احلى بنات

Post: #1
Title: احلى بنات
Author: أبو ساندرا
Date: 03-06-2008, 09:51 PM
Parent: #0

Post: #2
Title: Re: احلى بنات
Author: كمال سالم
Date: 03-06-2008, 10:06 PM
Parent: #1

خلاص ماصدقت العيون فتحت ورجعت للبحلقه !!

Post: #3
Title: Re: احلى بنات
Author: elsawi
Date: 03-06-2008, 10:13 PM
Parent: #1

والله انا ما عارف لو نظرك كان 6 على 6 كان سويت شنو في الدنيا دي

العيون كيفنها
خلي بالك منها

Post: #4
Title: Re: احلى بنات
Author: أبو ساندرا
Date: 03-06-2008, 10:14 PM
Parent: #1

الصورة الاولى ام البنات الولود الودود
بعد 40 يوم من انجاب دينا صغرى البنات

وهذه دينا

Post: #5
Title: Re: احلى بنات
Author: elsawi
Date: 03-06-2008, 10:17 PM
Parent: #4

لا كان كدي معليش
بس اريتك تبقى على ناس بيتك

Post: #6
Title: Re: احلى بنات
Author: أبو ساندرا
Date: 03-06-2008, 10:21 PM
Parent: #1

وهذا ابو البنات
الكومندنتا
أبو ساندرا

في العام 1987

Post: #8
Title: Re: احلى بنات
Author: Ishraga Mustafa
Date: 03-06-2008, 10:28 PM
Parent: #6

Quote: في العام 1987

لكن الخنفس ماعندك بالله من الزمن داك بتاع حركات؟

وبعدين رشيدة شرط عدييييييييييييييييل- كدى النسعلك لمن تمشى جنبك مابيسألوه من الزول العجوز المعاه ده

ربنا يحفظكم ويغطيكم يارب

Post: #7
Title: Re: احلى بنات
Author: أبو ساندرا
Date: 03-06-2008, 10:23 PM
Parent: #1

كتب الصاوي:
Quote: بس اريتك تبقى على ناس بيتك

ما تطمئن

Post: #9
Title: Re: احلى بنات
Author: أبو ساندرا
Date: 03-06-2008, 10:29 PM
Parent: #1

بدأت خطوات أرزل العمر

Post: #10
Title: Re: احلى بنات
Author: Ishraga Mustafa
Date: 03-06-2008, 10:33 PM
Parent: #9

مذكراتي لـ 08|03|04 حصريا علي الاقل

ساعلين منك هنا- طلعت ديامية اصيلة مش؟

Post: #11
Title: Re: احلى بنات
Author: أبو ساندرا
Date: 03-06-2008, 10:34 PM
Parent: #1

رشيدة يوم الخطوبة
في يناير 1980

Post: #13
Title: Re: احلى بنات
Author: عصام عبد الحفيظ
Date: 03-06-2008, 10:40 PM
Parent: #11

ايييييييييييييييييييييييييييييييييييييييييييييييييييك
وما احلاها صورة / اسود وابيض / بعد الباروكة بشوية

ـــــــــــــــــــــــــــــــــــــــــــــــــــــــــــــ
بعد الصورة اعلاه .. نطلب صورة العرس بتاعة الاستديو شخصيا ...

Post: #14
Title: Re: احلى بنات
Author: Ishraga Mustafa
Date: 03-06-2008, 10:41 PM
Parent: #11

الأميرة والنمر....

تلقاك ضاربت عديل كدى فى الحلاوة دى- اها بخنفسك ده بتكون دقيت ليك كم زول كدى جنب سينما النيلين- ربنا يغطيها رشيدتينا

------------
اها حارسة البنات الحلوات ديل من النمر المفترس

Post: #12
Title: Re: احلى بنات
Author: أبو ساندرا
Date: 03-06-2008, 10:37 PM
Parent: #1

كتبت شروق:
Quote: وبعدين رشيدة شرط عدييييييييييييييييل

شرط
للأرض وأصبع من العين اليمنى ونازل

Post: #17
Title: Re: احلى بنات
Author: Raja
Date: 03-06-2008, 10:50 PM
Parent: #12

أبوساندرا الغالي أبو أحلى بنات وأمهن

بركة الفي الشوفة..

بوست بديع..

Post: #15
Title: Re: احلى بنات
Author: أبو ساندرا
Date: 03-06-2008, 10:45 PM
Parent: #1

كتب كمال سالم :
Quote: خلاص ماصدقت العيون فتحت ورجعت للبحلقه !!

البحلقة الحلال

Post: #16
Title: Re: احلى بنات
Author: Alsa7afa_30
Date: 03-06-2008, 10:49 PM
Parent: #1

Post: #19
Title: Re: احلى بنات
Author: Ishraga Mustafa
Date: 03-06-2008, 11:00 PM
Parent: #16

ذكرتنى التأمين ماعارفة ليه؟

يازول نحنا اتلاقينا ووين؟ غايتو الشكل ده بعرفو لكن زول الليلة ده يغبانى

--------

بوست منافس وكاسح- يحيا اوباما

Post: #77
Title: Re: احلى بنات
Author: أبو ساندرا
Date: 03-08-2008, 07:30 PM
Parent: #16

Alsa7afa_30
يا حسام انا عاجز عن الشكر
ما ح تعرف الأغنية دي بتعمل فيني شنو
منذ أن كنت في المهد صبيا
في بداية الستينات
وحينها
ثلاثي العاصمة قدموا تجربة غير مسبوقة ، وتريآ
وتجانس اصواتهم وتكاملها
وعبقرية السني الضوي في اللحن
والحنية الساكنة في صوت محمد الحويج
وفي صوت إبراهيم أبودية

ومجد عثمان حسين بروائع بازرعة وعوض أحمد حليفة
وفتح جديد في الموسيقى وفي اللحن

عارف يا صحافة
إحتمال أموت طربآ

لو لقيت لي
{ ياعيوني يا عيوني أزرفي دمع الحنين
هل يفيد الدمع أم يجدي الأنين }

Post: #18
Title: Re: احلى بنات
Author: أبو ساندرا
Date: 03-06-2008, 10:56 PM
Parent: #1

كتب الفنان عصام عبد الحفيظ
Quote: بعد الباروكة بشوية

بعد الباروكة
وما قبل الحداثة

Post: #20
Title: Re: احلى بنات
Author: ابراهيم عدلان
Date: 03-06-2008, 11:05 PM
Parent: #1

اولا حمدا لله علي السلامة

وكيف حال العيون التي في طرفها حور

ياخي صور مبالغة ورجعتني ايام لا انساها

رشيدة بت حلتنا صورتك دي من معاذ؟

مشتاقون

Post: #21
Title: Re: احلى بنات
Author: أبو ساندرا
Date: 03-06-2008, 11:06 PM
Parent: #1

الجميلة والوحش
الدوحة 1993
بعدسة صديقنا الصادق بشرى

Post: #22
Title: Re: احلى بنات
Author: أبو ساندرا
Date: 03-06-2008, 11:09 PM
Parent: #1

كتبت العزيزة رجاء بت علوية
Quote: بوست بديع..

الأبداع منك يستمد
يا حلو يا مستبد*

* دي لزوم القافية يا جويا
لكن برضو في جمال مستبد

Post: #23
Title: Re: احلى بنات
Author: أبو ساندرا
Date: 03-06-2008, 11:14 PM
Parent: #1

كتب الحبيب ورفيق انضر سنوات العمر
ابراهيم عدلان:
Quote: رشيدة بت حلتنا صورتك دي من معاذ؟

وجارتنا
وبنريده

لا
الصورة في { كاميرا آرتيست }
في سوق العمارات الدرجة الأولى
ش 15
ونسأل الله أن يتغمد عزيزنا الراحل الفنان معاذ برحمته

Post: #24
Title: Re: احلى بنات
Author: أبو ساندرا
Date: 03-06-2008, 11:20 PM
Parent: #1

و الجميل
عبدالجليل { نادوس 2000} والوحش
الدوجة العام 1993
بعدسة عبدالرحمن نجدي

Post: #25
Title: Re: احلى بنات
Author: كمال سالم
Date: 03-06-2008, 11:22 PM
Parent: #1

وأنا أقول شفتك وين ,, أتاريك الخنفس بتاع السكسفون الكان بعزف فى فرقة العقارب ,,

مسكينه رشيده ,, أتاريها عانت معاك ماعانت .. معليش يارشيده ناس ساندرا وماهى بعوضوك ,,

Post: #26
Title: Re: احلى بنات
Author: أبو ساندرا
Date: 03-06-2008, 11:23 PM
Parent: #1

إتلطشت دكتورة إشراقة:
Quote: يازول نحنا اتلاقينا ووين؟ غايتو الشكل ده بعرفو لكن زول الليلة ده يغبانى

أنا غايتو عارف ومتذكر
اسألي أيوب

Post: #27
Title: Re: احلى بنات
Author: أبو ساندرا
Date: 03-06-2008, 11:27 PM
Parent: #1

كتب الفاره :
Quote: معليش يارشيده ناس ساندرا وماهى بعوضوك ,,

وانا خايف عليك
العقارب يعضوك
والدكاترة بالحب يجننوك
وما بيعالجوك

والشافك واقف تجدع بالحجارة في صينية القسم
في شارع العرضة ، قبالة { التيجاني الماحي }
وبيت ناس زينب

ما بيكون بهتك

Post: #29
Title: Re: احلى بنات
Author: Ishraga Mustafa
Date: 03-06-2008, 11:37 PM
Parent: #27

-----------

عندك دواء يارشيده؟

Post: #28
Title: Re: احلى بنات
Author: أبو ساندرا
Date: 03-06-2008, 11:31 PM
Parent: #1

أول العنقود
ساندرا
المولودة في 18 اكتوبر 1983

Post: #30
Title: Re: احلى بنات
Author: أبو ساندرا
Date: 03-06-2008, 11:39 PM
Parent: #1

ماهيتاب
المولودة في 10يناير 1985

Post: #31
Title: Re: احلى بنات
Author: أبو ساندرا
Date: 03-06-2008, 11:46 PM
Parent: #1

مناقرة معهودة
مع الراحل مصطفى سيد أحمد
و أبو ساندرا
في منزل عواطف نجدي
العام 1993

تصوير عبدالرحمن نجدي

Post: #32
Title: Re: احلى بنات
Author: أبو ساندرا
Date: 03-06-2008, 11:49 PM
Parent: #1

بالنسبة للصورة أعلاه
مع مصطفى

يبدو أبو ساندرا وسيمآ

تاني النسمع إشراقة تقول :
الوحش

والكرسي الفاضي
كان قاعد فيه عبدالجليل { نادوس }
وتمت إزاحته بمؤامرة من عصام علي

في تلك الأيام لم تكمل نقليات القرعي مؤامرتها

Post: #33
Title: Re: احلى بنات
Author: Ishraga Mustafa
Date: 03-06-2008, 11:55 PM
Parent: #32

Quote:
يبدو أبو ساندرا وسيمآ

تاني النسمع إشراقة تقول :
الوحش

جنب رشيده دى والله وحش ونص وخمسة

----------

اتصور تانى طوالى بالجنبة

Post: #34
Title: Re: احلى بنات
Author: أبو ساندرا
Date: 03-06-2008, 11:58 PM
Parent: #1

حفل رامادا
مصطفى جالس بالبدلة السوداء طبعآ
يجاوره أبو ساندرا

ووقوفآ
من البورداب على التوالي
عصام علي أحمد
عبدالجليل عبدالحليم { نادوس 2000} بالشال الأحمر ، وما صدفة
الروائي محمد الحسن بكري ، المعمم

Post: #35
Title: Re: احلى بنات
Author: عبدالكريم الامين احمد
Date: 03-07-2008, 00:04 AM
Parent: #34

يا ليت لي ان اكون حاضرا لزمانك داك يا ابوساندرا

Post: #36
Title: Re: احلى بنات
Author: Ishraga Mustafa
Date: 03-07-2008, 00:07 AM
Parent: #35

Quote: يا ليت لي ان اكون حاضرا لزمانك داك يا ابوساندرا

حاتعمل شنو؟

---------

الود عامل فيها صغيييييييييييييير لا بالله

Post: #37
Title: Re: احلى بنات
Author: أبو ساندرا
Date: 03-07-2008, 00:11 AM
Parent: #1

والجدير بالذكر
في الصورة أعلاه
والتي تضم بعض البورداب
فان :

عصام علي أحمد ... تصلع وتكرش وعاد بلا رقبة
عبدالجليل نادوس ... تضخمت اوداجه وعلق المناظير { بوتو }
الحسن بكري ... وخطه الشيب وزاده وقار
أبو ساندرا ... زينة وعاجبني
واللا رأيك شنو يا فلانة*

* فلانة: بتحتمل كل من تظن انها معنية
وبخاصة أمونة عسل الشرق

Post: #38
Title: Re: احلى بنات
Author: Ishraga Mustafa
Date: 03-07-2008, 00:16 AM
Parent: #37

Quote: *أبو ساندرا ... زينة وعاجبني
واللا رأيك شنو يا فلانة*

* فلانة: بتحتمل كل من تظن انها معنية
وبخاصة أمونة عسل الشرق

انا فى الحاله دى من غير التاء المربوطة البحبها
زينة جارتنا ولا واحدة تانية

-------
امونة حصلى

Post: #44
Title: Re: احلى بنات
Author: aml gadora
Date: 03-07-2008, 00:43 AM
Parent: #37

كلهم حلويين ............لكن مهيتاب دي حاجة تانية ............ابدااااع

تبارك الله

Post: #39
Title: Re: احلى بنات
Author: أبو ساندرا
Date: 03-07-2008, 00:21 AM
Parent: #1

تحرش بنا كيكي قائلآ :
Quote: يا ليت لي ان اكون حاضرا لزمانك داك يا ابوساندرا

اتاورك الضرس يا معلم ؟

يا بوليس الآداب
وجمعيات حماية الاولاد المستهدفين
وعادل عبد العاطي
وحسين ملاسي

أضبطوا هذا المنفلت

وش خجلان جدآ

Post: #40
Title: Re: احلى بنات
Author: أبو ساندرا
Date: 03-07-2008, 00:27 AM
Parent: #1

كتبت دكتورة إشراقة مصطفى
والتي أعجز عن شكرها
لإحتفائها بذكرياتي

كتبت
ومورية العين الحمرا

Quote: حاتعمل شنو؟

أيوة أردعيه يا دكتورة
فالزول ده إنتهك براءة
الغرير الوديع أبو ساندرا
وأقلق منامه

Post: #43
Title: Re: احلى بنات
Author: عبدالكريم الامين احمد
Date: 03-07-2008, 00:37 AM
Parent: #40

Quote: أيوة أردعيه يا دكتورة
فالزول ده إنتهك براءة
الغرير الوديع أبو ساندرا
وأقلق منامه

ضحكت فيني الليل يا بركات
وده ارهاب ديامة منك انت واشراقة.....
انا لو حضرت كنت عشمان اتسامر معاك وانت في عز الشباب فبالله ما تخاف
وعشانكم انتو الاثنين
وعشان صورتك العاجبانا باثر رجعي دي اسمعوا كابلي ده مع اغنية صحافة (30)
العاملة شغل طاعم في (احلي البنات) واحلي صورة لجلك في الخليج العربي..

Post: #41
Title: Re: احلى بنات
Author: أبو ساندرا
Date: 03-07-2008, 00:31 AM
Parent: #1

Quote: عصام علي أحمد ... تصلع وتكرش وعاد بلا رقبة

وقيل أنه قد صار عاجزآ
بعد ان كان بيتباهى وبيستعلى على ناس سمير جابر
ومسوكر ومنعم سليمان { امواج / بيجو }

يا كليب
عشان تاني لم تكون بتتحاوم بالليل في المنبر
ماتجلي بوستاتنا

أها خم وصر

Post: #42
Title: Re: احلى بنات
Author: أبو ساندرا
Date: 03-07-2008, 00:36 AM
Parent: #1

وصلتني رسائل تهديد ماسينجرية
من ساندرا وسارا وسولارا

عايزات يحجرن علي
قالن طلق وخرف

عشان كده ح أتوقف حتى الصباح

Post: #45
Title: Re: احلى بنات
Author: أبو ساندرا
Date: 03-07-2008, 00:51 AM
Parent: #1

كتب المتحرش كيكي :
Quote: فبالله ما تخاف

باللاهي !

دي تلقاها عند الغافل

عايزني أطمئن لغاية ماتعملها فينا
وتلحقنا ناس
عصام جبر الله
ومنعم الجزولي
وخداري
و ود الديم

ومن لف لفهم

العب غيرها يا معلم

Post: #46
Title: Re: احلى بنات
Author: Elmosley
Date: 03-07-2008, 00:55 AM
Parent: #1

ولا حلوات ولاحاجه
ديل كواكب احتفلن بالقمر امهن
أما أبوهن
فلا صاحبي ولا حاجه
عشان من ديك وعيك

Post: #47
Title: Re: احلى بنات
Author: عصام علي أحمد
Date: 03-07-2008, 01:03 AM
Parent: #1

كنت اوجه زول فى الدوحة ياحاقد
والان اوجه زول فى دبي
ماعندى كرش ولا صلعة ياحاقد
عبدالمنعم سليمان ومسوكر كانوا بمشوا
معاى عشان يظهروا

مع تحيات الوجيه عصام على

Post: #48
Title: Re: احلى بنات
Author: عصام علي أحمد
Date: 03-07-2008, 01:12 AM
Parent: #1

: أيوة أردعيه يا دكتورة
فالزول ده إنتهك براءة
الغرير الوديع أبو ساندرا
وأقلق منامه

ياعبدالكريم ( براءة الغرير الوديع )
الكلمات دى وصف لواحد ديامى تتخيل !!!!!

Post: #49
Title: Re: احلى بنات
Author: أبو ساندرا
Date: 03-07-2008, 01:24 AM
Parent: #1

الموصلي
صاخبي وحبيبي
وحياتك مشتاقيت

أها وريني الصورة دي وين أكان شاطر
وما تستعين بذاكرة العزيز عبدالله ود السجانة

Post: #50
Title: Re: احلى بنات
Author: حيدر حسن ميرغني
Date: 03-07-2008, 02:26 AM
Parent: #49

سلامات ابوساندرا

ربنا يحفظكم

Post: #76
Title: Re: احلى بنات
Author: Elmosley
Date: 03-08-2008, 11:46 AM
Parent: #49

ابو ساندرا
الصوره دي قطعا في القاهره
لكن وين تحديدا لا ادري
لكن المناسبة وطنية
لانني اري صور الابطال الذين اعدموا في رمضان
نحن فخورون بهم
يلا كمل
وبالله يا ابوساندرا لو عندك حاجات زي دي رسلها لي بالايميل
عشان الوب سايت بتاع آخوك

Post: #51
Title: Re: احلى بنات
Author: أبو ساندرا
Date: 03-07-2008, 08:21 AM
Parent: #1

Post: #52
Title: Re: احلى بنات
Author: أبو ساندرا
Date: 03-07-2008, 08:25 AM
Parent: #1

سيف الجامعة
القاهرة 1993
أبان فترة المعارضة
التي بشرت بآمال
وقضايا مصيرية

سفحت
بالإتفاقات البائسة

ومنها
إتفاق جدة

Post: #53
Title: Re: احلى بنات
Author: esam gabralla
Date: 03-07-2008, 09:09 AM
Parent: #1

الحاج ابوعيون

ياخى سلامتك و الديم كلو كرامتك

انتو اليومين دى مالكم؟ طريتو الموت و لا شنو؟ واحد ينزل مذكراتو و التانى قصة حياتو مصورة....

Quote: عايزات يحجرن علي
قالن طلق وخرف

احلى بنات و اعقل بنات ... السترة واجبة، ما معروف المره الجاية تجى مقلع لينا بي شنو.... يا بنات كان عاوزين مساعدة في "الكتيف" قولو عوووووك، عمكم منعم كابيلا اب فقر قاعد ...

فعلا يخرج ال.... من ال....

اول مرة اشوف رماد يلد النار غايتو رشيدة مفروض توووووشك الجنة لوج .... حافظت على النسل من جينات القبح و التوحش و كمان استحملت الخلقة دى الوقت ده كلو!!!

ايوب انتى يا زولة

يا "زميل" عندك قرار بالابتعاد عن النت الشهر الجاى ده كلو

نوعك ده ما بنفع معاهو كلام دكاترة يا "اصولى"

عافية و صحة ... يا حاج

Post: #56
Title: Re: احلى بنات
Author: nadus2000
Date: 03-07-2008, 09:21 AM
Parent: #53

عصام جبرالله

كيفك

أشار أحدالخبثاء أن كبار ناس الدوحة فلسوا وكلامهم كمل، ولجأوا للصور...

ويا ابوساندرا
والله رشيدة دي ما بتديها حقها لو بنيت ليها تمثال في خشم باب الدنيا، زي بتاع الحرية الفي خشم الان واي، مش علقت ليها صورة في باب بوست وسدرت في غيك كالعادة....

Post: #60
Title: Re: احلى بنات
Author: esam gabralla
Date: 03-07-2008, 03:21 PM
Parent: #56

سلام عبد الجليل

أشار أحدالخبثاء أن كبار ناس الدوحة فلسوا وكلامهم كمل، ولجأوا للصور...

ياخى خليك حقانى كعهدك... ده ما خبيث ده راجل واضح و صريح و قلبو عليكم من نوع بشتنة و كشف حال الكهل حاج بركة ده..

غايتو شعب ما يقبل النصيحة ابدا...

شايف معتصم بي هناك فتح بيكم استوديو

حالتكم شلش

بس حاولو ما تحصلو مرحلة ابوساندرا المتاخرة دى، بعدها يا التجانى الماحى يا احمد شرفي

سلام

Post: #54
Title: Re: احلى بنات
Author: ماجدة عوض خوجلى
Date: 03-07-2008, 09:19 AM
Parent: #1

ماشالله وتبارك الله ربنا يخليهم ليك
ويخليك ليهم ويحفظكم من كل شر يارب
بوست جميل جدا وعينى باردة على البنيات وامهم
تســلم يارب ....

Post: #55
Title: Re: احلى بنات
Author: أبو ساندرا
Date: 03-07-2008, 09:20 AM
Parent: #1

Quote: و كمان استحملت الخلقة دى الوقت ده كلو!!!

المهبوش!
جيت ؟

ما أكثر الزنادقة
والفارات
في هذا العالم

الجابك يجيب كمان كابيلا{ غزالوت }
وخدوري
وابوالسرة
و ود الديم

أهلآ

Post: #57
Title: Re: احلى بنات
Author: أبو ساندرا
Date: 03-07-2008, 09:25 AM
Parent: #1

كتبت الوجيهة ماجدة عوض خوجلي :
Quote: ماشالله وتبارك الله ربنا يخليهم ليك
ويخليك ليهم ويحفظكم من كل شر يارب
بوست جميل جدا وعينى باردة على البنيات وامهم
تســلم يارب ....

ويخليك انت ويحفظك
عينك باردة ومليانة
يا بت العمدة والخليفة

انت بس وخيدر حسن ميرغني الطريتو الله هنا
ربنا يحفظكم ويحفظ عقابكم واحبابكم

Post: #58
Title: Re: احلى بنات
Author: sari_alail
Date: 03-07-2008, 11:03 AM
Parent: #1

الكومندان....ابوساندرا...
هسع نقوم ننزل صور الأسرة الكريمة...
نبدأ بصور الوالد في الخرطوم الجديدة مع الشهداء د.علي فضل والعميد عصمت مرغني....مرورا بالثلاثي المرح اللي انا واحد منهم إنتهاء بماليزيا التي نسري فيها إلى هذه اللحظة
وتقوم تحصل حرب سايبريةعلى الطريقة الديامية...وانت عارفا كيف...
السؤال زمان من وين جبتو طولة البال عشان تربو الشعر???

-------------------------------------------------------

ربنا يخلي ليك الأسرة الكريمة

Post: #59
Title: Re: احلى بنات
Author: mohanad haimoura
Date: 03-07-2008, 02:44 PM
Parent: #58

الحبيب ابو ساندرا

ممكن اجي بالباب
عرس وكده

Post: #61
Title: Re: احلى بنات
Author: خدر
Date: 03-07-2008, 03:32 PM
Parent: #59

Quote: ممكن اجي بالباب
عرس وكده

مهند
بالتي شيرت ده زاتو ؟

___________
والفلوكة دي

Post: #93
Title: Re: احلى بنات
Author: Mohamed Foto7li
Date: 03-09-2008, 06:49 PM
Parent: #61

Quote: مهند
بالتي شيرت ده زاتو ؟

Post: #62
Title: Re: احلى بنات
Author: غادة عبدالعزيز خالد
Date: 03-07-2008, 03:33 PM
Parent: #59

أبو البنيات الجميلات
أولا: ما شاء الله عيني باردة...
شفت صور لناتك من قبل لكن كبرن في هذه المدة وأينعن
حفظهن الله من كل شر...
ولرشيدة وقفة تقدير وإحترام على جهد السنوات الماضية
علها اليوم تشعر بفخر وهي تجني ثمار سهر الليالي
(وطبعا الصبر على أبو البنيات )

أبو ساندرا...
الف حمد الله على السلامة
مودتي
غادة

Post: #63
Title: Re: احلى بنات
Author: Gazaloat
Date: 03-07-2008, 04:24 PM
Parent: #62

Quote: وطبعا الصبر على أبو البنيات

تعرفى يابنت اللواء

عندما كنا صغارا فى روضة (ماما سحر) فى الرياض، جائنا (بابا نميرى) و(ماما بثينة) فى زيارة.
كنت صغيرا جدا لا أتذكر بالضبط ... بالضبط ما دار فى تلك الزيارة، ولكننى اتذكر فى ذلك اليوم ان (ابلة نجوان) قد حكت لنا قصة الجميلات والمرفعين!!!

لا أدرى لماذا تذكرت تلك القصة الآن وانا انظر فى هذا البريد

الصبر يابنات ..الصبر... لاسبيل لَكُنَّ غير الصبر.

------------------
قال الشاعر:

الهم لا اعتراض على حكمك يارب

Post: #64
Title: Re: احلى بنات
Author: Emad Abdulla
Date: 03-07-2008, 04:57 PM
Parent: #63

Quote: والمرفعين !!!
!!!!! ..
هسه أمانةً تغتس حجر زمتك دي ..
ناس الروضات و المامات و البابات و الأبلات .. شِن خبّرم بكلمة ( مرفعين ) دي ؟؟؟؟
أفهم يا مسلم .. أفهم ..
ناس ماما و بابا و أبله ديل بيقول على الحاجة المضقلمة القلتها دي : دَبعا ( ضبعة ) .. هايينا .
ناس نحنا و " عمو " عبدالرحمن ديل كنا في الخرتوم بنسميها ( الشكلوتة ) .. و ذلك تحبباً .

مرفعين بتاع حنانك !!
مرفعينك دي تمشي تقولا في الضهاري هناك ..
( قال ذلك و رفع بطرف إصبعه خصلة تهادت على جبينه الناصع النبيل ) .

....
الجا جا ألف ** ..
و الجي جيب يا ..
و الجا جاب واو و ألف .

**( مقطع لهلاويس بعضهم من ذات طفولة تشوبها الفَلَقَة ) .

Post: #65
Title: Re: احلى بنات
Author: Gazaloat
Date: 03-07-2008, 05:34 PM
Parent: #64

Quote: ناس ماما و بابا و أبله

Quote: ناس نحنا و " عمو " عبدالرحمن

ما.... احنا الجيل الفى النص ...

____________

....فأُغشى عليه قليلا.. وحين صحا من غفوته قال:

- أحى انا فى الحالة دى !

نقلا عن مجلة سمر

Post: #66
Title: Re: احلى بنات
Author: ابراهيم عدلان
Date: 03-07-2008, 05:52 PM
Parent: #1

Quote: الجا جا ألف ** ..
و الجي جيب يا ..
و الجا جاب واو و ألف .

عمدة يا مجنون

جننتنا و جننت خلوة الفكي محمد احمد زاتو

و في رواية اخري ( سيف الدين)

منعم قال روضة قال

___________________________
مرفعين.......... لا حلاوة جكسا

Post: #67
Title: Re: احلى بنات
Author: Gazaloat
Date: 03-07-2008, 05:56 PM
Parent: #66

ابراهيم اللعين
انا وتى ام جايين بكرة نيويورك
اجدع لى ايميلك هنا

[email protected]

---------
الوسطاء يمتنعون
آمين

Post: #68
Title: Re: احلى بنات
Author: essam&amal
Date: 03-07-2008, 06:10 PM
Parent: #1

ما شاء الله تبارك الله ولا حول ولا قوة الا بالله
ولى عودة
ولكم الحب

ام وضاح

Post: #70
Title: Re: احلى بنات
Author: خدر
Date: 03-07-2008, 07:06 PM
Parent: #68

حليل لمن الحزب كان حزب و الشنبات كانن شنبات

_________
ياتري انت فين يا مرزوق

Post: #71
Title: Re: احلى بنات
Author: Gazaloat
Date: 03-07-2008, 07:10 PM
Parent: #68

Quote: ما شاء الله تبارك الله ولا حول ولا قوة الا بالله

اتو القيامة ذاعوها ولاَّ شنو!!!

------
قام... سافر... تاه
من كتاب المطالعة الاولية

Post: #69
Title: Re: احلى بنات
Author: Sayed Bekab
Date: 03-07-2008, 07:06 PM
Parent: #1

ابو ساندرا صورة الموصلي و سيف الجامعة في الق......... والعازفين جمعة عازف الساكس و محمد عوض عازف الجيتار

جميل ان نري إسرتك الكريمة التحية لكم جميعا و ربنا يحفظهم

Post: #72
Title: Re: احلى بنات
Author: طارق جبريل
Date: 03-07-2008, 07:14 PM
Parent: #1

ابو ساندرا
والله مشتهي مناكفاتك في البوستات
اسمعني انت بالوجاهة دي ما كنت بتمشي العمارات

Post: #73
Title: Re: احلى بنات
Author: nadus2000
Date: 03-07-2008, 08:27 PM
Parent: #72

Quote: حليل لمن الحزب كان حزب و الشنبات كانن شنبات

خدر

يا ديجانقو أفرز

Post: #74
Title: Re: احلى بنات
Author: أبو ساندرا
Date: 03-07-2008, 08:51 PM
Parent: #1

كتب عماد عبدالله
Quote: مرفعين بتاع حنانك !!

مرفعين بتاع الرفع

كلم مدفع الدلاقين
المسمي روحو { غزالوت }
والعزلان منه براء

هامش أول------------------------

قال حكيم المدينة
بعد ان حوقل وبسمل
{ هذا البوست إكتظ بالفارات*
وأصحاب العاهات }**
وأردف ، رافعآ كفيه مبتهلآ :
{ يا رب لا تذابينا لا تعادينا }
وقيل أنه قال :
{ محمد معانا ما تغشانا }

هامش تان______________________
* يقصد الشيخ بذلك:
خدوري
غازلوط
عصام جبر الله
ود الديم

** مافي غير عصام علي أحمد

Post: #75
Title: Re: احلى بنات
Author: عصام علي أحمد
Date: 03-07-2008, 09:09 PM
Parent: #1

مهند حيمورة
تحياتى
شايف ابوساندرا اتجاهل مداخلتك لانه الكلمة ماعندو
رشيده هى من تقرر وانا علاقتى برشيده قوية وانا واسطتك
سيبك من الجلك المخرف وانا برتب ليك الامور

Post: #78
Title: Re: احلى بنات
Author: Gazaloat
Date: 03-08-2008, 07:43 PM
Parent: #75

Quote: هل يفيد الدمع أم يجدي الأنين

بدون تعلق!!1

--------

قال رأس الخروف وهوينظر من بعيد للمعركة:

أحىَّ انا... يامصارينى البقت كمونية!!

مقتطفات من دفتر العيادة

Post: #79
Title: Re: احلى بنات
Author: بله محمد الفاضل
Date: 03-08-2008, 08:12 PM
Parent: #1

ماشاء الله تبارك الله
ربنا يحفظهم ويغطيهم
ويديكم أنت وأمهم الصحة والعافية
وتشوفوا عيالهم وعيال عيالهم

Post: #80
Title: Re: احلى بنات
Author: sari_alail
Date: 03-08-2008, 10:00 PM
Parent: #1

Quote:
الكومندان....ابوساندرا...
هسع نقوم ننزل صور الأسرة الكريمة...
نبدأ بصور الوالد في الخرطوم الجديدة مع الشهداء د.علي فضل والعميد عصمت مرغني....مرورا بالثلاثي المرح اللي انا واحد منهم إنتهاء بماليزيا التي نسري فيها إلى هذه اللحظة
وتقوم تحصل حرب سايبريةعلى الطريقة الديامية...وانت عارفا كيف...
السؤال زمان من وين جبتو طولة البال عشان تربو الشعر???

-------------------------------------------------------

ربنا يخلي ليك الأسرة الكريمة

Post: #81
Title: Re: احلى بنات
Author: WAD ELGAALI#4
Date: 03-08-2008, 11:28 PM
Parent: #80

http://www.sudaneseonline.com/u/742.jpg
عصام جبرالله قصدو يقول يخرق من الشبه أربعين
والله ياعصام لقيتك حاقد حقوديه
ياخى ماحلاوت ماهيتاب الا بوووف انو ابوها جينتكلى جميل
يا ابوالبنات ياخى الله يخليهم ليكم ولينا ويحفظكم لهن ولينا يارب

Post: #82
Title: Re: احلى بنات
Author: عثمان دغيس
Date: 03-09-2008, 06:54 AM
Parent: #1

أبو ساندرا ...
وأبو ماهي وأخواتها ...

حفظكم الله ورعاكم في رعاية رشيدة الحكيمة ..

أحلى من صوركم دي مافي إلا الروح التي تغمر البيت وتحتوي شاغليه ...
وأحلى منها الحنية الرابطة بين رشيده وبناتها من جهة ..
وبين البنات وأبوهن من جهة تانية ...
والحفاوة اللي الواحد بلقاها عند كل من بالبيت ...

حفظكم الله جميعاً ..

بس لو البنات ديل مصرات على الحجر أنا محامي متبرع لي وجه الله تعالى ..

وكمان لوجه رسيدة عند الخطوبة ولوجوه البنات الحلوات في كل الأزمان ..

Post: #83
Title: Re: احلى بنات
Author: أبو ساندرا
Date: 03-09-2008, 07:32 AM
Parent: #1

كتبت العزيزة أمل قدورة:
Quote: كلهم حلويين ............لكن مهيتاب دي حاجة تانية ............ابدااااع

يا أم هاشم
ماعند ماهي بعض مما لديكم
من ذوق وجمال و وعي

الله يخليكن

Post: #84
Title: Re: احلى بنات
Author: حسن طه محمد
Date: 03-09-2008, 08:07 AM
Parent: #83

[B]طلب بسيط من كل المتداخلين

قبل ما تعدو علي باب هذا البوست الجميل وتدخلو قولو:

ما شاء الله وتبارك الله .

ابو ساندرا
زي ما وصيتك وأعمل بالوصية.

ويحفظكم الله ويرعاكم.

بس سؤال:

الخنفسة دي ممكن ترجع ولا ما ترجع .

انا غايتو عندي صورة شبيهة من ايام الثانوي ولحسي ما بتفارق جزلاني.

Post: #85
Title: Re: احلى بنات
Author: doma
Date: 03-09-2008, 08:30 AM
Parent: #84

ما شاء الله وتبارك الله عيني بارده
اخر الزمان المرفعين ينجب غزالات
يا بركه اكيد نفعتك جينات رشيده

Post: #86
Title: Re: احلى بنات
Author: Alsa7afa_30
Date: 03-09-2008, 08:39 AM
Parent: #1

Post: #87
Title: Re: احلى بنات
Author: Alsa7afa_30
Date: 03-09-2008, 08:46 AM
Parent: #1

Post: #88
Title: Re: احلى بنات
Author: معتصم الطاهر
Date: 03-09-2008, 09:01 AM
Parent: #1

رغم أني من ( المغضوب عليهم) ..

ولكنى أستمتع بحضور هذه الأسرة أينما حلّو ..

وما زلت أنتظر أحلى جوز .. التومات ..

ثم سأدخل هذا البوست .. كتابة و تصاوير ..

قال ( أحلى بنات).. نعم والله صدقت ..
طيب ؟ لماذا أكثرت من صورك ..

Post: #89
Title: Re: احلى بنات
Author: معتصم الطاهر
Date: 03-09-2008, 06:15 PM
Parent: #1

حين الدخولِ بعجل لشرفاتِ حديقتها
لا تملك حقَ التجوالِ بمهل
فكل شوارعها هنــــــا وعيا بالحياة
عند الاستمتاعِ بحل تقاطيع شرفات روضتها
فرح و كسب و جمال
شوارعها أمامية
وضوح وحنين مختزن منذ بدء الخليقة ..
ادخل و افقد ذاكرة الرجوع .. ارم في عمقها مفتاح الرجوع
و امش حافيا و بمهل َ بدوزنة واتزان
حيث سردٌ لا يجُر خلفَه سيرةَ أحد
تمام المتعة بلحن عاطر من "ماهيتاب" فرحك السرمدي

<

.

Post: #90
Title: Re: احلى بنات
Author: أبو ساندرا
Date: 03-09-2008, 06:26 PM
Parent: #1

قبل كم يوم

Post: #91
Title: Re: احلى بنات
Author: أبو ساندرا
Date: 03-09-2008, 06:38 PM
Parent: #1

اللقطة اعلاه
أخذت في سوق واقف
قبل 21 يوم
بعدسة ماهيتاب
والمناسبة كانت
وداع زميلتنا في المنبر
وبنتنا سماح مكي

Post: #92
Title: Re: احلى بنات
Author: Atif Makkawi
Date: 03-09-2008, 06:40 PM
Parent: #1

السلام عليكم وعليهن في عيدهن
والله حيرتنا يا.............

Post: #94
Title: Re: احلى بنات
Author: elameen
Date: 03-09-2008, 07:09 PM
Parent: #1

الله يا ابوساندرا حقيقة هذا بوست جميل جدا وربنا يحفظ لك هذه الاسرة الجميلة وربنا يكفيها من كل عين.

تحياتي

الامين

Post: #95
Title: Re: احلى بنات
Author: حبيب نورة
Date: 03-09-2008, 07:36 PM
Parent: #94

تحايا
يا جميل
وينك؟

Post: #96
Title: Re: احلى بنات
Author: أبو ساندرا
Date: 03-10-2008, 07:36 AM
Parent: #1

كتب ولدنا وزميلنا ساري الليل :
Quote: نبدأ بصور الوالد في الخرطوم الجديدة مع الشهداء د.علي فضل والعميد عصمت مرغني....

يعني انت يا ولد ، ابوك دفعت الشهداء علي فضل وعصمت ميرغني طه في الخرطوم الجديدة ؟
لو الواحد إستعجل شوية كان زامل ابوك في تلك الدفعة
نحن جينا وراهم بشوية

ياريت تنزل تلك الصور
بل أرجوك أن تفعل

أما بشأن الوقت والخنفسة
فبالعكس في تلك الأيام كانت حركتنا واسعة جدآ
ومشغولين للطيش بالجمال والحكايات والدراسة
وكان ماعندنا وقت للجلوس للحلاق
وإرتياد صالونات الحلاقة كانت منقصة
فكان نطلق { الشعور} كسبآ للوقت
وجذبا للناموس

Post: #97
Title: Re: احلى بنات
Author: sari_alail
Date: 03-10-2008, 11:16 AM
Parent: #1

by the way , he is a member here in this board ..

Post: #98
Title: Re: احلى بنات
Author: أبو ساندرا
Date: 03-10-2008, 11:20 AM
Parent: #1

ح تكشف عنه بعد 30 سنة
زي ملفات المخابرات ؟

رسلو لي برسالة/ مسج على تلفوني
الكائن في البروفايل

Post: #99
Title: Re: احلى بنات
Author: معتصم الطاهر
Date: 03-10-2008, 04:13 PM
Parent: #1

فارعة ومليان بِك و ضيقةعليك البشرة
انا غيبتك بيني وكنتك..
زملتك في الخاطر بشرى
نزلتي ستار الجلد الهـش
وطلعتي من الجسد القشرة
تاوقت لقيتك فيني النفس الكاملة
تتوَقِي اليابسة والنهر في ايدِك صلصال
يتسارق ضوك خافت
متهافت نحوك اجري واهرول راكض
سابقت خطاي وحدقتك ..غيمة وضل وبحيرة

Post: #100
Title: Re: احلى بنات
Author: Gazaloat
Date: 03-10-2008, 06:22 PM
Parent: #99

Quote: ما شاء الله وتبارك الله عيني بارده
اخر الزمان المرفعين ينجب غزالات
يا بركه اكيد نفعتك جينات رشيده

ياخالتى دومة
والله هذا تحليل علمى خالص

يارشيدة
اسمعى كلام المحامى المتبرع فوق دا... واذا لزم استخدام القوة الجبرية.... ابشرى بالخير .. اصلا انا ذاتى مافضل فينى غيرها

Post: #112
Title: Re: احلى بنات
Author: محاسن زين العابدين
Date: 03-25-2008, 06:55 AM
Parent: #100

يا أرض أحفظي ما عليك

ما أروعهم

ساندرا
علم طموح بلا حدود واجتهاد
ماهي
كم هي قريبة لموقع القلب
تطرق بابه دون استئذان ..
حلاوة روح وطلاوة حديث وعذوبة

حقانية .... ورثت حب التفاعل مع قضايا الوطن وحمل همه ..

كم احبها هذه الصبية الجميلة
فهي بنتي التي اتخيلها والتي لم أحظى بها ..........

الصغيرات الحبيبات حبوبية امهم

التي تحملت وحدها عبء تخريج هذا الجمال وهذه العذوبة
وهذا العز الذي يحيط بك ابو ساندر ا

في أخر مرة زرتكم لتحمد سلامتكم ... وجدتك ذاهبا لصلاة الجمعة
وهن حولك كالفراشات يابا العراقي ..... يابابا الجلابية مقلوبة

تذكرت أيام طاعمة مضت ......
كان بيتنا يتحول إلى غرفة عمليات في الوقت الذي يسبق صلاة الجمعة ...
نجلس منذ الصبح لنساعد ابي وهو يملي علينا خطبة الجمعة لكتابتها ..........
نحن البنات حوله نتاكد من كافة الترتيبات المظهرية ...
نجهز له ملابسه وعطره ,....

ما أسعدك ...
كيف طاوعك قلبك على ترك هذا الألق خلفك طيلة السنوات السابقة ....

ربنا يديمهم لك ويديم عليكم نعمة الصحة والستر .........

واحلى ما في هذا البوست هو ضرب مجاهل التخلف ...
ويصرح عاليا البنت ليست عورة .....
فأي سوداني يتحدث بهذا الفخر عن بناته ويعرض صورهن غير مبالي
ويتحدث بقلبه
لا بعقله والمحاذير التي تحيط به كالمعصم

Post: #119
Title: Re: احلى بنات
Author: Ishraga Mustafa
Date: 03-28-2008, 08:37 PM
Parent: #112

Quote: واحلى ما في هذا البوست هو ضرب مجاهل التخلف ...
ويصرح عاليا البنت ليست عورة .....

عاجبنى فيك يامحاسن القراية الصاح لما وراء - الأحداث-

احلى بنات... ربنا يحفظهم
واحلى ام...الاميرة ربنا يخليها ليهن ولابوهن...{الوحش}

-----
ابوساندرا لاينعدل الحال بلا رشيدة الرشيده

Post: #101
Title: Re: احلى بنات
Author: أبو ساندرا
Date: 03-10-2008, 07:03 PM
Parent: #1

إزيك يا مهند حيمورة :
بالنسبة لطلبك هذا :
Quote: ممكن اجي بالباب
عرس وكده

غايتو انا ماعندي قرار في حاجات ماهيتاب
فهي ليست من ضمن ما أملك
وفقآ لمعاهدة سابقة بيني وبينها وأخواتها

لكن ولكي لا تيأس فأنا بملك قرار فيما يتعلق برشود
فلو قاصدنا فيها ما عندنا أي مانع
خاصة إنها في الفترة الأخيرة صارت تروج لرأي
متقاطع مع حركات الرجال المتعديين
والرأي مفاده : أن زوج واحد لايكفي لمسئوليات البيت
والإنفاق عليه
وبإعتبار أن رأيها هذا واقع لي في الجرح
وبيرفع عني حرج الإنفاق
فماعندنا مانع تشارك
كمنفق
وأتفرغ أنا للتمهير بس
خاصة وانت براك شايف إنتاجنا ومهراتنا

اما لو كنت مصر على حكاية ماهيتاب دي
فأنا أنصحك أقبل ما تفكر تجيي بالباب
أن تدرب على الخروج بالشباك
فالزولة دي بطلة في الكاراتية والتاكندو

ف دير بالك

Post: #102
Title: Re: احلى بنات
Author: أبو ساندرا
Date: 03-12-2008, 06:36 AM
Parent: #1

ما زلت غير قادر على إقناع التومات بإنزال صورهن
وماعارف مشكلتهن شنو فهن رائعات وجميلات وفارهات ومشاغبات

إمكن لدواعي التأمين !

Post: #103
Title: Re: احلى بنات
Author: عثمان دغيس
Date: 03-12-2008, 06:57 AM
Parent: #1

أبو ساندرا

غايتو حريف حرفنة !!!!

يعني خليك من أي شيئ تاني ..

بس إختيار العناوين سااااكت عجيب !!
أحلى بنات وأجمل هوى ..

ترم ترم رم ....!

Post: #104
Title: Re: احلى بنات
Author: ودالعباسية
Date: 03-12-2008, 11:49 PM
Parent: #103

مشاركة بسيطة ،،

Post: #105
Title: Re: احلى بنات
Author: أبو ساندرا
Date: 03-13-2008, 06:35 AM
Parent: #1

ياسلام عليك يا ود العباسية
تقول حاجة بسيطة
وأنت جبت التومات بجلالة قدرهن
ومعاهن الفنانين الأماجد

المشاركة الضخمة أعلاه للعزيز ودالعباسية حوت ثلاث صور
هي على الترتيب :
الصورة الأولى :تضم ماهيتاب وسولارا { واحدة متمحنة والتانية متجهمة }
الصورة الثانية : ضمت الفنانين ، البلبلة هادية طلسم والموصلي وعمر الشاعر
وساندرا وماهيتاب وسارا
هادية طلسم في الوسط وعلى يمينها عمر الشاعر رافع فاتحة
وعلى يسارها الموصلي ، ماهيتاب ثم ساندرا في جانب الموصلي
وسارا جاورت عمر الشاعر منفردة
الصورة الثالثة : ابوساندرا يكاوش سارا بركات

و سارا بركات هذه تدرس في جامعة الخرطوم كلية الآداب وح تكمل السنة الخامسة
وتتخرج السنة الجاية بمرتبة الشرف ، على حسب تخطيطها
وتومتها سولارا تدرس إقتصاد { بنوك وتأمين } في جامعة أم درمان الأهلية
وماعارفينها ح تتخرج متى ، وغالبآ ح تتخرج مناضلة

وزي ما قال ليكم صديقنا حسن طهقولوا ما شاء الله تبارك الله

Post: #107
Title: Re: احلى بنات
Author: ناجية مصطفى
Date: 03-16-2008, 11:16 AM
Parent: #105

العزيز أبوساندرا
مشاء الله وتبارك الله عينى باردة على بنات أختى وحبيتى رشيدة ولو ماهى ما كانت ماهى وأخواتها

Post: #106
Title: Re: احلى بنات
Author: عبد المنعم سليمان
Date: 03-16-2008, 11:13 AM
Parent: #1

والله مفروض الواحد يتقدم لمهيتاب ذااااتو

Post: #108
Title: Re: احلى بنات
Author: فيصل محمد خليل
Date: 03-17-2008, 09:58 AM
Parent: #106

فاطمة فيصل محمد خليل

Post: #109
Title: Re: احلى بنات
Author: فيصل محمد خليل
Date: 03-17-2008, 11:36 AM
Parent: #108

سلمى فيصل محمد خليل

Post: #110
Title: Re: احلى بنات
Author: أبو ساندرا
Date: 03-17-2008, 11:39 AM
Parent: #1

مرحبآ بالزميلات الوسيمات
فاطمة وسلمى
فيصل محمد خليل

نحو أسلمة المجر

Post: #111
Title: Re: احلى بنات
Author: Alsa7afa_30
Date: 03-19-2008, 09:23 PM
Parent: #1

Post: #113
Title: Re: احلى بنات
Author: Amira Osman
Date: 03-26-2008, 00:26 AM
Parent: #1

ابو ساندرا،

عيونا بارده
ويا سلام علي جمال الخلقه والاخلاق
تحياتنا لرشيده والبنات

كلام زياده:
باقي لي التغيرات البركاتيه غير جوهريه ولا زلت ود الديم القديم
وازدادت رشيده القا وبهاء

Post: #114
Title: Re: احلى بنات
Author: AMNA MUKHTAR
Date: 03-26-2008, 00:50 AM
Parent: #1

الغريبة يا أبو البنات ..أنا عملت مداخلة قبل كم يوم فى البوست ده ما عارفة راحت وين؟!!

قلت ليك فيها:
لو دى رشود وديل البنوت..
طيب انت جايب الشنا دى من وين؟!

Post: #115
Title: Re: احلى بنات
Author: أبو ساندرا
Date: 03-26-2008, 07:31 AM
Parent: #1

Quote: باقي لي التغيرات البركاتيه غير جوهريه ولا زلت ود الديم القديم
وازدادت رشيده القا وبهاء

أهلآ بالعزيزة اميرة عوض عثمان
بس يا اميرة صفة { القديم } دي راجعة للديم أم للمدعو أبو ساندرا ؟
نعم لازلنا ، فالتغيرات طفيفة وتمت معالجتها اما الروح فهي ذاتها تلك الروح
المشاغبة والمحتفية بالجمال
وطبعآ رشيدة ح تقرأ { كسير التلج } بتاعك وح تفرح
ومؤكد ح تتطاول علينا بعنقها

شكرآ يا اميرة ، وسلميلي على العيال وأبوهم الحميم

Post: #116
Title: Re: احلى بنات
Author: aml gadora
Date: 03-27-2008, 11:35 AM
Parent: #115

تقرير عاجل

ابوساندرا بعد بوست
احلى بنات

قرار رقم 1:

============================================================================================

Quote: واحلى ما في هذا البوست هو ضرب مجاهل التخلف ...
ويصرح عاليا البنت ليست عورة .....
فأي سوداني يتحدث بهذا الفخر عن بناته ويعرض صورهن غير مبالي
ويتحدث بقلبه
لا بعقله والمحاذير التي تحيط به كالمعصم

Post: #117
Title: Re: احلى بنات
Author: حسن سنوسى
Date: 03-27-2008, 02:04 PM
Parent: #116

يمين انجاز بكرى دا (سودانيز اونلاين)الحكومات المرت على السودان منذ الاستقلال ما عملتو..
يعنى ما ممكن تكون يا ابو ساندرا انت راجل رشيدة؟؟؟ وابو البنات الحلوات ديل.. يا سبحان الله
انا ما خليت بوست لابوساندرا الا اطلعت عليه منذ انشاء هذا الموقع.. ورشيدة شغالة معاى فى وزارة المالية فى مكتب واحد كم سنه والبنات ديل بجونا هناك.. وما عارف انو ديل بناتك..
لكن البنات ما عندك
ورشيده ما رشييييدة..
عرف عنها فى المكتب اخلاقها العالية وبالها الواسع وتعاونها مع زملائها.. اهم من ذلك ما كان عندها عدو.. وكانت محبوبة جداً..
عموماً دى شهادة هى ما ناقاصاها.. لكنها كلمة حق..
يبقى الاكتشاف الرهيب انها زوجتك.. وام احلى بنات..
ربنا يحفظهم ليكم..

Post: #118
Title: Re: احلى بنات
Author: أبو ساندرا
Date: 03-27-2008, 06:59 PM
Parent: #1

كتبت مس كابيتل ليترز
Quote: الغريبة يا أبو البنات ..أنا عملت مداخلة قبل كم يوم فى البوست ده ما عارفة راحت وين؟!!

قلت ليك فيها:
لو دى رشود وديل البنوت..
طيب انت جايب الشنا دى من وين؟!

انا ماعارفة راحت فين يا آمنة
لكن انت كيف لمن كتبتيها
أوع تكوني شربتي الرووب تاني

تاني أكتبي بالصباح بس

Post: #120
Title: Re: احلى بنات
Author: AMNA MUKHTAR
Date: 03-28-2008, 11:43 PM
Parent: #1

Quote: أوع تكوني شربتي الرووب تاني

تاني أكتبي بالصباح بس

هوووووووى يأ أبو ساندرا..
هظار زى ده بجيب الهوا..

انت عارف ناس المنبر ديل بصدقوا.

Post: #121
Title: Re: احلى بنات
Author: أبو ساندرا
Date: 03-29-2008, 08:57 AM
Parent: #1

Quote: انت عارف ناس المنبر ديل بصدقوا.

كلامك صاح
وفي ناس في المنبر مش بس بيصدقوا
وكمان بيألفوا ويختلقوا

البيصدقوا كلامي الفوق ده
بيكونو دافسين وما بيعرفوك
مابيعرفوا وعيك وإنضباطك وحرصك على سمعتك

نأسف يا زعيمة

ثم نحن قلنا روب
أي إنك الروب ما بتقدري عليه

لمن البلاوي التانية

Post: #122
Title: Re: احلى بنات
Author: aml gadora
Date: 03-29-2008, 09:49 AM
Parent: #121

بوست ابوساندرا

احلى بنات

اضافة جديدة لسودان جديد ..............خالي من العقد
بدلا من الصراخ والهتاف الزائف بحقوق المراءة بيقول لينا بالصوت العالي ........
هنا في عالمي
عالم ابوساندرا .نالت المراءة حقوقها كاملة
فبالبنت عنده ليست مدعاة للخجل .......او الاخفاء

بل يفخر بها .............وحق له

تحية تقدير واجلال لابوساندرا وكل من حذا حذوه

ولا للمنادين بقهر المراءة ............وتكبيلها بقيود ابتكروها فقط لتناسب هواهم

تحـــــــــــــــيـاتي

Post: #123
Title: Re: احلى بنات
Author: محمد خليل ساني
Date: 03-30-2008, 12:40 PM
Parent: #122

الغالى أبو ساندرا ،،، أبو البنات

روعه ما بعدها روعه ،،، ربنا يحفظهم ليك ،،، ويحفظلك بناتك ،،، وأمهم كمان ،،، ما هى السبب فى كل هذا الجمال ،،، يوم الجمعه كنت حاضراً لرحلة البورداب الرائعه ،،،
لفتت إنتباهي زهره فاردة الجمال ،،، أخذت من الحياء مكاناٍ ومن العفة جانبا غير محدود ،،،
طوقتها الرائعه رشيده ،،، بجانب خفىّ ،،، سألت نفسي وقتها من تكون ،،،
هممت بسؤال أحدهم لكني عدلت عن الفكرة فى اللحظة الآخيرة وتركتها للأيام ،،،
وعندما هممت بالمغادره أخذت فى طريقك كل الجمال ،،، ولعلي عرفت وقتها من تكون فقط كان ينقصني من ُتكنى ،،،
طالعت بوست (رحله ما منظور مثيلا) وقرأت مداخلتك الرائعه عن الباسطة التى لولا مهيتاب وأمها لكنت قمت بالواجب بالكامل ،،،
عرفت لحظتها من ُتكني ،،، اليوم واليوم فقط وأنا أتجول بين جنبات منبر الإنسانيه ،،، لمحت عنوانا جميلا يحمل ،،، أحلى بنات ،،، الحاسة الصحفية وحدها هى التى دفعتي للدخول ورؤية كل الجمال وهو يتهادى بين جنبات الحروف ،،،
لك التحيه أبو ساندرا ،،، لك التحيه أم ساندرا ،،، لكم كل التجلة أيها العائلة الحُلم ،،،
أتمنى أن نلتقي فى لحظات الخير والمحبة ،،، مع محبتي .

Post: #124
Title: Re: احلى بنات
Author: almogira alemam
Date: 04-17-2008, 10:26 AM
Parent: #1

يا ابو البنات السمحات ديل ما هماك لانو بقولو فى الامثال السودانية (انا البصل وجبت العسل)

لاكن ما للدرجة دى يا ابو مهيتاب بتك دى ماشاء الله حلوه حلة شديدة متخاف عينى باااااااااردة المهم انا عمرى 22سنة فى طريقة تدينى مهيتاب دى انا شاكى انو البت دى هندية عديييييييييييل كده ماشاء الله عينى باااااااااااااااااااااااااااااارده

Post: #125
Title: Re: احلى بنات
Author: أبو ساندرا
Date: 04-17-2008, 01:41 PM
Parent: #1

انا شاكى انو البت دى هندية عديييييييييييل
-----------------------------------------------

انا ذاتي شاكي
ومرات بسأل أمها عن خلفيات الموضوع

Post: #126
Title: Re: احلى بنات
Author: almogira alemam
Date: 04-23-2008, 02:49 PM
Parent: #1

سمعت اليوم انك زعلان يا ابوالبنات من المدير انشاء الله خير روق المنقه يا الحبيب

Post: #127
Title: Re: احلى بنات
Author: أبو ساندرا
Date: 06-06-2008, 06:34 PM
Parent: #1

في حالة شوق كده

Post: #128
Title: Re: احلى بنات
Author: أبو ساندرا
Date: 06-06-2008, 08:21 PM
Parent: #1

شوك الشوق

Post: #130
Title: Re: احلى بنات
Author: عثمان دغيس
Date: 06-06-2008, 08:33 PM
Parent: #128

أبو ساندرا ..

عاد نبقى في جنس الجرس دي ...؟!!
خليك صنديد ومتماسك أمال ....!

Post: #129
Title: Re: احلى بنات
Author: أبو ساندرا
Date: 06-06-2008, 08:31 PM
Parent: #1

والرمال الناعسة تشتاق لمشيك
والله مشتاقين
--------------------------
وحنين حنيني الطاغي ليك
في اللحظة ديك
اشتقت ليك
----------------------------
ياشوقي يا مشتاق باللاهي قوم أرحل
------------------------------

وإشتقت للبسمة البتعجب كل زول
عاجباني فيك
انا آه إشتقت ليك
-----------------------

انا والأشواق
في بعدك
بقينا اكتر من قرايب
مابنغيب عن بعض أبدآ
زي أعز إتنين حبايب
انا والأشواق

Post: #131
Title: Re: احلى بنات
Author: حنين للبلد
Date: 06-06-2008, 08:39 PM
Parent: #1

طالما علق قرار توقفي مؤقتا خلينا ندخلنسلم على البنوتات وامهن "ابوساندرا مامعاهم" ربنا يحفظ البنات ويسعدهم يارب.....

Post: #132
Title: Re: احلى بنات
Author: khaleel
Date: 06-06-2008, 09:20 PM

ابو ساندرا

لا املك غير هذا الفيديو وهو حتما يعبر عن اسرتك الجميلة

Post: #133
Title: Re: احلى بنات
Author: أبو ساندرا
Date: 06-07-2008, 09:38 AM
Parent: #1

كتب خليل:
Quote: لا املك غير هذا الفيديو وهو حتما يعبر عن اسرتك الجميلة

وملكت الكثير
وأهديتنا اياه
بس ، كيف زول بكل هذا الحس والشعور والجمال
يحب الترابي؟!

عجب.

شكرآ يا فنان يا راقي

Post: #134
Title: Re: احلى بنات
Author: بهاء بكري
Date: 06-07-2008, 10:05 AM
Parent: #1

Quote: لا املك غير هذا الفيديو وهو حتما يعبر عن اسرتك الجميلة

والله ياخليل كرهتنا اليوتيوب زاتو .... الله لاكسبك ياكيكي

Post: #135
Title: Re: احلى بنات
Author: أبو ساندرا
Date: 06-16-2008, 07:50 AM
Parent: #1

كتبت الأستاذة محاسن زين العابدين :

Quote: ساندرا
علم طموح بلا حدود واجتهاد
ماهي
كم هي قريبة لموقع القلب
تطرق بابه دون استئذان ..
حلاوة روح وطلاوة حديث وعذوبة

حقانية .... ورثت حب التفاعل مع قضايا الوطن وحمل همه ..

كم احبها هذه الصبية الجميلة
فهي بنتي التي اتخيلها والتي لم أحظى بها ..........

الصغيرات الحبيبات حبوبية امهم

شكرآ يا محاسن على كل حرف من كل كلمة في حق البنات
نعرف انه صادر من قلبك النبيل
وفي الحقيقة إحساسهن نحوك متبادل ، بيحسن نحوك إحساس
يقارب حبهن لأمهن ، وبيرن فيك أم مثالية وزولة محبوبة

وكتبت :
Quote: امهم

التي تحملت وحدها عبء تخريج هذا الجمال وهذه العذوبة
وهذا العز الذي يحيط بك ابو ساندر ا

كويس يااستاذة وكتر خيرك ، طلعتينا آوت يعني في التربية والتخريج
غايتو ما بننكر إسهامات امهن وده واجبها وبرضو بنشكرها
وبنعترف بفضلها وقيادتها للدفة
لكن برضك نحن ماكنا مهمشين
كان عندنا دور مسجل وموثق
كما كنا بندعم الأم عاطفيآ حتى تقدر على المهمة
ثم
ما من زمان الأمهات بيلعبن الدور الساس في التربية وفي النجاح وفي التخريج
بل وحتى في العرس ، نحن بيجيبونا نبصم ساااكت
والترتيبات كلها بيعملنها الأمهات

وكتبت :
Quote: في أخر مرة زرتكم لتحمد سلامتكم ... وجدتك ذاهبا لصلاة الجمعة
وهن حولك كالفراشات يابا العراقي ..... يابابا الجلابية مقلوبة

متذكرة ؟ دي ماكانت ايام الطشاش الله لا أعادها
وطوالي انا معاهن في تلك التعليقات والرعاية
ساندرا وماهيتاب وهن صغيرات ، قبل ولادة التومات
كانن بيمارسن رعاية لذيذة نحوي وبيجهزن لي غياري
مرة قالن لي ، يابابا نغير ليك فستانك؟

مالبيت كلو جكس وفساتين وجونلات

وكتبت:
Quote: تذكرت أيام طاعمة مضت ......
كان بيتنا يتحول إلى غرفة عمليات في الوقت الذي يسبق صلاة الجمعة ...
نجلس منذ الصبح لنساعد ابي وهو يملي علينا خطبة الجمعة لكتابتها ..........
نحن البنات حوله نتاكد من كافة الترتيبات المظهرية ...
نجهز له ملابسه وعطره ,....

دي بالذات ميزة ولادة البنات
حرصهن ورعايتهن وحنيتهن بالوالدين
شفت ده في شقيقاتي
وكنا نحن الأولاد غير مهتمين ، بل رعايتهن شملتنا نحن
البيوت بتنورها البنات
والبنات سكر نبات
وكتبت :
Quote: ما أسعدك ...

آي والله
وأشكر الله وأحمده على فيض نعمته علي
وبالجد يا محاسن انا كانت أمنيتي أن أنجب بنات
وأمي لما ولدنا التومات إتحسرت ، قالت ياريت لو كانن أولاد
وانا زعلت منها قلت ليها عليك الله هسع نفعناك نحن الأولاد ام بناتك نصرة وبدرية
طبعآ هي متمسكة بقناعات جواها وقالت : كل واحد ليهو حوبتو { حوبته}
انا يا محاسن الحوبة دي ذاتها ما إفتقدتها أبدآ
فالبنات ديل في لحظات ومواقف معينة بيكونن أخير من الولاد
وانا مجربهن
ده غير الحنية الفيهن وروح الدعابة واللطافة الساكناهن
وكمان واعيات ومتفتحات
إبتهل لله أن يحفظهن لنا ويسترهن ويوفقهن ويهييء ليهن أولاد الحلال البيستحقوهن

وكتبت:
Quote: كيف طاوعك قلبك على ترك هذا الألق خلفك طيلة السنوات السابقة ....

والله أبدآ ما طاوعني
وضقت الويل وانا بعيد عنهن
ومابخجل ، كم بكيت وبكيت في مناسبات عديدة
اعياد عامة وأعياد خاصة
ولما إستلم جواب منهن والرسائل والإتصالات كانت عزيزة
بحق كانت تجربة قاسية
في ليبيا كنت بشتغل في منطقة بعيدة وبعود للمدينة كل خميس
في اول المدينة كانت توجد بيوت من طابقين او تلاتة وبيوت أرضية
كان لافت نظري بيت معين
عشان كان حبل الغسيل ظاهر
وكان دائمآ معلقة فيه ملابس بنات صغيرات { يبدو ان غسيلهم كان كل خميس }
منظر هذا البيت والملابس الصغيرة المعلقة
كان بيبكيني
في كل مرة بيبكيني

وانا هنا ، بعد سنوات كنت ومازلت احلم بذلك البيت
والملابس الملونة الصغيرة المغسولةالمشرورة على حبل الغسيل

وكتبت:
Quote: واحلى ما في هذا البوست هو ضرب مجاهل التخلف ...
ويصرح عاليا البنت ليست عورة .....
فأي سوداني يتحدث بهذا الفخر عن بناته ويعرض صورهن غير مبالي
ويتحدث بقلبه
لا بعقله والمحاذير التي تحيط به كالمعصم

بدون تعليق
وأكتفي بتعليق دكتورة إشراقة مصطفى

بس يا محاسن واحدة من اسباب محبتنا وإحترامنا ليك
وعيك ونظرتك الثاقبة للأشياء

وختام كتابتها كان مسك وخالص الدعاء :
Quote: ربنا يديمهم لك ويديم عليكم نعمة الصحة والستر .........

بوجودك يا رزينة
و آآآآآآآآآآميييين

Post: #136
Title: Re: احلى بنات
Author: rosemen osman
Date: 06-16-2008, 10:40 AM
Parent: #135

السلام عليكم
من زمان رأيت البوست وأعجبتنى جدا طريقة أحتفائك بالبنوتات الحلوات وأمهن
وما دام أخدنا العضوية بقى لازم أسجل أعاجبى بطرحك الحنين والراقى
ربنا يحفظن ويوفقن ويديهن الصحة والعافية

Post: #137
Title: Re: احلى بنات
Author: أبو ساندرا
Date: 06-16-2008, 11:18 AM
Parent: #1

كتب حسن سنوسي :
Quote: يمين انجاز بكرى دا (سودانيز اونلاين)الحكومات المرت على السودان منذ الاستقلال ما عملتو..
يعنى ما ممكن تكون يا ابو ساندرا انت راجل رشيدة؟؟؟ وابو البنات الحلوات ديل.. يا سبحان الله
انا ما خليت بوست لابوساندرا الا اطلعت عليه منذ انشاء هذا الموقع..
ورشيدة شغالة معاى فى وزارة المالية فى مكتب واحد كم سنه والبنات ديل بجونا هناك..
وما عارف انو ديل بناتك..
لكن البنات ما عندك
ورشيده ما رشييييدة..
عرف عنها فى المكتب اخلاقها العالية وبالها الواسع وتعاونها مع زملائها..
اهم من ذلك ما كان عندها عدو.. وكانت محبوبة جداً..
عموماً دى شهادة هى ما ناقاصاها.. لكنها كلمة حق..
يبقى الاكتشاف الرهيب انها زوجتك.. وام احلى بنات..
ربنا يحفظهم ليكم..

إزيك يا ابوعلي
وأول حاجة نأمن { نقول آمين } على دعائك الأخير
ثم
لابد من إعتذار لتأخري في ردي هذا عليك
طبعآ تأخري على إستاذة محاسن كان مبرر
عشان هي ألجمتني بمشاعرها وكلامها الواعي

تأخرت عليك بسبب
مداخلتك أعلاه نبهتني لها رشيدة وهي تزهو
وطلبت مني الرد وان اسلم عليك نيابة عنها
وانا قلت ليها لا ، وطلبت منها أن ترد عليك بنفسها
بإعتبار ده موضوع بين زملاء
المهم ، كلما اسألها : رديتي على أبوعلي
تقول : لا
لغاية مازهجت مني وقالت إنها متقيدة بقوانين المنبر العام
وماعايزة تزعل بكري ابوبكر بإستخدام إسمي
عرفت إنها بتتزاوغ
بعد داك البوست راح مني
وإنشغلت
وفترة كده كنت حردان بسبب عمايل بكور
لغاية ما هيأ الله لي من ترفعه
فلاحت لي فرصة الرد عليك

والله رشيدة فرحت جدآ بكلامك وأثنت عليك
وقالت ليك كتر خيرك

ورشيدة التي وصفتها في المكتب
لاتختلف كثيرآ عن التي في البيت
بس تضيف الآتي :
- بتاعت نكتة وإستهبال ومقالب وبتضفي على البيت جو مرح
- كل مغربية وهي تعد الشاي المقنن حليبه تشنف آذاننا بصوت جميل
وهي تغني إما لعثمان حسين أو محمد وردي
ومؤخرآ تغني { ياحنين } لعافية حسن

انا برضو بقول ليك كتر خيرك

Post: #138
Title: Re: احلى بنات
Author: أبو ساندرا
Date: 06-17-2008, 06:55 AM
Parent: #1

كتبت المتصفحة امل قدورة:
Quote: بوست ابوساندرا

احلى بنات

اضافة جديدة لسودان جديد ..............خالي من العقد
بدلا من الصراخ والهتاف الزائف بحقوق المراءة بيقول لينا بالصوت العالي ........
هنا في عالمي
عالم ابوساندرا .نالت المراءة حقوقها كاملة
فبالبنت عنده ليست مدعاة للخجل .......او الاخفاء

بل يفخر بها .............وحق له

تحية تقدير واجلال لابوساندرا وكل من حذا حذوه

ولا للمنادين بقهر المراءة ............وتكبيلها بقيود ابتكروها فقط لتناسب هواهم
تحـــــــــــــــيـاتي

ما أروعك
وما أظلم من فصلك