Post: #1
Title: سجيمآآآآآآآآآآآن ,,,,,,,,,,, التمبلولولولولولولو..
Author: نجود حسن عبد الرحمن
Date: 12-01-2005, 04:51 AM
والله يابكرى نورت الخرتوم .. هى اصلا منورة بشمشة الحارقة ديك لكن انت زى مابقول الشاعر
بنستميح الشمش عزر عشان نديها شعاع زيادة
مع انها ماناقصة اشعه
اها وبتشريفتك الخرتوم دى والله اتبسطنا شديد ولو كنا عارفين كان جينا استلمناك من الاير بورت لكن مامشكلة بنودعك فيهو ,,, بس عشان نقول دخلنا المطار نكون صادقين لمن نحلف
اها دة كلو كوم وقعادك مع سجيمان الرميدان مع ست الشاى دة كوم تانى
اسى عليك الله ياسجيمان مابتخاف الله زول جاى من بلاد العم سام وحالق الحلاقة الماخمج ديك المابعرفة حلاقة ولا وراثة توديهو تقعدو قدام ست الشاى فى المكان اب همبريب بارد داك والله يابكرى اخدة منى نصيحة لوجة الله تعالى .. تبارى سجيمان دة بكرة تلاقى رقبتك فى سوق الناقه امس غايتو انا شايفاهو راكب المواصلات البتودى السوق المزكور فى اول السطر ,,
لكن احى انا.. ارجع واقول لو كت عرفت مكان ست الشاى كانت بى وين كان جيت شربت لى كباية وسلمت بالمرة ,, غايتو ياسجيمان جنس غتاتة عليك كان توصف لى كت جيت انشاء الله توصف لى بالتكسى الواقف دة ولا بى اكياس النايلون المفرشة فى الارض دى كت عرفت البكان
طوالى .
|
Post: #2
Title: Re: سجيمآآآآآآآآآآآن ,,,,,,,,,,, التمبلولولولولولولو..
Author: محمد الامين احمد
Date: 12-01-2005, 06:26 AM
Parent: #1
سلامات ...
انا غايتو مبسوط من الاتنين الفى الصورة وره ديل (واحد قاعد فى الكرسى
و التانى متكى عليهو) ، ماخدين وضعية حقت تصوير ميه ميه 
لو شافو البوست ده برسل ليهم سلامى
و التحية للناس الدايره تشرب شاى دى 
وشكر نجود على البوست
|
Post: #3
Title: Re: سجيمآآآآآآآآآآآن ,,,,,,,,,,, التمبلولولولولولولو..
Author: عنيده
Date: 12-01-2005, 07:04 AM
Parent: #1
نجود حبيبه كيفك
انا عرفت بكري وسي جي اها
دي ناديه ولا انتي
وتعالي وريني
سجيماااااااااااااااااااان عرفتها
لكن التمبللولو دي شنووووووو
|
Post: #4
Title: Re: سجيمآآآآآآآآآآآن ,,,,,,,,,,, التمبلولولولولولولو..
Author: سجيمان
Date: 12-01-2005, 07:18 AM
Parent: #3
عنيدة
| Quote: لكن التمبللولو دي شنووووووو |
تمبللولو ..و..فرحت امو.....
|
Post: #5
Title: Re: سجيمآآآآآآآآآآآن ,,,,,,,,,,, التمبلولولولولولولو..
Author: نجود حسن عبد الرحمن
Date: 12-01-2005, 07:45 AM
Parent: #3
Quote: انا عرفت بكري وسي جي اها
دي ناديه ولا انتي |
عنيدة البريدة
ياريت لو كت ندوية
كان على الاقل سلمت على منى وشربت لى منها كباية شاى
Quote: وتعالي وريني
سجيماااااااااااااااااااان عرفتها
لكن التمبللولو دي شنووووووو |
والله لقيتة مناسبة مع سجيمان قمت كتبتها
وسجيمان رداها ليك
|
|