونك.. قلبي خالي وروحي رايقي
وهسي زاد قلقي وجنوني.. وسببي كان ود الشوايقي
|
نادية / كلماتك جميلة للغاية حروفك درر ماسية
عالقة في سماء الابداع وصلت الي قمة
الروعة والانبهار لذلك لا استطيع الي ان
اقــول :-
نادية يا بت الأصول
نادية يا كلك شعور
نادية يا حرفك نغم
يفرح قلوب مليانه هم
شعرك جميل ذي الحرير
وجد تستأهلي التقدير
خالص امنياتي بان يحفظ الرب هذا الحب الجميل
الذي ينادي الي مداخلة القبائل والانصراف عن
العنصرية الذميمة
ودي وتقديري
السمؤل
|
Post: #40
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: ابو جهينة
Date: 03-14-2005, 02:45 AM
Parent: #39
ذات صولجان الحروف الندية
نادية
هذه سيمفونية معزوفة بأدوات شايقية و دنقلاوية .. و أكيد الثمرة حتكون من نوع القنديلة و البركاوي و البتيمودة ..
مش يا ست البنات ؟
|
Post: #41
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: peace builder
Date: 03-14-2005, 05:52 AM
Parent: #40
والله يتكسرن ويتكسرن للصباااح بعدين ماتنسى الشايقى حنين وريااااااااد وحنكو سنين وبت الدناقلة قلبها رهيف جدا !!
تصريح خطير يا نادية..
الدناقلة ديل مافي أحن منهم..اسأليني أنا
والسودانيين كلهم مافي أحسن منهم
سلمت يا نادية
|
Post: #47
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 04-01-2005, 10:14 AM
Parent: #41
الاكرم peace builder
تسلم على المرور الباهى
والتصريح الخطير كان فى اعلان الحب الطاهر وتتويج العلاقة الطيبة برباط الزواج المقدس بين بت الدناقلة وود الشوايقة..
|
Post: #44
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-16-2005, 06:19 PM
Parent: #40
ابو جهينة العزيز
| Quote: هذه سيمفونية معزوفة بأدوات شايقية و دنقلاوية .. و أكيد الثمرة حتكون من نوع القنديلة و البركاوي و البتيمودة .. |
صدقت والله .. ومااروعها من ثمرة طيبة لذييييييييييذة !1
السوعال ده ليك آست البنوت لى حدهن نان انتى مشيتى لاوين؟
|
Post: #43
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 03-14-2005, 07:47 PM
Parent: #39
سمؤل ابراهيم الولد المعجون من خليط الشعر البديع الحميم ..
Quote: نادية / كلماتك جميلة للغاية حروفك درر ماسية
عالقة في سماء الابداع وصلت الي قمة
الروعة والانبهار لذلك لا استطيع الي ان
اقــول :- |
هذه شهادة تقدير تسر قلبى وقول طيب يفرحنى كثيرا لصدقه وطيبته
Quote: نادية يا بت الأصول
نادية يا كلك شعور
نادية يا حرفك نغم
يفرح قلوب مليانه هم
شعرك جميل ذي الحرير
وجد تستأهلي التقدير |
الله وحده اعلم كم تسعدنى هذه الروح المنداحة الطيبة التلقايئة جدا ..عاجزة عن الشكر ياصديقى الشاعر وغلبتنى حروفك الصادقات..
Quote: خالص امنياتي بان يحفظ الرب هذا الحب الجميل
الذي ينادي الي مداخلة القبائل والانصراف عن
العنصرية الذميمة |
والله هذا ماقصدته فالسودان هذا الرجل الطيب قد انجبنا جميعا من صلبه فلما التناحر والتنافر والعنصرية ولصالح من ؟!!
|
Post: #45
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: أحمد الشايقي
Date: 04-01-2005, 08:49 AM
Parent: #1
الكريمة نادية عثمان
ها قد حضرنا للتوقيع
لازم معاي أخوي نزار بالطبع
وليدم المعروف
|
Post: #49
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: نادية عثمان
Date: 04-01-2005, 02:41 PM
Parent: #45
اخوى الغالى احمد الشايقى
| Quote: ها قد حضرنا للتوقيع |
تحضر ماتغيب ياااااااااارب
قول امين
|
Post: #46
Title: Re: ود الشوايقة!!!! وبنتراااايد ..ولاشنو آست البنات خيتى الزينى ضمة ؟!!!!!!!
Author: أحمد الشايقي
Date: 04-01-2005, 08:55 AM
Parent: #1
وهاكم النـم الصــح
صعـيـب شــوقن (قــرح),
عشعــش علي متّــاقــل
وهــدهــد نومي لــحــقـني
السـقـيد الحــاقـــل
قـنّــب بي (نــــزار)
فضفــض نصيـحــة عاقــل
قــت لــو أخــوك (كـتــل)
وال (ودّروه) دناقــل
|
Post: #48
Title: Re: والجعليين ياكلوا قرض
Author: shak
Date: 04-01-2005, 11:53 AM
Parent: #1
وبعدين مع الجهويات والطائفيات من شسايقيات ودنقلاويات
عموما الدنقلاويات بارعات جدا فى اظهار اللهفة وتقطيع حشا المولهين .. والشايقيات عصا نايمى وعصا قايمى .. وانا شايف الكيمان متراصات فى مدح الظل العالى للشايقيات والدنقلاويات .. والجعليات ياكلن قرض .. رشوا الرملة بالموية وحضروا السباتات وسيطان العنج .. وانا تب متحزم ومتلزم كان بالدولار بعرسا كان باليورو بعرسا حتى كان بالدانقا او الين انا جاهز ومن وين يا ربى هى اكتشفت انها لا دنقلاوية لا شايقية مع انى بموت فى الدنقلاويات لحد الرجفان بتاع سيدنا سجيمان لمن يشوف الكوندا ليزا الموناليزيا وبتكسر جد جد ما انا زول رياد وكيميتى بتلفق مع العنصرين الحارين بنى شايق وبنى دنقل لكن الريد قسم والقسمة ما بالليد ولا بالكراع ولا شختك بختك .. القسمة من الهيفن ويبدو انة قسمتى ادق صيوانى فى المتمة وما جاورا ومش قالوا زهرة ارقو حلوة حلاتا فاتت فى الجمال زملاتا .. اموت فى جغرافية بنات السودان ومرة قلت لى واحد صاحبى عايز اعرس واحدة مكونة من جميع بنات قبائل السودان وفتشنا وما لقينا ................................................... واخيرا ليت كل فتيات السودان فى امراة واحدة فاتزوجها واستريح
شاك
|
Post: #50
Title: Re: والجعليين ياكلوا قرض
Author: Elawad Eltayeb
Date: 04-02-2005, 09:11 AM
Parent: #48
بوست جميل.
|
|