قد انتهيت من شحن عفشي وجوازي وتذكرتي تبقى لي ان اشحن نفسي(كارقو)

في غمرة الإنشغال بتوضيب اشياء اشتريتها نسيت الشنطة التي حوت جوازي والتذكرة داخل كيس ضمن الاشياء التي سلمتها للشحن!!

ولم اتذكرها إلا بعد ان فرغوا من تغليف كل الاشياء!!

تخيلوا لو لم اتذكرها ووقتي ضيق والعيد على الابواب ماذا كان بوسعي ان افعل.

هل منكم من كان سيتبرع بشحني كارقو؟؟

أبو اسيلة تحياتي

Quote: هل منكم من كان سيتبرع بشحني كارقو؟؟

بسيطة حووووصة بيعمل ايه هناك طيب لو ما قام بالواجب

صهيب الرومي.

حوصة شغال في الاهم.

امسك العجب.

رايك في المحترفين شنو؟؟

غايتو يا المريخاب الشفقة العليكم !!!!!!!!!!!
شفقان زي طراش المريسة بعد ما إشتريت معجون سيجنال تو والهبهان وكوتشينة لي الشباب في الحلة ومعاها باكو سجاير مارلبورو مش؟؟؟؟؟؟؟
عليك الله ما تنسى تشيل ليك طقم رياضي لي ناس المريخ بدل لبساتهم الشينة دي !!!!!!!
بعدين يا اللخو مسعول من الخير إنت مشيت ليك كلها كم يوم بقيت تشحن بي الكارقو يعني لو إغتربت أظنك كان شحنت برج العرب زااااااااااااتو !!!!!
شفتوا يا المريخاب شتارتكم !!!!!!!!!!!!
عوداً حميداً حبيبنا سامي إلى أرض الوطن و ولا تنسى أن تشحن معك خروف العيد !!!!!

تخريمة :
النسى جوازو تاه ...(مثل صيني قديم)

Quote: هل منكم من كان سيتبرع بشحني كارقو؟؟

انا اتبرع بشحن جسدكـ و دفع تكالف شحنة كاملة
لكني
لن ادفع تكاليف شحن اشواقكـ لاهلكـ
فهي اكبر من طاقتي








لكـ كل الامنيات الجميلة و انت تسافر نحو قلبكـ و حنين اشواقكـ

طارق ابوعبيده

Quote: انا اتبرع بشحن جسدكـ و دفع تكالف شحنة كاملة لكني لن ادفع تكاليف شحن اشواقكـ لاهلكـ فهي اكبر من طاقتي لكـ كل الامنيات الجميلة و انت تسافر نحو قلبكـ و حنين اشواقكـ طارق ابوعبيده

تسلم ياخدر.

وكل سنة وإنت طيب.

Quote: غايتو يا المريخاب الشفقة العليكم !!!!!!!!!!! شفقان زي طراش المريسة بعد ما إشتريت معجون سيجنال تو والهبهان وكوتشينة لي الشباب في الحلة ومعاها باكو سجاير مارلبورو مش؟؟؟؟؟؟؟

ياها عمارك.

حليلك يالنايم على حيلك.

إنت من زمن المغتربين البشيلو سقنل تو وعلب المارلبورو وساعة دهبية.

الناس بت تشيل مصانع..

إنت ماسمعت بالمغتربين البتجيهم تحاويل من السودان؟؟

Quote: بعدين يا اللخو مسعول من الخير إنت مشيت ليك كلها كم يوم بقيت تشحن بي الكارقو يعني لو إغتربت أظنك كان شحنت برج العرب زااااااااااااتو !!!!!

ناوي اشيل برج العرب وجميرة بيتش.

اشوف بعداك القاعدين ليها شنو؟؟

Quote: معلومات خطيرة: ايفوسا المريخ ليس محترفا بدولفين ابوظبي / طلحة عبد الله تفيد متابعاتي بنادي الجزيرة ابوظبي ان اللاعب النيجيري الذي اجرى اختبارات بالجزيرة لعدة ايام قرر بعدها الجهاز الفني ايقافه من التدريبات لضعف قدراته وامكانياته وسافر بعدها للسودان وتعاقد معه المريخ مبدئيا ليس هو ايفوسا انجلوكا مهاجم نادي دولفين النيجيري والذي لا يحتاج لاجراء اختبارات لانه نجم معروف وصاحب امكانيات كبيرة تؤهله للتعاقد معه بمبلغ كبير لن تعجز عنه الجزيرة التي تعاقدت من قبل مع جورج ويا الذي اختير كافضل لاعب في العالم واوجيتشي النيجيري هداف نادي باريس سان جيرمان وكثيرون غيرهم، وتفيد متابعاتي ان اللاعب النيجيري الذي فشل في الاختبارات بنادي الجزيرة ولم يقدم شيئا يستحق به الانضمام لنادي درجة ثانية قد جاء للامارات بتأشيرة زيارة ارسلها له احد السماسرة الذي اراد ان يجرب حظه مع هذا اللاعب الذي لا علاقة له بايفوسا النجم النيجيري الشهير. نقلا عن الكابتن

يا سامي يا حبيب بدل ما تشيل برج العرب كدي شوف لينا الزول دا جايبو مزمل من الكوتة بتاعة السنة الفاتت ناس ساندرا ولا اصلي!!

عيدروس.

لا ده على ضمانتي خلي الجماعة يمشوا يحضروا تكريمه في نيجيريا.

تعـرف يا سامى انا فى الأول قريتـها(أشحن نفسى كأرقـو) قلت يا ربى أرقو كمان ركبوها الطيارة .... الله يسـتر على دلقو...

لكن المرة مشيت دبى براك!! كنت تقوللى كنا نتقابل