أنه صوتي أنا كانت البداية حيث صدحن وغنن فرحا بعيدهن الميمون ، ويوم المرأة العالمي كان له طعم ورجع مميز هذا العام .
أنه صوتي أنا زاده العلم سنا أو تدري من أنا أنا أم اليوم أسبـاب الهنا أنا من دنياكمو أحلى المنـى
هكذا كانت مسيرة اليوم الاول ، حيث التقى جمهور النادي بكوكبة من العضوات ، الاستاذة الهام عبدالخالق متعددة المواهب ، ود/ هالة ود/صفية ، والاستاذة وداد ، والسلافتان الرائعتان ، والاستاذة مودة ، والموهبة الصغيرة الامورة هالة دهب ، وطبعا شخصي الضعيف . وبعد الاداء الرائع والغنا الجميل أنتقل الجميع اإلى صالة المعارض حيث كان أفتتاح المعرض التشكيلي للفنانات السودانيات المقيمات بالسلطنة تحت رعاية زينب أبوشوك ، وكذلك معارض التراث والاكلات الشعبية حيث أستمتعنا بما لذ وطاب من مديدة البلح وقراصة البلح ، ولا أنسى ركن الجبنة وفنجان جبنة بشمالن ، وما يلفت النظر غرفة العروس ،بت السودان الاصيلة وناس فتحيةالسماني ولاستاذة فاطمة غبوش.، والتى حوت كل شئ عن طقس الفرح السوداني من حفرة الدخان وحفلة العروس وقطع الرحط .. وكان من الحضور أخواتنا من السلطنة والاستاذة ... أما اليوم 10/3 /2005 كانت ندوة أقامتها مجموعة من الاخوات، ولأول مرة بالنادي تطرق المرأة مناقشة هموم المرأة بنفسها ، وغدا أوافيكم عن التفاصيل ومحاور النقاش ..ومن المتحدثات الاستاذة الهام عبد الخالق ، والطبيبة هالة الزين والطبيبة صفية ساتي ، والمستشارة مها على رجب .. ومازال المهرجان مستمر حتى يوم 24/مارس .
لقطة من الندوة ( الهام/هالة/اشراقة)والباقي لبكرة ..
Post: #4 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: محمد حسن العمدة Date: 03-10-2005, 05:44 PM Parent: #3
*** حيث أستمتعنا بما لذ وطاب من مديدة البلح وقراصة البلح **
دي مكاواة راسا عديل وحندقة - تحندق/ك - ايهما اصح - مراكبية يا عشة ودا انتهاك لاشتهاءاتنا وخرماتنا البطينية وانا بطالب بانك تجيب لينا مديدة بلح هنا دا في نص البوست ما عارف تتصرفي بس كان تصوير كان غيرو
عارفة يا عشة ناسنا ديل هنا من تجيب سيرة فعالية نسوية ينططو عيونم ويقولا ليك الحرمة الحرمة تصدقي ديل حالتم السودانيين نفسهم وحتى حملة الشهادات الرفيعة من الجنسين الواحده كان عندها دكتوراة في الفلسفة زاااااااتا لمن تتكلم معاها عن تنظيمات او فعاليات ودور المراة تكرفس ليك شهاداتا وتديك ضهرة وتخمخم العباية
Post: #7 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-11-2005, 03:52 AM Parent: #5
Quote: يا يوم بكره ما تسرع
معتز سلام تحية وشكرا على الطلة والله يقدرنا على الباقي ، الفعاليات لسة ما خلصت ..حابدأ ليكم أول بالندوة ..
Post: #9 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-11-2005, 04:09 AM Parent: #7
في البدء كانت الكنداكة هذا هو شعار المهرجان ....
قبل الندوة جلسة تحضيرية لتوزيع المحاور والحوار بين المشتركات ، ومعهن الاستاذة وداد من لجنة المتابعة ...
وأها دي صورتي معاهن عشان ما تقولو لي ما أتصورتي ..
Post: #10 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-11-2005, 04:13 AM Parent: #9
الصور التحضيرية ..
Post: #6 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-11-2005, 03:48 AM Parent: #4
Quote: مراكبية يا عشة ودا انتهاك لاشتهاءاتنا وخرماتنا البطينية وانا بطالب بانك تجيب لينا مديدة بلح هنا دا في نص البوست ما عارف تتصرفي بس كان تصوير كان غيرو
ودالعمدة .. السلام واصل وكل سنة وانت معانا ومديدتك محفوظة ...
بمناسبة
Quote: كان عندها دكتوراة في الفلسفة زاااااااتا لمن تتكلم معاها عن تنظيمات
أنت عايش في السعودية ولا شنو ؟ غايتو ناس السعودية السعدنو ديل بقو طالبان عدييل ، وانشاالله ما يجونا راجعين أعصرنهم طوباتهم قبلهم ، خليهم الجاورا قول لهمالسودان قفل خليهم أمشوا طوربورا .. قال حرمة قال : تحرم عيشتهم بمناسبة عيد المرأة .
Post: #8 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: Tumadir Date: 03-11-2005, 04:01 AM Parent: #6
Post: #11 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-11-2005, 04:23 AM Parent: #8
تماضر كل يوم مرأة وأنتي فوووووووووووووووق ... طبعا كنت مشتاقة ليك وما زلت واتصلت بيك قبل اسبوعين ، بس جاتني الانصر ماشين الما بحيها كيفك .. بمناسبة مثلك الرهيب أمس عملنا ندوة بس ناقصاك فجرت المتحدثات كل المسكوتات واتحدثن عن العنف والابتزاز البتم من قبل الزكور ضد النساء ..
Post: #12 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: hala alahmadi Date: 03-11-2005, 04:46 AM Parent: #11
Post: #13 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: julia shawqi hamza Date: 03-11-2005, 04:47 AM Parent: #1
أنا إمرأة من هذا الجسد كان البشر يتخلقون.. على هذه الأكف حملت الرجال الصغار .. أنا الأ رض الخصبة والمطر والريح .. أنا الحياة .. فلماذا لا يحني الجميع قامته لمولاته .......
يا عشة..انتن رائعات .. ويحز في نفسي انو جاء الوقت الأنا مامعاكم في هكذا كرنفال.. تمنياتي لكن بالتألق والكل في انتظار المزيد
Post: #24 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: julia shawqi hamza Date: 03-11-2005, 02:49 PM Parent: #1
الللللله يا عشة.. لم اتمالك نفسي وانا ارى صورة خالتي الحبيبة وهى تصدح في يوم المرأة .. الأستاذة مريم محمد عثمان .. جميلة المرأة في بلادي .. شامخة لا تخجل من اعين الناظرين .. واثقة .. تحتفي بكينونتها بلا خوف او حياء .. ووووين ست الحبايب يا عشة ( طماعة انا مش !! )
Post: #25 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: Maha Bashir Date: 03-11-2005, 09:38 PM Parent: #24
الأخت الحبيبه عشـــــــه.....
فلنردد معــــا
Quote: أنه صوتي أنا زاده العلم سنا أو تدري من أنا أنا أم اليوم أسبـاب الهنا أنا من دنياكمو أحلى المنـى
كل يوم مرأه وأنتن و نحن وسودانا أحسن حالا .... ما أروعكن و انتن تحتفلن بيوم المرأه العالمي بمسفط الجميله فلها وحشه كبيره وخصوصا و معكن أعز صديقاتي هاله لها كل الحب و الامنيات في يوم المرأه و لدكتوره صفيه ساتي و لسلافه صلاح ولألهام و لك يا عشـــــه و كل النساء السودانيات بمسفط التحيه و التهنئه ... و ما أجملكن وأنتن في تلاحم و تعاون ونشاط مثمر تعكسن ما تتمتع به المرأه السودانيه من وعي و حضور في المحافل... فلكن الرفعه و التقدم و الشموخ وللمرأه في السودان عامه و في دارفور خاصة.
Post: #37 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: Maha Bashir Date: 03-14-2005, 09:35 PM Parent: #31
عشــــــه يا ســــلام عليــــك.... .....This is really very sweet of you حسيت أنني ابتسم من أعماقي لما شفت الصوره ثاني فلو تعرفي معزة هاله ؟؟؟ و كمان سلافه صلاح .... يا حليل مســـفط ...
Quote: ووووين ست الحبايب يا عشة ( طماعة انا مش !! )
-------------------------------------------------------------------------------- جوليا حبيبتي ..ست الحبايب والله صورتها وكان عندهم ركن جميل في يوم الافتتاح بس الصورة طلعت دارك عشان الاضاءة ما حلوة ، وانشاالله أعيدها ليك .. وكل سنة وانتي وماما وبابا الف خير ..
تماضر سلام .. تلفون مريم أبى يجيني .. وبمناسبة عوضية معانا مهيار ، وبسألك منك وناس سارية وغنى معانا في الكورال ماشايفة صورتو فوق ، مهيار محمد نجيب عسل بس وعندو صور ناس سارية وسيرين حارسلهم ليك ..
في معرض التشكيليات معاه ست الحبايب والدة جوليا ..والصورة ليك من مهيار ولجوليا .
Post: #35 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: alfatih Date: 03-14-2005, 07:54 AM Parent: #1
العزيزة عشة بت فاطنة
كل عيد مرأة وانتى وكل نساء بلادى بألف خير يا رمزاً للجمال وخلاصة الفكرة البنفسجية ... ليكن التحايا من الدواخل النبضانية وانتن تحتفلن بمعنى الاصول ... يااااااااااااااااااااااا ه ... نساء بلدى يتتوجن بالحرية والابداع ... ليكن مليون وردة ... وشكرا لاشراكنا فرحتكن بمسقط الانيقة ..
بت امنا فاطنه الحنينه يا ابتسامه فى شفاه الاخرين لكى التحيه مثنى ..وثلاث ورباع والى ما لا نهايه على كل الجهد المقدر والابداع الجاى منك عشه.. القومه ليك يابنيه من حضن الاهل
Post: #41 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-15-2005, 01:54 AM Parent: #38
Quote: كل عيد مرأة وانتى وكل نساء بلادى بألف خير
وأنتي يمنى تهنئة من القلب لشخصك الحبوب .
Post: #40 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-15-2005, 01:49 AM Parent: #35
الفاتح إبننا الرائع صادق الوعد ، لكم منا أحلى المنى وموعد ب سودان جديد ديمقراطي ينبض بوتر المحبة .
Post: #42 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: julia shawqi hamza Date: 03-15-2005, 02:00 PM Parent: #1
يا عشة.. اسمحي لي ان انحني لأقبل يديها الطاهرتين واعلن للجميع بكل فخر ان هذه السيدة النوبية هى امي التي احب .. يا سلاااااااام يا ست الحبابب البورد ازداد نور .. عشة انتي رااائعة شديد.. شكرا ليك يا نجمة ..
Post: #43 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-16-2005, 01:27 AM Parent: #42
جوليا وبابا في نفس اليوم ندوة التوب ..يوم الاحد..
Post: #44 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-16-2005, 01:34 AM Parent: #43
الاستاذة زينب ابو شوك والاستاذة حياة الملك -من ندوة التوب السوداني ونحييهن لنجاح اليوم وكثافة الحضور .
Post: #51 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-17-2005, 03:24 AM Parent: #48
الاخ العزيز محمد حسن العمدة سلامة كوستي وناس كوستي واسفة لعدم المتابعة ، بسبب الانشغال باسبوع المرأة في النادي السوداني .. والان نشوف معكم الحاصل واللهم اجعلو خير ..
جميل فى الصور نشاهد والدة ووالد الصديق عماد شوقى حمزة,وهل فى الصوره الاماميه هو العم عبدالعظيم عكاشه والد الصديق وليد عبدالعظيم عكاشه (يخلك من الشبه اربعين ) وهم الاثنين عماد ووليد اصدقاء و من خريجى الهند ولكى شكرى واحترامى
العزيز الشريف .. سلام تحية .. فعلا دي أم جوليا .. بس السؤال التاني تجاوبك عليه جوليا .. تسلم على الطلة ..
Post: #50 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: Yasir Elsharif Date: 03-17-2005, 02:09 AM Parent: #1
لقد استمتعت بالهمة والمجهود الجبار.. إن شاء الله السنة الجاية تنقليهو لينا بالفيديو، صورة وصوت لمحتوى النقاش.. هل تطرقتم لمسائل الأحوال الشخصية؟؟ إنها القيد الذي يقيد المرأة..
Post: #53 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-17-2005, 03:36 AM Parent: #50
الاخ الكريم ياسر ليك التحية والسلام شكرا على التشجيع وفعلا أطرقنا لقانون الاحوال الشخصية ، في الندوة الاولي تكلمت الاخت مها .. مستشارة قانونية تكلمت عن عدم تطور الاحوال الشخصية ومدى أجحافه على النساء ساحاول أنزل ليكم بعض من الندوة بعد نهاية الفعاليات نسبة للزحمة بسبب التحضير .ز
Quote: إن شاء الله السنة الجاية تنقليهو لينا بالفيديو، صورة وصوت لمحتوى النقاش.. هل تطرقتم لمسائل الأحوال الشخصية؟؟
أنشاالله أنزل ليكم الفيديو خاصة أنه صوتي أنا .
Post: #54 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-17-2005, 03:40 AM Parent: #53
بناتنا في مناظرة الامس
Post: #52 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: nada ali Date: 03-17-2005, 03:30 AM Parent: #1
العزيزة عشة بت فاطنة سلامات و مبروك نجاح المهرجان و التوثيق ممتاز كالمعتاد كل عام و انتن/م بخير
اليوم كانت الليلة الشعرية حيث قدمت لنا الاستاذة مريم محمد عثمان كوكبة من الشاعرات ، الاستاذة حياة قاسم والاستاذة فواتح نجيلة ، والاستاذة والشاعرة إخلاص خرصاني وكذلك المبدعة سمية والاخت عضوة البورد أسماء الجنيد و.... وكانت الشاعرة العمانية سعيدة خاطر مفاجأة الليلة بشعرها المميز ذو النكهة الخاصة .. الشاعرة سعيدة بنت خاطر ..
[وسومة مننا وفينا .زغنية عن التعريف [] ومن الجيل الصاعد كانت الفقرة الغنائية ( غناء المديح ) من شباب النادي خطأ فني طبعا لاني دقستة أحسن اواصل بعدين ا########## اصبحت عندنا أها تقيلو عافية ..
Post: #66 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-19-2005, 01:29 AM Parent: #65
Post: #67 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: Nada Amin Date: 03-19-2005, 11:01 AM Parent: #1
الغالية الإنسانة الراقية عشة
أنا معجبة جداً بكي و بإهتماماتك و أنشطتك الإجتماعية في مسقط و أنتن والفنانة الراقية إلهام عبدالخالق و شاعرتنا المجيدة سوما و غيركن من نساء مسقط الناشطات خير أمثلة للمرأة السودانية المهمومة بقضاياها و قضايا مجتمعها، لكن فخري و مودتي بلا حدود!
أعجبني جداً توثيقك الجميل للمناسبة و التي بلا شك كانت جديرة بأن تقام على شرف هذا اليوم العالمي و شكرا لكي كثيرا على المجهود المقدر.
و ربنا يقدرني و أقدر أنزل بوست عن إحتفالنا مصحوباً بالصور,
Post: #68 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: Maha Bashir Date: 03-19-2005, 01:01 PM Parent: #67
الحبيبه عشــــه ..... التحيـــــه لك مره أخري علي هذا المجهود الكبير و التوثيق فهو مهم لأن ما قمتن به مجهود جدا كبير فلكن جميعا التهنئه .....و أيضا التهنئه للعزيزه فواتح نجيله .....
مهــــا بشير
Post: #71 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-20-2005, 06:21 AM Parent: #68
Post: #70 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-20-2005, 06:17 AM Parent: #67
ندوية الغالية سلام تحية .. وكل عام وانت متألقة شكرا على التشجيع ، ولا زم تنزلو لينا شئ من أحتفالكم .في انتظاركم وتسلمي .
Post: #69 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: Ehab Eltayeb Date: 03-20-2005, 02:12 AM Parent: #1
الاستاذة عشه...
والله انتو ناس تبقروا عديييييل...
والزول اتمني اكون ساكن معاكم في مسقط...
قمة النشاط في كل المحافل.. وكل المناسبات...
وبعدين معرض التراث والاكلات الشعبيه دا ناس ندي امين في واشنطون...
دقسوا فيه مطلعونا بقد القفه جيعانين...
وفعلا جهودك في التوثيق لا تقدر ...وشايف الجماعة بطلبوا في صور..
فلو سمحتي دايرين لينا صورة للاستاذة عائشه المبارك
كل التحايا.. والود,,,,
Post: #72 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-20-2005, 06:29 AM Parent: #69
Quote: فلو سمحتي دايرين لينا صورة للاستاذة عائشه المبارك
إيهاب ازيك .وين مختفي ... بخصوص الطلب الصورة يعني أنشاء الله يوم 24اليوم الختامي للمهرجان حاوثق نفسي من الخشبة ، مع أنو النجار بابو مخلع والمصور ما عندو صورة .
Post: #73 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: Nada Amin Date: 03-20-2005, 10:18 AM Parent: #1
Quote: وبعدين معرض التراث والاكلات الشعبيه دا ناس ندي امين في واشنطون... دقسوا فيه مطلعونا بقد القفه جيعانين...
قايتو يعني يا عشة الرجال ديل بس همهم في بطنهم قلنا أحسن نقدم ليهم"وجبات فكرية كاملة الدسم" لكن نرجع و نقول على ناس إيهاب ديل أقصر طريق الى عقل الرجل و قلبه معدته و بس، يعني ما فيش فايده
Post: #74 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: hala alahmadi Date: 03-21-2005, 04:18 AM Parent: #73
Up
Post: #75 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: julia shawqi hamza Date: 03-21-2005, 01:12 PM Parent: #1
هووي يا عشة .. كفاية .. بعدا بسحروكم .. قمة الروعة ..
منتظرة حفلة الخميس ..
Post: #76 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-25-2005, 11:20 AM Parent: #75
الحبيبات : ندى وهالة وجوليا مازال بثنا مستمر ، وشكرا لكون البيت محروس رغم الحوامة ، واسفة لاختفائي لوعكة المت بي . وضحكتيني بنظرية الرجال والاكل .. بس أنا ما قت حاجة الكلام موجه ليكم يا ناس محمد حسن وايهاب .
Post: #77 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-25-2005, 11:27 AM Parent: #75
وقبل اليوم الختامي كانت هناك ندوة عن أمراض الدم والقلب قدمتها الطبيبات صفية ساتي ومها الذين . وأمراض الاسنان قدمتها طبيبة الاسنان .....
Post: #78 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-25-2005, 11:30 AM Parent: #75
Quote: منتظرة حفلة الخميس ..
جوليا حفلة الخميس وصور الحبايب .ز لحظات وراجعة ..
Post: #79 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-26-2005, 03:30 AM Parent: #78
اليوم القبل الاخير الاربعاء/ 23/مارس كان اليوم تقديم الاستاذة فواتح نجيلة ، قدمت فيه الاخوات ندوة عن سلوكيات الطفل -ندوة تربوية ) واسفة لاني لم أغطي هذا اليوم لاني لم أحضر الا اخيرا بسبب بروفات اليوم الاخير . ما حضرته كان فقر لمواهب من النادي حيث صدحت بعض الطالبات لاشانتي والطفل الموهوب ابوبكر الذي أدى أغنيات من تأليفه باللغة الانجليزية وساعده الطفل العازف الموهوب عبد العزيز(11-12)سنة ، وكانت أضافات أعطت جوا مميزا للحفل . قتحية لكل من شارك في هذه الامسية ز
Post: #80 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-26-2005, 05:54 AM Parent: #79
يوم الخميس : كانت ليلة الختام . وأٌقيمت تحت عنوان غناء المرأة في الموروث الشعبي ، حيث بدأت بالبنينة والحديث عنها وتصنيفها ضمن غناء الحنة والجرتق ، ثم كان الكلام عن أغاني البنات مع رقصات بنات النادي لتأكيد أن غناالبنات بدأ من السباتة وغنا التعليمة وكان الحديث عن التمتم والتساؤل عن بداية أغنية التمتم هل فعلا كانت في كوستي وبالتحديد من التومات أم بشاير وأم جباير الائ ذكرن بأنه مستوحي من فن السفر واللواري حيث كان بطقطق الكماسرى حين ينزلون في المحاطات وكان الالتقاط والتطوير الى مفردة البنات الحية التى عبرت عن هموم البنات وتطلعاتهن التى يقمعها المجتمع ، أو كما يرجعها الطيب محمد الطيب في كتاب الانداية الى أن غناء البنات كان أساسه الاندايات حيث النسوة المهمشات وكاسات الطرب !! ولكن لاخرين أراء أخرى بأن غنا البنات جاء الى السودان من شمال أفريقيا ,وانا لا أٌؤيد هذا الرأي حيث أن غنا البنات ظاهرة سودانية وما يؤيد قولي أنها مازالت متطورة الى اليوم في السودان ولم نشهد لها وجود في الشمال فإيقاع التمتم أو الدلوكة فرض وجوده في السودان بعد الحرب العالمية الاولى رغم أن الدلوكة أو الدهلة كآلة للإيقاع يقال أنها قادمة من الهند ، وسيطر على ساحة الغناء مما تسبب في انحسار لاغاني الحقيبة حتى أ، بعض الفنانين الكبار صاروا يغنون بإيقاعات التمتم كما فعل الفنان حسن عطية والفنان الكبير محمد وردي في بعض أغنياته وكذلك محمد عوض ...والخ أغاني البنات كونها إنعكاس لحالة المجتمع وواقع المرأة وإنفلاتها من القيد المضروب حولها .... وبعد أغاني البنات بمصاحبة الغنا ء والرقيص كان الكلام عن الهدهدة وأإاني الاطفال ..
Post: #81 Title: Re: في البدء كانت الكنداكة ، المهرجان النسوي الاول بالنادي السوداني ب/مسقط Author: عشة بت فاطنة Date: 03-26-2005, 07:00 AM Parent: #80
وبعد غناء البنات وكان الحديث عن الزار ودور الايقاع والموسيقى في المعالجة والطب البديل ,أثر الايقاعات على بعض الامراض مثل الاكتئاب والمنخوليا ، أذ عرف العلاج بالضرب والموسيقي منذ القدم ومنذ وحدثنا عن ذلك الرازي والفارابي والكندي والشيخ الرئيس إبن سيناء، وكذلك أشار الانطاكي الى دور الموسيقى في علاج الحميات والجنون وتهئة الالم ، وفي احد رسائل أخون الصفا جاء : ( أن من الموسيقى لحنا كان يستعمل في المارستانات وقت الاسحار يخفف الم الاسقام والامراض ويكسر ثورتها ويشفي الكثير من الاعلال والامراض ) وتكلم الكندي عن أثر الموسيقى على الجسد ..
تقدم في ندوة أمس ..
رال صوركم .. لأحلى سلافتان ..
