Post: #1
Title: داير مساعدة في حل مشكلة جملين بدخنوا سجائر
Author: aosman
Date: 12-09-2005, 04:38 AM
عندي صاحبي جاهو مرض في عينو وكانوا بألموهو الم شديد. الليلة بعد صلاة الجمعة, كنا في عربية مع بعض راجعين من الصلاة. قلت ليهو: ان شاء الله بلغت الصحة والعافية من الم العيون؟ قال لي: الحمدلله في تحسن شديد, بس امس بين صاحي ونايم من شدة الالم شفت لي جملين خاتين ليهم كراسي على ضفاف نهر النيل وفي كديسة قاعدة معاهم ولابسة ليها طاقية وكل جمل خاتي ليهو سجارة في خشمو بالجمبة ويدخنو ساي. الجملين قاعدين يتونسو مع بعض والكديسة كانت ماسكة ليهم الطفاية بتاعت السجاير وفي جمل خالف كراع فوق كراع ويتكلم مع اخوهو
في واحد صاحبنا كان معنا في العربية اتلفت على صاحبنا ده بضحكة قوية قال ليهو دي قوية شديد وعليكم الله نزلوني هنا قبل ما اسمع كلام تاني
المهم انا هسي من قبيل متمحن في الجمال الاتنين ديل يا ربي قاعدين يقولوا في شنو؟ وعاوزين يلحوا ياتو مشكلة؟ كده عليكم الله ساعدوني احل المشكلة دي
|
Post: #2
Title: Re: داير مساعدة في حل مشكلة جملين بدخنوا سجائر
Author: Eng. Mohammed al sayed
Date: 12-09-2005, 07:00 AM
Parent: #1
كلوا هين لكن الكديسة قدرت تلبس الطاقية كيف فوق إضنيها
| Quote: وفي كديسة قاعدة معاهم ولابسة ليها طاقية |
....................................................
بعدين هي كديسة ولا كديس البلبس الطاقية؟لو كديسة كانت تلبس طرحة(ودي معقولة)
|
|