عافية حسن : ياصوتها لما سرى بأجمل غنا

في حضور هادية طلسم كما لحظ الرائع الصافي مهدي
وفي ثقة فنانة مخضرمة
وبإحساس فاغم بالكلمة
صدحت عافية حسن في { نجوم الغد} البرنامج الكاشف للمواهب في قناة النيل الأزرق فشنفت الآذان وملكت المشاعر وإستحقت الثناء
صوت قادم من نفس المكان الذي أهدانا
عبدالله احمد الحاج
الطيب مدثر
الهادي حامد
من جبل الأولياء حتمآ ستأخذ طريقها إلى القمة
أرشحها صوت وحضور مدهش يضاف لمسيرة وسيرة فنانات ماجدات في بلادي
عائشة الفلاتية ومنى الخير وفاطمة الحاج ومهلة العبادية ، من جيل الرائدات
و سمية حسن وهادية طلسم وحنان النيل وآمال النور في الحقبة الثانية
ونبوية الملاك
إستمعوا اليها
وإستمتعوا
وأذكروني حينما تتربع وبجدارة على عرش الغنا السوداني والأصوات الخالدة

لك التجلة والبلابل وهادية ظواهر نادرة لا يجود الزمان بمثلهم وكان لازم تذكر ام بلينة السنوسي ملكة ملحمة اكتوبر ونحن حافظين لودادك لك الودة خليل

وينها ؟!!

خليل:
نعم البلابل وهادية تحديدآ علامات فارقة في خريطة الغناء السوداني ، ولكن حواء الطرب السودانية لم تعقم وانجبت بعد البلابل حنان النيل وآمال النور
أم بلينة السنوسي صوت قوي لكنها محدودة التاثير لتوقفها المبكر ، إستمعت لها في لقاء قبل شهور ووجدتها مازالت تتمتع بالصوت القوي ولم أعرف لما توقفت عن الإنتاج
ولابد ان نذكر كذلك ثنائي النغم


الوسيمة نادية
كانت في سهرة الخميس في قناة النيل الأزرق في برنامج نجوم الغد الذي يعده ويقدمه المبدع بابكر صديق
وهناك فرصة لمشاهدتها والإستماع لها لأن نجوم الغد بيعاد مرات ، وبعدها لازم نقرأ رأيك فيها هنا

العزيز

ابوساندرا

زوقك رفيع والله ..حدثنى عن (عافيه) من إثق فى سمعه



تلقيمه

دلتنى صاحبه من الزمن السمح بتاعة- خبارات كده- على بوست ليك فى اليوميين القليلين الماضيين...مشيت قريت لقيت ليك فيه( نطفه, وعلقه, وعيييييييك) جيت راجع اقهقه
مقتنع

إنك طلقت ياصاحبى


وكان الله فى عون رشيده

وعوننا

تحياتى

يافجراوي
طيب أمشي شوف { الطلقة} الصحي صحي في بوست بيت الطهور بتاع تماضر { مؤامرة الجسد}

وكان الله في عوني

بس انت قاصد ياتو بوست الهببت فيهو بتاع الناموسيات واللا بتاع رشيدة فووووق ؟



البت عافية دي فلتة

تابعها
وفألك طيب