الحق .. إختراق لقانون الجنسية ... !! ( توجد صورة ) !!

شكوكو الفنان
المشكلة الزول ده من جنسوهو واستلم (الأخدر) وقع شتارة وخرمجة، الحالة لسه ما جوهوا ناس الخدمة الوطنية والضرائب والزكاة ودمغة الجريح الخ... حيعمل شنو بعدين؟

الاخوان شكوكو وراكوبه

الصوره ماواضحه عندى
المشكله فى البوست ام من عندى !!! ؟؟؟

أبوعلوة
من عندك ، واعتقد الموقع ده محظور في السعودية!

العزيز / راكوبة
لك التحية
وشكرا على مرورك الجميل ..
وشكرا على الهدية القيمة .. وما ( ح ) أنساها ليك ..

بس أديني دقيقة أشوف ناس السعودية ديل
ليه الصور المرفوعة بالموقع دا بالذات
مابتظهر ليهم ؟؟

خليني أغير موقع ( الرفع ) !!! ؟؟؟
وارجع ليك تاني

تحية ليك أخوي علي محمد علي بشير
أها كدا كيف ؟؟




بس خلنا نعرف الحصل عندكم شنو ؟؟

شكوكو
ســلام أحمـر
كده الصور ( ملعووبة ) أقصد واضحة
دي شـهادة من واحد في السعودية

العزيز / ثابت
تحية طيبة

كويس أنها ما مقلوبة .. بس دا موضع سؤال . التاني ليه ..
شكرا لمرورك الجميل ...

وهدية ليك الصورة دي ..
طالما الموقف رياضي ..

(( فاصل مهاري ))

[/]

مع عاطر ودي وتقديري

الصديق الفنان

صلاح

تحياتي لك وللاسرة الكريمة

كراكتير معبر...

لي صديق اريتري حكى لي انو عند تجديد الاوراق في اللاجئين كان يوجد موظف سوداني معروف انو ما بيمرر اي شغل الا تدفع رشوة ...وكان العرف ان تضع المبلغ في علبة سجائر فارغة وتختها ليهو ...صاحبنا الارتيري مرة صادف كان مفلس فقام وضع مبلغ زهيد جدا في علبة السجائر لصاحبنا الموظف ...بعد ان انهى اخونا الارتيري اجراءاته وهو خارج من مبنى اللاجئين شعر بيد توضع على كتفه وعندما التفت وجد صاحبنا الموظف ...يقول ليهو

معقوووول تغش الحكووومة؟

عن اذنك اشيل منك الود رونالدينو

إبن حيينا البار / أبوقرجة
لك التحية والود

(( قربت تعرف ست الشاي )) .... !!

لما بديت تحكي قصة اللاجئين .. نفسي أنحبست .. وخفت ...
وجاني خفقان .. وتهدج في البنكرياس .. لكن طلعت آوت ..
مرت جنب العارضة ..

أديك رونالو والأسد .. مش رونالدينهو بس ..

وتستاهل ..

(( والله لو أن لنا أخرى لأهديناك ))

وأهو كلما الواحد يشتاق لرونالدينو وليك يلقاكم الإتنين في بوست واحد ..

بس ضيعت مننا صورة الأمورة الحلوه ..تحياتي وسلامي
للأسرة الكريمة .. وسلام خاص الأخ الأصغر مصطفى ..

وبيينا رسالة عبر البريد الألكتروني

سلام

ترى ماذا يقول القانون السوداني في منح الجنسية وإكتسابها ؟؟
-------------------------------------------------------

يكتسب الشخص الجنسية السودانية بطريقتين هما التجنيس العادي والتجنيس الخاص .

1 - التجنيس العادي :-
-----------------------
هو دخول الفرد في الجنسية السودانية بناء على رغبته بناءا على طلب يتقدم به للجهات المختصة بعد توفر شروط معينة ( والمنح مسألة تقديرية للسلطة المانحة ) .

وشوط المنح هي :-
---------------------

@ ( الإقامة خمس سنوات أو أكثر - وأتخاذ السودان موطنا له )
@ ( لأهليــــة - وهو بلوغه سن الرشد والتعبير عن رغبته الحصول على الجنسية )
@ ( ان يكون الشخص حسن السير والسلوك والأخلاق ولم يسبق الحكم عليه في جريمة مخلة بالشرف والأمانة ) .
@ ( أداء اليمين - وهو قسم معين يتم أداءه مع اليمين ) .
@ ( تقديم طلب للجهات المختصة بمنح الجنسية ) .

سلطة الدولة في منح الجنسية :
---------------------------------
هي سلطة تقديرية .. تقول المادة :- (( يجوز للوزير المختص أن يمنح الجنسية السودانية لطالبها لأي أجنبي إذا قدم طلبا بالشكل المقرر )) .

------------

كما يمكن الحصول على الجنسية بالأسباب التالية :-

2 - الزواج المختلط ( وهي المنح لزوجة المواطن السوداني بعد الأقامة سنتين - مع تقديم طلب بذلك للجهات المختصة ) .



ملحوظة :-
-----------

@ يعتبر السودان من الدول التي يتم إكتساب الجنسية السودانية بسهولة ويسر كبيرين مقابل دول أخرى تتشدد في منح جنسيتها للأجنبي ..

@ ينبغي على السودان أن يتشدد في شروط منح الجنسية خاصة وأن البلاد تشهد الآن أقبالا كبيرا من الأجانب مع النهضة الكبيرة والإستثمارات الكبيرة المتوقعة .

وهذا ما لزم توضيحة لكم

مع الشكر

صلاح شكوكو

فوق فوق

فوق فوق

فوق

رئيس الوزراء المصري بعد استخراج النفط سمعته يقول ليه الناس تجي من اقصى اسيا للاستثمار في السودان ...ونحن في مصر على الحدود ما عندناش استثمارات في السودان.


طبعا المصريين شغالين بحكاية ( جحا اولى بلحم تورو ).
ولهجتهم الواضحة جعلت من الصعوبة منحهم الجنسية السودانية .



اما عن دول الجوار فحدث ولا حرج

فتداخل القبائل على الحدود يجعل جنسيتنا نهب لكل من هب ودب ودفع

الخوف أخوي أبوقرجة من دول الجوار !!
خاصة مع التداخل الشديد بيننا وبينهم قبليا وحدوديا ..

أما الإندياح والإنفتاح الحدودي في الشرق
والغرب والجنوب ..فهي ثغرات كبيرة خاصة
في غياب الولاء للدولة على حساب القبيلة

وحاجات كثرة أخرى

هدية لكل الذين مروا روعة على البوست
مع تحيات (( حمام الوادي ياراحل )) ..