دعوة عامة ... إلى عموم البورداب

كلكم
بدون فرز
معزومين لحضور حدث قد لايتكرر مرة اخرى في المنطقة
الدوحة عاصمة قطر الناهضة للتو سوف تستضيف خلال الفترة
1-14/12/2006 أي في موسم الربيع حيث يكون الجو في الدوحة رائعآ
فعاليات دورة الالعاب الأسيوية
ووفقآ للتنوير الذي قدمه عدد من قادة اللجنة المنظمة
في مركز أصدقاء البيئة ونقل على الجزيرة مباشر
فغن هناك عدد من اللعبات/ المنافسات الجديدة التي لم يسبق ان عرضت
في أي دورة سابقة
ذلك إلى جانب المنافسات الأولمبية المعروفة

وفي ذاك التنوير قدمت ملامح عن حفل الإفتتاح
واستطيع القول بأنه حايكون اسطوري بمعنى الكلمة
تتلاقى فيه الفنون الخليجية العربية الصميمة
مع فنون وفلكلور الشعوب الآسيوية الخلاب ، الجذاب
بنات وعيال آسيا حايقدموا العجب

فلاتدعوا الفرصة تفوتكم

خاصة والبلد مفتوحة حيث تمنح تأشيرة الدخول بدون قيود
مباشرة من مطار الدوحة الدولي
وتوووووووووووش على مدينة هادئة ومرتبة
ولأن الفنادق حاتكون كاملة الاشغال
وغالية خلال تلك الفترة

فإن فندق أبو ساندرا حايكون فاتح مجانآ
وثير ومريح
وثلاث وجبات
من يد الشيف رشيدة
والعصائر والشاي بأنواعه والوانه
والقهاوي عربية وتركية وفرنسية
والكبتشينو والنسكافيه والسحلب التركي بالمكسرات
متاحة على مدار الساعة
وحاجات تانية وشنو وشنو

التكلفة حاتكون فقط :
- حق التذكرة ذهاب وأياب طبعآ ، يعني تقطع تذكرتك وأرشح لك القطرية
- 500 ريال مبلغ حضور حفل الإفتتاح ، وهو مبلغ رمزي بالمقارنة مع
الدورات الأخرى ومع المتعة التي سوف تحصل عليها ، وهي بالجد لاتقدر بثمن

لو جيتونا ماحاتندموا
وبالإضافة إلى متع وجماليات الدورة

فهناك متعة أن تلتقوا ب :
- الفنان الشامل / محمد السني دفع الله ، صاحب القعدة الشهيرة في فيلم مصري غايظني
- الفنان المجيد / عماد عبدالله
- الزول الغناي صاحب الأنامل الذهبية / صلاح عبدالله
- الحاوي اللذيذ /عبداللطيف خضر ودالحاوي
- الدنقلاوي الناجح ، المهندس عمر بوب
- القانوني الضليع الدكتور أحمد عثمان
- القانوني الرزين / طه سليمان { ودالزين }
- الفنان / عادل التيجاني
- الحكاي صاحب الحكايات المذهلة م عبدالكريم الأمين أحمد الشهير بكيكي
والمذكور حايقد راسكم بحكايات كمبو الري وأشياء أخرى مسكوت عنها
- النجم الصاعد / عبدالرحيم ودرملية
- شيخ العرب / ضحية إبراهيم
- الفالت / عمران بابكر بدري
- النادل / بدرالدين الأمير
- الظلامي الفنان المحتال/ معتز القريش وكيف ربط ثلاث نساء في حبله الواهي
- ابوعاقلة العاقل

و أتوعدكم
حاتكونوا ضحايا لكاميرات
- صديق وكاميرته ذات الثلاث شعب
- ودالعباسية والكاميرا الذكية
- وكاميرات أخرى خفية

وحاتخضعوا لرعاية مباشرة من :
- حرمنا المصون رشيدة رضي الله عنها وأرضاني بها وكريماتها
- الريس راندا حاتم
- نانا أم يدآ طاعمة


وحنواصل في تعديد المزايا

يللا سجلوا اسمائكم وىتدعوا الفرصة تفوتكم
-

خالد بحر

Dear Abo-Sanadra


Have you confirmed it with Rashida



Best wishes

Adil

أها قنا واحد
خالد بحر


ياعادل
الست رشيدة طلعت هسع مشت تجيب المونة الشهرية
وقالت حاتجيب شوال عدس عشان تهريكم بيهو


يا شباب
مهم جدآ تحديد الحالة
عشان عندنا ترتيبات للأسر
وترتيبات للعذابة ، الذين قد نعتقلهم في شقة بدر الدين

مرحب يا ابوساندر يا كبير
وتم ايضا فتح فندق كيكي المجهز بنظم اتصالات عالمية وللعوائل
واجهزة بث مباشر وخدمات تتراوح مابين الدامرقا والكجيك المسحون بمعدات حديثة
ولاتنسوا ادارة الفندق تتكفل بتوفير تمباك لا نضمن جودة تمطيره..ولكن ..!!!
ايضا ستحظي بمشاهدة اطراف الدوحة وبالاخص مدينة ام سعيد معقل تكرير البترول القطري
وقد نجد لك وقتا للتمتع بمنتجع سلين...ولاتنسي ان هذا المنتجع قد زارته هينغس
وماردونا وبيليه...بالاضافة الي ذلك قد تحظي بالاستماع الي المسكوت عنه كما اشار ابو ساندرا
ومرحب بكم جميعا في الدوحة.....ونحن في الانتظار...!!!

مشكووووووووووووووووووووور والله

لكن ..............



والرأي

Quote: وقالت حاتجيب شوال عدس عشان تهريكم بيهو

يازوووووووووووووووووووول قول كلام غير ده

Quote: فإن فندق أبو ساندرا حايكون فاتح مجانآ وثير ومريح وثلاث وجبات من يد الشيف رشيدة والعصائر والشاي بأنواعه والوانه والقهاوي عربية وتركية وفرنسية والكبتشينو والنسكافيه والسحلب التركي بالمكسرات متاحة على مدار الساعة وحاجات تانية وشنو وشنو

علي الطلاق مافي زول أرجل منك الا مرتك السيدة الفضلى

رشيدة الواقدة نيرانها للضيوف ...... ها زول ها حرم فتونا

بمية سنة ضوئية في الكرم

ابووشاح
ماتلكنها ياخ
والرأي المختلف محترم ومحفوظ
بس أنت أبذل مجهود لتوفير حق التذكرة
وحق الإفتتاح

الباقي علينا

وقد نعمل فزع للمساعدة في دعم حق التذاكر
ده لو جاتنا أفكار وتبرعات من البورداب المؤثرين
خاصة من بورداب الدوحة

الشكر مقبول

كفو ياكيكي
ياسريع الإستجابة
كنت متأكد من كدا

ولن يضاهي حفل الإفتتاح في المتعة
سوى حكاياتك المدهشة ، المسكوت عنها

شكرى يا أخو

بس لازم تودي الست أميرة كورس فندقة

ابو الحلوات..

سجلوا اسمي كان الدنيا ادت حريف....

والله بحاول جاهدة وحق حفلة الافتتاح عليك..

عدسكم ما بناباهو لكن الفيكم اتعرفت

Quote: 500 ريال مبلغ حضور حفل الإفتتاح

لا يا أبو ساندرا ..
دي بالغتوا عدييييييييل فيها ..
125 دولار ؟؟؟ لا حولة ..

قعدونا في المصاطب ..
ما عايزين كراسي وثيرة أمامية ..
يا مصاطب يا منجي ...
500 ريال ؟؟؟
و نخلي للأولاد شنو ؟؟
يتخرب بيتنا يعني ؟؟؟
ده شنو يا أبو ساندرا؟؟
كلم الجماعة ديل قوااام ..
خليهم يبنوا المصاطب ...

Salam


!!!!!Albanat momkin ygo

يا ابو ساندرا ما فيها ملح
لاننا حا نجي من المغرب
والمسافة براها تقص الضهر

خالد بحر
ماتخاف العدس لزوم الشرباتشوف
والست رشيدة حريفة جدآ في شوربة العدس
تنفخ وتلهط
اما العضة والزفر فعلى المعلم
فماتشيل هم

ساكون معكم
ومعى كاميرا
صغيرة
قدر ( السودان ده )

يمكن اقدر انافس


وثم ثانيا
مع كل الاحباب بالدوحة
سأزور الاستاذ الشاعر
النور عثمان ابكر

( ابو النسب )

وسلامى
لكل الاحباب بالدوحة



سلام

كتب الوجيه / فاروق حامد :

Quote: علي الطلاق مافي زول أرجل منك الا مرتك السيدة الفضلى رشيدة الواقدة نيرانها للضيوف ...... ها زول ها حرم فتونا بمية سنة ضوئية في الكرم

يا خال العين مابتعلى على الحاجب
و ام نيرانآ واقدة دي زولة قدحها معلى
لاتعرف يسارها مافعلت يمينها

بس
مع ده كلو ماممكن تتطاول عليكم
فأنتم أهل الكرم والمرؤة
فيا عشا الضيفان
وزاد الحبان
ماتتواضع

ونتشرف جدآ بجيتك للدوحة

من سيفوته قطار الكرم السندرى هو خاسرلا محاله ..

كلنا معك يا شيخنا الشاب .. ساهرون على خدمتهم..

وهناك الكثير والمثير الخطر..

ويا مرحبا .. وحبابكم الف .

كتب : عوض حمزة :

Quote: من سيفوته قطار الكرم السندرى هو خاسرلا محاله .. كلنا معك يا شيخنا الشاب .. ساهرون على خدمتهم.. وهناك الكثير والمثير الخطر.. ويا مرحبا .. وحبابكم الف .

و
وعد
عوض حمزة
رعد

سيحيركم بالبرنامج الذي يضمر إعداده لكم في حدائق الخور
وهو خور غير
وشاطيء راس لفان الفضي

والسمك بالفرن

كتبت ، رشا سالم :

Quote: ابو الحلوات.. سجلوا اسمي كان الدنيا ادت حريف.... والله بحاول جاهدة وحق حفلة الافتتاح عليك.. عدسكم ما بناباهو لكن الفيكم اتعرفت

يا دكتورة
-إسمك مسجل باحرف من نور في قائمة الأصالة والنقاء
- وملتزم بحق حفل الإفتتاح ، أنت ما أقل من ساندرا
وكذلك بجولة في سوق لحمل الغالي والنفيس
- وعدس رشيدة ولا كباب الخمس نجوم
فأعملي حسابك من الإنبهال
ولاتقربي أم علي ولا بعيونك

ابو البنيات عشا البايتات هيييييييييييييييع طبعا اهلك المسيريه عندهم مثل بيقول ليك

الفحل برجاله والكريم بام عياله.. يعنى اذا انت فحل وزول دواس وما معاك رجال ما بتداوس

ولو كنت كريما وماعندك ست بيت كاربه وبت اصول وبت رجال وست ضيفان موضوعك مجلى ..هنا احيي

الرشيده رشيده وبما اننا سنشهد الاسياد عذابه يعنى بدون ام عيال الا اننا فى بورداب الدوحه

كلنا استعداد لخدمة زوارنا من كل البورداب ولو ما شالهم الراس تشيلهم عيوننا ومرحب بيكم فى

اى زمان ومكان ..



بس خلى رشيدة وبناتها يكترو من التحليه الابيتو تكرروها تانى ولا وريتونا اسمها زااااتو؟

الاخ الـحبيـب الحبوب،
ابـو سـانـدرا،

تـحيةالـود والاعـزاز،والـمودة الصادقة.

....مررت للتحـيةوالمجاملة، وفقكـكم اللـةونجـح مقاصـدك.

" دعـوة زي دي اصـلوا ماسمعت بيهـا!!!!، زول يـعزم 8 مليون سـوداني في الغـربة!!!!!!"، دي بـس عملهـا شـارلـز لـما عـرس ديانا"، اكـرر تـمنياتـي لـك وللـجـميع بالدوحة التــوفيـق والسـداد، امـا عـني فاكـرر الشكر والاعتـذار بســبب بـدءاحتفـات الـمانيـابعيـد الكريسـماس.

بلاي شوف !!!

.

وأنا يا بابا










بعد الشورة طبعاً

Quote: فإن فندق أبو ساندرا حايكون فاتح مجانآ وثير ومريح وثلاث وجبات من يد الشيف رشيدة والعصائر والشاي بأنواعه والوانه والقهاوي عربية وتركية وفرنسية والكبتشينو والنسكافيه والسحلب التركي بالمكسرات متاحة على مدار الساعة وحاجات تانية وشنو وشنو علي الطلاق مافي زول أرجل منك الا مرتك السيدة الفضلى رشيدة الواقدة نيرانها للضيوف ...... ها زول ها حرم فتونا بمية سنة ضوئية في الكرم

شكرا فاروق شكرا ابوساندرا والله يحفظك ويحفظ اهلك

قول اثنين محمد علي المشرف مختار.....عذابي ومن المطار علي شقة الامير بس تورونا السكة وتجهزوا الكتشينة
بالمناسبة شهر كم الدورة وانشاء الله معاكم

محمد علي المشرف مختار
محبتي

كتب / محمد إبراهيم قرض :

Quote: لا يا أبو ساندرا .. دي بالغتوا عدييييييييل فيها .. 125 دولار ؟؟؟ لا حولة ..

يا قرض
تعرف المسئول القطري في الأسياد تطرق إلى مبلغ تذكرة حفل الإفتتاح
وأوضح إنها القل بالمقارنة مع كافة الدورات السابقة
وقال أقل مبلغ سابق لمبلغ تذكرة الدوحة كان 500 دولار

شفت الفرق ؟

بعدين يا أخو المتعة لاتقدر بثمن
القروش بتجي وبتروح
لكن المتع تبقى
الذكريات الماتعة تبقى

ولافائدة من القروش لو ماوفرت لي متعي ورغباتي

كما أن شوفتنا غالية جدآ
بل لاتقدر بثمن
أتحناها لك بالمجان

غايتو لو ده موقفك
أو بالأحرى جرستك
فوق 120 دولار
فأنا من بكرة حا أقدم ل { قرض } خاص
للإنفاق على البؤساء
وجان فالجان

أها عفيناك من حق تذكرة حفل الإفتتاح
حق تذكرة الطيران حاتعمل فيهو شنو ؟

أوعك تقول لي حا أجي كداري

مرحب بيك ياحبيب

Quote: أها عفيناك من حق تذكرة حفل الإفتتاح حق تذكرة الطيران حاتعمل فيهو شنو ؟

بس يا أبو ساندرا ..
دي أمسك فيها قوي ..
التذكرة عليك ..
و الإقامة عليك ..
و كده لو حبيت حبي بجيك !!!
أفو يا أبو ساندرا ...
أها أنا من أسع إبتديت الحبي ..
و كمان شايل معاي شعلة ..
جهز ناس الصحافة و الاعلام !!!

كتبت : بت الهنا :

Quote: !!!!!Albanat momkin ygo

البنات لازم يجن
فقد يتأثرن ببنات آسيا الضامرات
وقد ندبر لهن عرسان وإقامات

مرحب بيك

هذا الرجل الكهل

له قلب طفل يسامر كل القلوب
ويحنو عليها

يهديك زمانا جميلا
فتراك تجلس عنده اذا اردت الرحيل

تراه يرفرف فوقك بجناحيه كطيور الجنة الخضراء

ابا تارة

وصديق..
ترفع عن االتكبر ... بسيط

ينبط بالاخلاص.. والصدق

____________________________

بقدر حبه لبناته وافتخاره بهن

هذا الكهل نبحه


واذا ما ضاع منكم واسفاي

ونحن في رحابك ابوساندرا كلما ضاق الزمان

كتب ، طارق جبريل :

Quote: يا ابو ساندرا ما فيها ملح لاننا حا نجي من المغرب والمسافة براها تقص الضهر

يا طارق لو بتجيب معاك مغربية
ضامرة الحشا المبروم
والقظيبة باهية بالزاف
ويدها طاعمة
في الكسكسي ، خضار ولحم
وضالعة بالغناء

فتعال ولاتلوي
ورقبتنا سدادة

واعلم اننا نحفظ حقوق الجيرة
وارعى حق صحابتي

الأخ عبدالرحمن بركات (أبوساندرا)

لك التحية و التقدير


وحقيقة هذه دعوة كريمة من رجل كريم


أولا مبروك للدكتورة ساندرا مقدمآالإلتحاق ببرنامج الدراسات العليا في ماليزيا وعقبال ماتحضر الدكتوراه في جامعة هارفارد في أمريكا أو كامبريدج في بريطانياإن شاء الله فالدراسات العليا أفضل في الغرب بالذات أمريكا أو بريطانيا


أنا حقيقة أخطط أصلا للحضور للإقامة و العمل في قطر منذ فترة طويلة بسبب وجود أفضل السودانيين أصالة وعلمآ ووعيآ بدولة قطر حيث سافرت الكثير من الكوادر السودانية عالية التعليم و التأهيل إلي قطر للعمل كأطباء مثل العالم السوداني البروفيسور عمر عبود أبرز المتخصصين في أمراض الكلي في الدول العربية و إفريقيا وكمهندسين كالمهندس والعالم السوداني عمر بوب و أساتذة الجامعات و الصحفيين و الخبراء الإعلاميين كبدر الدين الأمير و الفنانيين مثل الفنان السوداني الكبير محمد السني دفع الله والفنانيين التشكيليين كالأخ عماد عبدالله و المستشاريين القانونيين من فطاحلة القانونيين السودانيين كسيادتكم عبدالرحمن بركات و خبراء الإدارة و الإقتصاد و البنوك

ولذلك الجالية السودانية في قطر في إعتقادي أنها أفضل جالية سودانية في العالم علي الإطلاق من ناحية المستوي الفكري و الإجتماعي و درجة التعليم و الوعي و الإستنارة و أنا الحقيقة متابع و بشكل دقيق جدآ لكل الجاليات السودانية في العالم وأعيش متنقلا مابين الدول الغربية و الدول العربية في أعمال تجارية و مالفت نظري هو مستوي ناس قطر المتقدم جدآ و أسجل في هذا الإطار إعجابي الشديد بتجربتكم الناجحة في قطر و ماحققتموه للسودانيين من نجاحات و تفوق في مجال العمل و البيزنس يفوق كل الجاليات السودانية الأخري و قبل مسألة الأولمبياد أساسآ كنت أخطط للحضور للعمل و الإقامة في دولة قطر و أنا متخصص في مجال الإدارة العامة و أحمل جواز سفر غربي من دولة من الدول الكبري و لايوجد لدي أي مشكلة في دخول قطر فأستطيع الحصول عليها من المطار لمدة شهر و تجديدها

و الحقيقة من كل قلبي أتمني رؤية العديد من الشخصيات البارزة التي تكتب في المنبر من دولة قطر و أولهم أنت ياأستاذ عبدالرحمن بركات أبوساندرا و الأخ الفنان الكبير و المبدع محمد السني دفع الله و الأخ بدرالدين الأمير و الأخ عماد عبدالله و الأخ هجو الأقرع و علي فكرة أنا من المهتمين بالشعر و لا شك حأكون إضافة لمنتديات الحوار الفكري و الثقافي عندكم ( بس أبعدونا من السياسة عليكم الله فأنا مهتم بالبيزنس و الشعر وزول عملي و أكره السياسة لأنها بتفرق الناس و تكسرهم إقتصاديا)

وأتمني مقابلتكم حين قدومي لقطر في الشهور القادمة وياريت تكتب لينا عن تقييمك عن الوضع الأقتصادي و كيفية الحصول علي و ظائف سريع بقطر و تكاليف الإقامة و السكن و المعيشة في قطر و بالنسبة لي شخصيا تهمني العلاقات الإجتماعية الجيدة و المجتمع الراقي و الفاهم و العيشة في دولة عربية راقية زي قطر أحسن من العيشة في الغربة القاتلةوحياة السفر و التنقل


ولك مودتي

ابو ساندرا كل عام وانت والاسرة الكريمة بخير

الدعوة عجبتني والفكرة اكتر خلاص سجل اسمي single

وجاهزين

بس ما بحب العدس ولا شوربته نحن ناس يالبتعشى بيك وببصبح مشتهيك ...!!!


كل الود

Quote: والقظيبة باهية بالزاف

انت يا ابو ساندرا قاعد تعزم الناس من الرباط ولا شو

الكلام دا ما بيعرفو الا زول عاش في المغرب

أبو ساندرا
أنا جاية لكن شايفاك حددت الفئات ب:

Quote: عشان عندنا ترتيبات للأسر وترتيبات للعذابة ، الذين قد نعتقلهم في شقة بدر الدين

كدى زح لى كدى واللا كدى من أم ساندرا عندى معاها ترتيبات براى.
أسماء

اخي ابوساندرا ..


سجل عندك


عبدالمنعم سليمان محمد


حضور الدوحه يوم 12 المغادره يوم 2 يناير بعد راس السنه ..


تحياتي ليك ولرشيده

منعم

Quote: في الكسكسي

الله يا بوساندرا بحبو


مع الطاجن بالحـــــــــــــــم



يسلم كسكسك


منعم

كتب الفنان المبدع / عصام عبدالحفيظ :

Quote: ساكون معكم ومعى كاميرا صغيرة قدر ( السودان ده ) يمكن اقدر انافس وثم ثانيا مع كل الاحباب بالدوحة سأزور الاستاذ الشاعر النور عثمان ابكر( ابو النسب ) وسلامى لكل الاحباب بالدوحة سلام

ده عاد يوم المنى يا عصام
عشان نعيد ونستعيد ذكرى أيام بدأت
في النصف الثاني من سبعينيات القرن الماضي
وإزدهت عبر الأيام
ومازالت وستبقى ما بقينا

الشاعر الملهم صاحب
- صحو الكلمات المنسية
- غناء للعشب والزهرة
- وأخر
النور عثمان أبكر
رمز من رموز الدوحة البازخة
وقاماتها الباسقة

أكيد حا نرتب لزوارنا الكرام جلسة معه
يرتل لنا فيها شيء من شعره الرصين
ونفتح { سحارة } ذكرياته

ياريت تجيب معاك:
- طلال عفيفي
- ابراهيم الجريفاوي { قرمبوز }
- ضياء خليل و توابعو
- سفيان نابري ، وأتعهد ان لا أدعه { يفيق } من المتع
- هندية البت الفنانة صاحبة الصوت الملائكي ،

ياابو ساندرا
علي الطلاق فت الكبار والقدرك ، واله اهلي البطاحين يسمعوا بالعملته ده الا كان يضبحوا ليهم زول عشان يلحقوك.
سجلني وجاي براي الاولاد ماعندي طريقة ليهم.
تحياتنا للمدام

ونواصل الترحيب بالجميع في حضرة صيحة الدود النتر (ابوساندرا)
ونحلق معا في اجواء معالم الدوحة التي ستسقبلكم بكل اريحية ودهشة
فالدوحة كورنيش عالي الجمال ويمتد علي امتداد 2 كيلو علي شاطي الخليج ومجهز بتربيات
خرصانية موغلة في فخامة التصميم وستطل بعينك علي دائرية الدوحة من اي نقطة في كورنيشها
وقد تمتع ناظريك بالتمتع بشيرتون الدوحة وابراج الدفنة الموزعة بتنسيق عالي...
وذلك بجانب النجائل الخضراء والزهور ولون الماء وهو ياخذ لونا اخضرا يسر الناظرين....
...ايضا القوم هنا كثيري الابتسامة والتودد فالدوحة اصبحت مجمعا لشعوب عديدة اختلطت
وتمازجت في وقت وجيز...تظللهم ضياء وكرم هذه البلدة المضيافة....!!
ان اردت الاحياء الشعبية والتواجد القديم للجاليات الايرانية والباكستانية فحي الهلال
يعطيك نموذج لاختلاط الشعوب منذ عهد بعيد..
التواجد السوداني الكثيف ستجده في حي الريان حيث الاجواء تشابه امبدة والحارات السودانية
بجانب المطاعم السودانية التي تبيع المنتجات السودانية الخالصة
مرحب بالجميع ..وحبابكم الف...

جايين الدوحة الجميلة جايين عشان نقابل الناس الجميلين بورداب الدوحة و نعيش في عاصمة الوعي العربي و المدنية الحديثة مع الناس الراقية و الواعية و يا أبوساندرا لو الدوحة عجبتنا تاني البطلعنا شنو منها و يحلك الحلا بلة من جيوش البورداب القادمين ما في مشكلة في أسعار تذاكر المونديال و الله الناس ما شافت الأمريكان بدفعوا كم لمباريات السلة و الهوكي بس أهم حاجة جهزوا المطايب السودانية من الباسطة والكنافة و البسبوسة

الله الله ..
يا كبير ..

و تذكرت :

( العيشتو مي عوايل
جدك بضبح الشايل
أضرب كفك الطايل
ما ترى الخزين سمح و خايل )

رائعة عمنا كابلي : الجنزير في النجوم ..

أها .. شن القول بعد قولك يا كبير ..
حرم نتكي جنياتنا و نضبحهم للجاي من تاله البلد السمح ..
أبشر .. ربح البيع .. ربح البيع ..

و جاييك بمهلة ..
بس بعد أسمع عمنا قدور و الأولاد ( أبان صلع ) الشحتفو شعيرات روحنا بالغنى السمح في النيل الأزرق ..

أرجاني ..

كيكي الظريف وعمده


تحياتي


what you offer

مرحب منعم
وحبابك الف يازول يا وريف والدوحة منتظراك
والاوفرات بالكوم بس انت اقلقل وتعال
ابوساندرا ما بقصر معاك..وصحبك النادل
وودرملية ممكن يغني ليك والسني يعمل ليك جلكسات ودراما
وعماد ممكن يرسمك...وفي زول جبان كده لكن مدسي اسمو فيصل عباس
وده ممكن يقول ليك (عندما يتصل الشفق بلون الافق تتراوح مدارات الاسي فوق
تلاتيف شنو كده ما عارف...يديك كلام مثقفاتية لمن تاممممن ذاتو)
ومرحب بيك يا وريف وكشكش الوريف خالد ماسا معاك...!!!!

كتب ، ضحية إبراهيم :

Quote: ابو البنيات عشا البايتات هيييييييييييييييع طبعا اهلك المسيريه عندهم مثل بيقول ليك الفحل برجاله والكريم بام عياله.. يعنى اذا انت فحل وزول دواس وما معاك رجال ما بتداوس ولو كنت كريما وماعندك ست بيت كاربه وبت اصول وبت رجال وست ضيفان موضوعك مجلى ..هنا احيي الرشيده رشيده وبما اننا سنشهد الاسياد عذابه يعنى بدون ام عيال الا اننا فى بورداب الدوحه كلنا استعداد لخدمة زوارنا من كل البورداب ولو ما شالهم الراس تشيلهم عيوننا ومرحب بيكم فى اى زمان ومكان

لمن شيخ العرب ضحية يقول

:{ كلنا استعداد لخدمة زوارنا من كل البورداب ولو ماشالهم الراس
تشيلهم عيوننا ومرحب بيكم في اي زمان ومكان }

فتأكدوا أن الرجل يعني مايقول
فالرجل كريم سليل كريم سليل كرماء من لدن أهلنا المسيرية
ولما سماه عمنا إبراهيم والده بضحية كان يهييء الأهل والقبيلة
بأن ماتشيل هم لو هل ضيف وقت مسغبة فابنه جاهز به يكفي الضيوف

ماتشيلو هم تب فضحية شمر ومنتظركم وجلس القرفصاء قبالة المطار
لإستقبالكم ، ومن أجلكم الزول ده ممكن يضبح أميرتو ذاتها

ابو ساندرك ...


جاييك لمن اخليك تغني

Quote: كسكسي لي كسكسي كدا كسكسي شوفيهو لي كان فيهو شي قوليها لي ما تختشي ست الودع

جهز النادل والسمار والخمــــار لنشرب من كاس الدوره ..


منعم

.

Quote: حق التذكرة ذهاب وأياب طبعآ

أنا غايتو جاييكم بتذكرة ذهاب فقط ..شيل شيلتك

شكرا أبو ساندرا ... دعوة كريمة من شخص كريم إبن كرام..
ما يحيرني فعلا ، في رمضان قبل الماضي قضيت ثلاثة ايام في الدوحة وأنا في طريقي للخرطوم ، وغادرتها بانطباع أنها مدينة تخلو من وجود السودانيين تماما ..لم أر أحدهم في شوارعها التي جبتها طولا وعرضا بصحبة أصدقاء مغاربة .. في اليوم الأخير فقط التقيت بأحد زملاء الدراسة بسورية ودعاني لتناول الإفطار مع أسرة سودانية كان قد التزم سلفا معها ..للأسف لا أذكرهم ..كنت دايش في اليوم الأخير قبل السفر
هنا في المنبر اكتشفت وجود هذه الكوكية الرائعة ، وأتمنى أن تتاح لي الفرصة مرة أخرى لزيارة الدوحة ، سيكون طعمها مختلفا في وجودكم بالتأكيد ..
كل عام وأنتم بألف بخير
.

بكري الصايغ ، كتب :

Quote: " دعـوة زي دي اصـلوا ماسمعت بيهـا!!!!، زول يـعزم 8 مليون سـوداني في الغـربة!!!!!!"، دي بـس عملهـا شـارلـز لـما عـرس ديانا"، اكـرر تـمنياتـي لـك وللـجـميع بالدوحة التــوفيـق والسـداد، امـا عـني فاكـرر الشكر والاعتـذار بســبب بـدءاحتفـات الـمانيـابعيـد الكريسـماس.

ياالحبيب ، سيبك من تشارلز ، نحن حاتم طي ذاتو عندنا فيهو رأي
مشكور على التمنيات الطيبة ، إلا إعتذارك ما أرضانا ، كنت متمني حضورك
عشان عارف الونسة معاك حا تحلى عن منطقة الخرطوم جنوب ، وعيال الصائغ
ياخ بنديك إسبوع للكريسماس وتجي تكمل باقي الإحتفالات عندنا
مش حاتندم

و طالما أنت في المانيا اكيد بتعرف اصحابي :
- المهندس طه سعيد نقد وزوجته المهندسة سهير إبراهيم حسن
- المهندس محمد علي بشير
أكان بتعرفهم ولاقيتهم وصل ليهم سلامي وشوقي العارم
ووجه لهم الدعوة بالنيابة عني وياريت يجوا وياريت تحلى ليهم البلد
ويقعدوا بي وشهم

يا كيكي ..


شكرا يا امير صاحبك ابو ساندرا الناس كترت عليهو ويمكن نطا ..


هييييييييع يا الاسد النتر ..


قول ليهو انا ما عاوز غير bed and breakfast


والباقي بقوم بيهو النادل والشيوخ والقبائل ..


بكون دسوا منو الباسوررد تاني ياربي ولا شنو ...


ولا شنو


منعم

( إدارة الفعاليات الثقافية و الإحتفالات )
أكبر الإدارات و من أهمها , و التي يقع عليها عبء تحويل الدوحة بكاملها إلى ( أكبر مسرح ) عرفته آسيا و المنطقة على الإطلاق .
الرجل خلف هذه الإدارة فنان و مهووس بالإبداع .. شريف حشيشو



بعض أهم الفعاليات الثقافية المصاحبة لحدث القرن .

يا برد الشتا
وقت الهجير شواية
يا ضل الضخى
يا النسمتك هّّّّّّّّّّّّّّّدّاية



يا جميل
هشام

Quote: بلاي شوف !!!

ياما حتشوف يا سفيان بشير نابري
وهسع عماد عبدالله ختا ليك الشوف
الدورة دي حايحصل فيها العجب
لاعين سمعت
لا أذن رأت
شفت الخلبطة دي ؟

يللا تعال
وجيب معاك الناس العسل

والمويات راقدة هبطرش
وإتحداك كان تفيق

Quote: وأنا يا بابا بعد الشورة طبعاً

شاوري
لكن { وأنا } سبقت المشاورة
المهم فرصة تضربو عصفورين ، بل عصافير بزيارة واحدة
غايتو نحن سجلناك مع الحضور

Quote: شكرا فاروق شكرا ابوساندرا والله يحفظك ويحفظ اهلك قول اثنين محمد علي المشرف مختار.....عذابي ومن المطار علي شقة الامير بس تورونا السكة وتجهزوا الكتشينة بالمناسبة شهر كم الدورة وانشاء الله معاكم محمد علي المشرف مختار محبتي

لو أنت بتاع كشاتين فشقة بدر النقال مابتنفع معاك
حانوديك لي ناس بيجرو منك الخمسين وينهروك لمن تنخلع وتقع على قدومك
قبل ماتفك البايظ

الدورة في ديسمبر يعني منها ورأس السنة وختامها مسك
منتظرنك

ابو ساندرا
كل سنه وانت طيب والبنوت وامهم


ممكن اساعدك في الرفع
عشان ما ت/يمشي بعيد
لي الماشافوهو

كل عام و انتم بخير
وشكرا على الدعوة الجمال والتنظيم جميل لانه واضح
وبدا بدري و وود البدري سمين.

ونتمنى لكم اوقات سعيدة ومتعونا بتطورات الدورة في سودانيز اون لاين.

وعيد سعيد.





د. شهاب الفاتح - كوالالمبور.

العزيز أبوساندرا لك التحية بالرجولة المبتدرة التي دعمتهابأبناء عبدالله الجدعان ، لم تكن تقصد التستر بجمالهم إلا أن عماد عبدالله شال الشيلةوأنا أعرف أنه أكبر منها وقدم مبادرته بكل أدوات الرجولة والجمال ، على أية حال فلنتحمي برجولتكم ونهئ ضيوفنا بأن يكونوا ضيوفكم في يوم الوعد الآسيوي خاصة وأنكم تملكون النصف الأساسي من أدوات الكرم .. مع تقدير لمبادرتكم .

أبو ساندرا

Unfor. I will be in the Gulf area day after the final Dec.15 Please tape all action for me.

Aid Saeed

الاخ السهيلي مجذوب مرحب والف مراحب
ومرحب بك في الدوحة وساعتها الواحد ممكن يضارب ابوساندرا عديل كده في امر استضافتك
فلك عندنا حقوق كثيرة تبداء بصلاح الامين مرورا بصديقي مصطفي ميرغني...
والف مرحب بيك

كتب ، فيصل عباس :

Quote: ممكن اساعدك في الرفع

يا شباب أسمحوا لي أقدم فيصل على سابقيه في الرد
عشان عايز أكمل ليه مداخلتو أعلاه

يا فيصل
الرفع ده ساهل جدآ
الكلام على الدفع

فلازم عندما ترفع تلتزم بأن تدفع
فالشباب من بورداب هنا كلهم أعلنوا عن إستعدادهم
على إستضافة الأخوة والزملاء بأسرهم وتقديم كل التسهيلات لهم
إستضافة كاملة الدسم

فعايزين نسمع تغريدك يا فيصل
فالأعزاء كيكي وضحية وعماد أعلنوا عن فتح منازلهم وقلوبهم للقادمين
وماتقول لي أنا برضو فاتح قلبي

وشايف الفاءات دي مسيطرة كيف

وليهم وليك

فاتح كل المسامات الفيني
وبحاول جاهد اغير من وظيفتها لاردها للحاله العكسيه
ادخال بدلا عن الاخراج


ومسالة الدفع دي ساهله جدا
واظنك ادرى....

أبو ساندرا ..
فيصل عباس ..

دعوة كريمة و كبيرة زي دي بتتطلب لغة تعبير قدرها ..
و ناس كبار ..
عشان القول و ( القول ) .. والفعل ما ينفصلوا .


وللا شنو ؟؟

كيكي....

Salam, and thanks, how is Salah now please forward his contact info if possible to me through IM.

Abo Sandra,

Thanks for ignoring me but Keyki and Hilton are there...

Quote: ومسالة الدفع دي ساهله جدا واظنك ادرى....

داري يا الحبيب
وأعرف تسندك كريمة بت كرماء
حتى ولو بي عثمان البشرى

وماتشيل هم يا عماد
فتلك عكننة دافعها المحبة

لو يدري .

ابوساندراوفيصل حبايبي
انتوعارفين انا اكثر مشاكلي مع ناس بيتنا بتكون لمن يكون عندنا عزومة
اوضيوف جايين بكون قلقان..بشكل غريب...
فالحين يا احباب(حلوة احباب دي)
احنا راجيين الضيوف فاعملوا حسابكم الواحد ما يقوم يشاكلكم ويعمل جنجال
وخلونا نشوف الترتيب بتاع العزومة..الضبايح والاكل الرغيف...وتحت تحت كده الرمضان ولي
هاتها..
احبكم وما تخلوني اركب وش كديس واجيكم بيهو بكرة في الرحلة...

يا كيكي
زي ماقلنا لعماد ، ماتشيل هم
والله المداخلات أعلاه سبقها تلفونات بيني وبين الآبق فيصل عباس
والأمور عسل على بصل بيننا
مافي أي مشكلة
بس بندردق في فيصل عشان يجي { يضبح } هنا
أصلو عندنا فيهو أمل كبير
والزول زول واجب وضيفان
وكريم ، ورافض أن يسمي و يفصح عن مايعده من ترتيبات لإستقبال ضيوفنا الكرام
وناقش معاي كثير من التفاصيل حول الإستقبال والحفاوة والبرنامج
حاولت أن أقنعوا بطرحها هنا للنقاش
وفيصل رافض ، وقال : دعنا لانتحدث بكرمنا ، ونعمل في سكات
عشان كده لمن رفع البوست
طالبناه ان يقرن الرفع بالدفع الرباعي

فيصل يا كيكي هاشي وباشي للفكرة/ الدعوة

عمران بابكر بكري :
أول حاجة ننتهز الفرصة لنقول ليك العمرة مبروكة وإن شاء الله مقبولة
يوم الجمعة حا نقابلك في الرحلة مدعم بالمطايب
وفي الجو الآسر المتوقع
نناقش تفاصيل إستعداداتنا لإستقبال زملائنا الكرام الراغبين في حضور
الدورة ال 15 للألعاب الآسيوية في الدوحة
وأنا عارف إنو عندك أفكار نيرة
وقدرة خلاقة على البرمجة والتنظيم

صديقى الأول..
كل عام وأنتم بخير والقابلة تتحقق الأمنيات..
دعوتك جميلة ومقبوله وهذا طبع الناس الحلوين..

الاعزاء
عماد وكيكي

اعرف انكم تحملون خيالا جامحا
وتلتفطون ما هو خارج السرب مغردا وتوازنوه مع الجماعه في نسيج لايشك فيه من يراه انه يتبع الي
جماعة ما (الشتر)...

لكن !!!!
يبدو انكم هنا قد خانتكم البصيره وتلاعبتم بالمعاني المتعدده للمفرده وبالتالي سوقتو
ما قلناه انا والعجوز ابو البنيات (بركات) الي زمن ما
ربما كان يخصنا الاتنين

وعموما وهنا بالتحديد ارجو ان لا تردونا الي ذاكرة سابقه
فنحن هنا منفعلين تماما معكم ومع الهم المشترك

وابوابنا لا تعرف المواربه

معزتي يا كبار
شكرا يا بركات لتوضيح ما سبق

و ما لكما في القلب تعرفانه ..
أبو ساندرا و فيصل ..

لا ردة هناك و لا جموح خيال .. لا يحزنون .
فقط هو الكائن المتوجس ذو قرني الإستشرار عندي مختل البوصلة - ربما -
من قلقٍ عليكما .
ربما ..

لا عليكما ..
وددت أن أقول ما قلت .. فقلته .
و لكما العتبى .. و التحية .

شكرا كيكي .

Quote: يا فيصل الرفع ده ساهل جدآ الكلام على الدفع فلازم عندما ترفع تلتزم بأن تدفع

وبعد الاستأذان من استاذى ابوساندرا اعود ... شوف يا فيصل .. لا يخيفك الدفع ولا الرفع انت ضيفنا وسوف نضع على كاهلنا امر دفعك ورفعك حتى ترضا عنا .... كيف لا وانت العزيز الغالى ضيفنا الكريم الذى تكبد الصعاب ليونيخ ناقته بمضارب قبيلة بنى ساندرا ..

حبابك الف ..

كامل محمد
مرحب بيك ، وكدا انت عتب الدوحة وحاتلقى كل الأمور ساهلة
الدوحة مفتوحة الذراعين خاصة لأهل الكفاءات والمقدرة
فهي تنهض في طفرتها التانية
تعال بس ، وسيبك من حكاية التكاليف دي
بعدين بنتحاسب

ابو ساندرا ياشيخ الكرم..

انا معك جاهز للضبح وستجدنى انشاء الله من الصابرين فقط اهم مافى الامر ان تكرم ضيوفك وتحسن وفادنهم اصلى ضحيه وساعيش ضحيه واموت ضحيه..

جاهزين جاهزين لحماية الدين

نحن على استعداد لخدمة البورداب الغالين

خصوصا الجكس منهم

عسى أن يرزقنا الله بالرابعة

وتكون بوردابية على السكين

الظلامي / معتز القريش
لكن
فنان

Quote: وترتيبات للعذابة ، الذين قد نعتقلهم في شقة بدر الدين

فيها سحلب تركى؟

أسماء عبدالحليم ، كتبت:

Quote: أبو ساندرا أنا جاية لكن شايفاك حددت الفئات ب: Quote: عشان عندنا ترتيبات للأسر وترتيبات للعذابة ، الذين قد نعتقلهم في شقة بدر الدين كدى زح لى كدى واللا كدى من أم ساندرا عندى معاها ترتيبات براى. أسماء

أنت بالذات يا أسماء نحن رافعين عنك التصنيف ، زي رافعين عنك القلم
فتصنيفك لا يخضع للفئات العادية أعلاه ، عزابة وأسر
بل تصنيفك حايتم على أساس الإنسان الكامن فيك
بمايجعلك تعلي وتسمي على كل الفئات
وبهذا السمو توجناك زعيمة للكل
ولك أن تحتلي موقعك بجوار رشيدة لتكوني انت المضيفة لجميع القادمين
أسر وعزابة وعوانس

ابو ساندرا

دى المرّة التانية تفطنى

بتكون قاصدنى

التالتة ... بتشوف شعاع ..

انعام حيمورة ، كتبت :

Quote: ابو ساندرا كل عام وانت والاسرة الكريمة بخير الدعوة عجبتني والفكرة اكتر خلاص سجل اسمي single وجاهزين بس ما بحب العدس ولا شوربته نحن ناس يالبتعشى بيك وببصبح مشتهيك ...!!! كل الود

الوجيه إنعام
بت آل حيمورة الكرام

منتظرينك وياريتك تتأبطي معاك إشراقة وعلاء
وعشان نحندقك
فبالإضافة للمحمر والمقمر والمشوي
واللحوم السورية
وأسماك البحر

فإن الست رشيدة أحسن زول بيعمل فول مصلح في الدنيا
وبه ممكن تفتحي لكل الأصناف أعلاه
بس جيبي معاك جبنة سودانية وزيت سمسم

وعباس حيمورة

تحياتي
إنت أبوساندرا وكمان أبو الكرم والجود


ود البدري

محرية فيك يا أبو الكرم والجود

ودالبدري

ابو البنيات

معليش مداخلتى جات متاخرة شوية لكن لسه ما فاتنى الكتير ... اسمع الكلام النجيض ده..

1- من اول يوم فى الاسيات ولغاية ما ضيوف الدوحة يشيلو اهلهم مدد ودعم لوجستى يومى بلا انقطاع لى ست الدار
2- رقم تلفونى ح يكون الخط الساخن 24 ساعة فى اى وكت ح استقبل تلفوناتكم
3- سيارتى جاهزة ومستعده لتغطية جميع المشاوير

ياها المحرية فيك يا ابو ساندرا ...

Quote: ابو ساندرا دى المرّة التانية تفطنى بتكون قاصدنى التالتة ...بتشوف شعاع ..

والله يظهر قبل التالتة انا شايف شعاع
فقدر مافتشت في هذا البوست لم أجد لك مداخلة
ولا واحدة
سيبك من إتنين

حا أراجع طبيب عيون
أو
أنت راجع طبيب نفسي

حمدآ لله على السلامة ، وبركة الجيت طيب
كنا مفتقدنك

Quote: فهناك متعة أن تلتقوا ب : - الفنان الشامل / محمد السني دفع الله ، صاحب القعدة الشهيرة في فيلم مصري غايظني - الفنان المجيد / عماد عبدالله - الزول الغناي صاحب الأنامل الذهبية / صلاح عبدالله - الحاوي اللذيذ /عبداللطيف خضر ودالحاوي - الدنقلاوي الناجح ، المهندس عمر بوب - القانوني الضليع الدكتور أحمد عثمان - القانوني الرزين / طه سليمان { ودالزين } - الفنان / عادل التيجاني - الحكاي صاحب الحكايات المذهلة م عبدالكريم الأمين أحمد الشهير بكيكي والمذكور حايقد راسكم بحكايات كمبو الري وأشياء أخرى مسكوت عنها - النجم الصاعد / عبدالرحيم ودرملية - شيخ العرب / ضحية إبراهيم - الفالت / عمران بابكر بدري - النادل / بدرالدين الأمير - الظلامي الفنان المحتال/ معتز القريش وكيف ربط ثلاث نساء في حبله الواهي - ابوعاقلة العاقل

قول واحد
مالنا ؟ ما عندنا حاجة ولا ما فينا رقشة ..

Quote: حزنت لغياب ------------------ 1- الزميلة نانا وأسرتها 2- غزلان المغربية الباهرة 3- الزميلة أبنوسة التي خططنا لتوريطها في قراءات شعرية ونصوص 4- فيصل عباس الذي مازال في عزلته المجيدة

قول اتنين

Quote: حا أراجع طبيب عيون أو أنت راجع طبيب نفسي

الآن ..
عليك مقابلة الاثنين معا
وقياس ال IQ ..

ابشر يا ابوساندرا
نحن معاك ، ولو جات الصين كلها
بنكفيهم معاك
ومرحب بضيوفنا ، ضيوف الدوحة الكرام

مبادرة طيبة ودعوة الكريمة ..

فلك خالص الشكر أستاذ أبو ساندرا ..

فالدوحة مدينة جميلة عامرة بوجودكم والكوكبة الراقية من بورداب الدوحة ..

أكرر شكري وتقديري .. مع أطيب التحيات للأسرة الكريمة ..


جاد

الأخ جاد
والأخوة فيما فوق

الكلام دخل الحوش
والمنافسات الفرعية بدات
والدوحة فيها جو رهيب
غيم ونسمات باردة

منتظرين
التاكيد النهائي وتحديد موعد القدوم

عشان نكمل ترتيباتنا