يا ناس يا ناس البنبر الباندودث وينو ....اكلو الـــــــــــدودو؟؟

يا ناس البنبــــر ســـلام

لدي استفسار فني وانتم اهل الدار واستفساري يتعلق باختفاء ست صور مختلفة لقصر احدى اخوات السفاح البشير بحي كافوري.... وان كان السبب هو نفاد الباندودث فلماذا لا زالت العشرات من البوستات تعج بالصور ولم تختفي الصور فيها؟؟... وان كان الامر كرامة من كرامات الرساليين في الخرطوم حجبت هذه (الترهات والتطاولات) من المارقين امثالي فلله الحمد والله اكبر وجاهزين جاهزين لحماية الدين وسير سير يا بشير ؟؟
محبتي واحترامي


هشام هباني

هشام
مساء الخير
ما تنسى كمان سمعنا انو اخونا ( بكرى ابو بكر ) فى السودان !!! و اخشى اكون برضو اكلو( الدودو ) او ود ( امبعلو ) !!!!!
عبدالماجد

عبد الماجد اخوي

مساك الله بالخير

والله كلامك ده تب شفقنا علي اخونا بكري لو كان جد جد في السودان ابقى الموضوع فيه (انـة) كبيرة...القصة ما قصة باندودث.... القصة معناها فيها زرزرة وفيها امكن بيوت اشباح.........عشان كده يا جماعة اتروا لينا اخونا بكري ده وطمنونا عليه؟؟؟

الله اكضب الشينه و حكاية بيوت الأشباح دى !!!! الله استر !!!!

تحية طيبة للجميع

السيد / هشام هبانى ،

Quote: وان كان الامر كرامة من كرامات الرساليين في الخرطوم حجبت هذه (الترهات والتطاولات) من المارقين امثالي فلله الحمد والله اكبر وجاهزين جاهزين لحماية الدين وسير سير يا بشير

ايوا بالضبط كده

طيب نرجع للجد

ان ما تفعله انت الان هو اهدار للباندوث بحق ، فان كنت حريصا عليه

فارحم الباندوث ، و لا تفتح اربعه خمس بوستات على نفس الموضوع

الصور التى ادرجتها لا علاقة لها بسودانينز اون لاين دوت كوم، فالصور مرفوعة

عبر موقع imgup و يبدو ان اشتراك فى ذلك الموقع

مجانى (ارجو تصحيحى ان كنت مخطئا)

تعريف الباندويث ْBandwidth هو

Quote: The amount of data that can be passed along a communications channel in a given period of time

و للمزيد يمكنك الرجوع الى هذا الرابط

في ما يختص بموقعيّ سودان فور أوول وسودانيات...


طيب لماذا اختفت الصور ؟


بما ان اشتراك فى موقعimgup مجانى ، فان الموقع يعطيك مساحة باندوث شهرية

بمقدر 250mb

و لو اخذنا صورة واحدة و افترضنا ان حجمها مثلا 100 كيلو بايت

و موضوعك انظـــروا لهذا القصر المنيف لاحدى شقيقات السفاح البشير بحي كافوري؟؟

مر عليه ما يفوق الـ4080 زائر فبحسابها نجد ان

100 * 4080 = 408000

و الباندوث المعطى لك هو 256000

اى انك تجاوزت المسموح لك بما يقرب الضعف ، و لذلك اختفت الصور

هذا و الله اعلم

تحياتى

الاستاذ/ محمد الامين

صباحاتك بالف خير


كتر خيرك علي المعلومات المفيدة جدا..... ولكن ما الحل بالله ساعدني في ارجاع الصور الى مكانها مثلها ومثل الصور الاخري الباقية في البوستات الاخرى وانا لست املك اي خبرة ودراية في مثل هذه الامور الفنية ويبدو انك من اهل العلم بذلك ولك يا اخي مطلق التصرف في ذلك وانااعطيك الاذن في هذا الامر في ان تعيد لي الصور في مكانها ولا ضرر ولا ضرار مع فائق شكري واحترامي واعتذاري عن هذه الاخطاء الفنية رحمة بالباندودث ... ولا يضيع الله اجر من احسن عملا..

السيد / هشام هبانى

سلامات ..

استاذ دى كبيرة على ، بالكتير بكون فى عمر اخوك الصغير

و لو الصور عندك ، يا ريت ترسلها لى على الايميل الموجود فى البروفايل

تحياتى