Post: #1
Title: الخميس 5 / 5 / 5
Author: أبو ساندرا
Date: 05-04-2005, 11:06 PM
Parent: #0
الخمسات دي عجبتني جدآ
و ترقيم تاريخ كهذا نادر جدآ ، ممكن بعد سنة يكون في يوم 6/6 /06 ولكن لن يكون اليوم أبدآ { السديس }
مهتم بالتواريخ النادرة كحالة اليوم
وعملت إحتفال بهيج يوم 9 / 9 / 1999 والغريبة برضو اليوم داك كان خميس
|
Post: #2
Title: Re: الخميس 5 / 5 / 5
Author: الزنجي
Date: 05-04-2005, 11:18 PM
عاشت ايامك ابوساندرا
وربنا يجعلها كلها بهجة وسعادة
|
Post: #3
Title: Re: الخميس 5 / 5 / 5
Author: ودقاسم
Date: 05-05-2005, 01:20 AM
عارفك ضارب أخماس في أسداس !!!
الله يكون في عونك ... وكل يوم خمسة وإنت طيب
|
Post: #4
Title: Re: الخميس 5 / 5 / 5
Author: حمزاوي
Date: 05-05-2005, 02:53 AM
ابوساندرا اخوي
مشتاقين
كيفك
هميس همسه همسه همسه
هلفا دغيم ولا ديم القنا
|
Post: #5
Title: Re: الخميس 5 / 5 / 5
Author: أبو ساندرا
Date: 05-05-2005, 02:53 AM
الزنجي :
يسمع منك ربي ويستجيب ، وتحلى الدنيا ويعم السلام والمحبة البلاد والعباد ، وكل الأمنيات الحلوة لك
ودقاسم :
ضارب أخماس × أسباع
وشكرآ على التهنئة الرقيقة بالخماسية المجيدة
وحا نبادلك التهاني والأمنيات الطيبة في يومك 6 / 6/ 06 { اليوم العالمي للستات }
راجع حسابك ، حولت ليك عشان تتصل في رشيدة
وإتصالك بها هام جدآ فالولية إنهبلت في مخها ومعلنة حداد صارم ، بلاهي عليك أجلب معاك أشد فتوى في شأن الحداد على غير الزوج أكثر من 3 أيام ، فتوى من نوع حا تكبي على وجهك في النار ، ولازم يكون إسنادك للفتوى لشيوخ ثقاة
|
Post: #6
Title: Re: الخميس 5 / 5 / 5
Author: Ismaeil H. Mohamed
Date: 05-05-2005, 03:49 AM
Parent: #5
شفت يا ابوساندرا
الخميس 05 05 05 ومعاك رشيدة كمان
ابسط يا عم
كل سنة وأنتم طيبون
إسماعيل حميم
|
Post: #7
Title: Re: الخميس 5 / 5 / 5
Author: خدر
Date: 05-05-2005, 05:35 AM
Parent: #6
| Quote: الخمسات دي عجبتني جدآ |
|
Post: #8
Title: Re: الخميس 5 / 5 / 5
Author: jafar hashim
Date: 05-05-2005, 05:44 AM
Parent: #7
الأخ أبو سـاندرا
فعلاً الخمسات الخميسية دي كانت تستحق وقفة
بالأمس وصلتني مسيج من الأخ عضو البورد ياسـر حنا يقول فيها
تمر السنون ولكن غداً 5/5/5 لن يأتي إلا مرة واحدة في حياتنا
وحفزني على الاتصال بالأحباب في البلد وتهنئتهم بهذه الخمسات التي لن تتكرر
كل سنة وانتو كلكم طيبين
|
Post: #9
Title: Re: الخميس 5 / 5 / 5
Author: almohndis
Date: 05-05-2005, 07:07 AM
عزيزي
ودبركات
سلام يا من تجعل الخرطوم
ذات نكهةوابعاد غير محددة
في ذات حضورك ار النيل كثيرا
انا شخصيا هذا اليوم
له عندي طعم خاص
فيه اكملت عامي الثالث الاثيري
ودونك تاريخ التسجيل
تخريمة:
ما صدرت الاومر بالعوده
ولا الامر ماوصلك
عثمان بن احمد
|
Post: #10
Title: Re: الخميس 5 / 5 / 5
Author: Elmoiz Abunura
Date: 05-05-2005, 10:52 AM
Dear Abdelrahman
My wife Afaf and I were taklking about the significance of this day 5/5/2005 just five minutes ago, then I found your message talking about the same subject.I looked to your profile,and I think we met during the period 85- 89 in Aldeim- Ammarat. I was in Doha- Qatar last year for 10 months, itis unfortunate that we did not meet.
Regards to Rashida , Sandra, and your other children
Elmoiz Abunura
|
Post: #11
Title: Re: الخميس 5 / 5 / 5
Author: ثروت سوار الدهب
Date: 05-05-2005, 11:02 AM
Parent: #10
يا سلام لو كان موعد انعقاد المؤتمر الخامس!!
|
Post: #12
Title: Re: الخميس 5 / 5 / 5
Author: خضر حسين خليل
Date: 05-05-2005, 11:25 AM
5/5/2005l
أزيك ياابو ساندرا ( ياابو النسب )
بداية أهنيك كل الرفاق بحزبنا بخروج المناضل الاستاز
سليمان حامد الي العلن نتمني أن يسهم مع الرفاق في
ارساء دعائم التغيير المنشود
لك الود
وخرج المناضل سليمان حامد الى العلن]
|
Post: #13
Title: Re: الخميس 5 / 5 / 5
Author: Ibrahim Algrefwi
Date: 05-05-2005, 11:32 AM
خميسك "كلونيا" يا خال و تلاتة خمسات 
أما بعد :
الخميس ذكره طيب عند الناس قي بلاد السودان...!
الخميس احد أيام الديم العجييييييييبة
هو يوم للحياة .. وللفرح
لسوداني الخدمة المدنية " عليهم الرحمة والبركة" علاقة طيبة مع الخميس
اذ خرجت عنهم امثال عينة "الخميس "صفقة" ورقيص " و "خميسك ولو تبيع قميصك"
والي أخره
وهو يوم الدافوري ابغباراً بره ..!!
للباسطة والسينما ..حيث لا دروس بالعصر ولا واجب يذكر
ويطلق المدرسين طلابهم مُبكراً ...!
وهو يوم ينفد الخمر سريعاً
|
Post: #14
Title: Re: الخميس 5 / 5 / 5
Author: حسام يوسف
Date: 05-05-2005, 01:04 PM
Parent: #13
الأخ أبو سـاندرا
تحياتي والله جد الشغله كلها اخماس في اخماس وربنا يسهلها
|
Post: #15
Title: Re: الخميس 5 / 5 / 5
Author: ودالعباسية
Date: 05-05-2005, 02:12 PM
Parent: #14
العزيز ابو ساندرا ...
هل تعلم انه يصادف يوم ميلادي ...
فعلا يوم مميز وما اظن يجى تانى ..
تحياتى ...
|
Post: #16
Title: Re: الخميس 5 / 5 / 5
Author: خضر حسين خليل
Date: 05-05-2005, 04:17 PM
ود العباسية
ولدوك ( هسي) أقصد الليله قبل شوية ولا شنو
شباب نحنا هنا خشينا في 6/5/2005 م ( جنس جري لاحقين شنو ماعارفين )
أبو ساندرا
أها قلت شنو ياخي
|
Post: #17
Title: Re: الخميس 5 / 5 / 5
Author: Soumeta
Date: 05-05-2005, 08:39 PM
عمو أبو ساندرا مساء ألخير،،
أول زول يشاركني ألإحتفال ألغير مقصود بي يوم زي يوم ألليلة ده،، أو علي ألأقل بي شكل مصرح،،
في كل سنة بنتظر ألشهر ألمطابق لليوم و ألسنة من كل سنة
و بعزمني شاي و ونسة إنشاءالله ونسة مجتراه،،
أسع جبت شاي و إحتفلت معاك هنا،،
بمناسبة يوم ألسنة ألبشبه ألشهر و أليوم،،كل سنة و إنت طيب،،
لكن كدة طالباك ليها ألسنة ألجاية،، بس ألأنا منتظراه بتاع ألتسعات داك،، مش بقولو ألتسعة رقم ألحظ،، أها خلي ألحط يطير مكان تاني،، كلو تسعات ح يكون أليوم،،
|
Post: #18
Title: Re: الخميس 5 / 5 / 5
Author: أبو ساندرا
Date: 05-06-2005, 10:50 AM
حمزاوي:
دايمآ تجبد لي السيرة التي أحبها ، سيرة ديم القنا ، مهد الوعي والنضال والجمال
ناس الديم بيقولوا الخرطوم عاصمة السودان ، والديم عاصمة الخرطوم ، وحي القنا عاصمة الديم ، وانا كنت بضيف إنو مربعات خمسة { برضو } عاصمة القنا
يومآ ما حا أكتب عن هذا الحي تاريخ وحكايات ، سياسة وكورة وفن وإبداع ظرفاء وحرفاء ، نضال وجمال
بس إنت خليك قريب
إسماعيل حميم:
يا حميم إسم ومعنى ، كل الحب
تعرف أمس وظفت إحتفائي باليوم الإستثنائي لكسر حزن رشيدة ونجحت لحد بعيد والحمدلله ، شفت فائدة الخمسات؟
جعفر هاشم :
الولد ياسر حنا شفيف وحريف وياريت تكون إستجبت لتحريضه وإتصلت بالأحباب في البلد وهنأتهم بالخمسات النادرة ، وكل تخميسات وأنت رايق
المهندس:
عقبال تطفي الشمعة المائة وخمسة وخمسين في البورد
صدرت أوامر معكوسة ، انا طلبت منها الإستقرار في الدوحة إستباقآ للحصار الوشيك إذا ما الجماعة ركبوا راسهم الفارغ
سلام لك وللأصدقاء في الخرطوم ،
وعلى نيل بلادنا سلام
على نخيل بلادنا سلام
العزيز / المعز أبونوره
كل الحب والأشواق
وكيف أنساك؟
مازالت في البال وقفتك الجسورة
وآرائك الصائبة
ومواقفك الناصعة
وكم حزنت عندما عرفت إنك كنت في الدوحة ، حينها كنت في الخرطوم وأبلغني بهاء نقلآ عن خالد سليمان ، وحتمآ حا نلتقي
أكيد يوم زي ده ماممكن يفوتك الإنتباه له والإحتفاء به ،
كل التحايا وللإستاذة عفاف والأسرة وأمنيات طيبة
ثروت سوار الدهب:
مرحب بالصديق اللدود
وأول مرة تقول كلام في الصميم
وشايفك مهتم بالخامس ، ونتمنى ان يكون إهتمامك هذا من باب الحرص وحينها يسعدنا ان نطالع لك مساهمة إنتقادية ومقترحات مناسبة لكي يكون حزبنا قوة جماهيرية معتبرة ، ويستوعبك
|
Post: #19
Title: Re: الخميس 5 / 5 / 5
Author: ثروت سوار الدهب
Date: 05-06-2005, 11:50 AM
Parent: #18
لا والله عداك العيب يا ابوساندرا و فيك الخير.
لكن يا اخوي اوعه تسو ليكم مؤتمر مرجعيات!! باقي القعاد الكتير مع فكي التجمع بيعلم حاجات تخلي الحزب اضيق من سم الخياط.
الحقنا يا ابو راشد.
|
Post: #20
Title: Re: الخميس 5 / 5 / 5
Author: معتصم الطاهر
Date: 05-06-2005, 03:34 PM
والله الكلام المغتت لامن نتلاقى ..
لكن فاتح كدة ..
كم خميس فاتو عليك ..
ومتين لغة الآرقام صارت تمثل لك رقما ..
وشنو يعنى .. قاطعة ليك 5000 كلم وما داير تذكرها ؟
كدى يا أبو ساندرا.. خمّس لى سجارة ..
وخمسة وخميسة ..
ونضرب خماسينا ..
ونتلاقى ..
|
Post: #21
Title: Re: الخميس 5 / 5 / 5
Author: ابوبكر الامين يوسف
Date: 05-06-2005, 04:06 PM
Parent: #20
بالرغم من انى بليد جدا فى لغة الحساب لكن دى فهمتها ....وربنا يجعل كل حاجاتك مميزة المقصود هنا ( رقم اللكزس الفاخرة والنوكيا الماخمج) ومبروك ..واتمنى نحتفل معاك فى الكبيرة... تحياتى
|
Post: #22
Title: Re: الخميس 5 / 5 / 5
Author: Gazaloat
Date: 05-06-2005, 09:49 PM
Parent: #21
| Quote: وقال إن هذا الأمر دفعه لاصدار بيان نشرته بعض الصحف السودانية اليوم الخميس 5-5-2005 |
|
Post: #23
Title: Re: الخميس 5 / 5 / 5
Author: Ibrahim Adlan
Date: 05-06-2005, 10:12 PM
ناس الديم بيقولوا الخرطوم عاصمة السودان ، والديم عاصمة الخرطوم ، وحي القنا عاصمة الديم ، وانا كنت بضيف إنو مربعات خمسة { برضو } عاصمة القنا
بما انو (هناك) تقع في مربع 2 يصبح جليا انو(هنا) عاصمة مربعات خمسة بالتالي عاصمة عواصم السودان و احمد ود سيده المحافظ
|
Post: #24
Title: Re: الخميس 5 / 5 / 5
Author: أبو ساندرا
Date: 05-08-2005, 01:25 AM
خضر حسين خليل :
شوف يا ولد ، تربط أسلاكك مع البت بطريقتك ، لو دخلتني الموضوع حا يفشل ، لأنو قبل كده تدخلت لمصلحة بوردابي ولما خزلني وفاجأني بزواجو بدون إي إعتذار ، إرتسمت علامة إستفهام كبيرة عند البنات وراحت مصداقيتنا شمار في مرقة ، والبنات وأمهن إتخذن قرار أن أطلع مها ، وطلعت منها ، فيا زميل بطريقتك تحل قضيتك.
بعدين سول دي كادر خطابي ، يعني المسألة تحنيك ، وأحذرك هي حنكه كارب ومقنعة وممكن تطرطشك زي السلام عليكم
أما موضوع سليمان أنا ما قادر أهنيء واللا أبكي ، لأنو شكلها كدة إستباق ل { زيارة ودية } أخرى مؤلمة ومحبطة
إبراهيم الجريفاوي :
صدقت يا قرمبوز ، يوم الخميس في الديم أي حاجة بتخلص وتكمل بدري لو ما عملت حسابك وحجزت ، حتى الكوارع
وأكبر دقسة في الديم أن يتم دفن متوفي في ليل الخميس !
حسام يوسف:
أخماس فس اسداس يا حسام وما تشيل هم بتهون بعون الله ، ومرحب بيك
ود العباسية :
كل سنة وإنت في أحسن حال وأمنايتك محققة ، وعقبال تطفي الشمعة ال 155
|
Post: #25
Title: Re: الخميس 5 / 5 / 5
Author: خضر حسين خليل
Date: 05-08-2005, 01:52 PM
ياأبوساندرا
وأما بعد
نبلغكم بأن السيد رصيدنا ( عملها ) فينا زي الماحصل حاجة
هذا فيما يخص البنية الفنجرية ( لها السلام وماتبقي من الاحلام)
بالله بلغها عني التحايا كما يجب . ( يعني أدخل المرة دي ماتقراش
حاجة يازميل ) وأهو كل في صالح القوي التقدمية ..
بخصوص سليمان ... أعتقد بأنو المسأله ( درون ) مع جهاز
الامن بس الغايظني أنو كنا غالبنهم خمستاشر صفر ..
خضر
|
Post: #26
Title: Re: الخميس 5 / 5 / 5
Author: أبو ساندرا
Date: 05-09-2005, 04:42 AM
سوميتا
إنتي يا بتي لو ماعملتي كده وإهتميتي بمثل هذه الأيام ما كنت حاتكوني بت سلمى ولا بت جعفر ولا عمتك آمال ولا خالك طارق وحزيفة
انت الفن والذوق والجمال والفهم حارسك من أهلك ورثوك ورضعوك ليهو
ونتمنى جيتك هنا ، وعندها حا أعزمك شاي وقهوة
|
|