{ ليه ،يا ترى حجبوك من عيني } ذات حزن غامر : أرجوكم!

{ليه ، يا ترى حجبوك من عيني ..
ليه ،يا ترى حرموك من حبي ليه
ليه ، ليه ، تنسى حبي والا ليه ، ليه ،ليه ، يا ترى؟}

مقطوعة رائعة من بشير عباس ترافقه ككورس مجموعة تردد المقطع أعلاه بأصوات متجانسة معبأة بحنين جارف. رافقتني سنين طوال وإحتفظت بتسجيل لها ألجأ اليه عند الحاجة وأجد ما التمسه من تربيت على الكف ، وكفكفة دمعات حرى ، صارت تعويض مناسب لغياب حبوبة ربتت على روحي بحنانها المتدفق. فقدتها ، الحبوبة والمقطوعة ، أعرف إستحالة إستعادة حبوبتي الحنينة ، ولكني أتعشم أن يتعب من أجلي ، من أجل حزني ،هذا الضاري أن يجدها ويبثها هنا.
يا تمبس والجندرية ودريمز وكل العارفين بوضع اللنكات ، ندهتكم!

ياتو يوم شفت دريمز ختت لها لنك ولا حتى غنية هنا؟


بعدين الغنية ما (تنسى حبي والا ليه ) بل (مش قدر حبك ولا ايه اييييه)


قال حبوبتى قال

.
.
.

ايه رايك انا عندى لها تسجيل بغنيها عوض احمودى الرائع بعد ما يتقطع فيها عزفاً على العود

لكنى لست جندرية ولا تمبسية ولا افقه فى امر اللينكات شيئاً


ورمضان كريم يا ابوهم

حاجزاها يا عبد الرحمن
مافى زول ينزلها لغايه ما اجى



دى حاجه رائعه بتذكرنى عبد الحميد العباسي

رايوة
بفتش ليك
وعامل معك مواعيد بعد المغرب
ما جيتى ان شا الله المانع خير


عصام
سلام

المشوطنة دريمز
ما متنا لكن شقيناها ، وأصحابك بعرفو اللنكات وأظن منهم الملكة السابيانا ، يعني كان ما بتعرفي ، بتعرفي البعرفو ، يللا أندهيهم لي ورمضان كريم ، وأوصيك حاولي أحفظي يسن والبينة والملك

أسمعي ، تمشي لي رشيدة الآن ومعك التسجيل بتاع أحمودي وهي ستتولى أيصالها لي ورشوتك محفوظةن وياريت تكملي جميلك وتبحسي لي عن التسجيل القديم بتاع بشير عباس والمجموعة،ياريت

راوية العباسي
قبالة الخليج إنتظرك ، بلهفة السنين ، وماتطولي وطالما أهداء عبدالحميد العباسي للدنيا بنات رائعات مثلك وأخواتك فلابد ان يكون صاحب أذن مرهفة وذوق رفيع

دعوه رمضانيه ربنا يتقبلها قولووووووووووووو امين

عصام عبد الحفيظ معليش دى جيه من الشغل
ممكن تتصل بى فى الايميل دا
[email protected]

رايوة سلام
حمد الله ع السلامة يا جايى من الشغل
واحشانى الابتسامة
رمضان كريم


شكرا




عصام

يا أبو ساندرا أنا سمعتها من البلابل فقط
تحية للعبقري بشير عباس ولو كان السودان يقدِّر مبدعيه لما لجأ أمثاله للاغتراب
وتحية لذوقك

اضغط للاستماع
عشان يكون فى فرصه لى تسجيل تانى
يادريمز

ياترى
حجبوك من عينى ليه
ياترى
حسدوك فى حبى ليه
انا مش قدر حبك ولا ايه


العود بشير عباس
والبلابل اداءا



وانا مش قدر حبك ولا ايه

راوية
تمامآ ك { يد من خلال الموج مدت لغريق } إنتشلتني {برفق عليا} من حزن أتعب الروح. وهكذا انتن ،بنات العباسي ، حنينات و كريمات ،ولا عجب.

محمد سرالختم:
أموووت وأعرف اللقب المخفي ! ولو عرفت لإيهاب سكة حا أراوده لكي يفصح عن اللقب ، والمطعم السري ، وسر شجن عادل الوسيلة!
ده من ذوقك يا جميل ، وشكرآ على التضامن.

زول هناك :
وتحية خاصة جدآ ل { زول هناك قولة سلام تبقالو روح }