Post: #1
Title: انفعـــــــــــالات .......ليها ابعاد
Author: dreams
Date: 07-16-2004, 10:27 AM
Parent: #0
انفعالات ......... ليـــها ابعـــاد
.
.
.
كان يجلس مهموما ... وكانت يده اليائسة تحاول إسناد رأسه المثقلة بكثير من الأشياء ... وفى حركة مفاجئة انزلقت تلك اليد كأنها لم تقو على الاحتمال فخارت قواها بعد أن أنهكها بثقله .. أحس بشيء بارد يمس أطرافه تحسسه فإذا هو بالغ النعومة لدرجة أثارت فضوله فجعلته يتخلى عن تأمله ويلتفت ..... ليجدها!!!!.
أحس كأنه وجد خلاصه ... حدق فيها مليئا ... استغرق زمنا ليس بالقصير جعله يطبعها في ذاكرته تماما .. وبكل الحرص واللطف حملها بين يديه ووضعها أمامه ... ثم أشعل نيرانه. في البدء كان رقيقا وبطيئا في محاولة لجعلها اكثر لينا بين يديه .. استغرق في ذلك بضع لحظات .. ثم علت وجهه ابتسامة دلت على أنها أضحت له كما يريد .. بدا في تأملها لفترة طويلة وهو يسال نفسه .. ثم ماذا بعد؟
واخيرا قرر ان يترك إجابة هذا السؤال ليديه لتفعلا وتصلا إلى ما تريدان ..
مرة اخرى جعل يديه تلتفان حولها وبدت رقته التى بدا بها تقل تدريجيا لتحمل طابعا سريعا ينم عن اللهفة التى تعتمل فى دواخله للوصول الى غايته الاخيرة .. ازدادت سرعته ..اكثر ... ثم اكثر .. بدا يحس الحرارة فى يديه وازدادت لدرجة جعلت اطرافه تحمر وجبينه يندى عرقا ... سقطت احدى حبيبات عرقه الباردة عليها فاصدرت صوتا كانه الشواء.
احس بالارتياح يزحف الى اعماقه وهو يمتع ناظريه بملامحها التى اوشكت على ملء عينيه ... بدا يوقف حركة يديه شيئا فشيئا ... خفف من النيران .. ولما وصل حد الرضا التام اطفاها تماما .. ثم حملها بكل اللطف والحرص اللذين بدا بهما ونهض من مكانه .. وفى اولى خطواته تفاجات قدمه بشئ على الارض اعثرها ... فقد توازنه لتسقط هى امامه ويسقط هو ناظرا اليها فى فجيعة ام فقدت رضيعها الذي طالما تمنته ...!
كان فنانا ..
وكانت قطعة صلصال .. صارت تحفة .. ثم بقايا متكسرة ..
أيضا ...
كان هاربا ..
وكانت حلما ..
ومـــا أقسى ان ينكســـر فينا الحلــــم...!!
|
Post: #2
Title: Re: انفعـــــــــــالات .......ليها ابعاد
Author: ShiningStar
Date: 07-16-2004, 11:06 AM
Parent: #1
جميله .... شكرا دريم..
انكسار الحلم أو تأبين اللحظة،
فيها حتى الكلمات تبدو مشمعة بحروف سود باردة لتؤكد لنا ولادة أدب المأساة في متاهات ما يسمى بالمنفى أو دوائر التيه القذرة التي رسمت وفق مخيلة تجار الحروب ودعاة الإنسانية الكاذبة، هكذا إذاً نمر في دروب الوجع ونحن مثخنين بطعناته لنتابع حركة الذات التي تعرف أنها ستنتهي وراء خطوط التماس التي رسمتها أياد مضمخة بنجيع الحلم المقتول.
~~ خاطره ~~
|
Post: #9
Title: Re: انفعـــــــــــالات .......ليها ابعاد
Author: dreams
Date: 07-24-2004, 10:47 AM
Parent: #2
ShiningStar
لن يقتل فينا الحلم
وكونى ...النجمة فى صمت الليلة
تسلمى
|
Post: #3
Title: Re: انفعـــــــــــالات .......ليها ابعاد
Author: tiger18
Date: 07-16-2004, 01:05 PM
Parent: #1
Quote: كان هاربا ..
وكانت حلما ..
ومـــا أقسى ان ينكســـر فينا الحلــــم...!! |
حقيقي فنانة فعلا يا احلام
لقد استطعت فعلا ان توسعي شاردة التفكير بنا...
تسلمي ياغالية
|
Post: #10
Title: Re: انفعـــــــــــالات .......ليها ابعاد
Author: dreams
Date: 07-24-2004, 10:53 AM
Parent: #3
بل صادف بعض الحلم خيال طيف فيك ...فتمددت مساحات تفكيرك
تشكراتى تايقر
تسلم
|
Post: #4
Title: Re: انفعـــــــــــالات .......ليها ابعاد
Author: قرشـــو
Date: 07-16-2004, 11:35 PM
Parent: #1
أحلامنا الجميلة
اليوم البورد يتألق ويزدان بكن وبروائعكم
اليوم يعود الزهو للبورد ويفارق صورته الكالحة
اليوم نستمتع منذ الصباح بالاشراقات والبوستات المذهلة
حقا خيال فنان مبدع وأديب متمكن من أدواته
بس
الله يحرق شيطاننا
سرحنا بعيد شوية
لك تحياتى
|
Post: #11
Title: Re: انفعـــــــــــالات .......ليها ابعاد
Author: dreams
Date: 07-24-2004, 10:58 AM
Parent: #4
قرشوووووووو العزيز
وما احلاه رحيق مرورك
كلما مر اسمك من هنا تالقت الحروف وارتدت ابهى الحلل
.... جبتو من وين شيطانك ده 
تسلم
|
Post: #5
Title: Re: انفعـــــــــــالات .......ليها ابعاد
Author: Abdalla Gaafar
Date: 07-17-2004, 10:15 PM
Parent: #1
العزيزة
دريمز
حديث الدهشة والحرف الندي
لك الود
قيل ان اجمل الاحلام هي التي لا تتحقق وتبقي احلاما حتي نقطة النهاية..استمتعت طويلا بالتحفة الحلم ومابين بدايتها ومفاجأة النهاية حرف انيق ولغة جميلة..لحظة نتنفس فيها هواءً نقيا كما يقول شرنوبي..شكرا لك ولك الود اقصاه
عبد الله جعفر
|
Post: #6
Title: Re: انفعـــــــــــالات .......ليها ابعاد
Author: dreams
Date: 07-19-2004, 01:33 AM
Parent: #5
.
.
.
حتماً ساعود
|
Post: #7
Title: Re: انفعـــــــــــالات .......ليها ابعاد
Author: HAMZA SULIMAN
Date: 07-19-2004, 04:10 AM
Parent: #6
يا دريمز
كما يحلو لى انا اقول دائما
كتب عنك هنا فى البورد وتشوقنا لرؤياك من خلال الكتابة
لكن
اتخيل بانهم نظروااليك ببصر محدود وبكتابة تعبيرها عاجزة
عذرا لهم لكنى اقصد بانك كنتى اكبر مما كتب عنك
لما تتداعبنى قصيدة لتلحينها اخذها هنا وهناك يتملكنى خيالها
وعمقها تاثرنى اود ان اقرئها كلما تاهت منى كلمة
انت والقصيدة شى واحد
دمتى يا دريمز
|
Post: #14
Title: Re: انفعـــــــــــالات .......ليها ابعاد
Author: dreams
Date: 07-24-2004, 11:12 AM
Parent: #7
حمزة
ومن اين لنا المفر من هكذا خيال فنان
بل هو الجمال يزاحم الروح فيك فيمتلئ بك ويفيض ..لحنا وكلمة
تسلم
|
Post: #13
Title: Re: انفعـــــــــــالات .......ليها ابعاد
Author: dreams
Date: 07-24-2004, 11:07 AM
Parent: #5
يا شفيف
| Quote: قيل ان اجمل الاحلام هي التي لا تتحقق وتبقي احلاما حتي نقطة النهاية |
وفى هذا يكمن سر الابيض الذى يتراءى كلما شع حلم فى الدواخل
تسلم شديد
|
Post: #8
Title: Re: انفعـــــــــــالات .......ليها ابعاد
Author: ودقاسم
Date: 07-19-2004, 04:32 AM
Parent: #1
دريمز
بطلي الكسل والشّح ، أكتبي لنا كثيرا ، حتى لا ينكسر فينا الحلم
شكرا لك
|
Post: #15
Title: Re: انفعـــــــــــالات .......ليها ابعاد
Author: dreams
Date: 07-24-2004, 11:14 AM
Parent: #8
ود قاسم
ولمن ينكسر فيكم الحلم يفضل لنا شنو تانى
اكيد ما ببخل عليكم ولا بقدر
بس الزحمة حاصلة
تسلم
|
Post: #12
Title: Re: انفعـــــــــــالات .......ليها ابعاد
Author: صديق الموج
Date: 07-24-2004, 11:02 AM
Parent: #1
Quote: وكانت قطعة صلصال .. صارت تحفة .. ثم بقايا متكسرة ..
وهل نحن غير يا صلصال يا شفيفة؟؟؟؟؟؟؟؟؟؟؟؟؟؟
زيدينا حرفا زيدينا..تسلمى،،
|
Post: #16
Title: Re: انفعـــــــــــالات .......ليها ابعاد
Author: dreams
Date: 07-24-2004, 11:19 AM
Parent: #12
صديق الموج
تعرف
بختك بصداقة الموج وموسيقى الهدير فيه
تسلم
|
Post: #17
Title: Re: انفعـــــــــــالات .......ليها ابعاد
Author: صديق الموج
Date: 07-24-2004, 11:27 AM
Parent: #1
تصدقى يا دريمز...لاادرى من حسن الحظ او من سوءالحظ ان اسمى
الحقيقى... صديق الحاج الطيب الموج
|
Post: #18
Title: Re: انفعـــــــــــالات .......ليها ابعاد
Author: أبو ساندرا
Date: 08-04-2004, 02:33 AM
Parent: #1
خليك متشعلق هنا لغاية ما أرجع ليك، فاهم ؟
|
Post: #19
Title: Re: انفعـــــــــــالات .......ليها ابعاد
Author: لؤى
Date: 08-04-2004, 02:40 AM
Parent: #1
دريمز
شكراً لهذا الحقل .
|
Post: #20
Title: Re: انفعـــــــــــالات .......ليها ابعاد
Author: dreams
Date: 08-04-2004, 10:29 PM
Parent: #19
صديق الموج
حسن حظك طبعا
وانا غايتو برضو ساظل على انطباعى انه الموج صديقك
ابوساندرا
ما قلنا ليك ما تنهر ياخ
لؤى
شكرا حاااااف كده
ما تغمسها لينا بشوية طرب
رايك شنو اديك شوية همبريب من صباح الخرطوم
وتدينى فيروز (وجهك بذكر بالخريف)
تسلمو كلكم
|
Post: #21
Title: Re: انفعـــــــــــالات .......ليها ابعاد
Author: لؤى
Date: 08-04-2004, 11:03 PM
Parent: #20
ياالله يادريمز
الهمبريب من صباح الخرطوم ده أروع شئ ممكن أتمناه فى الوقت ده . خالص التقدير ياعزيزتى وعُذراً لمرورى السابق السريع ، وإليكِ فيروز ووجهه الذى يذكرها بالخريف وصوتها الذى يحملنى للجنّة .
لكِ وُدّى و
|
Post: #24
Title: Re: انفعـــــــــــالات .......ليها ابعاد
Author: dreams
Date: 08-06-2004, 01:44 PM
Parent: #21
لؤى
ياسلام عليك يا فنان
القصة مش طقس
بس قول جواك انا هسه ماشى الخرطوم للهمبريب بتلقى روحك هناك
وامسك فى فيروزنا دى قوى .... بشم فى صوتها ريحة البحر دايما ليه ما بعرف
تسلم شديد
|
Post: #22
Title: Re: انفعـــــــــــالات .......ليها ابعاد
Author: الجندرية
Date: 08-04-2004, 11:41 PM
Parent: #1
تعرفي يا احلام
لما اقراك انت واصاحبك / تك
بحس انه سودان الأحلام
مد البصر واليد
بحبك وبس
|
Post: #25
Title: Re: انفعـــــــــــالات .......ليها ابعاد
Author: dreams
Date: 08-06-2004, 01:46 PM
Parent: #22
الجندرية
ما بعرف ليش عم بحكى ولا كيف
العجب انا
تسلمى
|
Post: #23
Title: Re: انفعـــــــــــالات .......ليها ابعاد
Author: Elmosley
Date: 08-04-2004, 11:55 PM
Parent: #1
ياسلام يابت عمي
ماجمل تلك العلاقه
ليته تحقق الحلم
|
Post: #26
Title: Re: انفعـــــــــــالات .......ليها ابعاد
Author: dreams
Date: 08-06-2004, 01:49 PM
Parent: #23
ود عمى
وليت كل الاحلام صلصال بين اليدين
تسلمممم
|
Post: #27
Title: Re: انفعـــــــــــالات .......ليها ابعاد
Author: أبو ساندرا
Date: 08-06-2004, 02:39 PM
Parent: #1
أها لو ما عملنا ليهو { نهرو } كان جاك كل ذلك الحب والأحلام ؟
|
Post: #28
Title: Re: انفعـــــــــــالات .......ليها ابعاد
Author: dreams
Date: 08-06-2004, 10:29 PM
Parent: #27
شئ فى قلبى كالأكلان
كدبيب باعوض داخل طبلة أُذن
كالرغبة فى تحكيك قفا او ذقن
يتحرك ذاك الشئ على الاغوار
بخطى التنميل ، خطى الإرهاص ، خطى الاحزان
فى بدء الامر شعرت به فى الصبح
فى صبح الجمعة بالتحديد
ساعتها كنت بلا شغلٍ ، وبغير رفيق
فشعرت به فى القلب يدب
كنقاط الزير وفى بطء ينصب
يتدحرج أملس ، أملس فوق القلب
ويطير مساء الجمعة أبخرة لا لون لها
لا اعقلها -
إلا حين يعود الشئ يدب
ويظلٌّ الشئ يجئ لدى الميعاد
ويطيل الزورة ، يشنقنى ،
ينشكُّ على روحى أوتاد
وأخيراً لازمنى ، لا يبرحنى الا ساعات الميلاد
ياهذا الشئ العالق فوق الروح وفوق النبض
لم ينفع فيك الأوقيانوس وكل كحول الأرض
ووضعتك فوق الجمر فلم يصهرك الجمر
ودعكتك بالاحجار تثلّمت الأحجار
ياهذا الشئ بلا اسمٍ وبغير قرار
أنا اعلم انك تتلفنى يا هذا الشئ
وستقتلنى حتماً حتماً يا هذا الشئ
لكن بالله عليك
وحق الخير ، وحب الله ، وعزّات الانسان:
لا تعجلنى
دعنى أحيا ، دعنى اصطاد هياكل اسماك ودخان
ولصيقاً بالاحساس ستحيا انت
إن تقتلنى فالخاسر انت
الخاسر انت
محمد المكى ابراهيم
|
Post: #30
Title: Re: انفعـــــــــــالات .......ليها ابعاد
Author: dreams
Date: 08-07-2004, 01:12 PM
Parent: #27
ااى كان جاك
|
Post: #29
Title: Re: انفعـــــــــــالات .......ليها ابعاد
Author: لؤى
Date: 08-07-2004, 03:54 AM
Parent: #1
Quote: القصة مش طقس
بس قول جواك انا هسه ماشى الخرطوم للهمبريب بتلقى روحك هنا
|
طيب اها : انا هسه ماشى الخرطوم للهمبريب .
Quote: وامسك فى فيروزنا دى قوى
|
ماسك فيها قوى خلاص يادريمز ، تعرفى انها الفنانة المفضلة لفنّانى المفضّل !
خالص الوُد
|
Post: #31
Title: Re: انفعـــــــــــالات .......ليها ابعاد
Author: dreams
Date: 08-07-2004, 01:19 PM
Parent: #29
لؤى
ما عندك والله
فنانك فنان جد
تسلم
|
Post: #32
Title: Re: انفعـــــــــــالات .......ليها ابعاد
Author: Elkhawad
Date: 08-07-2004, 02:37 PM
Parent: #31
احلام ..
لما تحلم انو عضاك كلب
وصحيت ليقت يدي في خشم كلب
(دمية)
ده يكون شنو ؟؟
فسري لي الانفعالات دي ؟؟
|
Post: #33
Title: Re: انفعـــــــــــالات .......ليها ابعاد
Author: dreams
Date: 08-08-2004, 04:02 AM
Parent: #32
| Quote: فسري لي الانفعالات دي ؟؟ |
انت بس نوم فى بيتكم وما بتجيك عوجة
|
Post: #34
Title: Re: انفعـــــــــــالات .......ليها ابعاد
Author: omer ibrahim
Date: 08-08-2004, 06:59 AM
Parent: #33
احلام
اصبري لي ... اجيب نفسي واجيلك صاد
عمر
|
Post: #35
Title: Re: انفعـــــــــــالات .......ليها ابعاد
Author: DEEK_ALJIN
Date: 08-10-2004, 03:08 PM
Parent: #34
اتسكعى فينا ... ذوبينا من اقصانا الى اقصانا دهشه
فصلى من الفرح القديم ثوبا والبسينا
ذكرينا المنبر القديم المنبر الحميم
استنهضى الناس النيام .. نهى الندى ..وخواض ..
غدى .. وود عزه ..بامسيكا .. وحبيب الكل
سوميتا .. ورمانه .. ورومانسى ( ليس اساسى )
وجن .. ونور .. وكل الحلوين حتى فى اختلافهم
احييك .. برغم كل هذا الطنين
أماذلت قادره على الصهيل ؟
ديكو
|
Post: #38
Title: Re: انفعـــــــــــالات .......ليها ابعاد
Author: dreams
Date: 08-29-2004, 12:47 PM
Parent: #35
| Quote: استنهضى الناس النيام |
يلا طيب قوم
تسلم
|
Post: #39
Title: Re: انفعـــــــــــالات .......ليها ابعاد
Author: dreams
Date: 08-29-2004, 12:50 PM
Parent: #34
عمر
نفسك دى (ساكنة) وين مالها بعيدة كده
فى انتظارها متى حلت
تسلم
|
Post: #36
Title: Re: انفعـــــــــــالات .......ليها ابعاد
Author: noha_g
Date: 08-10-2004, 05:05 PM
Parent: #1
خلقتها الانفعالات بليل
و رمقتها الشمس بصباح
تخيلت أنها إنسان يمشي فوق الأرض
تنقصها الروح؟ أين إذن ذهبت روحه التي أسكنها كل ذرة بها
تنقصهاالدهشة؟ أين إذن كل الخظوات الممكونة من دهشة مشوار العمر
تنقصها حياة؟ أين إذن تثاقل وقع الأقدام على صخرة وصهيل القلق بداخل دائرة الضوء
ماذا إذن؟؟؟؟
ينقصهاطعم بهار
نعم عرفها
طعم بهار
يوقظ فيها دهشة أخرى
حياة بأمل يشعل فتيل الأيام
يرسل شارات الحنين
بهار أروع
تمزجه مع طعم الملح
فيخرج أروع من حلم
و لكن هل أروع من حلم يصيرالانفعالات حقيقة؟؟؟؟
قولي بربك
|
Post: #37
Title: Re: انفعـــــــــــالات .......ليها ابعاد
Author: dreams
Date: 08-29-2004, 12:41 PM
Parent: #36
نهى الندى
اخلعى عن رئتيك دثار التماسك ..فما عاد الحزن تعرى ..اعيدى للرئة اليمنى حب الركض فى حقول ذاتك ..ولليسرى متعة الارتخاء فى حضرة موسيقى القلب ...دق دق دق
كعادتها الكمنجات تولد رغبة الصراخ الصامت ..اذاً ..ارفعى عصا ماسيترو الروح ودعى جيتار الوريد يضج بك
تسلمى
|
Post: #40
Title: Re: انفعـــــــــــالات .......ليها ابعاد
Author: noha_g
Date: 08-30-2004, 02:46 AM
Parent: #37
أحلام
Dreams
أحتاجك
إن تجلسي لي على ضفة النيل و تغسلي عني التعب الذي يواصل فحيحه على جسدي و الذاكرة
أحتاجك
أن تحملي حفنة من الرمل على راحتك و تنثريها في صفحة النيل فتذوبهاأو ترسلها لعمق النيل
لأحس هنا بطعم انتماءاتي لليابسة
أحتاجك
أن تتمشي على ضفاف النيل و تملأي رئتي بهواء لم تلوثه لوعة الاغتراب عن النفس و لا الهروب من مساحات العاطفة
أحتاجك
أن تمسحي رذاذ الندى من على نافذتك بحنان لتخبرني قطرة الندى عن حنان لا يعرف الاختباء وراء الكلمات
أحتاجك
أحتاج نفسي
عندما نبتعد لا نعرف أنفسنا
تتغير حتى أصواتنا و انعكاساتنا في المرآة
|
Post: #41
Title: Re: انفعـــــــــــالات .......ليها ابعاد
Author: dreams
Date: 08-30-2004, 12:58 PM
Parent: #40
كانت تطوف بثوبها الابيض بين الاطفال يصحبها احدهم من ذوى الملامح المتشابهة والياقات التى فى مؤخرتها زر خانق... تملك مقدرة الوصف لحالهم بمفردات تدعو سامعها للبكاء ان لم يكن من المتخمين لامبالاة مثل هذا الذى بصحبتها
وقفت امامه وهو كعادته يتكور بسنوات عمره السبع فى ركنه نصف المظلم والذى ان صادف ان بارحه تلفت المكان باحثا عنه باحساس الفقد
(اما هذا- يا سعادتك - فأمه ماتت وهى تلده و ...) لم تكمل عبارتها فقد هب ناهضا بعنف - لاول مرة - ملقٍ على آذانهم صوت رغما عنها تفغر له الافواه وتبحلق العيون دهشة ومشاركة للاذن تعجبها
(لا ...لم تمت وهى تلدنى ..........بل ....ولدتنى وهى تموت ...كان لها خيار اخر شئ تفعله فى دنياها فاختارت ان تمنحنى الحياة )!
نهى الندى
لك اخر خياراتى
تسلمى
|
Post: #42
Title: Re: انفعـــــــــــالات .......ليها ابعاد
Author: أبو ساندرا
Date: 08-31-2004, 00:05 AM
Parent: #1
{جاك }:
- بليمندو
- روسو
-ليمون
-بلانس
|
Post: #43
Title: Re: انفعـــــــــــالات .......ليها ابعاد
Author: dreams
Date: 08-31-2004, 02:40 AM
Parent: #42
شيراك
|
Post: #44
Title: Re: انفعـــــــــــالات .......ليها ابعاد
Author: أبو ساندرا
Date: 09-01-2004, 00:08 AM
Parent: #1
دريمز:
{ شيراك} وين ، في حبل الغسيل ! { وأنت ما أن تتكي عليه حتى تتفتح المشابك زهر بنفسج } شيراك هذه كانت في راندوك الديم القديم { شرحبيل }
و
{ جاك}
- رتا {عصمة اندنوسيا}
- سون فايف
- لين كيندي
تاني بتجي الحلة دي!
|
Post: #45
Title: Re: انفعـــــــــــالات .......ليها ابعاد
Author: dreams
Date: 09-01-2004, 00:35 AM
Parent: #44
جاك .... تايتنك
| Quote: شيراك هذه كانت في راندوك الديم القديم { شرحبيل } |
طبعا دى ما بعرفها لانى ما جربت العينة دى ..لا شيراك لا شرحبيل ...عندك كلام؟
اما حبلك البقوم البنفسج ده فاظنه (ضل) فى (الواطة)....مش؟
|
Post: #46
Title: Re: انفعـــــــــــالات .......ليها ابعاد
Author: Abdalla Gaafar
Date: 09-01-2004, 10:41 AM
Parent: #1
Dreams
الود اقصاه
ومازلا البحث عنك جارياً...أين انت واين هي اللغة الحلم..
خير انشاء الله
تحياتي بنكهة الشمس الماداير تغيب هنا
عبد الله جعفر
|
Post: #47
Title: Re: انفعـــــــــــالات .......ليها ابعاد
Author: انا بنت النيل
Date: 09-02-2004, 11:19 AM
Parent: #46
الدنيا مني واحلام ..يا سلااااام
دريم والبسمة الحلوة..ابداااع
|
Post: #51
Title: Re: انفعـــــــــــالات .......ليها ابعاد
Author: dreams
Date: 09-05-2004, 09:08 AM
Parent: #47
هومة
وينك ياخ
شوق قدر الليلة وبكره ذاتو
تسلمى
|
Post: #50
Title: Re: انفعـــــــــــالات .......ليها ابعاد
Author: dreams
Date: 09-05-2004, 09:06 AM
Parent: #46
عبد الله جعفر
ولك التحايا بكل مواقيت الخرطوم
وشمسها التى اعتادت التنزه فى رؤوسنا كل ساعة بزى جديد
صباحا بثوب خريفى طازج
نهارا برداء صيفى تحسه فى ابعد زوايا العظام
عصرا بصمت مريب لا تدرى ما سياتيك بعده
الى ان تطفئ انوارها وتغلق صالتها بثوبها الاحمر وتغفو
تسلم
|
Post: #48
Title: Re: انفعـــــــــــالات .......ليها ابعاد
Author: أبو ساندرا
Date: 09-04-2004, 10:51 PM
Parent: #1
دريمز
قبل خمس دقائق كنا ،أنا وانت بس في المتواجدون الآن ، العوازل ال15 ديل جو من وين ؟!
|
Post: #52
Title: Re: انفعـــــــــــالات .......ليها ابعاد
Author: dreams
Date: 09-05-2004, 09:10 AM
Parent: #48
| Quote: العوازل ال15 ديل جو من وين ؟! |
ان الله كريم مجيب الدعاء
ناديتهم انا
|
Post: #49
Title: Re: انفعـــــــــــالات .......ليها ابعاد
Author: Ehab Eltayeb
Date: 09-04-2004, 11:27 PM
Parent: #1
DREAMS:
| Quote: ومـــا أقسى ان ينكســـر فينا الحلــــم |
لك الصلصال.. تشكلينه.. ليتشكل بدواخلنا ..مساحات من الجمال المعبق بالأريج ..والإبداع.. وبعض عذوبة الأحلام المتكسرة باعماقنا...
تحياتي,,
|
Post: #53
Title: Re: انفعـــــــــــالات .......ليها ابعاد
Author: dreams
Date: 09-05-2004, 09:14 AM
Ehab Eltayeb
| Quote: وبعض عذوبة الأحلام المتكسرة باعماقنا... |
هنيئا لك باستمرارية وجودها فى دواخلك رغم التكسر ...وبعذوبة!
تسلم
|
Post: #54
Title: Re: انفعـــــــــــالات .......ليها ابعاد
Author: Elkhawad
Date: 09-05-2004, 01:56 PM
Parent: #53
احلاااااااااااااااااااام
ما شلنا الليل وكملنا
في ضفاف عينيك النعسانه
..
غناها لنا معاويه الوكيل
كما لم ننطرب من قبل
ولاكت لساني
رددتها صديقتي الحبشـية زفانه ..
بلهجه مكسرة وهزة كتف علي طريقتهم الجميلة
اشبعتنا ضحك وابتسمات
وغيرت طعم اليوم
و غيرت الغنية ايقاع الليل
|
Post: #56
Title: Re: انفعـــــــــــالات .......ليها ابعاد
Author: dreams
Date: 09-07-2004, 01:00 PM
Parent: #54
نيزو
فرحت اعماقنا الحزناااااااااااااااااانة
صباح الخرطوم الخريفى اليوم هب على بريح المريود ...ودابوى
طاف بخيالى ....ود امى
ياخ تعالو كفاكم...خلونا نغنى.. فى البيت ..فى الشارع ..فى المسرح
تسلم دايما ...طربان سعيد وبتمرح
|
Post: #55
Title: Re: انفعـــــــــــالات .......ليها ابعاد
Author: نصار
Date: 09-05-2004, 02:08 PM
Parent: #1
الاخت دريمز
قبل قليل جزم دكتور قرنق توماس بصدق الاحلام
و هنا تبين صدق نبوءته
|
Post: #57
Title: Re: انفعـــــــــــالات .......ليها ابعاد
Author: dreams
Date: 09-07-2004, 01:03 PM
Parent: #55
قرنق توماس وما ادراك ما هو ...
هل رايت كم هو جميل هذا القرنقوش
لازال يحلم ..لازال صادقا ...محتفظا للجمال فى داخله بمركز السيادة رغم تسلط الاحزان
لك وله كل الاحترام والتقدير
تسلمو الاتنين
|
Post: #58
Title: Re: انفعـــــــــــالات .......ليها ابعاد
Author: نصار
Date: 09-07-2004, 02:09 PM
Parent: #1
و قال ما افصحها الاحلام
هذه قالها نصا و الاولي
يستشفها المستمع له
|
Post: #59
Title: Re: انفعـــــــــــالات .......ليها ابعاد
Author: dreams
Date: 09-13-2004, 01:25 PM
Parent: #58
يستحيل الزمان الى اشكال هندسية.. (تتربع) فيه الساعات جلوساً على براحات العمر ..
(تستدير )فيه الدقائق فقاعات تنتفخ وتختفي كيفما شاءت ..(تستطيل) الثواني كلما أردناها قصار ……..و…… يظل نصل الزمان (حاد) فى كل (زواياه) ..غارزاً بداياته ونهاياته فى تفاصيلنا ..حيناً يخلّف ثقب نزيف ..وحينا يسد مخارج بوح
|
Post: #60
Title: Re: انفعـــــــــــالات .......ليها ابعاد
Author: AnwarKing
Date: 09-13-2004, 04:17 PM
Parent: #59
dreams...الجميلة...
الموضوع جاب ليهو هندسة (نظم) وتطوير شايفو...
والله مشتاقين يا..........
جد جد...
أنور
|
Post: #61
Title: Re: انفعـــــــــــالات .......ليها ابعاد
Author: dreams
Date: 09-13-2004, 09:51 PM
Parent: #60
صباحك خير بتوقيت الخرطوم يا كنج
نحن برضو والله مشتاقين لكن كضب كضب ..ما يقوم يجينا حجر طاير ولا حاجة
هندسة نظم بس ..خليه ساى لمن اجيك
تسلم
|
Post: #62
Title: Re: انفعـــــــــــالات .......ليها ابعاد
Author: dreams
Date: 09-13-2004, 09:56 PM
Parent: #58
نصار
احلم بان (تحجينى) الاحلام بحكاياها وكيف تملك قدرة تظليل دواخلنا بسماء الغد الجميل رغم تكدس سحب التعب التى تأبا الهطول او التشتت برياح الصبر
تسلم
|
Post: #63
Title: Re: انفعـــــــــــالات .......ليها ابعاد
Author: محمد صالح علي
Date: 09-14-2004, 00:11 AM
Parent: #62
تشويق ... وكثافة
استطعتي ان تذهبي بنا الي أكثر من منحي
ثم انتهيتي الي مفاجأة
|
Post: #64
Title: Re: انفعـــــــــــالات .......ليها ابعاد
Author: dreams
Date: 09-14-2004, 01:36 PM
Parent: #63
محمد صالح علي
ربما اضحى انكسار الحلم طبيعة تخلو من المفاجأة فى زمن يضحك هازئاً ممن يغفو على راحتييه فى غفلة من ذهنه المشدود على وتر الانتظار لتحقيق الحلم ..صحواً.
مرحب بك
تسلم
|
Post: #65
Title: Re: انفعـــــــــــالات .......ليها ابعاد
Author: dreams
Date: 09-14-2004, 11:27 PM
Parent: #64
وللشمس فى غروبها قولان:
...انى اموت لامنحكم لوناً ذهبياً ومنظراً يجمَل اعينكم
... انى حزينة ..فافى الفراق حسرة وإن كان لمشرقٍ جديد
واجمل القولان ثالثهما:
... ولكم فى الليل - رغم حلكته- جمال بديع
لكم النجم
لكم القمر
والقمر رغم خفوته .أجمل منى!
|
Post: #66
Title: Re: انفعـــــــــــالات .......ليها ابعاد
Author: khider
Date: 09-15-2004, 01:23 AM
Parent: #65
دريمز
قولي لي .. اشكرك كيف علي الجمال ده كلو !!
غايتو مبدئيا
شوكرن ليك يا حنينه 
|
Post: #68
Title: Re: انفعـــــــــــالات .......ليها ابعاد
Author: الطيب برير يوسف
Date: 09-15-2004, 10:33 PM
Parent: #1
سلامات يا صديقتي البهية
أية علاقة بين (حلمك) في اجتهاده
وحلم غير ك في خيبته
(حلمك أنت تبني بيتاً من لَبِنٍ
وتعيش سلاماً ووئامْ
ضدّك يستأجرُ أضغاثاً
تهدم تلك الأحلامْ
نمْ... في نومك واحلمْ
ما أقسى أن تشتجرَ الأحلامْ)
أحس بأني تأخرت في الرد على هذه الـ(انفعالات)
تستحق مني من الإعجاب ما يجعلها الآن (فوووووق)
|
Post: #70
Title: Re: انفعـــــــــــالات .......ليها ابعاد
Author: dreams
Date: 09-18-2004, 09:59 PM
Parent: #68
طيبنا البرير
صباحاتك خير وورد بتوقيت الخرطوم
تشتجر الاحلام ...فتنمو وتتمدد فى ساحات العمر لكنها لا تقوى على الاستطالة لتشيّد من ذاتهاغابات تصد عن الروح رياح لا هم لها سوى الصفير يعلو مردداً ...حلم حلم حلم ...مجرد حلم!!
تشتجر الاحلام ... حلم يحمل سكين اليأس واخر درعاً من آمال وهذا يصوب نحو الفجر رصاص التذكار
و..............ما أقسى أن تشتجرَ الأحلامْ
تسلم
|
Post: #69
Title: Re: انفعـــــــــــالات .......ليها ابعاد
Author: لؤى
Date: 09-18-2004, 03:56 AM
Parent: #1
دريمز
عُذراً .. دخلت إلى هنا للتزود ببعض الطاقة .
ــــــــــــــــــــــــــــــــــــــــــــ
[email protected]
|
Post: #71
Title: Re: انفعـــــــــــالات .......ليها ابعاد
Author: dreams
Date: 09-18-2004, 10:04 PM
Parent: #69
لؤى
عذرا ...رأيتك تدخل فاشرعت المداخل وأمرت موسيقى الابتسام بعزف سلام كبير اوووووووووى
ابقى تعال على طول
تسلم
|
Post: #72
Title: Re: انفعـــــــــــالات .......ليها ابعاد
Author: لؤى
Date: 09-19-2004, 01:37 AM
Parent: #71
دريمز
فى الصفحة الأولى سبح صوت فيروز بين حروفك وكأنه يلاطفها ملاطفة السُحب لقمم الجبال .. لما لا نفتتح صفحتك الثانية بنفس الصوت ؟
لكِ وُدّى وإحترامى
ــــــــــــــــــــــــــــــــــــــــــــــ
[email protected]
|
Post: #73
Title: Re: انفعـــــــــــالات .......ليها ابعاد
Author: dreams
Date: 09-19-2004, 02:59 AM
Parent: #72
مية مية يا لؤى
بس بما انه الخريف كمل والشتاء على الابواب رايك شنو نحتفظ بى اللحن الاول وتجيب لنا لحن تانى وياحبذا لو بقى لا انت حبيبى لا ربينا سوا على شرط يكون تسجيل حفلة (فى بيت الدين) عشان انا التوزيع الموسيقى فيه كاتلنى جد جد
بالمناسبة وين لينك الحفظ ولا الا اتجندر يعنى؟
|
Post: #76
Title: Re: انفعـــــــــــالات .......ليها ابعاد
Author: لؤى
Date: 09-19-2004, 04:44 AM
Parent: #73
دريمز
حاااااااضر ..
هذه هى فيروز ، وهذه هو اللحن الذى طلبتيه ، لا انت حبيبى ولا ربينا سوا .. واعذرينى إن لم يكن التسجيل من نفس الحفل الذى عنيتيه .
لكِ خالص وُ
|
Post: #78
Title: Re: انفعـــــــــــالات .......ليها ابعاد
Author: dreams
Date: 09-19-2004, 09:22 PM
Parent: #76
ياسلام عليك يا لؤى
تعرف تسجيل الحفلة ده لانه فيه شغل جيتار كده جميل جدا
لكن المقطع الاخير ما فيه ولاول مرة اسمعه فى تسجيلك ده
برضو ..ابقى تعال على طول..وفى ايدك فيروزنا دائما
تسلم
|
Post: #74
Title: Re: انفعـــــــــــالات .......ليها ابعاد
Author: walid taha
Date: 09-19-2004, 03:53 AM
Parent: #1
احلام ؟!!! دى انتى معقول!!!!!!!!!!!!!!
والله فعلاً دى انفعالات ليها ابعاد...!
وليد (مهمن تاهن تود)
لمزيد من التفاصيل نحو بوست (أمسية مع تولوس)
خيرو...
|
Post: #75
Title: Re: انفعـــــــــــالات .......ليها ابعاد
Author: dreams
Date: 09-19-2004, 04:13 AM
Parent: #74
لا حولاااااااااااااااااااااااااااا
ياخ معقول
|
Post: #77
Title: Re: انفعـــــــــــالات .......ليها ابعاد
Author: walid taha
Date: 09-19-2004, 05:41 AM
Parent: #75
Dreams
الحى بلاقى مش؟
كُمـــــبو...
جاى
|
Post: #79
Title: Re: انفعـــــــــــالات .......ليها ابعاد
Author: dreams
Date: 09-19-2004, 09:25 PM
Parent: #77
وليد
صحى والله بلاقى
وى بونا
تسلم
|
Post: #80
Title: Re: انفعـــــــــــالات .......ليها ابعاد
Author: dreams
Date: 09-19-2004, 09:38 PM
Parent: #79
كادت أن تختنق من شدة الحر ..قد يكون ..غير أنها تحس الاختناق ..خرجت من غرفتها واتخذت مجلسها على كرسى في منتصف حديقة منزلهم..أخذت ترقب في الأفق غمامة صغيرة بدأت تتجمع..سبحت معها في مسيرتها ..وعادت بذاكرتها إلى نفسها ..تذكرت أمسها القريب..كانت تقابله كل صباح ..يبتسم لها فيسكنها الصباح إلى اليوم التالي..يتبادلان الحديث في نقاء تحسه في أعماقها .. تتحول الدماء في عروقها إلى عطر حين يجاهرها ..احبك ..ينفح العطر قلبها فيزداد نبضه ..يرسل النبض شعاعا شفيفا لمقلتيها ..فتحكيان بكل لغات العالم ..بأكثر مما احتوته قواميس الكلمات ..يقرا فيهما ما لا يترجم ..فيرددها مرة أخرى ...احبك ..كأنه يستنطق عينيها أن ..قوليها ..تدس في راحته ورقة ذات لون سماوي ..(حينما تأتى مواقيت العصافير ..يصبح التغريد هو الفعل الأوحد ..إذا فلنعاهده مبدأ لا نحيد عنه ..حبا حتى الممات ..عطاء بلا حدود..بلا شروط ..بلا قيود) يتلو حروفها ويشتاقها اكثر .
سارت بهما الأيام ..كل صباح قطرات من الحب تحفظها في قارورة في أقصى أقاصي وجدانها ..وترفض أن يطلع عليها سواها..كانت سعيدة كل السعادة .. تصلى شاكرة لربها أن أخيرا منحها قلبا تهفو إليه ويشتاق إليها ..احالت كل دوائر حياتها إلى حلقات أحلام تسبح في فلك حبها إليه ..بدا على وجهها الإشراق ولحظ من حولها ضياء جديدا يخرج من سواد مقلتيها ..في حضرته لا يحضرها الكلام ..أقصى ما يخرج من شفتيها صدقني فأنا صادقة ..تمنت لو كان هناك رمز صدق تهديه له مثلما أهدته قلبها ووردة حبها وأنغامها وحروفها.. كانت تصلى معه..سالتقيك في صلاة الفجر ..أدى الفرض ..اركع بعده ركعتين ..سأفعل مثلك ..أنا أصلى الفجر حاضرا في ميقاته..كن معي ..ولندعو الله في أن واحد ..سبحانك انك تعلم ما لا نعلم ..سبحانك انك عليم بذات الصدور ..سبحانك انك تدرى مدى الصدق في نفوسنا ..سبحانك يسر لنا سبل اللقاء ..سبحانك اجعل المسافة بيننا عدم ..سبحانك لا اله إلا أنت إني كنت من الظالمين ..يسرى في نفسها نور يضئ لها يوم غدا وبقية عمرها ...علمها الأرقام ..أصبحت تعد الليالي ليلة بعد ليلة ..وتهفو للقياه.
كعادتها جاءت باكرا والشوق يعصفها .. لم تجده ..تعلمت عد الثواني ..تعلمت عد الدقائق ..كرهت عد الساعات.....تكدس الزمن ليحمل مسمى أيام ..اثقل عليها الشوق فترنحت ..ظلل دربها القلق والتوتر فتعثرت..غام الحزن في عيونها ..فانهمرت دموعها..سقطت منها ثلاث دمعات سخان..التقطها إشعاع شمسي ..وحملهم إلى السماء ..ليرافقوا غمامة صغيرة على الأفق بدأت تتجمع ..سألت الغمامة القطرات الثلاث ..من انتم ؟ما جاء بكم إلى هنا؟ من أين أتيتم؟ ..أجابت الأولى ..أنا دمعة حب حملني نقائي إلى أطراف مقلة محبوبة قدست حبيبها فمنحته بيضاها فضاع منها البصر ..وافرزتنى..أجابت الثانية ..أنا دمعة شوق اعتصرنى قلب موله توقف نبضه اشتياقا لنبض لحبيبه فجفت فيه الدماء ..فافرزنى ..أجابت الثالثة..أنا دمعة كبرياء خرجت تبحث عن غائب تعلم مكانه ولا تدرى سر غيابه ويمنعها الكبرياء من طرق بابه..فافرزنى. قالت الغمامة ..لا احتمال لي بما تحملون ..مساحاتى تسع كل أبخرة انهار العالم ..ولكنى لا أقوى على حمل دموع الحب ..اخرجوا من مملكتي فلا مأوى لكم عندي ..هطلتهم ..تساقطوا على فتاة اتخذت مجلسها على كرسى في منتصف حديقة منزلهم ..غسلها هطل الدموع..ولبسها حزنها أمطارا وغيابا وخوفا من حذف لام والف فى ورقة ذات لون سماوي (فلنعاهده مبدأ .. .. نحيد عنه ..عطاء بـ ..حدود ..بـ ..شروط ..بـ ..قيود)
|
Post: #81
Title: Re: انفعـــــــــــالات .......ليها ابعاد
Author: walid taha
Date: 09-19-2004, 10:15 PM
Parent: #80
| Quote: أخذت ترقب في الأفق غمامة صغيرة بدأت تتجمع |
يبدو انهاتراكمت وتراكمت فتفاغمت وهطلت فى حضرة الشمس ..وصار قوسٌ
واشياءٌ أُخرى...
هنا اول الصباح وخطوط الشمس فى ذات جمالها..
هنا حيث اللافائدة...
لى عودة..
كلامك سمح..
دسن فنجرى
..
|
Post: #82
Title: Re: انفعـــــــــــالات .......ليها ابعاد
Author: dreams
Date: 09-20-2004, 03:23 AM
Parent: #81
الهى ادوى براكرى وليد مهمن تاهن تود
ياخ دى شنو الحركة العملتنى ليها دى ...والله قاعد اضحك فى روحى براااى
|
Post: #83
Title: Re: انفعـــــــــــالات .......ليها ابعاد
Author: walid taha
Date: 09-20-2004, 05:05 AM
Parent: #82
بالله عمرك ما فكرتى تدخلى اسم عمك محمد ده فى النص؟!!
آشان تأآمنى بس،،
آآى ارقدى آفية...
|
Post: #84
Title: Re: انفعـــــــــــالات .......ليها ابعاد
Author: dreams
Date: 09-20-2004, 09:30 PM
Parent: #83
والله ولا خطر ببالى
بعدين انت زمان كنت خاتى صورة كده لكن اظنها من زمن الهند مش؟
تسلم
|
Post: #85
Title: Re: انفعـــــــــــالات .......ليها ابعاد
Author: walid taha
Date: 09-20-2004, 10:42 PM
Parent: #84
يا ست Dreams..
لا....الصورة جديدة 5 شهور بس ..لكن يمكن عشان انا متلفت كده...كده على الزلط ..
العتاب على النظر
ياخى امشى البروفايل بتاعى عشان العنصرية ما تحصل
بالله هسن دجريكر سلميرى
chao
|
Post: #86
Title: Re: انفعـــــــــــالات .......ليها ابعاد
Author: dreams
Date: 09-21-2004, 09:28 PM
Parent: #85
وليد
سرى ناق مى
اوكى مشينا البروفايل
وابو محمد مية مية الحمد لله
تسلم
|
Post: #87
Title: Re: انفعـــــــــــالات .......ليها ابعاد
Author: dreams
Date: 09-21-2004, 09:35 PM
Parent: #86
شايلك معاى
واتدفأ بى طيبة العيون
وكتين اسير مشوار براى
واتاتى زى رمشا حزين
بكا الصباح
واتمسى بى حزنو المسا
وابقى الوحيد زى بلبلاً فرد الجناح
هاجر براه على الصقيع
كاس لى بوادى مشمسة
|
Post: #88
Title: Re: انفعـــــــــــالات .......ليها ابعاد
Author: أبو ساندرا
Date: 09-21-2004, 11:40 PM
Parent: #1
غايتو !! الله يرحم الكان السبب
|
Post: #89
Title: Re: انفعـــــــــــالات .......ليها ابعاد
Author: dreams
Date: 09-21-2004, 11:52 PM
Parent: #88
جاك ...يحكى ليك
جاك ... يشكى ليك
من شوقو ليك
جاااااك ..يا ابوالبنات الحلوة
شفت الجاكات دى
سلامات كتار
|
Post: #90
Title: Re: انفعـــــــــــالات .......ليها ابعاد
Author: أبو ساندرا
Date: 09-22-2004, 00:09 AM
Parent: #1
درميلا
جاكوب مالك ، ده لو عرفتيه ليك جائزة
أما الراندوق بتاعك مع لؤي ده حا نحوله لرشيدة عشان تحولو لوالدها مرجع وقاموس الرطانة والغات الأجنبية و { سوتيه } حا نفاجئك بالرد
|
Post: #91
Title: Re: انفعـــــــــــالات .......ليها ابعاد
Author: أبو ساندرا
Date: 09-22-2004, 00:14 AM
Parent: #1
دندرمه:
عفوآ الراندوق كان مع وليد طه ولكما { والله إن بجند دهن مصوض }
|
Post: #92
Title: Re: انفعـــــــــــالات .......ليها ابعاد
Author: tmbis
Date: 09-22-2004, 02:19 AM
Parent: #91
احلام
كور قاي نل ..
وليد .. الكلام ده ما ليك .. شان ما تقوم تطلعني قريبك
هو انا لاقي طريقة اتخلص منك ؟؟
|
Post: #93
Title: Re: انفعـــــــــــالات .......ليها ابعاد
Author: ايهاب
Date: 09-22-2004, 07:37 AM
Parent: #92
|
Post: #97
Title: Re: انفعـــــــــــالات .......ليها ابعاد
Author: dreams
Date: 09-22-2004, 10:56 PM
Parent: #93
ايهاب
| Quote: لازال قلمى يرسم الحلم ...لكن لا ادرى ان كانت له ذات ملامح الفرح ..او ان المتعبين لازالوا يقظى ...اظنها اليقظة هى التى تعبت واختارت الغفوة ...دون حلم |
تسلم
|
Post: #94
Title: Re: انفعـــــــــــالات .......ليها ابعاد
Author: walid taha
Date: 09-22-2004, 09:41 AM
Parent: #92
تمبس..
NIL كده يعنى؟
وحاتك كلامك كلام الطير فى الباقير الورانى..
زى ما قلت ليك يا حبيب قبل كده اطلع من راسي..
وبكرة دبر حالك..
ارقد
|
Post: #95
Title: Re: انفعـــــــــــالات .......ليها ابعاد
Author: walid taha
Date: 09-22-2004, 10:06 AM
Parent: #91
ابوساندرا.. كبمو كوجر i.e سلام وكيف صحتك
| Quote: { والله إن بجند دهن مصوض } |
forward to Dream
اهلام الكلام ده من اندنا؟
ابو ساندرا ...دريم وودعمها يعشقون الرطانة حتى الثمالة..
ولن يحيدوا..
او كما قال ابوشلوخ ..وياعينى على كلام ابو شلوخ
شكراً ابو ساندرا للمرور
مودتى
|
Post: #96
Title: Re: انفعـــــــــــالات .......ليها ابعاد
Author: dreams
Date: 09-22-2004, 10:47 PM
Parent: #95
ابوساندرا
جاكوب مالك ...ده اخو على الحسن مالك؟
وليد
ولا من اندنا ولا حاجتين
سلبطة منه ساااى
تمبس
الفرمالة دى جبتها من وين
شكلك محفظنك لها حفيظ
تسلمو كلكم
|
Post: #98
Title: Re: انفعـــــــــــالات .......ليها ابعاد
Author: dreams
Date: 09-25-2004, 04:26 AM
Parent: #96
. .
ظلت اناملها متحجرة على الريشة المنتصبة أمام تلك العلبة التى تأهبت لمنحها القربان ..عيناها تشخصان فى مساحة من العدم دون ان تطرفا ..تململت الالوان فى جلستها متزمجرة من طول الانتظار ..عدا هو .. كان يرقبها بحيرة ودهشة متسائلا عن سر هذا الانطفأ فى مقلتها..اعتزم فى نفسه - هذا الابيض- ان يعيد اليها القها والبريق ..قفز عاليا باتجاه الحافة اليسرى من الرمش الخامس فى الجفن الاسفل ..تعلقت اصابعه بحافة الحافة وكاد ان ينزلق ويتكسر على خدها..شهقت العلبة مع قفزة الابيض حتى كاد ان يتوقف نبضها ..احست كل الالوان بغيابه ..صديقه الازرق نذر ان لا يتدفق انهارا فى بعده ..اخضره تاه عن الوديان وضاع منه البصر فوجد نفسه يتخذ الطحلب مسكنا بدلا عن الاشجار ..الرمادى تملكه الفقد وادرك انه لا محالة هالكا فى غمرة العتمة الى سواد تام ..انشغل الاحمر بتأمل نفسه وهو يسائلها متى يبدو اكثر جمالا هل بقرب الابيض الغائب أم فى مجاورته لهذا البرتقالى الفاقع ؟ ..قطب السماوى ما بين حاجبيه باحثا عن من يرد عليه وهو يصرخ ..هل يعنى هذا ان لن تكون هناك سحبا بعد الان؟..أنزوى الاصفر فى خجل وهو يجد نفسه يتبسم فى دواخله ممنيا نفسه بالتفرد بين الالوان فلطالما اكلته الغيرة من تسيد الابيض على مملكتهم ..أشتاقه البنفسج كثيرا ولم يبارحه اليقين بانه سيعود ..أحس الاسود بشلالات الحنين تنهمر من بين جنبيه وهو يبتهل الى الله ان يرجع اليه رفيق عمره ويسلمه من كل أذى
زحف الابيض باطرافه باتجاه منتصف الجفن فى محاولة للتشبث به ..أغمضت هى عينها قليلا فى ارتماشة مفاجئة فكان الرمش السادس ضحية لذلك وسقط متهاويا على ياقة قميصها.. ارتكزت قدم الابيض اليمنى على منتصف الجفن وارتفعت اليسرى قليلا فى تأهب للقفز ..وقد كان ..قفزة ناجحة ألقت بالابيض فى منتصف سواد مقلتها ..هناك استلقى وتمدد..وتنفس الصعداء فرحا بانتصاره ..مع كل زفرة منه كانت تخرج حزمة بياض مشرق تغمر عيناها فتزدادا اتساعا ..شيئا فشئيا تحركتا فى التفاتات صغيرة يمنة ويسرى ..وفجاءة تحولتا عن مساحة العدم فى أشارة من مصدر الالهام برغبة فى رسم شئ على تلك الرقعة الخشبية ..وكان ان القيتا كل اتساعهما على علبة الالوان معيدة اليها أبيضها فى نظرة رائعة ..شهقت العلبة مع عودة الابيض وعادت كما كانت بعد ان قذفت لعينيها ..فقداوحنينا واشتياقا ..!!ـــــ
|
Post: #99
Title: Re: انفعـــــــــــالات .......ليها ابعاد
Author: Elkhawad
Date: 09-25-2004, 08:59 AM
Parent: #98
شرايين الكلام
عبد العال السيد
لماّ نغرق في شرايين الكلام
المدى يغدو حمام
نخله في حضن الروابي تشرب البوح الغمام
نخله في دارنا القديم
مجلس الانس النسيم
يا بنت قولي ابدا من وين الحكي
لاني قادر ابكي لا قادر اشتكي
اشتكي قمر المحاق
اتكي في خاصرة الليل البراق
اشتكي غيم الخريف
وابني لي مجدك سرادق من نزيف
شمس غاربه
خطوه هاربه
ريح تدندن في الرصيف
مافي غير اشباحي جاريه
والمدى مصباح وساريه
والنهار عربان وخيمه
نار وغيمه
جه المطر جفّت حلوقنا
من زمان المطره ما بلّت عروقنا
كيف اناديك من ورا الاستار
الملم جرحي من كف النهار
واكتبك في الليل قصايد من سلافه ونور ونار
ومن شبابيك الشتا اطلع قصايد للدفا
اطلع عصافير للوفا
واحتريك واهتف واناديك
يا بنت ياروح الخزامى
فرّه بستان العمر مثل اليمامه
وما بقي في العمر خاطر لا خواطر
غير اناديك واحتسي شوقك غمامه
صدقي ما راح اجيك في يوم مشتت
شاكي باكي رافع الصوت بالندامه
فيني عشقك عنفوان جوايا يمشي
وطن من النعناع من الفل والخزامى
راكز عصاتي على مدي الناس المسافرين
مشتهي بوح الندامى
مشتهي القمر اللي بطلع آخر الليل يجري في درب البساتين ابتسامه
مشتهي الريح تلبس الجلباب تحدّر في مدي الليل العمامه
|
Post: #100
Title: Re: انفعـــــــــــالات .......ليها ابعاد
Author: dreams
Date: 09-28-2004, 09:21 PM
Parent: #99
خواض
صباحك غيم وابتسام بتوقيت الخرطوم
لماّ نغرق في شرايين الكلام
المدى يغدو حمام
نخله في حضن الروابي تشرب البوح الغمام
تكدست غيوم بوحك يا صديقى ...فاهطل هنا ..وافسح لمداراتك وغلاف
رئتيك مجالاً لزفير التعب وشهيق الارتياح..و..
احلم وفى خيالك سوى واقع
تلقى نجمك ضاوى بهجة وكم قمر فى سماءك طالع ..
تسلم
|
Post: #101
Title: Re: انفعـــــــــــالات .......ليها ابعاد
Author: dreams
Date: 09-30-2004, 02:59 AM
Parent: #100
يتنازعنى الحس
يخمش كل الدواخل
ويلقى بها فى سردايب الانتباه
تنفض الروح عن ثيابها الاتربة
وتنهض بعد كبوتها المليونية فى ممرات التعقل
تتقوس المتكاءت مستفهمة
و (كمشلعيب) يختزن بقية القوت
يتارجح القلب مهتزا بفعل نسمة تسربت اليه
خلسة من كوة تحمل بعض الضوء
واصوات الليل تغمر كل الساحات
فلا ترقص لها النجوم او يختال لها القمر
فتصمت وتنزوى على ذاتها مخلفة ليلا سواده اعظم
يطول ..ويطول ..
ويستقبل صباحا غافلته الشمس واعتلت ظهره
فاشتد حره وسقى الجسد عرقا له طعم الملح ومرارة الانتظار
وسلط شعاعه على مقلة تكابد الاحتفاظ بمائها
فتتمتم الشفاه حروف الصمت
|
Post: #102
Title: Re: انفعـــــــــــالات .......ليها ابعاد
Author: dreams
Date: 10-02-2004, 10:52 PM
Parent: #101
فى تلك الزاوية البعيدة ...على بعد خطوات من الفكرة ..وسنتمترين من التمنى ..اختار الحلم مسكنه فى مدينة الذهن ...كانت له نافذتان ..جنوبية وشمالية ..تتبادلان نسيمات التحايا وتمنحانه قدرة التنفس والبقاء ..بيد انه لم يكتف بهما ..فحمل معول صبره وحشد اصراره باتجاه الشرق ليفتح كوة فى جدار الواقع يدخل منه خيط نور من شمس تقويه وتنميه ليصبح حقيقة ..وكلما اصابه التعب افترش بساط الامل واستلقى قليلا ..ثم تناول جرعة من شراب اليقين تطفئ ظمأه ..ليعود مجددا ينحت شرقا لخيط نور من شمس تقويه وتنميه ليصبح حقيقة
|
Post: #103
Title: Re: انفعـــــــــــالات .......ليها ابعاد
Author: معتصم دفع الله
Date: 10-03-2004, 04:27 AM
Parent: #102
تمبس ووليد
روووووووقو ..
بالله بكره دبرو حالكم ..
أحلاااااااااااااام
يعني نحن نطلع منها ..
أنا غايتو وليد حفظني كم كلمة كده من الرندوك بتاعكم دا ..
خيرو ..
|
Post: #104
Title: Re: انفعـــــــــــالات .......ليها ابعاد
Author: dreams
Date: 10-11-2004, 09:55 PM
Parent: #103
| Quote: أنا غايتو وليد حفظني كم كلمة كده من الرندوك بتاعكم دا |
طيب ورينى دى معناها شنو
ووو آرتى .. بلن تارتى ...ملن تارتى
وليد ..اوعك تشففو
تسلمو
|
Post: #105
Title: Re: انفعـــــــــــالات .......ليها ابعاد
Author: dreams
Date: 10-11-2004, 10:59 PM
Parent: #103
حلم اعرج يركض فى ممرات لزجة
يسحب وحدة ساقه ويتلمس متكأ له
يرفع معصما اعمى عله يصادف سندا
يرتد اليه المعصم خاسئا مليئا بالفراغ
يتراجع خطوة ..خطوتين ..خطوات
يتحرى فى نفسه رغبة الثبات الى حين
تتهامس فيه زحمة البقاء والانتحار
الانتحار بفعل انهمار زخات الجنون
والغرق توجسا ..خيفة ..حزنا
البقاء بذات الساق الواحدة
السير بنصف اثر على درب مثخن بالرمال
الانحناء بنصف الابصار لالتقاط الشوك
فى زمن يرفض خلع رداء الشك
مداخله مشرعة لرياح الاصرار من كل الجهات
ويسد منفذ هروبه حائط من جنون
|
Post: #106
Title: Re: انفعـــــــــــالات .......ليها ابعاد
Author: dreams
Date: 10-24-2004, 01:06 AM
Parent: #105
أخبرت دمائى هذى من قبل ..انها متى احست رغبة تفجير براكينها ان فقط تمنحنى مؤشر حتى لو كان بشئ من غليان الروح حتى يتثنى لى جمع خيام الحلم التى نصبتها بين بوادى الشرايين فلا يحرقها انفجارها الذى يضئ امامى دروب كان اجمل لو تبقت على عتمتها علّ الحلم يطول.
ليس أوجع من حلم ينام على عشم اليقين ..ويصحو على وخز الحنين!
|
Post: #107
Title: Re: انفعـــــــــــالات .......ليها ابعاد
Author: dreams
Date: 11-23-2004, 10:01 PM
Parent: #106
ينفع اقول هنا........كل سنة وانتو طيبين باثر رجعى؟
|
Post: #108
Title: Re: انفعـــــــــــالات .......ليها ابعاد
Author: tmbis
Date: 11-23-2004, 11:30 PM
Parent: #107
كل سنة وانت طيبة يادريمز ...
عايزه تقولي شنو تاني ..... ؟؟
|
Post: #109
Title: Re: انفعـــــــــــالات .......ليها ابعاد
Author: dreams
Date: 11-24-2004, 10:07 PM
Parent: #108
عايزها بالدنقلاوى يا تمبس؟
كورى قاى نل
اها كده كيف معاك
|
Post: #110
Title: Re: انفعـــــــــــالات .......ليها ابعاد
Author: أبو ساندرا
Date: 11-25-2004, 01:08 AM
Parent: #1
سبحان الله اللذي يحيي العظام وهي رميم
|
Post: #111
Title: Re: انفعـــــــــــالات .......ليها ابعاد
Author: dreams
Date: 11-27-2004, 03:41 AM
Parent: #110
صحى والله
سبحانه
|
Post: #112
Title: Re: انفعـــــــــــالات .......ليها ابعاد
Author: dreams
Date: 12-21-2004, 00:17 AM
Parent: #111
سوف أستغنى عن الأشجار للطير المشرّد
وساستغنى عن الأحلام
لي نوم مجرد
.
.
.
.
.
.
منقول عن ورشة بشرى الفاضل لاروع نشارة
|
Post: #113
Title: Re: انفعـــــــــــالات .......ليها ابعاد
Author: قرشـــو
Date: 12-21-2004, 07:46 AM
Parent: #1
العزيزة احلامنا الحلوة
بس حبيت اقول سلام ....
ما زال البهاء يأتلق فى كلماتك
وهاهو البوست يعيد لنا جميل ما فقدناه ويعيدنا لايام جميلة فى البورد..
شكرا لمن انقذه من الغرق ..
لك ودى
|
Post: #114
Title: Re: انفعـــــــــــالات .......ليها ابعاد
Author: غادة نصر
Date: 12-28-2004, 05:43 AM
Parent: #1
((ومـــا أقسى ان ينكســـر فينا الحلــــم !!)) صحي يا دريم لكن لابد من بقاؤنا اقوياء حتي لا تكسرنا بعض من قساوة الكلمات المنظومة شعرا
وما اقسي ان تقرأ بيتا يقول صاحبة لصديق : ((لا .لا ...أو تجاور أنثى تلبس تواصلها ثيابياً من... تراجيديا العذاب))
بالتأكيد المنبر منبر حر !!بس لو أعرف ماذا يريد ان يقول صاحب الابيات !!!
معليش يا دريم بس انفعالات ليها ابعاد خلتني اتذكر البيت اعلاة
مع ودي
غادة
|
|
|