Post: #1
Title: أزرق طيبة يرد على الوثيقة
Author: بلدى يا حبوب
Date: 12-11-2005, 06:12 AM
| Quote: وقالت (الوطن) أن أزرق طيبة إتصل بالصحيفة وقال أن الوثيقة التي قيل أنها أرسلت منه إلي الحزب الشيوعي السوداني وثيقة مزورة |
المصدر:جريدة الوطن الصادرة 11/12/2005
تحياتى
|
Post: #2
Title: Re: أزرق طيبة يرد على الوثيقة
Author: A.Razek Althalib
Date: 12-11-2005, 06:21 AM
Parent: #1
بلدى يا حبوب
تحياتي..
| Quote: أزرق طيبة إتصل بالصحيفة وقال أن الوثيقة التي قيل أنها أرسلت منه إلي الحزب الشيوعي السوداني وثيقة مزورة |
شيء طبيعي مسألة النفي دي..
ولكن..
الختم الراقد ده...
فوق ورق أزرق طيبة..
المروس ده..
خليهو ببركاتو...
يقلبو قرد ويتفنن في ضنبو...
|
Post: #3
Title: Re: أزرق طيبة يرد على الوثيقة
Author: Murtada Gafar
Date: 12-11-2005, 06:29 AM
Parent: #2
شكرا لك أخ بلدي يا حبوب
شكر للشيخ العارف بالله أزرق طيبة على التوضيح.
للسؤال التالي
Quote: ولكن..
الختم الراقد ده...
فوق ورق أزرق طيبة..
المروس ده.. |
هل يعجز من زور الوثيقة ذاتها عن أن يزور الختم أو الورق المروس خصوصا إنو في حجم حهاز أمن صلاح غوش/قوش الجايب الديب من ديلو ده
هل من زور و إحترف تزوير إنتخابات إتحاد طلاب جامعة الخرطوم و الجامعات الأخرى و الشهادة من عمار محمد آدم في شجرة جغرافيا (10 نوفمبر 1993)، يعجز عن تزوير هذه الوثيقة أو الختم أو ................
هل من زور الإنتخابات بتاعت المحامين و جاب فتحي خليل بالتزوير يعجز عن تزوير هذه الوثيقة، ياخ ده تأريخ كلو تزوير X تزوير و هي لله هي لله برضو
شكرا بلدي يا حبوب
مرتضى جعفر
|
Post: #4
Title: Re: أزرق طيبة يرد على الوثيقة
Author: shammashi
Date: 12-11-2005, 06:49 AM
Parent: #3
أمممك
واحد أمنجي جديد ظهر لينا.
|
Post: #5
Title: Re: أزرق طيبة يرد على الوثيقة
Author: hanadi yousif
Date: 12-11-2005, 07:01 AM
Parent: #4
اضضضضضضضضضضضضضضضضضضضضضضضضبط
محصل وامنجي
|
Post: #6
Title: Re: أزرق طيبة يرد على الوثيقة
Author: abuarafa
Date: 12-11-2005, 07:32 AM
Parent: #1
Quote: ولكن..
الختم الراقد ده...
فوق ورق أزرق طيبة..
المروس ده.. |
من استطاع ان يزور وطن هل يعجز من تزوير ختم
|
Post: #7
Title: Re: أزرق طيبة يرد على الوثيقة
Author: بلدى يا حبوب
Date: 12-11-2005, 07:37 AM
Parent: #1
الاخ عبدالرزاق الطيب
Quote: خليهو ببركاتو...
يقلبو قرد ويتفنن في ضنبو |
اللهم امين يا رب العالمين
تحياتى
|
Post: #8
Title: Re: أزرق طيبة يرد على الوثيقة
Author: بلدى يا حبوب
Date: 12-11-2005, 07:42 AM
Parent: #1
الاخ مرتضى جعفر
| Quote: هل من زور الإنتخابات بتاعت المحامين و جاب فتحي خليل بالتزوير يعجز عن تزوير هذه الوثيقة، ياخ ده تأريخ كلو تزوير X تزوير و هي لله هي لله برضو |
نعم هؤلاء القوم طيلة هذه السنوات العجاف تفننوا فى التزوير لدرجة ان جرائم تزوير العملة والشهادات اصبحت من الاخبار التى تمتلا بها الصحف اليومية
تحياتى
|
Post: #9
Title: Re: أزرق طيبة يرد على الوثيقة
Author: بلدى يا حبوب
Date: 12-11-2005, 08:04 AM
Parent: #1
shammashi
.
تاريخ التسجيل: 10-03-2002
مجموع المشاركات: 888
Quote: أمممك
واحد أمنجي جديد ظهر لينا. |
فأذا كان انزال المعلومة والذى انزلته من صحيفة الوطن عن الشيخ أزرق طيبه تضعنى فى قفص الاتهام فاقدر اقول ليك ايها الزميل القديم والمتمرس فمرحبا بكل اتهام طالما انه يصب فى اثراء البورد لزوم الفائدة وما يحزننى حقا ان اقرا مداخلة من احد شيوخ المنبر بالاقدمية 10-03-2003 بهذه السطحية .
عمومااحتراما لادبيات المنبر العام والذى عودنا منذ الانضمام اليه ان نحترم الراى الاخر فشكرا على مداخلتك ويكفينى ما انزلته من بوستات لتكون الرد الكافى لاتهامك
تحياتى
|
Post: #10
Title: Re: أزرق طيبة يرد على الوثيقة
Author: بلدى يا حبوب
Date: 12-11-2005, 08:10 AM
Parent: #1
hanadi yousif
.
تاريخ التسجيل: 03-06-2005
مجموع المشاركات: 380
Quote: اضضضضضضضضضضضضضضضضضضضضضضضضبط
محصل وامنجي |
بتاريخ التسجيل الذى امامى لك العذر فما زال الطريق طويل ويمكن الاستفادة من ديمقراطية المنبر العام التى تتيح دروس فى التمارين الديمقراطية .
واتمنى ان لا تتسرعى فى الردود بالانقياد
تحياتى
|
Post: #11
Title: Re: أزرق طيبة يرد على الوثيقة
Author: بلدى يا حبوب
Date: 12-11-2005, 08:12 AM
Parent: #1
الاخ ابو عرفة
| Quote: من استطاع ان يزور وطن هل يعجز من تزوير ختم |
حقيقة كلمات تجاوب على افتراءات جهاز الامن واعلامه
تحياتى
|
Post: #12
Title: Re: أزرق طيبة يرد على الوثيقة
Author: kamalabas
Date: 12-11-2005, 08:14 AM
Parent: #1
لايابلدي يا حبوب ...حشاك وحماك الله من تهمة ودنس الأمنجية وأذيالهم
ولاأعتقد أن شماسي يقصدك ...فخطك السياسي العام واضح ومساهماتك
واضحة ولم نعهدك مروجا لأراجيف الأمن بل وجدناك مفندا ومتصديا للأفك
والقبح والبطش والظلم
كمال
|
Post: #13
Title: Re: أزرق طيبة يرد على الوثيقة
Author: shammashi
Date: 12-11-2005, 11:05 AM
Parent: #12
الأخ بلدي يا حبوب
تحياتي
باخي أمن شنو الأنا باتهمك ييهو
ناس الأمن ما ظاهرين. ناس الأمن والمطبلاتية والأرزقية الذبن يدعمون خط الإنقاذ زورا وبهتاناً حتى يضمنوا الفتات الذي تجود به الإنقاذ وزبانيتها عليهم.
حاشا أن اتهمك بالعمالة والارتزاق يا رجل
وامسحا لي في وجه بتاع الأمن الجديد الظهر دا وأسي شايفو زايغ من البوست.
تحياتي
|
Post: #14
Title: Re: أزرق طيبة يرد على الوثيقة
Author: mohamed osman bakry
Date: 12-11-2005, 11:27 AM
Parent: #13
| Quote: وامسحا لي في وجه بتاع الأمن الجديد الظهر دا وأسي شايفو زايغ من البوست. |
أوعا يكون ده رزقة !
نهى نهى
بلكل نهى
|
Post: #15
Title: Re: أزرق طيبة يرد على الوثيقة
Author: خضر حسين خليل
Date: 12-11-2005, 11:31 AM
Parent: #1
مواصلة في أسئلة أخينا في الهم مرتضي جعفر في محاولاته لاذالة الإستفهام
الغير ( بريئ) الذي تركه أبو رزقة . بسؤاله عن الأوراق التي تخص العارف
بالله أزرق طيبة. لدي تجربة عشتها مع طلاب وطالابات الاهلية في دورة الاتحاد
95/96 وبعد فوز التجمع الطلابي وأعلان الفوز من قبل عمادة الطلاب . في
صباح اليوم التالي فوجئنا جميعاً بوجود بيان ( مختوم وورق مروس يخص اتحاد
طلاب الجامعة الاهلية) وبيان هام من الحركة الاسلامية معلنين بذلك بأنهم أنتخبوا
أتحادهم المكون من ( نزار ابوكشوة وهشام عبداللة الخ) .
الحصل ببساطة تزوير في ليلة الانتخابات زورو الختم وزورو الورق المروس وزوروا
ارادة الطلاب وزور أي حاجة . عشان ماتجي ياعبد الرازق تقولينا الورق المروس
والختم .
خضر
|
Post: #17
Title: Re: أزرق طيبة يرد على الوثيقة
Author: shammashi
Date: 12-11-2005, 02:48 PM
Parent: #16
Quote: لايابلدي يا حبوب ...حشاك وحماك الله من تهمة ودنس الأمنجية وأذيالهم
ولاأعتقد أن شماسي يقصدك ...فخطك السياسي العام واضح ومساهماتك
واضحة ولم نعهدك مروجا لأراجيف الأمن بل وجدناك مفندا ومتصديا للأفك
والقبح والبطش والظلم
كمال |
|
Post: #18
Title: Re: أزرق طيبة يرد على الوثيقة
Author: بلدى يا حبوب
Date: 12-12-2005, 07:08 AM
Parent: #1
الاخ/ كمال عباس
شكرا على حروفك التى كانت بمثابة البلسم باستمرارية عضويتى فى المنبر
وهكذا انتم يا كوكبة المنبر اخوة وزمالة .
--------------------------
الاخ شماسى
بصراحة ظلمتك فلقد سبقى غضبى حلمى ولكن عبر كلمات الاخ كمال عباس عدت الى مداخلات البوست وتوقفت عند مداخلة الاخ عبد الزاق الطيب والتى تقول
Quote: شيء طبيعي مسألة النفي دي..
ولكن..
الختم الراقد ده...
فوق ورق أزرق طيبة..
المروس ده.. |
الزميل عبدالزراق الطيب الشىء الطبيعى هو ما تعود الناس استخدامه فى بعمن المواقف دون ان يكون شاذا وعليه ارى فى مداخلتك تنصب فى تأكيد الاتهام
واضع علامة تعجب !!!!!!!!!! على الخط الذى وضعته تحت أسم ازرق طيبه
-----------------
الاخ خضر حسين
اتفق معك ان التزوير هو رزيلة اتربطت بالانقاذ لتحقيق المارب
----------------
الاخ سيف مساعد
شكرا على الرابط
للجميع احترامى
وتحياتى
|
Post: #19
Title: Re: أزرق طيبة يرد على الوثيقة
Author: بلدى يا حبوب
Date: 12-12-2005, 08:07 AM
Parent: #1
وحتى تعم الفائدة انقل اليكم اللقاء التلفونى الذى تم بين جريدة الوطن والشيخ أزرق طيبة وقد تم نشره بجريدة الوطن امس 11/12/2005
Quote: الخرطوم مصطفى ابوالعزائم
اجرت الوطن اتصالا هاتفيا بالشيخ عبدالله احمد الريح أزرق طيبة )والى وقائع الاتصال
ومعلوم ان الشيخ أزرق طيبة يرأس الطريقة القادرية بالسودان .
س- الو سلام
ج- عليكم السلام ورحمة الله وبركاته
س- انا (فلان) من جريدة الوطن
ج- فلان ناس مدنى
س-نعم
ج- مدنى ذاتها ولا الحلة ديك القريبة منها
س- لا.... مدنى ذاتها
ج- اهلا وسهلا
س- فى الحقيقة كنا دايرين نتكلم مع شيخ عبدالله ... ممكن
ج- مكن جدا .. شيخ عبدالله معاك
س- شيخ عبدالله الخرطوم كلها ما فيها كلام غير كلام عن علاقتك بالحزب الشيوعى وخطابك
للأستاذ نقد
ج- خطابى ياتوا
س- الخطاب المروس من طيبة الشيخ عبدالباقى .. وموقع عليه انت
ج- انت شفت الخطاب
س- نعم صورة منه
ج- مكتوب بى خطى ولا مطبوع
س- لا مكتوب بالكمبويتر ..مطبوع يعنى
ج- طيب يا أخى (طيبة) انت قايل فيها مطبعة ؟
س- يعنى ما منك
ج- الخطاب الجابو ليك منو ؟
س- خطاب منشور فى كل الصحف نقلا عن المركز السودانى للخدمات الصحفية اس.ام.سى
ج- شنو اس. ام.سى
س- وكالة انباء
ج- انا عايز اقوليك الحطاب ده مدسوس
س-منو العندو مصلحة فى انو ينشر خطاب مدسوس
ج- هناك غرض امنى
س- برضو لمصلحة منو
ج- والله ماعارف لكن على كل حال هذا الكلام لا يضرنا بشىء ولا يفيد الحكومة بشىء
وده معناهوه انو العمل المعارض ماشى وقوى
س- طيب وعلاقتك بنقد
ج- شوف.. احتمال الكلام ده طلع لانو نقد عندو ندوة فى مدنى بكرة(اليوم) والقرض
افشالها
س- معليش انا سالتك عن علاقتك بى سكرتير الحزب الشيوعى السودانى
ج- يا اخى انا لم اراه ابدا. ما شفتو فى حياتى
س- وعلاقتك بالحزب الشيوعى .. شنو
ج- ما عندى اى علاقة بالحزب الشيوعى
س-لكن المعروف انك كنت شيوعيا ويقال انك ايام دراستك بالجامعة كنت عضوا نشطا فى
الجبهة اليمقراطية .. هل الكلام ده صاح
ج- غير صحيح.. انا منذ نشات اتحادى . ولم اكن غير اتحادى اصلا
س- والكلام عن علاقتك بالجبهة اليمقراطية ايام الجامعة تفسروا بشنو
ج- يا اخى انا قلت ليك ما كنت اصلا غير اتحادى .. وايام الدراسة مشينا وقابلنا
الزعيم اسماعيل الازهرى .ز وقلنا له لا بد ان يكون للحزب وجود بين طلاب الجامعة ..
لأن القيادات اكثرهامن الاخوان المسلمين والشيوعيين .
س- ازهرى ردو كان شنو
ج- السيد اسماعيل الازهرى قال لينا قولة شهيرة
هى (يا ابنائى دعوا ابنائى لما جاءوا اليه) طلعنا منه ومشينا
س-طلعتوا من الحزب أول دار للحزب الاتحادى اتبن فى طيبة . أول دار بالسودان
ج- طلعنا من الزعيم الازهرى ونحن مقتنعين بى كلاموا وانا عايز اقوليك حاجة مهمة انو
س- دار ملك الحزب
ج- الدار بناها الشيخ حمد النيل .ونحنا كنا صغار وهى ما زالت قاعدة حتى اليوم .
ولما قاموا ناس عبود حولها الشيخ حمد النيل لمعهد علمى اوسط . ولمن قاموا ناس
نميرى وعلموا حملتهم ضد المعاهد الدينية حولناها الى مدرسة بنات متوسطة
س- يعنى هى الان مادار حزب
ج- البنيان ما زال موجود
س- شكرا جزيلا شيخ عبدالله
ج- شكرا
|
تحياتى
|
Post: #20
Title: Re: أزرق طيبة يرد على الوثيقة
Author: بلدى يا حبوب
Date: 12-12-2005, 11:26 AM
Parent: #1
القصد من البوست توضيح الكثير من المعلومات المتوفرة حتى نكبحالفتن التى يبثها المرتبصون والحالمون باستمرار الانقاذ بالرغم من وولوج العديد من الاحزاب السياسة مظلة الحكم واقول للشيخ أزرق طيبة رعاك الله فلقد اوجزت ونصحت....
Quote: والله ماعارف لكن على كل حال هذا الكلام لا يضرنا بشىء ولا يفيد الحكومة بشىء
وده معناهوه انو العمل المعارض ماشى وقوى |
كما اقول للمناضل نقد تصريحاتك للاعلام بعدم وجود اى مذكرة فيه ضربة قوية للحالمون بداوم الحكم ونصيحة للجميع للاتفات لما قد يحدث من فتن القصد منها استدامة نظام الانقاذ الذى ثد بدأ يتداعى داخليا وعالميا
تحياتى
|
Post: #21
Title: Re: أزرق طيبة يرد على الوثيقة
Author: بلدى يا حبوب
Date: 12-13-2005, 09:30 AM
Parent: #1
| Quote: أول دفاع إتحادي عن أزرق طيبة أنه الساعد الأيمن لمولانا الميرغني |
نقلا عن جريدة الوفاق
تجياتى
|
Post: #22
Title: Re: أزرق طيبة يرد على الوثيقة
Author: يوسف السماني يوسف
Date: 12-13-2005, 10:02 AM
Parent: #1
الاخ العزيز/ بلدي ياحبوب
لك التحية
من زور ارادة الشعب السوداني ستة عشر عاما لا يحتاج لبراءة اقتراع لتزوير وثيقة باسم ازرق طيبة. لايعرف قدر الرجال الا الرجال وصبية الترابي سابقا وعلي عثمان حاليا ليعرفون الا اشباة الرجال .
وازرق طيبة لايحتاج لمحاحاة براقث الطير
ولك تحياتي
يوسف السماني
|
|