Post: #1
Title: حميدة ... الرخصة مبروكة ....
Author: ود الباوقة
Date: 12-15-2005, 10:51 AM
Parent: #0
يعني اتاريك كنت سايق ( استنكاج ) ساكت .. والله انا اول مرة اشوفك سائق و راجع الخلف في الممر الضيق حق الاستراحة قلت قطع شك حميدة دا رخصتو ( دولية )
عموما بلدا ما بلدك سوق فيها بدون رخصة ....
مبروك وعقبال الكبيرة .....
ود الباوقة
|
Post: #2
Title: Re: حميدة ... الرخصة مبروكة ....
Author: ود الباوقة
Date: 12-15-2005, 10:58 AM
Parent: #1
وكمان قال طلع معاها التأمين حق الحوداث ..وقال الدية لغاية خمسة مليون ريال .. اللهم الطف بعبادك .....
ود الباوقة
|
Post: #3
Title: Re: حميدة ... الرخصة مبروكة ....
Author: وليد شريف
Date: 12-15-2005, 11:35 AM
Parent: #2
غايتو مبروكة الرخصة
اخبار مجانية عن رخصة حميدة
العربية العمل بيها الامتحان تم بيعها في التشليح
لمان جا في التلبيكة العسكري قام جاري لحدي ما وقع وزلط ركبتو
نتيجة الامتحان ساقط ايوة طبعا انا كنت معاه
طلع رخصة كيف انا غايتو ما عارف
لمان سألتو يا حميدة ما جيت سماية البنية ليه قال لي انا تاني ما حامشي اي مشوار الا بالفارهة
من اراد ان تثكله امه وييتم اولاده فاليركب مع حميدة
|
Post: #4
Title: Re: حميدة ... الرخصة مبروكة ....
Author: صديق الموج
Date: 12-15-2005, 01:41 PM
Parent: #1
يا شفع الله يقلعكم انتو قاصدين ياتو رخصة؟؟
عمر طلع رخصة(لكن ما خدرة)متل حقت ود الباوقة المهم رخصة مؤتمرجى بمكنة اتحادى
متستر وقام كدة سواها الشديد ظاهرة وقال لينا انا مشيت صدفة ولاقيت نائب السفير
فى وشى(حرم لى فى السعودية قدر عمر حميدة وطه بتاع الكركدى بتاع السفارة ما بلاقينى
صدفة الا اقصدو)المهم قام عمل ليه حركة فى شكل وردة وسماها اجتماع للبورداب وهى حقيقة
محاولة تدجين قام الشديد قالوا ليه جزاك الله خير الرحصة عليك والحديدة مننا..ياهو
انكرب كم يوم وسواء الرخصة باقى الفارهة..طبعا ما حا تكون لاندكروزر عشان ديك خموهن
المشوا قبله..ومازال عمر راجلا وراكب كرعى وراسو وسوف يظل كذلك ردحا حتى يتبين
المؤتمر الابيض من التآمر الاسود..لكن الحارى ولا المتعشم...وياحميدة اوصيك وليد
حده الرخصة لكن ان درت الحديدة امسك فى الزول ابرويس الاسمو عمر..ومانى عافى منك كان
ما ادوك واحدة متل حقتو الجديدة لاتشد لاتركب.
عقبال قطعة الارض،،،،،
|
Post: #5
Title: Re: حميدة ... الرخصة مبروكة ....
Author: ود الباوقة
Date: 12-17-2005, 03:04 AM
Parent: #4
| Quote: يا شفع الله يقلعكم انتو قاصدين ياتو رخصة؟؟ |
عمي ود الموج .. نحن قاصدين الرخصة ( الشرعية )
Quote: وياحميدة اوصيك وليد
حده الرخصة لكن ان درت الحديدة امسك فى الزول ابرويس الاسمو عمر..ومانى عافى منك كان
ما ادوك واحدة متل حقتو الجديدة لاتشد لاتركب. |
نحن يا عمي بطلنا ركوب العربات وحا نركب ( المهر الجماح ) قريبا ان شاء الله ..
وكل شيء ( بالتوالي ) قادم ......
ود الباوقة
|
Post: #6
Title: Re: حميدة ... الرخصة مبروكة ....
Author: ود الباوقة
Date: 12-17-2005, 03:07 AM
Parent: #5
| Quote: عقبال قطعة الارض،،،،، |
وتكون فاتحة علي تلاتة شوارع ....
ود الباوقة
|
Post: #7
Title: Re: حميدة ... الرخصة مبروكة ....
Author: humida
Date: 12-17-2005, 03:16 AM
Parent: #5
ود الباوقة ..
نحن عندنا حق الفيتو في البلد دي ..
جايبنها من ورا .. عساكر صف وجنود ..
من ايام التفحيط .. وداير ليك تلاتة مخدات حتي تشوف الشارع ..
وبيني وبينك .. بعرف اخارج روحي .. وما في داعي للرخصة ..
بس العاجبني التأمين ..
ودا ما بدوك ليهو بدون رخصة ..
اها يا عمك .. تكون ماشي كدا تكسر ليك كم خطر علي كم قزاز جانبي
تنزل من العربية .. وتخلف رجلك .. ترجى العسكري ..
يشيل رقم البطاقة .. وتدردق ..
وكمان ما تقول عربية الحاج فيها تأمين شامل ..
يعني ضارب ولا مضروب .. كلو واحد ..
واللقطة الجميلة .. بدفعوا ليك الدية ..
في ناس كتار كدا .. اخير نخلي اهلهم يستفيدوا منهم ..
عمنا صديق .. ما اشوفك حايم جنب السفارة ..
التأمين جاهز .. 
|
Post: #11
Title: Re: حميدة ... الرخصة مبروكة ....
Author: ود الباوقة
Date: 12-17-2005, 10:04 AM
Quote: عمنا صديق .. ما اشوفك حايم جنب السفارة ..
التأمين جاهز .. |
خلي يحوم بس ما يدخل جوة السفارة ويشرب الكركدي المكرهنا فيهو .. طبعا دا عشان دمو يكون نازل صافي بدون ( شوائب )
ود الباوقة
|
Post: #8
Title: Re: حميدة ... الرخصة مبروكة ....
Author: إيهاب محمد مصطفى
Date: 12-17-2005, 03:39 AM
Parent: #1
حميدة
مبروك الرخصة
وكده شركات التأمين ح تعلن إفلاسها
تحياتي يا صاحبي وأضرب (بأبنص) من حديد
تتذكر (الأشتر ياحميده) ؟؟
|
Post: #9
Title: Re: حميدة ... الرخصة مبروكة ....
Author: humida
Date: 12-17-2005, 03:53 AM
Parent: #8
ايهاب ..
تصدق يا حبوب .. بفتش عليك ..
ولا اي حتة ممكن ارسل ليك فيها برايفت مسج ..
لقيت التسجيل في النيلين مقفول ..
علي العموم قريب منك انا ..
رقمي موجود في البروفايل ..
|
Post: #10
Title: Re: حميدة ... الرخصة مبروكة ....
Author: معتز تروتسكى
Date: 12-17-2005, 09:33 AM
Parent: #9
العزيز ود الباوقه
خالص التحايا
| Quote: حميدة ... الرخصة مبروكة .... |
ماعارف تبقى علي حكاية اب سن بضحك على اب سنين..
قايتو انا لو قنعان من زول
خليهو يركب معاى بالليل نظر تك. .
خلاص نشتغل ليك ورديه سواقين يا ود الباوقه انا بالنهار وحميضه بالليل...
احب قاردن سيتى وكافورى ذاتو وفحت. .
لكن ياحميضه الواحد نوعكم ده يفكر يفتح ليهو شركة تامين . .
|
Post: #12
Title: Re: حميدة ... الرخصة مبروكة ....
Author: ود الباوقة
Date: 12-17-2005, 10:13 AM
Parent: #10
تروتسكي .... شكرا على الطلة البهية ....
| Quote: خلاص نشتغل ليك ورديه سواقين يا ود الباوقه انا بالنهار وحميضه بالليل... |
شوف انا بسوق لي ( حميدة ) انت روح سوق لاخونا ( محمود الدقم ) احسن ليك
ود الباوقة
|
Post: #13
Title: Re: حميدة ... الرخصة مبروكة ....
Author: Hussein Mallasi
Date: 12-17-2005, 12:02 PM
Parent: #12
يبدو انني – فعلاً – قد بلغت من الكبر عتيا؛
فقد حصلت على رخصة القيادة السعودية في العام
1987
|
Post: #14
Title: Re: حميدة ... الرخصة مبروكة ....
Author: ود الباوقة
Date: 12-17-2005, 01:19 PM
Parent: #13
Quote: يبدو انني – فعلاً – قد بلغت من الكبر عتيا؛
فقد حصلت على رخصة القيادة السعودية في العام
1987 |
ملاسي ... ومن والوقت داك ولحد هس سائق سيارة ولا ( اترقيت ) طبعا في تاريخك دا كان السودانيين الفي العراق بيسوقوا الشاحنات ( بكروت الحمى الصفراء ) بعد وضع الصورة فيها وعلى اعتبار انها رخصة دولية .. شفت الشطارة دي كيف ...
ود الباوقة
|
Post: #21
Title: Re: حميدة ... الرخصة مبروكة ....
Author: humida
Date: 12-18-2005, 08:05 AM
Parent: #13
ملاسي ..
من 87 امكن تكون سايق ليك موسكوفيتش ..
يعني انا تلاتة سنين بس بالمرسيدس .. ممكن افوتك .. !!
87 .. كنت مدردق لي لستك قدامي ..
وحايم أم فكو .. !!!
|
Post: #15
Title: Re: حميدة ... الرخصة مبروكة ....
Author: ود المايقوما
Date: 12-18-2005, 01:16 AM
Parent: #1
Quote: عمنا صديق .. ما اشوفك حايم جنب السفارة ..
التأمين جاهز .. |
اليومين ديل هو زهجان من ناس السفارة . امشي الصالحية بتلقاهو ولو لقيت حمزاوي ( عبد الرحمن عبد الرسول ) معاهو برضو مابطال ( جوز مايخسر ) كشهم الاتنين .
والتحية للجميل ود الباوقة .
|
Post: #16
Title: Re: حميدة ... الرخصة مبروكة ....
Author: معتز تروتسكى
Date: 12-18-2005, 01:40 AM
Parent: #15
العزيز
ود الباوقة
| Quote: شوف انا بسوق لي ( حميدة ) انت روح سوق لاخونا ( محمود الدقم ) احسن ليك |
انت لوماقتسته حجرى مع ود الدقم ده مابترتاح..
قايتو ود الدقم مابناباهو بس الفيك اتعرفت. .
ود الباوقة
عليك الله كمان معاك طلب ...
تدخل لي ناس السفاره وجالية الرياض والصالحيه وماعارف شنو تانى (بقينا حافظنهم حفظ)..
تدخلهم فى توابيت وخلى حميضه يوصلهم الاستراحة. .
|
Post: #23
Title: Re: حميدة ... الرخصة مبروكة ....
Author: ود الباوقة
Date: 12-18-2005, 02:31 PM
Parent: #16
Quote: ود الباوقة
عليك الله كمان معاك طلب ...
تدخل لي ناس السفاره وجالية الرياض والصالحيه وماعارف شنو تانى (بقينا حافظنهم حفظ)..
تدخلهم فى توابيت وخلى حميضه يوصلهم الاستراحة |
.
تروتسكي ... مالك حيتني في اللحم ( الحي ) شوق لك ناس غير ديل .. بعدين صاحب التوابيت الكبير بقى ( نجار موبييليا ) ماداير ليك ( كمودين ) .
|
Post: #17
Title: Re: حميدة ... الرخصة مبروكة ....
Author: abuguta
Date: 12-18-2005, 01:53 AM
Parent: #15
حميضة
تكملها بعرق العافية..
وما تمشى وراء السيارات القديمة
خاصة الرقشات
شكرا ود الباوقة....
على نقل الاخبار الحلوة
|
Post: #18
Title: Re: حميدة ... الرخصة مبروكة ....
Author: JAD
Date: 12-18-2005, 02:31 AM
Parent: #1
Quote: يبدو انني – فعلاً – قد بلغت من الكبر عتيا؛
فقد حصلت على رخصة القيادة السعودية في العام
1987
|
سيم سيم أنا يا أخ ملاسي ..
مبروك يا أخي حميدة .. استمتع بي شبابك يا بني ..
باوقة صن .. إنت مش عجوز زي كدا ..
والله الواحد يتعقد عديل .. ما في زول أكبر مني في البورد غير ود الموج ..
طبعاً لو استبعدنا الناس المتقدمة في العمر أمثال هناي داك ..
بمزح ساكت 
|
Post: #19
Title: Re: حميدة ... الرخصة مبروكة ....
Author: نزار محمد عثمان
Date: 12-18-2005, 05:52 AM
Parent: #18
ود الباوقة سلامات
وشكراً على المعلومة
ـــــ
حميدة
Quote: اها يا عمك .. تكون ماشي كدا تكسر ليك كم خطر علي كم قزاز جانبي
تنزل من العربية .. وتخلف رجلك .. ترجى العسكري ..
يشيل رقم البطاقة .. وتدردق |
مش مع كل الناس يا حميدة
في ناس عندهم تأمين تاني خالص، وقريبين منك
|
Post: #20
Title: Re: حميدة ... الرخصة مبروكة ....
Author: حمزاوي
Date: 12-18-2005, 06:48 AM
Parent: #1
حميدة اها
الحفلة متين
مبروك الرخصة وعقبال قطع الرهط
طبعا يا ولد انت ما عملت ولا عملو ليك حفلة من ما طهروك
يلا اعمل لينا حفلة كاربة كدا
اوع دينك تجيب لينا فيها كركدي ولا شعيرية
ودالباوقة سلفه الكرت الاخضر حقك
وتحت تحت سمعنا انها بطاقة المؤتمرجية
حسع يجيك ناطي اساسي
ما هو ذي الولد الكعب الدايماً تلقاه يضقل الكورة قدام الباب
|
Post: #22
Title: Re: حميدة ... الرخصة مبروكة ....
Author: humida
Date: 12-18-2005, 08:09 AM
Parent: #20
| Quote: طبعا يا ولد انت ما عملت ولا عملو ليك حفلة من ما طهروك |
يا أمنا همزاوي .. انت مين القال لك انه مطهر زاتو ..
التجري النيرو زاتو ..
محمد صالح .. طلق علوية ..
|
|