Post: #1
Title: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-22-2005, 11:37 AM
والله العظيم بعرف رجال واولاد كتااااار بيحبوا غناء البنات ويرددوه ويتكيفوا منو جدا ..حتى لو كان بالدس دس !!
مايسمونه بغناء البنات بدأ كظاهرة ولكنه تغلل فى مجتمعنا السودانى واصبح المفضل لبيوت الاعراس والمناسبات المختلفة
يعبرن فيه الفتيات عن رغبات مكبوتة يصعب عليهن قولها هكذا جهارا وعلى روؤس الأشهاد حتى لايتهمن بالوقاحة وقوة العين !!
اغانى البنات تناقش باسلوب بسيط الكثير من القضايا الحيوية كقضية الزواج خاصة وكذلك قضايا سياسية واجتماعية اخرى ومشكلات تؤرق المجتمع فيعبرن عنها الفتيات غناءا صاخبا وجريئا جدا ..
ولكن من هم مؤلفى اغانى البنات ؟
حدثتنى مغنية بان من يكتب لها الكلمات ويلحنها هم شباب ورجال وليس بنات..الا انها قالت انهم لايريدون ان يكشفوا عن انفسهم ..
وهل كل غناء البنات يعد هابطا؟..ولماذا؟؟
اغنيات البنات تلتقط سريعا مجمل التطورات الراهنة فى المجتمع وكل الظواهر المستجدة لتنسج منها قصة مغناة
فمثلا ظاهرة تأخر الفتيات فى الزواج غنت لهن المغنيات العديد من الاغنيات كان اشهرها
اب شرا :
جاياك ..جاياك ..يابشرا
جاياك جاية افتو معاك ..يابشرا
بالضرا ..بالضرا
انشاء الله راجل مرة
اخئئئئ
انشاء الله راجل اختى
بركات بجيبو بالبخرات
وهكذا ..!!
وفى احدى الاغنيات سمعتها تقول
الحارب يوسف كوة
وهذه سياسة !!
وهناك الرياضة عندما غنت الفتيات لكمال شداد وقاقارين وغيرهم من اللعيبة الخطرين
واغنيات واغنيات ..ارجو ان نبحث فيها وفى ماورائها ومن الفها ومن لحنها ومن غناها ومن وصفها بالهابطة ولماذا ؟!!!!!!!
|
Post: #2
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: A.Razek Althalib
Date: 02-22-2005, 11:46 AM
Parent: #1
| Quote: والله العظيم بعرف رجال واولاد كتااااار |
هي بلا حلفان...
يا ست البوست... 
الكترة كتلت الفيل..
خالص الأمنيات...
واصلي.. بوستيك سمح خلاص..
|
Post: #3
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: saif massad ali
Date: 02-22-2005, 11:57 AM
Parent: #2
بت عثمان غناكن سمح بالحيل
اسمعي
يا راجل ام ضبمان
يالله
عرس لي بت عثمان
يالله
حتي ولو سجيمان
يالله
|
Post: #6
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-22-2005, 01:06 PM
Parent: #3
العزيز سيف مساعد
قلت:
يا راجل ام ضبمان
يالله
عرس لي بت عثمان
يالله
حتي ولو سجيمان
يالله
تسمح لى ادى الاغنية دى لهاجر كباشى تغنيها بعد ماسجيمان يلحنها ؟!!
|
Post: #4
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-22-2005, 11:59 AM
Parent: #2
العزيز عبد الرازق الطالب
والله انت هميم جنس همية ..اقايتو عينى باااااااااااااردة !
وبالمناسبة دى بهديك هذه الاغنية
التى تقول كلماتها :
المظاهر ماهمية
جبنا ليك عبد الرازق شخصية
وحسى ووزعى البيبسى ياأم العروس !!
|
Post: #5
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Salwa Seyam
Date: 02-22-2005, 12:11 PM
Parent: #1
شكرا الاخت نادية علي بوست هذا الموضوع الهام
ولي عودة
|
Post: #7
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-22-2005, 01:14 PM
Parent: #5
الغالية سلوى صيام
راجياك
راجياك
ياسلوى
راجياك
راجية
افتو
معاك
ياسلوى ..!
|
Post: #8
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: HAMZA SULIMAN
Date: 02-22-2005, 01:53 PM
Parent: #7
الشاعره الفنانة
لك تحياتى
غناء البنات ,تناولوه النقاد بشئ من عدم المعرفة النقدية وقيل ما قيل فيه
,,,, فهذا الضرب من الغناء فى السودان من ناحية الالحان فيه كثير من العفوية
التأليفية وكذلك الاشعار التى تعبر عن الحال المعاصر لذلك اصدق الغناء فى
عكس الواقع هو غناء البنات لانه يحمل فى دلالاتة المباشرة وغير المباشرة حال المجتمع
وهو دائما يكون من تأليف المجتمع كلة اشعارا والحانا ليس له مؤلف محدد
نحن ليس كغيرنا يمكن ان نطلق على نوع من تاليفنا بى ( الطقطوقة ) تمردا على
حزافيرية وموازيرية الغناء الطويل والمحكوم بى النظريات الموسيقية لذلك لا يوجد عندنا اغنية ( طقطوقة ) ولا يوجد عندنا اغنية هابطة ابدا ولا يوجد عندنا اغنية اريد بها التمرد على المعرفة الموسيقية البحته لذلك حتى فى اغنياتنا التى تعبر عن الوعى الموسيقى تجديها غير منفكة من الفطرة الشعبية التى اصاغتها المعرفة الموسيقية صياغة لم تبعد عن الذهنية المتلقية للعمل بأختلاف مسنويات سماعها
التحية لكل مغنيات بلادى الحبيبات
|
Post: #9
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Elmosley
Date: 02-22-2005, 02:28 PM
Parent: #8
ناديه اسمعي كلام حمزه ده سمممممممممممممح
|
Post: #13
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-22-2005, 04:39 PM
Parent: #9
الموصلى ود خالى
كلام حمزة سمعتو وفهمتو وهضمتو وهو فعلا سمممممممممممح
لكن نحنا برضوووو دايرين رؤيتك النقدية لغناء البنات ولامابنستاهل ؟!!
يلا قول والله هسة احرش عليك بنات البورد ديل يزعلن منك ..!
|
Post: #69
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Elmosley
Date: 02-24-2005, 10:32 AM
Parent: #9
طيب النسال ياناديه
ماهو مااصطلحتم عليه غنا البنات في الاول
هل هو غنا البنات لانو البنات بغننو؟؟
طيب اذا كدا مافي بنات كتار بغنن غنا غير ده؟؟
ولاديل مابنات
اها جاوبو وبعدين بجيكم راجع
|
Post: #10
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-22-2005, 03:59 PM
Parent: #8
الاستاذ الناقد والمحلل حمزة سليمان
قلت:
لا يوجد عندنا اغنية ( طقطوقة ) ولا يوجد عندنا اغنية هابطة ابدا ولا يوجد عندنا اغنية اريد بها التمرد على المعرفة الموسيقية البحته لذلك حتى فى اغنياتنا التى تعبر عن الوعى الموسيقى تجديها غير منفكة من الفطرة الشعبية التى اصاغتها المعرفة الموسيقية صياغة لم تبعد عن الذهنية المتلقية للعمل بأختلاف مسنويات سماعها
ووالله هذا الحديث اثلج صدرى
وفعلا كلامك سمح على رأى موسيقارنا الموصلى
سلمت على المرور المثمر وارجو ان تعيد الكرة فالبوست بالحضور المفيد يصبح فاكهة ناضجة ولذيذة وشهية التناول..
|
Post: #11
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: مريم بنت الحسين
Date: 02-22-2005, 04:10 PM
Parent: #1
نادية عثمان.. صاحبتي ازيّك... انا ما بعرف في النقد.. وبعد كلام الاستاذه الكُبار ما عندي كلام.. بس قلته أسمعكم معاي ...
|
Post: #14
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-22-2005, 04:42 PM
Parent: #11
الحبيبة مريم بت الحسين
النبق
النبق
النبق
النبق
والدنيا حلوة وانا بريد شباب الدنيا
بريدو انا
اللابسة الجنيزى
الجينزى شدة
الجينزى شدة
انا بريد شباب امبدة
بريدو انا
اللابسة الساعة
الساعة لامعة
الساعة لامعة
انا بحب شباب الجامعة
بريدو انا
الرسول يامريومة كان عندك الاغنية دى كاملة كان تنزليها
سمح
|
Post: #12
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عثمان فضل الله
Date: 02-22-2005, 04:13 PM
Parent: #1
الاخت ناديه تحياتى
ينقطع لسان كل من يقول ذللك غنا البنات عباره عن تعبير صادق عن حال المجتمع وهو يعطى الصوره من غير مساحيق او با ودروالبقول غنا البنات هابط ما متابع خلينا نضع مسيره غنا البنات منذ زمن الحرب العلميه وحتى يومنا هذا ستجدين الحقب التاريخيه الاقتصاديه والسياسيه مدونه فى اغانى البنات واقول ليك سر بعض اغانى البنات شعرائها من الرجال وسى يابدوى
|
Post: #15
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-22-2005, 04:44 PM
Parent: #12
الاكرم عثمان فضل الله
كدى قول لى فى الاول انت عثمان الصحفى ؟
مداخلتك ثرة ومفيدة جدا واتمنى ان تواصل فيها لتؤكد للجميع ان غناء البنات بمقدروه احداث ثورة تغيير فى مفاهيم المجتمع بكلياتها ..
تسلم من كل شر
|
Post: #16
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: معتصم دفع الله
Date: 02-22-2005, 04:47 PM
Parent: #12
الأخت نادية
تحياتي ..
لا أخفي عليك إن قلت لك لا أسمع كثيراً من أغاني البنات أو كما يسمونها إلا عرضاً ..
ولكن في إعتقادي الشخصي أن أي أغنية لها مدلول وأرث متداول بين الجميع ..
هناك الكثير من الأغاني البسيطة التي تناقش الواقع لا يمكن أن نفرغها من مضمونها ..
في إجازتي الماضية كانت بنت عمي تداعب فيني وتغني لي ..
يأب شراء إن شاء الله راجل مرة ..
وهي كانت تقصد أخي الكبير فقد كانت بينهما قصة حب طويلة لكنها لم تتم ..
وهي لا زالت تحبه وتحفظ له ذلك الود وهو الآن يملك من الأطفال ثلاثة ..
وأنا بمداعبة مني كنت أقول ليها " كان ليك " يا المنططة عينيك ..
فيجب أن لا نقلق كثيراً بشانها فهناك الكثير من الفنانات إنطلقن بهذه اللونية من الغناء وأصبحن الآن مغنيات لهن وزنهن .
وكذلك أنا مع رأي الأخ الفنان حمزة سليمان فقد أبان وأفصح في هذا الشأن ..
خالص ودي ..
|
Post: #18
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-22-2005, 05:20 PM
Parent: #16
العزيز معتصم دفع الله
والله صدقت فاغانى البنات كانت مدخل اكثرهن لخارطة الساحة الفنية السودانية
والان اجمل الفنانات صوتا واحلاهن اداءا يغنين اغانى البنات
واكبر دليل على ذلك الرائعة المبدعة سميرة دنيا
فهى من غنت
الليلة وين انا
البى العصر مرورو
والسماعاااااااااااات ياخال فاطمة بالله
|
Post: #17
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: مريم بنت الحسين
Date: 02-22-2005, 04:55 PM
Parent: #1
والله يا نادية دي أول مره أسمع بيها.. لكن ضحكتيني والله
يا ريت لو عندي ما كنت بستنى لحظة.. ولك كل الحب
بنت الحسين
|
Post: #19
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-22-2005, 05:28 PM
Parent: #17
بت الحسين الغالية
شنو يامريومة انتى عايشة وين كان ماسمعتى اغنية الدنيا حلوة ليوم الليلة ياااااااااااختى ؟
طيب اسمعى دى ولو عندك تنزليها طوالى
سمح
دياشة
دياشة
كر على انا
دياشة
والجيش نقلوه فتاشة
اوب على انا
باللبنى
باللبنى
كر على انا
باللبنى
الديش نقلو ود مدنى
اوب على انا
السكن الجبال جوة
اوب على انا
السكن الجبال جوة
ده الحارب يوسف كوة
كر علينا
انا ماشة الرئاسة
اوب على انا
دى مكانة حساسة
اوب على انا
دى مكانة حساسة
اصالة مع الحداثة
كر على انا
اها كمان قولى ماسمعتيها يامريومة !!
|
Post: #20
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: مريم بنت الحسين
Date: 02-22-2005, 05:37 PM
Parent: #1
كييييييييف... دي سمعتها تب.. لكن للأسف ما عندي...
انا المفضلة عندي أب شرا...
يا لطيف.. سعدي يبقى خفيف يابشرا...
انا عندي مزاج غنا الليله..
بنت الحسين
|
Post: #21
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-22-2005, 05:47 PM
Parent: #20
مريومة بت الحسين الغالية
خلاص انتى الاغنية المابتكون عندك اكتبى كلماتها
والدعوة موجهة لكل الاحباء والحبيبات يحيوا الحفلة بما لديهم ولديهن من اغنيات بناتية راااااااااااابة
وبجيك بعد شوية باغنية تانية
سمح
خليك صاحية
مازال الليل طفل يحبو يافردة !
|
Post: #22
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: مبيوع
Date: 02-22-2005, 06:41 PM
Parent: #1
حتى
حتى الشرا
اقلبى
قلبو البلا
العزيزه ناديه
ما رايك فى الرجال البيغنو غنا البنات
ويدو الساوند شوية ايكو
ويسموهو اغنيه شبابيه
|
Post: #23
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-22-2005, 07:25 PM
Parent: #22
اخيرااااااااااااا ياسر مبيوع عندنا ؟
يامرحبا
يامرحبا
يازول انت كنت ويييييييييين؟
بالله عليك الله تانى ماتختفى كده
سمح
اما بالنسبة للشباب ناس قدورة وكبشور وهناى وهناى ديلك
والله هى ظاهرة اقايتو
والفرصة متروكة للنقاد
انحنا الليلة ناس حفلة بس !
النبى يامبيوع كان تغنى لينا اغنية جنا الباباى ياجنا الهباباى
يلا قبلى جاى
حافظها؟
|
Post: #25
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: خدر
Date: 02-23-2005, 02:42 AM
Parent: #24
الاخت ناديه
يبدو واضحا انك من انصار غناء البنات
و منو مابحب غناء البنات !!
بس انا عندي شويه اسئله ممكن توصلك لي اجابه علي سؤالك
1/الفرق بين غنا البنات و البحصل اسه في السودان ده شنو ؟؟
2/حدود غناء البنات ويين .. هل هي وسيله للتعبير عن احلامهن
ام نمط غناء يجب ان نتيح له الفرصه في وسائط الاعلام ؟؟
3/هل للاغنيه دور تثويري .. اي هل مهمه الاغنيه الامتاع فقط
ام لها دور في بناء الامه و صياغه تواريخ الشعوب ؟؟
اتمني انو اكون ما صعبتها ؟؟
|
Post: #26
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عصام دهب
Date: 02-23-2005, 03:45 AM
Parent: #25
الأستاذة الفاضلة / نادية
لا أذيع سراً و لا أشيع معصية إن قلت أنني من أشد المعجبين بأغاني البنات ـ أو ما يسمى زوراً وبهتاناً بالأغاني الهابطة ـ بشكل عام سواء كان من يؤديها من البنات أو الأولاد أو حتى من الجنس المش عارف إيه ..
أجد أن كل إن لم يكن جل مما أستمع إليه من هذه الأغاني يعبر تعبيراً صادقاً عن واقع لا يمكن الهروب منه و ما إنتشار هذه الأغاني و تداولها إلا تأكيد على نجاحها الجماهيري فإن كان البعض يراها هابطة أنا شخصياً أراها ( فوووق .. فووق ) و الماعاجبو يسدد إضنينو ...
قناعتي أن الإستماع بحد ذاته فن و أرى من غير المستساغ أن يأتيني فنان متحضر و( راقي ) ليشدو لي برائعة المرحوم العاقب ( هذه الصخرة ) في حفلة عرس مثلاً .. فمن منا يحضر حفل عرس ليتنسم عطر الكلمة و ينهل من عذوبة اللحن و يطرب لتموسق الأداء من ؟؟
و أنا في طريق عودتي من العمل يومياً أحرص على سماع الغناء الفووق و أتفاعل مع مغنين و مغنيات ـ ربنا يحفظهم ـ أسعدوا الكثيرين من متابعيهم أمثالي ،، وقد شمل هذا الإسعاد حتى صغيرتي يارا التي ما أن تركب السيارة حتى تطالبني بتشغيل ( جب .. جب .. جب ) و التي تتفاعل معها أكثر من تفاعلها مع بابا فين و غيرها مما خصص لمن هم في سنها .
قبل عودتي من السودان الإسبوع الماضي حرصت على إقتناء بعض من الأشرطة ـ الحرة ـ التي لا تخضع لرقابة المصنفات الفنية وتباع سراً في الأستيريوهات وكم أنا سعيد و منتشي بها و منها و إليك بعض مما سمعت للرائع لحمادة بحري الشهير بحمادة ( بت ) إذ يقول ..
شمار جابوهو لي ..
من بري .. عصرية
كان عشرة .. كان مية
أنا زولتو الأساسية ..
حنانة !!
الطردوهو و رجع جانا ..
النسى أهلو ما نسانا ..
يا أخواني كان روقتو
أنا بوصف الشفتو ..
الزول الكان حبيبي
فيهو ملامح من أختو ..
الصفقة مالها تعبااااانة ..
الخاينة .. جاسوسة
في بيتنا .. مدسوسة
تقعد في شدرتنا
تحلب في بقرتنا
جات الليلة .. غدرتنا ..
وعقدوا لي و رجع جااانا ..
فتأملي ..
و لي عودة ..
|
Post: #27
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: خدر
Date: 02-23-2005, 03:56 AM
Parent: #26
|
Post: #31
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-23-2005, 05:20 AM
Parent: #26
العزيز عصام دهب
قلت ضمن مداخلتك الثرة جدا
لا أذيع سراً و لا أشيع معصية إن قلت أنني من أشد المعجبين بأغاني البنات ))
ولاانا برضو حااذيع سر ولا الهنا كلهم ..منو المابحب غناء البنات على رأى خدر
وزى يارا عندك ......عندى ايمان طول النهار تغنى مع هاجر كباشى :
انا مالى اللليلة مالى
ياعزو
انا مالى
خطبونى
سدو مالى
من عزو
انا مالى ..الليلة مالى ياعزو
اوب عليا ..كر عليا
لاوليد ولابنية من عزو
انا مالى
الليلة مالى ياحبو ..!! وهكذا !
|
Post: #29
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-23-2005, 05:12 AM
Parent: #25
خدر العزيز
قلت:
و منو مابحب غناء البنات !!
اها ده تصريح جميل جدا مع تقديرى لى كلامك داك كلوووووووووو
واهم حاجة انو مانخجل نقول على الشئ البنحبو بنحبو عديل كده ..
بالمناسبة فى اغنية بغنوا فيها لى خدر كدى لو اتزكرتها بكتبها ليك
ومر بالحفلة للنهاية سمح..
|
Post: #28
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-23-2005, 05:07 AM
Parent: #24
محمد البشير العزيز
النبى كان تبشر على البنوت البرقصن فى وسط الدايرة ديل وهن بيشبلنك !!
ياسلام عليك يازول ياراقى والله عاجزة عن الشكر
جعلتنى ارقص وابتهج بهجة ماعادية
والله مااكضب عليك قعدت ارقص لمن فترت زاتووووو
ياخى النكد انعل ابوه ...موش كده بالله؟!!
هديتك راااااائعة ..ومرورك باهى ياغالى وارجوك تحضر الحفلة للنهاية
قالوا كبشور جاى فى الفاصل التانى ..وحمادة بت فى الفصل التالت..
|
Post: #30
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: ترهاقا
Date: 02-23-2005, 05:14 AM
Parent: #28
Quote: يعبرن فيه الفتيات عن رغبات مكبوتة يصعب عليهن قولها هكذا جهارا وعلى روؤس الأشهاد حتى لايتهمن بالوقاحة وقوة العين !!
اغانى البنات تناقش باسلوب بسيط الكثير من القضايا الحيوية كقضية الزواج خاصة وكذلك قضايا سياسية واجتماعية اخرى ومشكلات تؤرق المجتمع فيعبرن عنها الفتيات غناءا صاخبا وجريئا جدا ..
|
قراءة دقيقة
|
Post: #32
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: msd
Date: 02-23-2005, 05:23 AM
Parent: #30
I like very much Guunna Elbanat because it is very simple and very effective
|
Post: #34
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-23-2005, 08:23 AM
Parent: #32
msd
شكرا على المرور الباهى
وفعلا غناء البنات جميل جدا والله
والبنات زاتهم جميلات
موش كده؟
هههههههههه
شكرا جدا تانى
|
Post: #33
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-23-2005, 08:20 AM
Parent: #30
الغالى ترهاقا
قلت:
قراءة دقيقة
تسلم يارااااقى
وخليك هنا قريب اسمع الغناء ده فى التسجيلات المصاحبة
واسمع
انا يسلم لى على ده الجرا القدح
وتسلم ياترهاقا
|
Post: #35
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: بلدى يا حبوب
Date: 02-23-2005, 09:01 AM
Parent: #1
نادية
بصراحة الموضوع شيق ومن خلال مداخلات اهل الفن نحنا جاهزين بس انته كتروا المداخلات
وطبعا ده مداخلة خارج الشبكة بفتكر انو غتاء البنات لعب دورا مقدرا فى الجانب الوطنى ابان فترة الاستقلال ومثال لذالك اغنية عشا الفلاتية
طيارة جات بتحوم
كتلت حمار كلتوم
اما لان فاصبحت اغانى البنات يؤديها كبار المطربين فى سمهرهم الخاص وكثيرا ما اجد شرايط كاسيت .وذى ما قلته غناء البنات معبر وصادق وبيعالج مشاكل كثيرة وبذكر الاغنية البتقول
شل شل كبه لى جالون
ما كبه ليك الطربه ياديك
امشى بكريك
شل شل شل .......
طبعا ده فيها رقصة عروس تخلى بتاع الكمره يبقى دبيب
شكرا على الموضوع الشيق
تحياتى
|
Post: #36
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-23-2005, 09:13 AM
Parent: #35
العزيز بلدى ياحبوب
قلت لى :
طيارة جات بتحوم
كتلت حمار كلتوم
وهى كتلت حمار كلتوم بس؟
الاغنية دى جميلة جد والله
ياريت تعرف تنزلها لينا نسمعها
وانا بحاول اتزكرها كاملة واكتبها
انت بس خليك هنا واسمع الغناء والكلام المعبر ده
ومازال البوست طفلا يحبو ..!
|
Post: #37
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: معتصم دفع الله
Date: 02-23-2005, 10:01 AM
Parent: #36
غناء البنات ..
لماذ هذه التمسية من أصلو ؟ ..
ولماذا التصنيف ؟ ..
الفن هو الفن ليس قاصراً على فئة دون الأخرى ..
يجب أن لا ننظر لغناء البنات من منظور آخر ..
بمعنى أننا يجب علينا أن نشجعه على الأقل فنياً ..
|
Post: #39
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-23-2005, 10:13 AM
Parent: #37
العزيز معتصم دفع الله
قلت:
لماذ هذه التمسية من أصلو ؟ ..
ولماذا التصنيف ؟ ..
الفن هو الفن ليس قاصراً على فئة دون الأخرى ..
يجب أن لا ننظر لغناء البنات من منظور آخر ..
بمعنى أننا يجب علينا أن نشجعه على الأقل فنياً ..
والله على رايك انا زااتى محيرانى التسمية دى خاصة وانو الغناء ده والله بغنوهو فنانين كبار ومشهورين ولو مافى العلن فى السهرات والقعدات الخاصة
الفن هو الفن ده الصاح جدا
وكما قالت الفنانة
القطر الشالك انت يتكسر حتة
حتة
وتسلم ليا
انت ..!
|
Post: #40
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: سجيمان
Date: 02-23-2005, 10:17 AM
Parent: #37
يا نادية
انا من محبي اغاني البنات والبنات زاتم...... اقدم غنية بتاعت بنات حافظ جزء منها هي من عشرينات القرن الماضي.... عليكي الله شفتيني انا قديم كيفن؟.... الاغنية اساسا غنية رقصة عروس الاغنية بتقول
العتبة
وختتي اللدبة
.......
وا همو
قالو باع امو
.......
من احساسو
قالو باع ناسو
.......
من جهلو
قالو باع اهلو
تعرفي الغنية دي كانت بتغنيها حبوبة لي....وحتى بي رقيصا كمان....شفتي الهيلما دي؟
|
Post: #44
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-23-2005, 01:56 PM
Parent: #40
سجيمان العزيز
الاغنية قلت فيها كده:
العتبة
وختتي اللدبة
.......
وا همو
قالو باع امو
.......
من احساسو
قالو باع ناسو
.......
من جهلو
قالو باع اهلو
اها انا ماعندى اى مانع وموافقة انو الاغنية روعة
بس بالجد كده اللدبة دى معناها شنو ؟
|
Post: #38
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Hadia Mohamed
Date: 02-23-2005, 10:08 AM
Parent: #1
دخلت البوست املة فى قرأة عن هذا الفن الجميل. واتمنى ان اجد دراسة قدمتها الاستاذة سعدبة عبد الرحيم فى القاهرة من ضمن نشاطات المركز السودانى للثقافة والاعلام ضمن نشاطات المهرجان وهى عن ثقافة الوسط وتضمنت الزواج بتفاصيلة والاغانى.
وايضا الاستازة زينب الحويرص والاديبة الناقدة سلمى الشيخ سلامة.
اتمنى ان نجد مساعدة من المهتمين فى نشر هذة الدراسات المهمة فى الثقافات السودانية من الاخوة الموجودين فى القاهرة وانت منهم يا نادية واعرف انك نشيطة .
وشكرا
|
Post: #41
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-23-2005, 10:21 AM
Parent: #38
العزيزة هادية محمد
تسلمى على المرور الباهى جدا
وانا معك ان هناك الكثير من الدراسات التى خصصت لهذا الموضوع الحيوى
وقد بحثت فيه العديد ...من زكرتيهم انت من الاساتذة الفضليات وغيرهم كثير
بل ومنهم الدكتورة عفاف الصادق
والفنانة امال النور
وسمية حسن وغيرهن من المهتمات بهذا الفن المعبر
وقد قلتى ضمن ماقلتى فى مداخلتك الثرة :
اتمنى ان نجد مساعدة من المهتمين فى نشر هذة الدراسات المهمة فى الثقافات السودانية من الاخوة الموجودين فى القاهرة
ومن ناحيتى سابذل قصارى جهدى لنوثّق لهذه اللونية
واتمنى ان يمدنا الاخ الاستاذ احمد البكرى بالوثائق المطلوبة من مكتبته الزاخرة
مرورك من هنا اسعدنى وارجو ان لاتغيبى ياهادية ..
|
Post: #42
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Dr. Moiz Bakhiet
Date: 02-23-2005, 11:49 AM
Parent: #41
هاجر كباشي:
Quote: الليلة يا عزو
أنا مالي من حبو.. |
الله أكبر..
ده الكلام
.
.
.
.
.
التوقيع:
عزو
|
Post: #43
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: saif massad ali
Date: 02-23-2005, 11:58 AM
Parent: #42
كمان دكتور معز هنا مع سيجمان هوي المكان ده محجوز والسكين والسوط بره
|
Post: #49
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-23-2005, 07:40 PM
Parent: #43
سيف مساعد
بالليل
بالليل
يابشرا
بالليل
فوق قعاد البيت
جاياك
جاياك جاية افتو معاك ياابشرا
لمتين
لمتين
ياابشرا
لمتين
بايرة لى سنتين ..ياابشرة
ولمتين الحنة فى الرجلين ياابشرا
يالطيف
يالطيف
سعدى يبقى خفيف
يابشرا
جاياك
وجاية اقولو
معاك يابشرا
|
Post: #45
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-23-2005, 02:43 PM
Parent: #42
د. عزووووووووو
قلت:
الله أكبر..
ده الكلام
.
وتمااااااااااام
او كما قالت كباشى :
انا مالى الليلة
مالى ياعزو
انامالى
اوب
عليا
كر عليا
لاوليد ولابنية من عزو
انا مالى
ختبونى
سدو مالى
من عزو
ويسلم عزو والعزاز الهانا كلللللهم ..
|
Post: #46
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-23-2005, 04:59 PM
Parent: #45
ابويا
الصائم ديمة
ياليل
مرضى..مامرض عزيمة
ياليل
الناس الكان بجونا
ياليل
جمعة
جمعة
زورونا ياليل
حبيبنا ..حبيب قسانا
ياليل
ده العكر
صفانا
ياليييييييييييييييييل
احب حنان بلوبلو زاتووووووو!!
|
Post: #47
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: محمد حسن العمدة
Date: 02-23-2005, 06:21 PM
Parent: #46
الغالية بت عثمان
لفترة من الزمان ظلت اغاني البنات وغيرها من اغاني التم تم توثق لتاربخ السودان الاجتماعي والسياسي والثقافي في عفوية خالصة لا تشوبها شوائب الولاء والتعصب تحكي في تلقائية عما يدور ويحدث في عجلة دوران تاريخ الامة السودانية والفنانة عائشة الفلاتية لها النصيب الاكبر في ذلك شاركها بقية فنانو الحقيبة في ايقاع فريد يحكي عن واقع المجتمع السوداني في تلك الفترات ولا زالت كثير من الاغاني المعاصرة تحمل نفس الجينات وان كانت بدرجات متفاوتة التقط على عجالة ما تغنت به عاشة الفلاتية في توثيق لحادثة الطائرة الايطالية ايبان الحرب العالمية الثانية
طيارة جاتنا تحوم
شايلة البشاتن كوم
جات تضرب الخرطوم
كتلت حمار كلتوم
وكلتوم كانت بائعة للبن في ذلك الوقت فبدلا من تقبض ثمن لبنها الذي ينتظره اطفالها الصغر دفعت روحها الذكية الطاهرة لحرب لا ناقة لها فيها ولا جمل
فلا الخرطوم ولا كلتوم ولا حمارها لهم شان في صراع النازيين - هتلر - واحلافهم الفاشست - موسليني - ولكن الفلاتية لم تترك دماء كلتوم تذهب هدرا فالقمتهم نصيب مقدر في اغنيتها
هتلر يا النفاش وموسوليني يا الهراش
فلم تعد الطائرة بعدها ابدا
لكي الود يا نادية وح نجي عائدين انشاء الله تعالى
|
Post: #50
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-23-2005, 07:47 PM
Parent: #47
العزيز محمد حسن العمدة
كدى اسمع دى بالله:
ليالى ياسمرنا
وليالى
ياقمرنا
البريدو فاتنا جنا
ايام ماكنت جافى مابعرف الهمو
لانى ماعرفت السعادة مابتدوم
ليالى ياحنينة
ليالى ياضنينة
بالبريدو اجمعينا
ليالى
ياليااااااااااااااااااااالى
متين العودة تانى
النبق
النق
ليالى ..ياليالى
ليالى
يامودة
البحبو فاتنا
جدة
جدة
جدة
ليالى
العودة تانى
النبى كان بتعرف تنزلها لينا يالعمدة
انا هسة بسمع فيها لكن خسارة مابعرف انزلها ليكم هنا ..
|
Post: #48
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: saadeldin abdelrahman
Date: 02-23-2005, 07:15 PM
Parent: #1
يا لطيف.. سعدي يبقى خفيف يابشرا...
أخف من كدة بشيلواالهوا
سعد
|
Post: #51
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-23-2005, 07:54 PM
Parent: #48
سعدالدين عبد الرحمن الاكرم
كدى اسمع دى :
البنسلين ياتمرجى
نادو الحكيم ياتمرجى
ماكلموك..ماحدثوك
ماحدثوك ياتمرجى
حقدو ..خانوك ياتمرجى
دكتور صلاح
ياتمرجى
شايل السلاح
ياتمرجى
شايل السلاح
ياتمرجى
وتاح تاح تراااح
ياتمرجى
السسترات كتبو الرقاد
كتبوا الرقاد
يوم التلات ياتمرجى
دكتور نزار
سيب الهزار ياتمرجى
سيب الهظار ياتمرجى
والبنج
حار ياتمرجى
نادوا
نادوا
ياتمرجى
ماتعذبو ياتمرجى
ماتعذبو
ياتمرجى
ده وحيد
ابوه
ياتمرجى
ونااااااااادو الحكيم ياتمرررررررررررررررجى
|
Post: #52
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Mohamed Elbashir
Date: 02-23-2005, 09:48 PM
Parent: #1
أستاذه ناديه
قلنا ندي البوست حبه لزه مع أنو ما محتاج
ودي و تقديري
محمد علي
|
Post: #53
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: tasneem
Date: 02-24-2005, 00:20 AM
Parent: #52
سلام نادية
ذي ما قالوا الناس الفوق ديل هو انعكاس للواقع الاجتماعي
السوداني كل مرحلة عندها نوعية محددة من الاغاني
في فترة من الفترات المغتربين كانوا فوق
مغص يا مغص يا العزابة بس تموتوا مغص يا العزابة
البنات حلوات يا العزابة للعرس راجيات
انحنا ما دايرين يا العزابة الامغتربين يا العزابة
وهذه الاغنية ادت الي احباط الشباب المحلي ولترضيتهم
بدلت الكلمات الي
فرح يا فرح يا العزابة عيشوا حب ومرح يا العزابة
انتوا يا الزينيين يا العزابة للوطن حارسين يا العزابة
ليه تهاجروا سنين يا العزابة وتبقوا مغتربيين يا العزابة
وبعد داك المغتربين زاتم بقوا يصنفوا نوع اصلي ناس الخليج
ونوع تايواني زي ليبيا واليمن
ليبيا واليمن ضياع زمن
يا ابوظبي ويا بلد النبي ويا نقعد كدي.
وبعد داك جوا ناس امريكا واوربا واستراليا
ارحك كندا ما كندا فيها الناس
ارحك كندا ناس كندا احلي الناس يا ود البلد
مع تحياتي وتقديري
|
Post: #63
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-24-2005, 09:42 AM
Parent: #53
الغالية تسنيم
تسلمى على الحضور الجميل ياغالية
وفعلا زى ماقلتى اغانى البنات اتمرحلت وبتتمرحل حسب التطور الفى المجتمع المعنى
ودى زاتها ظاهرة فريدة بتؤكد تفاعل الشارع السودانى مع كل تطور يحصل فى المجتمع سواء كان سياسيا او اجتماعيا او غيره
انتى عارفة انو الغناء من اللونية دى تقريبا ماموجود الا فى السودان ..ولا النقاد رايهم شنو؟
قلتى ارحكا كندا؟
وهسة فى اغنية طلعت لامريكا لكن ماحافظاها انا ..
|
Post: #62
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-24-2005, 09:35 AM
Parent: #52
الاخ ..الاستاذ العزيز محمد البشير
تسلم على المرور الباهى
لكن وينها اللزة؟
اختفت قبال مانسمعها !!
منتظراااك تنزل لينا تلاتة اربعة اغنيات كده ولمن ينزل البوست بتاعم مابنقصر فى النضم لانى مابعرف اضع الاغانى
سمح؟
|
Post: #54
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: ودقاسم
Date: 02-24-2005, 00:21 AM
Parent: #1
نادية
أيتها المنقّبة في معابد الجمال ...
ليك الريدة ، ومنك الروعة ..
ليتنا نعود إلى الوراء ، ونبحث في بدايات الغناء في مدننا وقرانا ،،، سنجد أن البنات هنّ البداية ،،، فالغناء أصلا مثله مثل كل الجماليات ( صنعة ) نسائية ،،، والغناء لم يكن حكرا على فئة دون فئة ، فبعض الأغاني لا نعرف من هي قائلة كلماتها ، ولا ملحنة الكلمات ، ولا أول بنت قامت بأدائها ، ومثل هؤلاء كثيرات ، وهن يمثلن العامة ،، وعلى مستوى الفئة المنتمية إلى الطبقات الحاكمة وفئات الثراء والجاه ، اشتهرت مهيرة بت عبود ، وبنونة بت المك نمر ، والميرم تاجا وأعتقد أنها عمة السلطان علي دينار ،، وفي منطقتنا اشتهرت امرأة تدعى بت الإسيد بتعاطي الشعر والغناء ، وقد سبقت في ذلك كل الرجال ،، والدلوكة هي أول آلة استخدمت في الغناء في أواسط السودان ، إذ ليس لأهل الوسط آلات موسيقية مثل الطمبور أو الربابة أو غيرها من الآلات الوترية ، وقد عرفت الدلوكة على أنها آلة نسائية ،،،
وأخلص إلى أن الغناء هو في الأصل للبنات ، وهن الكائنات الأجمل والأكثر رهافة ، والغناء لا يصدر إلا من الجميلين الذين يفيضون بالرهافة ،،،
وكنّا نستمتع أيام كنأ طلابا في رحلاتنا في الجريف وأم دوم والحلفايا وشبات وغيرها بأغاني البنات ، وأذكر أغنية الليلة ما جا
يا بت يا زوبا
والدنيا رطوبة
نزلت شكشاكة
في جبال النوبة
يا ده ،،، يا ده
الليلة ما جا
والليلة الليلة
حرق بي نار
الكماين ديلا
مشيت لأبوها
وحمادة أخوها
قال لي
too late
البنية أدّوها
وأذكر أن بدايات الغناء الرجالي في منطقتنا كانت على يد رجل بدأ بتأدية أغاني البنات ، ولم يجرؤ أحد على إلصاق صفة ذميمة بالرجل ، فقد كان من أشجع الرجال ، لكنه كان يعشق الفن والغناء فتغنى بأغاني البنات وبإيقاع الدلوكة ، ومما أذكره من غنائه :
أنا يا ناس
الله لي الليلة
خمسة وستة جوني
في القلّاي قلوني
سهرانات عيوني
وأنا يا ناس
الله لي الليلة
البخور والدلكة
خلّن قلبي علكة
وأنا يا ناس
الله لي الليلة
وفي جلسة مع الصديق الشاب صلاح / شتات تحاورنا حول هذا الموضوع وورد على لسانه نقلا عن بورداب الشرقية هذه الكلمات التي تدلّ على المواكبة :
ده كلّو من بابا
علّا البوابة
خلّاني أتشابا
ده كلّو من وائل
قفل الموبايل
لا مس كول لا رسايل
ده كلو من جدّو
ما لزم حدّو
جدو الله يهدّو
ولي عودة ...
|
Post: #55
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: ابو جهينة
Date: 02-24-2005, 00:35 AM
Parent: #54
الأخت الأستاذة نادية عثمان
تحية و تقدير
الموضوع ( غنا البنت ) يمكن عمل بحث متكامل عنه لأنه مرتبط بعدة نواحي إجتماعية :
1. سهولة الحصول على مغنية في أي مناسبة ( ناحية مادية ) .
2. التعبير عن المكبوت نفسيا
3. يرتبط غنا البنات بشريحة لا يستهان بها من مغنيات يتمتعن بسرعة البديهة و الحس الشعري و إن كان ذلك الحس يحتاج إلى صقل متنامي و كثيف.
4. ظهور فنانات كمغنيات لأغاني ما يعرف بغنا البنات ثم الإنطلاق في عالم الشهرة الواسع ( الأمثلة كثيرة و موجودة في السودان و في الدول العربية ( مثال أحلام في الخليج و بتعة في مصر ) ..
5. غنا البنات مرغوب في المناسبات لما تتمتع به هذه الأغاني من لمس لبعض الخصوصيات التي يمكن أن تعلن للناس في شكل مدح و شكر ( أحيانا يتغاضى الناس عن الأشياء المذكورة في الأغنية حتى و إن كانت غير موجودة في الواقع ) ..
6. تمجيد بعض الشخصيات العامة من شتى الشرائح في المجتمع.
7. معظم المغنيات من طبقات فقيرة في المجتمع.
8. مع وجود إستثمار في مجال الفن عموما ( فيديو كليب + منتج + شاعر + ملحن ) يمكن صقل عشرات الأصوات الموهوبة من اللائي يتغنين بغنا البنات و يمكن إطلاقهن محليا و إقليميا و عالميا .. ما يعيب الفن عموما في السودان هو تقوقعه الموغل في المحلية.
يندهش الناس عندما يقرأون كلمات الأغنية السودانية دون لحن و كشعر فقط .. ( قضية أخرى )
و شكرا للموضوع الجميل
دمت
|
Post: #67
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-24-2005, 10:16 AM
Parent: #55
العزيز ابو جهينة
الله
مااسعدنى
ومااسعد هذا البوست بكل المخضرمين الذين زاروه وسجلو توقيعهم الباهى ومداخلاتهم الثرة المفيدة جدا جدا
ونقاط بحثك مهمة جدا ..بس استوقفتنى بعض الاشياء مثلا:
(( سهولة الحصول على مغنية في أي مناسبة ( ناحية مادية ) .))
انت عارف يااستاذ ابو جهينة انو بعض الفنانات البنات بيطلعوا الحفلة باكتر من مابيطلعو بيهو فنانين كبااااااااااار لهم ثقلهم ووزنهم فى الساحة؟
فى عرس اخوى جبنا واحدة على قدر حالها كده واخدت تلاتة مليون كاقل شئ فى السوق
وبعرف فنانة الصلاة على النبى عينى باردة وماحسادة والله عندها عربية اخر موديل وفيلا فى السودان!!
|
Post: #56
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: خالد أحمد عمر
Date: 02-24-2005, 00:38 AM
Parent: #54
الاستاذ ناية
انا من عشاق أغاني البنات وعندما أكون في حالة (دبرسة) استمع مثلاً لهاجر كباشي بعدها احس بشي من الراحة والبهجة لا لانه هابط بل لانه يحرك أعصاب لا يهبشها إلا هذا النوع من الغناء الذي أحب
هاك دي:
عزيز وعزيز غنانا يا ريت
دا العكر صفانا ياريت
انا بخش السفارة ياريت
طالبة عمرة وزيارة ياريت
الباقي ما حفظتوا لكن حا احفظو اكيييد
ولك كل الود
|
Post: #68
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-24-2005, 10:22 AM
Parent: #56
العزيز خالد احمد عمر
والله صدقت
فعلا اغانى البنات بتشيل الدبرسة وافضل علاج للارق ..دى احصائية شملت خمسين زول كده
تسلم على المرور
والاغنية رهيييبة ..بس ياريت تنزلها لينا مسموعة ..
|
Post: #57
Title: غناء البنات هابط ..
Author: خدر
Date: 02-24-2005, 01:02 AM
Parent: #54
الاخت ناديه
اذا كان غرض البوست الونسه او الترويح بأعتباره
بوست خفيف فـ رجاء غيري عنوانه حتي يتوائم مع
عنوانه .. لان البوست بألسؤال اعلاه يطرح عده اسئله
و اجوبه .. و الداخل للبوست يتوقع ان يجد حوار حول
موضوع غناء البنات اقدر تفهمك .. و اسجل اعجابي
الشديد لانسياب البوست .
ما دعاني لاسجل ملاحظاتي هذه ان الاغاني المطروحه
اعلاه ذهبت في اتجاه تمجيد هذه الاغنيات بأعتبارها
اغاني متميزه و تحول البوست الي منافسه في اي
هذه الاغنيات اجمل البنسلين ام يا عزو
و هذا يعني ان السؤال موضوع البوست قد تم حسمه
بالاغلبيه المشاركه و النتيجه ان اغاني البنات
ليست هابطه و ان من ينادي بأن غناالبنات هابط هو
مجرد زول حاقد
و ده حسين شندي عربون حُب ..هديه للمتداخلين
|
Post: #58
Title: Re: غناء البنات هابط ..
Author: anwar abu gaidaa
Date: 02-24-2005, 01:52 AM
Parent: #57
الله اجازى محنك يا بت عثمان؟؟
دوبيت قلنا سمح اها جابت ليها جنس المسكوت عنه ده؟؟
اها شيلى شيلتك؟؟
ما تقولى لى مهنة متاعب؟؟
ده التعب زاتو؟؟
اثنى ما قاله الحبيب حمزه
واثنى نظام الاخ خدر لانه جد ده موضوع مهم
على المستوى الاجتماعى وربما يؤدى الى فهم
ما غاب عنا فى اشكالية المجتمع السودانى؟
وما ذا نسمى ماهو جارى الان فى السودان
بدعوى انه غناء بنات؟
لكم الود
انور عبد الرحمن
|
Post: #59
Title: Re: غناء البنات هابط ..
Author: عصام دهب
Date: 02-24-2005, 03:12 AM
Parent: #58
الأستاذة الفاضلة / نادية
صدقيني كل مرة أحرص على دخول الموقع لأقرا البوست من الأول للآخر و أسرح مع الغناء ( الفوووق ) .. المشكلة أنني لا أستخدم سماعات في المكتب و بالتالي فاتت على فرصة السمع .. و بس بعاين .. أما في البيت فحينما أستخدم سماعة تصر يارا على أنها ملك لها فأكتفي بمتابعة هزها لراسها و أحد كتفيها إذ لم تبلغ مرحلة هز الكتفين معاً .
كما قلت لك أجد في غنا البنات متنفساً من المجهود الذهني الشاق .. قد يقول قائل غريبة !!.. طيب ما تسمع ( زأمفير ) و مش عارف مين .. و أقول يا جماعة دا جزء من ذوقي .. يكون لي عدة أذواق .. يعني يا كدا يا كدا .. ما عاوز ..
في كافة المناسبات الفرايحية التي تخص أسرتنا أحرص على أن تحيى الحفلة فنانة أو طقطاقة أو فنان بتاع غنا ( فوووق ) و أصر على كل من يعارضني .. ياأخوي أنت لو عايز تسمع غناء راقي أمشي أشتري شريط و أسمعو براك عشان مافي زول يزعجك .. الناس جاية تهجج ما جاية تسرح ..
في زواج صغرى شقيقاتي في عيد الأضحى كانت ( بدور و بدرية ) تؤام قمة في الروعة وهن يبتدرن الحفل بأغنية خفيفة و لطيفة و ظريفة ..
يا واد يا شيحة
سيب الفضيحة ..
شن قولك .. ياجميل
سيب الفضيحة
جيب الشريحة ..
غنولك .. يا جميل ..
ثم تواصل الإبداع المهجج ..
دا كلو من بابا
بابا علا البوابة
خلاني أتشابا
زي ( قرودة ) في غابة
دا كلو من عمو
عمو التقيل دمو
ناس الحلة لمو
ودو الشمار لي أمو
أواصل ..
وبجي .. بجي .. بجي
|
Post: #60
Title: Re: غناء البنات هابط ..
Author: خال فاطمة
Date: 02-24-2005, 09:07 AM
Parent: #59
الأستاذة نادية
عاطر التحايا ...
بوست جميل .... واسلوب راقي في الحوار ..
كما زكر الأخوة ... معظم أغاني البنات يعكسن حالة مجتمع البنوت ..
وكبداية .... عربون .. هاجر كباشي ... سمح السمح ...
http://www.shagawa.com/Songs/Hajir/zoli-ma-ja.mp3
|
Post: #61
Title: Re: غناء البنات هابط ..
Author: nour tawir
Date: 02-24-2005, 09:10 AM
Parent: #60
غناء البنات هو اصدق تعبير عن واقع المجتمع.
فاذا هبط المجتمع , هبطت معه اغانى البنات.
وهو ايضا يعبر عن تطلعات وامال واحلام بسيطة جدا لا تستطيع الفتيات الحصول عليها الا من خلال الاغنية.
|
Post: #79
Title: Re: غناء البنات هابط ..
Author: نادية عثمان
Date: 02-24-2005, 03:22 PM
Parent: #61
الاستاذة
الباحثة
الغالية نور تاور .....القاهرة تفتقدك ياعزيزتى ..وعبد المكرم يبلغك التحايا الطيبات
قلتى :
Quote: غناء البنات هو اصدق تعبير عن واقع المجتمع.
فاذا هبط المجتمع , هبطت معه اغانى البنات.
وهو ايضا يعبر عن تطلعات وامال واحلام بسيطة جدا لا تستطيع الفتيات الحصول عليها الا من خلال الاغنية.
|
وهل بعد قولك هذا قول من شخصى المتواضع ياااستاذة ؟
|
Post: #72
Title: Re: غناء البنات هابط ..
Author: نادية عثمان
Date: 02-24-2005, 10:54 AM
Parent: #58
انور ابو غيداء الراقى
انت ويييييييييين ماجيت دوبيتنا تانى :
يارب تكون بخير
قلت:
Quote: الله اجازى محنك يا بت عثمان؟؟
دوبيت قلنا سمح اها جابت ليها جنس المسكوت عنه ده؟؟]
ماهو المسكوت عنو ده البنات قالو فى غناهن
وهنا الحرفنة ياانور
قالت :
بركات بجيبو بالبخرات ..ياب شرا
اها تانى فى تصريح اكتر من كده؟
|
Post: #70
Title: Re: غناء البنات هابط ..
Author: نادية عثمان
Date: 02-24-2005, 10:47 AM
Parent: #57
الغالى خدر
براحة علينا يازول ..مالك نفسك حار كده؟؟
انت جعلى ولاشنو؟
ههههههه
اولا انت لازم ترجع تقرأقرأة متأنية لكل المداخلات الفاتت ..والله فيها مداخلات ثرة ومفيدة جدا بتؤكد انو البوست ماشى فى الاتجاه المرسوم ليهو تما
ولو كنت بتقصد طريقة التناول لبعض المداخلات يعنى واستصحاب اغنيات وكده فده مهم لنقف على نماذج حية ..ولاانت رايك شنو؟
بعدين ياخدر ..ياعزيزى الموضوع ده وموضوعات اخرى جادة جدا يمكن تناولها بشئ من السلاسة والطرفة والدعابة وبرضو بتكون المعالجة ناجعة والبحث مفيد
وهنا كل زول بيقول رأيو ببساطة
وفى مداخلات ومنها مداخلتك الرائعة اضافت الكتير
ومازال السؤال قائما كعنوان جوهرى ومدخل رئيسى للبوست ..من اين جات التسمية (هابط)
اذا كانت اغنية البنات اصلا تعبر عن مجتمعنا الذى نعيش فيه؟؟
خدر العزيز كن دوما مارا بارائك الجادة والموفقة من كل بوياتى فوجودك يسعدنى جدا
وهديتك رااااقية ومقبولة ياراقى..
|
Post: #64
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-24-2005, 09:51 AM
Parent: #54
العزيز ..الباهى ود قاسم
مداخلة هامة وثرة جدا
وعجبنى جدا الكلام ده
((وأذكر أن بدايات الغناء الرجالي في منطقتنا كانت على يد رجل بدأ بتأدية أغاني البنات ، ولم يجرؤ أحد على إلصاق صفة ذميمة بالرجل ، فقد كان من أشجع الرجال ، لكنه كان يعشق الفن والغناء فتغنى بأغاني البنات وبإيقاع الدلوكة ، ومما أذكره من غنائه ))
وفعلا فى رجال يجيدوا غناء البنات ..فى بعض الاحيان احسن من مغنيات كتييير
ثم ان الفنان المخضرم كمال ترباس غنا اغنية
ابو لى بى
ابو لى بى
يالبنة
ابو لى بى
امى قالت لى اخدى ود الخال قلت ليها لا
اريتو بالخلال
الديمة شيال
حال
يالبنة
وهكذا ..
وغير ترباس كثيريين
ود قاسم وجودك فى بيوتاتى يسعدنى فلا تغب ابدا
|
Post: #65
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: EMU إيمو
Date: 02-24-2005, 10:13 AM
Parent: #1
بلغة المال
الهبوط ظاهرة حسنة إن أتى بعده الإرتفاع
مافيش غناء هابط وغناء سامي
وان كان غناء البنات متميع فنحن كذلك
شكرا نادية
أردت ان اسمع صوتي
|
Post: #76
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-24-2005, 02:40 PM
Parent: #65
ايمو ..ياسلام على الكلام الفى الصميم
Quote: مافيش غناء هابط وغناء سامي
وان كان غناء البنات متميع فنحن كذلك |
ده الكلام
ومن هذا المنبر الحر اتضامن مع قولك هذا
ولك الاعزاز
ولاتحرمينا صوتك ابدا ..
|
Post: #66
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: ود الشيخ
Date: 02-24-2005, 10:15 AM
Parent: #1
يا نادية سمعتي الاغنية دي
الحنه سوده في ايديكي
والشامه نايره في خديكي
أووه من ضميرك والسسته
يا منقه نحنا هويناكي
|
Post: #77
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-24-2005, 02:51 PM
Parent: #66
ود الشيخ الهميم
Quote: يا نادية سمعتي الاغنية دي
الحنه سوده في ايديكي
والشامه نايره في خديكي
أووه من ضميرك والسسته
يا منقه نحنا هويناكي |
والله الاغنية دى زى التقول بتغنيها زبيدة الانقاذ صاح؟
|
Post: #71
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: انتصار محمد صالخ بشير
Date: 02-24-2005, 10:49 AM
Parent: #1
نادية اخيتى بت عثمان
سلام وسلام
عاد الليلة رجعتينى للحاجات الحلوة واللمة وبيوت الحنة, والسماية والهجيج
يجازى محنك يا بت امى دا ساويتى فيه بحث ودراسه ولا شنو اصلا اختك غير
مواكبة للجديد من اغانى البنات .......
ومشكورة كثير
|
Post: #74
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-24-2005, 01:32 PM
Parent: #71
يااهل الخبرة ..ياناس الكمبيوترات
ياكل كمبيوتر مان هنا فى البوست والبوستات المجاورة
انا عندى مشكلة ردود الناس مابتنزل تحت بعضها
انا رديت على الكل
الا شوية فرجاءا كل زول يفتش ردى على مداخلتو
لحدى ماتورونى اعلج الحكاية دى كيف
سمح
|
Post: #78
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-24-2005, 03:08 PM
Parent: #71
الغالية انتصار محمد صالح بشير
الله يازولة
والله هسة شايفة قدامى صوانى الضلع تتطاقش
وملاح النعيمية واللقمة وسلطة الروب مايدوك الدرب
وبعد الغداء الكاااارب تجى الغناية
ونحن نصفق ونرقص ونشبل للعريس النفض الكيس
حننوه ..حننوه
حننوه
بنات امو
جوه
اللييييييييييييييييييييييييييييييييييييييييييييلة!
|
Post: #73
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: ملكة سبأ
Date: 02-24-2005, 01:30 PM
Parent: #1
ندوية
سلامات
أأكد علي قولك في ان تلك الاغاني تعبير صادق عن رغبات مكبوتة ومرآة واضحة نستشف من خلالها كثير من واقع المجتمع بمختلف اتجاهته .. وتعكس التغيير والتطور الذي يطرأ على كثير من العادات والمعاملات ..
فمثلا من ناحية التعبير عن المكنونات والمحظورات فالناظر لتلك (الجبجبات) لا يجدها سوى فضفضة وبوح صريح لما يعتمل بالنفوس .. وتسمية (حت النبق) تصبح اسم على مسمى اذا طرحنا النبق فهي تحلل (مؤقت) من الهموم ومتنقس لما يؤرق وتوجد ((مشكلة)) في الإعتراف به صراحة لكثير من الإعتبارات ...
عندما تصدح (الغناية) مثلا :
الأخضر اب لمعة بكاني بالدمعة
فعندما تعلو الجبجبات
جب .. جب .. جب
ايوا ..
قلبو .. قلبو ..
اتمنى تواجد اب لمعة (المعني) في تلك اللحظة لينتزع ذلك الإعتراف من افواههن والذي غالبا لا يتحصل عليه بعيدا عن موقف التجلي هذا ..
وعندما نتأمل الوجوه عند مناشدة اب شرا (لمتين يا اب شرا؟)
او يالطيف سعدي يبقى خفيف
نقرأ حالة الرجاء بوضوح على التعابير والخلجات ..
....
وفي حالات الخنوع للآباء والأمهات تتمني الواحدة ان توصل رسالتها وهى تٌغلي صوتها معاتبة :
يا ابوي يالوالد
ماتبقي لي عارض
جرحت ود الناس
بكلامك الحساس
او
يايمة يالوالدة
ماتبقي لي عارضة
احرجتي ود الناس
بكلامك الحار دا
وفي ظل الدبلوماسية والحرب الباردة نرى تحول أغاني البنات من :
العجوز القاعدة برة
قاعدة للأذي والمضرة
يانكير اديها طلة
إلى
تعبش امه كان حية
بشيلها في عيني
واطيعها زي والدي
او من :
ياعريس جيب لي حلاطة
اخلط امك ببناتها
الى
اختو البسامة
الطاعم كلاما
(شقتو اللعب دا كيف ؟)
ويمكن ان نلحظ التحول الكبير ومعايشة الواقع وتغير الأوضاع من خلال :
سيد الكارو تعال
تعال بالشايلو تعال
تعال بالعندك تعال
ابوي بيسندك تعال
و
والمظاهر ماهمية
كفاية طيبة اخلاقو
بعد ان كانت معظم الفتيات ينادين ب :
الما مغترب
يبقي تاجر غرب
و
جاب الشيلة مية
ونرى الإنقلاب الخطير على المغتربين ( المقندلين سابقا) بصورة عامة :
ساعتو السويسرية
في ايدو الشمالية ( لسان الحال يعني الفشخرة الفارغة )
تعيش السعودية
اللامة العواطلية ( وهو الانقلاب عينه ) ..
المهم هى مفاهيم تطول كل المناحي كما أسلفت ولم اجد تصوير أظهر لما يدور من خلط لأمور وتخبط في ساحات الساسة وتنبيه اوعي من صرختهن :
يوم الخميس أمسية
جات طايرة امريكية
جات تضرب المنشية
ضربت وليد وبنية
ماشين سوا
الموضوع شيق جدا وانا استمتع بمتابعته إستمتاعي بسماع تلك الأغاني
وعنهم احكي عن اخي الصغيرالذي يهوي جدا تريددها وهو اول من يمدنا بكل جديد من غير ان يقصد واعترف اني (البد) الى ان اسمعها حتى ازجره موبخة ( انت كان تنفع !! ياحسام بت) ..
وكثيرا ماحجزته من (كبع) امي على ظهره عندما تضبطة يترنم : باوب علي انا واحي انا على وزن
الربة الربة
حي انا
في الكلاكلة القبة جنبنا
وفي بعض الأحيان احيل بينهم واسأل امي ماله ؟
فتجيب انها ضبطته يردد :
المابتصفق إنشاء الله مايعرسوها !!
فاخلي بينهم !!
تعرفوا السبب شنو ؟
عشان اصفق من غير مايشوفوني
والصفقة وين ؟
|
Post: #80
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-24-2005, 03:40 PM
Parent: #73
الحبيبة ملكة الحرف الانيق بلقيس
ملكة سبأ
والله بعد المداخلة الثرة والقيمة جدا دى :
Quote: أأكد علي قولك في ان تلك الاغاني تعبير صادق عن رغبات مكبوتة ومرآة واضحة نستشف من خلالها كثير من واقع المجتمع بمختلف اتجاهته .. وتعكس التغيير والتطور الذي يطرأ على كثير من العادات والمعاملات ..
فمثلا من ناحية التعبير عن المكنونات والمحظورات فالناظر لتلك (الجبجبات) لا يجدها سوى فضفضة وبوح صريح لما يعتمل بالنفوس .. وتسمية (حت النبق) تصبح اسم على مسمى اذا طرحنا النبق فهي تحلل (مؤقت) من الهموم ومتنقس لما يؤرق وتوجد ((مشكلة)) في الإعتراف به صراحة لكثير من الإعتبارات ...
عندما تصدح (الغناية) مثلا :
الأخضر اب لمعة بكاني بالدمعة
فعندما تعلو الجبجبات
جب .. جب .. جب
ايوا ..
قلبو .. قلبو ..
اتمنى تواجد اب لمعة (المعني) في تلك اللحظة لينتزع ذلك الإعتراف من افواههن والذي غالبا لا يتحصل عليه بعيدا عن موقف التجلي هذا ..
وعندما نتأمل الوجوه عند مناشدة اب شرا (لمتين يا اب شرا؟)
او يالطيف سعدي يبقى خفيف
نقرأ حالة الرجاء بوضوح على التعابير والخلجات ..
....
وفي حالات الخنوع للآباء والأمهات تتمني الواحدة ان توصل رسالتها وهى تٌغلي صوتها معاتبة :
يا ابوي يالوالد
ماتبقي لي عارض
جرحت ود الناس
بكلامك الحساس
او
يايمة يالوالدة
ماتبقي لي عارضة
اجرجتى ود الناس
بكلامك الحار دا
وفي ظل الدبلوماسية والحرب الباردة نرى تحول أغاني البنات من :
العجوز القاعدة برة
قاعدة للأذي والمضرة
يانكير اديها طلة
إلى
تعبش امه كان حية
بشيلها في عيني
واطيعها زي والدي
او من :
ياعريس جيب لي حلاطة
اخلط امك ببناتها
الى
اختو البسامة
الطاعم كلاما
(شقتو اللعب دا كيف ؟)
ويمكن ان نلحظ التحول الكبير ومعايشة الواقع وتغير الأوضاع من خلال :
سيد الكارو تعال
تعال بالشايلو تعال
تعال بالعندك تعال
ابوي بيسندك تعال
و
والمظاهر ماهمية
كفاية طيبة اخلاقو
بعد ان كانت معظم الفتيات ينادين ب :
الما مغترب
يبقي تاجر غرب
و
جاب الشيلة مية
ونرى الإنقلاب الخطير على المغتربين ( المقندلين سابقا) بصورة عامة :
ساعتو السويسرية
في ايدو الشمالية ( لسان الحال يعني الفشخرة الفارغة )
تعيش السعودية
اللامة العواطلية ( وهو الانقلاب عينه ) ..
المهم هى مفاهيم تطول كل المناحي كما أسلفت ولم اجد تصوير أظهر لما يدور من خلط لأمور وتخبط في ساحات الساسة وتنبيه اوعي من صرختهن :
يوم الخميس أمسية
جات طايرة امريكية
جات تضرب المنشية
ضربت وليد وبنية
ماشين سوا
الموضوع شيق جدا وانا استمتع بمتابعته إستمتاعي بسماع تلك الأغاني
وعنهم احكي عن اخي الصفير الذي يهوي جدا تريددها وهو اول من يمدنا بكل جديد من غير ان يقصد واعترف اني (البد) الى ان اسمعها حتى ازجره موبخة ( انت كان تنفع !! ياحسام بت) ..
وكثيرا ماحجزته من (كبع) امي على ظهروا عندما تضبطة يترنم : باوب علي انا لو احي انا على وزن
الربة الربة
حي انا
في الكلاكلة القبة جنبنا
وفي بغض الأحيان احيل بينهم واسأل امي ماله ؟
فتجيب انها ضبطته يردد :
المابتصفق إنشاء الله مايعرسوها !!
فاخلي بينهم !!
تعرفوا السبب شنو ؟
عشان اصفق من غير مايشوفوني
والصفقة وين ؟ |
اقايتو ماخليتى شئ
الا بس اقول ليك :
طق ..طق..طق ..دى الصفقة
ثم يالطيف يالطيف
سعدك يبقى خفيف
يالملكة
هههههههههه.......ززوالله ربنا يحضرنى يوم سعدك عشان اجيب ليك هويدا الديامية ..بتعرفيها؟
مغنية رهييييييييبة جدا
|
Post: #85
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: HAMZA SULIMAN
Date: 02-25-2005, 04:21 AM
Parent: #73
مداخلة رائعه يا ملكة سبأ
لكن مااكتشفتك
جنس جبجبا عليك
قرأت كل المداخلات
البوست فوق
|
Post: #87
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-25-2005, 08:39 AM
Parent: #85
استاذنا الاكرم حمزة سليمان
التحايا النواضر لك وانت تظل مهتما بكل مايكتب هنا فى هذا البوست
وتؤكد على ذلك:
اما بالنسبة للملكة وحب الجبجبة فليست وحدها !!
كتااااااااااااااااااار بيحبوا الجبجبة والله !!
حتى لو نكروا ذلك لاسباب جوانية !!
|
Post: #75
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Noor Ahmed
Date: 02-24-2005, 02:15 PM
Parent: #1
الاخت نادية
انا شايفة انك منفعلة جدا بالصور وبي غنا البنات
الحكاية شنو ؟
|
Post: #81
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-24-2005, 03:51 PM
Parent: #75
الغالية نور احمد ..سورى كتبت نور تاور بالخطأ وجرى التعديل اللازم الف حبابك نور احمد
قلتى :
Quote: انا شايفة انك منفعلة جدا بالصور وبي غنا البنات
الحكاية شنو ؟ |
اما بالنسبة لغناء البنات فوالله يانور وماطالبانى حليفة الواحد فتر من الكلام فى السياسة ليل ونهار لمن نسيت انى نسوانة !!
هههههههههههههه
اما عن الصور......فانا مامنفعلة بيها
لكن والله اتحيرت كل مااخت لى صورة يجينى زول ويحلفنى اخت واحدة غيرها كده من غير ابداء اى اسباب !!
وبس بقيت كده اشيل دى واخت دى
وبالمناسبة صورتك حلوووووووووووة
وصورتك الخايف عليها
انحنا ماخايف علينا !!
|
Post: #82
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-24-2005, 07:26 PM
Parent: #81
خدر العزيز
يعنى عليك الله معليش انحنا خلاص حفظنا الاغنية بتاعة حسين شندى صم !!
ممكن تغيرها لينا باغنية لندى القلعة ولاسميرة دنيا؟
ياخدر ماتنسى البوست بتكلم عن غناء البنات !!
|
Post: #83
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Mohamed Elbashir
Date: 02-24-2005, 11:39 PM
Parent: #1
أستاذه ناديه
كمان لزه
|
Post: #84
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: ملكة سبأ
Date: 02-25-2005, 02:09 AM
Parent: #83
كب ..كب .. حت الصباح ..
جمعة ملياانة انفعالات
|
Post: #89
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-25-2005, 10:23 AM
Parent: #84
الحبيبة ملكة سبأ
والله انتى عسل عديل كده!!
قلتى لى :
Quote: كب ..كب .. حت الصباح ..
جمعة ملياانة انفعالات |
وشايفااااااااااك قافلة بابا الاوضة من اخوك وموطية صوت التسجيل وتجيجبى جنس جبجبة !!
يلا يازولة ماحدش واخدة منها حاجة
وزى ماقال ياسر مبيوع
حتى
حتى
الشرة
اقلبى
قلبو
البلا!
والنبق النبق النبق
|
Post: #88
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-25-2005, 10:19 AM
Parent: #83
العزيز محمد البشير
ياخى والله ماقصرت معاى كلو كلو
انشاء الله يوم شكرك مايجى
اها كمان لو اديتنا دفرة باغنية لندى القلعة تكون باااااالغت عديل كده!!
|
Post: #86
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: lana mahdi
Date: 02-25-2005, 04:27 AM
Parent: #1
الحبيبة نادية صاحبة البوست والحبيبات و الاحباب المتداخلين
انا من الفئة التى تعتبر غناء البنات هابط ليس من أى منطلق الا لانه لا يحوى قيمة فنية غير تراص مجموعة كلمات متشابهة القافية و الوزن،وكلمة "هابط" ليست بمعنى "خارج" انما للفن وظيفة لا اعتقد ان غناء البنات يقربها،قد يكون مسلياً ومرحاً لكن لا احسب انه ذو قيمة فنية
محبتى للجميع
|
Post: #90
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-25-2005, 10:36 AM
Parent: #86
لنا بت عم مهدى الغالية
اقايتو يانوية حبيبتى وصحبتى وزميلة مهنتى الملكة البنحبها برضو فى قولك ده :
| Quote: انا من الفئة التى تعتبر غناء البنات هابط ليس من أى منطلق الا لانه لا يحوى قيمة فنية غير تراص مجموعة كلمات متشابهة القافية و الوزن،وكلمة "هابط" ليست بمعنى "خارج" انما للفن وظيفة لا اعتقد ان غناء البنات يقربها،قد يكون مسلياً ومرحاً لكن لا احسب انه ذو قيمة فنية |
بقيتى عاملة زى الشريك المخالف الناس كلها عاجبهم غنا البنات الا انتى ..السياسة خربت طبعك يالنوية !!
ههههههههههههه
يازولة مرحب بيك الف مليون ورايك محل تقدير الجميع فهو بالتأكيد لايفسد لودنا المقيم ابدا اى قضية !
|
Post: #91
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: lana mahdi
Date: 02-25-2005, 10:46 AM
Parent: #1
| Quote: بقيتى عاملة زى الشريك المخالف الناس كلها عاجبهم غنا البنات الا انتى ..السياسة خربت طبعك يالنوية !! |
نادية الحبيبة اتخيلي ممكن كلامك يكون صح؟؟؟
انا اتنظمتا رسمي من عمرى 17 سنة اظاهر دة عمر الزهور قضيناهو فى اشواك ساس يسوس..
بمناسبة السياسة خربت طبعك احكى ليكي قصة:
يوم كنا بنتغدا قام ابوي قال لى :"اكلي سمك"
قلتا ليهو "السمك دة ما من اولوياتى"..
وكمان السياسة خربت مفرداتى ولغتى كمان!!
ليك على اجيب شريط غنا بنات اسمعو باذن جديدة،لانى ما كنتا بحب اسمعو من اصلو،
لكن ما برأى جديد هههههههههههههه
|
Post: #92
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-25-2005, 11:22 AM
Parent: #91
لنا صحبتى الحبيبة بت عمى مهدى
قلتى :
Quote: نادية الحبيبة اتخيلي ممكن كلامك يكون صح؟؟؟
انا اتنظمتا رسمي من عمرى 17 سنة اظاهر دة عمر الزهور قضيناهو فى اشواك ساس يسوس.. |
يالنا مابالغتى لكن من سبعتاشر سنة ؟ ياخى ده عمر الزهور ..عمر الغرام ..عمر المنى ..ولاكمان ماسمعتى وردى بيغنى كده ..لمن دخلتى انتى السياسة القدرك يجكسو ويدلعو ولاعلى بالن.!
Quote: بمناسبة السياسة خربت طبعك احكى ليكي قصة:
يوم كنا بنتغدا قام ابوي قال لى :"اكلي سمك"
قلتا ليهو "السمك دة ما من اولوياتى"..
وكمان السياسة خربت مفرداتى ولغتى كمان!! |
اما موضوع اللغة دى فاسكتى ساكت سبب شكلة يومية مع راجلى .....لمن يجى يقول لى عاملة ملاح شنو ؟ اقول ليهو فاصوليا ..يقول لى ليه انا موش قلت ليك داير بامية ..اقول ليهو والله وفقا لتطورات كتيرة فى الوقت الراهن فالفاصوليا هى المتاحة !!
Quote: ليك على اجيب شريط غنا بنات اسمعو باذن جديدة،لانى ما كنتا بحب اسمعو من اصلو،
لكن ما برأى جديد هههههههههههههه
|
الرسول كان تسمعى ندى القلعة وتورينى التاثير المباشر على نفستك المسييسة دى شنو ..وممكن هاجر كباشى .. سمعتى بيها قبل كده ؟
|
Post: #93
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-25-2005, 08:08 PM
Parent: #92
ياجماعة زول يشيل لى حسين شندى ده
خدر ربنا يسامحك
قلنا ليك حفظناها صم ياخ!!
|
Post: #94
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Mohamed Elbashir
Date: 02-25-2005, 08:39 PM
Parent: #93
المره الجايه لي عموله عشان ندي
|
Post: #95
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-25-2005, 09:06 PM
Parent: #94
محمد البشير الرااااااااااااااقى
والله ماعارفة اقول شنو ياخى على الروعة دى ؟
وطبعا كلمة شكرا صغيرووووووووونة عليك شديد جدا !!
| Quote: المره الجايه لي عموله عشان ندي |
اصلو ماعندك مشكلة يازول
وبالمناسبة ندى حاتغنى من كلماتى عدد من الاغانى منها مابتستاهل التفكير الفى البوست التانى ديك شفتها؟
ويسلم
لى محمد يالبنيااااااااااااااااات !!
وماتغيب ياود عم البشير بالله
سمح؟
|
Post: #96
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Rakoba
Date: 02-26-2005, 01:40 AM
Parent: #95
الأستاذة نادية،
شكراً على البوست الجميل، وغنا البنات ماخد في الساحة الفنية مساحة واسعة، جداً لدرجة اتجاه بعض الصاعدين من الشباب تقليد البنات!!
أما بالتحديد عن ندى القلعة تمتلك صوت جميل، وقادر على تقديم الكثير للساحة، وسمعت إنها بصدد تقديم فيديو كليب عن المشردين من كلمات وألحان هيثم عباس، تقول :
ليه يازمن كبرتني وأنا لسه يافع
أنا لسه بدري على الهموم أنا دوبي شافع
وأنو ندى حتغني من كلماتك، ده خبر جديد وجميل، ونتمنى أن نشهد أولى الألحان عبر هذه المساحة.
ودي أغنية _ فيديو لندى، مساهمة لهذا البوست الجميل..
قول لي ياحبيب
|
Post: #97
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عشة بت فاطنة
Date: 02-26-2005, 06:39 AM
Parent: #96
مما نزلتي بوستك دا يا نادية وأنا عا يزة أدخل ومجبرة لاننا نعد لاسبوع المرأة بالنادي السوداني وضمن ما نود تقديمة تتبع مسيرة المرأة من خلال غنى البنات وأغاني البنينة والهدهدة ، ولحسن أو سؤ حظي كان الاختيار علي لتجميع المادة المعدة فكان أن ، رأيت هذا البوست الفخ وكأن،ه يغريني بالدخول لمواكية أخر ما وصلت اليه هذه الاغاني ، ومعكم طاف بي الحنين الي أيام الدراسة ومعهد المسرح ودلةكة أختنا الرضية في داخلية على عبد اللطيف التابعة لفرع القاهرة هذه الدلوكة التى كانت تنافس المسلسل المصري فما أن يأتي المساء حتى تصطف الطالبات وهاك يا غنى هابط ، وهكذا هو حالنا في شارع 61ودلوكة الرضية هذه ليست فلتة فأنا أعرف أن الطالبات يقمن بتدريب المرشحات للزواج في الداخليات ، فحين يكون زواج أي واحدة تكون جاهزة ، ما عدا نحنا السياسيات كنا شتر وكج ونعتبر رقيص العروس تسليع للمرأة ، وطبعا أمس أ،ا يا نادية مصورة رقيص عروس جاية من السودان طازة طبعا كذاب المابستمتع برقسص العروس حتى انتي يا لينة أكيد ما حتقاومي هذه الدرامة المحبوكة العفوية مع مقالب العريس ،. أول باحثة قدمت بحث جاد في غناء البنات هي نعمات عبدالله رجب طبعا البحث كان أكاديمي لنيل الماجستير !! شفتو كيف يا البنات ،!! غناكن كن ما ساهل ولو فاضي .
وأإني المرأة هي أغاني للحياة بكل طقوسها تمارسها في لحظات الطلق تغني النساء للمرأة ليسهلن عليها وجع الطلق : حنا ولدت جابت مريم ومريم ..الخ ويا حنان .. وبعد أن يخرج الطفل تبعث فيه الام الطمانينة بأغاني الهدهدة النوم النوم بكريك بالدوم .. وتأتي طقوس السيرة في ختان الاولاد وخفاض الاناث المسكينات أحفوا ليهن حفرة ، وـاتي مرتين بتوب وينشر في بت الطهور وأنن ليها : الريحمان سلم سلم بت الرجال ما بتتكلم .. وفيها حمام .. لا تحضرني ، ثم تقع المصيبة وهي لا تدري المسكينة أنهن يقمن ببترها ووأد شهوتها في هذه الحفرة ، ما تزعلو أعتبروها تخريمة اصلي مسيطرة على هوس العنف ضد النساء والاطفال ..نرجع لجو الغني وفرحك يا بت عثمان ، وأغاني البنات طبعا تعتبر مرآ ة للمجتمع وكل ما يحدث فيه من تدني أقتصادي وأجتماعي وتناجي فيه الفتيات في حميمية حبيب القلب وقسيم الريد تعاال لي وتعال وتغنت المحبوبة لبدلتو الكحلية لمن الشباب لبس البدل وللجلابية البيضا مكوية وشوف الجنى وشوف خصال في الديوان لافي شالو وقيلت في أحد الشباب حين حرم المستعمر لبس الطاقية الحمرا في مؤسسات الحكومة ولكن هذا الشاب الشجاع رفض أن ينزع العمامة والطاقية فتغنت له البنات أن طلعت القمرا ، الخير يا عشانا تودينا لاهلنا بسألوك مننا ..وهي تعتبر أغنية وطنية تكرس لقيم الشجاعة وكراهية المستعمر ل سيطرته وذلته للشعب السوداني . هي الفتاة السودانية حاضرة في كل المشهد الثقافي والاجتماعي صحيح أنها لم تكتب ولكنها كانت تمتلك ناصية الحكي والسرد والدفء في الليالي القمرية حيث الاحاجي ,اغاني الحماسة كانت لم تكن شهرزاد ولا تودد ولم تكن جارية أبدا بل كانت تصنع الحلم وتغازل الحبيب وتتوسل الاهل والانفكاك من السلطة الابوية التى كانت تعارض زواجها بمن تحب فشكت حالها وتشكت في زيجات الاقارب وهذا هو العلم يثبت مشكلة زواج الاقارب وضعف جينات البشر :
ماداير ود العم العيشتو كلها هم
وود الخال أريتو بالخلخال .ز
:::: وشوفو لي فقرا كان من قعر شدرا
حبيبي ود الناس ضو القمر بالليل
بالله شوف الكلام دا جميل كيف
حسي دا هابط ؟
وتناجي صديقتها شاكية
سميرة أنا ما جنيت سميرة دا الغرام والريد
والله لي الليمون شقايتو عشية
وشوفو لي شربة خلي النقص دربة
الليلة والليلة دار أمبادر يا حليلها
وحليل تومي
شفتو الحنان دا
الخ ..
وقبل ذلك كانت مهلة العبادية وأغاني التمتم
وحواء الطقطاقة سمعت أنها كان لها أغاني في رفع العلم لم تحضرني بتأكد ليكم منها ..
وبعد داك يا جماعة جاء السفر داخل السودان وغنت فتيات الاقاليم : الظلط الظلط شال الشباب خلانا
وغنت المراة للضباط وفي دي أنا ما معاهن طلعنهم في راسنا وبو ظو البلد .
ةغنن للاطباء :
الراكب الموتر بمنديلو أشر
ديني وايماني يا دكتور مبشر
L طبيب من رفاعة)
ودكتور لؤي كشف على
وعنت المرأة للمواصلات
والكرسيدا السمحة وسمح سيدة
وغنت لحمادة
ودالجيران
حمادة بابو جمب بابنا
حمادة بوظ أعصابنا
الولد تقيل ملاحظين !!
والقطر الشال انت أتكسر حتة حتة
وفي نفس المنوال ـأتي :
اغنيت كركبة أم كركابة ندلى في العزابة ودي مرحلة أـسمت بمزيد من البوح عندما
دخل الرجل سلك الوظيفة ، وسكن مع العزابة ..
الدنيا ما دوامة
وبعد داك سافر الحبيب لدول الاغتراب
يا يمة ووب و ويين على البريدو سافر دبي
وغنت بنات الشمالية لرجوع الحبيب
لان الاغتراب اشاعة ولاشى يعدل الوطن حتى لو أكلوها بموية
حبيبي المنقة والتفاح حبيبي عسل والناس مساخ
حبيبي تعال ..
الكويت راعي جمال
والسعودي .ز
تقصد المغتربين في هذه البلدان لا يجدون الاعمال المشرفة وأولي بهم الوطن
هكذ كانت الفتيات يناجن الاحباء ويعن للزواج بهن وبلا أي مقابل أو مهر ولكن المجتمع والامهات كان لهن راي اخر ..
يا عيني اللول اللول
يا عيني عروسنا دبل
ما بدوك للمفلس
بدوك للمهندس
.ز
وكذك المهندس جاء ورسم البنا
وكذلك غنت الامهات للشيلة والبذخ
تلاتة قدور محلبية وتلاتة قدور سرتية
ولكم كان المجتمع قاسي على الشاب المفلس الفقير
الا ما عندو قرش أنطعن سكين
وأتذكر جيدا في هذه الاغنية ، أثناء البنات تغني في هذه الاغنية وكانت العروس ترقص فاخرج أحدهم السكين في يمشهد درامي وشلخ يديهو ورش البنات بالدم فصرخت البنات والحناكيش داخن .. (جعلي عوير طبعا) .
وهذا عكس أغاني البنات الذي يتحدى خطاب الاهل ويفرض نفسه الى جانب المشهد البذخي وتسليع المرأة ،.
طيب أنا طولت عليكم لكن أحب أن اشير الى الاغاني التى تشبة أغاني الجاز بايقاعتاه الصاخبة وهي أغاني الزار والرقص الجميل الدرامي الذي كانت تؤديه النساء هربا من الكبت والبؤس الذي كانت تعانيه النساء فكان الزار فسحة تمارس فيها النساء ما حرم عليهن من الخمر والسجائر ويتقمصن شخصيات مهمة في المجتمع مثل الخواجة والحبشية والمدير لغياب المرأة في الحياة العملية والاجتماعية . يا نادية أحسن أسكت زهجتكم صاح .
تخريمة أخيرة غنى البنات الحديث لم يخرج من الواقع الذي يعانيه الشباب والشابات خاصة الكساد الاقتصادي والحروب التى انهكت جسد الوطن أثرت بدورها على النساء وعلى الزواج والحب مثلا أختفت أغنية برجاك في محل يومداك الذي قد يكون حديقة أو رحلة على شاطئ النيل كازينو أو أي ظل في فضاء السودان الحبيب أختفت هذه اللقاءت بمطاردة بوليس الاداب فما كان من الشباب الا أن يهتدوا الى أماكن ملوثة غير صحية فظهرت أشكال من الحب بعيد عن الهواء الطلق حيث البراءة والمشاعر ,;وكانت رقصة القرد وانتصار العبث والقسم وشتيت النبق النبق والورق وحيرة الشباب وثقافة الموت . ، وتخلى الشباب المغلوب على أمره ، حتى الاغتراب لم يعد يكفي الشنطة ويا أبشرا أنشاالله راجل مرة حتى لوكانت هذه المرة الاخت .هذه التنازلات وتقلص فرص الزواج والمنادة لسيد الكارو في مشهد كوميدي والسخرية من الحال ثم الزيجات العرفية الجديدة علىنا.زراجعة يا هناية عندي تلفون ..
|
Post: #98
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: محمد حسن العمدة
Date: 02-26-2005, 08:20 AM
Parent: #97
لنا بت مهدي عليك الله هسي الجاب السياسة هنا شنو امانة في ضمتك دا مكانا ؟؟؟
كدي خلينا نشيل مسجل بت فاطنة دي ونخش بيهو راكوبة راكوبةQuote: ليه يازمن كبرتني وأنا لسه يافع
أنا لسه بدري على الهموم أنا دوبي شافع
|
ونجبجب للصباح فما زال الليل طفل في مهده
يلا يا شباب جب جب جب جب جبجبجبجبجببجبجب
قال سياسة قال موش برضو في سياسة هابطة ؟؟؟؟ البلد كلها هابطة لي ورا
بعدين تعالي نسعلك السيد موش قال الانسان بطبيعته وفطرته محتاج لاشباع النواحي العاطفية ؟؟؟ اها خلينا بالله نشبع جب جب جبجبجبجبجب انتي قايلة الرقيص دا ما زاتو رياضة هسي عليك الله جنس الهكج البرقصو السودانيين دا ما رياضة اكتر من كاس العالم زاتو ؟؟؟
بعدين عارفة يا لنا غنا البنات دا اجمل مافيهو التلقائية بتاعتو والشحنة العاطفية الكبيرة الفيهو اها جبجبجبجبجبجبجبجببجبجبجب حتى الفليل
كدي اسمعي نضم عشوشة دا عليك الله بنفات ؟؟؟
Quote: وود الخال أريتو بالخلخال .ز
:::: وشوفو لي فقرا كان من قعر شدرا
حبيبي ود الناس ضو القمر بالليل
بالله شوف الكلام دا جميل كيف
حسي دا هابط ؟
وتناجي صديقتها شاكية
سميرة أنا ما جنيت سميرة دا الغرام والريد
والله لي الليمون شقايتو عشية
وشوفو لي شربة خلي النقص دربة
الليلة والليلة دار أمبادر يا حليلها
وحليل تومي
شفتو الحنان دا
|
لا ما شفناهو
وكمان
Quote: ودكتور لؤي كشف على
وعنت المرأة للمواصلات
والكرسيدا السمحة وسمح سيدة
وغنت لحمادة
ودالجيران
حمادة بابو جمب بابنا
حمادة بوظ أعصابنا
الولد تقيل ملاحظين !!
والقطر الشال انت أتكسر حتة حتة
وفي نفس المنوال ـأتي :
اغنيت كركبة أم كركابة ندلى في العزابة ودي مرحلة أـسمت بمزيد من البوح عندما
دخل الرجل سلك الوظيفة ، وسكن مع العزابة ..
الدنيا ما دوامة
وبعد داك سافر الحبيب لدول الاغتراب
يا يمة ووب و ويين على البريدو سافر دبي
وغنت بنات الشمالية لرجوع الحبيب
لان الاغتراب اشاعة ولاشى يعدل الوطن حتى لو أكلوها بموية
حبيبي المنقة والتفاح حبيبي عسل والناس مساخ
حبيبي تعال ..
الكويت راعي جمال
والسعودي .ز
تقصد المغتربين في هذه البلدان لا يجدون الاعمال المشرفة وأولي بهم الوطن
هكذ كانت الفتيات يناجن الاحباء ويعن للزواج بهن وبلا أي مقابل أو مهر ولكن المجتمع والامهات كان لهن راي اخر ..
يا عيني اللول اللول
يا عيني عروسنا دبل
ما بدوك للمفلس
بدوك للمهندس
.ز
وكذك المهندس جاء ورسم البنا
وكذلك غنت الامهات للشيلة والبذخ
تلاتة قدور محلبية وتلاتة قدور سرتية
ولكم كان المجتمع قاسي على الشاب المفلس الفقير
|
شوفي تلفونك وتعالي وكان جبتي وصلات وروابط بالاغاني دي كمان تكوني ما قصرتي
|
Post: #99
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عشة بت فاطنة
Date: 02-26-2005, 12:26 PM
Parent: #98
bb
شوفي تلفونك وتعالي وكان جبتي وصلات وروابط بالاغاني دي كمان تكوني ما قصرتي
· · ·ودالعمدة دا إحتلال عديل ، وانت عارف التلفون مرقني وين طلع بيت الفراش واحدة نسيبة تعيش أنت ، والحكاوي في بيت البكاء كانت عن الخيانات الزوجية ، اصلو في واحد لحس قريشات مرتو ، وكمان جاب ليها ضرة وفي ليالي الاتراح تحلو مثل هذه الحكاوي ، قبيل أ،ا ما قت ليكم الحكي أنثى والكتابة فحل على قول عبدالحميد الكاتب ..وبمناسبة الخيانات وخطف الازواج جات الخاينة الجاسوسة الفي بيتنا مدسوسة ، وفي قولة الاخرى هي الجمرة الخبيثة (فاتورة الكهربا) والخطفت حبيبي بخلصو من عيونة ، وشفتة يا العمدة أثناء النقاش كل النسوان بفتكرو ان الرجل مسكين والزوجة الجديدة هي الملعونة لفت عليه وخطفتو ، وقدر ما شيلتة وختيت وقت ليهم الرجل هو الغلطان لان ترك زوجته واطفالو وبارى شهوته ومارس خداع على المسكينة ، ! اصلو كلامي ما ركب ليهن الا واحدة بس ، أهاشفتو يا جماعة النسوان ديل مسالمات قدر شنو !!
أها ونرجع لحنانة
ونسى اهلو ما نسانة
وقالو امو مجنونة اريده واريد جنونة
وانا حبيت وليدها عشان خاطر عيونها
وقالو امو حنكوشة بتسلم برموشها
وانا حبيت وليدها عشان خاطر قروشها
وهكذا ..
لحظة .. سوف اسكن في هذا البوست ..
|
Post: #104
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-27-2005, 06:37 AM
Parent: #99
الحبيبة جدا عشوشة بت فاطنة
| Quote: ودالعمدة دا إحتلال عديل ، وانت عارف التلفون مرقني وين طلع بيت الفراش واحدة نسيبة تعيش أنت ، والحكاوي في بيت البكاء كانت عن الخيانات الزوجية ، اصلو في واحد لحس قريشات مرتو ، وكمان جاب ليها ضرة وفي ليالي الاتراح تحلو مثل هذه الحكاوي ، قبيل أ،ا ما قت ليكم الحكي أنثى والكتابة فحل على قول عبدالحميد الكاتب ..وبمناسبة الخيانات وخطف الازواج جات الخاينة الجاسوسة الفي بيتنا مدسوسة ، وفي قولة الاخرى هي الجمرة الخبيثة (فاتورة الكهربا) والخطفت حبيبي بخلصو من عيونة ، وشفتة يا العمدة أثناء النقاش كل النسوان بفتكرو ان الرجل مسكين والزوجة الجديدة هي الملعونة لفت عليه وخطفتو ، وقدر ما شيلتة وختيت وقت ليهم الرجل هو الغلطان لان ترك زوجته واطفالو وبارى شهوته ومارس خداع على المسكينة ، ! اصلو كلامي ما ركب ليهن الا واحدة بس ، أهاشفتو يا جماعة النسوان ديل مسالمات قدر شنو !! |
اولا يختى البركة فيكم كتير مع انو ده بوست صبحية مابيت بكا
هههههه
وصحى والله النسوان مسكينات ومساااااالمات جدا
Quote: أها ونرجع لحنانة
ونسى اهلو ما نسانة
وقالو امو مجنونة اريده واريد جنونة
وانا حبيت وليدها عشان خاطر عيونها
وقالو امو حنكوشة بتسلم برموشها
وانا حبيت وليدها عشان خاطر قروشها
وهكذا |
..
ده كلو من بابا
بابا علا البوابة
خلانى اتشابا
عشان خاطر هناية
| Quote: لحظة .. سوف اسكن في هذا البوست .. |
الرسول كان تسكنى ياعشة وهو نحنا لاقينك وييييييييين؟
ولاشنو ياود العمدة؟
على الاقل هنا مابجوك ناس الويكة ........مع الاعتذار لهم يعنى
هههههههههههه..هووووى انا بهظر بس جنى وجن الشكل ولاعندى ليهو روح
يلا كملى
قالو امو شنافة
نكير مالو ماشافها
وهكذا..!
|
Post: #103
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-27-2005, 06:23 AM
Parent: #98
محمد ود العمدة الغالى
Quote: لنا بت مهدي عليك الله هسي الجاب السياسة هنا شنو امانة في ضمتك دا مكانا ؟؟؟
كدي خلينا نشيل مسجل بت فاطنة دي ونخش بيهو راكوبة راكوبة |
موش كده عليك الله يالعمدة البت لنوية دى البدخلها السياسة من عمر الزهور شنو عليك الله......؟.... والسياسة بالجد خربت طبعا ويلا نعمل حملة لتصليح ماافسدته السياسة فى ذهنية هذه الجميلة لنا مهدى ..نجمع توقيعات وكده!!!
| Quote: بعدين تعالي نسعلك السيد موش قال الانسان بطبيعته وفطرته محتاج لاشباع النواحي العاطفية ؟؟؟ اها خلينا بالله نشبع جب جب جبجبجبجبجب انتي قايلة الرقيص دا ما زاتو رياضة هسي عليك الله جنس الهكج البرقصو السودانيين دا ما رياضة اكتر من كاس العالم زاتو ؟؟؟ |
اها عاد يالنا بعد كلام السيد عندك كلام كمان؟!!
Quote: بعدين عارفة يا لنا غنا البنات دا اجمل مافيهو التلقائية بتاعتو والشحنة العاطفية الكبيرة الفيهو اها جبجبجبجبجبجبجبجببجبجبجب حتى الفليل
كدي اسمعي نضم عشوشة دا عليك الله بنفات ؟؟؟ |
والله لاكلام عشوشة لا اى زول هنا مابتفات ابدا والله كله كلام سمح..
|
Post: #102
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-27-2005, 06:10 AM
Parent: #97
عشوشتنا بت فطومتنا السمحة
اها تعالى النجى لى كلامك السمح ده واحدة واحدة :
| Quote: مما نزلتي بوستك دا يا نادية وأنا عا يزة أدخل ومجبرة لاننا نعد لاسبوع المرأة بالنادي السوداني وضمن ما نود تقديمة تتبع مسيرة المرأة من خلال غنى البنات وأغاني البنينة والهدهدة ، ولحسن أو سؤ حظي كان الاختيار علي لتجميع المادة المعدة فكان أن ، رأيت هذا البوست الفخ وكأن،ه يغريني بالدخول لمواكية أخر ما وصلت اليه هذه الاغاني |
،
واسبوع المراة ده مالكم مادعيتونا للمشاركة فيهو ياعشوشة يعنى ولا نحنا ما مرأة ؟
اها انشاء الله البوست افادك ولميتى حبة معلومات والله فى ناس هنا قالو كلام ثر ومفيد جدا
| Quote: ومعكم طاف بي الحنين الي أيام الدراسة ومعهد المسرح ودلةكة أختنا الرضية في داخلية على عبد اللطيف التابعة لفرع القاهرة هذه الدلوكة التى كانت تنافس المسلسل المصري فما أن يأتي المساء حتى تصطف الطالبات وهاك يا غنى هابط ، وهكذا هو حالنا في شارع 61ودلوكة الرضية هذه ليست فلتة فأنا أعرف أن الطالبات يقمن بتدريب المرشحات للزواج في الداخليات ، فحين يكون زواج أي واحدة تكون جاهزة ، ما عدا نحنا السياسيات كنا شتر وكج ونعتبر رقيص العروس تسليع للمرأة ، وطبعا أمس أ،ا يا نادية مصورة رقيص عروس جاية من السودان طازة طبعا كذاب المابستمتع برقسص العروس حتى انتي يا لينة أكيد ما حتقاومي هذه الدرامة المحبوكة العفوية مع مقالب العريس ،. أول باحثة قدمت بحث جاد في غناء البنات هي نعمات عبدالله رجب طبعا البحث كان أكاديمي لنيل الماجستير !! شفتو كيف يا البنات ،!! غناكن كن ما ساهل ولو فاضي . |
طبعا غناء البنات مافاضى والا ماكانوا عملوا فيهو دراسات عليا ونالو درجات الماجستير والدكتوراه!!
شحتفتينى ياعشة كان نفسى اتفرج معاك على رقيص العروس لى مائة سنة ماشفت عروس بترقص!
Quote: وأإني المرأة هي أغاني للحياة بكل طقوسها تمارسها في لحظات الطلق تغني النساء للمرأة ليسهلن عليها وجع الطلق : حنا ولدت جابت مريم ومريم ..الخ ويا حنان .. وبعد أن يخرج الطفل تبعث فيه الام الطمانينة بأغاني الهدهدة النوم النوم بكريك بالدوم .. وتأتي طقوس السيرة في ختان الاولاد وخفاض الاناث المسكينات أحفوا ليهن حفرة ، وـاتي مرتين بتوب وينشر في بت الطهور وأنن ليها : الريحمان سلم سلم بت الرجال ما بتتكلم .. وفيها حمام .. لا تحضرني ، ثم تقع المصيبة وهي لا تدري المسكينة أنهن يقمن ببترها ووأد شهوتها في هذه الحفرة ، ما تزعلو أعتبروها تخريمة اصلي مسيطرة على هوس العنف ضد النساء والاطفال ..نرجع لجو الغني وفرحك يا بت عثمان ، وأغاني البنات طبعا تعتبر مرآ ة للمجتمع وكل ما يحدث فيه من تدني أقتصادي وأجتماعي وتناجي فيه الفتيات في حميمية حبيب القلب وقسيم الريد تعاال لي وتعال وتغنت المحبوبة لبدلتو الكحلية لمن الشباب لبس البدل وللجلابية البيضا مكوية وشوف الجنى وشوف خصال في الديوان لافي شالو وقيلت في أحد الشباب حين حرم المستعمر لبس الطاقية الحمرا في مؤسسات الحكومة ولكن هذا الشاب الشجاع رفض أن ينزع العمامة والطاقية فتغنت له البنات أن طلعت القمرا ، الخير يا عشانا تودينا لاهلنا بسألوك مننا ..وهي تعتبر أغنية وطنية تكرس لقيم الشجاعة وكراهية المستعمر ل سيطرته وذلته للشعب السوداني . هي الفتاة السودانية حاضرة في كل المشهد الثقافي والاجتماعي صحيح أنها لم تكتب ولكنها كانت تمتلك ناصية الحكي والسرد والدفء في الليالي القمرية حيث الاحاجي ,اغاني الحماسة كانت لم تكن شهرزاد ولا تودد ولم تكن جارية أبدا بل كانت تصنع الحلم وتغازل الحبيب وتتوسل الاهل والانفكاك من السلطة الابوية التى كانت تعارض زواجها بمن تحب فشكت حالها وتشكت في زيجات الاقارب وهذا هو العلم يثبت مشكلة زواج الاقارب وضعف جينات البشر :
ماداير ود العم العيشتو كلها هم
وود الخال أريتو بالخلخال .ز
:::: وشوفو لي فقرا كان من قعر شدرا
حبيبي ود الناس ضو القمر بالليل
بالله شوف الكلام دا جميل كيف
حسي دا هابط ؟
وتناجي صديقتها شاكية
سميرة أنا ما جنيت سميرة دا الغرام والريد
والله لي الليمون شقايتو عشية
وشوفو لي شربة خلي النقص دربة
الليلة والليلة دار أمبادر يا حليلها
وحليل تومي
شفتو الحنان دا
الخ ..
وقبل ذلك كانت مهلة العبادية وأغاني التمتم
وحواء الطقطاقة سمعت أنها كان لها أغاني في رفع العلم لم تحضرني بتأكد ليكم منها ..
وبعد داك يا جماعة جاء السفر داخل السودان وغنت فتيات الاقاليم : الظلط الظلط شال الشباب خلانا
وغنت المراة للضباط وفي دي أنا ما معاهن طلعنهم في راسنا وبو ظو البلد .
ةغنن للاطباء :
الراكب الموتر بمنديلو أشر
ديني وايماني يا دكتور مبشر
L طبيب من رفاعة)
ودكتور لؤي كشف على
وعنت المرأة للمواصلات
والكرسيدا السمحة وسمح سيدة
وغنت لحمادة
ودالجيران
حمادة بابو جمب بابنا
حمادة بوظ أعصابنا
الولد تقيل ملاحظين !!
والقطر الشال انت أتكسر حتة حتة
وفي نفس المنوال ـأتي :
اغنيت كركبة أم كركابة ندلى في العزابة ودي مرحلة أـسمت بمزيد من البوح عندما
دخل الرجل سلك الوظيفة ، وسكن مع العزابة ..
الدنيا ما دوامة
وبعد داك سافر الحبيب لدول الاغتراب
يا يمة ووب و ويين على البريدو سافر دبي
وغنت بنات الشمالية لرجوع الحبيب
لان الاغتراب اشاعة ولاشى يعدل الوطن حتى لو أكلوها بموية
حبيبي المنقة والتفاح حبيبي عسل والناس مساخ
حبيبي تعال ..
الكويت راعي جمال
والسعودي .ز
تقصد المغتربين في هذه البلدان لا يجدون الاعمال المشرفة وأولي بهم الوطن
هكذ كانت الفتيات يناجن الاحباء ويعن للزواج بهن وبلا أي مقابل أو مهر ولكن المجتمع والامهات كان لهن راي اخر ..
يا عيني اللول اللول
يا عيني عروسنا دبل
ما بدوك للمفلس
بدوك للمهندس
.ز
وكذك المهندس جاء ورسم البنا
وكذلك غنت الامهات للشيلة والبذخ
تلاتة قدور محلبية وتلاتة قدور سرتية
ولكم كان المجتمع قاسي على الشاب المفلس الفقير
الا ما عندو قرش أنطعن سكين
وأتذكر جيدا في هذه الاغنية ، أثناء البنات تغني في هذه الاغنية وكانت العروس ترقص فاخرج أحدهم السكين في يمشهد درامي وشلخ يديهو ورش البنات بالدم فصرخت البنات والحناكيش داخن .. (جعلي عوير طبعا) .
وهذا عكس أغاني البنات الذي يتحدى خطاب الاهل ويفرض نفسه الى جانب المشهد البذخي وتسليع المرأة ،.
طيب أنا طولت عليكم لكن أحب أن اشير الى الاغاني التى تشبة أغاني الجاز بايقاعتاه الصاخبة وهي أغاني الزار والرقص الجميل الدرامي الذي كانت تؤديه النساء هربا من الكبت والبؤس الذي كانت تعانيه النساء فكان الزار فسحة تمارس فيها النساء ما حرم عليهن من الخمر والسجائر ويتقمصن شخصيات مهمة في المجتمع مثل الخواجة والحبشية والمدير لغياب المرأة في الحياة العملية والاجتماعية . يا نادية أحسن أسكت زهجتكم صاح .
تخريمة أخيرة غنى البنات الحديث لم يخرج من الواقع الذي يعانيه الشباب والشابات خاصة الكساد الاقتصادي والحروب التى انهكت جسد الوطن أثرت بدورها على النساء وعلى الزواج والحب مثلا أختفت أغنية برجاك في محل يومداك الذي قد يكون حديقة أو رحلة على شاطئ النيل كازينو أو أي ظل في فضاء السودان الحبيب أختفت هذه اللقاءت بمطاردة بوليس الاداب فما كان من الشباب الا أن يهتدوا الى أماكن ملوثة غير صحية فظهرت أشكال من الحب بعيد عن الهواء الطلق حيث البراءة والمشاعر ,;وكانت رقصة القرد وانتصار العبث والقسم وشتيت النبق النبق والورق وحيرة الشباب وثقافة الموت . ، وتخلى الشباب المغلوب على أمره ، حتى الاغتراب لم يعد يكفي الشنطة ويا أبشرا أنشاالله راجل مرة حتى لوكانت هذه المرة الاخت .هذه التنازلات وتقلص فرص الزواج والمنادة لسيد الكارو في مشهد كوميدي والسخرية من الحال ثم الزيجات العرفية الجديدة علىنا.زراجعة يا هناية عندي تلفون .. |
احىىىى من تلفونات النسوان بتاعين البكيات البيقطعوا على عشة استرسالها فى الكلام السمح ده!!
نواصل بعد التلفون لازم تجى طبعا تكملى الدراسة سمح؟!
|
Post: #100
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-26-2005, 06:02 PM
Parent: #96
العزيز راكوبة
| Quote: شكراً على البوست الجميل، وغنا البنات ماخد في الساحة الفنية مساحة واسعة، جداً لدرجة اتجاه بعض الصاعدين من الشباب تقليد البنات!! |
كلامك صاح والدليل قدروة وكبشور وحمادة بت وتانيين كتاااار
Quote: أما بالتحديد عن ندى القلعة تمتلك صوت جميل، وقادر على تقديم الكثير للساحة، وسمعت إنها بصدد تقديم فيديو كليب عن المشردين من كلمات وألحان هيثم عباس، تقول :
ليه يازمن كبرتني وأنا لسه يافع
أنا لسه بدري على الهموم أنا دوبي شافع |
ندى ياراكوبة بت فنانة جدا وبالمناسبة عندها كمان اغنية للسلام حاتغنيها قريبا جدا
Quote: وأنو ندى حتغني من كلماتك، ده خبر جديد وجميل، ونتمنى أن نشهد أولى الألحان عبر هذه المساحة.
ودي أغنية _ فيديو لندى، مساهمة لهذا البوست الجميل.. |
تسلم ياغالى ونجاملك يوم جديدك يارب قول امييييين وبنجيب ليك ندى لايف كده!!
اما بالنسبة لاعمالى الفنية مع ندى القلعة فهى سترى النور قريبا وبالتاكيد بنزلها هنا فى المنبر
|
Post: #101
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: أبوتقى
Date: 02-26-2005, 11:07 PM
Parent: #100
الأستاذة نادية عثمان
الموضوع طريف وفيه مساحة للبحث وللتأمل وللضحك ايضا
أذكر ان احدالزملاء ايام الدراسة بمرحلة الماجستير قد قدم بحثا جريئا عن اغاني البنات
لا اذكر التفاصيل بالضبط ، لكني اذكر ان من نتائج بحثه ان اغنية البنات كانت مرآةانعكست فيها العديد من القضايا الاجتماعية والاقتصادية وحتى السياسية ..والطرف ان الزميل كان حجة في بحثه وكان يحفظ اغاني البنات عن ظهر قلب ولا يتعثر في دليل أو في مثال
لك كل الشكر ولنا عودة
|
Post: #111
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-27-2005, 01:29 PM
Parent: #101
العزيز ابو تقى
لك اجمل التحايا على هذا المرور الباهى
Quote: الموضوع طريف وفيه مساحة للبحث وللتأمل وللضحك ايضا
أذكر ان احدالزملاء ايام الدراسة بمرحلة الماجستير قد قدم بحثا جريئا عن اغاني البنات
لا اذكر التفاصيل بالضبط ، لكني اذكر ان من نتائج بحثه ان اغنية البنات كانت مرآةانعكست فيها العديد من القضايا الاجتماعية والاقتصادية وحتى السياسية ..والطرف ان الزميل كان حجة في بحثه وكان يحفظ اغاني البنات عن ظهر قلب ولا يتعثر في دليل أو في مثال |
والله هسة متخيلة منظرو صحبك ده وهو واقف قدام الدكاترة وبيقول ويناقشهم فى اغنية حنانة النسى اهلو مانسانا
حاجة تفرح وتؤكد على اهمية هذه اللونية من الفن
| Quote: لك كل الشكر ولنا عودة |
برجاك فى محل
يوم داك
ياابو تقى !
|
Post: #105
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: مطر قادم
Date: 02-27-2005, 06:56 AM
Parent: #1
الاخت نادية
ملاحظه عابره فى بعض اغنيات البنات المعبره:
مثالين
اولا( ياماشى لباريس جيب لى معاك عريس شرطا يكون لبيس من هيئة التدريس) كل الاحترام والتقدير لاعظم مهنة وهى التدريس.
ثانيا
الساق ابله ورد
العمروا ما اتبرد
فيرد المعنى: ابشرى بالخير عليم الله يانى انى من الله خلقنى الا كان دقتنى مطره
فتأملى!!!
|
Post: #108
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-27-2005, 10:35 AM
Parent: #105
مطر القادم خير هطل لى كل بلاد
بركة الجيت
بركة الجيت
آآآآآآآآآآآآآآآآى
Quote: ملاحظه عابره فى بعض اغنيات البنات المعبره:
مثالين
اولا( ياماشى لباريس جيب لى معاك عريس شرطا يكون لبيس من هيئة التدريس) كل الاحترام والتقدير لاعظم مهنة وهى التدريس.
ثانيا
الساق ابله ورد
العمروا ما اتبرد
فيرد المعنى: ابشرى بالخير عليم الله يانى انى من الله خلقنى الا كان دقتنى مطره |
يالماشى للسودان
جيب لى معاك بمبان وسافر
خلانى
لييييييييييييييييييييه؟!انت لسة من زمن هئية التدريس على رأى عشة بت فاطنة ياحليلهم!!
مدهش!!
|
Post: #106
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: مطر قادم
Date: 02-27-2005, 07:01 AM
Parent: #1
الاخت نادية
ملاحظه عابره فى بعض اغنيات البنات المعبره:
مثالين
اولا( ياماشى لباريس جيب لى معاك عريس شرطا يكون لبيس من هيئة التدريس) كل الاحترام والتقدير لاعظم مهنة وهى التدريس.
ثانيا
الساق ابله ورد
العمروا ما اتبرد
فيرد المعنى: ابشرى بالخير عليم الله يانى انى من الله خلقنى الا كان دقتنى مطره
فتأملى!!!
|
Post: #107
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عشة بت فاطنة
Date: 02-27-2005, 10:19 AM
Parent: #106
نادية ازيك .. بركة الجيتي بركة الجيت عسل أ،ت وبسكويت ، اسمعي النسوان كلهن مرقن من المدرسة نحنا الرسول المقعدنا شنو مع العزابة عشان أكلونا فول وعدس وناس عبدالرازق يشبعونا مغص ، صراحة البوست أبداع طلعنا من الغم وملاح أم رقيقة ..
كنت عايزة أنضم عن
الحكامات وخيوط الزار بس خليها بكرة ..
| Quote: ياماشى لباريس جيب لى معاك عريس شرطا يكون لبيس من هيئة التدريس |
مطر زمان كانن بغنن للمدرسين عشان كانو أول الافندية والماهية كان عندها طعم .
يا كرسي المدرس القاعد فيهو يدرس
|
Post: #109
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-27-2005, 10:46 AM
Parent: #107
حبيبتى عشة بت امى فاطنة
Quote: كنت عايزة أنضم عن
الحكامات وخيوط الزار بس خليها بكرة .. |
دستووووووووووووووووور يااولاد ماما
اللول اللول يالولية بسحروك ياعشة الشايقية !!
نحنا بكرة بتاعنا جاء انتو لسسسسسسسسسسسسسسسسسسسة؟؟؟؟؟؟
|
Post: #110
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-27-2005, 01:10 PM
Parent: #109
الموصلى ود خالى الغالى
قلت اسئلة مهمة انا اسفة انى ماشفتها الا هسة بس :
Quote: طيب النسال ياناديه
ماهو مااصطلحتم عليه غنا البنات في الاول
هل هو غنا البنات لانو البنات بغننو؟؟
طيب اذا كدا مافي بنات كتار بغنن غنا غير ده؟؟
ولاديل مابنات
اها جاوبو وبعدين بجيكم راجع |
غناء البنات هو حالة التقاط مستمر للتطورات فى المجتمع وترجمتها فى شكل كلمات والحان تحكى الحدث المعين
والبنات التانيين البغنو غناء غير ده برضو بنات ..لكن بنات تانيين بعبروا بطريقة تانية عن المجتمع..
اها يلا تعال راجع ياموصلى بلال تود ..
|
Post: #112
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Tumadir
Date: 02-27-2005, 01:52 PM
Parent: #110
Re: نكفـي الفنـدك وبالصـريف نعـاين
اتخيل لى هو هابط لكن هبوط اضطرارى...
جبت ليكم بوست من الارشيف يونسكم لما ارجع...
تحياتى لكم جميعا.....
|
Post: #113
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: lana mahdi
Date: 02-27-2005, 02:00 PM
Parent: #112
وانا اقول شرقانة لييه؟؟
ود العمدة و نادية شكيتكم على الله
بطلو قطيعة
ما غنا البنوت بس الهابط ضغطى حسي برضو
|
Post: #116
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-27-2005, 06:56 PM
Parent: #113
لنوية الغالية
ماقلت ليك ود العمدة بيقطع فيك عملتى ماهاميك ولاشتين!!
اما الشرقة فهى من زعل السيد عشان مااتفقتى معاهو فى رؤيتو حول غناء البنات
العمدة
راجياك
يالعمدة
راجية
افتو معاك !!
|
Post: #115
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-27-2005, 06:53 PM
Parent: #112
البت الحديقة تماضر
سلة الفواكه
وتشكيلة احلى الورود تماضر
بزيارتك بيتنا نوّر
والله نور
كلوووووووووووووووووووووووووووووو زينة
مااروعك يابهية الطلة جدا
هديتك مع انها ارشفية لكنها حلوووووة زيك
وانا قاءاااااااااااااااااااعدة فى انتظار وعدك بالعودة
سمح
|
Post: #114
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Mohamed Elbashir
Date: 02-27-2005, 03:11 PM
Parent: #1
الأستاذه ناديه
قلنا نهدي نفسنا شويه بعد الهجيج الهنا عشان كده نزلنا ليكم بوست أغاني بنوت بس نفس هادي
أهداء للجميع حبه من بركات عمك تنقو
ودي وتقديري
محمد علي
|
Post: #117
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-27-2005, 07:03 PM
Parent: #114
الغالى محمد البشير
طبعا غالبنى الكلام !!
لانو مافى اى كلمة تعبر عن مدى تقديرى ليك لاثراءك ومساهامتك المقدرة فى هذا البوست
وطبعا فكرة البوست بتاعك راااااااائع جدا
والاتناشر اغنية كل اغنية تقول للتانية زحى واسمعينى ..!
يأخى انشاء الله مااعدمك ابدا!
|
Post: #118
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: معتصم دفع الله
Date: 02-28-2005, 03:58 AM
Parent: #117
الغالية نادية
رأيك شنو في غناء البنات وترديدها من قبل الفنانين الشباب ..
فقد إنتشرت بصورة كبيرة في الآونة الأخيرة وأصبح من لا يرددها في الحفلات لا إقبال عليه ..
عندنا هنا في الرياض فنان إشتهر بترديده لغناء البنات ويعد الاول بين زملائه الفنانين ..
وعليه إقبال وطلب شديد في مناسبات الأعراس التي تقام هنا ..
وهذه تجربة لندى القلعة وأبوطالب بالفيديو ..
|
Post: #120
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-28-2005, 08:23 AM
Parent: #118
الزول الراقى معتصم دفع الله
تسلم ياذوق على روعة هداياك الفاخرة جدا
Quote: رأيك شنو في غناء البنات وترديدها من قبل الفنانين الشباب ..
فقد إنتشرت بصورة كبيرة في الآونة الأخيرة وأصبح من لا يرددها في الحفلات لا إقبال عليه ..
عندنا هنا في الرياض فنان إشتهر بترديده لغناء البنات ويعد الاول بين زملائه الفنانين ..
وعليه إقبال وطلب شديد في مناسبات الأعراس التي تقام هنا .. |
ايوة انا سامعة انو عندكم كبشور مكسر الدنيا فى المملكة السعودية ..وطبعا ان يتمايع الرجل ويتراقص زى البنات ماحاجة حلوة لكن النصيحة لى الله الرجل بجيد غناء البنات احسن من البنات زاتهن!!
تكون موهبة اقايتو!! وبرضو وسيلة للكسب السريع والمضمون جدا !!
| Quote: وهذه تجربة لندى القلعة وأبوطالب بالفيديو |
..
اقايتو بت القلعة دى الله يحفظها يارب !
وتسلم تانى على الهدية وخليك معانا ماتمشى
سمح
|
Post: #148
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: معتصم دفع الله
Date: 03-02-2005, 11:03 PM
Parent: #120
أيوة يا نادية كبشور دا مكسر الدنيا هنا في السعودية وحفلاته لها رواج كبير ..
أها أنا قاعد وجيتكم بي لنك الحفظ كمان ..
ظلموني
الناس
|
Post: #119
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عشة بت فاطنة
Date: 02-28-2005, 04:29 AM
Parent: #117
تماضر ونادية تعالو ننجر غنى بنات .. ولا يهمنا هابط هابط وزي ما قالت تماضر هبوطنا أضطراري ..
أها يلا .أبدن
قليبي حسة
قليبي دقة
فتحت الشبكة ولقيتو حايم
أديتو اشارة عمل فيها نايم
أنشاالله اصحي
وارسل لي حمايم
ولا نقول : شباب الشكبة وين يا خاين
الزول حمادة ليو زمن ما باين
وين حبيبي يا ناس
خطفوك ناس امريكا ولا طلبة مدراس
خوفي عليك من أشباح السعودية
ولا بنات عمان العينهن قوية
لومشيت أبوظبي ما همية..
وانشاالله تجكس بس ارجع ليه
واقلبها شمال
واقلبها غرب
بس تعال لي يا البي العصر ظهوروك
تلاقاني راجياك في الكريبة
|
Post: #121
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-28-2005, 10:39 AM
Parent: #119
عشة بت امى فاطنة السمحة
كلامك وفكرتك تمام يلا اها اسمعى :
ياخيتى ياعشة
ود الناس بريدو
السايق الركشة
انا قاعدة اتعشى
قال لى انو ماشى
ماتعترلو قشة
وهكذا..!!
|
Post: #122
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عشة بت فاطنة
Date: 02-28-2005, 01:30 PM
Parent: #121
ياخيتى ياعشة
ود الناس بريدو
السايق الركشة
لا لا الركشة دي خطرة خلاس ..
بس كمان أنا خليني أتعشى وارجع لبتاع الركشة
وبالمرة عليك الله يا نادية سوي لى مس كول .. قولي لي جاهزين
خلي استعدل واكب بنزين ..
|
Post: #123
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: benyya
Date: 02-28-2005, 05:00 PM
Parent: #122
| Quote: منو القال غنا البنات هابط والهبطوشنو |
ناديه
ازيك؟
احب ان اقول ان اقول غنا البنات فيها شي من التعميم
تغنت نساء بلادي منذ حقب بعيده
غنا البنات الموجود في الساحه كظاهره
اعراس-مناسبات- وانتشاره بالصوره الاوسع بقصد البهجه والفضفضه من القرف والنفس المقبوض
بدايه كان يعتمد علي النقطه ونهايه اصبح مصدر رزق لكل واحده معها اورغن وعازف
كلمات الاغاني كلها افرازات للمجتمع وقضاياه الحيويه اقتصاديه كالحال الحاصل وعزوف الشباب من الزواج لضيق اليد
لذلك نادت بزواج راجل المراه والضره
وسيد الكارو تعال
اب وشيشن صارو تعال
تعال بالعندك تعال ابوي بسندك
الخ.....
كذلك اجتماعيه سياسيه رياضيه
كلها للتعبير عن المكبوت تعبيرا بكلمات بسيطه قابله للتغيير
مع الاشخاص والزمان والمكان
فالمغنيه اذا كانت في احد الاحياء اياها تحشر الاسماء والدولارات في نص الاغنيه وبالعكس
اذن يتم التغيير علي مزاج المتلقي
و
لى عوده
لى قدام
|
Post: #125
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-28-2005, 05:50 PM
Parent: #123
بنية الحبيبة
بركة
الجيتى
بركة الجيتى
عسل انتى
وبسكويتى
شنو يازولة مسجلة غياب كده ليه انشاء الله مافى عوجة ابدا يارب
قلتى فى جزء من مداخلتك القيمة :
Quote: فالمغنيه اذا كانت في احد الاحياء اياها تحشر الاسماء والدولارات في نص الاغنيه وبالعكس
اذن يتم التغيير علي مزاج المتلقي |
ايوة انا معاك جدا فى الكلام ده وبعتقد انو ده ذكاء من المغنية لانها بتخاطب الشريحة المعينة من المجتمع البتغنى ليهو يعنى زى مثلا اغنية الرمبزة :
اولاد العز
هيا هيا
الرمبزة
راضعين البز
هيا هيا
الرمبزة
اولاد الفقر
راضعين الشطر
وهكذا ..
ويلا وعدتى بالعودة وانى ومن معى فى انتظارك ياغالية..
|
Post: #126
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: tasneem
Date: 02-28-2005, 10:44 PM
Parent: #125
الاخت نادية
سلامات وجيناك تاني
اغاني البنات انعكاس لتحول المجتمع وتطوره
مثلا شوفي زمان الاغاني كانت تشجع وتحث علي التعليم
اللة لي كوريا
يا الابسين ساعاتكم
ياالراكبين عجلاتكم
ميعاد الدرس فاتكم
والتعليم لحياتكم
برضو كانت الطبقة الوسطي ليها وزنها مكانتها في
المجتمع ذي المهندسين والدكاترة والضباط والمدرسين
ناري انا المهندس جاء ورسم البنا
سايق العظمة سافر خلاني وين
يا الماشي لي باريس جيب لي معاك عريس
شرطا يكون لبيس من هيئة التدريس
وبعد داك ظهرت افكار جديدة وظهور طبقة برجوازية
وطفيلية وتدني اجتماعي والطبقة الوسطي تلاشت
لذلك ظهرت اغنيات هابطة ذي
يابهية
سنة يا ولد
ووب علي من الولد
حلوة قامته وحلو الشنب
المدرسين المفلسين وبري منهم
مع تحياتي وتقديري
وين الاخوات المبدعات عشة بت فاطنة وملكة كتابات
ومواكبات ما شاء الله عليهم
|
Post: #128
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-28-2005, 11:56 PM
Parent: #126
الغالية تسنيم
تسلمى ومرحب بالعودة تانى وتالت وحبابك الف تسكنى فى البوست وتنويريهو ونحنا لاقينك وييييييين ياغالية ؟
اها نجى لى جزء من مداخلتك الثرة :
Quote: وبعد داك ظهرت افكار جديدة وظهور طبقة برجوازية
وطفيلية وتدني اجتماعي والطبقة الوسطي تلاشت
لذلك ظهرت اغنيات هابطة ذي
يابهية
سنة يا ولد
ووب علي من الولد
حلوة قامته وحلو الشنب
المدرسين المفلسين وبري منهم |
وانا معاك انو مفردات غناء البنات بتتطور حسب تطور المجتمع لكن حتى ظهور هذه الاغنيات التى زكرتيها ووصفتيها بالهابطة هى نتاح وافراز لتغير المجتمع برضو ولاشنو ؟
يعنى انتى ارجعتى هبوطها زاتو لتدنى المجتمع يبقى الاغنية البناتية ماهى هابطة وانما هى مواكبة للتدنى البيحصل للمجتمع والعكس صحيح..ولا انتى رايك شنو؟
|
Post: #124
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 02-28-2005, 05:28 PM
Parent: #122
عشة حبيبتى بت فاطنة
Quote: وبالمرة عليك الله يا نادية سوي لى مس كول .. قولي لي جاهزين
خلي استعدل واكب بنزين .. |
يلا ياعشة
انا ليك جاهزين
نركب الكامرى
ونركب الليموزين
نمشى بالكبرى
نقطع البحرين
البريدو هناك
اسمو نجم الدين
شال فرح قلبى
قل نوم العين
الولد طيب
الولد مسكين
الا امو فقر
بكتلها
بسكين
ونمشى لى توتال
عشان نكب بنزين
نعمل المس كول
رّن احلى
رنين
ياولد فالح
مابتسب الدين
ياحبيب صادق
ديمة انت
امين
والنبق
النبق
وهكذا ..!!
يلا واصلى ياعشوشة بت امى
|
Post: #127
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عشة بت فاطنة
Date: 02-28-2005, 11:22 PM
Parent: #124
ندوية العسل أنتي وين ..
المطرة حلفت ما تقيف .. ليها اربعة يوم :: وحسي تراها كابة قت احسن أغني ليها غنى بنات
أهاا ورح معاي ..
مطر الرزاز صفق
دفق الحزن افراح
شال الوجع رجع
زمن الغنى المنداح
مطر الرزاز شيل
خلاني اتخيل
عمري الرحل ميل
قلب الحبيب غير
خلاني أتحير
دلوني دلوني
يا نادية والاصحاب
شلع الرعد ولع
خلاني اتخلع
واذكر الاحباب و
زمن الهنا الولى
مطر الخريف رشة
خلاني مندهشة
من نادية والاصحاب
فاض الحنين بيا
خلاني مطوية ونايمة في الكراب
أها ا يلا النبق..
نتمها ونلحنها ولمن نتلاقى نغنيها ..
هي أمشى أجيب سمك واصور المطر وارجع
أها يا رمزة
|
Post: #129
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 03-01-2005, 00:19 AM
Parent: #127
عشة بت امى فاطنة السمحة
اولا يازولة انا متكيفة منك جدا خليتينا نكتشف فى روحك وروحى مواهب مدفونة وهى المقدرة على تاليف غناء البنات الماهابط ولاحاجة والله ..!!
بس اسمعى انا هسة والله خايفة تجى فنانة ولافنان يسرقوا انتاجنا ده خاصة فى ظل غياب حقوق الملكية الفكرية فى المنبر وكده .!!
اها هسة شوفى لينا طريقة تخلى الحقوق محفوظة للمؤلف وكل من يعتدى عليها يعرض نفسه للقانون الرادع جدا !!
وقلتى لى :
Quote: مطر الرزاز صفق
دفق الحزن افراح
شال الوجع رجع
زمن الغنى المنداح
مطر الرزاز شيل
خلاني اتخيل
عمري الرحل ميل
قلب الحبيب غير
خلاني أتحير
دلوني دلوني
يا نادية والاصحاب
شلع الرعد ولع
خلاني اتخلع
واذكر الاحباب و
زمن الهنا الولى
مطر الخريف رشة
خلاني مندهشة
من نادية والاصحاب
فاض الحنين بيا
خلاني مطوية ونايمة في الكراب |
وهاك منى اغنية ياعشوشة :
المطرة الحنينة
روت الجفاف فينا
حبيبى سمح رتينة
والخاينة السمينة
الجد ماامينة
نست جلسات صفانا
والريدة الدفينة
الحاسدة الحقودة
السموها لينا
بت عز قايلة روحها
وهى بخيلة وضنينة
المطرة الحنينة
ياعشة بتجينا
وننسى معاها زمنا
اسود وضمة طينة
وهكذا ..!!
حقوق الغناء محفوظة لى ولى عشة اختى ..!!
أها ا يلا النبق..
نتمها ونلحنها ولمن نتلاقى نغنيها ..
هي أمشى أجيب سمك واصور المطر وارجع
أها يا رمزة
|
Post: #132
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عشة بت فاطنة
Date: 03-01-2005, 00:54 AM
Parent: #129
حقوق الغناء محفوظة لى ولى عشة اختى ..!!
ندوية شباب بحري وانا اقول الطعم دي من شنو تراه من البحر ، اول مرة اشوف بروفايل بتاع زول من الطعمة التك .. كيف البنية وابوها والقاهرة ..
اشوف عالية واجيك
|
Post: #130
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عشة بت فاطنة
Date: 03-01-2005, 00:32 AM
Parent: #127
بري يا ختى دي مطرة تقيلة بعد لبست الشبح ( العباية) واتقنعتة جيت راجعة السمادي منقدة عديل بال سمك بلا سمك الليلة ياكلو عدس وانا مالي والمطر ة صبت لعذابي يا نادية ..
كدي النرجع نتم الغنى حقك بتاع الركشة والكشة .ز
لما المطر رشا
أنا والحبيب
ركبنا في الركشة
بس يا خسارة
كبست الكشة
Quote: يلا ياعشة
انا ليك جاهزين
نركب الكامرى
ونركب الليموزين
نمشى بالكبرى
نقطع البحرين |
ونمشى ببحري
نودع الحلوين
ونطوح بشمبات
عشان سامي ونجم الدين
نركب المركب
ندلى حي السوق
نشرب البارد
ونقابل المحبوب
هلا يا بحرى
هلا يا امدرمان
نمشى شارع النيل
نقابل الحبان
وندخل القاعة
نشوف فيلم ساعة
كي لناس فلان
أ÷ا النبق النبق
|
Post: #133
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 03-01-2005, 01:05 AM
Parent: #130
الغالية عشة
Quote: ونمشى ببحري
نودع الحلوين
ونطوح بشمبات
عشان سامي ونجم الدين
نركب المركب
ندلى حي السوق
نشرب البارد
ونقابل المحبوب
هلا يا بحرى
هلا يا امدرمان
نمشى شارع النيل
نقابل الحبان
وندخل القاعة
نشوف فيلم ساعة
كي لناس فلان |
بيتنا فى الشعبية
اغلى من منشية
عشقى فى الحلفايا
سينما بس وطنية
عشة اصلو المال
ضمة ماهمية
المهم الصحة
والفيلا والعربية
يلا سوقى الكامرى
عشان نزور علوية
وتماضر الغالية
ونصرة والمهدية
نمشى بيت العرس
فيه دفع بالمية
يلا ياالبوبار
اعدم الماهية
وخلى عشة تتوب
من صفاء النية !!
ويلا
النقدة
النقدة
|
Post: #131
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عشة بت فاطنة
Date: 03-01-2005, 00:43 AM
Parent: #127
ندويةالحبيبة
يا النيتك ديمةطيبة
غنى البنات خلي
ودرب الوجع أنسى
وخلينا نمشى هناك
نرحل مع الغيمة
ونقول للبحر حاجات
تهدينا وترسينا
كدي اول النشوف البروفايل بتاعك عشان أوديك أهلك ..
|
Post: #134
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عشة بت فاطنة
Date: 03-01-2005, 04:39 AM
Parent: #127
نادية الشمس جات ..
دقيقة عشان نغني ليها -ح-
|
Post: #137
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 03-01-2005, 09:41 AM
Parent: #134
عشة بت امى الغالية
Quote: نادية الشمس جات ..
دقيقة عشان نغني ليها -ح- |
الشمس ياعشة طلعت
نورها فى وش الحبيب
الشمس لى زولى باردة
وحارة لى غيرو ولهيب
كان بكيت من وجعى
ابكى
وكان شكيت من زهجى
اشكى
اهلى مارضو بالغريب
قالو الا يكون مقرش
والزواج قسمة ونصيب
ويلا ياعشتنا قومى
عندى ليكى
شمار
رهيب!!
|
Post: #141
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عشة بت فاطنة
Date: 03-01-2005, 01:27 PM
Parent: #124
يلا ياعشة
انا ليك جاهزين
نركب الكامرى
ونركب الليموزين
نمشى بالكبرى
نقطع البحرين
البريدو هناك
اسمو نجم الدين
شال فرح قلبى
قل نوم العين
الولد طيب
الولد مسكين
الا امو فقر
بكتلها
بسكين
Quote: ونمشى لى توتال
عشان نكب بنزين
نعمل المس كول
رّن احلى
رنين
ياولد فالح
مابتسب الدين |
حسي أ،ا نايمة يا ندوية وبكتب ..داقسة ماشة المغربية
|
Post: #135
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Yasir Elsharif
Date: 03-01-2005, 07:04 AM
Parent: #1
الأستاذة نادية،
سلامات ليك وللزوار..
لقد استمتعت بالبوست جدا وبفكرته، واستمتعت بمداخلات تسنيم وصديقي أبو يارا "عصام دهب" وتعليق الأخت نور تاور، والأخ ود قاسم وكل مداخلات عشة..
أتفق تماما مع قولك:
| Quote: يعبرن فيه الفتيات عن رغبات مكبوتة يصعب عليهن قولها هكذا جهارا وعلى روؤس الأشهاد حتى لايتهمن بالوقاحة وقوة العين !! |
من أجمل أغاني البنات والدلوكة على زمننا "إنت كلك زينة"، وأصبح يغنيها حمد الريح فيما بعد:
إنت كلك زينة وعايمة كالوزينة
ويحفظك مولاك
وفيها يقول:
شوفتك تسلم بطرس
وأيضا حنا وجرجس
وكل زول يهواك
كما يقول:
يا ظبية الوادي
ومنك طال بعادي
وكل حين أطراك
ديمة بس لعنادي
ولمحتك إسعادي
وجنتي رؤياك
خدرتك ليمونة
وتينة بل زيتونة
وساحرات عيناك
العباد مفتونة
وبيك يا محصونة
وربحت الوالداك
بي قدومك أهلا
وعومي شيشك مهلا
واطربي العشاق
عمري ضايع جهلا
ويا دموعي انبهلن
وقلبي ليك مشتاق
أما غناء البنات أو "غنا السباتة" كما كان يسمى على زمننا فهو أيضا مهم وإفراز طبيعي للحياة البسيطة.. ومنه الآن الهابط ومنه المفيد، ولكن الهابط نفسه يشير إلى الواقع، وليت الناس يتجهون إلى إصلاح الخلل.. لاحظت الحضور الكبير في هذه الأغاني لظاهرة تعدد الزوجات، والخوف من البورة، والتنازل من كثير من الأشياء "يا بتاع الكارو تعال" "أخوي بلابسك تعال" وهي كلها برغم الفكاهة التي بها ولكنها صرخة في وجه الفقر الذي أصبح نصيب الأكثرية في السودان، وصرخة في وجه تسليع المرأة كما قالت الأخت عشة..
ياسر
|
Post: #138
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 03-01-2005, 10:01 AM
Parent: #135
العزيز ياسر الشريف
اشكرك على المرور الباهى والمداخلة الثرة والمفيدة جدا
واكثر ماادهشنى واسعدنى ان الفنان الرائع الكبير حمد الريح غنى غناء البنات كما غنى للبنات ..
Quote: شوفتك تسلم بطرس
وأيضا حنا وجرجس
وكل زول يهواك
كما يقول:
يا ظبية الوادي
ومنك طال بعادي
وكل حين أطراك
ديمة بس لعنادي
ولمحتك إسعادي
وجنتي رؤياك
خدرتك ليمونة
وتينة بل زيتونة
وساحرات عيناك
العباد مفتونة
وبيك يا محصونة
وربحت الوالداك
بي قدومك أهلا
وعومي شيشك مهلا
واطربي العشاق
عمري ضايع جهلا
ويا دموعي انبهلن
وقلبي ليك مشتاق |
وهذا يؤكد ماذهب اليه اغلب المتداخلين هنا باهمية غناء البنات وعدم هبوطه..
|
Post: #136
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: abdalla BABIKER
Date: 03-01-2005, 08:24 AM
Parent: #1
الاستاذه نادية
منو القال
|
Post: #151
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 03-03-2005, 03:53 PM
Parent: #136
الاكرم عبد الله بابكر
تسلم على المرور الباهى
ويسلموا ناس شندى وبربر والمتمة وكل السودان..
|
Post: #139
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: الساحر
Date: 03-01-2005, 10:13 AM
Parent: #1
الاخوة الاعزاء تحياتي
اول شئ بكل صراحة رأي الشباب الفوق ده كلوا انا ما مقتنع بيهو واشك انو
دي قناعتهم احتمال جاملوا او الموضوع عجبهم من ناحية تانية
المهم ما شغلنا نرجع للموضوع
انا في رأي انو اي غنية عندها هدف وعندها مضمون عشان تكون مفيده
والهدف او الفكرة بتنفذ من خلال الكلمات مرور بالالحان والتوزيع الموسيقي
اذا افترضنا انو ده مقياس عام للاغنية نجي نقيس بيهو اغاني البنات كمصطلح
للنوعية معينة من الاغاني لا يشترط ان يكون المغتي ولد او بت عشان ما نظلم
البنات المبدعات امثال حنان النيل و وووووو نرجع لاغنية البنات اتفق انها
كانت متنفس للبنات في السابق وكانت كلماتها اكثر اتزان واحترام والدليل
الاغنية الجابها ياسر الشريف لكن اسه البنات بقوا يتنفسوا براحتهم ويقولو
ويعملوا اي شئ يعني الحته بتاعت متنفس دي بقت ما عندها وجود الان .
اغاني البنات جد هابطة بمعني الكلمة لانها بتتكون من كلام فارغ ما عنده معني
الكبري بدقداقو والمطر الشال سحابو
بنزينك شوية يا السايق العربية
حلفو علي اسم الله راجل المره ما بتخلي الذ حاجة راجل المره
ده كلوا من شيحة شيحه باع الشريحة بالاقساط المريحة
البنسلين يا تمرجي
والامثال كتيرة جدا
طبعا بكلامي ده انا ما بوجه صوت لوم للبنات لكن بعتبر ده انعكاس طبيعي للتردي
الحاصل في السودان وحنان بلوبلو ما بعيده مننا ظهرت في ايام كان التردي قد طال
جميع مناحي الحياة
ويااخوانا الحاصل الان في السودان ده شئ مخجل وده انحطاط وتردي وما ننجرف وراء
العواطف ونكون منطقيين
|
Post: #142
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 03-01-2005, 02:28 PM
Parent: #139
الاخ الاكرم الساحر
التحية لك على المرور الباهى ..ومليون مرحب بيك اخوى الفاضل
وتسلم على المداخلة الهامة والمفيدة جدا
Quote: اول شئ بكل صراحة رأي الشباب الفوق ده كلوا انا ما مقتنع بيهو واشك انو
دي قناعتهم احتمال جاملوا او الموضوع عجبهم من ناحية تانية
المهم ما شغلنا نرجع للموضوع |
تسلم اخوى بس انت تقصد جاملوا البنات فى غناهم ولاجاملوا صاحبة البوست عشان شاركوا فى النقاش مهما كان رأيهم ؟؟
اقايتو اذا كان كل ديل اتكلموا على غير قناعاتهم فما بتكون المجاملة لى على كل حال لسبب بسيط وهو انى انا ماغناية ولابعرف اغنى .!!لكن زى ناس كتار بحب غناء البنات ومابعتبر انه هابط على اطلاقه ولو هابط فده من هبوط وتدنى المجتمع السودانى زى مااتفضلت بالحديث اخى الساحر ..!
Quote: انا في رأي انو اي غنية عندها هدف وعندها مضمون عشان تكون مفيده
والهدف او الفكرة بتنفذ من خلال الكلمات مرور بالالحان والتوزيع الموسيقي
اذا افترضنا انو ده مقياس عام للاغنية نجي نقيس بيهو اغاني البنات كمصطلح
للنوعية معينة من الاغاني لا يشترط ان يكون المغتي ولد او بت عشان ما نظلم
البنات المبدعات امثال حنان النيل و وووووو نرجع لاغنية البنات اتفق انها
كانت متنفس للبنات في السابق وكانت كلماتها اكثر اتزان واحترام والدليل
الاغنية الجابها ياسر الشريف |
طيب الحمد لله اهو النقاش ورانا نقاط اتفاق واختلاف بينا وبين بعض على كل حال !!
Quote: لكن اسه البنات بقوا يتنفسوا براحتهم ويقولو
ويعملوا اي شئ يعني الحته بتاعت متنفس دي بقت ما عندها وجود الان |
.
طيب بلاش متنفس قول وسيلة تعبير مثلا ..!!
| Quote: اغاني البنات جد هابطة بمعني الكلمة لانها بتتكون من كلام فارغ ما عنده معني |
ده رأى مهم جدا برضو احترمه جدا والاختلاف فى الرأى لايفسد للبوست ولا النقاش قضية ..!!
Quote: الكبري بدقداقو والمطر الشال سحابو
بنزينك شوية يا السايق العربية
حلفو علي اسم الله راجل المره ما بتخلي الذ حاجة راجل المره
ده كلوا من شيحة شيحه باع الشريحة بالاقساط المريحة
البنسلين يا تمرجي |
ودق الباب وجانا
جريت ليه حفيانة
ماقصدت الخيانة
قصدت يقيل معانا
و
| Quote: والامثال كتيرة جدا |
فعلا اكتر من ان نستطيع حصرها هنا فى هذا البوست الذى قدم فيه الكثيرون رايا مقدرا وعلى مسئوليته ..!!
Quote: طبعا بكلامي ده انا ما بوجه صوت لوم للبنات لكن بعتبر ده انعكاس طبيعي للتردي
الحاصل في السودان وحنان بلوبلو ما بعيده مننا ظهرت في ايام كان التردي قد طال
جميع مناحي الحياة |
معا لمحاولة اصلاح المجتمع السودانى من امراض التردى فى كل مناحيه ..
Quote: ويااخوانا الحاصل الان في السودان ده شئ مخجل وده انحطاط وتردي وما ننجرف وراء
العواطف ونكون منطقيين |
بعيدا عن العواطف وبكل المنطقية اتفق معك اخى الساحر ان المجتمع السودانى مصاب بكثير من الامراض الخطيرة ليتنا نساهم فى وضع الحلول لها من خلال مناقشة المشكلات بعيدا عن عدم احترام الرأى والرأى الأخر .!!
مرة اخرى شكرا اخى الساحر على مرورك الطيب والمفيد..
|
Post: #140
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: maia
Date: 03-01-2005, 10:26 AM
Parent: #1
الاخت نادية
لك التحية
اغاني البنات بتعكس دايما حالة المجتمع باكمله يعني لو عاوزة تعرفي الحاصل شنو في داخل المجتمع والمفاهيم التي تسود فيه ستجدي اغاني البنات هي خير معبر عن ذلك ، وكل حركة تغيير بتحصل اول رادار ملتقط ليها هو غنا البنات . يعني الحكم على اغاني البنات بانه هابط صعبة شوية ، لانه كاننا بنحكم على مجتمع كامل بالهبوط
وبعدين مرات الواحد بيكون محتاج يسمع شوية اغاني بناتية ويطلع شوية من حالة الجمود
لك خالص الود
|
Post: #143
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: motaz
Date: 03-01-2005, 06:12 PM
Parent: #140
ومنو القال ليك تصدقي انو غناهم هابط؟
هناك فنانات استطعن سحب البساط حتى من الفنانين الرجال باغاني جميلة وحلوة
اما مسألة الهبوط دي لا تعتمد على رجل كان ام امرأة .. ولكن تستند للكلمة التي يراها كثير من الناس غير جميلة
هناك مفردات تجعل الاغاني عندما يسمعها الشخص يحكم عليها بانها هابطة حتى ولو اللي بيغنيها راجل
لكم كل الود
ملحوظة:
الاخ معتصم .. اشكرك على ارفاق اغنيه (ندى ـ ابو طالب) وعندي تعليق بسيط واسف للتدخل
في هذه الحلقة من البرنامج كانت مقدمة البرنامج تطلب من ندى وابو طالب ان يغنو ثنائي ولو لاحظت الفنان ابو طالب كان يتوقف كثيرا لانو ما حافظ الاغنيه .. ولكن كان سريع البديهه واستطاع ان يحفظ بعض الكلمات في وقت قصير
لك كل الود
واقعدو عافيه
|
Post: #150
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 03-03-2005, 09:03 AM
Parent: #143
الاكرم معتز
تسلم على المرور الباهى
| Quote: ومنو القال ليك تصدقي انو غناهم هابط؟ |
ومنو القال ليك انى مصدقة انو غناهم هابط؟
اظنك يامعتز ماقريت كلامى كويس وكذلك المداخلات بتاعة الناس ..ارجو المراجعة ولك التقدير
Quote: هناك فنانات استطعن سحب البساط حتى من الفنانين الرجال باغاني جميلة وحلوة
اما مسألة الهبوط دي لا تعتمد على رجل كان ام امرأة .. ولكن تستند للكلمة التي يراها كثير من الناس غير جميلة
هناك مفردات تجعل الاغاني عندما يسمعها الشخص يحكم عليها بانها هابطة حتى ولو اللي بيغنيها راجل |
اتفق معك تماما ..والغناء الهابط فعلا ماحكر على البنات بس وانما الفن عموما رجل وأمرأة يمكن ان يكون فيه الهابط والجميل..
|
Post: #147
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 03-02-2005, 08:42 PM
Parent: #140
مايا
مرحب بالمرور الباهى
Quote: اغاني البنات بانه هابط صعبة شوية ، لانه كاننا بنحكم على مجتمع كامل بالهبوط
وبعدين مرات الواحد بيكون محتاج يسمع شوية اغاني بناتية ويطلع شوية من حالة الجمود |
هذه حقيقة اؤيدك عليها جدا ..فبماان البنات جزء لايتجزأ من المجتمع اذن تعبيرهن بهذا الغناء يعود لمستوى المجتمع علوا وهبوطا اخلاقيا ..
وفعلا فى غناء البنات ترفيه عن النفس من متاعب الحياة ..
|
Post: #144
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: wadaldeem
Date: 03-01-2005, 11:56 PM
Parent: #1
يااستاذة نادية
عليك الله شوية معلومات لانكم-ناس الثقافة-لانكم بقيتو تزعلو من مثقفاتية دى شايفكم...ماعلينا نرجع للمعلومة العايزنها منكم ومنك انتى بالتحديد غناء البنات دا بشمل شنو بالظبط وقاصدين بيه منو من البنات وموجه لى منو برضو?بمعنى
الغناء البغنوه البنات-----:
روح معاك عمر الهناء-نحييك مابتحيينا-رجعنالك-....-البلابل.
ولا:
دا كلو من وائل وائل قفل الموبايل لا مس كول لا رسائل
لانو بى صراحة الشغلة جايطة لى فى راسى والتعميم عندكم مبالغ فيه وبقترح تفصلو لينا بين غناء المناسبات البتناولوه البنات فى ظرف زمانى ومكانى محدد وبين الغناء الممكن يتسمع فى كل زمان ومكان
تخريمة :منو القال ليك بنسمعو بالدس
ودمتى
ودالديم
|
Post: #145
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: محمد حسن العمدة
Date: 03-02-2005, 03:34 AM
Parent: #144
نادية عشوشة لنا
والله بتاوق للبوست دا لي فترة وما قادر اخش اصلو واحد حبيبنا امرو محزنا شديد
المهم ربنا يعدل طريقو
هاكم اسمعو دي ساندوتش
حبيتو ما حبانى اتذكرتو قام نسانى
اها شفتو جنس الشلاقة دي هسي لو ما اتذكرتو موش كان ما نساها ؟؟؟
ولا نشوفا بالوجه التاني
الرجال غدارين ودا برجعنا لبيت البكاء وبجيهو وبخت كرسيي في النص يا عشوشة
|
Post: #146
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Ahmed Al Bashir
Date: 03-02-2005, 04:12 AM
Parent: #1
ناديه عثمان
سلام يمى
لمل تجى للغنا, انا دايما من انصار القديم , ما عارف ليه؟
يعنى انا من سميعة ابو داؤؤد و الشفيع و حسن عطيه
ولا يشاركهم بالضروره الا الراحل مصطفى سيد احمد
و احد صاحبى قال مره و بعد سمع شريط لابو داؤد , سمع تسجيل شعرى لمحمد المهدى المجذوب قصيدة( لزيم الجور ) ,
و ارضانى الجنوب فلا ابالى بمن يصم العراة ومن يلوم
هم عشقوا الحياة فعاشرتهم
كما تبغى المشاعر, لا الحلوم
فليتنى فى الزنوج و لى رباب تميل خطاى به و تستقيم
و فى حقوي من خرز حزام و فى صدغى من ودع نظيم
و اجترع المريسة فى الحوانى اهذر
لا الام و لا الوم
طليق لا تقيدنى قريش باحساب الكرام ولا تميم
" تعرف انت جيت فى الزمن الغلط", ( كان حقو يولدوك فى التلاتينات),
و كان لدى شريط قديم ل ( قسمه) وجارتنا و انا فى الابتدائى كانت السبب فى تعريفى بها, لانى شاكلتها مره على الصوت العالى, ( قلة ادب ساكت) , فاذا بها تهدينى الشريط بعد سنوات بمناسبة رحيلها من الحى
من ضمن اغانيه اغنيه احببتها,
( شرانى الوطنو ام درامانى )
فصاحبنا و لدهشتى استلف الشريطين الاوائل و ارجعهما , لكنه " لطش الاخير " معهما و لم يعده الى الآن.
تحياتى
|
Post: #165
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: محمد حسن العمدة
Date: 04-07-2005, 07:28 PM
Parent: #146
مما نزلتي بوستك دا يا نادية وأنا عا يزة أدخل ومجبرة لاننا نعد لاسبوع المرأة بالنادي السوداني وضمن ما نود تقديمة تتبع مسيرة المرأة من خلال غنى البنات وأغاني البنينة والهدهدة ، ولحسن أو سؤ حظي كان الاختيار علي لتجميع المادة المعدة فكان أن ، رأيت هذا البوست الفخ وكأن،ه يغريني بالدخول لمواكية أخر ما وصلت اليه هذه الاغاني ، ومعكم طاف بي الحنين الي أيام الدراسة ومعهد المسرح ودلةكة أختنا الرضية في داخلية على عبد اللطيف التابعة لفرع القاهرة هذه الدلوكة التى كانت تنافس المسلسل المصري فما أن يأتي المساء حتى تصطف الطالبات وهاك يا غنى هابط ، وهكذا هو حالنا في شارع 61ودلوكة الرضية هذه ليست فلتة فأنا أعرف أن الطالبات يقمن بتدريب المرشحات للزواج في الداخليات ، فحين يكون زواج أي واحدة تكون جاهزة ، ما عدا نحنا السياسيات كنا شتر وكج ونعتبر رقيص العروس تسليع للمرأة ، وطبعا أمس أ،ا يا نادية مصورة رقيص عروس جاية من السودان طازة طبعا كذاب المابستمتع برقسص العروس حتى انتي يا لينة أكيد ما حتقاومي هذه الدرامة المحبوكة العفوية مع مقالب العريس ،. أول باحثة قدمت بحث جاد في غناء البنات هي نعمات عبدالله رجب طبعا البحث كان أكاديمي لنيل الماجستير !! شفتو كيف يا البنات ،!! غناكن كن ما ساهل ولو فاضي .
وأإني المرأة هي أغاني للحياة بكل طقوسها تمارسها في لحظات الطلق تغني النساء للمرأة ليسهلن عليها وجع الطلق : حنا ولدت جابت مريم ومريم ..الخ ويا حنان .. وبعد أن يخرج الطفل تبعث فيه الام الطمانينة بأغاني الهدهدة النوم النوم بكريك بالدوم .. وتأتي طقوس السيرة في ختان الاولاد وخفاض الاناث المسكينات أحفوا ليهن حفرة ، وـاتي مرتين بتوب وينشر في بت الطهور وأنن ليها : الريحمان سلم سلم بت الرجال ما بتتكلم .. وفيها حمام .. لا تحضرني ، ثم تقع المصيبة وهي لا تدري المسكينة أنهن يقمن ببترها ووأد شهوتها في هذه الحفرة ، ما تزعلو أعتبروها تخريمة اصلي مسيطرة على هوس العنف ضد النساء والاطفال ..نرجع لجو الغني وفرحك يا بت عثمان ، وأغاني البنات طبعا تعتبر مرآ ة للمجتمع وكل ما يحدث فيه من تدني أقتصادي وأجتماعي وتناجي فيه الفتيات في حميمية حبيب القلب وقسيم الريد تعاال لي وتعال وتغنت المحبوبة لبدلتو الكحلية لمن الشباب لبس البدل وللجلابية البيضا مكوية وشوف الجنى وشوف خصال في الديوان لافي شالو وقيلت في أحد الشباب حين حرم المستعمر لبس الطاقية الحمرا في مؤسسات الحكومة ولكن هذا الشاب الشجاع رفض أن ينزع العمامة والطاقية فتغنت له البنات أن طلعت القمرا ، الخير يا عشانا تودينا لاهلنا بسألوك مننا ..وهي تعتبر أغنية وطنية تكرس لقيم الشجاعة وكراهية المستعمر ل سيطرته وذلته للشعب السوداني . هي الفتاة السودانية حاضرة في كل المشهد الثقافي والاجتماعي صحيح أنها لم تكتب ولكنها كانت تمتلك ناصية الحكي والسرد والدفء في الليالي القمرية حيث الاحاجي ,اغاني الحماسة كانت لم تكن شهرزاد ولا تودد ولم تكن جارية أبدا بل كانت تصنع الحلم وتغازل الحبيب وتتوسل الاهل والانفكاك من السلطة الابوية التى كانت تعارض زواجها بمن تحب فشكت حالها وتشكت في زيجات الاقارب وهذا هو العلم يثبت مشكلة زواج الاقارب وضعف جينات البشر :
ماداير ود العم العيشتو كلها هم
وود الخال أريتو بالخلخال .ز
:::: وشوفو لي فقرا كان من قعر شدرا
حبيبي ود الناس ضو القمر بالليل
بالله شوف الكلام دا جميل كيف
حسي دا هابط ؟
وتناجي صديقتها شاكية
سميرة أنا ما جنيت سميرة دا الغرام والريد
والله لي الليمون شقايتو عشية
وشوفو لي شربة خلي النقص دربة
الليلة والليلة دار أمبادر يا حليلها
وحليل تومي
شفتو الحنان دا
الخ ..
وقبل ذلك كانت مهلة العبادية وأغاني التمتم
وحواء الطقطاقة سمعت أنها كان لها أغاني في رفع العلم لم تحضرني بتأكد ليكم منها ..
وبعد داك يا جماعة جاء السفر داخل السودان وغنت فتيات الاقاليم : الظلط الظلط شال الشباب خلانا
وغنت المراة للضباط وفي دي أنا ما معاهن طلعنهم في راسنا وبو ظو البلد .
ةغنن للاطباء :
الراكب الموتر بمنديلو أشر
ديني وايماني يا دكتور مبشر
L طبيب من رفاعة)
ودكتور لؤي كشف على
وعنت المرأة للمواصلات
والكرسيدا السمحة وسمح سيدة
وغنت لحمادة
ودالجيران
حمادة بابو جمب بابنا
حمادة بوظ أعصابنا
الولد تقيل ملاحظين !!
والقطر الشال انت أتكسر حتة حتة
وفي نفس المنوال ـأتي :
اغنيت كركبة أم كركابة ندلى في العزابة ودي مرحلة أـسمت بمزيد من البوح عندما
دخل الرجل سلك الوظيفة ، وسكن مع العزابة ..
الدنيا ما دوامة
وبعد داك سافر الحبيب لدول الاغتراب
يا يمة ووب و ويين على البريدو سافر دبي
وغنت بنات الشمالية لرجوع الحبيب
لان الاغتراب اشاعة ولاشى يعدل الوطن حتى لو أكلوها بموية
حبيبي المنقة والتفاح حبيبي عسل والناس مساخ
حبيبي تعال ..
الكويت راعي جمال
والسعودي .ز
تقصد المغتربين في هذه البلدان لا يجدون الاعمال المشرفة وأولي بهم الوطن
هكذ كانت الفتيات يناجن الاحباء ويعن للزواج بهن وبلا أي مقابل أو مهر ولكن المجتمع والامهات كان لهن راي اخر ..
يا عيني اللول اللول
يا عيني عروسنا دبل
ما بدوك للمفلس
بدوك للمهندس
.ز
وكذك المهندس جاء ورسم البنا
وكذلك غنت الامهات للشيلة والبذخ
تلاتة قدور محلبية وتلاتة قدور سرتية
ولكم كان المجتمع قاسي على الشاب المفلس الفقير
الا ما عندو قرش أنطعن سكين
وأتذكر جيدا في هذه الاغنية ، أثناء البنات تغني في هذه الاغنية وكانت العروس ترقص فاخرج أحدهم السكين في يمشهد درامي وشلخ يديهو ورش البنات بالدم فصرخت البنات والحناكيش داخن .. (جعلي عوير طبعا) .
وهذا عكس أغاني البنات الذي يتحدى خطاب الاهل ويفرض نفسه الى جانب المشهد البذخي وتسليع المرأة ،.
طيب أنا طولت عليكم لكن أحب أن اشير الى الاغاني التى تشبة أغاني الجاز بايقاعتاه الصاخبة وهي أغاني الزار والرقص الجميل الدرامي الذي كانت تؤديه النساء هربا من الكبت والبؤس الذي كانت تعانيه النساء فكان الزار فسحة تمارس فيها النساء ما حرم عليهن من الخمر والسجائر ويتقمصن شخصيات مهمة في المجتمع مثل الخواجة والحبشية والمدير لغياب المرأة في الحياة العملية والاجتماعية . يا نادية أحسن أسكت زهجتكم صاح .
تخريمة أخيرة غنى البنات الحديث لم يخرج من الواقع الذي يعانيه الشباب والشابات خاصة الكساد الاقتصادي والحروب التى انهكت جسد الوطن أثرت بدورها على النساء وعلى الزواج والحب مثلا أختفت أغنية برجاك في محل يومداك الذي قد يكون حديقة أو رحلة على شاطئ النيل كازينو أو أي ظل في فضاء السودان الحبيب أختفت هذه اللقاءت بمطاردة بوليس الاداب فما كان من الشباب الا أن يهتدوا الى أماكن ملوثة غير صحية فظهرت أشكال من الحب بعيد عن الهواء الطلق حيث البراءة والمشاعر ,;وكانت رقصة القرد وانتصار العبث والقسم وشتيت النبق النبق والورق وحيرة الشباب وثقافة الموت . ، وتخلى الشباب المغلوب على أمره ، حتى الاغتراب لم يعد يكفي الشنطة ويا أبشرا أنشاالله راجل مرة حتى لوكانت هذه المرة الاخت .هذه التنازلات وتقلص فرص الزواج والمنادة لسيد الكارو في مشهد كوميدي والسخرية من الحال ثم الزيجات العرفية الجديدة
مداخلة جيدة من عشة
|
Post: #149
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عبد الرحمن الشبلي
Date: 03-03-2005, 00:46 AM
Parent: #1
ناديه
بدءا انا
اعترض علي مصطلح هابط
فالقيمة في الاذواق وتدرجها ما بين نسبي جميل
ومطلق اجمل
وساترك التقييم لمن هم اكثر منا وعيا بهذه الامور
ولكن وبراي شخصي بسيط نحتاج الي النقد البناء في هذا
الموضوع الكبير مادة ومعني
جيد التحليل بخصوص ان هذا النوع من الغناء يسهم
في التعبير عن حاله البنت السودانيه وما تحتاج
ولكن هنالك جوانب اخري يجب ان تعطي التحليل الموضوعي
وبنفس اريحية وبساطة هذا النمط من الغناء
علنا نستطيع ان نوجهه000000000
ليكون اكبر قيمة
|
Post: #152
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 03-04-2005, 03:17 PM
Parent: #149
الاخ الغالى عبد الرحمن الشبلى
كلامك بعجبنى جدا والله
Quote: ولكن هنالك جوانب اخري يجب ان تعطي التحليل الموضوعي
وبنفس اريحية وبساطة هذا النمط من الغناء
علنا نستطيع ان نوجهه000000000
ليكون اكبر قيمة |
ماشاء الله شباب بلدى بخييييييييير والله
|
Post: #153
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Abd-Elrhman sorkati
Date: 03-05-2005, 11:36 AM
Parent: #1
الاخت العزيزة نادية
لك كل الود
موضوعك جميل وارجو ان تسمحي لي بالمداخلة......
اذا اعتبرنا ان غناء البنات قسم خاص او نوع قائم بذاته اذن سنجد فيه الهابط وغير الهابط
مثله مثل اي عمل موسيقي اخر والهبوط هذا يمكن ان يكون في فيلم او اي عمل اخر
ما يهمني هو ان كثير من اغاني البنات بها هبوط (فظيع) علي مستوي التناول وايضا علي المستوي
اللفظي واعتقد ان هناك امثلة كثيرة داخل هذا البوست ... ولماذا يكثر تدني المستوي الخاص
بأغاني البنات ... لان من كتبت هذا الكلام المغني هذا عادة ما تكون ضعيفة فكرياوذات مستوي
ثقافي متدني ويكفي ان الموضوعات التي تتناولها كلها تدور في فلك واحد وهو فلك البحث عن رجل
( ضل راجل).... انا لم اسمع يوما عن شاعرة ذات علم اوثقافة كتبت اغاني بهذا المضمون بل
يكتبن شعرا عاديا ويمكن لاي شخص رجل او امراءة ان يغنيه...
مقولة ان اغاني البنات تعبر عن واقع وطموح واحلام البنات هذه المقولة يجب ان تكون مرفوضة من جانب البنات خصوصا.. لان من غير الممكن ان تكون احلام بناتنا بهذه السطحيةوكلها اشياء انصرافيةوعلي الرغم من ذلك هناك اغاني خاصة بالبنات وهي متميزة جدا وكثيرة ولكن في هذا الزمن الرديء لاينتشر الا السيء والضعيف لعوامل كثيرة لا يتسع المجال لذكرها....
ودمتي اختي نادية
|
Post: #154
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: عشة بت فاطنة
Date: 03-05-2005, 01:23 PM
Parent: #153
فوووق
ندووووووووووبة
ســــــــــــــــلام
|
Post: #158
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 03-05-2005, 04:47 PM
Parent: #154
عشوشة حبيبتى الغالية
تتعلى ماتتدلى
قولى امييييييييييين يالسمحة
يازولة انتى مشيتى وين ؟
كان زهجتى من غناء البنات وكلام الراندوك حدثينى النسويلى بوستن تانى يابنية ياسكرة
يحفظك ربنا ياعشة الغالية
|
Post: #157
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 03-05-2005, 04:40 PM
Parent: #153
الاكرم عبد الرحمن سكورتى
تسلم على المرور الباهى جدا
Quote: اذا اعتبرنا ان غناء البنات قسم خاص او نوع قائم بذاته اذن سنجد فيه الهابط وغير الهابط
مثله مثل اي عمل موسيقي اخر والهبوط هذا يمكن ان يكون في فيلم او اي عمل اخر |
اوافقك الرأى جدا ولكن فلنبحث فى ماوراء هذا الهبوط والتدنى ومن السبب فيه !!
Quote: ما يهمني هو ان كثير من اغاني البنات بها هبوط (فظيع) علي مستوي التناول وايضا علي المستوي
اللفظي واعتقد ان هناك امثلة كثيرة داخل هذا البوست ... ولماذا يكثر تدني المستوي الخاص
بأغاني البنات ... لان من كتبت هذا الكلام المغني هذا عادة ما تكون ضعيفة فكرياوذات مستوي
ثقافي متدني ويكفي ان الموضوعات التي تتناولها كلها تدور في فلك واحد وهو فلك البحث عن رجل
( ضل راجل).... انا لم اسمع يوما عن شاعرة ذات علم اوثقافة كتبت اغاني بهذا المضمون بل
يكتبن شعرا عاديا ويمكن لاي شخص رجل او امراءة ان يغنيه... |
ومن اين لك بان هذه الاغانى تكتبها بنات متدنيات المستوى اخى العزيز؟ يقال ان كتاب هذه الاغانى هم رجال وشباب والسؤال هو لماذا يكتب الشباب مثل هذه الكلمات التى تكون فى معظمها هابطة هبوطا فظيعا على حد قولك؟ والا يكون المجتمع رجل وامرأة مشتركون فى تدنى المجتمع اذن؟
| Quote: مقولة ان اغاني البنات تعبر عن واقع وطموح واحلام البنات هذه المقولة يجب ان تكون مرفوضة من جانب البنات خصوصا.. لان من غير الممكن ان تكون احلام بناتنا بهذه السطحيةوكلها اشياء انصرافيةوعلي الرغم من ذلك هناك اغاني خاصة بالبنات وهي متميزة جدا وكثيرة ولكن في هذا الزمن الرديء لاينتشر الا السيء والضعيف لعوامل كثيرة لا يتسع المجال لذكرها.... |
غناء البنات مصطلح قد خرج من اين لاادرى !!
ولاادرى ايضا اذا كانت بعض الفنانات اللاتى تغنين غناء به كلمات شعرية رصينة يندرج تحت ذات المسمى ام لا!!
ليتك تكون معنا اخى الاكرم لمواصلة النقاش ربما توصلنا معا لتفسير وتحليل الظاهرة
|
Post: #155
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Sabri Elshareef
Date: 03-05-2005, 03:18 PM
Parent: #1
ايضا اضافة لما كتبته عشه فقد جادت قريحة شعر وغنا البنات بقراية جيدة لاخر لحظات الشتات فغنوا لمغترب ليبيا لبؤس حال هذه الغربة بالاتى
سقدونا فيسا فيسا
تنا بالهريسة
ما عندو تحويلة
وعامل الحصار حيلة
رسلناهو للضفرة
وجانا بالكفرة
|
Post: #156
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Sabri Elshareef
Date: 03-05-2005, 04:25 PM
Parent: #1
نادية تحاتي
لقد ضاع صبري افتفدت اول كتابتي لذا ارجع بالقلبة فعذرا
غنا البنات جميل وراقى ويعبر عن حالنا الذى نقف فيه تتبعي
بداياته والى الان زمان كانو يغنوا ريحتو كارينا وعربيتو
كورتينا والماشى لي باريس جيب لى معاك عريس وشرطا يكون
لبيس من هيئة التدريس زمممممممان والله شوفو هيئة التدريس وين الان
انتقل الغناء الان الى الدبلماسي واللاجئ السياسي فى المنصف كان اامغترب وتاجر الغرب . اعداء الانسان لا يتمنوا غناء المراة بحكم ان صوتها عورة لذلك هابط ام صاعد هى ليس بيت القصيد لذلك يحاولوا التشويه
لكن هيهات.
كم من الناس يمين او يسار راودته جزء من هذا التشويه فيري في تراثنا
خروج عن الاخلاق لذلك نحتاج الى مجهود فكرى جبار الى الاسترشاد كلنا
الى جادة الطريق فحنان بلو بلو حفلاتها في التمانينات كانت زاهرة و
كل واحد فينا يطرب للرقص والغنا لكن اصحاب مشروع مصادرة الفرح يسنو فى
القوانين امقيدة للحريات الانسان هو الغاية فى هذا الوجود مزيدا من
الابداع نساءا ورجالا والسلام
|
Post: #161
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 03-13-2005, 11:09 AM
Parent: #156
العزيز صبرى الشريف
Quote: كل واحد فينا يطرب للرقص والغنا لكن اصحاب مشروع مصادرة الفرح يسنو فى
القوانين امقيدة للحريات الانسان هو الغاية فى هذا الوجود مزيدا من
الابداع نساءا ورجالا والسلام |
المبدع اى كان مجال ابداعه فهو كالطائر الحر ان سجن فى قيد الممنوع يموت كمدا دون شك..!!
|
Post: #159
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: قاسم المهداوى
Date: 03-05-2005, 05:07 PM
Parent: #1
الاخت ناديه
سلام
مجرد محاوله
رد على عنوان البوست بخصوصو هبوط غناء البنات (مش كدا ولا الحكايه شنو)
بدايه غناء البنات اعتقد المقصود بيه هو غناء السباته ( تعليم العروس )
والمساله ليست هبوط او طلوع او نزول بل اعقد من ذلك اعنى الاغنيه كمضمون ولحن واداء
فهى من الناحيه اللحنيه نجدها دائريه اى ان الجمله اللحنيه غير مكتمله كبدايه ونهايه
ومن ثم من المفترض ان تسمى (غنيوه) تصغير اغنيه .
ناتى من بعد لمساله الهبوط ( اذكر واحده فقط لانى غير متابع لاغانى البنيات)(اغنيه الوصف الدقيق )ما عارف شنوا دا وال....دا ... وأأأأأأيأأأأأأأ)المهم محاوله سريعه
ومن الممكن نسترسل لى قدام
قاسم /جيتارست هاوى فقط
|
Post: #164
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 03-24-2005, 02:59 PM
Parent: #159
الاكرم قاسم المهداوى
| Quote: ومن ثم من المفترض ان تسمى (غنيوه) تصغير اغنيه . |
حلوة غنيوة دى ...........وياريت ماتكون فى غنيوة هابطة!!
| Quote: ناتى من بعد لمساله الهبوط ( اذكر واحده فقط لانى غير متابع لاغانى البنيات)(اغنيه الوصف الدقيق )ما عارف شنوا دا وال....دا ... وأأأأأأيأأأأأأأ)المهم محاوله سريعه |
اغنية سمحة جدا والله .........قلت لى دا وال واااااااااااااا وشنو؟
|
Post: #160
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: abdalla BABIKER
Date: 03-13-2005, 10:30 AM
Parent: #1
فوق عشان العايز يسمع ندى القلعه
|
Post: #162
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: abdalla BABIKER
Date: 03-17-2005, 09:16 AM
Parent: #1
لاموني الناس فهموني غلط
|
Post: #163
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: خدر
Date: 03-24-2005, 02:01 AM
Parent: #162
هل اغاني البنات هابطه؟؟؟
|
Post: #166
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 04-07-2005, 07:36 PM
Parent: #163
| Quote: لاموني الناس فهموني غلط |
اسوأ شئ فى الكون الفهم الغلط!!!
|
Post: #167
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: محمد حسن العمدة
Date: 04-08-2005, 06:32 PM
Parent: #166
اسوأ شئ فى الكون الفهم الغلط!!!
موش كده
|
Post: #168
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 04-08-2005, 07:07 PM
Parent: #167
العمدة ود العمد الغالى
كده ونص وخمسة والله !!
وماتتصور الحكاية دى محبطة قدر شنو !!!!
لكن الله فى !!!
|
Post: #170
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 04-09-2005, 07:55 AM
Parent: #169
ست البنات ياعسل
كستاوى الاكرم
اهلا بالمرور العاطر
و
يالماشى لى لاهاى
جيب لى معاك هناى
اتخارج
وخلانى ليه؟
امريكى بس بكاى
فى المجلس النساى
ويعنى
استثنوا ليه؟
|
Post: #171
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: Soumeta
Date: 05-01-2005, 04:03 PM
Parent: #1
نــــــــــــادية قعدة بناتية بعد شاي ألمغرب هدية ليك،،
كان نفسي شديد أسمع راي ألموسيقار يوسف ألموصلي،،
و بحرر دلوكتي و أجيك،،
|
Post: #172
Title: Re: ياجماعة منو القال انو غناء البنات هابط ..والهبطّو منو وشنو ؟؟
Author: نادية عثمان
Date: 05-03-2005, 05:14 PM
Parent: #171
سوميتا
Quote: نــــــــــــادية قعدة بناتية بعد شاي ألمغرب هدية ليك،،
كان نفسي شديد أسمع راي ألموسيقار يوسف ألموصلي،،
و بحرر دلوكتي و أجيك،، |
احلى حاجة قعدة الونسة مع الدلوكة بعد شاى المغرب
هدية مقبولة جدا والله
لكن رأى الموصلى فى شنو ؟!!
|
|
|