أطالب بتطبيق اللائحة على محمد حامد جمعة و عبد الرازق الطالب لترويجهما أخبارا كاذبة

في البوست أدناه:

من ازرق طيبة الى نقد ( نقد نفى استلام الرسالة )

قام المذكوران أعلاه بالترويج لما اسمياه رسالة بعث بها الشيخ عبدالله الشيخ أحمد الريح المعروف بالشيخ "أزرق طيبة" إلى الأستاذ محمد إبراهيم نقد السكرتير العام للحزب الشيوعي السوداني تتعلق ببعض الشئون السياسية الجارية في البلاد، و هو ما نفاه الأستاذ محمد إبراهيم نقد حسب تصريحه لصحيفة الراي العام و المثبت في البوست أعلاه، و هي الوثيقة نفسها التي نفى الشيخ "أزرق طيبة" أي صلة له بها حسب تصريحه في صحيفة الوطن. و لما كان الرجلان قد عرفت عنهما الإستقامة، و أن أحدهما هو أحد مشايخ الطرق الصوفية و له أتباعه و مريدوه فإن ذلك السلوك بواسطة العضوين لا يتعتبر إنتهاكا فقط لقوانين و لوائح المنبر "كما سنبين أدناه، فإنه مساس واضح بكريم معتقدات بعض فئات الشعب السوداني مما يوقعها تحت طائلة المادة الثانية من ذات اللائحة.

مما تقدم، أتقدم بطلبي هذا للسيد أمين الموقع بتطبيق نص اللائحة على المذكورين وفق منطوق المادة 24 و نصها ما يلي:

Quote: -يجب عدم نشر أخبار كاذبة أو خاطئة أو اتهامات لا أساس لها بحق أي عضو(ة)، أو بحق أي إنسان آخر.كما يجب على الشخص المعني تصحيح الأخبار بسرعة بمجرد العلم بعدم صحتها والاعتذار العلني للأشخاص الذين مسَّـهم نشرها، مع جواز توقيع أي جزاء آخر من طرف الإدارة

هذه الوثيقة محل الحوار هنا يمكن أن تؤسس قضية جنائية ضد المذكورين و الجهات التي تحصلا منها على الوثيقة حالة ثبوت تزويرها.
و دمتم

مرتضى جعفر

Quote: أطالب بتطبيق اللائحة على محمد حامد جمعة و عبد الرازق الطالب لترويجهما أخبارا كاذبة

شكرا الاخ مرتضى
يجب علينا جميعا توخي الحيطة والحذر
حتى لا نسئ الى احد او نظلم احد.
الاخ محمد حامد جمعة قام بنشر وثيقة من مركز اعلامي
وقام الاخ عبد الرازق الطالب بالتعليق على الوثيقة
كما فعلت انت في ذات البوست.
ما الذي جعلك تقطع الشك باليقين ان الوثيقة مذورة
وان محتواها محض افتراء ؟
لماذا اخترت عبد الرازق الطالب دون غيره من الذين
ادلوا بدلوهم في موضوع الرسالة ام لانه يخالفك الرأي؟
لماذا لم تترك النقاش يأخذ مجراه فهناك الكثيرين وانا
منهم له رأي ومنطق يخالف محمد حامد وعبد الرازق فيما
يتعلق بالرسالة المزعومة ؟
نرجو ان لا يضيق صدرنا من الرأي الاخر
وان لا نهرب من مواجهة المواقف بالالتفاف حول اللوائح
ولك تقديري
محمد

مرتضي..
كده ما تزح كده ولا كده..
وتاني بعيد ليك سوعال..
أخوي الدكتور محمد عيدالله..
إنت عزلتني من نص الناس الكتار ديل عشان..
عشان خالفتك الرأي.. ولا كيف..
يا أخوي إتحمل شوية ما أصلو خلاف الرأي لا يفسد للود قضية..
بعدين خلي روحك ديمقراطية...
وطباخ السم الهاري زي ما بقولو أهلك الزينين...
والصابرين في بلد المليون فضيلة وقبيلة ديل..
بيضوقو...
بعدين الشفقة الليلك دي في شان شنو..
صحي في شان أزرق طيبة.. ولا في شان نقد..
يا أخوي الوثيقة دي حقيقة ماثلة للعيان...
والمغالطات البتم مكابرة أو مغالطة أنحن في دار فور ...
بنسميها غلاط شدر يابس...
ولكن الشينة في الحقيقة أصلو قالوا منكورة...
وبعدين .. البباري الجداد بودنو الكوشة..
وإن شاء قال ليك بركات شيخ أزرق طيبة..
تخليك ملقوف خط الشهرة على طول..
قال يا بكري ألحق قال..
يا مرتضي أخوي..
إنت المزعلاك إنك إتكشتف حقيقة إنو الدين ده شيء ما هو أفيون ولا بنقو للشعوب..
ولا ما دي الحقيقة..
والحقيقة التانية بتاعت فرضية..
إنو الإيدولوجية البتدعي إنك شايلها..
مكتوب على شاهد قبرها بشهادة مواصفات ومقاييس بلد المنشأ..
التي تفرقت أيدي سبأ..
غير صالحة للإستعمال البشري...
بعد تجربة مركزية اليسار..
وقد عفى على شهادة الوفاة التي أصدرها..
غورباتشوف... زمن..
عيىىىىك حليلك لاكين..
كده أرفع سقفك الوطني..
وأرمي بصرك ده أبعد من مرمي ظلك...
وتاني كده خليك من العياط الليلك على الفاضي ده..
ولو عندك رأي أو ليك باع في كشف التزوير..
أو بدعم الرأي القائل بعدم صحة الوثيقة الأنحن أصلاً مصدقنها..
لو ما شوفناها... وبدون مغالطات..
تعال مارس حقك زيك زي أي زول هنا قاعد في المنبر ده....
بعدين هو إنتو خليتو درب لزول ...
عشان يقول ديل ما إنتو... ولا يخت ليكم عزر..

كده خليك لما هو مصدق في الأصل وجقلبة الشينة منكورة دي..
وتعال..

أنت...
عايزنا نقعد نشوفكم..
كونكم مفرخة عار الموت الحاصلة في السودان..
دي..
ونقعد نلطم.. في مندوحتكم دي..
ونبصم بالعشرة.. ولا كيف..?


يا راجل إختشي...

عبدالرازق الطالب

مع التأكيد على إنو ليست لدي رغبة في الأخذ و الرد معاك. لكن بالنسبة لسؤالك و سؤال الأخ محمد عبدالله حول لماذا "فرزتك" من وسط الناس ليه؟ أولا ليس ضيقا بمن يخالفني الراي فأنت موجود في المنتدى هنا منذ زمن طويل و لم تطرح فكرة نالت إتفاقي معك و مع ذلك لم أطالب بتطبيق اللائحة فيك في ما قبل هذه المناسبة. ثأنيا محمد حامد جمعة أورد الخبر الذي كذبه نقد و أزرق طيبة و أنت أتيت بالوثيقة بعد إحراء "سكاننج" لها، فأنتما من يروجا هنا لهذه الأخبار الكاذبة التي توقعكما تحت طائلة المادة 24 و التي سبق ذكرها.

كمان هاك دي زيادة من مداخلاتك هنا:

Quote: يا أخوي الوثيقة دي حقيقة ماثلة للعيان...

فأنت تصر على أن الوثيقة حقيقة، و بذلك تقدح في صدقية رجلين عرفا بالإستقامة و هو ما أعنيه بترويج أخبار كاذبة.

لو عندك كلام وجهو لأمين الموقغ و ليس لي رجاء

الأخ بكري نحن ننتظر فصلك في هذا الطلب.

مرتضى جعفر

فصـــل عمـيل جهاز الامن محمد حامد جمعه

فيلم مكرر ومعاد ..

كلام مهزوم مأزوم حد النخاع..
لا ينضح محتواهو.. إلا بالفراغ الفكري والروحي...
والضيق والحنق بالآخر..
قال يا..

Quote: الأخ بكري نحن ننتظر فصلك في هذا الطلب.

عشان ترضي..
موش كده..

ياهو رأينا..
لو حتيناهو قرض..

ولا عملنا بيهو حميل...
ترى ياهو قولنا ذاتو..
و..
.

يا بكري ألحق..




الهبشة...

تخريمة:
بجيك رادي تاني لحكاية الإسكنر دي..
إلا تقول الروب..
ولا تحرد البورد ده..

يا مرتضى يا خوي

ما فيش حد بيأكلها بالساهل.....

خلي الجماعة تكا لقمة عيشا.

وبكري لو طردهم من هنا حيمشوا يهـ....... في بورد تاني.

بعدين أسي عليك الله بكري لو طرد الجماعة ديل

الأفلام الهندية دي كنا حنشوفا وين؟؟؟؟

إلا نمشي القاعة وللا قصر الشباب والأطفال في الصقط الشديد دا.

عشان شنو...
جبت سيرتي..
ومالك بقيت زي خالد كودي وإسقاطاته...

Quote: لو عندك كلام وجهو لأمين الموقغ و ليس لي رجاء

ههههآآآه..
ده شنو دي الجقلبة الليلك دي....
وبعدين..
إنت قاعد بتكتب في المنبر ده لبكري..
ولا عشان الناس لامن تغلط..
يقوموك..

ومفاكرة بالمرة..
قلت لي..

إسمك..

مرتضى جعفر ..



ومن وين يا الأخو...

مع التأكيد على إنو ليست لدي رغبة في الأخذ و الرد معاك.

Quote: لم تطرح فكرة نالت إتفاقي معك

ما أنا عارف..
والناس ديل كلهم عارفين.. عشان كده إنت فتحت البوست ده..
حنقاً بالرأي والرأي الآخر..
غريبة.. وعامل لي فيها أسطول ديمقراطي..

Quote: و مع ذلك لم أطالب بتطبيق اللائحة فيك في ما قبل هذه المناسبة.

ومع ذلك.. اراك سنيت سكينك في حجر الباطل ده..
ولعلعت يا بكري ألحق.. تعال شوف هناي ده ما بقعد ساكت..

Quote: ثأنيا محمد حامد جمعة أورد الخبر الذي كذبه نقد و أزرق طيبة

فوق دي إنت الصادق.. محمد حامد جمعة زاد الشمار شوية توم وقال نقد نكر..

Quote: أنت أتيت بالوثيقة بعد إحراء "سكاننج" لها،

شوفت بعد دي..
بتقصر عمرك المنبري الإفتراضي..
بدون إطالة إتهامات فارغة ..
لم أجري عملية إسكاننج..
نقلنا رابط الصورة لهذا المنبر..
ولو عايز تعرف ..
أنقر الزر اليمين من الماوس على الصورة ..

بتلاقي العنوان بتاع URL
زي دي http://smc.sd/imagx/docum2.jpg
يعني كل العملناهو قص ولصق..
زي بتاعت دكتور ياسر الشريف..
شوفت كيف المادة 24 من لوائح المنبر..
إنت وقعت في شر أعمالها..
بإيرادك للخبر وإتهامي بعمل إسكاننج.. (مسح ضوئي يعني)..

غايتو يا مرتضي جعفر عندكم جنس محن..
شوف جنس الكلام الليلك ده..

Quote: فأنتما من يروجا هنا لهذه الأخبار الكاذبة

الخبر هنا بحرز دليلو..
وليس من رأي كمن سمع..
وختمو كمان بيجهر العين..
وإنت لساعك بين مكذب ومكذب..
بعد كلام ناس هنادي يوسف..
وإنت القائل..

Quote: التي توقعكما تحت طائلة المادة 24 و التي سبق ذكرها.

آهها رأيك شنو في مسائل تبادل الأدوار دي..
تيجي إنت محلي..
وأجي أنا محلك..



في حاجات غريبة كدة أحياناً بتحصل..
والناس بيسموها..
عالم ما وراء الطبيعة...
يعني الحياة طبيعة ومناقضات مفاهيم طبيعة الحياة...
والحاجات الكتيرة الأنت ذاتك ما بتؤمن بيها دي..
ذاتها أحياناً بتخليها وراء ضهرها..


بس رأيك شنو..
نجيب الوثيقة دي هنا..

طيب إستعد في البوست الجاي..
حنجيبها..
لازمة فايدة...

عشان الناس الما عارفة هنا...
تعرفنا قاعدين بنقول في شنو..


وعشان شنو..!!

قول وثيقة رقم (واحد)..

موش كده..


والواحد الله..

وتاني قول وثيقة رقم (إتنين)..
والسر البفوت إتنين ..
شعاعو بيجهر العين..
وما ببقي سر..

وكمان تاني..


ببركات أزرق طيبة..
وشيوخ تقدميو أهل الحداثة..


شوكرن بكري على الهبشة..

Quote: يجب عدم نشر أخبار كاذبة أو خاطئة أو اتهامات لا أساس لها بحق أي عضو(ة)، أو بحق أي إنسان آخر.كما يجب على الشخص المعني تصحيح الأخبار بسرعة بمجرد العلم بعدم صحتها والاعتذار العلني للأشخاص الذين مسَّـهم نشرها، مع جواز توقيع أي جزاء آخر من طرف الإدارة

اها يامان بعد الاثباتات دي أطالب بكري بتطبيق اللائحة.


من حفر حفرة لاخيه وقع فيه.

جاء الحزين يفرح مالاقلوش مطرح.


وليه أصلاً؟ عشان المستنيرين بتاعنك ؟



مستنير مين ياعم

ابو رزقاء

لا تحاول ان تختزل الموضوع في شيخ عبدالله وبركاته

الموضوع واضح اتورطة ورطوك جماعتك

لا تحاول ان تقارن نفسك بشخ عبد الله اونقد فكما زكر الاستاذ الشايقي فهم معروف عنهم الصدق -انت في موقف صعب- الفبركة كانت ضعيفة


من اين لك بالورق المروس الخاص بسجادة العركيين؟

بإنتظار الأخ بكري ابوبكر

مرتضى جعفر

عادت ثقافة الاقصاء .. والكيمان من جديد..



فوق

علشان نشوف واصلين وين
ونعرف الموسم ده بتاع ياتو تسجيلات
وبتاع ياتو كووم؟؟


فوق خالص

والغريبة أرسطو يا ود المايقوما..
زي ما شايف..

النفرة.. دي كلها عشان..
نقرنا الكي بورد..
ومجرد إنو قلنا رأينا..
بدون محاباة في محاولة لنصرة أزرق طيبة.....
العايز يسلك طريق موالاة.. من يعتقد أن الدين أفيون الشعوب..
وزي ما شايف إنو الدرب دخل الموية..
وزمان أهلك قالوا الشينة منكورة..
وما عايزين نسترسل ساكت..
وإنت سيد العارفين.. في معاني ..
الجوف يطقطق بالكلام..
ومعني كراعي كبرت من الزعل..
نص في الأرض نص في النعال..
والله أكبر يا معافرة يا مدافرة يا جهاد..
ومعني الحياة عقيدة وجهاد..

إمعاناً لقولنا إنو الطريق ده..
فيهو ألغام... وبيودي لقيم دين تنهي بنصوص شرعية..
وتأمر بإتباع السراط المستقيم.. دون إسقاطات..
معاني الدين أفيون للشعوب...

ومناقضة التحالف هذا..
لمعني.. سالف الذكر..
والحقيقة المرة..
والقاعدين يقشرو بيها ديك...

تعرف نقرة الكي بورد دي..
خليهم يعتبروها..
إختبار لقيم ظلوا كثيراً مبشرين بيها..
والدين النصيحة...
في ما عني بالمدافعة بين البشر..
شوف جنس الدفر ده هسعي...
بدون شورى دينية...
والناس واقفة على هبشة سيد الحوش....

قال بكرى تعال شوف قال..
ما قاعدين بتدفرو الناس ليكم سنين ...
ما دايرين الناس تشهد كمان..
ولا حتى تقول بغم..

تعرف زي ما في حاجة إسمها قدر..
في حاجة إسمها كمان حق وباطل..
وربك هدى الناس النجدين...
وفي ناس إذا لاقو الذين آمنو قالوا آمنا..
وإذا خلو بشياطينهم قالوا إنا معكم إنما نحن مستهزؤون..
وربك قال الله يستهزئ بهم.. ويمدهم في طغيانهم يعمهون..
شوفت كيفن..
وبرغم ذلك..
وربك القادر أدى البشر ديل ممارسة حق الحياة..
بدون مصادرة لآراء الآخرين..
سواء أكان هذه المصادرة.. عملاً إرهابياً فكرياً..
ولا تهديد بالكتل عديل كده..

فأزرق طيبة.. ليس فوق النقد..
ونقد ذاتو وبما يحمله من أراجيف أوباش الشيوعيون..

ليس حري..
بقول عنتر..
وليس الكريم على القناة بمحرم...


مرتضي جعفر بحسب رأي الضعيف إنت باقي..
في هذا المنبر..
عملاً بقول المثل العربي..
العوج رأي والعديل برضو رأي..
ولا شنو يا ود عوج الدرب..

الكلام ده طبعاً حاصل بدون محاولات إسقاطات فارغة لا تمت إلى الحقيقة بصلة..

كما حدث بمثل ما هدف إليه مرتضي جعفر..
بجر الناس..
من محاولاة مناقشة ما ورد..
على الوثيقة..
وتفنيد محتواها.. بالحجة البراهين..
زي الحاصل من منظر الوثيقة.. وجقلبة أخونا مرتضي جعفر..
وجعيرو..
الما فوقو فايده ده.. على إتهامنا بالكذب علناً..
كما فعل خالد كودي... والذي لم يجدى نفعاً على برائته..
بقدر ما أوردناه من دلائل وأحراز...
فنكرانها لا يفيد نفعاً كثيراً..
بقدر الإقرار بالخطأ.. ومحاولة معالجته.. وعدم الوقوع فيه..
هو الذي يترك للناس معني إحترام الآخر.. تأكيداً لمعنى.. الإعتراف بالخطأ فضيلة..
ولا إلا لمن أراد أن يغبش سريرته.. بعمى كراهيته للإنقاذ..

كمان بنقول..
أتركو كمان للناس عقول بتحكم بيها على الأشياء..
ودعو مسألة التصديق والتكذيب دي للقارئ..
والذي لا يفترض عدم غبائه..
والواحد ما في داعي يبقي زي..
محمد (شماسي) القاعد في الإمارات..
وكاره لمعاني إعلاء قيم الدين..
بعد ما إنطلت عليهو.. بوهية الدين أفيون الشعوب..
وعامل فيها مجدع في قصر الشباب...
بالكوت الصوف..
في الشتاء العينك شافتو ده..
شوفت جنس المحن دي..
كيف...


البيعجبني في كلام كمال عباس..
إنو في الباطل العينك شايفاهو ده..
بيخت ليهو طاقية إخفاء...
وبيلبسو ليك توب الحقيقة.. بدون خجلة..
في محاولة مستميته لإنكار دور الحزب الشيوعي المخزي...
في كل المحن العينك شايفاها دي..
(جنوباً وشرقاً وغرباً وجبال النوبة والأنقسنا)..
وعيىىىىىىىىىىىك من فتن عنصرية..

وبرضو بيقضو الطرف الناعس وكحيل..
عن سلوكيات لم تجلب إلا مزيد من..
القتل والدمار.. لإنسان بيقولو عايزين يحكموهو كان بالحق ولا بالباطل..

والغريبة.. بعد ده كلو..
مهمة دور الإنكار..
بتاعت الولد الحرسوهو اللبن..
وقاعد يقول للناس اللبن إنكشح..
ونسى يقش قدومو بكوعو...



شوفت جنس المحن دي ..

تاريخ هذا البورد يقول أن كل من يطلب من عبد الرزاق الإعتذار أو يطالب بتطبيق اللائحة عليه سيكون هو الخاسر في النهاية وسيندم ندما شديدا !!!

صنفرة :

لقد فتحت بابا يصعب مداراته يا صديقي مرتضى جعفر فهذا البوست كالعادة سيتحول إلى فايل ضخم يحمل من الوثائق الكثير حول علاقات الحزب الشيوعي المتعددة وهاهو أبو رزقة قد جهز الوثائق و الإسكانر فأين المفر !!!
وسأظل كعادتي متابعا للإستفادة من الوثائق والبيانات التي ستنشر هنا...

الأخ ناذر

تشكر على المرور و نتمنى ليك فائدة جمة من الوثائق. إلى حين حضور بكري صنفر يا ناذر قدر قدرتك. و ممكن بالمرة تغني ما فارقا بالمناسبة.

مرتضى جعفر

الأخ مرتضى جعفر

لا حاجة لك لإنتظار بكري .. فمحمد حامد وعبد الرزاق قاما بنقل مادة من الصحف هنا وشرعا في مناقشتها ولم يختلقا شيئا وأتياك بالدليل وبالروابط ..

صنفرة :

ولو كان بكري يحاسب الناس على من يأتون بأخبار متداولة للعامة لما صار لهذا المنبر عضو واحد يكتب فيه !!

نأسف

الأخ ناذر سعيدين بالأخذ و الرد معاك و الله و اليوم السعيد الليلة جابك. يا سيدي أنا لم أقل أن المذكورين قاما بإختلاق مادة صحفية، و إنما قلت قاما بترويج مادة صحفية تم تكذيبها من شخصين عدول و معروف عنهما الإستقامة، بالتالي هما يروجان لأخبار كاذبة و هذا يكفي لوقوعهما تحت طائلة المادة 24.

بالتالي هناك ما يجعلني أنتظر الأخ بكري.

شكرا جزيلا.


مرتضى جعفر

تامبا

ما قصرت

Quote: عادت ثقافة الاقصاء .. والكيمان من جديد.. فوق علشان نشوف واصلين وين ونعرف الموسم ده بتاع ياتو تسجيلات وبتاع ياتو كووم؟؟ فوق خالص

و تاني فووووووووووووووووق

كتب مرتضى جعفر في بوست الترابي يعتزل السياسة الاتي:

Quote: حسن عبد الله الترابي و راعني وصفه بالدكتور تارة و بالشيخ تارة أخرى فلا هو بالشيخ و لا هو بالدكتور و إن أتقن الإنجليزية و تحدث الفرنسية و عرف الالمانية، هو أخرق السياسة السودانية و ساذجها البليد الذي يشعر بأن أذكى الناس جميعا، اياديه ملطخة بدماء إخواننا من الإسلاميين (جعل عليين مرقدهم و الحور العين زوجاتهم.. آمين و رحمهم الله فيمن عنده) و من هم من فتات الشعب السوداني، أي فكر تنتظرون من هذا المثلي الشاذ أن يتفرغ له أهو................، أم ...................

فيما يطالب مرتضى جعفر بطرد العضوين

لا أطالب بطرده وإنما أطالبه أن يثبت ما تحته خط .أو يعتذر صراحة. وبقية الكذب السياسي عفوناه عن الاعتزار عنه.

القلب النابض

كنت قبل كتابة هذا الطلب للسيد أمين الموقع بخصوص المذكورين، كنت على ثقة تامة من إنك ستطرحين مثل هذا الطلب بالتحديد، و أراك لم تخيبي ظني و الحمد لله حمدا كثيرا على ذلك و جعله في ميزان حسناتك. ما أوردته هو نقلا عن مقال سيد أحمد خليفة المشهور في صحيفة الوطن أيام الديمقراطية الثالثة و أصبح على لسان كل الشعب السوداني، و لم يتكرم الشخ/الداعية/المفكر/الدكتور الترابي بنفيه، مثل ما فعل هنا نقد و الشيخ العارف بالله أزرق طيبة، و لو فعل الترابي بكرة سأقوم بسحب تعليقي هذا على الرغم من قدحي مصداقيةالشخ/الداعية/المفكر/الدكتور الترابي و هذا ما استطيع إثباته.

شرفتي كتير

مرتضى جعفر

اففففففففففففففف

كتبت القلب النابض

Quote: فيما يطالب مرتضى جعفر بطرد العضوين لا أطالب بطرده وإنما أطالبه أن يثبت ما تحته خط .أو يعتذر صراحة. وبقية الكذب السياسي

دي ممكن ألحقك بيها الجماعة ديل، فخليك في حدودك.

مرتضى جعفر

Quote: ما أوردته هو نقلا عن مقال سيد أحمد خليفة المشهور في صحيفة الوطن أيام الديمقراطية الثالثة و أصبح على لسان كل الشعب السوداني،

الاخ مرتضى
اين رابط مقال سيد احمد خليفة ..
للفائدة .. وشكرا

Quote: الاخ مرتضى اين رابط مقال سيد احمد خليفة .. للفائدة .. وشكرا

غير موجود بالمناسبة. لمن إتكتب إنترنت مافي.. لكن سؤالي ليك ما سمعتا بيو؟

شكرا

Quote: الاخ مرتضى اين رابط مقال سيد احمد خليفة ..

...كدليل اثبات وارشيف يعضد اتهام سيئ....
انه الخناق يارفيق ....... واقعه ليك .... كنتاعايز تشوت تلاتة بمادة واحدة....... طب بالطريقة دى حايصيرو ..... ورابعهم رفيق

يا ود عكر

لو التلاتة إتشاتو يكون لي شرف إنو شتا تلاتة معاي، و هي كدي نسبة 1:3 فما عندي مانع

مرتضى جعفر

Quote: غير موجود بالمناسبة. لمن إتكتب إنترنت مافي.. لكن سؤالي ليك ما سمعتا بيو؟

لا والله

فوق ...
علشان ما يقع البوست دهـ

Quote: لا والله

جزاك الله خير و جعله الله في ميزان حسناتك و شكر الله سعيك، و برضو علشان البوست ده ما يقع على قول الأخ تمبس.


مرتضى جعفر

Quote: دي ممكن ألحقك بيها الجماعة ديل، فخليك في حدودك. مرتضى جعفر

يا راجل !!!!!

Quote: لو التلاتة إتشاتو يكون لي شرف إنو شتا تلاتة معاي، و هي كدي نسبة 1:3 فما عندي مانع

عمليه انتحارية!!!!

الاخ مرتضى جعفر ..

مما قرأت أعلاه من مداخلات ...

أرجو ألا تنسى ما كتبته لك في اول مداخلة لي في هذا البوست ...

صنفرة :

وأنا حقيقة لا أحب أن أرى من أحترمه يصاب بالندم !!!!

Quote: وأنا حقيقة لا أحب أن أرى من أحترمه يصاب بالندم !!!!

حكمة اليوم...
او سمها حكمة العدد

مرتضي جعفر
أزيك..
أوع تكون أصبت بحالة إحباط...
زي بتاعت عمر علي.. حين عودنا والعود أحمد..
من شكواهو الكيدية...
والتي أثبتناها بالدلائل والأحراز...
دون أي مخارج لإيراد دليل برائتهم..
والذي هو كما أسلفناهو تحديداً في ذكر اسم المنظمة..
والتي ورد على لسان ندي علي بأنها..
منظمة أطباء بلا حدود...
والباقي..
هو رقم الحساب..
وصورة ماسح ضوئي (إسكنر).. لنموذج الإيداع الذي تم بموجبه إيداع المبلغ في حساب المنظمة..
ويا المناضل..
سيشهد الجمع من ضم منبرنا.. وزواره الكرام..
بأن فاقد الشيء أحياناً يعطيه..
كعشم إبليس في الجنة..
تعرف أن ما أقعدتم به هذا الوطن القارة طوال النصف قرن من عمركم..
من اللحاق برصفائه من دول العالم..
ما هو إلا مهد هراء فارغ.. أنتن من مخلفات اليونان..
وأرجيف وأكاذيب.. أوهن من بيت العنكبوت...
لا تمت إلى الحقيقة بصلة....
ومنسوجة من وهم خيال مريض..
متقيح.. بوهن الإدعاء الكاذب..
عاملة زي الصبي البيبني ليهو بيت تراب...
وفي أول مطرة شكشاكة.. تلاقيهو بينهار...

زي إنهيارات إدعاءات نضالات خالد كودي تحت ظلال المندكورو...

مرتضي جعفر...
الرجوع للحق فضيلة..
كده أعتذر للناس الشغلت وكتهم بالفارغة ديل...
وبعدين تعال أعتذر لي أنا...
الذي أخلجت تواضعي..
وألحقتني بالكيزان الذين لا أدعي شرف الإنتماء إليهم..
وبالنيابة عن الناس الباقيين..
وناس محمد حامد جمعة.. والسيد محمد عثمان الميرغني.. وناس نقد..
ديل خلاص دربهم مرق وبقو..
حكومة وحقهم بياخدوهو ضراع.. وإقناع..
حققو غايتهم...

أما وبالنسبة لعدم تحقيق أمنيتك...
من قبل سيد الحوش..
اللامي فينا الصالح والطالح..
بنقول ليهو مرة تانية..
نيابة عن جمعنا هذا شوكرن.. علهالطالة..
وتحياتي لروائع هذا البورد..
وخليها درس في علوم الرأي والرأي الآخر.. وإمتحان لقيم الديمقراطية..
ووسع صدرك.. دي هينة..
والجاتك في أزرق طيبة.. ونقد.. ودحض فرية الدين أفيون الشعوب..

بيتأكد إنكم لا تعبدون إلا البشر..
ولينين قال.. وفرتكاني مال..
وعشرة أيام هزت العالم..
قال كرامة الشيخ قال...
كلم ربعك..
حدثو قول ليهم..
الرهيفة التنقد..
والكل أصحاب حق..

وما نسمعك تاني تقول بغم...

و تاني فوق من الصباح

نشوف اخرتها شنو !!!

Quote: لو التلاتة إتشاتو يكون لي شرف إنو شتا تلاتة معاي، و هي كدي نسبة 1:3 فما عندي مانع

دينياً وإسلامياً..
قال صاحب الرسالة...
لــــــــــــو بتفتح عمل الشيطان..
وهذه فرضية مردود عليها..
بس كده أنعل إبليسك..
أما وتجليك..
في معاني حنقك وبغضك للآخر..
أين أنت من الآخر..
وبعدين تعال لحكاية إتشاتو..
كان بالباطل ولا بالحق..
يا قائد الإسطول الديمقراطي..
وبعد داآآآك...
أعمل فيها دباب إنتحاري..
عشان تدخل عالم الشهرة..
وتاخذ ليك اسم مناضل..
ملعلع..
وتطلع زي بتاعت.. شعاع الشارع قال..
وهتاف الشاعر مال..
وكان في الخطوة بنلقي شهيد..
وكان مرتضي جعفر بطلنا الأول...

بعدين مالك رخيص كده..
تلاته : لواحد..
يعني يا مرتضي جعفر..

هسعي..
رأس مالك كلو فوق تلاته كلاب..


أربأ بنفسك من هذه الحفرة..
وأرفع سقف ذكائك الوطني..
مدماك مدماكين..
و..
.

أرمي بصرك قدام...

فووق ..



للايدلوجية .. وموسم فك التسجيلات..

تامبا

قال شنو اطبق اللائحة وعشان شنو قال الترويج للاخبار الكاذبة

اول شى بالله دا مش طلب مخجل من الزول دا .. الناس جابت صور من العراق ورواندا ونيجيريا وقالو من دارفور ... وما اعتذروا وما طبقوا فيهم للائحة .. شتمونا ونبذونا وطلعونا شنو شنو

Quote: الناس جابت صور من العراق ورواندا ونيجيريا وقالو من دارفور

قدامك عدالة البورد ممكن لو متضرر تاخد ليك حقك.

فقط بإنتظار عدالة البورد حتى تاخذ مجراها عوضا أن يصبح هذا المكان مرتعا لوثائق جهاز الأمن المدسوسة حسب وصف الشيخ العارف بالله أزرق طيبة لها. و بدلا من أن يصبح هذا المكان مسرحا لتلفيقات جهاز الأمن فالأفضل أن يلجم كل من يسوق لهذه البضاعة التي تم كشف عدم صلاحيتها و غباء حبكتها. قال smc قال

ناذر شرفتا شديد بالطلة التالتة دي، و جهز صوتك للحفلة يعني ما تربط مع اي جهة قبل الخميس عشان المزوراتية خلاص في حق الله و الإنتخابات بتاعت المحامين الله أعلم يا مان بس عداد ما معانا لإنو القروش البدفعها صلاح غوش دي ما عندنا.

أؤكد لا رغبة لي للأخذ و الرد مع أي مزور فقط ننتظر عدالة بكري، و إلى أن يقول بكري كلمته في آمان الله و لا إله إلا الله على قول بت الأحفاد

مرتضى جعفر

أؤكد لا رغبة لي للأخذ و الرد مع أي مزور

اضبط !

شفت يا حبة عاوزك تثبت لى المزور منو ... ياخى خلى عندكم دم لانو لو الوثيقة صحى مفبركة - واى شيوعى جد جد عارف انو الفيها صاح - كان الحزب طلع بيان وبرضو الطريقة واخونا العارف بالله ... والله جزى الله خير ازرق طيبة الخلاكم تسموه العارف بالله ديل مش فى ادب اليسار ...قوى رجعية ...

Quote: اضبط !

يا أخوي الضبط كتير على كتف من يشيل..

بس ناس مرتضي ديل الدرب دخل ليهم الموية..


قال أدب اليسار قال..
هو بعد الإنهيارات المتتالية دي..
تاني فضل ليهم جنبة ينومو عليها..
وشهادة الوفاة مروسة على شاهد القبر..

تعرف يا مان..
العارف بالله ده..

قالوا ببركاتو ممكن يسخت ويقلب قرد..
قلنا ليهم إتفننو في الضنب....
آهه شوفتة قالو طلع بيان.. سختتو ..
قامت هنادي يوسف أدتني كم دبورة..
وشيتاً لا في الخيال لا في الأحلام..
هسعي الكم دبورة دي..
ومعاها مقص وصقر جديان واحد..
دي.. راتبها كم..
عشان أخلى الإغتراب وسنين الإغتراب..
ودفع الضرائب الما عندها حد دي..

كده مسعول من الحــق..
هم ناس الحياة مادة ديل...

أي زول قال ليهم في رأسكم ريشة..
بيخنقوها بجنس الكلام ده..
وبيلبسوهو العراقي القصير حق وليد أختنا تراجي بتاع الصورة..
بتاعت تراجي ديكا..
ولا موش كده..


كده يا الجاي ورا..
وحاجز الضرا..

مُر بهناك..

بتلقى الكلام ده... Re: لماذا طرد أبناء القبائل العربية من أجتماع أبناء دار...الكبرى؟ نريدوا أستيض

Amal Allagabo, who is from Darfur, speaks about the impact of the violence on her family and community on Thursday, June 24, when the Holocaust Museum took the highly unusual step of temporarily halting activities in its Hall of Witness to bring attention to the danger of genocide in the Darfur region of Sudan. — USHMM

شوف الله فضحهم فضيحة الكدايس..

موش برضو بيقولو لينين.. كان يهودي..
وكارل ماركس برضو كان يهودي..
وهم أبهات النظرية ...

والدين الجابو ربك عشان ينقذ بيهو البشرية دي..
موش قالوا ده شيتاً إسمو أفيون للشعوب..

عيىىىىىىىىك..
من أدبيات الوصف اليساري..





يعني العجب جاي وين..!!

Quote: أؤكد لا رغبة لي للأخذ و الرد مع أي مزور فقط ننتظر عدالة بكري، و إلى أن يقول بكري كلمته في آمان الله و لا إله إلا الله على قول بت الأحفاد

مرتضى جعفر

مرتضى جعفر..
ورحلة الهروب للأمام...
هسعي قولك..
بت الأحفاد لو إتبركت في رجلينها بتمرقك..
من حفرتك دي..
صحى قول..

Quote: في آمان الله و لا إله إلا الله

بينطبق على قول..
إلا بذكر الله تطمئن القلوب...


لكن إنتو..
ما قلتو شيوعيون..
ومرجعيتكم..
مركزية أدبيات اليسار ..
وقاشرين بيها هنا..
وهناآآآآك..
وعاملين فيها منقطنها ومستنيرين وأهل حداثة..
وغير ذلك يقع برمتو كلو في البحر..
مرة واحدة وضُلمة..

موش دي برضو بيسموها..


حاجة غريبة...

فوق
..
علشان ما أجي بكره الصباح القاهو ودوهو الصفحة التانية ..

Quote: -يجب عدم نشر أخبار كاذبة أو خاطئة أو اتهامات لا أساس لها بحق أي عضو(ة)، أو بحق أي إنسان آخر.كما يجب على الشخص المعني تصحيح الأخبار بسرعة بمجرد العلم بعدم صحتها والاعتذار العلني للأشخاص الذين مسَّـهم نشرها، مع جواز توقيع أي جزاء آخر من طرف الإدارة

نؤيد ما جاء به الاخ مرتضى جعفر

الواثق..
ما تبقي زول إمعة ساكت ..
إذا أحسنو الناس أحسنت..
وإذا أساؤوا أسأت..


خليك زول واقف لك على رأي...




قال..
نؤيد ما جاء به الاخ مرتضى جعفر..


هو مرتضي الشيء الجا بيهو ده..


بيشتو برة الحوش والحسرة بتخنقو...




أحسن ليك أنصحو ...

Quote: Quote: -يجب عدم نشر أخبار كاذبة أو خاطئة أو اتهامات لا أساس لها بحق أي عضو(ة)، أو بحق أي إنسان آخر.كما يجب على الشخص المعني تصحيح الأخبار بسرعة بمجرد العلم بعدم صحتها والاعتذار العلني للأشخاص الذين مسَّـهم نشرها، مع جواز توقيع أي جزاء آخر من طرف الإدارة نؤيد ما جاء به الاخ مرتضى جعفر

الأخ تمبس
تحياتي
بعيدا شأن اللائحة والأيقاف...
أعتقد أن المطلوب هو أدانة أسلوب التزييف والفبركة(والنشر والترويج لها) والبهتان
الذي طال وبلا توثق ولا تحقق الشيخ الشيخ العركي....
أن القلم مسؤلية لأصحاب الضمائر ...المطلوب لأي كاتب يحترم نفسه
وقرأئه أن يتحقق ويتثبت ويتوثق بدلا من نشر أخبار فجة ترمي الناس
بالباطل....
من هنا تبقي مثل أدانة هذا الأبتزاز والأسفاف والأنحدا ر ضرورة واجب
علينا جميعا فهل ركزنا للتصدي لهذه الظاهرة الخطيرة!!!!!
كمال

الأخ كمال عباس
تحياتي ..
أنا لم ادخل هنا متهكماً .. أو شامتاً ، إنما مستنكر بطريقة تخصني نفس الاسلوب المتبع هنا والذي تكرر .. بشكل ملفت للنظر ،
لم ادخل مع السيد مرتضى في حيثياته التي هي لم تدخل راسي وغير مقنعه ..
ولا مدافعا.. عن عبد الرازق ولا محمد حامد .. ولا الشيخ عبد الله ( لانه خير من يدافع عن نفسه ) ..
ولذلك مسالة التزييف والفبركة لم اتطرق لها وليس هناك ما يلزمني بادانتها أو عدم إدانتها .. حيث أن هناك الكثير من الامور اصبحت فقط تمارس من أجل الايدلوجيه .. أنا قادر على الاتصال بطرف من الأطراف موضوع النقاش ..
حال ما توفرت لي معرفة الحقيقة .. بطريقتي الخاصة عندهــا ساتعامل مع الأمر بالطريقة التي اراها مناسبة .. وغير ملزم كما وضحت بإدانة أو تبرئية افعال الغير ..
في وقت سابق تعرضت الصوفية هنــا للعديد من الهجمات .. تصديت لهــا بقدر ما استطعت من موقفي كمتصوف وعلى قدر علمي ..
أين كان موقفك .. وموقف غيرك ؟؟
هل مجرد دخولي إلى هذا البوست .. يلزمني بإدانة هذا والوقوف بجانب هذا ؟؟
لا اعتقد أن هناك ما يلزمني .. ويحكم توجهي في هذا البورد.. ولا اعتقد أن موضوع البوست هو إدانة أسلوب التزييف ..
لك تحياتي ..

كتب الأخ تمبس

Quote: في وقت سابق تعرضت الصوفية هنــا للعديد من الهجمات .. تصديت لهــا بقدر ما استطعت من موقفي كمتصوف وعلى قدر علميأين كان موقفك .. وموقف غيرك ؟؟

..

يا عزيزي تمبس لك أن ترجع لبوستات الأخ هاشم نوريت بداية دخوله
المنبر لتعلم كيف دافعنا عن التصوف راهننا علي التصوف وتسامح وتعائش
المتصوفة وتسامحهم رهان رابح ظللنا نؤكد عليه ...
000 لا نريد أن نبتزك وغيرك ونصدر من خلالك صك أدانة للتزييف ونشر
الأفك لعلمنا بحقك في تبني ماتشاء من خيارات وقناعات
عموما لازالت علي رأئ في ضرورةالتصدي للأفك والتزييف ونشر
البهتان لأني علي قناعة بأن هذه القضايا مبدئية ....
وكانت أعتقد وبذات القدر الذي أنحزت فيه لقضية حرية التعبير
ورفض الأقصاء ستقف ضد ما أثير من تزييف نفاه الشيخ العركي من خلال
صفحات الصحف وذلك لقناعتي أن المبادئي لاتتجذاءولاتقبل التعامل الأنتقائي
عموما أتفهم حقك في أختيار التوقيت والطريقة التي تعالج بهاالقضايا
وأحتفظ بحقي في المطالبة بأدانةتلك القضية بلا وصاية ولا أملاء
كمال

Quote: عموما أتفهم حقك في أختيار التوقيت والطريقة التي تعالج بهاالقضايا وأحتفظ بحقي في المطالبة بأدانةتلك القضية بلا وصاية ولا أملاء

الأخ كمال
أشكر تفهمك لحقي .. ولك ايضاً حقك الكامل فيما تعتقد
وهذا ما قصدت أن اوصله لك من مداخلتي اعلاهـ..


علاء

كتب العضو مرتضى جعفر:

Quote: فقط بإنتظار عدالة البورد حتى تاخذ مجراها عوضا أن يصبح هذا المكان مرتعا لوثائق جهاز الأمن المدسوسة حسب وصف الشيخ العارف بالله أزرق طيبة لها. و بدلا من أن يصبح هذا المكان مسرحا لتلفيقات جهاز الأمن فالأفضل أن يلجم كل من يسوق لهذه البضاعة التي تم كشف عدم صلاحيتها و غباء حبكتها. قال smc قال

في رأي:

ستظل هذه الوثيقة موضع بحث وتحري عن مدى صحتها من عدمه ..

وستظل مطالبة العضو/ مرتضي جعفر بتطبيق اللائحة على العضوين جمعة والطالب واهنة ولا تستند إلى دليل يعتد به ..

ويظل مرتضى جعفر في موضع مساءلة لائحية في رميه للعضوية جمعة والطالب بالكذب .. وهو مخالفة صريحة للائحة ولا تحتمل التأويل ..

فمطلوب من الإدارة محاسبة جفعر بموجب اللائحة.

أما ما كتبه الحاج الوراق (أدناه) .. والذي استند عليه جعفر .. فهو لا يعدو كونه مقال صحفي وكلام سياسي يخدم مصحلته الحزبية ولا يرقى للبرهان بعدم صحة الوثيقة.

ومن شاء فليقرأ ما كتبه وراق:

Quote: والدليل الدامغ على فبركة «الرسالة ـ الافك» انها تفصح عن كل اهداف الانقاذ دفعة واحدة ـ الفتنة بين شيخ عبد الله والسيد/ محمد عثمان الميرغني، والفتنة بين الاتحاديين وبين الحركة الشعبية!! ثم الزعم بأن انتخابات المزارعين مضمونة للمؤتمر الوطني «هكذا!» لتبرير الفوز المعد سلفا بالممارسات المعهودة للانقاذ في انتخابات الهيئات والاتحادات!! فأية رسالة من شخص غير انقاذي تخدم الانقاذ الى هذا الحد، سوى أن كاتبها اصلا انقاذي؟!ان ازمة الانقاذ، ان قدرتها على الفبركة والتضليل قد تضاءلت بذات تضاؤل قدرتها على القمع.!!

.



ولكم تحياتي،،،

جاد

,wooooooooow
والله دا مولد فاتنا عديل كدا

لكن الشباب ما قصروا معاك ..

لكن والله يا مرتضي موقفك لا تحسد عليه .. ان شاء الله زقة الرفاق لي حدهم ..

يا شباب بصراحة انا داخل واسطة لي مرتضي دا من باب (ارحموا عزيز قوم ذل )

مرتضي دا من الرفاق العزيزين فبالله لطفا باخوكم المسكين ..

لكن يا مرتضي كمان بوصيك بالمثل الشائع ( الصقر كان وقع كترة البتابت عيب )

فبالله ما تعمل العيب .. لانه ما بشبهك .. واحسن حاجة تعملها لانه صعب علي كبريائك الاعتذار انك تعمل نايم من الموضوع

دا كله وتعمل فيها ما شايف ولا عارف ولا كانه حصل حاجة ..وتجي ماشي في البوست دا وتفطوا ما تفتحوا زاتو

غير كدا بتخلي واسطتنا في محك ضيق .. ونفسك في موقف بايـــــــــــــــــــــــــــــــــــخ

اها يا مرتضي
اشرب كان تروى

Quote: أن القلم مسؤلية لأصحاب الضمائر ...المطلوب لأي كاتب يحترم نفسه وقرأئه أن يتحقق ويتثبت ويتوثق بدلا من نشر أخبار فجة ترمي الناس بالباطل....

هل التزم كل من روج لوثيقة خطاب الشيخ ازرق طيبة للاستاذ محمد ابراهيم نقد بهذه المسئولية ؟

Quote: -يجب عدم نشر أخبار كاذبة أو خاطئة أو اتهامات لا أساس لها بحق أي عضو(ة)، أو بحق أي إنسان آخر.كما يجب على الشخص المعني تصحيح الأخبار بسرعة بمجرد العلم بعدم صحتها والاعتذار العلني للأشخاص الذين مسَّـهم نشرها، مع جواز توقيع أي جزاء آخر من طرف الإدارة

هل تمت مخالفه صريحة للماده 24 من اللائحة المنظمة للمنبر ام لا ؟

هل تم اعتذار ممن روجوا لهذه الاكاذيب بعد ان تم نفى صحة هذه الوثيقة من الاستاذ نقد والشيخ ازرق طيبة ؟؟؟؟؟؟؟؟؟؟؟؟؟؟؟؟؟

مساعد الياي عمره ما يبقي ياي

لا يصح فى الافهام شى ............... اذا احتاج النهار الى دليل

الاخ اساسي

Quote: فبالله ما تعمل العيب .. لانه ما بشبهك .. واحسن حاجة تعملها لانه صعب علي كبريائك الاعتذار انك تعمل نايم من الموضوع دا كله وتعمل فيها ما شايف ولا عارف ولا كانه حصل حاجة ..وتجي ماشي في البوست دا وتفطوا ما تفتحوا زاتو غير كدا بتخلي واسطتنا في محك ضيق .. ونفسك في موقف بايـــــــــــــــــــــــــــــــــــخ

والله كلامك سمح بالحيل...
وكمان ناذر من بدري قدم نفس النصيحة
ولكن يبدو ان الاخ مرتضى لا يستبين النصح
الا ضحى الغد ...

العزيز الواثق تاج السر تشكر يا سيدي و إن كان المقام ليس مقامه ولا أنت من يشكر على مواقف صريحة و ناصعة، مزيدا من الضغط و التعرية لقوى التخلف الرجعية هنا في البورد من أجل بناء دولتنا المدنية الحديثة على أسس العلمانية الراسخة و حتى هزيمة الدولة الدينية الثيوقراطية يجب أن تتضافر الجهود....هكذا

الأخ كمال عباس حقيقي خلاف الآراء لا يفسد للود اي قضية و مرحب بيك هنا

الأخ تمبس ياخ بالمناسبة المسألة ليست فيها أي نوايا إقصاء أو ضيق بآخر أو رأيه، لكن فقط أمعن النظر في أسئلة الأخ الواثق تاج السر و أجب عليها بنفسك بصدق المتصوف المعروف، أنا لم أطالب بحكم منطوق المادة بفصل المذكورين ولا أعتقد أنها تنص على ذلك لكن فقط التدقيق في نقل المواد مهم سيما هذه الألاعيب مشهورة عن صلاح غوش و مأجوريه و أهلنا السودانيين قالوا البلقى الهبوب بيضري عيشو.

الســـــــــــــماني و آحريـــــــــــــن أهلا جزيلا ياخ و على قولك wooooooooooow إنت معانا بي هنا ياخ أتمنى ليك طيب الإقامة بس أذكرك

Quote: أؤكد لا رغبة لي للأخذ و الرد مع أي مزور فقط ننتظر عدالة بكري، و إلى أن يقول بكري كلمته في آمان الله و لا إله إلا الله على قول بت الأحفاد

و أضيف ليها و ليك عدم رغبتي في الأخد و الرد مع من يشايع أو يناصر مزور أو قل مزورين خاصة من موديلك ده، و في آمان الله و لا إله إلا الله.......... ده الفضل كمان عجاييييييييييييييييب

مرتضى جعفر

يا مرتضي ياخي ركز
مافي زول داير ياخد ويدي معاك , الموضوع ولانك ( زول مكابر) انك واقع في حتة ضيقة وبايخة وانحنا من باب ( اخو اخوان ) ادخلنا لانه بصراحة ما عجبنا ليك المنظر البايخ الدخلت فيهو ولا الورطة الوقعت فيها وزي ما قلت فوق ارحموا عزيز قوم ذل انحنا ادخلنا وحاورنا الشباب ( لاحظ حوارنا للشباب) لانه انت بالجد مافي موقف حوار او محل نقاش انت الان في موقف عطف ومواساة
عشان كدا انحنا باخلاق سودانين بنحاول نوقف المهزلة الوقت فيها دي برضو ما حابين نشوفك في الموقف دا وكدا
اتصلت علي عبد الرازق املا في انه (اشفع )ليك عشان منظرك وكدا .. لقيت الراجل في حالة روحانية مع ربه في الحرم المكي ..
بصراحة استحيت اذكرك في الزمان والمكان ... خصوصا لما لمعت لي خاطرة ( افيون الشعوب) والحنك حقكم داك .
فيا شاب قدر موقفك جيدا في انك ما في مقام حوار الان او اخذ وعطاء ... مقامك مقام رثاء يا رفيق

لامني صديقي مرتضي

علي عدم توقيعي هنا

لفصل الأمنجيين

أنا مع فصل بكري لهم

لكن فصلي لهم مختلف

مماثل لفصلهم علي فضل

لك العتبي

وللمتداخلين سلام

أبوعبيدة

انت عامل جوطه مالك

طبقها علي نفسك اول

عامل لي فيها اسلامي كمان !!!

عجايب !!!

up

فوق من أجل تطبيق اللائحة .

Quote: فوق من أجل تطبيق اللائحة .

فوق دي عرفناها
لكن لائحة شنو يا اسطي البطبقوهــا دي ؟؟
أنت ما قاعد تقرا الكلام بتجي داخل ساكت ؟؟

Quote:

Quote: هذه الوثيقة محل الحوار هنا يمكن أن تؤسس قضية جنائية ضد المذكورين و الجهات التي تحصلا منها على الوثيقة حالة ثبوت تزويرها. و دمتم

أين انت من هذا الحوار !!!

( ما رديت مالك )

-يجب عدم نشر أخبار كاذبة أو خاطئة أو اتهامات لا أساس لها بحق أي عضو(ة)، أو بحق أي إنسان آخر.كما يجب على الشخص المعني تصحيح الأخبار بسرعة بمجرد العلم بعدم صحتها والاعتذار العلني للأشخاص الذين مسَّـهم نشرها، مع جواز توقيع أي جزاء آخر من طرف الإدارة
هذه هى قضيتنا الاساسية ويجب الكف الالتواء عن جوهر الموضوع المصداقية فى نقل المعلومة مهمة واساسية, رغم ان المصدر الذى نقلت منه هذه الوثيقة هذه وظيفته وهو ارتضى لنفسه ان يكون كذلك لكن لمصلحة المنبر وللموقع الذى نتحاور فيه نطلب من الاخ بكرى ان يضع حدا للكاذبين ولذلك دعمنا وارتضينا ببعض مم مما جاء باللائحة اما موقعهم فلاشأن لنا به لكن منذ امد بعيد علمنا انهم لايخجلون لكنهم يخافون مرة اخرى قضيتنا واضحة ومحددة لذا نعضض من جهود الاخ مرتضى من اجل فضحهم .

وانا لا زلت انتظر رقم وتاريخ الصحيفة. وعنوان المقال بالصحيفة المعنية.