Post: #1
Title: شيلتي.... براي بشيلا ....
Author: ود الباوقة
Date: 12-13-2005, 10:33 AM
من زمن قالوا لي جيب ستة ستة وقعدوا يتفرجوا علي وانا شايل شيلتي حتي تاريخ اليوم دا بكل اقتدار وتفنين ...
نواصل ...
ود الباوقة
|
Post: #2
Title: Re: شيلتي.... براي بشيلا ....
Author: tmbis
Date: 12-13-2005, 11:02 AM
Parent: #1
الحفلة بي منو يا ود الباوقـــه ؟؟
ده كلام خطير جدا
|
Post: #3
Title: Re: شيلتي.... براي بشيلا ....
Author: ابو جهينة
Date: 12-13-2005, 02:55 PM
Parent: #2
أبو النسب
أنا عشان الحركات دي ..
من الأول قلت ليهم جيبوا شيالين يشيلوا شيلتي عشان بعدين ما تشيلوني حاجات ما بعرف كيف..
فهمت حاجة يا تمبس ؟  
ولا أنا
|
Post: #4
Title: Re: شيلتي.... براي بشيلا ....
Author: نادية عثمان
Date: 12-13-2005, 03:43 PM
Parent: #3
ود الباوقة
بتك زى العسسسسسسسسسسسسسسسسسسسسسسل والله
|
Post: #5
Title: Re: شيلتي.... براي بشيلا ....
Author: المسافر
Date: 12-13-2005, 10:36 PM
Parent: #4
عتالي يا خينا
يلا علينا جاي
من البنطون للطابونة
قرشين
وما حضرت زمنا
جيل البرينسات
فرشو الفرشات
للحكومة الجات
|
Post: #9
Title: Re: شيلتي.... براي بشيلا ....
Author: ود الباوقة
Date: 12-14-2005, 09:55 AM
Parent: #5
Quote: عتالي يا خينا
يلا علينا جاي
من البنطون للطابونة
قرشين |
والله يا مسافر انت قديم شديد من زمن ( الفريني ) ابوب حلالي ....
Quote: وما حضرت زمنا
جيل البرينسات
فرشو الفرشات
للحكومة الجات |
انا يا المسافر يا ود عمي .. من زمن الفوردكي حق عبد الوهاب .. وود الحمدي... وود الكاسر.. قول يا ساتر ...
ود الباوقة
|
Post: #8
Title: Re: شيلتي.... براي بشيلا ....
Author: ود الباوقة
Date: 12-14-2005, 09:46 AM
Parent: #4
Quote: ود الباوقة
بتك زى العسسسسسسسسسسسسسسسسسسسسسسل والله |
الأستاذة نادية عثمان ... انت العسولة والله ... شكرا على الاطراء الجميل...
ود الباوقة
|
Post: #7
Title: Re: شيلتي.... براي بشيلا ....
Author: ود الباوقة
Date: 12-14-2005, 09:35 AM
Parent: #3
Quote: أبو النسب
أنا عشان الحركات دي ..
من الأول قلت ليهم جيبوا شيالين يشيلوا شيلتي عشان بعدين ما تشيلوني حاجات ما بعرف كيف..
فهمت حاجة يا تمبس ؟
ولا أنا |
ابو النسب .. كم عددالذين سيذهبون معي غير الشيالين . الشيلة مكونة من عشرة شنط وفاسين واحدة لتكسير الحطب وأخرى لتكسير الطلح ... ربما ثالثة لتكسير التلج ..
ود الباوقة
|
Post: #6
Title: Re: شيلتي.... براي بشيلا ....
Author: ود الباوقة
Date: 12-14-2005, 09:20 AM
Parent: #2
....Quote: الحفلة بي منو يا ود الباوقـــه ؟؟
ده كلام خطير جدا |
الحبيب تامبا .... النتيجة فتاكة ... كدي خليني اتفشا شوية واجيك راجع .. ما تبعد ..
|
Post: #10
Title: Re: شيلتي.... براي بشيلا ....
Author: عمر الفاروق
Date: 12-14-2005, 10:30 AM
Parent: #1
المسطول جا شايل ليهو كيس كبيييير وقام سلم علي الشباب ..
واحد سألو قال ليهو شايل شنو في الكيس ده يا قريبك ؟؟؟
قال ليهو شايل جراح !!!!
ود الباوقة مااااااااا بيجلك والطب ستة سنة يعني إلا تطير
قلنا نسلم ..
|
Post: #11
Title: Re: شيلتي.... براي بشيلا ....
Author: ود الباوقة
Date: 12-15-2005, 03:24 AM
Parent: #10
Quote: ود الباوقة مااااااااا بيجلك والطب ستة سنة يعني إلا تطير
قلنا نسلم .. |
لوووووووول ودعمي ود الفاروق بركة الجيت
وبعدين اقعد واغني يا ناسي انا الطب علي قاسي وين يا ودامي ... تصدق يا الفاروق دا ما قصدي اناالموضوع اسأل منو ابوجهينة ...
ود الباوقة
|
Post: #12
Title: Re: شيلتي.... براي بشيلا ....
Author: almulaomar
Date: 12-15-2005, 06:04 AM
Parent: #1
يا جماعة نحن فينا ميزة أقفلها اخونا ود الباوقة عمداً أو سهواً أو بالعقوبتين معاً ، نحن ناس بنتشايل يعني من ألعابنا التراثية في عقوبة تقتضي أن تحمل على ظهرك أعضاء الفريق الفائز مقدار فرسخين جرياً على الأقدام عكس إتجاه الريح ، وكذلك الفن الشعبي يحفل بالشيالين من حقيبة الفن لغاية حقيبةالسامسونايت وحتى الأروكسترا في بعض الأغاني عليهم أن يشيلوا بالإضافة إلى العزف في مقاطع معينة يصعب فيها على الفنان أن يشيل براهو ، ده غير شيل الحال فنحن كشعب شيالين زي أبل الرحيل وأيضاً ، وأحسب أن كلمات على شاكلة شيلتي براي بشيله فيها شئ من المبالغة لأنني أذكر في غابر الأيام وخواليها أن سددت رمية غير موفقة من كورة شراب بداخلها دومة فتصادف أن أخطأت الكرة الهدف كالعهد بي في شأني كله وجات ليك على حافلة الحاجة أيام أن كانت فضية ففعلت فيها ما لم يفعله ديك العدة عند نهره فكان أن هب في وجهي جميع الحضور من السكان والجيران المتواجدين في منزلنا الكائن وقالوا مرردين بلسان واحد الليلة شيل شيلتك وما زلت في إنتظار تلك الليلة اللياء ولم أشيل أكثر من أربعة جرادل من البالوعة إلى منتصف شارع بيتنا لا أكثر وحتى الذي به عاهة يشيل دون مشاكل تماماً كما في كلمات على شاكلة
"البشيل فوق الدبر ما بميل" والدبر لك متحنكشة أو متحنكش هو عبارة عن تقرحات أو دمامل تصيب ظهر الدابة بفعل سؤ البردعة أو اللبدة أو الحمولة على ظهرها ، يااااااي وبرضو لووول
|
Post: #13
Title: Re: شيلتي.... براي بشيلا ....
Author: ود الباوقة
Date: 12-15-2005, 10:10 AM
Parent: #12
| Quote: يا جماعة نحن فينا ميزة أقفلها اخونا ود الباوقة عمداً أو سهواً أو بالعقوبتين معاً |
اخوي الملا عمر .. انت يا اخوي كنت شغال في محاكم العدالة الناجزة ولا شنو
| Quote: وكذلك الفن الشعبي يحفل بالشيالين من حقيبة الفن لغاية حقيبةالسامسونايت وحتى الأروكسترا في بعض الأغاني عليهم أن يشيلوا بالإضافة إلى العزف في مقاطع معينة يصعب فيها على الفنان أن يشيل براهو ، ده غير شيل الحال فنحن كشعب شيالين زي أبل الرحيل وأيضاً |
كلامك صحيح مية في المية بس دا كان متين كان زمن ناس اللمين برهان وعوض الجاك وميرغني المامون واحمد حسن جمعة .. لكن وكيلك الله شيالين الزمن دا اغنية حبايبي الحلوين براها تخلي نفسن قايم ....
| Quote: "البشيل فوق الدبر ما بميل" |
عبارة تتكرر قراءتي لها كلما ذهبت لاهلي في الدامر .. مكتوبة على باص ركاب منذ عشرات السنين يظهر هو الآخر أصابته دبرة الدواب لانو شايفو بقى يمشي ( ملوي )
تحياتي لك ولكل من معك من الملالي ....
ود الباوقة
|
Post: #14
Title: Re: شيلتي.... براي بشيلا ....
Author: ود الباوقة
Date: 12-15-2005, 10:36 AM
Parent: #13
صديق الموج عليك الله تعال ارفع لي الشيلة فوق ضهري ....
ود الباوقة
|
Post: #15
Title: Re: شيلتي.... براي بشيلا ....
Author: وليد شريف
Date: 12-15-2005, 10:43 AM
Parent: #13
السيجارة دي ياود الباوقة قوية خلاااااااص لقيتا وين !!!!!!!
واحد سألوه احلي السكر ولا ابعد كسلا قال ليهم دكان جحروت فاتح
|
Post: #16
Title: Re: شيلتي.... براي بشيلا ....
Author: صديق الموج
Date: 12-15-2005, 01:28 PM
Parent: #1
| Quote: صديق الموج عليك الله تعال ارفع لي الشيلة فوق ضهري .... |
عمر لزام التقيلة..حبابك... ياخوى اهلنا زمان قالوا العندو ضهر ما بندق فوق بطنو
وانت مادام بقيت من جماعة حزب التآمر الوطنى ما تخاف مع انه الشاعر قال:
(ومااكثر الاخوان المسلمين حين تعدهم ولكنهم فى الشيلات قليل)دحين مانا خايفين عليك
وشيل شيلتك عسى ان تكون زى شيلة الملا عمر...وبعدين قالوا ليك جيب ستة ستة للاستقطاب
والا شنو ماتراك حشدتهم فى بيت ابو جهينة ستاشر ما مرقت الا بى المسكين تمبس ولكنه
عاد الا رشده حين اتضح انك ما وطنى ولكن مؤتمر وطنى..عمر يا اخوى الصقر كان وقع كتر
البتابت عيب وزى ما قال ليك احمد حنين مادام الخديرة فى جيبك وا سجمك ووا عيبك.
|
Post: #17
Title: Re: شيلتي.... براي بشيلا ....
Author: ود الباوقة
Date: 12-18-2005, 03:29 AM
Parent: #16
| Quote: البتابت عيب وزى ما قال ليك احمد حنين مادام الخديرة فى جيبك وا سجمك ووا عيبك |
.
عمي ود الموج ... الخدار خداري يا ناس خداري .. ومش حا اخليهو لو كنت حي الا اموت واتوسد ايدي ....
ود الباوقة
|
|