Post: #1
Title: مطلوب رفقة حسنة
Author: أبو ساندرا
Date: 05-04-2006, 11:36 AM
Parent: #0
المتواجدون الان بالمنبر العام 186 شخص » (1 )عضو و (185) زائرا
»أبو ساندرا
هذه الصفحة يعاد تحديثها كل 120 ثانية.
سودانيزاونلاين.كم | المنبر العام | أرشيف المنبر العام للنصف الاول من عام 2005 | أرشيف المنبر العام للنصف الثانى من عام 2005 |أرشيف المنبر العام للنصف الاول لعام 2004 | مكتبة الراحل على المك | مواضيع توثيقية و متميزة | مكتبة الدراسات الجندرية | مكتبة د.جون قرنق | مكتبة ضحايا التعذيب |مكتبة الشاعر د.معز عمر بخيت |مكتبة الفساد |
اراء حرة و مقالات سودانية | مواقع سودانية | اغاني سودانية | مكتبة الراحل مصطفى سيد احمد | دليل الخريجيين السودانيين | الاخبار اليومية عن السودان بالعربى|
جرائد سودانية |اجتماعيات سودانية |دليل الاصدقاء السودانى |مكتبة الراحل المقيم الاستاذ الخاتم عدلان |الارشيف والمكتبات |
براااااي
الحالة الغفارية تداهمني
وكذلك الحالة ون
والليلة خميس
وأول شهر
نفسي بس يدخل زول واحد بس
{ زولآ سرب سربه
ختة الجبال غربه }
يا بكري
البوست ده إتوصى بيه وأنقلوا مع المرشحات
لغاية الزول ما يجي
ماقال بيجي
|
Post: #2
Title: Re: مطلوب رفقة حسنة
Author: أبو ساندرا
Date: 05-04-2006, 11:40 AM
ودخلوا
14 شنب
يا لسوء الحظ
يا شباب
قلتا رفقة حسنة !
أظنو خميس مهبب
الواحد أحسن يمشي يشوف ليهو عشرة وست
واللا يباري ناس باخوس
الأنقياء
|
Post: #3
Title: Re: مطلوب رفقة حسنة
Author: إسماعيل وراق
Date: 05-04-2006, 11:45 AM
Parent: #2
الحبيب أبو ساندرا
سلام وتحية
يبدو أن سرطان الكذب قد أصاب جسد التكنولوجيا الذي كنا نعتقد أنه سليم ومعافى
العبد الله دا موجود أونلاين منذ ساعتين ونصف..
مش قلنا المنبر دا مسكون..
|
Post: #4
Title: Re: مطلوب رفقة حسنة
Author: الطيب بشير
Date: 05-04-2006, 11:49 AM
Parent: #3
.
Quote: العبد الله دا موجود أونلاين منذ ساعتين ونصف..
|
أنا لي زيادة من الساعة بالتأكيد
لكن السؤال هل أبوساندرا عاوز يشوفنا نحن؟
لوووول
تحياتي لباخوس أبو حمار
.
|
Post: #5
Title: Re: مطلوب رفقة حسنة
Author: Emad Abdulla
Date: 05-04-2006, 01:39 PM
.. الأنبياء و الاولياء و الصديقين و الشهداء ..
و .. ( حسن أولئك رفيقا )
يا ( رفيق )
خميسك تًسسسسسسسسسسسسسسسس
|
Post: #6
Title: Re: مطلوب رفقة حسنة
Author: عنيده
Date: 05-04-2006, 03:45 PM
عمو ابو ساندرا
مساء الخير
|
Post: #7
Title: Re: مطلوب رفقة حسنة
Author: أبو ساندرا
Date: 05-04-2006, 05:38 PM
الحبيب / إسماعيل وراق
لمن غمضت
وبديت أحلم
بالرفقة الحسنة
عديت لغاية عشرة وفتحت
ممنيآ النفس بالغنيمة
فإذا بي
الاقي ليك وجوه مكفهرة
عليها غبرة
حسبتهم لقيتهم 14 وجه
سميت
وقرأت الاخلاص
شكيت إنو الموقع مسكون
هسع من كلامك ، إتأكدت
محمد معانا ما تغشانا
|
Post: #8
Title: Re: مطلوب رفقة حسنة
Author: شادية عبد المنعم
Date: 05-05-2006, 04:53 AM
الطيب بشير
هسع وأنا جاي من الجمعة وأمامي كوب دبل من البيرة الباردة
والسمك بيتجلع في الطوة
وكسرة وبامية وسلج
ممكن أحتملكم
لكن أمس وحاتكم الخاطر كان في زول واحد
خذلني
ولات ساعة مخذول
|
Post: #9
Title: Re: مطلوب رفقة حسنة
Author: أبو ساندرا
Date: 05-05-2006, 05:07 AM
يا طيب
ماتفرح
الرد أعلاه كنت انا
متنكر
|
Post: #10
Title: Re: مطلوب رفقة حسنة
Author: الطيب بشير
Date: 05-05-2006, 07:15 AM
Parent: #9
.
لوووول يا أبا ساندرا لحقتني
أنا قلت شادية و بيرة؟
انت زول هوا ياخ
| Quote: هسع وأنا جاي من الجمعة وأمامي كوب دبل من البيرة الباردة |
هنا يا حبيب ذكرتني التلاوة بتاعتنا في الوييك اند..حيث يعقبها بالعادة حريق سااااخن و بالجنب كدة ويسـت مولّـع..يعني لو جيت بعد صلاة المغرب تسمع ادغام بغنّـة و لو اتأخرت شوية تسمع خمســين...أو... ســيييييييك..
جدير بالذكر أن مباحثنا ضبطت بعض الأعضاء بيتونسوا في الباركنج ع شان يفوّتوا وكت التلاوة!
البركة فيك في خميسك..
.
|
Post: #11
Title: Re: مطلوب رفقة حسنة
Author: شادية عبد المنعم
Date: 05-06-2006, 06:59 AM
Parent: #10
الله يرافقنك الكلاب يا أبو ساندرا يا غبيان.
يتلقي البورد كان مليان حسان لكن انت تشوف كيف ما برة الشبكة!!
على الله تكون بس بيرة الله البير التغطسك.
اما كهل مخرف.
عليك الله يا الطيب صاحبك ده ما حق غرفة السطوح من غير باب ولا شباك
إلا من طاقة سغيرونة يدخل منها الضوء وبعض الطعام أو الأسودين.
عليك أمان الله أنا ما عارفة هباب الكهل ده لغاية ما نبهني عماد عبدالله أظن تاني يوم .
قال لي انت نسيتي ما سجلتي خروج جاء وراك ابو ساندرا لبخ
ولما لقى نفسوا اتورط قال كنت متنكر
الله يتنكر قرد
اسة شوفوا لي بي سرعة معتصم عشان يكمل لينا موضوع زنزانة السطوح
وشوفوا لي زول ياخد لي حقي من أبو ساندرا أن شاء الله محسن خالد.
|
Post: #14
Title: Re: مطلوب رفقة حسنة
Author: الطيب بشير
Date: 05-06-2006, 08:08 AM
Parent: #11
.
مرحبتين شادية
و الله أنا بالحـــيل بتعجبني رؤية أبي ساندرا في عصر (الزرّة)..
و طلعنا منك بلقب كـهـل..لووووول و الله دي بالدنيا..
و بعدين:
Quote: الله يرافقنك الكلاب يا أبو ساندرا يا غبيان.
|
...و:
كلها دلالات زعلة من الجاني..و فيها دارجة محببة جدآ
طبعآ أنا بتوقّـع كل البذاءة في الماسنجر من الكهل أبي ساندرا..لوووول
قووول أي حاجة بس غرفة السطوح دي جاااااهزة المهندس معتصم و المواد بتمويل أمريكي..لوووول
.
|
Post: #28
Title: Re: مطلوب رفقة حسنة
Author: أبو ساندرا
Date: 05-08-2006, 06:38 AM
Parent: #11
كتبت شادية
Quote:
الله يرافقنك الكلاب يا أبو ساندرا يا غبيان |
والله ياشدوآمنت بيك , فعلاً دعوتك مستجابة
فالكلاب رافقوني لكن في بوست تاني
|
Post: #12
Title: Re: مطلوب رفقة حسنة
Author: Salma Daoud
Date: 05-06-2006, 07:38 AM
يـــــــااااااا-----اااك!
|
Post: #13
Title: Re: مطلوب رفقة حسنة
Author: Emad Abdulla
Date: 05-06-2006, 07:43 AM
لووووووووووووووووووووووووووووووووول
شادية .. تاني تجي ؟؟
يا حاج ..
شغلك نضيف يا فرده
لوووول .
|
Post: #15
Title: Re: مطلوب رفقة حسنة
Author: أبو ساندرا
Date: 05-06-2006, 10:34 AM
كتب عماد عبدالله
.. الأنبياء و الاولياء و الصديقين و الشهداء ..
و .. ( حسن أولئك رفيقا )
يا عمدة
ديل كلهم أحباب في الله ولي مع :
الأنبياء قرب
والأولياء نسب
والصديقين عصب
والشهداء - بعد غربلتهم وإخراج الفطايس - نصب
فلمن
- يتلفت الناس بحثآ عن نبي محبة سيجدوني ماثلآ
- ولو زرت مسيد الشيخ حسن النزير في القوز جنوب غرب الخرطوم ستجد لنا رايات
- والمؤمن صديق وماغشيم
- ولمن يبني شعبنا للشهداء نصب تذكاري في القلوب وفي قلب العاصمة العلمانية
وتسجل زيارة هناك لاتنسى ان تؤدي التحية لصاحبك وتترحم وتشتهي شرف حالو
بس يا رفيق
ديل كلهم رفقتهم الحسنة هناك ، في دار النعيم
ويوم الخميس انا كنت آمل في رفقة هنا في أم بناين قش
وسيقان فخمة وعيون نجلاء ومقل قاتلة
|
Post: #17
Title: Re: مطلوب رفقة حسنة
Author: Emad Abdulla
Date: 05-06-2006, 11:16 AM
Parent: #15
يا زول بالحيل بكاي ..
الجرسه شنو ؟؟؟
| Quote: رفقة هنا في أم بناين قش |
( رفقا) بالـ ( القوارير ) يا .. رفيق
ثم .. | Quote: وسيقان فخمة وعيون نجلاء ومقل قاتلة |
فهي الجنة ما تشتهي و أيم الحق ..
فمَن مِن ( اناثنا ) لها من ذاك نصيب !!
هن ( بالكتير ) جميلات .. فقط . ( اتحدى أخواتنا الجندر أن يثبتن غير ذلك .. بس )
جمال نعرفه نحن السودانيين .. و غصبا عنا و ( حمرة عين وزندية ) .
| Quote: يتلفت الناس بحثآ عن نبي محبة سيجدوني ماثلآ |
يا شادية .. متأكدة دي كهولة ما زهايمر ؟؟؟ فقد ( تنبأ ) الرجل ونحن غفلة , و بماذا ؟؟ بالمحبة ( بالمودة البيننا بأغلى الصلات ) .
أما أنك ( سليل ) الأولياء .. فأنا غشيم و ما صديق .. وداقس بمزاجي .
و أسميك شهيدا ( غير فطيس ) .. في مقام الشهادة
و ستسقطك حتف أنفك الأعين النجل و المقل و السيقان وراكبات الجن .
و ألطم الخدود - حينها - و أشق الجيوب ..
و لك - يومها - التحية العسكرية مثنى و ثلاث و رباع .
.. قال الشاعر :
من شب هضيم لاجوع لا ضيم
خاتي عضيم الما نضيم
و .. خربانة أم بناين قش
|
Post: #16
Title: Re: مطلوب رفقة حسنة
Author: أبو ساندرا
Date: 05-06-2006, 10:50 AM
وكتب عماد عبدالله :
يا ( رفيق )
خميسك تًسسسسسسسسسسسسسسسس
يا عمدة
وحاتك كان خميسآ منفسآ
وسمجآ
وسجمآ ورماد
وعلى راندوق اليومين ديل كان خميس بيض
قبل ما يطول عشمنا بأي متاوقة
دخلوا 14 شنب
و28 عين متلصصة بعضها محمر من أثر السهر
والبعض الأخر من السكر
فآثرت الحسناوت الإنسحاب
وعشت خميس الغفاري
بايت الطوى
و
القوا
دي بيكتبوها كده يا معلم ياكتاب
|
Post: #18
Title: Re: مطلوب رفقة حسنة
Author: Alia awadelkareem
Date: 05-06-2006, 11:21 AM
Parent: #16
ابو ساندرا
ازيك
انا بنفع ...
مع العلم اني بره الخدمه..؟؟
|
Post: #19
Title: Re: مطلوب رفقة حسنة
Author: Emad Abdulla
Date: 05-06-2006, 11:34 AM
لوووووووووووووووووووووووووووووووووول
بالطوة يا برعي ؟؟؟
|
Post: #20
Title: Re: مطلوب رفقة حسنة
Author: أبو ساندرا
Date: 05-06-2006, 05:01 PM
عنيده
إنت متأكدة ؟
ماتراهني على العناد
فهذا المتحايل كان في الأصل
سايس
للمهرات العنيدة النافرة
بس
{عمو ابو ساندرا
مساء الخير}
حيدتني تمامآ
فأهنأئي بعنادك
يا
بت
أخوي
|
Post: #21
Title: Re: مطلوب رفقة حسنة
Author: أبو ساندرا
Date: 05-07-2006, 06:43 AM
ياااااااا اااك
يادوبك ؟
وأنا قاعد في البنبر قدام خشم باب الموقع
من يوم الخميس المنحوس
منتظر طلة أي وسيمة ترافق وحدتي الفادحة
{ تأخرت كثيرآ
يا
طائر البرق
يا
طائر البرق
تأخرت
الله في
|
Post: #22
Title: Re: مطلوب رفقة حسنة
Author: شادية عبد المنعم
Date: 05-08-2006, 02:17 AM
Parent: #21
والله يا عالية
تنفعي مالك ما بتنفعي واحد خارج الشبكة والثاني برة الخدمة وكمان هدية مني ليكم هذا الحوار
يشهد الله واقعي
وشوف عيني زولك اب زهايمر ده قرب عليهو
--------------------------------------------------------------------------------
دي حكاية زوجين سخر منهم الزمان لكن جلسوا بحب على هامشه حيث لا يعكر صفو ذكرياتهم سوى عدم التراتبية
يا شباب حأكتب ليكم عن زوجين حبوا بعض وعاشوا مع بعض لغاية ما خرفوا(دي قصة حقيقية)
اتعودوا يشربوا قهوة الضحى مع بعض ويتونسوا
في نص الونسة سمعوا زغاريد
قال ليه: عاشة الزغاريد دي شني؟
قالت ليهو ناس بت مرسال جو من الحج
قال ليها: عاشة دحين إحنا مو حجينا؟؟
قالت ليهو: بالحيل يا أبو الكنينة حجينا ومدنا
قال ليها: لكن ما ظنيتني متنا هنوك
قال ليهو: لالا .. لالا يا بو الكنينة جينا راجعين.
والله الحوار ده حصل بين عاشة بت الباز وحاج محٌمد أبو الكنينة
يا عمدة تقول لي تاني تجي المولد؟؟
يا زول عليك امان الله بقيت اسجل خروج وأجي ثاني اتاوق أقول يمكن أنا الماجيت
يا سلمى
يااااااك ساكت حجازة مافي ؟؟ ولا شغالة بمبدأ الطالقين مرفوع منهم القلم
والله يا ابو ساندرا ساعتك ديك البورد ملالالالان تف عينو حسان ( قوارير صر) لكن انت
يا حليلك انت ما برة الشبكة
بس ما لاقي ليك زول يستتيبك في قصة النبوة دي ساكت
أحي عليه أم بنايتن قش!!
اسة كان ما لاخمهم حسن البطل ما كان اتسلوا بيك
وختونا في كاع وكف
يا عنيدة
قالو عنادك كيف (أظنوا) قلبي جريج وجروحو أنوا
|
Post: #23
Title: Re: مطلوب رفقة حسنة
Author: ودقاسم
Date: 05-08-2006, 02:28 AM
أبوساندرا
أخوك في الرضاع ينفع ؟ !
عليك الله الرفقة الحسنة تسوي بيها شنو ؟
زمانك فات وغنّايك مااااااات ...
|
Post: #24
Title: Re: مطلوب رفقة حسنة
Author: عشة بت فاطنة
Date: 05-08-2006, 02:45 AM
Parent: #23
Quote: قال ليه: عاشة الزغاريد دي شني؟
قالت ليهو ناس بت مرسال جو من الحج
قال ليها: عاشة دحين إحنا مو حجينا؟؟
قالت ليهو: بالحيل يا أبو الكنينة حجينا ومدنا
قال ليها: لكن ما ظنيتني متنا هنوك
قال ليهو: لالا .. لالا يا بو الكنينة جينا راجعين.
والله الحوار ده حصل بين عاشة بت الباز وحاج محٌمد أبو الكنينة |
هي يا شادية نعلي مو عاشة انا ؟
باقي متلخبتة في موضوع الحج دا !1
الا ابوساندرا غرقان تب في الخرف
الله يستر يا رشيدة ، الراجل دا سوقي الحج
كان قلبو اثبت ..
|
Post: #25
Title: Re: مطلوب رفقة حسنة
Author: شادية عبد المنعم
Date: 05-08-2006, 03:00 AM
Parent: #24
يا عاشة انتي تبري يختي لسة فيك رقشة
الكلام علي أخوك أبو ساندرا ده ثاني ما في حاجة بتحوشوا حج شنو يا بت أمي
غايتو رشود زولة جنة ساكت.
بعدين لا تهمي يا خيتي كلنا متلخبتين في كم حاجة كدة لكن بنسكت نعيدها
اسع كان قلبك ما كلك من تالا الحج
اسكتي عيديهو
ربنا بحسبوا صاح
ود قاسم الكلام ده قولوا لي زول فوقوا القلم لسة
اخوك الكهل رفعوا منوا القلم ليهو مدة
واسة المفاوضات جارية بخصوص محبس السطوح
|
Post: #26
Title: Re: مطلوب رفقة حسنة
Author: Emad Abdulla
Date: 05-08-2006, 03:07 AM
Parent: #25
يا ( رهين المحبسين ) يا صاحبي :
كهولتك الـ ( مبكرة ) ..
و سلاطة لسان شادية
طوبى لك !!
|
Post: #27
Title: Re: مطلوب رفقة حسنة
Author: معتصم الطاهر
Date: 05-08-2006, 05:51 AM
جاهزين
بالطوب الأسمنتى والسقف المسلح
وطاقة
وباب حديد
وحنفية عالية مفتاحها برة الغرقة
و صحن
و ( جردل)
و الجدران كاتمة الصوت ..
و يا شادية دى دقسة الا تسدّيها ..
|
Post: #32
Title: Re: مطلوب رفقة حسنة
Author: شادية عبد المنعم
Date: 05-09-2006, 04:17 AM
Parent: #27
والله يا معتصم أخرجت كل أدوات الانتقام
لكن شكلها ما جايبة حاجة مع الكهل الطالق ده
لكن فكرتك جاسوسة عن غرفة السطوح
يا زول دي صلاح قوش ما بيكون فكر فيها
اسة الكهل قلبوا وقف قال لي كدي اسألي ساندرا وما هي ما بيسمحوا لي بي كمبيوتر لزوم الاعتقال؟؟
عايز يقاوم العزلة بالغزل البريء من الطاقة المصفحة
لكن لومك بي الا كان يغزل نجوم السماء
|
Post: #29
Title: Re: مطلوب رفقة حسنة
Author: أبو ساندرا
Date: 05-08-2006, 09:29 AM
عالية الغالية
والله بتنفعي ونص وخمسة
ومافي أحسن منك للرفقة الحسنة
وحانرفع راية الرفقة { عالية } غالية
ترفرف فوق أم سارية
عليها شعار الثورة الأكبر
حب للطيش
بس كيف مع عشوش
والجمع بين الأختين
للرفقة الحسنة
حلال
|
Post: #30
Title: Re: مطلوب رفقة حسنة
Author: فيصل محمد خليل
Date: 05-09-2006, 00:48 AM
Parent: #29
الكومندنتا ابوساندرا
اها دة اليوم البسموة يوما عبوسا قمطريرة
قمطريرة دي معناها شنو
فيصل محمد خليل
|
Post: #31
Title: Re: مطلوب رفقة حسنة
Author: فيصل محمد خليل
Date: 05-09-2006, 01:03 AM
Parent: #30
|
Post: #33
Title: Re: مطلوب رفقة حسنة
Author: Aisha Hommaida
Date: 05-12-2006, 05:45 AM
أبوساندرا وشادية
سلامات
اليوم: 12/05/2006
المتواجدون الان بالمنبر العام 186 شخص » (1 )عضو و (185) زائرا
»Aisha Hommaida
هذه الصفحة يعاد تحديثها كل 120 ثانية.
الحالة الغفارية مرة اخرى
رفقة لله يامحسنين
|
Post: #34
Title: Re: مطلوب رفقة حسنة
Author: أبو ساندرا
Date: 05-12-2006, 06:18 AM
Aisha Hommaida
وعزة عثمان دقنة
لا اخيب لك رجاء
ولا أرد لك قرعة
فارغة
{ لله يا محسنين }
محسن واحد موقف البورد على كراع واحدة بحكاياتو اللذيذة
كمان عايزة تجيبي لينا { محسن تاني } ؟
حا نسجل سبق إنفرادك بالغفارية في ميزان حسناتك
وعامر الإحترام
|
Post: #35
Title: Re: مطلوب رفقة حسنة
Author: Aisha Hommaida
Date: 05-12-2006, 06:35 AM
Parent: #34
Quote: وعزة عثمان دقنة
لا اخيب لك رجاء
ولا أرد لك قرعة
فارغة |
والله حلفت بى عزيز وغالى ياودبركات تتبارك ايامك ومصدقاك تب
وخالص فكيت و بطلت حكاية محسن دى عشان ماازيد تعبكم
ولخاطركم الكريم:
اهداء صورة الأمير دقنة فى أالأسر بعد اذن اخوانا عبدالله وأحمد دقنة
http://www.sudaneseonline.com/upload/modified/02109.jpg
محبتى
|
Post: #36
Title: Re: مطلوب رفقة حسنة
Author: شادية عبد المنعم
Date: 05-16-2006, 04:31 AM
Parent: #35
يا عشة حميدة
الحالة الغفارية اليومين ديل حايمة كدة كدة
وأوع من القرعات
مرات فيها شراك
ومن زمن عثمان دقنة أخشى أننا في الناقص
ربنا يتم العقول
تسلمي على هذه الصورة المعبرة
نحنا في الشرق نحتاج الدعم ( المعنوي)
أوعك من رفقة أبو ساندرا هي لطيفة
لكن اللسان الذي يمتطي ظهر الجوامح
أحي عليهو
|
Post: #37
Title: Re: مطلوب رفقة حسنة
Author: Aisha Hommaida
Date: 05-16-2006, 06:45 AM
Parent: #36
شادية سلامات كتيرة
Quote: وأوع من القرعات
مرات فيها شراك |
صاح كلامك واى شراك
كلها مابتقبض اى حاجة زى شرك ام قيردون
عامل يقبض فى طير الجنة ود ابرق المسكين
Quote: أوعك من رفقة أبو ساندرا هي لطيفة
لكن اللسان الذي يمتطي ظهر الجوامح
أحي عليهو |
كان كدى ياخيتى غادى غادى مابنقدر على زى ده
تسلمى يالزينة
عاشة
|
Post: #38
Title: Re: مطلوب رفقة حسنة
Author: أبو ساندرا
Date: 05-16-2006, 05:40 PM
عشوش يا داقسة
والله كنت قايلك تفتيحة
تخدعك شدو وتقصيك من المنافسة
حتى تنفرد بالمتع
وحدها
غادي غادي
زي الزبادي
تاني وين تلقي زول ظريف زي
ويحلف ليك بدقنة
ومع كل
حا أتمسك بمحبتك قبل أن تطيح بك و بها شادية
وسيك سيك معلق فيك
وفي كل نسمة تأتي من الشرق
تحمل دعاش القاش وبركة وأربعات
ونداوة السواقي
وشموخ توتيل والتاكا
وسخاء الميناء
وحياة الشيخ أمبيرمي
الضريحو في الحلنقة
معزتك غالية
|
Post: #39
Title: Re: مطلوب رفقة حسنة
Author: Tumadir
Date: 05-16-2006, 05:41 PM
Parent: #38
|
Post: #45
Title: Re: مطلوب رفقة حسنة
Author: Aisha Hommaida
Date: 05-23-2006, 08:53 AM
Parent: #38
Quote: عشوش يا داقسة
والله كنت قايلك تفتيحة
تخدعك شدو وتقصيك من المنافسة |
شدو دى نصيحتها ماساهلة وباين عليها بنية هميمة
| Quote: حا أتمسك بمحبتك قبل أن تطيح بك و بها شادية |
وانا حاتمسك بيكم كلكم عشان الدرر الجميلة مثل ابونا الحلنقى- طيب الذكر.
ودى
|
Post: #40
Title: Re: مطلوب رفقة حسنة
Author: sumah
Date: 05-16-2006, 06:54 PM
ابو ساندرا اخوي ..
اولا النص المعدل بقول ..
Quote: { زولآ سرب سربه
ختة الجبال غربه }
|
والنص الحقيقى حق سيدة ....
بقول ..
زولا شرب شربه وخلى الجبال غربة ..
اي اعطاها ضهرو ..
وهو مشرق وهي مغربة ..
والجبال المقصودة .. جبال البازلت ..
التى تهم جدا شركة الحديد والصلب ..
واستميحك عذرا ..
ان اقول للاخو ..
فيصل محمد خليل ..
| Quote: قمطريرة دي معناها شنو |
انها من قم يا طرير الشباب ..
استخدم الجزء واراد الكل ..
والمعنى واضح ..
اللهم هل بالغت ..
|
Post: #41
Title: Re: مطلوب رفقة حسنة
Author: أبو ساندرا
Date: 05-20-2006, 03:47 PM
ودقاسم
أخي في الرضاع
بيننا حنان الحليب
وحنين
لأيام البورد الجميلة
{ وبيني وبينك تستطيل حوائط
ليل
وينهض الف باب }
غايتو مفروض واحد فينا يجي
أو نتلاقى في نص المسافة
عندي ليك حديث طويل
وشوق أطول من ليلها المنسدل
ورفقات حسنات
هل حدثتك يومآ عن
حسناء بنت المهد
بتنفع والله
وانت ذاتك بتنفع
بس كيف تتحرر من قيد فوز الذهبي ولو إلا حين
كيف تقدر تسافر بدون محرمة
وأنت لم تتجاوز الأربعين ؟
خاطري أمشي هولندا
او
براغ
{أطوف المراعي وتحنان الورود قبل }
ونرتشف الكأس الأخيرة قبل ان يؤل العمر إلى الغروب
فنتوب
من أحلى الخطايا والذنوب
لو لساك فيك شيء من حتى
رافقني
رفقة حسنة جدآ
|
Post: #42
Title: Re: مطلوب رفقة حسنة
Author: ali elhassan
Date: 05-20-2006, 04:21 PM
Parent: #41
Quote: ودخلوا
14 شنب
يا لسوء الحظ
يا شباب
قلتا رفقة حسنة |
!
لكن يا خال بكرى سيد الحوش دا حيرنا
كل يوم مسجل لينا لعيبة خشنين مرة اقول
ليك الاديب فلان وتانى يوم رحبو معاى بى الفنان
ومرة التشكيلى علان وإسل روحك لمن اسجل ليك
لعبة حلوة .قلنا ليهم السودان بمر بى مرحلة
حرجة لازم عدد المتواجدين اكون النص بى النص
ويا حبذا لو زادت من النص كمان حا يكون
فى انفراج فى الازمة السودانية واحتمال مشكلة
حلايب وخزان مروى تتحل كمان .
يا خال فى غنية سمعتها فيها مقطع بقول:
لو تعاين ليها تملا عيينيك
لو تعاين ليها ربنااعينك
وكل عام وكل المشاكل محلولة
|
Post: #43
Title: Re: مطلوب رفقة حسنة
Author: أبو ساندرا
Date: 05-23-2006, 04:12 AM
يا تماضر
رد ما ق. ت*
رفقتك بتندار
أكان كنت مدبرسة
أم مفلسة
وبالحيل كنت بدوره لمن تكوني في أحسن وابهى حالاتك
لمن تكوني فنانة
وطبعآ دي الحالة الملازمة
إنك فنانة
وملتزمة بقضية الفن الأساسية
الفن للحياة
واحسن حاجة إنو الزول وكت دبرستو يعصر على خياتو ورفاقو
بيبددوا الدبرسة في ثانية
وترجع الدنيا حلوة
أهديك رائعة ثلاثي العاصمة قبل ما يبقوا واحد العاصمة
ومد الله في أيام الستي الضوي
وشمل محمد الحويج وإبراهيم أبودية برحمته
{ الدنيا حلوة ويلاك نغني
آمالنا نحن يا ملهم فني
ليه مانتهنى ليه مانغني
إن متنا نحن مين البيغني }
وأهديك رائعة الثنائي { عثمان حسين ومحمد الحويج }
وهي أغنية نادرة
{ كلمة منك حلوة
كنت مستنيها
بالأمل والسلوى
من زمان راجيها }
لو بتعرفي أي زول/ة ضالع في اللنكات كلميهو ينزل { كلمة منك حلوة } هنا
* ق.ت = قبل التعديل
|
Post: #46
Title: Re: مطلوب رفقة حسنة
Author: أبو ساندرا
Date: 05-24-2006, 07:46 AM
لؤي
شكرآ يا هميم على سرعة الإستجابة والتنفيذ
و
ياريتك تتم كيفي وتنزلها لي بصوت الحويج وعثمان حسين
وياريت تسمعها
فلانة
|
Post: #47
Title: Re: مطلوب رفقة حسنة
Author: شادية عبد المنعم
Date: 05-24-2006, 04:48 PM
فلانة يا أبو ساندرا؟؟
كان فالح ما تقول اسم عشان أشد سلك لي رشود والخمسة نجوم
يخلوا ليلك زي (أرن الخروووب)دي بالمصري
أنت والله لسانك محتاج لجام عديل كدة
تعرف الحج ده لو لميت ليك قروشوا من جامع الشيعة وربطتك بالسلب
السنة دي انت حاجي
يا زول ها
داير تقد في ضلالك ده لمتين
أما عجايب
ده ملام حسادة
|
Post: #48
Title: Re: مطلوب رفقة حسنة
Author: Muna Khugali
Date: 05-24-2006, 06:07 PM
Parent: #47
Sorry my daughters wanted to go somewhere else
Muna
|
Post: #49
Title: Re: مطلوب رفقة حسنة
Author: Ibrahim Adlan
Date: 05-24-2006, 06:53 PM
كما عهدتك دوما
و ليتها تسمع الاغنية
|
Post: #50
Title: Re: مطلوب رفقة حسنة
Author: أبو ساندرا
Date: 05-25-2006, 02:21 AM
Quote: يا ( رهين المحبسين ) يا صاحبي :
كهولتك الـ ( مبكرة ) ..
و سلاطة لسان شادية
طوبى لك !!
_________________________________
يا عمدة
يا مدير الفن والإبداع
هسع ياتو فينا رهين المحبسين:
محبس الوظيفة
و
محبس البت اللطيفة
وقد يكون هناك
{ محبس النفس الرهيف }
يا شفيف
أمشير لك.
التعديل : كان محاولة فاشلة مني لإخراج مداخلتي من سجن المقتطف
لذلك عملت خط فاصل بين المقتطف من مداخلة عماد وبين ردي عليه]
|
Post: #51
Title: Re: مطلوب رفقة حسنة
Author: الجندرية
Date: 05-25-2006, 03:25 AM
يا لؤي ياخ ماتخاف الله فينا ياخ
في زول ينزل تسجيل نادر زي دا
وما معاه لنك الحفظ ؟
انت ما داير ليك رفقة حسنة في الدار الاخرى ولا شنو ؟
****
ابو ساندرا
وكل المشاركين / ات
سلامات
|
Post: #53
Title: Re: مطلوب رفقة حسنة
Author: أبو ساندرا
Date: 05-25-2006, 05:22 AM
لقيتك فنجري يا لؤى
بس طلبنا الأصلي لسع ما سمعناه
بصوت الثنائي
عثمان حسين و محمد الحويج
بعدين الجندرية دي بتدخل البورد بالمسارقة
فلعتب على الظروف الضاغطة
وعلى النظر
والنجاح فأل أولادك يا أمان
|
Post: #54
Title: Re: مطلوب رفقة حسنة
Author: خدر
Date: 05-25-2006, 07:03 AM
Parent: #53
لؤي يا بخيل
انا برضو لفحت ( الحويج ) و البركه في اماني ( كيتاَ عليكـ )
يا وغد
تقول لي 14 شنب و داقي جرس ليكـ كم يوم
وكمان عاوز تجي هولندا
انت قايل لو جيت هنا بتعيش !!
والله هنا حنان ساي تموت
دي بلد النساء الحليبات يا رجل
ما سمعت عاطف خيري قال شنو ؟؟
المهم
عاجاني شاديه دي قدرت عليكـ و ورتكـ ليهو
و عماد شايفو غطي لي كويس و شعلل الحرائق
مذيدا من الحرائق في صقيع ابوساندرا يا شباب
قال وحيدا قال .. قوم يا داقس و ماعارف مصلحتكـ ويين
في زول يوم الخميس يقعد في سودانيز
|
Post: #55
Title: Re: مطلوب رفقة حسنة
Author: أبو ساندرا
Date: 05-25-2006, 12:15 PM
معتصم الطاهر
أنت من زمن { الجردل }
يا ودبندية ؟
أتاريك قديم قدم
عتيق و معتق
وماك معتوق من قبضتي
لغاية ماتقول الروب
ويا هويدا ألحقيني
تساوم بي صاحبك يا مرابي
كنت داخرك لي يوم كريهة وطعان جلس
بعكازك المضبب
لكن لقيتك ماسكو من النص
الآن سوف أغير وصيتي
فقد كنت اوصيت البنات عندما يصعدن بي إلى الغرفة العلوية
أن يجلبنك معي ويعاونون منى واحلام
الآن الوصية
كل واحد في غرفة
|
Post: #56
Title: Re: مطلوب رفقة حسنة
Author: أبو ساندرا
Date: 05-25-2006, 12:19 PM
معتصم الطاهر
أنت من زمن { الجردل }
يا ودبندية ؟
أتاريك قديم قدم
عتيق و معتق
وماك معتوق من قبضتي
لغاية ماتقول الروب
ويا هويدا ألحقيني
تساوم بي صاحبك يا مرابي
كنت داخرك لي يوم كريهة وطعان جلس
بعكازك المضبب
لكن لقيتك ماسكو من النص
الآن سوف أغير وصيتي
فقد كنت اوصيت البنات عندما يصعدن بي إلى الغرفة العلوية
أن يجلبنك معي ويعاونن منى واحلام
كنت آمل أن نترافق في رحلة التوهان الطويلة
تفك فيني خرفك قصائد ماجنة
وأفك فيك خرفي حكايات أجن
ونتقاسم المحنة
ونتبادل المحنة
كنت .
الوصية الجديدة
كل واحد في غرفة
تنوح بالقصيد
وأروح في النشيج
|
Post: #57
Title: Re: مطلوب رفقة حسنة
Author: الجندرية
Date: 05-25-2006, 12:33 PM
يا لؤي
لقيتك تمااااااام بعد انزال لنك الحفظ
عاين هسي دي الشحدة العلنية دي مش نفعت طارق اخوي معاي
الحويج دا انت قايلو ببثو ليه في الاذاعة ؟
يعني فرصة زي دي لو ضيعتها بدون نبيح ما كان حقي وحق طارق دا راح ساي
تتبارك يا لؤي
وفعلاً زي ما قال ليك ابو ساندرا
مزرورة اعيد في القراية وامتحن من التمهيدي ، والابتدائي ، والاعدادي
تاني .
شفت حالي مش يحنن ؟
حامشى علي مستودع العسل البهناك داك والبد لبدة الدب الشهيرة
وجزاك عند رب العالمين
|
Post: #58
Title: Re: مطلوب رفقة حسنة
Author: أبو ساندرا
Date: 05-25-2006, 12:47 PM
الجندرية:
طول عمرك حقانية
وعادلة
وما أظنك حا تحرميني من حقوق السبق
ايام وانا أمام باب لؤي
شايل قرعتي وأشحد
وطالق لساني وأحنس
عشان ينزل لي
{ كلمة منك حلوة }
كاسرة فيني ضلعة من زمن الحب الأول
وخاصة بي صوت عثمان حسين ومحمد الحويج
وأنده كل اولياء الله الصالحين
ان يجدها لؤي وينزلها
كما أريد وأتمنى
وأدعوك لتأمل حميمية الأغنية
وحنية صوت الحويج
والحويج ياوسيمة جرح غائر في بيتنا
كنا نراه ونحن بعد صبية برفقة الوالد رحمه الله
كان يدخل علينا بالمن والحلوى
والعود والسلوى
هزانا رحيله حتى تساقط منا دمعآ سخينا
مليون رحمة تتنزل على قبره
|
Post: #59
Title: Re: مطلوب رفقة حسنة
Author: عمران بابكر بدري
Date: 05-26-2006, 04:16 PM
Parent: #58
الرائع
ابو ساندرا
دارا براك تخرب والهم ما يقشاك تب
شادية من داالكهل
ما تزعل يا ابو ساندرا بس
شدو خايفة عليك من العين عشان كدا
قالت كهل قالت
بسم الله ماشاء الله
|
Post: #60
Title: Re: مطلوب رفقة حسنة
Author: عشة بت فاطنة
Date: 05-29-2006, 09:57 AM
Parent: #59
Quote: بس كيف مع عشوش
والجمع بين الأختين
للرفقة الحسنة
حلال |
عادي كان كدي
يا شادية، الحج
وجب
اجري يا رشود الزول دا
مشتاق ليك عديييييييل كدا
كان تسوقي معاك ، اخرف هناك!!1
|
Post: #61
Title: Re: مطلوب رفقة حسنة
Author: طيفور
Date: 05-29-2006, 01:46 PM
دقيقة....
دا بوست داير ليهو كوباية شاي
عشوش.. النبي فيك اكان ما تقلتي الحبهان
|
Post: #62
Title: Re: مطلوب رفقة حسنة
Author: أبو ساندرا
Date: 05-30-2006, 06:13 AM
فيصل محمد خليل
قمطريرة دي
بتكون زوجة
قم ياطرير الشباب
شفت زواعتك عملت فيك شنو ؟
هسع أكان صبرت وقعدت كان إنتخبوك في قيادة العاصمة القومية { المديرية
مع ناس أبوعلي وأبوشنب
ومابعيد كان ينتخبوك في اللجنة المركزية
جاييك تاني يافيصل
قاصدك في حاجة في نفس يعقوب
الأمارة بالسوا سوا يا جميل
|
Post: #63
Title: Re: مطلوب رفقة حسنة
Author: فيصل محمد خليل
Date: 06-01-2006, 01:32 PM
Parent: #62
ابوساندرا .
ابوساندراهذا الحمل الوديع الذي تعرفونة بداخلة اسدا جسور شجاع لا يعرف
الخوف. ومن مواقفة الشجاعة انة وفي احدى الايام حينما كنا طلبة في مدرسة
الخرطوم الجديدة كان يجمعنا خلية تقدمية حاولنا خلالها مشاركة الطلاب في
اتخاذ القرار وتنفيذة.وانا كنت المسئول التنظيمي لهذة الخلية وكان علي ان احتفظ بارشيف الخلية-ادبيات الحزب الداخلية والمنشورات الخ-في مكان
امن بعيد من اعين رجا ل الامن الذين كانو متواجدون في كل مكان.وشاءت الظروف بان والدي رحمة اللة ان اكتشف وجود الارشيف منزلنا هذة الكميات من المنشورات والميادين والوثائق الداخلية فما كان من والدي الا ان يبعد
هذة المنوعات من المنزل خوفا علي ابنة من رجال الامن الاوغاد.فما كان مني
الا ابعاد الارشيف من المنزل والجو ملغم وسم نميري واصحابة فاير ورجال الامن في كل مكان كل الناس مراقبة و الاحتياطي المركزي علي هبة الاستعداد
فعملية تحريك الارشيف عملية صعبة جدا والارشيف لازم يطلع من البيت ولا سوف
يحرق من قبل الوالد.اخبرت الزملاء بضرورة نقل الارشيف فياسرع وقت ممكن
الظرف صعب جدا.كلف ابو ساندرا وزميل اخر بنقل الارشيف فما كان ابو ساندرا
الا وان ياتي لاخذ الارشيف .تعرفو جاء الساعة كم جاء الساعة الثانية عصرا
وبكل هدو وكنو جاي حفلة وكنو مافي حاجة حاصلة اخذ الارشيف والارشيف عبارة
عن كرتونة كبيرة واتونس معاي شوية وقال لي انا ماشي ومعة زميل تاني
سالتوة وين العربية البتشيل الارشيف قال عربية شنو ماشين بالمواصلات العادية.اتصورو الشارع مليان والعيون مفتحة .لو مسكو عندك الميدان هذا
كان كفيل بان يزج في زنازين كوبر فما بالك بارشيف كامل
الرجال مواقف فابقو عشرة علية
فيصل محمد خليل
|
Post: #64
Title: Re: مطلوب رفقة حسنة
Author: Emad Abdulla
Date: 06-02-2006, 05:18 AM
Parent: #63
خريف البطريرك ..
و قِيلَ ( البطريق ) - حسب رواية ناس -
وهو طيرة مكعوجة .. و ما بتعرف تطير .
وقالوا ( صلاح الطير ) اتلحس ..
ما تقوم تلحقو
يا تير يا ( تاير ) ..
و توايرك منفِسه
وبطريقتك دي , يوم بتجيب لينا رقبة .
مع الناس الرقبتها قزاز
و جدي العزاز الجيدو قزاز .
وكده و كده و .. زاد وجدي
|
Post: #65
Title: Re: مطلوب رفقة حسنة
Author: أبو ساندرا
Date: 06-03-2006, 05:41 AM
صلاح الطير ،، إتلحس
قبل ان يرتاح
صلاح
ويعمل
أرضآ سلاح
أودت به شفافيته
لحافة الجنون
المشوبة
بحافة الوعي
كان رجل شاهق الرجولة الحقة
مفرط الإحساس
فحاكى الطير
مفروض الله يرحمك يا
صلاح الطير
يا خلاصة الخير
في العالم
|
Post: #66
Title: Re: مطلوب رفقة حسنة
Author: أبو ساندرا
Date: 06-06-2006, 04:47 PM
سماح
بالغت ، بالحيل
أسعدني جدآ مرورك اللطيف
وأظنك ضالع في الأغنية الكردفانية
والمردوم والشاشاي والجابودي والجرار
وعارف بحسن إبداع عبدالقادر سالم ، عبدالرحمن عبدالله ، إبراهيم موسى أبا
وصديق عباس
ياريت تواصل مرافقتنا في هذه الرفقة الحسنة
تشكرات
|
Post: #67
Title: Re: مطلوب رفقة حسنة
Author: أبو ساندرا
Date: 07-11-2006, 04:18 AM
المتواجدون الان بالمنبر العام 187 شخص » (1 )عضو و (186) زائرا
»أبو ساندرا
هذه الصفحة يعاد تحديثها كل 120 ثانية.
تاااااني ؟
حضروا روحكم إذا بتريدو
|
Post: #68
Title: Re: مطلوب رفقة حسنة
Author: شادية عبد المنعم
Date: 07-11-2006, 07:20 AM
يا ابو سندو
الله ليك من الغفارية دي
ياخ
ما كفاك جماعة بسم الله المالين داركم العامرة بالجماعة؟؟
والله الحمد لله الله قرب يمرقني منها
النشوف لي بصارة للبنيات
|
|
|
