Post: #1
Title: أهـا ..رأيكـم شنـو؟
Author: صباح احمد
Date: 12-05-2005, 09:14 AM
Parent: #0
في حوار مع جريدة الصحافة مؤخرا قال اركو مناوي زعيم حركة تحرير السودان انه سيكتسح الانتخابات وفي الحوار العملتوا انا مع خليل ابراهيم قال انه سيحكم الخرطوم
قلت لخليل ابراهيم ان سقف طموحاتهم كقادة للحركات المسلحة في دارفور يبدو مرتفعا مقارنة بوزنهم السياسي والعسكري لكنه نفي الكلام دة وقال ان حركته تملك وزنا عسكريا وسياسيا يديها الحق في ان تحلم وتسعي لتحقيق حلمها واتوقع انو دة برضو يكون رأي بقية الجماعة
واتوقع في حوار قادم مع عبد الواحد محمد نور زعيم حركة تحرير السودان_ برضو_ ان يتحدث عن امكانية ان يحكم السودان وسهولة المسألة دي بالنسبة ليهو
طيب الجماعة ديل كلهم دايرين يحكموا البلد .. عندهم القدرة علي دة؟
وين مولانا الميرغني وسيد صادق وشيخ حسن وعمنا نقد؟
ورأي ناس المؤتمر الوطني شنو؟
ورأي ناس الحركة الشعبية شنو؟
ورأينا نحن شنو؟
والبلد دي تحوق لمنو ولا منو
والحل شنو ..لانو اي زول داير يحكمنا؟
غايتو فكرة خليل ابراهيم القالها عن الرئاسة الدورية دي فكرة منطقية ويمكن تحل جزء من المشكلة
اها انتو رأيكم شنو؟
|
Post: #2
Title: Re: أهـا ..رأيكـم شنـو؟
Author: صباح احمد
Date: 12-05-2005, 09:18 AM
Parent: #1
نسيت اقول ليكم انو في خيارات
|
Post: #3
Title: Re: أهـا ..رأيكـم شنـو؟
Author: tmbis
Date: 12-05-2005, 10:51 AM
Parent: #2
كيفك يا صباح أحمد ..
والله ما عندي مشكلة انا..
هي اصلو القصة ملطشة...
غايتو كان علي انا اهو دا طرفي من الرئاسة
بس بقترح بلموهم كلهم ويشتروا ليهم ( كرتلة ) وزي ما قال الزول الجاب لينا كلامو المناضل بقال ( الحشاش يملى شبكتو ).. والبتقع ليهو ( الطيرة ) هو الفائز.
|
Post: #4
Title: Re: أهـا ..رأيكـم شنـو؟
Author: Eng. Mohammed al sayed
Date: 12-05-2005, 02:15 PM
Parent: #3
نقسم السودان لي مليون ميل وكل 35 شخص في ميل مربع بكدا القيادات كلها تحكم
|
Post: #5
Title: Re: أهـا ..رأيكـم شنـو؟
Author: محمد عيد الله
Date: 12-05-2005, 05:06 PM
Parent: #4
| Quote: طيب الجماعة ديل كلهم دايرين يحكموا البلد .. |
وانا ما عندي مشكلة اي واحد فيهم يحكم
واذا حيشاكلوا في منو يحكم برضو ما عندنا
مشكلة يعملو مجلس رئاسة بس يخلو البسو فيه دة !!
لكن تفتكري انهم ممكن يحكمو السودان الكبير ده ؟
ما اظن ... هم ماقادرين يحددو منو رئيس حركة تحرير السودان
الاتين عاملين فيها رؤوساء ومايفي واحد عايز يتنازل لاخوه ..
ونعيش ونشيف ..
|
Post: #6
Title: Re: أهـا ..رأيكـم شنـو؟
Author: ابراهيم بقال سراج
Date: 12-08-2005, 01:03 PM
صباح احمد
البشير حكم السودان وكل من هب ودب بقوا وزراء وحكام في حكومة البشير ,, خليل ابراهيم
مني اركوي , عبدالواحد محمد نور ,, ناقصهم شنو انو يحكموا السودان ؟؟
|
Post: #7
Title: Re: أهـا ..رأيكـم شنـو؟
Author: nour tawir
Date: 12-09-2005, 09:21 AM
Parent: #6
صباح..
كدى خلى السياسة دى شوية..
وتعالى قولى لى رايك فى (المسكوت عنه فى شئون البيت السودانى)..
|
Post: #8
Title: Re: أهـا ..رأيكـم شنـو؟
Author: صباح احمد
Date: 12-09-2005, 11:27 AM
Parent: #1
لكل من قال رائه
شكرا علي المرور
غير ان ابراهيم بقال سأل سؤال يتعلق بماذا ينقص عبد الواحد محمد نور واركو مناوي وخليل ابراهيم ليحكموا السودان
فأجيب بان ما ينقص هؤلاء هو القبول
فلننتظر الانتخابات فاذا ما اختارهم الشعب ببقي ما في كلام
تخريمـة
من الذي قال لك اننا او _انني_ راضية\ون عن حكم البشير او عن اداء حكومته ووزرائه؟
|
Post: #9
Title: Re: أهـا ..رأيكـم شنـو؟
Author: معتز تروتسكى
Date: 12-09-2005, 01:24 PM
Parent: #8
صباح احمد(صبوحة)
| Quote: أهـا ..رأيكـم شنـو؟ |
يازوله رائي شنو مافى شيتا ذاتو يتساهل التفكير والنقه..
جينا نسلم عليك ونشوف اخبارك وصحتك
نعلك طيبه ..
وكيف الشباب سلامى اليهم جميعا..
وقيلى بعافية..
|
|