الناس دي كلها سامعة ...

انا بريدو شديييييييييييد

والناس دي كلها سااامعة

Quote: انا بريدو شديييييييييييد

منو؟ رمضان بيكون انا عرفت وسمعت

وتصوم وتفطر بخير انت ورشيدتك وعناقيد عنبكم

عارفنك بتريدا البتريدو ده منو !

رمضان كريم تقبل الله الصيام والقيام

تحياتي

دكتورة إشراقة أهلآ
تصدقي
إنها أغنية
وكمان هابطة
ولحنها جميل

مطلعها :
انا بريدو شديييييييييد
والناس دي كلها سامعة
خلو لي زولي
يا بنات الجامعة

كتب أحمد معتصم الطيب :

Quote: عارفنك بتريدا البتريدو ده منو !

بالضبط يا احمد

الكلام ده أو الإعتراف ده مفروض يكون صادر من بت
والبت دي بت جامعة
وبتنبه في زميلاتها { بنات الجامعة }
إنو ماينافسوها في زوله
البتريدو شديييييييييييييد
والجامعة كلها عارفة الكلام ده

مش ده المفروض يا احمد معتصم ؟

شنات الطبع تقول شنو
أصلو الناس دى ماتحلى
ليها الحاجة الا لمن
يشوفوها عندك ولو
ما وصلو ليها يشنفوها ليك
..

http://www.3aza.com/upload/user_uploads/hajaamna0547/7afla-bnat.wma

كيفك يا صديق
تحياتي لكم جميعا
وصديقي د. محمد عوض الله

يا شباب
في واحد سامع حاجة من حجة آمنة ؟

الناس دى كلها ماسامعة

كتب احمد معتصم:

Quote: الناس دى كلها ماسامعة

شرطتي عينا يا حجة
وأحرجتينا مع الضيوف
أها هسع نضيفهم بي شنو ؟

واللاى يا ابوسـاندرا..







نفس غنيتك دى زاتهـا.. لكن بيغنيهـا رجل وليست إمرأة.

عارف يا أبوسـاندرا،

أمنة نزلت الغنيـة ومسمــوعـة فى كمبيـوترى.


يغنبهـا رجل وليس أمرأة..


غايتـو..





هومو زى دى فى هولنـدا مافى.

كتب ابوريش:

Quote: هوموسيكشوالتى زى دى فى هولنـدا مافى.

اللهم إني صائم فتقبل مني
انت في شنغهاي مافي رمضان واللا شنو

انت براك السامع يا ابو أذن موسيقية

ياخ غنا البنات دا احلى حاجة فى الدنيا
لكين ما يغنوه الاولاد

كتبت سلمى الشيخ سلامة:

Quote: ياخ غنا البنات دا احلى حاجة فى الدنيا لكين ما يغنوه الاولاد

المشكلة يا أستاذة سلمى
إنو الأغنية بتبدو تعبير عن حالة منتشرة في الخرطوم في الآونة الأخيرة
حالة ممكن تلاحظيها في شارع الغابة وأنت جاية من كبري أم درمان الجديد
أو بالقرب من زوون في نمرة 2 أو في الحتة الضلمة ديك خلف عفراء مول
وبجوار المريديان وعند حديقة إشراقة في نمرة 2 برضو
بتلقي أولاد كده مابتقدري تعرفي الفرق بينهم وبين أخواتهم
وإمكن أخواتهم أخشن شوية

يعني الولد البيغني وعديييل بيقول لبنات الجامعة { خلوا لي زولي }
مش واضح إنو بيروج لحالة شاذة يبدو إنها لم تعد مستهجنة

يعني الولد البيغني وعديييل بيقول لبنات الجامعة { خلوا لي زولي }
مش واضح إنو بيروج لحالة شاذة يبدو إنها لم تعد مستهجنة
يا عبودى كان القصة كدى
طيب ما غنانا السودانى الامدرمانى دا كلو ينطبق عليهو قولك دا ولا شنو ؟
شفتو كان فى توب حدادو
وكل حواسى عليهو نادو
عز من بعدو التلاقى ...........الخ الاغنية

الزمان زمانك اهدى
لى من فضلك نظرة فى رمانك
يا الفريد فى عصرك

ياحبيبى نحنا اتلاقينا مرة
فى خيالى وفى شعورى الف مرة
كان غنتا عائشة الفلاتية زى ما كان مفروض
مقبولة لكن يغنيها العاقب محمد حسن ؟؟؟؟؟؟؟؟؟؟
ولو حسبت ليك حتقول كل شعراء السودان (حالة شاذة )
واتصور ان اغانى الحقيبة كلها او معظمها (ما بتخلى من الحركة دى)
لكن لمن تقول فاطمة الحاج
لاقيتو باسم وسالتو هل يدرى
بقول دا كلام صاح
لكين اتخيل وردى بقول
عذبنى وتفنن فى الوان عذابى
ما تمسح دموعى
وما ترحم شبابى ؟
كيف ؟
او عثمان حسين
بقول
لسه ما زالت فى قلبى
ذكرياتا المرة باقية
لما هليت فى دروبى وشفت بيك سعادتى بادية
لكن انت هزمت املى
لاحظ (انت ) عثمان حسين ؟؟؟؟
او تلقى زول تانى
بريدك والله بريدك
لو سقيتنى السم بايدك
والامثلة بالطن من الغنا السودانى
من اول الحقيبة لغاية اخرها ،
مرورا بالاغنية الرومانسية فى الخمسينات
ثم الشبابية فى الستينات ثم الحديثة او ما اسميته (الكلاسيكية العائدة ) فى الثمانينات
والى اخر عقد الفن الغنائى قائم على التذكير فى محل التانيث
لكنك لا تستطيع ان تسميه (حالة شاذة )
لان الغناء العربى كله قائم على هذا المنوال

لك صادق مودتى

بالظبط كده يا أستاذه


خد عندك


لو أحبك أنا عمري كلو
برضو شاعر ما كفاني

__________________

لو داير تسيبنا جرب و انت سيبنا
لو داير تحب , حب و انساه ريدنا

___________________

نفسك أبية ورحك خفيفة و ليك جاذبية

___________________

أسأل نفسك بينك و بينها عن إخلاصنا

___________________



و الأمثلة لا حصـر لها ..


فالموضوع بعيد كل البعد عن مسألة الشذوذ , و إنما يعبر عن واقع معاش في السودان حالياً و هو تكالب و تصارع البنات على الأولاد بسبب تفشي العنوسة و قلة الأولاد المسؤولين و الجادين في علاقاتهم العاطفية ..

كتب صحافة_30 :

Quote: فالموضوع بعيد كل البعد عن مسألة الشذوذ

وفقآ للنماذج التي خلصت منها بالرأي في المقتطف أعلاه
فإنني أوافقك الرأي وأبصم بالعشرة
بإنها تخلو من أي ايحاءات شاذة

وراجع ردنا للأستاذة سلمى الشيخ

أهلآ بالصديق الزميل عاطف مكاوي
محمد عوض الله لي منو سنين ودنين
الدوحة ومشغولياتها

الصبرررررر


الليلة يا انا يا بنات الجامعة ديل


اديك سر ؟


ادواتكم دى صعبة خلاس


يعنى عشان انزل لى غونية صحيت نص الخرطوم و الدول المجاورة

100 الــ 100 سمع

بركة ...

شغل نضيف يا حجة آمنة
بس عايزين نعرف البيغني ده إسمو
حمادة بت ؟

عزيزي أبو ساندرا
القصة بقت أعجب من عجيبة
والله بقى في أولاد يخلوك تشك في روحك
بعدين زي البغنو الغنا ده عندهم معجبين عارفين البرمج الأورغن منو وأول حفلة غنو فيها الأغنية وين والعروس إسمها منو
لكن يا عزيزي المسألة دي ما مفصولة من الواقع القاعد ينتج زي الظاهرة ده
والواقع بقى بيقبل أي شي من غير إستهجان.
سؤالي يا أبو ساندرا: النوع ده شاملاهو قضية المرأة ولا عندو حق مع الرجال؟؟

سألني العزيز عبدالمنعم الحاج :

Quote: سؤالي يا أبو ساندرا: النوع ده شاملاهو قضية المرأة ولا عندو حق مع الرجال؟؟

ده طريق ثالث يا منعم
معانا مابينفع
ومعاهن ، الشحمة والنار
مابينزل ليهن من زور
إمكن عشان قصة التنافس

ماعندهم سكة غير ينتزعوا حقوقهم ويعلنوا تمايزهم عن غيرهم
ويفكوا إي إرتباط بينهم وبيننا من ناحية
وبينهم وبينهن من ناحية أخرى

Quote: حالة ممكن تلاحظيها في شارع الغابة وأنت جاية من كبري أم درمان الجديد أو بالقرب من زوون في نمرة 2 أو في الحتة الضلمة ديك خلف عفراء مول وبجوار المريديان وعند حديقة إشراقة في نمرة 2 برضو

أبوساندرا يا عمك - و ما تفهمني غلط
لكن ذكرتني نكتة "حكمة الله بعرفونا و بنعرفهم"

العزيز ابو ساندرا ، تحياتي وولاسرة ولي ناس كيكي وعماد عبدالله
القصة التي تحكون عنها عن اغاني البنات والاشتباه والشبهات لا ادري
ان كانت هي ردة لما كان موجودا في السودان والمجتمع المخملي في
الخرطوم ، ام ان ما طغى من اتجاهات جديدة بعد السبعينات في الخرطوم
وحملة مهدي مصطفى الهادي قبل قوانين سبتمبر بل هي كانت المقدمة
الموضوعية لتلك الحملة التي بداها محمد عبدالقادر في كسلا ومهدي
مصطفى الهادي ، اصبحت هي السائدة .
الخرطوم في مجتمعها القديم قبل تلك الحملة كان فيها روسمان ، ادم
سفير ، كربشين ، ابو اسكندر ، عبدو التي وغيرهم ، وكانت بيوتهم
تجاور بيوت السكان العاديين ويكتب على المنزل الذي لا يدخل ضمن
الزمرة "منزل احرار" ، لكن هل هناك دراسة حقيقية ان الامر تفشى
ام ان المجتمع اصبح اكثر انغلاقاً ، وهل تفشي الظاهرة اذا جاز لنا
التعبير ان نسميها ظاهرة هي التي اصبحت في مقدمة قضايا المجتمع
هذه قضية تستحق الوقوف ، من اغاني البنات التي قتلت بحثا في
خلفياتها الاجتماعية والاقتصادية ووجود المراة في المجتمع وما تعانيه
من تهميش مزدوج ، الى الظواهر الاجتماعية الاخرى ومن يدعون انها جديدة
على المجتمع السوداني - وهو كذب - مثل التشبه بالنساء والمثلية الجنسية
وسط الرجال بصورة واضحة ، كل ذلك يمكن للمختصين ان يدلو بدلوهم
وكل سنة وانتم طيبيين

يا ابا ساندرا
يا اخي مافي زول يكلم بنات
الجامعة ديل عشان يخلن للزول دا زولو؟

Quote: أو في الحتة الضلمة ديك خلف عفراء مول

والحتة دي يصلوها كيف؟


مصطفي سري انت مخلي البوست بتاع القعدة بتاع بقة
وقاعد تتحاوم لي في بوست بنات الجامعة دا؟

(الخرطوم في مجتمعها القديم قبل تلك الحملة كان فيها روسمان ، ادم
سفير ، كربشين ، ابو اسكندر ، عبدو التي وغيرهم ، وكانت بيوتهم
تجاور بيوت السكان العاديين ويكتب على المنزل الذي لا يدخل ضمن
الزمرة "منزل احرار" ، لكن هل هناك دراسة حقيقية ان الامر تفشى
ام ان المجتمع اصبح اكثر انغلاقاً ، وهل تفشي الظاهرة اذا جاز لنا
التعبير ان نسميها ظاهرة هي التي اصبحت في مقدمة قضايا المجتمع
هذه قضية تستحق الوقوف ، من اغاني البنات التي قتلت بحثا في
خلفياتها الاجتماعية والاقتصادية ووجود المراة في المجتمع وما تعانيه
من تهميش مزدوج ، الى الظواهر الاجتماعية الاخرى ومن يدعون انها جديدة
على المجتمع السوداني - وهو كذب - مثل التشبه بالنساء والمثلية الجنسية
وسط الرجال بصورة واضحة )
هسى يا مصطفى يا صديقى دا براهو بوست كلامك دا لكن
فى دراسة قدمتها زمان هسى ما بعرف غتست وين مع السفر الكتير
لكن المنحى الاساسى بتاعا كان (قوانين سبتمبر والتفكك الاجتماعى)
لانه زى ما اتفضلت انه بعد قوانين سبتمبر اختلط الحابل بالنابل
وباتت البيوت الكانت معروفة
(بيوت احرار )
وبقت البيوت محل الشبهة بعيدا عنها وتحولت الشبهات الى اماكن اخرى !!!
والبنات والاولاد من المثليين باتوا يشكلون وجودا يوميا
حتى قبل ان يتم الاعلان عن الحقوق للمثليين فى اوروبا وامريكا
وشهدت تلك الفترة ارتباط الغناء بالمزارع وباتت الاغنيات تحمل معايير جديدة
هى فى لبها تعبير عن تدهور (مرتقب )
ظهر مغنيين (عماد بلوبلو ، والرشيد ـ علامة العرايس ـ )وغيرهما
تفشت ظواهر عديدة كانت حكرا على تلك البيوت
وباتت القيم مهددة بكثير من التدهور تلامسه الان حين تقف على المشهد الاجتماعى
لكنك تجد العذر لهؤلاء ان الدولة نفسها تعيش حالة من التفكك الاقتصادى والسياسى حتما يقود الى التفكك الاجتماعى والفكرى

عابثني اللذيذ محمد البشرى خضر :

Quote: أبوساندرا يا عمك - و ما تفهمني غلط لكن ذكرتني نكتة "حكمة الله بعرفونا و بنعرفهم"

القصة بقت مادايرة ليها معرفة ولا عرفة
صارت اوضح من عين الشمس
ومع ذلك كان معاي دليل خبير يومها

Quote: ومع ذلك كان معاي دليل خبير يومها

كان داير نصيحتي
أبصلعة دا تاني ما تباريه

كتب محمد البشرى :

Quote: كان داير نصيحتي أبصلعة دا تاني ما تباريه

يا زول عبدالمنعم سليمان ماكان معاي
ما تتشربك في الزول ساكت وتتهمه
انت قايل هو براهو البيعرف الحتة المضلمة الورا عفراء مول
اوع يكون ساقك* وداك هناك

* ساقك دي با السوداني ما بالخليجي
عشان ماتفهمنا غلط
وجه باسم

أبو ساندرا :

شوف الكلام ده:


أنا بريدو شديد
و الناس دي كلها سامعة
خلو لي زولي
يا بنات الجامعة
أنا بريدو شديد
في الريدة عذبني
و الحب ده ما بالإيد
و حبو جنني
الكان معاي سعيد
الليلة خاصمني
عشان بنات الجامعة



في رأيي الكلام ده بيعبر عن الواقع الحاصل في السودان حالياً ..
العنوسة الحاصلة في السودان تشيب الراس !! و قد لمست ذلك في زيارتي الماضية ,, على قول أستاذة عواطف , بنات زي الورد و مالهمش في الطيب نصيب ..

إضافة إلى ضيق المعيشة و تكاليف الزواج الباهظة ,, الأولاد أصبحو غير جادين في علاقاتهم العاطفية ( حسب ما ذكر لي بعض الأخوات عندما سألت عن السبب) يعني الليلة بحب فلانة بكرة بحب علانة إلخ ..

فمن حق الواحدة تخاف على حبيبها من بنات الجامعة

و لا كيـف ؟؟

لووووول يا ابو ساندرا

دي شنو الجهجهة الفي نهار رمضان دي ؟

حلوة والله

اظن دة طه سليمان ولا منو كدة سليمان

كان يخليها لى واحدة من البنيات تغنيها

Quote: العنوسة الحاصلة في السودان تشيب الراس !!

الصحافـة 30،

خليهـم فى غناهـم دا بس.

كتب ابو ساندرا

(تصدقي
إنها أغنية
وكمان هابطة
ولحنها جميل)
هذه واحدة من سياسات الاقصاء الاجتماعي ، ومعروف ان اغاني البنات لها جذورها
الاجتماعية والاقتصادية ، وكما ذكرت الاستاذة سلمى الشيخ سلامة ان الكثير من
الاغاني التي تغنى بها الفنانون السودانيون كانت تخاطب غير البنات
ونذكر عندما ظهرت الفنانة حنان بلوبلو باغنياتها مصحوبة بالرقص وجدت
الرفض في بادئ الامر ولكن بعدها تعامل معها المجتمع واصبحت نجمة الحفلات
الخاصة والعامة ، والذين استنكروا رقص بلوبلو كان استنكارا للتماهي
الذي تفرضه اداء الرقصات ، في وقت نجد ان الفنانيين لا يعبرون عن الرقص
والاداء دائما يكون بشكل في كثير من الجدية والتصلب وكأن الرقص يعتبر
عيباً ، في حين يهيم الرجال رقصاً في جلساتهم الخاصة وبشكل اكثر تهتكاً
اذا جاز لنا التعبير.
اذن السؤال من الذي يحدد ان هذه الاغنية هابطة وتلك مرتفعة او جادة
هل هو المجتمع ام الدولة ام من ؟

Quote: اذن السؤال من الذي يحدد ان هذه الاغنية هابطة وتلك مرتفعة او جادة هل هو المجتمع ام الدولة ام من ؟

الأخ مصطفى ســرى،
النســألك!
نحنا خلينـا.. إت رأيك شنـو؟
واحـد ينافس البنات فى زولو!

أغانى البنات يغنوهـا بنات ياخ.. ما يغنوهـا أولاد.. عشـان كدا
سموهـا أغانى بنات.. يعنى لما يغنوهـا بنات تكون طبيعيـة، ولما
يغنوهـا أولاد تكون هابطـة.. دا هـو المقياس.
زى قلم حاجب وأحمـر شفايف.. تستعمله بنات طبيعى.. يستعملو أولاد هبوط.

الاخ ابو الريش تحياتي
انا لا اناقش القضية بمع او ضد ختي لا يرتد لي السؤال وليس بالضرورة
ان اقف مع هذا الفريق او ذاك ، القصية هي موجودة في المجتمع وليس
من الحصافة ان نتعسف في دراسة الظاهرة اجتماعياَ واقتصادياَ ما هي
الدوافع لبروز الظاهرة التي ارى انها ليست جديدة واذا قرأت مداخلتي
الاولي سترى ، ان المجتمع السوداني في المدينة في الخرطوم ومدني
واخريات كانت هناك هذه الظواهر موجودة ولها صلاتها بالمجتمع
وهذه موجودة في كل المجتمعات الانسانية منذ ان عرف الانسان انه انسان
وهي ذات طبيعة سيكولوجية - نفسية - وبيولوجية - احيائية - ولا يمكن
ان نتحدث عن مجتمع فاضل هو غير موجود الا في اذهاننا ، لذلك القضية
يا اخينا مرتبطة بكل هذه العوامل وتتفاعل بها ، ولا يمكن ان نتحدث
عن ظاهرة منبتة المنشأ لا يمكن ، ولك في القصص القرانية خير معين
اليس كذلك ؟ وانا اتحدث لفائدة المناقشة بعيداً عن اين هو راي
ولست افرض رأيا ، المسالة مناقشة ، حتى لا تتقول علينا باقتباس
منقطع دون السياق الكامل ، وقولة وقعت ليك الا تشعر انها بعيدة
عن المقصد وفيها استاذية ، مع الود.

الأخ مصطفى،
ياخى وقعت ليك دى فعلا ما كانت مناسبـة وقد سبقتنى قبل تعديلهـا حين فطنت اليها
مؤخراً.. فلك العتبى.

يا سيـدى أخوك حام دنيا الله دى كلهـا.. من فرانكفورت وشــارع كيسـر إشتراسـا، دول
إبليس يؤول لهـم كفايـة! (على قول صديقى المصـرى).. الى فورى سيكوند ستريت فى
نيويورك، فى عهـده الذهبى (لهؤلاء)، قبل كشـات العمدة راضى جيلانى فى نهايـة الثمانيات
وأوائل التسعينـات، حين قام بإقفال كل بيوت الأحـرار هناك وسحب الرخص التجاريـة
من الكثيرين منهـم، وأبعـد الباقين من وسـط المدينـة ونظف منهـم الشـارع العتيق..
هـذا فى أكبر ديمقراطيـة فى عالم اليوم، وفى مدينة هى أكبر رمز لهـا.. وبلاد أخرى
ما زلت أراهـا ماثلـة.. وقرأت بعض التاريخ، و الأيات التى اشـرت أنت
اليهـا.. ولكنى لم أسمـع فى كل هـذه الأماكن، وحكايات الأزمـان، بما اسمـع الأن
أنه يحدث فى الســـودان من أغانى تذاع على الناس، ثم يجدهـا البعض أنهـا
عاديـة ولا غبـار عليهـا.
تعرف يا مصطفى، لو ترجم ما يدور فى هـذا البوست الى الإنجليزيـة، فإن بلادنـا
ستكون قبلـة العالم للكثيرين من الأوروبيين والأمريكـان، وسـوف تكون جنتهـم على
الأرض.. ولن ترى أى تهديدات من أمريكـا تانى لأن صوتهـم يعمل له الف حسـاب!

وأنا أحب الشيوعي
محمد عوض الله
وأنت الشيوعيي أبو ساندرا
ألا تحب محمد عوض الله

Quote: ياخ غنا البنات دا احلى حاجة فى الدنيا لكين ما يغنوه الاولاد

كلام جميل يا سلمى وابصم عليه بالعشرين

خالد

مناقشة مع الأستاذة سلمى الشيخ سلامة
ومن لف لفها مثل حسام { صحافة_30 } ومصطفى سري :

Quote: شفتو كان فى توب حدادو وكل حواسى عليهو نادو عز من بعدو التلاقى ...........الخ الاغنية

معظم الأغنيات كان بيتم فيها مخاطبة الحبيبة بصيغة المذكر وكانت مفهومة
وكان بينبع ذلك التلميح تصريح يوضح
زي المثال الفوق ده
إنتبهوا ل { توب حدادو } لم يعرف مجتمعنا لبس الرجال لأثواب حداد
توب الحداد تصريح عن أن المخاطب بصيغة المذكر هي أنثى والدليل توب حدادو
كان ممكن يقول { توب حداده } لكن نعمل معاهم شنو

والمثال الثاني :

Quote: الزمان زمانك اهدى لى من فضلك نظرة فى رمانك يا الفريد فى عصرك

الدليل آلولو يا جماعة
{ رمانك } دي ما بتكشف القصد
ما تقولوا لي أشرح لأنها ماعايزة شرح
الحبيب المخاطب من ذوات الثدي
والدليل { رمانك }

داك كلام براهو
غير الزول بتاع بنات الجامعة ده

أبوساندرا،

ما تحتاج لشـرح دا كلو.. معروف فى الأغانى الســودانيـة أنو الحبيبـة
يشـار ليهـا بضمير مذكر سـالم! وذلك لعقـد المجتمع أيضـا.. وردى هو
الخالف التقليـد هـذا وود اللمين.. ولكن أغانى الكاشف كلهـا تقريبـا مذكرة.
حجبوه من عينى إلا من قلبى لا ما قدرو حجبوه.. والكل يعلم أنه يتحدث
عن محبوبته.
لكن لو واحـد شـاكل بنات الجامعـة فى زولو، فواحـد من ثلاثة:

1- يقصـد فعلا ما يقول، والشـرح معلوم.
2- بنات الجامعـة ديل مثليات و(مكجنات) زولتو التى يناديهـا بصيغـة مذكر.
3- هو يتقمص دور مغنيـة أمرأة لأى سبب.

فول استبعدنـا الإحتمال الثانى، فإن الإحتمالين الأول والثالث لا فرق كبير
بينهمـا.

أعتقـد أن هـذه الى حد كبيـر أيضـا ربما كانت مشكلـة ثقافـة.. فإن الكثير
من الشباب لم يتلقوا أى تربيـة أخلاقيـة أو حضاريـة.. وترى الأمثلـة
فى الحفلات، حين يرقص الأولاد بطريقـة مبتذلـة وغيـر مثقفـة أو مهذبـة..
أقرب الى حركات راقصـات الكابريهـات المحترفات فى مصـر.. والأسـوأ من هـذا
أنهـم يرقصـون مع بعضهـم هكذا فى غفلـة لا تدانيهـا غفلـة عن مقاييس الذوق
العالميـة.. وهناك مثالا حدث بالفعلن حين حضر بعض الشباب الى نادى ليلى
وبدأوا يرقصـون مع بعضهـم بنفس الطريقـة غياهـا.. فغادر رواد النادى الواحـد
تلو الأخـر، وعندما أوشك النادى أن يغادره جميـع الرواد، إقترب صاجبه منهـم
وقال لهـم:
Sorry guys, this club is for straight people, not for gays, and you have to leave
هم طبعـا لم يكونوا قيز، ولكنـه الجهل المطبق.

ونواصل مع سلمى الشيخ وحسام

Quote: لكين اتخيل وردى بقول عذبنى وتفنن فى الوان عذابى ما تمسح دموعى وما ترحم شبابى ؟ كيف ؟ او عثمان حسين بقول لسه ما زالت فى قلبى ذكرياتا المرة باقية لما هليت فى دروبى وشفت بيك سعادتى بادية لكن انت هزمت املى لاحظ (انت ) عثمان حسين ؟؟؟؟

لا مثال وردي ولا مثال حسين حيسندوا كلامك ، صيغة المذكر تلك بتغطي أنثى
ماعارف هم حاولوا إخفائها ليه ، إمكن دواعي اللحن

لكن لو جبتي لي أمثلة من حاجات كده بتاعت القرشي وعثمان الشفيع ح اوافقك
كانت لديهم ايحاءات كده يعني
زي { احب محيو الجميل }
يقال ان المقصود شاب إسمو محيي الدين بيدلعوه بمحيو
لكن الإستخدام كان ذكي
ممكن جدآ محيا الحبيبة هو المقصود

ده كلو غير الدكاكيني*
زي :
{ ياسحسوح جيناكا ... وجينا نسكسك بوراكا }
سكسك بيها الكابلي


* الدكاكيني : غنا القعدات المنفلتة

و

Quote: يقال ان

برضو - و العهدة على الراوي- ان

عشقتو من نظرة و هو قلبو خالي
كيف الطريقة البيها يتم وصالي

لم تقال في حرمة

يا عمك
ساقك الخليجية دي ما عرفتها

عزيزي أبو ساندرا
المشكلة مش بقت في إنو الكلام بصيغة مذكر ولا مؤنث
المشكلة بقت في (الأولاد) البغنو ديل ذاتهم الله لا وراك ليهم والله جزء كبير منهم ما تفرزهم من الطباخين (إياهم)كان في الكلام ولا اللبس
والله البنات البجن الحفلةذاتن بقن يخشن في اضافريهن.

يا احبة تفشي مثل هذه في الوقت الراهن بعد الانقلابات الحصلت في جميع مناحي
الحياة هو الاقرب للحصول و اهو حصل
ناس الجبهة مسكوا البلد و غمتوها بي فلة زي زي قزازة الشمبانية و لمنا الكيزان بقوا يتخاتفوا في الخرات بايديهم الاتنين فكو الفلة و حصل الانفجار الكبير

أبو ساندرا وكل الشباب الهنا..

سلام ورمضان كريم..

أنا عندي سؤال بريئ للغاية: هل المقصود أن الفنان (الرجل) بريد زول (راجل تاني) ومتزاحمات فيه بنات الجامعة..؟

الزول أظنه من الصيام راسه لفً..

Quote: أنا عندي سؤال بريئ للغاية: هل المقصود أن الفنان (الرجل) بريد زول (راجل تاني) ومتزاحمات فيه بنات الجامعة..؟

كم أنت بريئة يا رجاء العباسي
هل ممكن بنات الجامعة ديل متزاحمات في بت زيهن ؟
غايتو لو كده بيكون على الجامعة العوض
دي ح تكون أكبر نسبة { لسبيان } في التاريخ

الولد ده بيناشد بنات الجامعة
ان يتركن زوله البريدو شدييييييييد
والريدة دي قال عنها ان كل الناس عارفها وسامعة
إلا بنات الجامعة الغبيانات ديل ، المزاحمنو في الفردة

الإحتمال الأرجح ان الولد البيغني ده خطف الغنوة من فم بت
جامعة مكربنة من زميلاتها النافسوها في حبيبة
البتريدو شدييييييييييد
شدتي

أبو ساندرا ....
بوستاتك لا تمت لرمضان بصلة ........... (رغم كدة رمضان كريم)

رجاء العباسي:

Quote: أنا عندي سؤال بريئ للغاية: هل المقصود أن الفنان (الرجل) بريد زول (راجل تاني) ومتزاحمات فيه بنات الجامعة..؟

التشديد على برئ للغاية دي غايتو ممكن تكون نفي النفي إثبات.

Quote: الزول أظنه من الصيام راسه لفً..

أها كدة يا دوووب دي البراءة.

يا جماعة أسمعوا الأغنية وخلاص

abusandara .. ramadan kaream ya zameel
interesting topic here nd i ave a lot to say about what salma
wrote if i got arabic keyboard tonight

salma moshtagoon ya mnga
can u believe ? am out of service since last time we talk
stay well guys

يا ابوساندرا كيفك ياودامي الناس دى سامعة شنوو انا جيت داخلة اسي من الهجيرة .
وشفتة مصطفي وطارق وسلمي عرفت طوالي انو الناس ديل اكيد سامعين حاجة وما دايرين يكلموني
المهم كان سمعتو عليكم اللة سمعوني .
ورمضان كريم

أبو ساندرا سلامات كتيرااات..

زمان في أغاني الحقيبة عشان ما يجيبو سيرة البت الغنو فيها. ضمير المخاطب كان مذكر.. لكن كل الأوصاف كانت مؤنثة والناس عارفة البلاغة الفيها.
أها لما سمعت الغنية دي.. قلت إحتمااااال ..
لكن أقول ليك شئ.اصلو ما اداني إحساس إنو البيغني ليهو ده بنية.. عشان كده كان لازم أسأل السؤال البريئ قبل ما ندخل في التأويلات..

كر على بنات الجامعة المزاحمين الغبيان ده في زول أكيد زيو.. الله لاربًحهم ..

محمد أبو الريش..
سلامات ومحبة..

وحاتك السؤال كان بريئ لدرجة السذاجة.. لأنو بجد ما صدقتا إنو ممكن زول يغني لـ His boyfriend عيني عينك كده..
طبعا حتضحك علي لو عرفتا إني لا سمعتا ولا شفتا حمادة بت إلا شهر 8 الفات ده.. تخيًل ..
وقعدتا أسبوعين مشدوهة..

ودي

ياشباب رمضان كريم

انتو سمعتو حماده بت بغني راجل المراه

ولا شفتو فارس ارباب بعلم عروس

سؤال بري

ترترا