Post: #1
Title: لماذا لم يكتب الصهاينة الرشاشات عن فوز للهلال بهدف تسللي الم تعجبهم النتيجة؟؟نحن قبيل شن قلنا؟
Author: keiga2000
Date: 12-22-2005, 05:20 AM
Parent: #0
الاخوة الهلالاب
كنت اتوقع الهيصة اليوم بالفوز الذي جاء من تسلل اوضح من هدف بيتر المنقوض القاموا بيها الدنيا وقعدوا لكن الظاهر انو الصهاينة لم تقنعهم النتيجة وفضلوا السكوت لكن نقول لهم ان فوزكم على فريق في مثل قامة المريخ وهو الوداد لانجاز للكرة السودانية في المحافل الدولية وخطوه خطوه بتجيبوا لينا كاس خارجي بس بطلوا الحساده على كاساتنا الخارجية البقينا ماقادرين نحصره ( من كترته) وربنا يوفقكم في المغرب
وياريت ياريت ياريت
|
Post: #2
Title: Re: لماذا لم يكتب الصهاينة الرشاشات عن فوز للهلال بهدف تسللي الم تعجبهم النتيجة؟؟نحن قبيل شن قل
Author: hatim ibrahim
Date: 12-22-2005, 07:08 AM
Parent: #1
.
الأخ keiga2000
سلامات ..
| Quote: لماذا لم يكتب الصهاينة الرشاشات عن فوز للهلال |
اللي بيكتب ويهيص ويقيم الدنيا ولا يقعدها هو الزول البيكون ما مصدق انو انتصر .. والدليل فوزكم الأخير على الزعيم " بركلات الترجيح " .. لغاية حسع ما مصدقين ، كل يوم بالليل بتقوموا مفزوعين : معقولة انتصرنا على ( بعبع ) البلاد .. وعشان كده مشغولين بتفتشوا على كورة داريو كان  بس عشان تتأكدوا انو الحكاية حقيقة مو خيال.
وبعدين شنو جاب المريخ للوداد .. آآآآل قامات آآآآآل.. هو كلام ساكت .. الوداد بطل والهلال بطل وبيلعبوا في دوري ابطال .. الجابكم شنو هنا ؟؟؟
وتالتا .. من سنة حفرو البحر معروف انو الصهاينة هم المريخاب وانو الزعيم هو الهلال العملاق .. مالكم يا صهاينة بقيتو تجوطو الشغلانية .. الظاهر طارت ليكم في راسكم .. ده كلو من الزعيم وعمايلو 
؟؟؟
غايتو بالغت في دي .. الظاهر انو لسة حاسين بتأنيب ضمير لانكم ما اعترفتو بهدف بيتر الصحيح مائة بالمائة وضربة الجزاء المفروض الناس ما تتناقش في صحتها من عدمو لانها اوضح من الشمس
|
Post: #4
Title: Re: لماذا لم يكتب الصهاينة الرشاشات عن فوز للهلال بهدف تسللي الم تعجبهم النتيجة؟؟نحن قبيل شن قل
Author: Nasruddin Al Basheer
Date: 12-23-2005, 11:40 PM
Parent: #3
صباح الخير يا كيقا
صباح الخير يا حاتم وياسر..
عزيزي كيقا:
لماذا تكره الهلال إلى هذا الحد؟
لماذا يكره المريخاب الهلال أكثر من حبهم للمريخ (مزمل أبو القاسم مثالاً)
أنا شخصياً أول عمود أقرأه في الصحف الرياضية هو عمود مزمل
وهو بلا شك يعكس لسان حال معظم المريخاب..أطالعة لأقرأ ماذا كتب
مزمل اليوم في شتم الهلال والكتابة عن كل صغيرة وكبيره عنه.
من الطبيعي جداً أن يحتفل الهلالاب بفوز فريقهم وقد نزل
أكثر من بوست في هذا الصدد، كماأن النتجة النهائية
هي التي يعتمدها الحكم في تقريره وليست التي يتخيلها المريخاب
في أعمدتهم وبوستاتهم..
قرأنا في الصحف وشاهدنا في التلفاز أن الحكم من الجزائر ولم ترد
أي إشارة لأن كيقا هو من سيدير اللقاء..
بمعنى آخر ما الفائدة من نشر هذا الكلام مع علمك أن النتيجة
أعتمدت في تقرير الحكم وأودعت لدى الإتحاد العربي..
هل هو نوع من تبخيس انتصارات الهلال أم هو استمرار لإظهار
عدم الوطنية كما حدث من جماهير المريخ التي طافت بعلم المغرب حول الملعب.
لماذا لم ينقض الحكم هذا الهدف كما نقض الذي قبله..
أنا شخصياً شاهدت الهدف ولم أشك لحظة في أنه من تسلل أو خلافه.
والله المريخاب ديل عندهم مقدرة عجيبة على التهيؤات ..
يا اخي إنتو ناس عجيبين..
اقترح عليك أن تسحب هذا البوست لأنه ربما .. أقول ربما
إذا قرأه واحد من أعضاء الإتحاد العربي ، يعتبر الهلال مهزوماً واحد صفر..
|
Post: #5
Title: Re: لماذا لم يكتب الصهاينة الرشاشات عن فوز للهلال بهدف تسللي الم تعجبهم النتيجة؟؟نحن قبيل شن قل
Author: Al Sunda
Date: 12-24-2005, 00:00 AM
Parent: #4
Quote: لماذا يكره المريخاب الهلال أكثر من حبهم للمريخ (مزمل أبو القاسم مثالاً)
|
ورغم ذلك الراجل ليه يومين يتغزل في مدرب الهلال البرازيلي ريكاردو طمعا في توزيع جريدته .
نتائج المباريات كانت كالآتي
فوز انبي خارج مصر
تعادل الوحدات خارج الاردن
فوز القادسية والهلال بالداخل
عليه النتيجة مرضية بالنسبة لنا
وعقبال ليكم لما تحصلوا دور الاربعة
وما تجيب سيرة كنا وكان وكاس الشارقة وكاس ......
ولتسأل نفسك اين انت الآن
خارج منافسة كاس البطولة العربية
وبس
|
Post: #6
Title: Re: لماذا لم يكتب الصهاينة الرشاشات عن فوز للهلال بهدف تسللي الم تعجبهم النتيجة؟؟نحن قبيل شن قل
Author: abas
Date: 12-24-2005, 05:43 AM
Parent: #1
كيقا
انت يا جنا بي صحك بتقول الكلام ده
والله الجمل قالو ما بيشوف عوجة رقبتو نسيتو ايمن حمد النيل الماكل مال الحرام المرتشي نمرة واحد
المريخاب ما تتكلمو في الهلال لانو ده راجل البلد
وبالتحكيم يا بتاعين الرشاوي ولا نسيتو قضية مبارك تكتيك وحارس شمبات
يا راجل قول غير الكلام ده
لانو ممكن يكون سيحه القيحه قال اوف سايد هيثم طمبل
ممكن الله اعلم
شوف اعادت القون وشوف هيثم كان وين ساعت رفعوا الكورة وشوف قودوين كان وين لامن هيثم مصطفي جدع ليه الباص بي وراء مدافع المريخ ووين كانت الكورة ماشه لامن سفاري صداها بي يدو
وبعدين تعالو اتكلمو في فوز الهلال
|
Post: #7
Title: Re: لماذا لم يكتب الصهاينة الرشاشات عن فوز للهلال بهدف تسللي الم تعجبهم النتيجة؟؟نحن قبيل شن قل
Author: keiga2000
Date: 12-25-2005, 00:33 AM
Parent: #6
الاخوة الاعزاء حاتم ابراهيم وياسر عبدالقادر ونصر الدين البشير وalsunda والاخ عباس
ياجماعة كدي قولوا بسم الله الهلال يحسدوه على شنو
عندو شنو عشان يحسدوه
من كاساتو الخارجية
ولا من انجازاتو المحلية
اراكم تكرهون المريخ اكثر من حبكم للهلال لذلك انتقلت العدوى لينا وشفانا الله
وفي الاخير لايصوت يعلو على صوت المريخ
ابومصطفى
|
Post: #8
Title: Re: لماذا لم يكتب الصهاينة الرشاشات عن فوز للهلال بهدف تسللي الم تعجبهم النتيجة؟؟نحن قبيل شن قل
Author: عمر الفاروق
Date: 12-25-2005, 01:31 AM
Parent: #1
يا كيجا :
ياخ أول شي البركة فيكم في عمتكم ..
وبعدين يا اللخو الواحد يغيب ويجي يلقاك لسة في هضربتك دي ولا شنو ؟؟؟
اها ما قلت لينا الوداد المغربي ده ياتو درجة من درجات فرق البطولة العربية ؟؟؟
طبعاً الوداد فريق هزيل وضعيف والهلال محظوظ بيلعب مع الفرق التعبانة زي المورتاني وحرس الحدود والوداد مش ؟؟؟؟؟؟؟
أها إتسدينا التار ولا لسة ؟؟؟؟؟ ولا يا ربي عشان زمان غلبونا إتنين يكونوا لسة دايرين قون ؟؟؟؟
ولا ياربي وداد زمان ما زي وداد أسة ؟؟؟؟ طبعأ لازم يكون إتغير ولي الأسواء طالما فاز عليهو الهلال !!!!!!!!!!
بالمناسة فريق إمبي وهو فريق أقل درجة من حرس الحدود في بعض الأحيان أو في نفس مستواه تقريباً وصعدوا الدوري في نفس الموسم ..هل تعلم إنو إمبي ده فاز علي المولودية وفي الجزائر 3-1؟؟؟؟؟؟
طبعاً المولودية ده الفريق الغطس حجركم من دوري ال 32 !!!!!!!!!!!
شفت الهلال ده عظيم كيف؟؟؟؟(والعظمة لله)...
تخريمة :
دي المباراة الخامسة لي الهلال في البطولة العربية والحمد لله إلى الأن ماف مهاجم عربي قدر يزور شباكنا ولو بي الغلط ولو حتى أوف سايت أو الكورة تدق في العراضة أو حتى لاعب هلالي يعمل ضربة جزاء!!!!!!!
يعني لا تقول لي أهلي لا تقول لي إتحاد لا تقول جن أحمر الهلال الأقوى عربياً إلى الأن والنتائج تؤكد ...
|
Post: #9
Title: Re: لماذا لم يكتب الصهاينة الرشاشات عن فوز للهلال بهدف تسللي الم تعجبهم النتيجة؟؟نحن قبيل شن قل
Author: keiga2000
Date: 12-25-2005, 02:07 AM
Parent: #8
اخونا عمر الفاروق
البركه في الجميع وانشاء الله ماتشوف شر
وحمدلله على السلامة
والله الواحد قال الجماعة ديل الغلب دا مامقنعين بيه ولا مامصدقين غلبوا الوداد المهم في الحالتين ليكم الحق
البعجبني فيكم انكم دائما متفائلين وربنا يديم التفاؤل حتى تحققوا لينا كاس انشاء الله واحد صغنتوووووووووووووووووووووووووتي كدا
وخليكم دائما من وراء ضهرنا بتحققوا الإنجازات بس ماتتقدموا علينا
يبقى عليكم المثل علمناهم الشحده سبقونا على الباب
ربنا يعينكم يازول
مالو لو جبتو كاس ولا فزتو على الوداد
مابترفعوا معنوياتكم شويه وتجوا تديكم حقكم وتعود الندية
وبالتوفيق
ابومصطفى
|
Post: #10
Title: Re: لماذا لم يكتب الصهاينة الرشاشات عن فوز للهلال بهدف تسللي الم تعجبهم النتيجة؟؟نحن قبيل شن قل
Author: abas
Date: 12-25-2005, 02:24 AM
Parent: #1
اراكم تكرهون المريخ اكثر من حبكم للهلال لذلك انتقلت العدوى لينا وشفانا الله
بس نحنا بنحب الهلال
وبنكره المريخ زي كراهيتكم لي سيد البلد
كيقا فرفرة المزبوح ما بتنفعكم
سيد البلد دهتاني بي طيارة ما بتلحقوه
تحيات
|
Post: #11
Title: Re: لماذا لم يكتب الصهاينة الرشاشات عن فوز للهلال بهدف تسللي الم تعجبهم النتيجة؟؟نحن قبيل شن قل
Author: yasir Abdelgadir
Date: 12-25-2005, 03:20 PM
Parent: #10
نفس التشخيص...نفس العله.....ربنا يشفي
|
|