Post: #1
Title: محمد عمر الفكي ...ألم يحن وقت عودته يا بكري ؟
Author: أبو ساندرا
Date: 04-02-2008, 06:34 AM
Parent: #0
يا بكري
كتبنا ليك نطالب بعودته
ووافق طلبنا رغبة عدد كبير من الزملاء
والرجل قدم إعتذار
وإلتزم امامي بطي تلك الصفحة
ونفذ ما وعد به
حينما كاتبتك أول مرة يا بكري
قلت لك إني أضمنه
وانت سكت
وفهمنا سكاتك
بأن المر قيد الإجراء
ولما مر زمن وماشفناك إستجبت
ظننا أن هناك رغبة في التجريس
وبرضو شلنا الصبر وقلنا عسى ولعل
الشاهد :
أن امد إيقاف المذكور قد طال
ولو كان الأمر فصل عديل
فإنه قرار ظالم
خاصة بعد إعتذار الرجل
ما زلت أضمنه
واطال بعودته
|
Post: #2
Title: Re: محمد عمر الفكي ...ألم يحن وقت عودته يا بكري ؟
Author: haroon diyab
Date: 04-02-2008, 07:54 PM
Parent: #1
الحبيب بكري
مساء الخير
Quote: ما زلت أضمنه
واطال بعودته |
واشهد ان الاخ محمد عمر .....
رجل شهم
واخو اخوان
والاعتذار الجميل الذي تقدم به شفيع له ....
وبعدين ضمانة شيخ البورداب كما تسميه انت .....
اكبر ضمانة....
واكان ضمانتي مقبولة عنكم ...انا كمان بضمنوا .....!
اتمني ان يصبح علينا الصباح ونلقي اخونا ود الفكي منور المنبر .....
والسماح ياسيد الحوش .....
شكرا .....
ابو ساندرا
وعل العينين امسن بخير
مودتي
هارون دياب
|
Post: #3
Title: Re: محمد عمر الفكي ...ألم يحن وقت عودته يا بكري ؟
Author: أبو ساندرا
Date: 04-03-2008, 06:22 AM
Parent: #1
كتب العزيز هارون
Quote: واكان ضمانتي مقبولة عنكم ...انا كمان بضمنوا .....!
|
ياها المحرية فيك يا واضح
وقد ياخذ بكري بضمانتك هذه
وقد لا
لكن المشكلة لاتكمن هنا
المشكلة في جمهور الساكتين
صمت المتواطيء
|
Post: #4
Title: Re: محمد عمر الفكي ...ألم يحن وقت عودته يا بكري ؟
Author: أيمن الطيب
Date: 04-03-2008, 06:41 AM
Parent: #3
يا ابوساندرا وهارون دياب,,,
محمد عمر الفكى عمل شنو!!!!!!!!
شكلو كده فى قصة وأخطاء وإعتذارات...
والله إفتقدت الراجل وقلت لعلها مشاغل الدنيا,,,
قاتل الله الغياب,,,,الواحد فى المنبر دا كان دقس ليهو
إسبوع,,,,,,,خمسة شهور ما بلحقوك تانى,,,,,
البطحانى عمل شنو هو باقى زول بيبسى بس..
تفتح براحة وتستمتع,,,تخجه حبه يفور فيك ويرشك رش الشركة,,
لكن برضه طيب وقلبو أبيض واخو أخوان
بس حامى الوطيس حبة
ما عندو ثيرموستات وبسخن سريع جدا,,,,بس غير كدا ما يبقى بطحانى
يا بكرى....فك الحظر ..
| Quote: واكان ضمانتي مقبولة عنكم ...انا كمان بضمنوا .....! |
ونضمنو كمان بضمان محل إقامته..
ياخ دا إسترحام عديل كدا.... جيبو الزول ده من الكنب...
لا للفصل
|
Post: #5
Title: Re: محمد عمر الفكي ...ألم يحن وقت عودته يا بكري ؟
Author: على محمد على بشير
Date: 04-03-2008, 06:53 AM
Parent: #4
وعشان عيون ابوساندرا ( رغم انهن ماقاعدات يشوفن سمح الايام دى )
وعشان خاطر الرجل الجميل عمر
والشباب الحلوين الفوق ديل
اثمن هذه المبادره
واضم صوتى لهم واناشد بكرى بارجاع عمر
ويجعله عامر انشاء الله
|
Post: #6
Title: Re: محمد عمر الفكي ...ألم يحن وقت عودته يا بكري ؟
Author: Ahmed Yousif Abu Harira
Date: 04-03-2008, 07:11 AM
Parent: #5
نزعم اننا اصحاب حظوة لا يرد لهاعند صاحب هذه الدار
طلب أو أمنية
ونعلن حاجتنا لوجود قلم محمد عمر بيننا
ونتعشم من بكري سرعة ارجاعه.
شكرا يا ابا ساندرا
اصالة عن نفسي ونيابة عن ود الفكي
|
Post: #11
Title: Re: محمد عمر الفكي ...ألم يحن وقت عودته يا بكري ؟
Author: أبو ساندرا
Date: 04-03-2008, 08:51 AM
Parent: #5
كتب علي محمد علي بشير :
| Quote: وعشان عيون ابوساندرا ( رغم انهن ماقاعدات يشوفن سمح الايام دى ) |
صاح ، الشوف صار طشاش
لدرجة يوم الجمعة الفات كان عندنا رحلة
والرحلة كانت كاربة جدآ والغناء تمام
فإنجذبت بعض الناموسات الشاميات لرحلتنا
أخليت مقعدي لإحداهن
وجلست بعيد بعض الشيء
رأيتها قد عدلت جلستها
ووضعت الساق في الساق
يعني عملت صلاح خلف أو خلف الله الرشيد
وبان لي شيء أسود
فكتبت في بوست صور الرحلة أن : حتى نيكسون ظهر
كتبت وانا اتباهى بقوة نظري
حتى أحبطني احدهم
قال لي : نيكسون كان القلع عبدالحفيظ
أدركت أن ماظننته نيكسون اسود
كان شيتآ كتر كان الشعراني الجيلي
على حسب زعم صديقي الشواف
شفت الطشاش ده كعب كيف ؟
فتاني ما تشاغلني
|
Post: #9
Title: Re: محمد عمر الفكي ...ألم يحن وقت عودته يا بكري ؟
Author: أبو ساندرا
Date: 04-03-2008, 08:07 AM
Parent: #4
كتب أيمن الطيب :
Quote: زول بيبسى بس..
تفتح براحة وتستمتع,,,تخجه حبه يفور فيك ويرشك رش الشركة,,
|
ياخ ده تشبيه مبالغة
غايتو بيكون فيك عرق رباطاب يا أيمن
البطحاني دخل في مشادة مع بريمة
واصلو بريمة خجاهو خج فصاحبنا فار
وصمم أن يشتكي بريمة لدى المنظمات الدولية والأجهزة الخطيرة
وده طبعآ كان حايورط بكري والمنبر
ويورطنا نحن ذاتنا
فبكري لاوز من البطحاني جدآ فقام فصله على الفور
وترك بريمة حر طليق
انا اياميها كنت غايب بسبب المرض
وقابلت البطحاني في السعودية وعرفت الموضوع
وطلبت من البطحاني ان لايصعد الموضوع
بوعد ان نشفع له عند بكري
والتزم الفكي وسكت
وصام 3 ايام عشان كان قد اقسم
وبكري خزلنا
اها شوفوه انتو
امكن يكون عندكم خاطر عندو
نحن طلعنا اي كلام
|
Post: #7
Title: Re: محمد عمر الفكي ...ألم يحن وقت عودته يا بكري ؟
Author: أبو الحسين
Date: 04-03-2008, 07:51 AM
Parent: #1
| Quote: ونعلن حاجتنا لوجود قلم محمد عمر بيننا |
نرجو أن يكون قريباً بيننا...
مع قواسيب مودتي له وللأخ أبو ساندرا ولكل نم مر هنا...
أبو الحُسين...
|
Post: #8
Title: Re: محمد عمر الفكي ...ألم يحن وقت عودته يا بكري ؟
Author: عمار عبدالله عبدالرحمن
Date: 04-03-2008, 08:01 AM
Parent: #7
| Quote: خاصة بعد إعتذار الرجل ما زلت أضمنه واطال بعودته |
يا باشمهندس
عمدتنا ابو ساندرا ضمانة ما بترد
فما تصغرنا امامه ...............
ورجع لينا البطحاني الجدع فقد اشتقنا اليه
|
Post: #10
Title: Re: محمد عمر الفكي ...ألم يحن وقت عودته يا بكري ؟
Author: أيمن الطيب
Date: 04-03-2008, 08:34 AM
Parent: #8
Quote: ياخ ده تشبيه مبالغة
غايتو بيكون فيك عرق رباطاب يا أيمن |
عرق دى ما بتكفى هنا يا ابوساندرا,,,,,مرق عديل كدا مرق,,
عرق دا بكون ترس خفيف لكن الواقع إنو مرق يشيل عمارة مش
عنقريب
شكرا للشرح الوافى ومعا من أجل عودة البطحانى,
هو يفكو من حسن نصرالله يتشربك فى بريمة
جّنو يهبش السلوك العريانة
_______________________________________________
يأأأأأأأأأأأأأأأأأأأا بكرى !!!!!
_______________________________________________
إذا كان محمد أخطأ وإعتذر ونرجو أن يكون إعتذاره كافيا للأخ بريمة,,
فما المانع من عودته مرة أخرى....الإيقاف الطويل يعلم عدم الإندفاع,,,,,
|
Post: #12
Title: Re: محمد عمر الفكي ...ألم يحن وقت عودته يا بكري ؟
Author: على محمد على بشير
Date: 04-03-2008, 09:02 AM
Parent: #10
Quote: صاح ، الشوف صار طشاش
لدرجة يوم الجمعة الفات كان عندنا رحلة
والرحلة كانت كاربة جدآ والغناء تمام
فإنجذبت بعض الناموسات الشاميات لرحلتنا
أخليت مقعدي لإحداهن
وجلست بعيد بعض الشيء
رأيتها قد عدلت جلستها
ووضعت الساق في الساق
يعني عملت صلاح خلف أو خلف الله الرشيد
وبان لي شيء أسود
فكتبت في بوست صور الرحلة أن : حتى نيكسون ظهر
كتبت وانا اتباهى بقوة نظري
حتى أحبطني احدهم
قال لي : نيكسون كان القلع عبدالحفيظ
أدركت أن ماظننته نيكسون اسود
كان شيتآ كتر كان الشعراني الجيلي
على حسب زعم صديقي الشواف
شفت الطشاش ده كعب كيف ؟
فتاني ما تشاغلني |
قرقرقرقرقرقرقرقرقرققرقر
يا زول الله يفضحك
داير تفضحنا معاك
ياخ انا داخل النت من المكتب
والناس كلها بتعاين لى وانا بضحك زى المجنون
Quote: أدركت أن ماظننته نيكسون اسود
كان شيتآ كتر كان الشعراني الجيلي
|
الله يجازيك غايتو
|
Post: #13
Title: Re: محمد عمر الفكي ...ألم يحن وقت عودته يا بكري ؟
Author: ALazhary2
Date: 04-03-2008, 10:57 AM
Parent: #1
عمار
إلا كان إشتقتا ليه براك 
أختلف مع الفكي بشدة وحسب طريقة تفكيره التي شاهدتها في المنبر من خلال كتاباته فلن أتفق معه أبداً في يوم من الأيام . وسبحان الذي خلق الأرواح جند مجندة ماتعارف منها إئتلف وما تنافر منها إختلف .
لكن رغم ذلك ..
أضم صوتي لصوت الإخوة المطالبين بعودته فهذا المنبر يسع الجميع وأملنا كبير في المهندس بكري ألا يرد شفاعة هذا الجمع الكريم من أعضاء المنبر .
تحياتي للجميع خاصة ألزول أبو عيون كحيلة أبو ساندرا صاحب البوست (كحيلة دي دلع معمشة)
العرب دائماً يحبون التفاؤل فالصحراء المهلكة يسمونها (مفازة) أملاً في الفوز والنجاة منها , والذي لدغته أفعى يسمون (السليم) تفاؤلاً بسلامته من السم
عشان كدا أبو ساندرا دا مفروض نسميه زرقاء اليمامة أو أبو عيون كحيلة تفاؤلاً بشفائه التام إن شاء الله تعالى .
|
Post: #14
Title: Re: محمد عمر الفكي ...ألم يحن وقت عودته يا بكري ؟
Author: AMNA MUKHTAR
Date: 04-03-2008, 12:08 PM
Parent: #1
Quote: المشكلة في جمهور الساكتين
صمت المتواطيء |
نطال بعودة الأخ محمد عمر الفكى فورا..
غايتو يا ابو البنات..
بعد الكلام القريتو ليك فوق داك..
ربنا ماخاطى كان خلاك طافى لمبة.
أرحمنا..
وارحم نظرك
غايتو رشود دى ماشايفة شغلها كويس..
أنا حارسل ليها مفراكة..
ولا سوط عنج من خان الخليلى.
|
Post: #15
Title: Re: محمد عمر الفكي ...ألم يحن وقت عودته يا بكري ؟
Author: أيمن الطيب
Date: 04-03-2008, 12:32 PM
Parent: #14
Quote: غايتو يا ابو البنات..
بعد الكلام القريتو ليك فوق داك..
ربنا ماخاطى كان خلاك طافى لمبة.
أرحمنا..
وارحم نظرك
غايتو رشود دى ماشايفة شغلها كويس..
أنا حارسل ليها مفراكة..
ولا سوط عنج من خان الخليلى. |
يا آمنة,,,
العمدة ده شكلو كبريانو جاهو وخاشين فيلم خريف البطريرك !!!
والله أنا خايفو يكون واحد من الشفتهم فى الصور (كانو وليدات غايتو لكن طاعمين شوية)
اها البطحانى دا البرجعو شنو تانى بعد قصتك دى
|
Post: #16
Title: Re: محمد عمر الفكي ...ألم يحن وقت عودته يا بكري ؟
Author: Deng
Date: 04-03-2008, 02:52 PM
Parent: #1
واشهد ان الاخ محمد عمر .....
رجل شهم
واخو اخوان
دينق.
|
Post: #17
Title: Re: محمد عمر الفكي ...ألم يحن وقت عودته يا بكري ؟
Author: haroon diyab
Date: 04-03-2008, 11:16 PM
Parent: #1
Quote: واشهد ان الاخ محمد عمر .....
رجل شهم
واخو اخوان
دينق. |
بدبك العافية
|
Post: #18
Title: Re: محمد عمر الفكي ...ألم يحن وقت عودته يا بكري ؟
Author: الطيب شيقوق
Date: 04-04-2008, 10:41 AM
Parent: #17
شكرا اخوتي على هذا النداء الطيب لعودة الاخ محمد عمر الفكي صاحب الحضور الدائم في هذه الساحة .
نرجوك الاخ بكري الاستجابة للطلب وكلنا ضامنين لذلك الرجل العملاق .
معزتي
|
|