عودة الدراويش

عودة الدراويش


12-06-2005, 04:21 AM


  » http://sudaneseonline.com/cgi-bin/sdb/2bb.cgi?seq=msg&board=80&msg=1133839290&rn=0


Post: #1
Title: عودة الدراويش
Author: Ishraga Haimoura
Date: 12-06-2005, 04:21 AM

عودة الدراويش
محمد بادي
حـــال هــذا الـبـلد بـكـانى مــا سـكـتنى
ريدتـن فـيـه كـيـف مـالـكانى كـيف مـلكتنى
نــاراً فـيـها كـيـف مـاكـلانى كـيـف لـهبتنى
الا تـرانـى فــى الـعـرضة انـحـسب بـرانـى
والــنـاس الـبـتعرض جــوه مـا سـمـعتنى
الا تـــرانــى انــبــح زيي زى إخــوانــى
والــخـيـل بــــى عــجـاجـة عـمـتـنى
تـوبى قـصير ومـا غـطانى والـزيفه ام برد شقتنى
قـلـت ابـاصـر امــرق بــره مــن احـزانى
ويـــن قـبـلـتا سـفـكـت دمــى وإتـعـدتنى
ولا زيـنوبة أخـرت إيـدى فـى الـدنيا أم بناين هش
مـن شـافتنى جـفلت مـنى خـنست فـى نواياالقش
مــــرادى ســلامــة يــغـسـل حــزنـى
الا ســلامـه زاد احــزانـى زادنــى عـطـش
لـحـقتها فــى الـفـريق اتـنـاسا وانـشـدحـالا
طـلـبـتـلها شــــاى وقــســت مــداســا
قــصــرت عــيـنـى فــــوق خـلـخـالا
لـفحت تـوبا لـحقت نـاسا وقـفت غادى عدلت حالا
قـزت كـوعه هـزت راسـا لـفت جـيدا قالت لا لا
قـالت لـى شـن مـعناك وشـن كسب الرجاك ورجاك
وشـــنــ راجــنــو مــــن تــــالاك
زمـنـك كـلـو تـاكـل بــاردة مـاضـق شــر
زمـنك كـلو نـحن نـعوم وانـت تـغنى مـاسك البر
وزمـنك كـلو فـوق الـفارغة فـوق ريح المدن منجر
الخير إن مرق من دارنا لا انحسيت ولا نحاس القبيلة نقر
ولـينا سـنين خـلانا سـموم ومـا شربت حفايره مطر
مـنيحه الـشافع الامـاتو راحـن فـى شـموس الحر
صـقور الـباشا نـهشن مـن ضروعا وفوقنا طارن فر
كـلاب الـباشا فـطرن فـيها ومـا لقن البيقول لهاجر
والـباشا الـغشيم فـى ذاتـو قـعقع ومـن كـبادافطر
لا ولــدن يـقولو انـتر ولا مـهيرتن تـقولو فـشر
ويــا الـبـاشا الـغـشيم قـول لـى جـدادك كـر
بـعد حـكت الـعليها اتـوهدت بـرزن بـروق عينيها
كـست خلاصى بين إيديها ما لـقيت البلفـقـوا ليـها
وقـعـت دمـعـة مــن ود عـيـنى قـلت اخـفيها
وقــعــت عــيـنـى ذاتــهــاعـلـيـهـا
حـسَـبـت الـمـسـافة الـبـينا قـلـت امـشـيها
كـفـتنى الـصـقور بـجيها والـبلد اتـرمت بـجيها
حـكـموا كـتـافى عـقدوا لـسانى ضـاروا وشـيها
غـنـوا اتـهـنوا تـربـوا وشـربـوا مـن بـكريها
مـصرو ثـديها شـربوا سـلاف معتق من لذيذ شفتيها
عـيـنى تـشـوف لـسـانا وصـرخـتاوثـكـليها
عـبـلة تـنـادى فــى الـولـد الـبـشق الـتـيه
عـبـلة تـنـادى فــى الـولـد الـبـعرف الـجيها
عـبـلة تـنـادى فــى الـولـد الـبـعدلو وشـيها
عـبـلة تـنـادى واقـفـة قـصادى مـصروا ثـديها
عـيـنى تـشـوف لـسـانا وصـرخـتها وثـكـليها
هـي يا ريـح الـصلاح هـبى وامـرقى مـن متاريسك
مـن طـرف الـبلد شـدى وسـوى البرجى داك ميسك
بــارده عـلـينا تـنـكبى ودمـنا زيـت فـوانيسك
هـو لا شـرقى ولا غـربى بـينزف مـن دراويـشك
والـليلة يـا ريـح الـصلاح الـهابا فـيك راحه وجع
والـليلة الـشجر الـكبار وحـشاه نـاقرو السوس بقع
والـليلة حـق الـناس بـبين والـليلة بـنشوف البدع
والـلـيلة ويــن الـبـرقى مــن تــالاك يـبين
والـــبــرق مــــن تــــالاك ســنـيـن
يـبـرق كــذا سـيـوف الـصـحابه الـسـاجدين
والـعاديات الـمؤريات خـرشه جنات فى الارض جات
والـخـلـوق الـضـايـقة لا قــوهـا اجـمـعـين
عـرب الـبوادى الـمن شـرق والامـه دى المصلوبه
فــوق حـبـل الـصـبر لـما اتـمدت والـكادحين
والـصـالحين والـسـاجدين والـعـابدين والـزاهدين
ونـفـضنا مــن زمــن الـجـدود صـقر الـسنين
وسـرجـنا خـيـل مـسروجة مـن زمـن الـحسين
وعـرضنا زيـن وجـمعنا غـطا المشرقين والمغربين
وامـيرنا صـاح الـرايه وين والجمع صاح الرايه وين
ومـشـينا بـالتاريخ ركـبنا عـلى الـبساط الأحـمدى
كـايـسـين مـحـل وقـعـت ســوارى الـرايـه
وانــقـطـعـت تـــواريــخ الــنــعـوش
ولـقينا بـاقى الـرايه فـوق قـبر الـخليفة الـراشدى
مـليانه دم كـيفن ندى وساريها فوق الفتنة دايخ ومنتكى
وغـسلنا بـى دمـع الندم قميص عثمان من الدم الزكى
وعـقدنا حـبل الـدين عـلى طـرف القميص المكملى
والـراية زادت مـن الـملى ورفـرف قـماشا المخملى
وحــرســوهـا زى ســبـعـيـن ولـــــى
مـا جـلهم حـراس الـهنا ما جل حراس الأمانة وديدنا
يـات مـن حـوار خـتم الـكتاب خـتم السند والعنعنا
يـات مـن ولـى ودرويش غرق فى الهمهمات والدندنا
آن الاوان والـــخـــيـــر دنـــــــــا
اتـحـزمـوا الـسـبح الـطـوال والـلـوح بــرق
ارجـونا فـوق طـرف الـجبل مـشهادنا نفزع مجدنا
ايـد فـى لـجام الـخيل تـقل والتانية فى لجام النفوس
الــمــادحــه فــــــى درك الـــزمــن
يــا امــه كـسـلى ونـائـمة فـى تـياب الـكسل
وهــواهــا مــاشــى مــــع الأضــــل
الـخيل مـصوبر فـى مـحل والخيل تجقلب فى محل
بـعد الـعدل والـريح صلاح والظلم راح والصاح قدل
بـعد الـشروق يـا امـة وسـطا بـتشهد فـى الخلوق
بـعد الـشروق نـجمك أفـل نـعشك غشانا على عجل
يـا امـة وافـاها الاجـل ومـاتت عـلى سوء الختام
واخــر الـكـلام فـى لـسانا كـان هـبلا ..هـبل

وســــــقـــــط هــــــبـــــل .

Post: #2
Title: Re: عودة الدراويش
Author: saadeldin abdelrahman
Date: 12-06-2005, 04:27 AM
Parent: #1

Quote: وســــــقـــــط هــــــبـــــل



سلمت يداكي اختي الجسورة.

Post: #3
Title: Re: عودة الدراويش
Author: Ishraga Haimoura
Date: 12-06-2005, 05:54 AM
Parent: #1

الله يبارك فيك يا أخي
وكتر خيرك ..... غيرك انت مافي زول عبرني
الجسارة الله يجيبها

Post: #4
Title: Re: عودة الدراويش
Author: saif massad ali
Date: 12-06-2005, 06:03 AM
Parent: #3

السلام
كلامك سمح بالحيل

Post: #6
Title: Re: عودة الدراويش
Author: saadeldin abdelrahman
Date: 12-06-2005, 05:52 PM
Parent: #3

Quote: الجسارة الله يجيبها

موجوده بس دايره اعادة شحن وتوجيه سليم

إن الشجاعة في (النساء) كثيرة...لكن ( شجعان ) العقول قليلا

انتي شجاعة عقل.

Post: #5
Title: Re: عودة الدراويش
Author: فيصل عباس
Date: 12-06-2005, 04:28 PM
Parent: #1

قـلـت ابـاصـر امــرق بــره مــن احـزانى
ويـــن قـبـلـتا سـفـكـت دمــى وإتـعـدتنى





اشراقه حيموره

ازيك
وليت احزاننا تخضع للمباصره مرة واحده


شكرا لك ولبادي

Post: #7
Title: Re: عودة الدراويش
Author: احمد العربي
Date: 12-06-2005, 09:46 PM
Parent: #5

فعلا اشراقه لهذا البورد
ولك الف تحيه
وياريت تواصلي
المهم انا قاعد معاك في البوست ده
وراجين المذيد
مدد
مدد
مدد
مدد





ودي واحترامي

Post: #8
Title: Re: عودة الدراويش
Author: Ishraga Haimoura
Date: 12-07-2005, 01:18 AM
Parent: #1

الأخ سيف مساعد
تشكر على المرور .... نطمع في المشاركة
الأخ سعد الدين عبد الرحمن
شكراً على الثقة وأتمنى أن أكون عند حسن ظنك
صديقي اللدود فيصل عباس
سلامات
كان غيرك أشطر
عربي الفنان.....
يا اخوي ما تساعدني بي لوحة ولا حركة كده تجيب الزبائن على البوست
والله فاقدة أبو جهينة

شكراً لكم جميعاً ولكل الزوار وإليكم القدال:

يا هذي القصيدة انجمي
من هذي الغبينة الفينا
من حلوات قصيدي ونمي
الا حروفها طعم الكينا
جبت حلاتها من خشم امي
يا حليلها العديلة حنينة
الا مرار حسارها يدمي
يا وارد الخناس يا نينا
الماسون مفور دمي
والبنا العظيم هارينا
لا البنا العظيم ود عمي
لا الصهيون حدق عينينا
اريت كل البلاد رام الله
اريت الفينا ما كان فينا
فيا كل الغلابا حدانا
يا الفقر البعد غالينا
يا جرحي ودوايا وسمي
يا زقلونا يا طردونا
يا دار السلام يا روينا
يا بيت الحجر في مكة
يا ام الشهيد يا امي
يادير البلح .. يا عكا
يا مسجد عمر يا سينا
يا..... من الخليج لي طنجة
يا كل المحيط الامي
لا الشارون طناش حاضرنا
لا الصهيون غباش ماضينا
ما من غيرنا جات خيبتنا
كتر خير يهود وادينا
####

ياروح العرب ردي
جري وقومي واشتدي
الغيرك عبر .. عدى
من اشبيلية للسند
كنت الهادية ترتدي
يا روح العرب ردي
شيلي الخطوتين مدي
قبل الخطوة تتمدي
لا بتجيبي لا بتودي
وان ما عندك : ايش تدي؟
###
يا روح العرب قومي
ختي العافية في قومي
يات من فيك مخزومي
اتغرب نطق رومي
واضحى سلامو شالومي؟؟

يا روح العرب مرة
جيبي الجوة والبرة
والولد الطفش فرة
من بلدا بقت مرة
فوق الراس وهي السرة
يا روح العرب مرة
وري المنعة والحرة
كري مع الشهيد كرة
تجني الغلتين برة
وتلدي محمد الدرة
###
اصل الحكوة اننا يا الخزين
خدرنا
نمنا على العسل والسمنة
من بعد العسل حلينا
وانحلينا
والماسون يخطط لينا
لامن يا الخزين ودرنا
واتحيرنا
مابين الوعود وسرابو
ما بين النضال وارهابو
قاللينا امنكم حادينا
من دي الكورنة جابو خبرنا
يا العرب الحسابكم جاري
طلعوا زيتنا واتنبرنا
بي حمد الكريم الباري
اننا في اوروبا بنينا
واننا في المحيط شبرنا
ولاس فيجاس نجيها ملاهي
لينا عليها خيل وبكاري
لا ما غطسنا واتوكرنا
وشان الروح تروح من اصلو
يبهت وينقطع طارينا
دخلو علينا باللوتاري
عبونا وبقينا رطينة
تقعد جمعتين في اليانكي
يبقى جوازك اخر زينة

الماسوني سيد امريكا
والصهيوني حاكم امريكا
والشاروني عين امريكا
ما امريكا هي الضبحتنا
ياخ امريكا هي المسكينة
بس حكامنا ما فهمونا
لا طول الزمن فهمونا
قلنا نغني للولد الشهيد
كتمونا
قلنا سبيا ابوكم قشري
ختونا في حديد يا بونا
بس حكامنا ما فهمونا
لا طول الزمن فهمونا
وامريكا بتبيع ما بتشري
ختالنا اليهود في كفة
لافالنا الحروب في لفة
سايقالنا الحزن في الدفة
ما هماها في زول لا زلم لا طينة
ازيدك في الغبينة.. غبينة
عندك غزة
احتلوها فاحتلونا
بعد الاحتلال حصرونا
من بعد الحصار هرسونا
في الضحى والعصر عصرونا
في بلد الشتات زرعونا
بالبلدوزرات حصدونا
لا بيتا وقف لا كرزة
لاتفاح سلم لا عنزة
يا طفل الحجر في غزة
لو هتلر نصب شواية
دول حشروك في طابونة
واتفرجنا والحسرة البتاكل ابونا
واتفرجنا والكل بالغبينة انجز
واتفرجنا ونسينا القبيل ولدونا
يا الخايفين اوان الحزة
دول حكام ليالي المزة
من كتر الشجب شجبونا
####
لو كل العيال الشتو من قلب الحبيبة نسوها
نحنا مع الحنان قيلنا
لامن يا الخزين صقرنا
لا الكارت الاخيضر شافنا
لا عند السفارة بدرنا
لا الماسون مضالنا الفيزا
لا البنا العظيم سفرنا
نحنا على العلينا بقينا
ما اتذكرنا؟
ما اتذكرنا
كننا يا الحبيب ما نسينا
شان نرجي اليجي يفكرنا
شيل ارض العرب ودينا
من خيرها المرمي عاينا
لا حايق عليك لا فينا
لا ايديها سفلى عطاها
لا مقصر سماها وطينا
لو القسمة بس في نيلها
الفي بطنها يشبعنا
والفي كفها يكفينا
اسمع مني يا طاري البلا وناكرنا
دي الارض الببكي غناها
والبلد البغني حزينها
ما من فقرها اتفقرنا
واتفركشنا
وإتحنكشنا
بس من كجها الكاجينا
وما من غيرنا جات خيبتنا
كتر خير يهود وادينا

Post: #9
Title: Re: عودة الدراويش
Author: saadeldin abdelrahman
Date: 12-07-2005, 03:50 AM
Parent: #8

نمنا على العسل والسمنة
من بعد العسل حلينا
وانحلينا
والماسون يخطط لينا
لامن يا الخزين ودرنا
واتحيرنا
مابين الوعود وسرابو
ما بين النضال وارهابو
قاللينا امنكم حادينا
من دي الكورنة جابو خبرنا
يا العرب الحسابكم جاري
طلعوا زيتنا واتنبرنا
بي حمد الكريم الباري
اننا في اوروبا بنينا
واننا في المحيط شبرنا
ولاس فيجاس نجيها ملاهي
لينا عليها خيل وبكاري
لا من غطسنا واتوكرنا
وشان الروح تروح من اصلو
يبهت وينقطع طارينا
دخلو علينا باللوتاري
عبونا وبقينا رطينة
تقعد جمعتين في اليانكي
يبقى جوازك اخر زينة

الماسوني سيد امريكا
والصهيوني حاكم امريكا
والشاروني عين امريكا
ما امريكا هي الضبحتنا
ياخ امريكا هي المسكينة
بس حكامنا ما فهمونا
لا طول الزمن فهمونا
قلنا نغني للولد الشهيد
كتمونا
قلنا سبيا ابوكم قشري
ختونا في حديد يا بونا
بس حكامنا ما فهمونا
لا طول الزمن فهمونا
وامريكا بتبيع ما بتشري
ختالنا اليهود في كفة
لافالنا الحروب في لفة
سايقالنا الحزن في الدفة
ما هماها في زول لا زلم لا طينة
ازيدك في الغبينة.. غبينة
عندك غزة
احتلوها فاحتلونا
بعد الاحتلال حصرونا
من بعد الحصار هرسونا
في الضحى والعصر عصرونا
في بلد الشتات زرعونا
بالبلدوزرات حصدونا
لا بيتا وقف لا كرزة
لاتفاح سلم لا عنزة
يا طفل الحجر في غزة
لو هتلر نصب شواية
دول حشروك في طابونة
واتفرجنا والحسرة البتاكل ابونا
واتفرجنا والكل بالغبينة انجز
واتفرجنا ونسينا القبيل ولدونا
يا الخايفين اوان الحزة
دول حكام ليالي المزة
من كتر الشجب شجبونا
####
لو كل العيال الشتو من قلب الحبيبة نسوها
نحنا مع الحنان قيلنا
لامن يا الخزين صقرنا
لا الكارت الاخيضر شافنا
لا عند السفارة بدرنا
لا الماسون مضالنا الفيزا
لا البنا العظيم سفرنا
نحنا على العلينا بقينا
ما اتذكرنا؟
ما اتذكرنا

Post: #10
Title: Re: عودة الدراويش
Author: Ishraga Haimoura
Date: 12-07-2005, 04:12 AM
Parent: #1

حليوة في ليلة المولد
القدال

بقول غنوات وأقول غنوات
فى البلد لبسير جنياتها لى قدام
ولى الولد البتل ضرعاتو فى العرضة
ويطير فى الدارة صقرية
ولو السمحة تلت إيد ومدت جيد
يقوم شايلاهو هاشمية
ويشيل شبال ختفة ريد وفرحة عيد
وريدة روح وحمرة عين وايدية
ويالولد البشيل مدقاقو
قولة خير على القمره
يقابل الجاية متحزم
ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
وقبال حول تغّيم غيمة قِبلية
ترش الدارة والحدبه الصعيد الحلة
ويا فرحة بتطارد الصفقة فى النسمة الصعيدية
ويا جهرة نهار الليلة بدرية
رحيح جنياتنا فى الحدبة الصعيد الحلة
يا سمحاتنا هو لبلب
ويا قمحاتنا هو لبلب
وياللوز الفتق فى الوادى هو لبلب
ويا سمحاتنا هو لبلب
ويالبحر الطمح مدّادى هو لبلب
سألتك بالذى ركز الارض معبد
وسوى الفاس عليها مقام
سألتك بى حشا الأُمات ودمعاتنا
سألتك بى كبيداتن ودعواتنا
شليل وين راح
يكون ضل الخريف فاتنا
شليل وين راح
وزى برق السماك الجابها دغشية
وزى زغرودة البطن الكبارية
مرق من شامة القمره
ومقدم بالعديل يبرا
تعالوا أبشروا آجنيات
شليل ماراح شليل ما فات
شليل عند المسورو حرق
بقالو حصاد
شليل فوق التقانت قام خدار وبلاد
شليل مسدار شليل مشوار
شليل أرضنا يا جنيات
شليل قايم نصاصى الليل
يتمتم ليلو وردية
حرازنا شليل شليلنا دليب
شليلنا دليل على البلدات
بعد درب التبلدية
شليل ما راح شليل ما فات
شليلنا ونحنا همباتة ومهاجرية
مزارع بات على عشقين
تراب بلدو وسماح فوق بت مزارعية

Post: #11
Title: Re: عودة الدراويش
Author: saadeldin abdelrahman
Date: 12-07-2005, 04:57 AM
Parent: #1

بعد الاستاذ/ القدال الكلام بكمل.


تراب بلدو وسماح فوق بت مزارعية

Post: #12
Title: Re: عودة الدراويش
Author: فتحي الصديق
Date: 12-07-2005, 05:08 AM
Parent: #11

أشراقة العزيزة
لك التحايا العاطرة
انه غناء الأحزان والعبرات00في زمان الأحزان والعبرات00

Post: #13
Title: Re: عودة الدراويش
Author: saadeldin abdelrahman
Date: 12-07-2005, 11:43 PM
Parent: #1

اختي اشراقه سلام

هل اجد عندك نص عازه في هواك (النوبي الجميل خليل فرح)
ورائعة الاستاذ القدال (مسدار ابوالسرة) ?

لو توفرت عندك... ارجو انزالها على اجزاء هنا و لو هي
في اي موقع تاني اعملي لينا بس Copy and paste ماعايزين
نتعبك معانا طباعه وكده

لكي خالص الود.

Post: #14
Title: Re: عودة الدراويش
Author: Ishraga Haimoura
Date: 12-08-2005, 00:45 AM
Parent: #1

العزيزفتحي الصديق
وينك يا زول يا رائع
أخي سعد الدين
سلامات
أوامرك يا سيدي بس كدة؟؟؟؟
عزة في هواك

الشاعر خليل فرح

عزة في هواك عزة نحن الجبال
وللبخوض صفاك عزة نحن النبال
********
عزة ما بنوم الليل محال
وبحسب النجوم فوق الرحال
خلقه الزاد كمل وأنا حالي حال
متين أعود أشوف ظبياتنا الكحال
********
عزة ما سليت وطن الجمال
ولا ابتغيت بديل غير الكمال
وقلبي لي سواك ما شفتو مال
خذيني باليمين وأنا راقد شمال
********
عزة ما نسيت جنة بلال
وملعب الشباب تحت الظلال
ونحن كالزهور فوق التلال
نشابي للنجوم وأنا ضافر الهلال
********
عزة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
********
عزة ما اشتهيت نوم الحجال
ولا السوار بكي في يمينا جال
وعزة في الفريق لي ضيق مجال
قبيلة بت قبيل ملأ الكون رجال

Post: #15
Title: Re: عودة الدراويش
Author: Ishraga Haimoura
Date: 12-08-2005, 00:49 AM
Parent: #1

عزة شفت كيف نهض العيال
جددوا القديم تركوا الخيال
روحك أم سماح سري كالسيال
شجو الفؤاد حيوا محسور الليال
********
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدي كل يوم عظمة ازداد جلال
********
عزة في حذا الخرطوم قبال
وعزة من جنان شمبات حبال
وعزة لي ربوع أم در جبال
وعزة في الفؤاد دوا يشفى الوبال

Post: #16
Title: Re: عودة الدراويش
Author: Ishraga Haimoura
Date: 12-08-2005, 01:59 AM
Parent: #1

مسدار أبو السرة لليانكي
شعر : محمد طــه القدال

أماتي القبيل بي حنهن لجــني
كرفة وقلدة كيف شوق اللبن رجني
حزنا جاني في ميع الصبـا يلجني
أطلع مني يا جلدي المنمل جنــي
وأطلــع مني يا حزناً بقى مكجني
خلنــي أبدا مسداري
وأدي قفايا لي دارا بقت مي داري
جيتا وجلدي بينو وبين عضامي الشحمة
إلا تراني شوال الكبس نفاخ جراريب الورم هــــدامي
فــي جلدي الورم قولني ولا صح الورم عضامي
سفريتك الفي النـية وماها الكانت محـــرية
خابــراك عريف ذم العربان ولا قيام الوردية
مالك؟ تريان ومندي كاس الكتـــان والهندي
قولك كيف ترجى البيشان ولا الغربة البي الزندي
بـرقا عبدللي الوزن يا طاش يا جاب المزن
فرق يا الضيــف فعل الغضبان أم فرفيرات الحـــزن
وشن القعدة يا أبو السرة
شن القعدة في ضل العمارات أم كمرة برة ؟
ضقنـــا الحنضل اليــــانكي وبلعنـــا المرة
كملــت كوتــة التمبــاك صقعنــا الجـــرة
وو كــت إتقفــلت شقــيش قبـل بي المـــرة
نرمــي أمـــرنا في بلــد المعــاني الحــرة
*******
الشــم خوخت بردن ليــالي الحرة
والــبراق برق من منا جــاب القرة
شوف عيني الصقير بي جناحو كفت الفرة
تلقـــاها أم خدود الليلة مرقت بـــرة
*****
مرقت برة تغلي مديدة الحلبة التسمن ردفها السمن المبستــر يانـكي
والويقود بعيرات الدخان في العين وي الفشفاش يسوي عمايلو
شـــن فايدة مديدة الحلبــة والويقود بشيلو اليـــانكي؟
يا أبــــو السرة قامـت من دخاخيــن العمى تلمع وشيها
كــان اليانكي مستنيها في مراية السجــم في الليل
لقيتها متـــل فريـــخ الطير مرق ود عينــها من ود عينــه
رجــــافة المزمل حمى جلت منو وقعت عندي صدرها بغلي
يا أبــــو السرة شفت اليانكي ي ود عينها
شلتها للبحــر يمكن يغسل عينا من اليانكي
فتنا الحجرة بالكتة وغطسنا مسافــــة
تبــــقى قدر مسالك الريدة
ما لاقـانا مـــن يغبانا في البحر السدر تحتــاني
ناس عارفاها ناس عارفاكا ناس عارفاني
ناديت القعوي والبلطي قرقور السمك وداني
لــــي دابي الخشش ودينا عمال الطمي
الصــــــارقيلا والقرموط وود الموية
فتنا عليها كانت نايمة عجال البحر حارساها
كانت نايمة بين حجرين وضل ســـاسوية
وعمال الطمي الصحونا لمو حصى البحر قسموه
يات من كـــان سبع جمرات
دابي الخشة قال : أدوها في الجمرات تلات سبعات
قلنـــا: أدوها في الجمرات تلات سبعات
مسكنا دربنا عمال الطمي الصحوها
خابرين الدروب مرقوبنا فوق مشرع مسارب الضي
لقينا الدنيا تترجانا قوقى القمري خوي صقير وعوى حدي
وعمال الطمي الصحونا لمو علي البعرف الصي
حصى القيزان دوابي الدارقة والسحلية
والناس التحت خابرين عمايل اليانكي
مرة معونا لي اللغاف ومرة دوانكي
شن معناهو جيبها إن كان ملوهو بوانكي
صوتها مكتمو القربين سيوف وسوانكي
*****
قولن لي الأخلو ديار دمك فرهد في نارو وغور في الأرض
طاروا وصقرين ولاد الأرض ما طارو
ولحمي غطى بن عمي شو صار حالو يا أمي
منديل العرض في بيت الدين دمي ما يخلي دمي
أمنا من دير ياسين صرنا ي جزر التين
عم نسقي بعض حب الزيتون بدو يرجع للطين
صابرا فوق الدورية صابرا تحت الدورية
يا حال الضد لحم الطفلين نابت غصن الحرية
جذري مو في شاتيلا
وما قال حالي يا ويلا
حنا في الأرض أرض فلسطين
يا أمي هيلا هيلا
ويا أمي هيلا هيلا هيلا هيلا
وهيلا وهيلا يا أبو السرة كج العين
تخبر الشينة من الزين
تفرز الطاري من الساري
يا أبو السرة كج العين
ومدو صباعك السبابي
قول للغافي هوي يازول
هوي يا غافي يازول هوي
أرخي الغردة للعنافي
شد القمري بالحوبابي
في مسدارنا شلنا نهارنا في إيدينا من ساسو البحر عقدين
مسكنا دربنا عمال الطمي الصحوها
خابرين الدروب مرقوبنا فوق مشرع مسارب الضي
لقينا الدنيا تترجانا قوقى القمري خوي صقير وعوي حدي
وكنا جماعة دابات الأرض والسايمة
وعوامة البحر والطير
وحتى الغيمة قصاصة الأتر فوق راسنا شايفة الدرب ضنيب اليانكي
قال القمري للضليلة : خليك صاحية زوغ اليانكي لا يودرنا
قال الدابي : إن يغباها ما بيغباني
ولما الشم مودعة غاربة وصلت جملة الصقار تعلق فوق عقال العرش
ولا خسانا بي هادي العروش الهربة
يا أبو السرة لا عقال
مسكنا دربنا عمال الطمي الصحونا خابرين الدروب
مرقوبنا من وادي الضلمة الكان عقب
ولمينا في باقي الجمع قاصين دريب اليانكي
سنور الغيب في الكنغو وصبراً من جنوب أمريكا
ومن كلهاري ديبا ضاري
والتمساح وليد أمازون
ونمرا في النمور كمبودي وأم رخم الله مكسيكية
لم لميمنا والشمس البتوقد فوقنا
شد شديدنا لا تمثال ميشيل روقنا
عالم حر يدوعل فوقنا لي يوم سوقنا
نبزق فيهو في ود عينو جر واسوقنا
*****
يا شمسي طلي طلي شاوري ع بيتي دلي
كيال الكيل ختياري مات
ظلي عم يحرس ظلي
عادل ع خي ميلي
خيي ما يحمل شيلي ماخف الشيل
تاني المرات ناطر رصاصي سيلي
عيني في الفيل ما ضله كلنا ندري ما نضله
يا ويل الويل نرمي الجمرات على المستشهد كلا
نرمي الجمرات على المستشهد كلا

Post: #17
Title: Re: عودة الدراويش
Author: saadeldin abdelrahman
Date: 12-08-2005, 04:49 AM
Parent: #16

احتي اشراقة لقد نفستى عنى الكثير من الهم الذي صار ضيفا ملازما وثقيل
كسرتي جبال الجليد وهدأتي لهب الشوق...
كنت قد وددت ان اعيد اصدارها بخط اكبر والوان اخري ولكني تخوفت
على الباندويدث ومن الملاله..

سلمتي وحتما لي عوده لبوستك الوسيم

Post: #18
Title: Re: عودة الدراويش
Author: al-Hameem
Date: 12-10-2005, 05:28 AM
Parent: #17

Ish

Please check your Messenger

Post: #19
Title: Re: عودة الدراويش
Author: احمد العربي
Date: 12-11-2005, 11:08 PM
Parent: #18

طبعا ما بتكوني سمعتي الصفقه
لكن الواحد منتشي في المنتدى بتاعك ده
وفي قمة السعاده


وقاعد راجي المزيد

مدد
مدد
مدد

Post: #20
Title: Re: عودة الدراويش
Author: AMNA MUKHTAR
Date: 12-12-2005, 05:40 AM
Parent: #1

الا تـرانـى فــى الـعـرضة انـحـسب بـرانـى
والــنـاس الـبـتعرض جــوه مـا سـمـعتنى
الا تـــرانــى انــبــح زيي زى إخــوانــى
والــخـيـل بــــى عــجـاجـة عـمـتـنى
تـوبى قـصير ومـا غـطانى والـزيفه ام برد شقتنى

Post: #21
Title: Re: عودة الدراويش
Author: saadeldin abdelrahman
Date: 12-20-2005, 02:10 AM
Parent: #1

يا شمسي طلي طلي شاوري ع بيتي دلي
كيال الكيل ختياري مات
ظلي عم يحرس ظلي
عادل ع خي ميلي
خيي ما يحمل شيلي ماخف الشيل
تاني المرات ناطر رصاصي سيلي
عيني في الفيل ما ضله كلنا ندريه ما نضله
يا ويل الويل نرمي الجمرات على المستشهد كلا
نرمي الجمرات على المستشهد كلا

Post: #22
Title: Re: عودة الدراويش
Author: عبد المجيد محمود
Date: 12-20-2005, 07:12 AM
Parent: #1

يا مليحة .. يا العقيد النام موسد راسه حبات السبيحه
يا صباح الرحمة يا الروح
البتلفى حوارها تمرق من ضريحها
يا حزيمات القمح منشرة فى زمن الحصاد
يا رياح الشتوى هابة على مساجين
المشال بالفرحة والفرج القريب
يا نزيل قمر التمام الحشو
فى شيلتو السناجك والارابيب

سلام مطبوق

سنين طوال حالت بيني وأهلي وانا مازلت استرجع الصور بتفاصيل الحنين والشوق اتحسس فيها خطوط الإلفة ومساحات الود وفي الإطار تبقي المسافات تفصل بيننا... لكن يتردد في الدواخل الصدي بوعد اللقيا طالما القلوب تنبض بحب الجميع ... لفت انتباهي العنوان (عودة الدراويش ) فدلفت إلي المساحة لأنني من المعجبين جدا بكتابات الدكتور محمد بادي القوية المعاني المشبعه بحنين دفاق وشوق جارف ... فسعدت اكثر حينما رأيت صاحبة المساحة ... مزيدا من الإشراق

كل الود

Post: #23
Title: Re: عودة الدراويش
Author: عوض محمد احمد
Date: 12-24-2005, 09:18 AM
Parent: #1

up

Post: #24
Title: Re: عودة الدراويش
Author: عوض محمد احمد
Date: 12-24-2005, 09:26 AM
Parent: #1

up

Post: #25
Title: Re: عودة الدراويش
Author: هشام آدم
Date: 12-24-2005, 10:03 AM
Parent: #24

Quote: وزى زغرودة البطن الكبارية
مرق من شامة القمره
ومقدم بالعديل يبرا


Thank you dear Ishraga
and for Mustafa Seedahmad and Al Gaddal

Post: #26
Title: Re: عودة الدراويش
Author: Ishraga Haimoura
Date: 12-26-2005, 06:12 AM
Parent: #1

العزيز أحمد العربي شكراً لمرورك الأنيق
آمنة مختار تسلمي
سعد الدين عبد الرحمن
Quote: (كلنا ندريه ما نضله)

العزيز عبد المجيد محمود
Quote: يا نزيل قمر التمام الحشو
فى شيلتو السناجك والارابيب
.....
وتسلم ابن اخي
الصديق عوض تشكر على الطلة
هشام آدم الشكر لك على المرور يا ذوق
مناقيش العدالة
محمد الحسن سالم حميد
مِنِّي متعشِّمْ طلوعِكْ ..
كُلِّي مستنيك تعودي ..
ويغسل السّاحات رجوعِكْ
في حشى أحراش الليالي
منتظر بقّة شموعِكْ
تشتلي الضّو في الضّهابة ..
ترخي للجايعين ضروعِكْ
يرجع الطير المهاجِرْ ..
يملأ في الفجّاج ربوعِكْ
.......................
في كلام النّاس بفتِّشْ ..
بين عوينات المدارِسْ
في صدى آذان المساجد ..
ورنّة أجراس الكنائِسْ
في إندهاشات العذارى ..
في إرتعاشات الموامِسْ
في بحر فرحان يبشِّرْ ..
موجو لي جية النوارِسْ
الرّوَاويس طَمْبروك ..
وهزّ بيك في الدّارة فارِسْ
.........................
بين سُكَات القرية أفتِّشْ ..
بين هضاريب المدائنْ
يا نسيماتاً تَكَرْبِتْ ..
شايلة أشواق الجنائنْ
لي جديول حلقو ناشِفْ ..
أو عَرَق تُربال يكادِنْ
في وشي الأفراح بفتِّشْ ..
بين قفا اللّحظات أعاينْ
بين سواقير الفقارى ..
الجاية من تالا المدافِنْ

مَرّة طال اللّيل عليّ ..
ووصلت الآهات مداها
قلت لي النجمات مو جايي ؟؟؟ ..
قالت الأيام تراها
يا ضيا القمرا القُبَالي ..
شوكة الظُّلْم الخيالي
عَسّمَتْ فوقنا اللّيالي ..
خُبِّي في إسراعِكْ تعالي

يا مناقيش العدالة
بتنا فوق الصّبر عالة
يا تعاويذنا وعَزَانا ..
خلِّي نور الفرحة يطفُرْ
من عوينات الحزانى
صخرة الأحزان تقيلة ..
واحنا ما بنملِكْ سِوانَا
قولي هيلا هوب معانا ..
من على الشّارع نشيلا
سكّة العمر الطويلة ..
ترتى في الجايين ورانا
صرنا زي رحّالة عنِّكْ ..
فَتّش الكون تبني لبني
وراح سأل طيانة تبني ..
وقالوا جاية
بالعوينات البقومن بدري شايلات القراية
في تلوت الليل تبوِّغْ .. سارقة للدّنيا السّقاية
ولما تورَدْ ..
بنسلينا ..
الجَرْدِقَة ..
القَرَضْ ..
المحاية
جاية من ضهر المسافة ..
البين بناء الطِّين والسّرايا
طالما في الدنيا ناساً ..
فاتو للجايين فداية
وناس على جلاّتا تكتب بالثبات ..
والنيل دواية
جاية .. جاية
دفّة التاريخ في إيدا ..
دَمْ عروق أماً بتنده
راجية نُص اللّيل وحيدا
بيّتَتْ في القُلّة مويتو ..
وزادو في المُعْلاق عصيدة
جاها في جواب يسلِّمْ ..
للبلد داني وبعيدا
يمة يا نفس الوصية ..
الكل ما شَرَقَتْ نعيدا
يانا يا شخب القضية ..
الصافي في قدح القصيدة
مانا قنعانين تملِّي ..
من دواية الصَبر نكتب فينا والإصرار يملِّي
تنعدِمْ موية وضونا ..
بيها نتيمم نصلِّي
الزّمَن ينقُض وضونا ..
تاني نتوضأ ونصلِّي
ونمشي فوق دربِكْ نباصِرْ ..
في الرِّمال والشّوك نحاصِرْ
بي شُعَاع بكرة المسافة ..
وسطوة اللّيل والعَسَاكِرْ ؟؟
تنهزِمْ ريح العوارِضْ ..
والمواريث التّعوقِكْ
ومن شَقَايا الحال تبقِّي ..
وتقدَحْ التّاريخ بروقِكْ
وكلّما مَرَقَت غبينة ..
تمشي لي داخل عروقِكْ

Post: #27
Title: Re: عودة الدراويش
Author: صلاح الدين عبدالله محمد
Date: 12-26-2005, 06:27 AM
Parent: #26

الفاضله/اشراقه

نتابعك

بصمت الدهشه

وتحياتنا

Post: #28
Title: Re: عودة الدراويش
Author: عوض محمد احمد
Date: 12-26-2005, 06:33 AM
Parent: #27

سلمت سلمت يداكى يا اشراقة
و من غير قيثارة القدال تبدع هزا الشدو الجميل


بقول غنوات وأقول غنوات
في البلد لبسير جنياتها لى قدام
ولى الولد البتل ضرعاتو فى العرضة
ويطير فى الدارة صقرية
ولو السمحة تلت إيد ومدت جيد
يقوم شايلاهو هاشمية
ويشيل شبال ختفة ريد وفرحة عيد
وريدة روح وحمرة عين وايدية
ويالولد البشيل مدقاقو
قولة خير على القمره
يقابل الجاية متحزم
ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
وقبال حول تغّيم غيمة قِبلية
ترش الدارة والحدبه الصعيد الحلة
ويا فرحة بتطارد الصفقة فى النسمة الصعيدية
ويا جهرة نهار الليلة بدرية
رحيح جنياتنا فى الحدبة الصعيد الحلة
يا سمحاتنا هو لبلب
ويا قمحاتنا هو لبلب
وياللوز الفتق فى الوادى هو لبلب
ويا سمحاتنا هو لبلب
ويالبحر الطمح مدّادى هو لبلب
سألتك بالذى ركز الارض معبد
وسوى الفاس عليها مقام
سألتك بى حشا الأُمات ودمعاتنا
سألتك بى كبيداتن ودعواتنا
شليل وين راح
يكون ضل الخريف فاتنا
شليل وين راح
وزى برق السماك الجابها دغشية
وزى زغرودة البطن الكبارية
مرق من شامة القمره
ومقدم بالعديل يبرا
تعالوا أبشروا آجنيات
شليل ماراح شليل ما فات
شليل عند المسورو حرق
بقالو حصاد
شليل فوق التقانت قام خدار وبلاد
شليل مسدار شليل مشوار
شليل أرضنا يا جنيات
شليل قايم نصاصى الليل
يتمتم ليلو وردية
حرازنا شليل شليلنا دليب
شليلنا دليل على البلدات
بعد درب التبلدية
شليل ما راح شليل ما فات
شليلنا ونحنا همباتة ومهاجرية
مزارع بات على عشقين
تراب بلدو وسماح فوق بت مزارعية