..حالف عليه بالطلاق مايحتفل بعيد الإستغلال..!!!!!!

تصحيــــــــح ( بعيد الإستقلال) ....
مدخل ..
التحية لشعبنا العظيم بعيد الإستقلال الذهبى (50) عاما....
النص (حوار)
قابلته وهو يهم بالخروج فى عجالة من أمره أوهكذا دأبى به،
يلف عمامته فى غير إكتراث ،،
**عم (جاد) عام جديد وأنت جديد..؟
رمقنى بنظرة حادة مثبتا مقلتيه على يمناى التى تحمل (صورا للمناسبة)
* قال (أسمع جاى وأقيف بيجاى،، أنا فلان ود فلان قمر ضواى ،
ود جاد كريم ، فتاش المحن جبار الكسور ، تحرم عليهو نفيسه بت حاج
على ود اللمين كفال اليتيم،، ما أحتفل بعيد الإستقلال...!!)
** قلت ..معنى ذلك يا عم جاد إنت لم تحتفل قط بعيدالإستقلال منذالإستقلال.؟
* قال ( أنا ياما إحتفلت ولبست الجديد عندما كان السودان جديد..)
** قلت أفو الكلام فى بطنه فى شغل ..!!!
* قال أمشوا أمشوا إحتفلوا بيهو براكم ..براكم.. أماأنا فإحتفالى
برااااى بعرفو ،، يا ولدى أنا بسال الله أعيش عشان أحتفل إحتفال الأبطال
إحتفال الشرفاء إحتفال الشهداء إحتفال ما فيهو نفاق أو رياء إحتفال مع أهل النقاهة
والصفاء..ما احتفلت يومامع من يخون..لقد طالت بى السنون وأنا أرغب من تراجع ومن
يهون،، وغدا تسطع شمس المنون وأحتفل بالبلد الحنون حيث لا دهان ولا بخور.... إنتهى

هل من مداخلة أوتعليق على قول عم جاد ... محمد مختار ..