Post: #1
Title: ردة
Author: أبو ساندرا
Date: 02-12-2006, 04:38 PM
Parent: #0
أتاح الرب جل وعلا لسيدنا جبريل أن يطلع على الجنة
وفعل
وقال مامن أحد يراها حتى يتمنى أن يدخلها
وأتاح له أن يرى سقر
وفعل
وقال ما من أحد يراها حتى يتجنبها
وأجزم بأن كل العالمين سيتجنبون النار ويدخلون الجنة
في اليوم التالي
حف الرب الجنة بالمكاره
وحف النار بالشهوات
ثم أتاح لسيدنا جبريل فرصة أخرى لكي يراهما
رأى الجنة المحفوفة بالمكاره
فقال
أخشى أن لايدخلها أحد
ورأى النار المحفوفة بالشهوات
فقال
أخشى أن يدخلها الناس أجمعين
أنا إرتديت
قولوا
آآ مييييييين
|
Post: #2
Title: Re: ردة
Author: سيف النصر محي الدين محمد أحمد
Date: 02-12-2006, 05:43 PM
Parent: #1
آآ مييييييين.
لكن آميين علي شنو؟
|
Post: #3
Title: Re: ردة
Author: محمد السر
Date: 02-12-2006, 07:18 PM
Parent: #1
يا زول بي عافيتك
بس خت في بالك إنو "لا إمامة لتائب"!!
|
Post: #4
Title: Re: ردة
Author: عدلان أحمد عبدالعزيز
Date: 02-12-2006, 08:14 PM
Parent: #1
.
بِـلوّال ضَـهَبْ وكت قآيلك داير تنضُـم في رَدَة القمـح! أو يــكون سقط منك حرف الواو القبل الــراء.. كدي الننتظر، يبقى قاعدلك فوق رأي.
.
|
Post: #5
Title: Re: ردة
Author: Gazaloat
Date: 02-12-2006, 09:31 PM
Parent: #4
يا اخوانا براحة
الراجل قاصد
(((انا ارتديت ...قميصى )))
اها
انا زاتى ((ارتديتو))
وارتديت معاهو بنطلون بلوجينز احمر
منعم
|
Post: #6
Title: Re: ردة
Author: Marouf Sanad
Date: 02-12-2006, 09:54 PM
Parent: #5
ارتديت من الشهوات ولا من المكاره يا مولانا
|
Post: #7
Title: Re: ردة
Author: ABU QUSAI
Date: 02-13-2006, 00:41 AM
Parent: #6
إرتديت أم صبأت ؟؟؟؟؟
عبد الرحمن يا أخوي بطل مكابرة بعد السن دي ما في حديث عن المكاره والشهوات دا كان زمااااااااااان ، وقت الزمن زين والشعر مغطي الاضنين .
فتك بعافية يا زول يا زين .
أبو قصي
|
Post: #8
Title: Re: ردة
Author: أبو ساندرا
Date: 02-13-2006, 01:04 AM
Parent: #1
سيف النصر محيي الدين
سألني : { إرتديت من شنو ؟ }
{ لا تسألوا عن أشياء ان تبدى لكم تسؤكم }
|
Post: #9
Title: Re: ردة
Author: AMNA MUKHTAR
Date: 02-13-2006, 01:16 AM
Parent: #1
أصبأت يا رجل ؟!؟
ثكلتك أمك .
واحد قال ما عايز يخش الجنة سألوه ليه
قال : عشان فيها الناس الشينين زى الترابى
وبن لادن وابو حمزة وشلة الأنس أياها .
وقال بفضل انو يخش النار عشان فيها الناس الحلوين
زى مارلين مونرو وصوفيا لورين وجنيفر لوبيز !
انت من النوع ده ولا ايه ؟
|
Post: #10
Title: Re: ردة
Author: Emad Abdulla
Date: 02-13-2006, 01:38 AM
Parent: #1
ياااااا ...
كتبتُ مرة نصاً بعنوان ( النشيد الردة ) .. منه هذا :
صابيءٌ ..
رأسي حليقهْ ..
وحقيقهْ ..
بالأمنياتْ
والعبورُ الوثنيْ
بعدما كنتُ النبيْ -
والحواريون حولي .. هاتفهْ :
بفمٍ أعمى .. ولُسْنٍ أعجميهْ
يا .. عصيّةْ .
حلقةٌ كنا ..
مُغنينا : النزيفْ .
أيكونُ المَحْلُ و العامُ خريفُ ؟
مَنْ - خِلسة - توَّجني ؟ ..
أأنا الترياقُ في الزمن المُعِِلْ ؟
أهنا السفحُ أم القامةُ ظلْ ؟
هلْ يبهتُ الإيمان زنديق الكلامْ ؟
. و تطيلين المقامْ ..
هلْ ؟ ..
كيفَ بحرُ الجوع أسلمني .. الى طقسِ التيممْ ؟
حُلم ( يوحنا) تحققَ .. يا يهوذا .
كنتُ سوراً للمدينةْ ..
ونزور عابقات .. عند أبوابِ الضريحْ ..
كانت الخفقةُ ريحْ ..
وأنا .. كنتُ المسيحْ
فاصلبوني ..
وتعالوا ..
قالت لي إيزابيلا حينها : لو ترتد هكذا ألف مرة .
فيا صديقي ..
ماذا لو صبأت أو ارتديت ؟؟؟
و .. ماذا لو لم ؟؟؟
تعلم ؟ .. مثلك لا يخاف عليه ، فافعل ما بدا لك ..
و ... ستجدنا .. - إن شاء الله من الصابرين -
( وجه مطنش )
|
Post: #11
Title: Re: ردة
Author: Elmuez
Date: 02-13-2006, 01:48 AM
Parent: #1
Quote: ورأى النار المحفوفة بالشهوات
فقال
أخشى أن يدخلها الناس أجمعين
أنا إرتديت |
دي أظنها استجابة لنداء العودة !
|
Post: #12
Title: Re: ردة
Author: أبو ساندرا
Date: 02-13-2006, 06:46 AM
Parent: #1
محمد السر:
الإمامة ؟!
ده طرفي منها
أمس بليل لاحظو شبح ملثم يتسور سطح بيت الجيران
طاردوه لغاية ماقبضوه
ونزعوا الحجب عنه
وأماطوا اللثام
صعقوا
فقد كان الامام
الذي يؤمهم في كل الصلوات
حاصروه فإعترف بعلاقته ببت الجيران
وإنو هذه المرة الثالثة التي يطوف عليها ليلآ والناس نيام
البنية كانت ممسوسة وذهب الأهل بها للإمام لكي يعمل ليه رقية
رقاها و
إسترقاها
إسترقى عاطفتها وهي الأحوج لكلمة حنان بسبب علتها
المعلولة قالت ماعندها أي مانع تتزوجو
وهو يكبرها ب 18 سنة وله عيال
يعني الزول ده محصن
مفروض ان يحد ويرجم
طبقآ لقناعته هو
{وما تسألوني عن قناعتي انا فأنا لاتقبل لي إمامة }
الامام المحصن
الآن قابع في الحبس
ويا ما في الحبس
عشاق ذوي قداسة
وغرة فوق الجبين
الكلام ده في الجزائر
المصدر كل الصحف العربية الصادرة صباح اليوم الإثنين
وبناءآ عليه يا ودالسر
أنا لا أقبل الإمامة
ولا إمامة أي إمام
بس
ماعندي مانع أصلي خلف الإمامة بتاعت لندن واللا أمريكا ما متذكر
و
بها
عن صلاتها
إنشغل
|
Post: #13
Title: Re: ردة
Author: أبو ساندرا
Date: 02-13-2006, 05:26 PM
Parent: #1
يا عدلان
جيتني متأخر كتير
بطالعك وبتطالعني
وقلما نتواصل
إن لم يك بتاتآ
تمنيتك في كذا موقف
وأعرف إنك كذلك
وما خذلتك
ولم تفعل
فما بالك تأتيني
{وأنا أوشك أن أخلع من وسخ الأيام حذائي }
أو كما قال مظفر
كنت حتى الأمس كويس
أضحك ملء شدقي
وأتونس
وأوانس
لكني
اليوم
أرتديت
قميصي
بعد أن كنت عاريآ تمامآ
تحت الشمس والأمطار
تحت الصقيع
في أتون النار
نفسي
أن أتعلق بأستار الكعبة
و
أنوح
|
Post: #14
Title: Re: ردة
Author: هشام آدم
Date: 02-13-2006, 05:32 PM
Parent: #13
يا أبو ساندرا يا خوي حسي عليك الله الكلام ده كلام (جبريل) ولا كلامك إنت؟
إعادة قراءة التاريخ والأسطورة أمر طبيعي يا عزيزي. فمثلاً أرى أن ابن نوح لم يكن عاصياً عندما رفض ركوب السفينة وفضل أن يأوي إلى جبل يعصمه. لماذا؟ ....
في الحقيقة لماذا فعل ابن نوح ذلك؟ رغم أن السلامة في أن يفعل؟ أعتقد أنه كان أشدهم تعلقاً بوطنه وبأرضه.
أليس كذلك؟
أضفني إلى القائمة رجاءً 
|
Post: #15
Title: Re: ردة
Author: عبد الحميد البرنس
Date: 02-13-2006, 06:09 PM
Parent: #14
"الإنسان يا محيميد.. الحياة يا محيميد مافيها غير حاجتين: الصداقة والمحبة. وما تقول لي لا حسب ولا جاه ولا مال. يوم الحساب.. يوم يقف الخلق بين يدي ذي العزة والجلال شايلين صلاتهم وزكاتهم وحجهم وصيامهم وتهجدهم وسجودهم، سوف أقول يا صاحب الجلال والجبروت.. عبدك المسكين الطاهر ودبلال ولد حواء بنت العريبي يقف بين يديك خالي الجراب منقطع الأسباب، ماعنده شيء يضعه في ميزان عدلك سوى المحبة".
الطيب صالح
|
Post: #16
Title: Re: ردة
Author: عدلان أحمد عبدالعزيز
Date: 02-13-2006, 10:02 PM
Parent: #1
أطالعك دومـاً آل حبيب.. أشعـر الآن بالكسـوف كوني كنت دون تطلعك، لكن وكما يقولـون.. أن تأتِ متأخراً خيراً من ألا تأتي على الإطلاق،
سلامي لرشـيدة والصغار..
محبتي،
عدلان.
|
Post: #17
Title: Re: ردة
Author: أبو ساندرا
Date: 02-14-2006, 05:20 AM
Parent: #1
منعم يا جزولي:
شطارتك دي يوم حا توديك التوج
حا تسير بك قدمآ
وتسعى بك حثيثآ نحو
الشرك
ومش حا أشكل ليك أي حرف من {الشرك} هذه
حتى تقع فيه
وأشوف فيك يوم
ويا صاحبي انت في الطريق الصحيح
ويوم { وردتك } قريب
بس متين ترد مشرعنا ؟
الألوان مدخل أساسي
للردة
وعنصر أساسي
في الوردة
{ على زعمات عدلان}
وشطارتك نضحت بإختيارك
وفي إختيارك
للونين
يا خاطفهما الشليق
البلو لون مجال الردة المكاني
سماء
وماء
والأحمر
عنفوان الحياة
تمزجهما لونآ ومعنى
يطلع أخضر
نماء
أسود
إباء
أما { الجينز}
فصهين منو في هذا الطور من الردة
عشان أخوك في مرحلة إنعدام الألوان
فكيف التمييز
كيف الدبارة
يللا قول لي
|
Post: #18
Title: Re: ردة
Author: أبو ساندرا
Date: 02-14-2006, 03:27 PM
Parent: #1
الزميل / معروف سند
متل شطارتك دي أهلكت أخو لينا
وزي ما قلنا لأخو فوق ان لا تسألوا عن أشياء ...... الخ
لكن لمن انت ختمت مداخلتك السؤال ب :
يامولانا.
مابتكون جاوبت على نفسك براااااك
ياااخ شركنا ليك في المؤتمر غبت
طيب ماتجي تزور القائد بهاء
أهو بنكون ضربنا عصفورين بنبلة واحدة
ماتتردد
خليك معانا
مرتد
|
Post: #19
Title: Re: ردة
Author: أبو ساندرا
Date: 02-15-2006, 01:43 PM
Parent: #1
الحميم / أبوقصي
سألتني : { إرتديت أم صبأت ؟ }
والله يالحبيب ، في الحالتين انا ضائع
ومهدر دمي بين كثبان الرمل وألواح السفين
دخلت في عمر الصبوات
في ذات اللحظة التي إرتديت فيها على عقبي
والعاقبة عندكم في المسرات
التي حفت بها لظى
والعقوبة لنا في العقبات
التي حفت بها الجنة
و { من حور الجنان هل أنت أم إنسان الكمال } ؟
|
Post: #20
Title: Re: ردة
Author: Marouf Sanad
Date: 02-15-2006, 09:05 PM
Parent: #19
الزميل ابو ساندرا
| Quote: شركنا ليك في المؤتمر |
كنت داير اقول ليك انا حاشرك ليك في مؤتمركم الخامس , لكن قلت امكن تقول الزول دا شكلو ما داير يلاقيني 
ياخي والله كنت ساعي جداً اني اجي , لكن بعد داك اكتشفت اني ما عندي قدرة (للشنط) بعد سبع سنينا عجافا , بعد داك قلت معليش القط هديماتي وامشي فاكتشفت انو ما عندي شنطة اخت فيها هدومي . بعد داك شحدت لي شنطة لكن اكتشفت انو ما عندي هدوم اختهم فيها
دي ذكرتني بي قصة سمعتها عن واحد شيوعي (مبشتن ) في جامعة الخرطوم , مرة جا الجامعة لابس جلابية وبنطلون قام واحد سألوا قال ليهو ياخي احرجتنا , مالك لابس جلابية ؟ صاحبك قال ليهو : لانو ما عندي قميص . زولك قال ليهو : طيب لامن لبست جلابية مالك لابس معاها بنطلون ؟ زولك التاني جاوبو قال ليهو لانو ما عندي لباس
|
Post: #21
Title: Re: ردة
Author: Gazaloat
Date: 02-15-2006, 09:23 PM
Parent: #20
قريب... قى المؤتمر الخامس ان شاء الولى الكريم
(وجه بلون قميصك الارتديتو)
جزلوت
|
Post: #22
Title: Re: ردة
Author: خالد العبيد
Date: 02-15-2006, 10:56 PM
Parent: #1
الزميل الجميل ابو ساندرا
تحايا الورد
انا في صف الجوع الكافر
ما دام الصف الاخر يسجد من ثقل الاوزار
مظفر
تحياتي
|
Post: #23
Title: Re: ردة
Author: أبو ساندرا
Date: 02-16-2006, 06:47 AM
Parent: #1
آمنة مختار
{ مخ طار }
من زماااان ياصبية ، ثكلتني
{ وكالت الرماد } في خشمه
وسوت الووب
من عمايلي
مرة مرتد
ومرة تائب
مرة موتد
ومرة غائب
وبالحالة دي حا أكون المتجهجه الأممي
يوم يمين
يوم يسار
ويوم بلا إتجاه
زي ماقال هاشم العطا في أبوسفة لمن في غفلة تاريخية { تلب } فيها
وجعل عاليها واطيها
حالة الجهجهة دي حاتمرقني
من الجنة وسقطه
ومن النار وناس راكيل ولش أم وش
وجينفير لوبيز أم ط.... مغطيهو الديس
الزول اليوم داك مشى النار لأنو عارف عمايلو ولم يجد إسمو ضمن كشوفات قوائمها
فرح وحمد ربو على مغفرته التي وسعت كل شيء وجرى جري على الجنة ولم يكن في ذهنه خير نهر الخمر
وبنات الحور ، وصدم عندما لم يجد إسمه أيضآ في كشوفاتها
وإحتار
يا مخطار
أي حاجة ولا الجهجهة والودار
مع شكري الجزيل لتواجدك هنا
بلااااااك وسط الأشناب المعقوفة
نشد على يدك ونثني على جسارتك
|
|